Жаңалықтар

Қызылорда облысы әкімі болып тағайындалған экс-депутат, «AMANAT» партиясы фракциясының мүшесі Мұрат Ергешбаевтың депутаттық өкілеттігі мерзімінен бұрын тоқтатылды.

«Қазақстан Республикасы Парламенті Мәжілісінің депутаты Мұрат Ергешбаев Қызылорда облысының әкімі болып тағайындалды. Осыған орай, Қазақстан Республикасы Орталық сайлау комиссиясы ҚР Конституциясының 52-бабына сәйкес, сондай-ақ «ҚР Парламенті туралы» ҚР Конституциялық заңына байланысты 3.8-тармағының 24-бабына байланысты ҚР Парламенті Мәжілісі депутатының өкілеттігін мерзімінен бұрын тоқтату туралы мәселені шешу туралы ұсыныс енгізеді», – деді ОСК хатшысы Шавхат Өтемісов Парламент Мәжілісінің жалпы отырысында.

Палата отырысында депутаттың өкілеттігін тоқтату жөніндегі қаулы қабылданды. Мәжіліс төрағасы Ерлан Қошанов белсенді жұмыс атқарған Мұрат Ергешбаевқа алғысын білдірді.

Мұрат Ергешбаев...

Мәжілістің папкасына тілек жазып, әйелін арнайы құттықтап көптің сынына ұшыраған депутат Дәулет Мұқаев өз ісін әбестік көрмейді. Ол Kursiv.Media тілшісіне пікір білдіріп, әрекетін түсіндірді.

«Даудың басы Дайрабайдың көк сиыры секілді, даудың басы Дәулеттің көк папкасы болып кетті. Бұл ешқандайда ресми құттықтау емес. БАҚ-та Парламент атынан құттықтады деп тақырып қойып жатыр ғой. Шындығында, олай емес. Парламент қабырғасында жүрген әр әріптесіміздің қолында ақ папка, көк папка бар. Ол папка менің қолымда да жүр, ішіне құжаттарым салынған. Мен дизайнын жасаттым, қағаздан басып шығардым, соған 5000 теңге төледім де осы папкамен құттықтадым, болды», – дейді ол.

Мұқаев әрекетін...

Ұлттық қауіпсіздік комитеті іздеуде жүрген Қазақстанның төрт азаматын елге қайтарды.

«2026 жылдың 7 және 12 мамырында шетелдік елдерден ҰҚК арнайы жасағының конвойымен террористік қылмыс жасады деген күдікпен республикамыздың төрт азаматы елге жеткізілді», – делінген ақпаратта.

Күдіктілер ұзақ уақыт бойы шетелде жасырынып жүрген. Оларға қылмыстық істер шеңберінде тергеу әрекеттері жүргізіліп жатыр.

Комитет бұған дейін Астана мен Алматыда азаматтардың жеке деректерін заңсыз сатып келген қылмыстық топ ұсталды. 

«Самұрық-Энерго» холдингі де құнды қағаздарды Қытай валютасымен шығарды. Компания құны 731 млн юань тұратын облигацияларды Astana International Exchange алаңына орналастырды.

Құнды қағаздар AIX-те 6 мамырда жарияланған. Барлығы 731 мың дана. Облигациялар құны 2029 жылғы 10 сәуірде өтелуге тиіс.

Ал 8 мамырда «Қазақстан темір жолы» да 1,18 млрд юаньға құнды қағаз орналастырғанын көріп отырмыз. Айта кетейік, ұлттық компания 2026 жылғы ақпанда 1,6 млрд юань көлеміндегі облигацияны AIX-ке орналастырған.

Қазір Қазақстанда Қытай валютасымен құнды қағаз шығару сәнге айналды. Жақында ғана, 2026 жылғы сәуірде, «Самұрық-Қазына» ұлттық әл-ауқат қоры 3 млрд юань тұратын құнды қағаздарын орналастырған.

Бұның алдында...

«Қазақмыс» корпорациясының нысандарынан 1 тоннадан астам жанар-жағармай ұрлаған күдіктілер ұсталды. Полиция жүргізген тінту жұмыстары кезінде ұрланған жанармаймен қатар ірі көлемде ақша, бірнеше автокөлік, сондай-ақ қару-жарақ пен оқ-дәрілер тәркіленді.

Қылмыстық топ қалай жұмыс істеген?

Тергеу мәліметінше, қылмыстық топ арнайы техникаларға жанармай құйылды деп жалған құжаттар толтырып, отынды заңсыз есептен шығарып отырған.

Бұл іске кәсіпорынның күзет қызметіндегі кейбір қызметкерлер де көмектескен болып шықты.

Ішкі істер министрлігі Ұйымдасқан қылмысқа қарсы күрес департаментінің өкілі Қуандық Алпыстың айтуынша, қазір қаржы құжаттары тексеріліп, келтірілген шығын көлемі есептеліп жатыр. Алдын ала болжам бойынша, шығын көлемі өте ірі мөлшерді құрауы мүмкін.

Бұл...

Таиланд үкіметі 60 күндік визасыз мерзімді 30 күнге дейін қысқартады. Өзгеріс қазақстандық туристерге де қатысты болмақ. Бұл туралы Таиландтың Сыртқы істер министрі Сихасак Фуангкеткеоу мәлімдеді.

«Біздің ойымызша, 60 күн – тым ұзақ мерзім. Кейбір адамдар жеңілдікті туристік емес, басқа заңсыз мақсаттарда пайдаланып жүр. Сондықтан бақылауды күшейткіміз келеді», – деді Таиланд СІМ басшысы.

Айта кетейік, ұсынысты ел билігі осыған дейін әзірлеп қойған. Алайда сайлауға байланысты оны жүзеге асыру кейінге шегерілді.

Сыртқы істер министрінің айтуынша, туристердің елде болу мерзімі, негізінен, 30 күннен аспауы керек, ал виза шарттары сапар мақсатына сай келуге тиіс.

Сихасак өзгерістер тек...

Реал Мадрид пен Испания құрамасының аңызға айналған қорғаушысы Серхио Рамос Севилья футбол клубының жаңа қожайыны атанды.

Танымал журналист әрі инсайдер Фабрицио Романо желідешгі парақшасында 40 жастағы испандық қорғаушы Севильяны сатып алғанын растады.

Келісімшарттың егжей-тегжейі

Келісімнің толық мәліметтері жарияланбады, бірақ бүкіл процесті Рамостың ағасы Рене қадағалағаны белгілі болды. Алдын ала мәліметтер бойынша, сатып алу сомасы 450 млн еуроны құраған. Қазіргі таңда тараптар ресми жарияланым алдында соңғы ұсақ-түйек мәселелерді реттеп жатыр.

Рамос үшін бұл клубтың орны бөлек

Рамос футболдағы жолын дәл осы Севильяда бастаған. Клуб академиясының барлық сатысынан өтіп, 2002 жылы Испанияның жоғары дивизионында алғашқы қадамдарын жасады...

«Отбасы банк» басшысы Ләззат Ибрагимованың мәлімдеуінше, биыл күзде шариғат талаптарына негізделген мүлдем жаңа ипотекалық өнім іске қосылмақ. Бұл туралы ол ҚазАқпарат агенттігінің BIZDIÑ ORTA подкастында айтты.

Жаңа жүйенің құқықтық негізі осы маусым айының соңына дейін заңнамаға өзгеріс енгізу арқылы бекітіледі. Аталған құжат «Отбасы банкіне» исламдық қаржыландыру қағидаттарымен жұмыс істеуге ресми құқық береді.

Осыдан кейін тамыз айында міндетті лицензия алу жоспарланған. Ал бағдарламаның ресми тұсаукесері мен алғашқы қарыз қыркүйек айының соңына немесе 1 қазанға дейін берілмек.

Бағдарламаның басты ерекшелігі – дәстүрлі банк үстемелері мен пайыздық мөлшерлемеден толықтай бас тартатынында.

Ислам қаржы қағидаттары кез келген түрдегі пайыздық сыйақыға (риба) қатаң тыйым салатындықтан...

Сауд Арабиясы Иранға бірнеше мәрте соққы жасады, бірақ оны көпшілікке жариялаған жоқ. Бұл туралы Reuters батыстың екі шенеунігінің айтқандарына сүйене отырып хабарлады.

Бұған дейін Эр-Рияд Иран аумағына тікелей шабуыл жасағаны туралы мәлімет болған жоқ. Соған қарағанда, Reuters дерегінше, Сауд Арабиясы аймақтағы ірі көршісінен қорғану үшін алғаш рет батыл қадамдарға барған сыңайлы.

Екі дереккөздің айтуынша, Сауд Арабиясының әуе күштері Иран аумағын наурыздың аяғында атқылаған. Дереккөздердің бірі Эр-Рияд оны кек алу мақсатында ұйымдастырғанын мәлімдеген.

Ақпарат агенттігі нақты қандай нысандарға шабуыл жасалғанын анықтай алмады. Сауд Арабиясы сыртқы істер министрлігінің өкілі сауалдарға жауап бермеген.

Reuters есептеуінше, осы шабуылдан соң Иранның Сауд Арабиясына...

iPhone 18 Pro жедел жады дағдарысына қарамастан «агрессивті» бағамен шығуы мүмкін.

Агрессивті сауда дегеніміз – нарықта қысқа мерзімде барынша көп пайда табуды көздейтін тәуекелді қадам.

MacRumors ақпаратына қарағанда, соңғы кездері жедел жады микросхемаларының тапшылығы байқалады. Бұл  Android смартфондарын өндірушілерді бағаны көтеруге мәжбүрлеп жатыр.

Бағасы қандай болады

Сарапшылардың пікірінше, Apple бұл жағдайды жаңа iPhone 18 Pro және iPhone 18 Pro Max модельдерін таныстыру кезінде тиімді пайдалануы мүмкін.

Айталық, GF Securities жариялаған аналитикалық жазбада сарапшы Джефф Пу «Apple компаниясы iPhone 18 Pro модельдері үшін «агрессивті баға стратегиясының» арқасында смартфон нарығында жоғары нәтиже көрсетеді» деп болжам айтқан. Бұған дейін ол...

Америкалық Fox Sports телеарнасы мен Indeed жұмыс іздеу платформасы футбол жанкүйерлері үшін ерекше вакансия жариялады. Олар «Футболдан әлем чемпионатының бас көрермені» лауазымына 50 мың доллар жалақы төлемек.

Жұмыс орны – Таймс-сквер

Таңдалған кандидаттың басты міндеті 2026 жылғы Әлем чемпионатының барлық 104 матчын бастан-аяқ көріп отыру. Ойындарды Нью-Йорк қаласының жүрегі Таймс-сквердегі арнайы жабдықталған жерде көру керек.

Көрерменнен «Fox One» телеарнасы арқылы матчтарды қарап қана қоймай, турнир бойы әлеуметтік желілерде контент жасап, оны тарату талап етіледі. Сондай-ақ Fox Sports-тың Таймс-сквердегі трансляциялары кезінде өтетін іс-шараларға қатысуы міндетті.

2026 жылғы Әлем чемпионаты 11 маусым мен 19 шілде аралығында АҚШ, Канада және Мексикада өтед...

Қазақстан маусымда ресейлік порт арқылы тасымалданатын CPC Blend мұнайының экспортын тәулігіне 1,3–1,4 млн баррельге дейін азайтады. Ал мамырда керісінше рекордты 1,7 млн баррель шикізат тасымалдауы керек. Бұған себеп – Қашағандағы техникалық жөндеу жұмыстары деп хабарлайды Bloomberg.

Айта кету керек, Қазақстан Еуропаға мұнай жеткізетін ірі тасымалдаушының бірі, оның 80%-ы Каспий құбыры консорциумы арқылы өтеді.

Қызығы, қазақ мұнайы тасымалын азайтып жатқанда еуропалық мұнай өңдеу зауыттары Парсы шығанағынан келетін шикізатқа балама іздеп жатыр. Қазір Ирандағы соғысқа байланысты Ормұз бұғазынан келетін мұнай тоқтады деуге болады. Соның салдарынан авиакеросин бағасы өсіп, еуропалық әуе компаниялары рейстері тоқтатып жатыр.

Осыған байланысты CPC Blend бағасы күрт...

Ұлттық банк  «ALTYN ORDA» коллекциялық монетасын айналымға шығарады. Аверсіне Бату хан бейнеленген тиын «Есте қалатын оқиғалар мен біртуар адамдар» сериясымен жарық көреді.

Алтын жалатылған күміс монета

Банк мәліметінше, алтын жалатылған монета 925 сынамалы күмістен тұрады. Массасы 62,2 грамм, диаметрі 50 мм. Дайындау сапасы – «proof». Номиналы 2 000 теңгелік. Таралымы – 1 мың дана.

Монетаның нақты қашан сатыла бастайтыны қосымша хабарланады.

Тарихы

«Алтын Орда – XIII-XV ғасырларда Еуразияның саяси, экономикалық және мәдени дамуына елеулі ықпал еткен аймақтағы ең ірі мемлекеттердің бірі» деп сипаттады Ұлттық банк. Ол Шығыс пен Батыс арасындағы тұрақты сауда байланысын қамтамасыз етіп, Ұлы Жібек...

13 мамырда таңертең Ақтөбе қаласының Сәңкібай Батыр даңғылында орналасқан көп қабатты тұрғын үй өртенді. Бұл туралы Төтенше жағдайлар министрлігі хабарлады.

Өрт сөндірушілер оқиға орнына жеткен уақытта қатты түтін шығып жатқан. Құтқарушылар екінші қабаттағы пәтерде 5 шаршы метр аумақта өртеніп жатқан үй жиһаздары мен тұрмыстық заттарды жедел түрде сөндірген.

Олар баспалдақ пен автосаты көмегімен алты адамды, оның ішінде үш баланы құтқарды. Сонымен бірге 72 адам өз бетінше далаға шықты.

Ешкім зардап шеккен жоқ. Өрт неден тұтанғаны анықталып жатыр.

ТЖМ өрт қауіпсіздігі ережелерін қатаң сақтауды ескертеді.

Алматыдағы жекеменшік мектептер жарты жылға жуық уақыттан бері мемлекеттен өздеріне тиесілі төлемді ала алмай келеді. Мектеп құрылтайшылары жиналып, журналистер алдына шықты. Олардың сөзінше, мемлекет 2025 жылғы қыркүйек-желтоқсан аралығында төлеуге тиіс 1 млрд 18 млн теңгені әлі бермеген.

«Бұл жерде мәселе А2 компоненті болып тұр яғни мемлекеттің мектеп құрылысы үшін беруі керек төлемі. Бізге 2025 жылдың қыркүйек-желтоқсан аралығы үшін әлі төленген жоқ. Қазір мамыр болды, қаржыландыру түспеді. Алматы қаласындағы 23 мектеп осындай қиын жағдайда тұр», – деді Millenium жекеменшік мектебінің құрылтайшысы Любовь Айтхожина.

Спикердің дерегінше, тиесілі қаржысын ала алмай жүрген 23 жекеменшік мектеп былтыр бюджетке...

«ҚазМырыш» металлургиялық алаңындағы апаттан кейін зардап шеккендердің бірі Астанада ем алып жатыр, деп жазды «ҚазАқпарат«.

Әңгіме 5 мамырдағы жарылыс кезінде омыртқасынан ауыр жарақат алған жұмысшы туралы болып отыр. Оны Өскеменнен тасымалдау үшін санитарлық авиация тартылды. Бүгін пациентке ота жасалды.

«Таңертең ота өтті, омыртқасына металлофиксатор орнатылды. Жалпы жағдайы жақсы. Біз дәрігерлермен тұрақты байланыстамыз, жұмыс іс жүзінде тәулік бойы жүргізіліп жатыр», – деп хабарлады «ҚазМырыш» ЖШС басқарушы директоры Андрей Лазарев.

Оның айтуынша, қазір зардап шегушінің өміріне қауіп төніп тұрған жоқ.

«Біз елордадағы мамандандырылған көмек деңгейі жоғары екенін түсіндік, сондықтан санитарлық авиациямен бірлесіп...

12-15 мамыр аралығында Абай облысының үш ауданында «Қанжар-Антитеррор-2026» жедел-тактикалық жаттығулары өтеді, деп хабарлады өңірлік полиция департаменті.

Жаттығулар Бесқарағай, Жаңасемей және Бородулиха аудандарының аумағында жоспарланған. Оларды Шығыс Қазақстан, Павлодар және Абай облыстық терроризмге қарсы күрес жөніндегі жедел штабтары өткізеді.

Іс-шаралардың мақсаты – құқық қорғау және арнайы органдардың күштері мен құралдарының террористік сипаттағы түрлі қауіп-қатерлердің жолын кесуге дайындығын тексеру. Жаттығулар кезінде іс-шаралар өткізілетін аудандарда және жекелеген нысандардың айналасында шектеу шаралары қарастырылған.

Абай облыстық терроризмге қарсы күрес жөніндегі жедел штабы азаматтардан сабырлық сақтауды, тек ресми ақпарат көздеріне сенуді, жалған мәліметтер таратпауды және жаттығуларға қатысатын мемлекеттік орган қызметкерлерінің іс-әрекеттеріне түсіністікпен қарауды сұрады.

Айта кетейік...

Қазақстанның солтүстігінде жаңбыр, найзағай мен бұршақ, ал оңтүстікте температура 30 градусқа дейін көтеріледі. «Қазгидромет» 13 мамыр арналған ауа райы болжамын ұсынды.

Бас прокуратура ҰҚМК-нің бұрынғы басшысы Қамшыбек Ташиевке қатысты қылмыстық іс бойынша айыптау актісін бекітті. Бұл туралы әлеуметтік желідегі парақшасында адвокат Икрамидин Айткулов хабарлады.

Заңгердің айтуынша, қылмыстық іске құпия грифі қойылған, демек сот отырыстары жабық режимде өтеді, ал тергеу мен сот деректерін жария етуге тыйым салынады.

«Бүгін Қырғыз Республикасының Бас прокуратурасы Қамшыбек Қыдыршаұлы Ташиевке қатысты билікті күшпен басып алуға дайындалу және өзінің жауапты қызметтік жағдайын асыра пайдалану айыбы бойынша қылмыстық істің айыптау актісін бекітті. Қылмыстық іс мәні бойынша қаралу үшін Бішкек қаласының Бірінші май аудандық сотына берілді. Онымен бірге іс бойынша тағы жеті айыпталушы өтуде. Қылмыстық іске...

Бірнеше аптадан бері Иран әлемдегі ең маңызды сауда бағытын бұғаттап отыр, қазір Ормұз бұғазы арқылы санаулы ғана танкерлер өтуде. Енді Тегеран бұғаз түбіне төселген оптикалық-талшықты кабельдерді пайдаланғаны үшін де ақы алғысы келеді, деп хабарлады BILD.

Әңгіме күніне он миллиард долларлық қаржылық транзакциялар туралы ақпарат өтетін үш маңызды деректер желісі туралы болып отыр. Тегеран баж салығы есебінен мұнай экспортынан келетін шығындарды өтеуді көздейді, бұл шығын күніне 220 миллион долларға дейін жетеді. Мұндай шығындар АҚШ Әскери-теңіз күштерінің ирандық порттарды қоршауға алуы салдарынан туындаған.

«Ирандық БАҚ-тар Иран кабельдерді пайдаланатын шетелдік компанияларды жыл сайынғы лицензиялық алымдарды төлеуге міндеттей алатынын...

Атырау облысы Құлсары қаласындағы сенбілік кезінде «ҚазТрансОйл» компаниясының қызметкері қаза тапты, деп хабарлады «Ақжайық«.

Ақпаратқа сүйенсек, қызметкердің қайтыс болғаны туралы мәліметті компания өкілдері растаған. Басылымның сауалына компанияның еңбекті қорғау, қоршаған орта және төтенше жағдайлар департаментінің директоры А. Қабылов жауап берген.

Компания қазіргі уақытта мемлекеттік органдармен бірлесіп, оқиғаның себептерін тергеу жұмыстары жүргізіліп жатқандығын хабарлады.

«Аталған оқиға фактісін растаймыз. Компания қызметкердің отбасына барлық қажетті қолдауды көрсетуде. Тергеу аяқталғанға дейін осы жазатайым оқиға бойынша толық ақпарат жария етілмейді», – делінген жауапта.

Айта кетейік, компания қаза тапқан азаматқа қатысты мәліметтерді нақты жария етпеген.

Маңғыстау облысында Ыбықты сай шатқалындағы вандализм фактісі бойынша қылмыстық іс қозғалды, деп хабарлайды облыстық полиция.

Әлеуметтік желілерге мониторинг жүргізу барысында полиция қызметкерлері аталған шатқал аумағындағы тастарға ер адам өзінің тегін, атын және автокөлігінің мемлекеттік тіркеу нөмірін жазып кеткенін анықтады. Заң бұзушы Маңғыстау облысының 21 жастағы тұрғыны болып шықты.

«Вандализм фактісі бойынша қылмыстық іс қозғалды. Сот шешімімен оған 25 тәулік мерзімге қамауға алу түріндегі жаза тағайындалды. Қазіргі уақытта ол тұтқындалып, тергеу изоляторына қамалды», – делінген хабарламада.

Полиция табиғи нысандарға, тарихи-мәдени мұра нысандарына және ескерткіштерге жазу жазуға немесе сурет салуға жол берілмейтінін ескертті. Сондай-ақ, құқық қорғаушылар мұндай...

Қаратал ауданында жергілікті тұрғын учаскелік инспекторға шабуыл жасағаны үшін екі жылға бостандығын шектеу жазасына кесілді, деп хабарлады Жетісу облысының прокуратурасы.

Ведомствоның мәліметінше, оқиға учаскелік инспектор «102» пультіне түскен шақырту бойынша келген кезде болған. Ер адам полиция қызметкеріне агрессия көрсеткен.

«Ол полицейдің бетінен алақанымен ұрып, қызметтік бейнежетонын жұлып алған және погонын зақымдаған», – деп хабарлады прокуратурадан.

Ведомство мемлекеттік айыптаушы сотқа сотталушының кінәсін дәлелдейтін жеткілікті айғақтар ұсынғанын атап өтті. Істі қарау қорытындысы бойынша сот оған екі жыл мерзімге бостандығын шектеу жазасын тағайындады.

Сотталған азамат мәжбүрлі еңбекке де тартылды. Бұдан бөлек, мемлекетке келтірілген материалдық шығын толық көлемде...

Таразда Audi тізгініндегі 15 жасар жасөспірім полициядан қашпақ болып, адам өліміне алып келген жол-көлік оқиғасына себепкер болды. Бұл туралы Жамбыл облыстық полиция департаменті хабарлады.

Полицияның мәліметінше, патрульдеу кезінде қызметкерлер жол қозғалысы ережесін бұзғаны үшін Audi автокөлігін тоқтатпақ болған.

«Жүргізуші тоқтау туралы заңды талапты елемей, ЖҚЕ-ні өрескел бұзып және жол қозғалысының басқа қатысушыларына қауіп төндіре отырып, қашып кетуге тырысты», – деп хабарлады полиция.

Қуғын кезінде жүргізуші рөлге ие бола алмай, электр желісінің бетон бағанасына соғылған. Апат салдарынан бір жолаушы қаза тапты. Көлік тоқтағаннан кейін полицейлер рөлде кәмелетке толмаған баланың болғанын анықтады.