Жаңалықтар

Қызылорда облысының Шиелі ауданында денесі канал суынан табылған қыз баланың өліміне қатысы бар күдікті ұсталды.

Облыстық полиция департаменті күдікті сол ауданның тұрғыны екенін айтты. Қазіргі уақытта ол қамауда отыр.

«Күдікті ұсталып, сот санкциясымен қамауға алынды. Қазіргі уақытта оқиғаның барлық мән-жайын анықтауға бағытталған жедел тергеу іс-шаралары жүргізіліп жатыр. Тергеу мүддесіне байланысты сотқа дейінгі тергеп-тексеру деректері жария етілмейді, – деді департаменттің тергеу басқармасы бастығының міндетін атқарушы Асылбек Бексейітов.

Істің толық мән-жайы тергеу амалдары аяқталғаннан кейін белгілі болады.

Айта кетейік, 3 маусымда Шиелі ауданының тұрғыны полицияға каналдан қыздың мәйіті табылғанын хабарлады. Адам өлтіру дерегі негізінде қылмыстық іс қозғалды. Туыстары...

Қытай Семейдегі жаңа көпір құрылысына грант түрінде қаржы бөлуден бас тартты. Бұл туралы Абай облысы әкімінің орынбасары Серік Төленбергенов Instagram парақшасында хабарлады.

2025 жылдың тамыз айында екі ел техникалық-экономикалық ынтымақтастық туралы келісімге қол қойған. Аталған құжат аясында Қытай Халық Республикасы 200 млн юань (14 млрд теңгеден астам) көлемінде өтеусіз көмек көрсетуі тиіс болған. Қазақстан үкіметі бұл гранттың бір бөлігін Семейдегі жаңа көпір құрылысын аяқтауға бағыттауды мақұлдаған еді. Алайда Серік Төленбергеновтің мәліметінше, Қытай тарапы бұл жобаға қаржы бөлуден бас тартқан.

«Қытай тарапы аталған жобаның қайтарымсыз көмек аясында іске асырылатын жобаларға қойылатын талаптарға сәйкес келмейтіні туралы...

2026 жылғы Футболдан әлем чемпионаты басталмай жатып, үлкен саяси даудың ошағына айналды. Дүбірлі доданы қабылдаушы елдердің бірі АҚШ Иран ұлттық құрамасының ресми өкілдеріне виза беруден бас тартты. Бұл шешім спорт қауымдастығы мен дипломатиялық шеңберде үлкен наразылық тудырды.

«Әлем чемпионатының дәрменсіз ұйымдастырушысы – АҚШ өз міндеттерін тиісті деңгейде атқара алмай отыр. Біз FIFA қонағымыз, сондықтан барлық қатысушылардың виза алуын қамтамасыз ету ФИФА-ның тікелей міндеті. АҚШ Әлем чемпионаты қарсаңында Иран ұлттық футбол құрамасының ресми тұлғаларына виза беруден бас тартты», делінген Иранның футбол федерациясының хабарламасында.

АҚШ елшілігі Иран құрамасының барлық футболшылары мен бапкерлер құрамына виза мақұлдағанымен, делегацияның әкімшілік...

2018-2025 жылдар аралығындағы ЖӨӨ ( жалпы өңірлік өнім) динамикасы Қазақстан экономикасында маңызды өзгеріс жүріп жатқанын көрсетеді. Бір қарағанда көшбасшылар сол қалпында қалғандай. Бірақ өңірлердің орын ауыстыруына қарасақ, ел экономикасының салмағы біртіндеп ірі қалалар мен агломерацияларға қарай ауып барады.

Алматы абсолют көшбасшы, Астана қарқыны қатты

Алматы қаласы рейтингте әлі де абсолют көшбасшы. 2018 жылы да бірінші орында болды, 2025 жылы да бірінші орнын сақтап қалды. Қаланың ЖӨӨ көлемі 2025 жылы 71,5 млрд долларға жетті. Бұл – елдегі ең ірі экономикалық орталық әлі де Алматы екенін көрсетеді. Қаржы, сауда, қызмет көрсету, құрылыс және тұтыну нарығы қала экономикасын алға сүйреп отыр.

Е...

Көпқабатты үйлердің жанынан өрт сөндіру техникасы үшін арнайы алаң салу жоспарланып отыр. Бұл туралы Премьер-министр Олжас Бектенов айтты.

Еске сала кетейік, 15 сәуірде Мәжіліс депутаты Олжас Құспеков шұғыл қызметтердің жолын бөгемес үшін «Fire Lane» дәліздерін енгізуді ұсынған еді. Оның арқасында өрт сөндіру қызметкерлеріне сыртқы жағдай қиындық тудырмай, өз жұмыстарын жедел түрде атқаруға мүмкіндік беріледі.

Депутаттық сауалға берген жауабында Бектенов қазіргі уақытта өрт сөндіру көліктерінің кіріп-шығуына қойылатын талаптар «Өрт қауіпсіздігіне қойылатын жалпы талаптар» техникалық регламентімен реттелетінін айтты.

«Биіктігі 28 метрге дейінгі көппәтерлі тұрғын үйлерге өрт сөндіру көлігінің өтуі бір жағынан, 28-ден 75 метрге дейінг...

Павлодарда Назарбаев зияткерлік мектебінде оқитын 13 жастағы Әмірхан Асанов Threads желісінен айына 200 мың табады. Ол үшін күнінен жарты сағат қана уақыт жұмсайды деп жазады Digital Business.

Бір посты 3 минутта жазады

Әмірхан бастапқыда ТикТок пен Ютуб үшін UGC-контент дайындаған. ЖИ арқылы қысқа видеолар дайындап, жариялайтын. Кейде мектеп оқушыларына пайдалы сайттар мен тренингтерге шолу жасайды. Оның бейнежазбалары тез таралып, миллиондаған қаралым жинай бастайды. Осыдан кейін Әмірхан ол ресурсты монетизациялауды ойлайды.

Осы кезде оған IELTS емтиханына дайындайтын орталықтардың бірінен ұсыныс түседі. Оқушы олар үшін Threads-ке пост жазып, оған платформаның нативті жарнамасын да қосады. Сол жазбадағы сілтеме арқылы оқырман платформаға...

Салық органдары Қазақстанның әр азаматының тапқан табысы, кірісі мен шығысы, жұмсаған ақшасы жайлы егжей-тегжей ақпарат жинап, бақылап отыр. Салықшылар әйтеуір бір күні кірісің мен шығысыңдағы айырманың себебін сұрап, салық төлегеніңді талап етеді. Салық сарапшысы және Кәсіпкерлерге көмек көрсету республикалық орталығының директоры Дмитрий Казанцев бұл туралы KAST подкастында айтты.

«Егер жұмсаған қаржы мен шығыныңыз ресми жалақы, жеке кәсіпкерліктен түсетін табыс және бизнестің иесі ретінде алатын дивидендіңізден аз болса, сізде салық органдарының шаруасы болмайды. Ал егер айлық жалақыңыз ресми түрде 85 мың теңге бола тұра, жылына 5 млн теңгеден аса ақша жұмсасаңыз, осы жерде...

Тынық мұхиты жағалауында орналасқан бірқатар мемлекетте жойқын жер сілкінісінен кейін цунами қаупі төнді. Германияның геофизикалық ғылымдар зерттеу орталығының (GFZ) хабарлауынша, жерасты дүмпулерінің ошағы 10 шақырым тереңдікте орналасқан.

Сейсмологиялық орталықтар жер сілкінісінің қуатын әртүрлі бағалап отыр. Индонезия метеорология қызметі жер сілкінісінің қуаты 7,7 балға тең екенін хабарлады. Phivolcs (Филиппин агенттігі) магнитуданы 7,0 деп көрсетіп, биіктігі бір метрден асатын және бірнеше сағатқа созылуы мүмкін цунами толқындары мен елеулі қираулар қаупін ескертті.

Филиппинде жерасты дүмпулері осымен екінші күн қатарынан тіркеліп жатыр.

Цунами қаупі төнген аймақтар

БАҚ мәліметінше, жер сілкінісі Гонолулуда да (Гавай аралдары) сезілген. Қазіргі таңда Тынық мұхиты жағалауы бойында орналасқан елдер...

Apple компаниясының болашақ жиналмалы смартфоны iPhone Ultra (немесе iPhone Fold) дизайнын көрсететін рендерлер жарияланды. Сарапшылардың пікірінше, бұл бастапқы бағасы 2000 доллардан асатын премиум модель болмақ. Толық ашылғанда ол шағын планшет деңгейінде жұмыс істейді.

Суретті блогер әрі инсайдер Сонни Диксон X әлеуметтік желісінде жариялады. Ол мұны «iPhone Fold макетіне алғашқы көзқарас» деп атады.

Алдын ала мәлімет бойынша, алғашқы жиналмалы iPhone тек бір ғана – ақ түсте шығарылады.

«iPhone Fold макетіне алғашқы көзқарас. Apple компаниясы бірнеше түсті ұсынбайтын сияқты , әзірге қолда бар ақпаратқа сәйкес, жалғыз нұсқа ақ түс болып отыр», – деп жазды инсайдер.

Freedom Holding Corp. компаниясының АҚШ-тағы Freedom Capital Markets (FCM) бөлімшесі 2026 қаржы жылында өз географиясын кеңейтіп, қазіргі уақытта АҚШ-тың 35 штаты мен Колумбия округінде жұмыс істеп жатыр. Бір жыл бұрын компанияның тек 32 штатта брокерлік қызмет жүргізуге лицензиясы болған еді. «Курсив» басылымы Freedom-ның Америкадағы бизнесімен жақынырақ танысып, Wall Street-тің қақ ортасында орналасқан әйгілі NYSE биржасынан қор нарығының нағыз тыныс-тіршілігі мен лебін жеткізу үшін Нью-Йоркке арнайы барып қайтты.

Freedom Holding Corp. компаниясының жылдық есебіне сәйкес, FCM кіретін брокерлік сегменттің көрсеткіштері айтарлықтай өскен. 2026 қаржы жылының қорытындысы бойынша брокерлік сегменттің жалпы түсімі 2025 жылғы 717,3 млн доллармен салыстырғанда 16%-ға немесе 114,2 млн...

6 маусымда БЖЗҚ зейнетақы қаржысын шешіп алуға қатысты жеткілікті шегін екі есе көтерді. Енді 20 жастағы қазақстандық қордан қаржысын шешіп алғысы келсе, ол зейнетақы қорына 6,6 млн теңге, ал 30 жастағы ересек 9,7 млн теңге жинап үлгеруі керек. Бірақ бұл шешім барлығына бірдей ұнай қойған жоқ.

Әлеуметтік желі қолданушылары БЖЗҚ шешіміне наразы болып, ондай көлемде зейнетақы қорын жинап үлгеру мүмкін еместігін айтады.

Кейбір қазақстандықтар жеткілікті шекке жететіндей қаржы жинауға қазіргі жалақының өзі мүмкіндік бермейтінін айтады. Әсіресе, мемлекеттік қызметте істейтін азаматтар аз жалақымен ол тіпті мүмкін емес деп шағымданады

Көпшілік қазақстандықтар енді зейнетақы қорындағы қаржыны ипотека алуға, тіс емдеуге жинай...

Қарағанды облысында болған жол апатынан көкшетаулық «Елімай» клубының 29 жастағы футболисі әрі «Скаут» балалар командасының бапкері Илья Буртовой қаза тапты.

Өңірлік полиция департаментінің мәліметінше, апат 6 маусым күні Абай – Қарағанды тасжолында, Дубовка кентіне таяу жолдың 1-шақырымында болған.

«Chevrolet Cobalt» автокөлігінің 21 жастағы жүргізушісі рөлге ие бола алмай, қарсы бағытқа шығып кеткен. Соның салдарынан 44 жастағы азамат тізгіндеген «Opel Vectra» көлігімен соқтығысқан. Жол апатынан «Chevrolet Cobalt» жүргізушісі мен оның екі жолаушысы жарақат алып, ауруханаға жеткізілді.

Илья Буртовой ауыр халде көпбейінді ауруханаға жатқызылған еді. Алайда оны аман алып қалу мүмкін болмады.

Қарағанды облысының полиция департаменті жылдамдықты шамадан тыс асыру, қарсы бағытқа...

NVIDIA компаниясы гуманоидты роботтар шығарып, дата-орталықтар салмақшы. Бұл туралы компания бас директоры Дженсен Хуанг мәлімдеді деп жазады Reuters.

Робот шығару үшін NVIDIA оңтүстік кореялық LG Group компаниясымен серіктес болмақ.

«Біз гуманоидты робототехника мен роботтардың болашағын бір арнаға тоғыстырғымыз келеді. Қазір LG Group-пен қозғалтқыш технологиялары, сондай-ақ механикалық жүйе бойынша жұмыс істеп жатырмыз», – деді Хуанг LG Group төрағасы Ку Куанг Момен өткен кездесуден кейін тілшілерге берген сұхбатында.

Деректер орталығын салуда да LG-мен серіктес болмақшы.

Гуманоидты роботтар – сыртқы пішіні, дене мүшелері тіпті қозғалысына дейін адамға ұқсас болатын антропоморфты машиналар. Оларды тұрмыста да, өндірін орындарында да...

8 маусымнан 9 маусымға қараған түні футболдан Нидерланды мен Өзбекстан ұлттық құрамалары жолдастық кездесу өткізеді. Бұл ойын қос команда үшін де 2026 жылғы әлем чемпионатының алдындағы соңғы және ең маңызды дайындық кезеңі болмақ.

Матч қайда өтеді?

Тартысты бәсеке Нью-Йорк қаласындағы 5 000 көрерменге арналған «Икам» стадионында өтеді. Ойынның басталуы Қазақстан уақытымен 23:45-ке жоспарланған.

Жанкүйерлер ӘЧ-2026 қарсаңындағы бұл маңызды кездесуді тікелей эфирде тамашалай алады: Ойынның трансляциясы сағат 23:45-те Qazsport телеарнасында басталады. Өзбекстанда матч дәл осы уақытта Futbol TV арнасы арқылы тікелей эфирде көрсетіледі.

Еске сала кетейік, бұған дейін Өзбекстан құрамасы Канадамен жолдастық кездесу өткізіп, 2-0 есебімен есе...

Қазақстандықтар зейнетақы жинағының жеткіліктілік шегі енгізілгеннен бері Бірыңғай жинақтаушы зейнетақы қорынан (БЖЗҚ) өте ірі көлемде ақша пайдаланды. Тұрғын үй жағдайын жақсартуға 4,9 трлн теңге, емделуге 985,3 млрд теңге бағытталды. Айта кетейік, БЖЗҚ-дан зейнетақы жинағының бір бөлігін мерзімінен бұрын шешу 2021 жылы басталды.

Жалпы екі бағыт бойынша алынған қаражат 5,9 трлн теңгеге жуықтады. Ақша соңғы жылдары тұрғын үй нарығын, ипотека, құрылыс секторы және халықтың тұтынуын қолдаған маңызды фактор болды.

Бірақ жағдай өзгеріп жатыр. Өткен аптада БЖЗҚ жеткіліктілік шегін күрт өсірді. Жас санатына қарай шек шамамен 1,7–1,9 есеге дейін, ал кейбір санаттарда екі еседен артық көтерілген.

Illumination, Nintendo және Universal студиялары бірлесіп шығарған «Супер Марио: Галактикалық кино» анимациялық фильмі 2026 жылғы әлемдік прокатта кассалық табысы 1 млрд доллардан асқан алғашқы туынды атанды.

Variety жазуынша, фильм прокаттың оныншы аптасында осындай нәтижеге жетті. Жобаның бюджеті шамамен 110 млн долларды құрады. Осындай қомақты табыс аясында мультфильм жылдың ең табысты релиздерінің біріне айналып отыр.

Жаңа туынды жарыққа шыққаннан кейін, Супер Марио туралы жобалардың жалпы кассалық табысы 2 млрд доллардан асты.

БАҚ мәліметтері бойынша, франшиза кассалық табыс көлемі жөнінен тоғызыншы орынға тұрақтап, әлемдегі ең ірі он анимациялық серияның қатарына енді.

Айта кетейік, «Супер Марио: Галактикалық кино» Nintendo  компаниясының  Mario бейнеойындар сериясына...

Танымал әнші Еркеш Хасен жеке өміріндегі өзгерістер мен бұрынғы некесінен кейін өзіне және отбасына бағытталған сын-пікірлерге қатысты алғаш рет жауап берді. Ол отбасылық құндылықтар мен баласының болашағы үшін көп нәрсені жария еткісі келмейтінін жеткізді.

«Таяқтың екі ұшы бар»

Әншінің айтуынша, кез келген ажырасу процесінде екі жақтың да өз шындығы болады, алайда ол бұрынғы жарының абыройын түсіргісі келмейді.

«Таяқтың екі ұшы болады. Мен де сұхбатқа шығып, «ал сендер білесіңдер ме?» деп айта алар едім. Бірақ ол менің баламның анасы, онымен де жақсы күндер сүрдім ғой», – деді Еркеш Хасен.

Еркеш Хасен қоғам тарапынан болатын қысымны...

АҚШ президенті Дональд Трамп Ирандағы жоғары байытылған уранды бейбіт келісімге қарамастан жоюды көздеп отыр.

NBC News телеарнасына берген сұхбатында АҚШ президенті келісім жасалған жағдайда Вашингтон жұмысты Иран билігімен бірлесіп жүргізетінін айтты.

«Егер келісімге келсек, біз дос боламыз және бұл іске бірге кірісеміз. Қолданылатын жабдық біздікі болады. Уранды алып шығып, жоямыз, оны не сол жерде жоямыз, не басқа жерге тасымалдаймыз», – деді Трамп.

Оның сөзінше, егер келіссөздер нәтиже бермесе, Вашингтон мәселені басқа жолмен шешуге дайын.

«Егер келісім болмаса, мәселені әскери жолмен өте қатаң түрде шешеміз», – деді АҚШ президенті.

Сегізінші буындағы Toyota Camry нарықтағы, соның ішінде Қазақстандағы ең сенімді седандардың бірі саналады. Дегенмен XV70 индексімен шығарылған жапондық моделдің иелері оның бірқатар әлсіз тұстарын да анықтаған. 100 мың шақырымға дейін жүрген көліктерде жиі кездесетін ақаулар туралы «За рулем» журналы жазды.

Camry қандай артықшылықтарымен бағаланады

Көп жүргізушілер Toyota Camry-ді жайлы аспасы, жақсы динамикасы және жоғары сенімділігі үшін жоғары бағалайды. Сонымен қатар кең салоны мен көлемі 500 литр болатын жүксалғышы да артықшылықтарының қатарына жатады.

Алайда көліктің кемшіліктері де жоқ емес. Жүргізушілер көбіне жол саңылауының (клиренс) төмендігіне шағымданады. Өндіруші көрсеткен 155 мм клиренс көлікке жолаушылар мен жүк тиелген кезде...

Арыс қаласында көлік тізгіндеген 52 жастағы әйел жер үйдің қоршауына соғылып, үйдің алдында отырған бірнеше адамды басып кетті. Оқиға салдарынан 4 адам, оның ішінде екі кішкентай бала қаза тапты. Қайтыс болған әйелдердің бірі жүкті болған.

Тағы екі адам ауыр жарақаттармен ауруханаға жеткізілді.

Көлікті рулінде 52 жастағы Бибінұр Қасымова болған. Әлеуметтік желіде тараған ақпаратқа сәйкес, әйел мектепте жұмыс істейді, ал бос уақытында таксист болып жұмыс істейді.

Сараптама қорытындысы анықтағандай, әйел көлікке мас болып отырған. Ол «абайсызда жасалған қылмыс» бабымен ең көбі 10 жылға, ең азы 7 жылға бас бостандығынан айырылуы мүмкін.

Айта кетейік, Алматыда әл-Фараби көшесіндегі 3 адамның өмірін қиған...

2026 жылы елде 23,8 млн гектар жерге егін егілді, бұл 2025 жылғымен салыстырғанда 180 мың гектарға артық.

Негізінен дәнді дақылдар мен майлы дақылдар егілген:

Қазақстанның негізгі астық егетін өңірлері Ақмола, Солтүстік Қазақстан және Қостанай облыстары болып қала береді. Мәселен, СҚО-да егіс алқабы 4,3 млн гектарды құрады. Ал Ақмола облысында жалпы...

Сабина Мовлаева Динара Сәтжанға берген сұхбатында әнші Димаш Құдайбергенмен бірнеше рет кездесуге барғанын айтты.

Сұхбат барысында Сабина Димашты өте жақын танитынын және олардың арасындағы таныстық бала кезден басталғанын жеткізді.

«Димашты өте жақын танимын. 10-11 жасымызда Ақтөбедегі филармонияға бірге баратынбыз. 8 жылдай бірге жұмыс жасадық, көрші болдық. Жасырмаймын, кейін де екеуіміз бірнеше рет кездесуге шыққанбыз», – деді блогер.

«Қазір жазсам, шулап кетер»

Алайда Сабина бұл кездесулер баяғыда, жас кезде болғанын атап өтті. Қазіргі таңда Димашқа хабарласудан тартынатынын да жасырмады.

«Қазір емес, әрине, атақты болғанға дейін болды ол нәрсе. Қазір оған жазатын...

«Азаматтық келісім» партиясы Арменияда өткен парламент сайлауында жеңіске жетті. Бұл туралы елдің премьер-министрі және партия көшбасшысы Никол Пашинян мәлімдеді.

«Бұл тарихи жеңіс Армения Республикасының тұрақтылығы мен дамуына кепілдік береді. Бізде мығым институционалды әлем болады», – деп мәлімдеді Пашинян.

Дегенмен Орталық сайлау комиссиясы Пашинян мәлімдеме жасаған кезде бюллетендерді санап бітпегенін айту керек. Оған қарамастан ел премьер-министрі партиның жеңіске жетуі үкіметті өз бетінше жасақтауға мүмкіндік беретінін атап өтті.

Еске салайық, 7 маусымда Арменияда кезекті парламент сайлауы өтті. Сайлауға 16 партия мен 2 блок қатысты.

Дания құрамасының жартылай қорғаушысы Кристиан Эриксен Украина командасына қарсы өткен жолдастық кездесуде есінен танып қалды. Бұл туралы Дания футбол одағы ресми мәлімдеме жасады.

Ойынның екінші таймында 34 жастағы футболшы кенеттен жүрегін ұстап, алаңға құлаған. Дәрігерлердің жедел көмегінен кейін спортшы есін жиды.

«Кристиан Эриксен есін жиды, өзін жақсы сезініп тұр», – делінген Дания футбол одағының ресми хабарламасында.

Ойын 2:1 есебімен даттықтардың пайдасына болып жатқан еді. Екі жақтың келісімі бойынша үзілген матч толығымен тоқтатылып, кейінге шегерілмейтін болды.

Айта кетейік, 2021 жылдың маусым айында Еуропа чемпионаты аясында өткен Дания – Финляндия матчында Кристиан Эриксеннің жүрегі тоқтап қалған ед...