Жаңалықтар

Емтиханға телефон алып кіріп, мұғалімді балағаттаған оқушыны қайта Назарбаев мектебіне қабылдамайды. Бұл жайлы «Назарбаев интеллектуалдық мектептері» ААҚ басшысы Әнуар Жанғозин мәлімдеді.

Жанғозин болған жағдайға қатысты оқушының өзі, ата-анасы және педагогикалық ұжыммен кездесу өткізгенін айтты. Оған Оқу-ағарту министрлігінің өкілдері, өңірлік бала құқықтары жөніндегі уәкіл де қатысқан.

«Кездесу барысында бұған дейін қабылданған шешім қайта қаралып, тараптар өзара түсіністікке келді. Назарбаев Зияткерлік мектебі өз шешімін өзгертпейді, оқушы мектептен шығарылып, мемлекеттік жалпы білім беретін мектепке ауыстырылды. Оқушының ата-анасы тарапынан ешқандай қарсылық жоқ», – деді ол жазбасында.

Жазбасында мұғалімдерге құрметпен қарау – мектеп үшін өзгермейтін және қата...

Әлеуметтік желілерде шегіртке қаптағаны туралы видеолар көбейіп кетті. Осыған орай Ауыл шаруашылығы министрлігі мәлімдеме жасады.

«Интернет кеңістігінде және бұқаралық ақпарат құралдарында шегірткелердің жаппай әрі бақылаусыз таралуы туралы шындыққа сәйкес келмейтін хабарламалар мен бейнематериалдар тарап жатыр. Мұндай ақпараттар шынайы жағдайға және зиянкестердің даму сатысына сәйкес келмейді. Қолданыстағы заңнамаға сәйкес, жалған ақпарат таратқаны үшін жауапкершілік көзделгенін еске саламыз», – деп ескертеді министрлік.

Ведомство мәліметінше, 2025 жылы шегіртке 2,1 млн гектар аумаққа таралуы мүмкін. Қазіргі уақытта 14 өңірде 596,3 мың гектар алқапта өңдеу жұмыстары жүргізілген. Министрлік жұмыстар жоспарға сәйкес, штаттық режимде жүргізіліп жатқанын хабарлайды.

Астанада өткен Alash Pride FC 108 турнирінде Қазақстанның танымал спортшылары – Дамир Исмағұлов, Арман Оспанов пен Қайрат Ахметов жанкүйерлердің назарын өзіне аударды.

Исмағұловтың жарқын жеңісі

Кештің басты жекпе-жегі – Дамир Исмағұлов пен UFC-дің бұрынғы файтері, бразилиялық Алан Патрик арасындағы жекпе-жек болды. Бес раундқа жоспарланған айқас екінші раундта-ақ аяқталды. Дамир қарсыласына бірнеше жойқын соққы жасап, техникалық нокаутпен жеңіске жетті.

Оспанов пен Барао: мықтылар тең түсті

Кештің тағы бір маңызды сәті – грэпплинг ережелері бойынша өткен Арман Оспанов пен UFC-дің бұрынғы чемпионы Ренан Барао арасындағы жекпе-жек. Тартысты өткен жекпе-жек нәтижесінде жеңімпаз анықталмады – есеп тең аяқталды...

Ел бойынша өтіп жатқан негізгі ұлттық бірыңғай тестілеуде оқушылардың білімі ғана емес, оларды дайындаған орталықтар да бәйгеге түсіп жатыр. Өйткені бүгінде қолы жеткеннің бәрі қосымша дайындыққа барады. Шәкірті неғұрлым көп грант жеңіп алса, соғұрлым орталықтың абыройы аспандап, тасы өрге домалайды. Осы ретте, «қосымша орталық таңдарда неге мән беру керек» деген сауалды осы саланың маманына қойып көрдік.

Мектеп тұрғанда, орталықтың керегі не

ҰБТ сұрақтары толықтай мектеп базасынан алынады. Олай болса, бәрі мектеп бағдарламасында тұр екен, сырттан қосымша білім іздеудің қажеті қанша. Qazbilim ұлттық лицей желісінің негізін қалаушы, педагог Аятжан Ахметжанға бірінші осы сұрақты қойдық. Сөйтсек, әңгіме мынада болып...

Талдықорғанда жасөспірім Шерзат Полаттың қазасы бойынша сот отырысы жалғасып жатыр. Сот отырысына қайғылы оқиға болған күні Нұрқанат Ғайыпбаев алған жарақатқа сараптама жүргізген сот-медициналық сарапшы Өмірбек Жолымбетов шақырылды.

Сараптама 2024 жылдың 9 қазанында жүргізілген.

«Тексеру барысында Ғайыпбаевтың сол көзінің астында мөлшері 3,0 және 5 см көгерген қанталау болды. Оң жақ құлағында дәл осындай сипатта қанталау болған. Мөлшері – 2,0 және 1,0 см. Шүйде бөлігінде жұмсақ тіндерінің ісініп қабынуы тіркелді. Оң жақ жамбасы тұсында жара болған, мөлшері – 1,2 және 0,1 см», – деді маман Жолымбетов.

Медициналық тексеруден кейін Ғайыпбаевқа «бас-сүйек миының жабық зақымы; бас миының шайқалуы...

Шымкент қаласы әкімінің орынбасары Руслан Берденовке оқ атқан Ернар Жиембайдың әйелі Луиза Алданова алғаш рет оқиғаға қатысты пікір білдірді.

«Көпшілігіңіз біздің отбасымызға қатысты болған оқыс жағдайдан хабардарсыздар.
Осы қиын кезеңде мені іздеп, уайымдап, отбасымыз үшін дұға тілеп жүрген барлық жанашыр жандарға алғысымды айтамын. Өткен бір ай біздің отбасымыз үшін де ауыр сынақ болғанын жеткізгім келеді. Енді ғана есімізді жиып, өз-өзімізге келіп жатқан жайымыз бар», – деп жазды күдіктінің жары өзінің әлеуметтік парақшасында.

Алданова өз отбасының әкім орынбасарының өмірі үшін алаңдағанын, аман-есен жазылып шыққан соң елге қызметін жалғастырады деген тілегін жеткізген.

«АзияАгроФуд» АҚ зауытының қоймасындағы жарылыстан кейін зардап шеккен төрт адам да ауруханада қайтыс болды. Бұған дейін жарылыс кезінде бір адамның көз жұмғанын жазған едік. Осылайша апат құрбандар саны бес адам болды.

Қызметкерлерінің қайтыс болғаны жайды «АзияАгроФуд» компаниясы сайтында жариялап, туған-туыстарына көңіл айтты.

«2025 жылғы 23 мамырда Алматы облысындағы «АзияАгроФуд» АҚ-ның құрамажем зауытында орын алған қайғылы оқиға салдарынан әріптестеріміздің қаза тапқаны туралы зор күйзеліспен және терең қайғымен хабарлаймыз. Бұл трагедия бүкіл компания үшін ауыр соққы болды. Біз тек қызметкерлерімізден емес, өз еңбегімен, адалдығымен және адами қасиеттерімен ұжым өмірінде өшпес із қалдырған жандардан айырылды...

2025 жылдың басынан бері Қазақстанда Facebook пен Instagram платформаларында 7 689 заң бұзушылық тіркелген. Бұл туралы Мәдениет және ақпарат министрлігінің баспасөз қызметі хабарлады.

Аталған мәселе Астанада өткен мәдениет және ақпарат министрі Аида Балаеваның Meta компаниясының мемлекеттік саясат жөніндегі директоры Сарим Али Азизпен кездесуінде талқыланды. Тараптар Қазақстанның ақпараттық кеңістігіндегі қауіпсіздік мәселелерін сөз етті.

Министрліктің мәліметінше, анықталған заңбұзушылықтардың 3 027-сі Facebook желісінде, ал 4 662-сі Instagram-да орын алған. Meta бұл контенттің 90%-ын Facebook-тан және 51%-ын Instagram-нан өшірген.

Аида Балаева әсіресе интернеттегі алаяқтық жарнаманың белсенді түрде көбеюіне алаңдаушылық білдірді.

«Мұндай жарнамалардың нақты сілтемесі болмайды, бұл оларды жедел...

HBO Original студиясы Хәрри Поттер туралы жаңа сериалдың басты кейіпкерлерін сомдайтын актерлер құрамын жариялады. Warner Bros. Discovery баспасөз хабарламасына сәйкес, Хәрри Поттердің рөлін Доминик Маклафлин орындайды. Ал оның адал достары Рон Уизли мен Гермиона Грейнджерді тиісінше Аластар Стаут пен Арабелла Стэнтон сомдайды.

Сериалдың кастинг директоры Франческа Гардинер:

«Көп ізденістен кейін біз Хәрримізді, Гермионамызды және Ронымызды тапқанымызға қуаныштымыз. Бұл үш ерекше актердің таланты таңғалдырады. Олардың экрандағы бірлескен сиқырын көрермендер асыға күтеді деген сенімдеміз».

Айта кету керек, бұл үш жас актер бұған дейін Хәрри Поттер әлемінде танымал болған Дэниел Рэдклифф, Эмма Уотсон және Руперт Гринттің рөлдерін қайта...

Түркістан облысы Қазығұрт ауданы Атажұрт ауылындағы Бауыржан Момышұлы атындағы мектептің 37 жастағы дене шынықтыру пәні мұғалімі 8-сынып оқушысына «көрінеу жыныстық сипаттағы әрекеттер жасады»деген күдікке ілініп, қамауға алынды. Бұл туралы Курсивке оқушының ата-анасы айтып берді.

14 жастағы оқушы мен оның ата-анасы оқиға биыл 23 наурызда болғанын айтады. Одан алдын әлеуметтік желіде хәл-жайын сұрап хат жазып жүрген мұғалім оқушыны «Шымкентке қыдыруға шақырған». Түн ортасында оқушы үйінен жасырын кетіп, мұғалімнің жеке көлігімен жолға шыққан. Бірақ мұғалім Шымкентке емес басқа бағытқа кеткен.

«Адам жүрмейтін жерге көлігін тоқтатты. Екеуміздің сөйлесіп жүргенімізді ешкімге айтпа деді. Жазған хаттарын өшіруді сұрады. Содан кейін сөз...

Еуропалық автокөлік өндірушілер қауымдастығы (ACEA) Еуроодақтағы жаңа автокөліктерді тіркеуге қатысты соңғы деректерді жариялады. Ақпаратқа сүйенсек, әлемдік экономикадағы тұрақсыздыққа қарамастан, нарық қалпына келе бастаған. 2025 жылғы сәуірде ЕО бойынша жаңа көліктерді тіркеу көлемі өткен жылдың сәйкес айымен салыстырғанда 1,3%-ға артты. Алайда жыл басынан бергі (YTD) қорытынды көрсеткіштер бойынша нарық әлі де былтырғыдан 1,2%-ға төмен.

Электрлендіру үрдісі жалғасуда: гибридтер мен электр қуатымен жүретін көліктерге сұраныс артуда

Экологияға зияны аз көліктерге сұраныстың артуы – ең маңызды трендтердің бірі. 2025 жылдың сәуір айының қорытындысы бойынша аккумулятормен жұмыс істейтін электромобильдердің (BEV) нарықтағы үлесі 15,3%-ға жетті. Бұл 2024 жылдың сәуіріндегі 12%-дық деңгеймен салыстырғанда айтарлықтай өсім. Дегенмен, бұл...

Францияның ашық біріншілігі – Roland Garros жарысында Қазақстан теннисшілерінің бәрі бірінші турдан сүрінбей өтті. Сейсенбі күні Александр Бублик, Александр Шевченко және Юлия Путинцева жеңіске жетті.

Қазақстанның бірінші теннисшісі Александр Бублик ірі турнирдің алғашқы кезеңін оңай еңсерді. Ол австралиялық Джеймс Даквортты үш сетте жеңді – 6:2, 6:4, 6:4. Екінші турда Бубликке тер төгуге тура келеді. Себебі ол Австралияның бірінші теннисшісі Алекс де Минаурмен кездеседі. Алекс әлемнің үздік 10 теннисшісінің бірі.

Іріктеу сынына сүрінсе де, «Lucky Loser» ретінде жарысқа қосылған Александр Шевченко да алғашқы раундта үш сетте жеңіс тойлады. Серб Душан Лайович оған айтарлықтай қарсылық көрсете алмады. Матч 6:2, 6:4, 7:6 есебімен...

Әлемге әйгілі әнші Дженнифер Лопестің Алматы қаласында өтетін концертіне билет қанша теңгеден сатылатыны мәлім болды. Бағаны ticketon.kz сервисі жариялады. Билеттер 28 мамырдан бастап сатыла бастайды.

Дженнифер Лопес ән шырқайтын сахнаның дәл алдында орналасқан VIP-аймақтағы орындар 180 мың теңге тұрады. Сахнаға жақын орындарға билет арзанырақ – 160 мың теңге.

120 мың теңгеге Fan zone мен сахнаның екі жағындағы орындарды таңдауға болады. Dance floor секторына билет 90 мың теңге тұрады. Сахнадан алыс орналасқан секторлардағы орындар құны 40 мың мен 80 мың теңге аралығында сатылады.

Дженнифер Лопес концертіне билет 28 мамырда сағат 10.00-ден бастап ticketon.kz сайтында сатыла бастайды. Концерт состоится 2025 жылғы...

Қазақстандағы казинолардың бәрі ноунеймдер мен белгісіз заңды тұлғалар атына жазылған. Ойынханалардың біреуін бұрын Нұрсұлтан Назарбаевтың немересі Нұрәли Әлиевпен байланыстырған. Ойын бизнесінде грек инвесторы да бар.

Kursiv.Media елдегі казинолар кімге тиесілі екенін анықтауға тырысты.

Қазақстанда екі ойын аймағы бар: Қонаев қаласы және Бурабай ауданы. Ойын бизнесін реттеу жөніндегі комитетінің Kursiv.Media-ға жауабына сүйсенсек, қазір елде алты ресми казино жұмыс істейді. Олардың бесеуі Қонаевта, біреуі Бурабайда орналасқан.

Montana казиносы

Қонаев қаласындағы Montana казиносына «BESTAM CORPORATION» иелік етеді. EGOV дерегінше, компания басшысы мен құрылтайшысы Назгүл Мұхамед-Садықызы Рыскелдина.

Рыскелдина ойынхана басшылығына 2018 жылы келді. Оған дейін ешқандай компанияны басқармады. Ашық дереккөздерде ол...

27 мамыр күні сот орындаушылары «Қиял әлемі» саябағындағы атракциондар мен ғимараттарды сүре бастады. Сүруге қала тұрғындары мен саябақта нәпақа тауып жүрген кәсіпкерлер мен олардың жұмысшылары қарсы шықты. Бұған дейін кәсіпкерлерге өз мүліктерін алып кету үшін 3 ай уақыт берілген.

Саябақтың жұмыс істеп тұрғанына 25 жыл толды. Онда ондаған кәсіпкер жұмыс істеп нәпақа табады. Олардың бәрі саябақ ішіндегі ғимараттар мен атракциондарды сүруге түбегейлі қарсы.

Саябақ аумағы 4 гектардан асады. Оны мемлекет 49 жылға жалға берген. Жалға беру уақыты әлі бітпесе де, қала әкімдігі былтыр жерді кері қайтарып алу үшін сотқа жүгінген. Сот әкімдіктің есебіне шешім шығарған. Ортада онда жұмысын жолға қойған...

Азия әлем экономикасы мен саясатының ең маңызды күштерінің біріне айналды. Сенат жанындағы Сарапшылар клубының отырысында «Азия дәуірінің» болашағы мен ғаламдық дағдарыс кезінде орташа державалар рөлі сөз болды.

Жиынға сенат спикері Мәулен Әшімбаев, Сингапур дипломаты – профессор Кишор Махбубани, сонымен бірге жергілікті кәсіпкерлер, Freedom Holding Corp. басшысы Тимур Турлов қатысты.

«Бүгінгі кездесу жаһандық қауіпсіздік саласындағы дағдарыс пен геосаяси шиеленіс күшейе түскен кезеңде өтіп отыр. Қазір бұрынғы өзара іс-қимыл үлгілерінің ескіргені анық байқалады», – деді Әшімбаев.

Спикердің айтуынша, Қазақстан диалог пен арағайын идеяларын халықаралық деңгейде дәріптей отырып, әлемдегі маңызды мәселелерге белсенді араласуға ұмтылады.

Кишор Махбубани...

Еліміздегі соттардың тек 25 пайызы ғана қазақ тілінде өтеді. Мұндай пікірді заңгер Мейірман Шекеев айтты.

«Соттағы мемлекет тілдің мәртебесін көтеру керек деп шырылдап келе жатқаныма 10 жылдан асты. Алайда белгілі бір бағытта жұмыс атқарылып жатқан жоқ. Қазақстанда сот отырысының 25 пайызы ғана мемлекеттік тілде жүргізіледі. Алматы мен Астана қаласында 5-ақ пайыз», – дейді Шекеев.

Шекеевтің айтуынша, көптеген елде іс алдымен мемлекеттік тілде қозғалады.

«Сот ісін қазақ тілінде жүргізуге көп дүние кедергі келтіреді. Адвокаттардың көбі қазақша сөйлей алмайды, қылмыстық кодекс, тәжірибе орыс тілінде. Адам автоматты түрде орыстілді болып кетеді. Бірнеше елдің тәжірибесін...

Қазақстандағы ең ірі мегаполис – Алматы қаласындағы бағамен әлемнің тағы бірнеше ірі шаһарында өмір сүруге болады. Біздің таңдауымыз Рио-де-Жанейро қаласына түсті.

«Ұлы комбинатор» Остап Бендер армандаған қаланың өмір сүру индексі Алматыдағы бағалармен шамалас келеді.

Numbeo онлайн-платформасы Алматы қаласының өмір сүру индексін 30,15 деп бағалады, яғни Нью-Йорктен шамамен үш есе арзан.

Платформа Алматыда төрт адамнан тұратын шағын отбасының бір айлық шығынын шамамен 1 млн теңге деп бағалады. Мегаполисте бір адамның айлық шығыны 286 мың теңге болады. Бұған баспананы жалға алу құны кірмейді.

Салыстырар болсақ, Алматы Нью-Йорктен 69,8%-ға арзан. Қазақстанның оңтүстігіндегі қалада пәтерді жалға алу құны Нью-Йорктегі бағадан 85,4%-ға төмен.

Oxford Economics консалтингтік компаниясы 2025 жылға арналған Global Cities Index рейтингін жариялады. Рейтингте Алматы мен Астана Орталық Азия елдері арасында жоғары сатыда тұр.

Алматы жалпы рейтингте 258-орынды иеленсе, «Адами капитал» санатында Қазақстанның 64-орынға жайғасқан.

Орталық Азия қалалары тізімінде Алматы бірінші орынды иеленді. Одан кейін Астана (276-орын) келеді.

Сондай-ақ тізімге Ташкент қаласы еніп, Орталық Азия бойынша үшінші, жалпы есепте 471-орынды иеленді.

Бішкек Орталық Азия бойынша төртінші, жалпы рейтингте 498-орында тұр. Үздік бес орталықазиялық қалалар тізімін Шымкент (534-орын) қорытындылайды.

Oxford Economics – экономикалық зерттеулер мен болжамдарға маманданған жетекші тәуелсіз консалтингтік фирма. Олар бизнеске, мемлекеттерге және халықаралық ұйымдарға белгісіздік жағдайында стратегиялық шешімдер...

Назарбаев мектебінен қуылған оқушыға қатысты жағдай әрі қарай өрбіп жатыр. Бүгін Алматы қаласындағы балалар омбудсмені Диана Ерлан оқушының әкесімен кездескенін айтты.

Болған жағдайдан кейін жасөспірім ауруханаға түскен. Бұл жайлы қоғам белсендісі Аида Бұқаева да өзінің парақшасында жазған еді. Оның хабарлауынша, 26 мамырда кешке оқушының температурасы күрт төмендеп, денесі қалтырап-дірілдеп, қалшылдай бастаған. Аида жасөспірімнің 21 мамырдан бастап дұрыс тамақтанбағанын және НЗМ түлектері өтуі керек халықаралық емтиханын тапсыруға рұқсат береді деп үміттеніп жүрген. Бірақ мектеп басшылығы толығымен оқудан шығарғанын біліп, қатты күйзеледі.

Алматыдағы Балалар омбудсмені Диана Ерланның жазуынша, аурухана жатқан балаға Назарбаев мектебінің басшылығы да барып, жағдайын біліп қайтқан...

«Казатомөнеркәсіп» ұлттық атом компаниясы 2024 жыл үшін акционерлеріне 327,9 млрд теңге көлемінде дивиденд төлейді. Бұл – компания тарихындағы ең ірі төлем.

Бір акцияға шаққанда төлем мөлшері 1264,12 теңгені құрайды. Дивиденд төлеу 2025 жылғы 17 шілдеде басталады, ал акционерлер тізімі 16 шілде күні тіркеледі.

Бұл сома өткен жылғы 314,65 млрд теңге төлеммен салыстырғанда 4,2%-ға көп. Ал дивиденд табыстылыңы 6,6%-ды құрап, 2019 жылдан бергі ең жоғары деңгейдің бірі болды.

Ұсынылған дивиденд мөлшері компания еркін ақша ағынының 75%-ын құрайды.

Дивиденд саясатына өзгеріс енгізілді

Компания акционерлері жылдық жиналыста дивиденд саясатына да өзгеріс енгізді. Енді дивидендтерді есептеу кезінде:

Nissan-ның тұрақсыз қаржылық жағдайына байланысты компания бас штаб-пәтерін сатуға мәжбүр. Nikkei Asia басылымы мен Жапонияның ұлттық телерадиокорпорациясы (NHK) таратқан ақпаратқа сәйкес, Иокогаманың орталық іскерлік ауданы Минато-Мираи 21-де орналасқан ғимаратты 2026 жылдың наурызына дейін сату жоспарланып отыр.

Nissan көрсеткіштері төмен

Алдын ала бағалау бойынша, бұл кешеннің құны 100 млрд иеннен асады, бұл шамамен 700 млн АҚШ долларына тең. Айта кету керек, ғимаратты сату Nissan компаниясының басқа кеңсеге көшетінін білдірмейді. Автоконцерн жаңа меншік иесінен кеңсені жалға алуы мүмкін. Мұндай тәсілді автонарықта 2021 жылы өз қарыздарын азайту мақсатында McLaren компаниясы да қолданған болатын.

Айта кетйік, Nissan АҚШ пен Қытайдағы сатылымның төмендеуі мен Honda...

Әлемдік әртіс Дженнифер Лопестің концерті 2025 жылғы 10 тамызда Алматының Орталық стадионында өтетін болды. Бұл туралы концертті ұйымдастырушы First Media Group және CA Entertainment компаниялары хабарлады.

Жарияланған ақпаратқа қарағанда ұйымдастырушылар «Қайрат» футбол клубының басшылығымен және Алматы қаласының Спорт нысандары дирекциясымен келісімге келген.

«Көрермендердің жоғары қызығушылығы мен іс-шараның халықаралық маңызын ескере отырып, тараптар Қазақстан Премьер-лигасының «Қайрат» – «Жеңіс» матчын 2025 жылғы 21 қыркүйекке ауыстыру туралы шешім қабылдады. Бұл Дженнифер Лопестің концертін алдын ала жарияланған мерзімде өткізуге және футбол мен мәдениет аудиториясы үшін қолайлы жағдайларды сақтауға мүмкіндік береді» делінген хабарламада.

Ал «Қайраттың» 7 және 12 тамызға...

Алдағы бірнеше күнде елдің бірқатар аумақтарында бұршақ аралас жаңбыр жауып, найзағай ойнайды. Тіпті кей өңірлерде үсік жүруі мүмкін. Осыған орай «Қазгидромет» дауылды ескерту жариялады.

Найзағай

«Қазгидромет» мәліметінше 28 мамырда Алматы облысының оңтүстігінде, таулы аудандарында найзағай күтіледі. Сонымпен бірге солтүстік-шығыстан жел соғып, облыстың оңтүстігінде, таулы аудандарында екпіні 15-20 м/с дейін жетуі мүмкін. Ал 28-31 мамыр аралығында облыс орталығында, батысында, солтүстігінде өрт қаупі артады.

Астанада да 28 мамыр күні күндіз найзағай ойнап, жел тұрады. Солтүстік-батыстан соғатын жел солтүстік шығысқа ауысады. Екпіні 15-18 м/с дейін жетуі мүмкін.

Дәл осындай ауа-райы Қарағанды облысының солтүстігі мен шығысында күтіледі. Сонымен...