Жаңалықтар

Террорлық қауіп бойынша Семей қаласында барлық полиция экипажы мектептерге, оқу орындарына шұғыл жұмылдырылды.

Бұған Telegram-дағы «Конец Семей» арнасында жарияланған жарылғыш заттар туралы хабарлама түрткі болған.

Алайда Абай облыстық полиция департаментінің мәліметінше, бұл ақпарат шындыққа жанаспайды. Террорлық қауіп жалған болып шықты.

«Telegram-арнада тараған террорлық актілер туралы хабарлама жалған. Құқық қорғау органдары қазір арнаның авторын анықтап жатыр. Қалалық мектептердің барлығына полиция қызметкерлері жіберілді», – деп мәлімдеді Kursiv.Media басылымына полицияның баспасөз қызметі.

Бұған дейін түрлі чаттарда «Семей мектептеріне теракт жасалады» деген қауесет тараған болатын. Осыған байланысты полиция ата-аналарға ресми түрде түсіндіру жұмыстарын жүргізіп, мектеп чатына жалған ақпаратты...

Қазақстанның халық әртісі Димаш Құдайберген өзінің «Бір аспан тарихы» атты жаңа әніне қатысты әлеуметтік желілерде айтылған пікірлер мен әзілдерге жауап берді.

Аталған туынды – соғыс пен бейбітшілік тақырыбына арналған композиция. Әннің қайырмасында Димаш жоғары нотада ағылшынша «This is a love» деген жолды орындайды. Алайда TikTok қолданушылары бұл тіркесті өздерінше түсініп, оны «Кетчуп пен нан» деп пародияға айналдырып, жаңа әзіл-трендке себеп болды.

Бұл пікірлерге жауап ретінде Димаш әлеуметтік желіде жазба жариялады:

«Сәлем, достар. Бүгін әлеуметтік желілерде отандастарымның менің «Бір аспанның тарихы» атты шығармамды қызу талқылап жатқанын білдім. «Сенімен әзілдессе – демек, тірісің және қызықсың» дейд...

Мәжіліс депутаты Дәулет Мұқаев желіде тұсау кесу туралы жазбасына байланысты пікір білдірді.

Депутат тұсау кесу рәсімдерін он жылдан бері жүргізетінін, о баста жақын таныстарының балаларының тұсауын кесуден бастағанын айтады.

Заң шығарушы орган өкілі желіде тұсау кесетінін жар салуды әбестік деп санамайды.

«Біріншіден, бұл қазақтың салт-дәстүрі. Екіншіден, осыны көріп қазақтың дәстүріне сіңісіп жатқан өзге ұлт азаматтары да бар. Осы уақытқа дейін орыстың да, кәрістің де тұсауын кестім. Одан теріс нәрсе іздеудің қажеті жоқ», – дейді ол.

Депутат жұмыс уақытында тікелей кәсіби қызметімен айналысатынын, ал тұсау кесу сияқты рәсімдер жұмыстан тыс, демалыс уақытындағы істер екенін атап өтті.

Осы жылдан бастап ресми түрде қор биржасындағы компаниялар юаньмен есеп айырысатын облигациялар шығара алатын болды. Бұл туралы KASE басқарма төрағасының орынбасары Дана Аманжолова айтты. Биржаның бірінші тоқсандағы жұмысына да есеп берді.

«Қазірдің өзінде бір эмитент, ол – Аграрлық кредит корпорациясы номиналдық құны юаньмен есептелетін облигацияларын шығарды. Жалпы алғанда, қызығушылық бар және ары қарай дамиды деп сенеміз», – деп атап өтті ол.

Жалпы осы жылдың алғашқы үш айында шетелдік валюталар нарығындағы сауда көлемі 9,8 трлн теңгені құрады. Бұл өткен жылдағы осы кезеңмен салыстырғанда 28,4% немесе 2,2 трлн теңгеге артық. 2025 жылдың бірінші тоқсанындағы орташа...

Ресей Украинаға соғыс ашқалы Қазақстанға ағылған ресейлік компаниялардың қатары кейінгі кезде қысқарып келеді. Бұл туралы Ұлттық статистика бюросының мәлметтеріне сүйене отырып, DataHub хабарлайды.

2024 жылғы 1 сәуірдегі жағдай бойынша, Қазақстанда ресейлік капиталы бар 18,4 мың кәсіпорын жұмыс істеп тұр. Бұл көрсеткіш 1 қаңтармен салыстырғанда 495 ұйымға азайған.

Тоқсандық есепте қатарынан төртінші рет қысқарып, кейінгі 6 жылдағы ең төменгі көрсеткішті құрады.

Украинадағы соғыс басталғалы, ресейлік компаниялардың саны 9 тоқсан қатарынан күрт өсіп отырған. Ең үлкен өсім 2022 жылдың II тоқсанынан 2023 жылдың I тоқсанына дейін байқалды: бұл кезде әр үш ай сайын орта есеппен 2,3 мың жаңа кәсіпорын...

Президент Қасым-Жомарт Тоқаев экономика мәселелеріне қатысты жұмыс отырысын өткізіп, Үкіметтің басты міндетін тағы еске салып өтті.

Тоқаев Үкіметтің міндеті туралы

Ақорданың мәліметінше, жиында тариф қақтығысы салдарынан әлем нарығындағы жағдайдың өзгеруіне байланысты елдің іс-қимыл жоспары талқыланды. Премьер-министр Олжас Бектеновтің, Ұлттық банк төрағасы Тимур Сүлейменовтің, сонымен бірге басқа да құзыретті органдар басшыларының баяндамалары тыңдалды.

Президент қазіргі жаһандық экономикадағы ахуалдың тұрақсыз сипат ала бастағанын, сондықтан кез келген жағдайға дайын болу қажет екенін атап өтті.

Кеңес отырысында Қасым-Жомарт Тоқаев алдағы жұмыстың негізгі бағыттарын айқындады.

«Үкіметтің міндеті – халықтың әл-ауқатын, экономикалық өсім қарқынын және тартылатын инвестиция көлемін төмендетуге...

Қазақстан 8 айда астық экспортының әлеуетін айтарлықтай арттырған. Мысалы, Әзербайжанға астық экспорты шамамен 100 есе артқан. Қазақстаннан астық импортын арттырған елдер қатарында Иран да бар. Бұл туралы Ауыл шаруашылығы министрлігі хабарлады.

2024 жылдың қыркүйегінен бастап 2025 жылдың көктеміне дейінгі аралықта күзгі өнімнің 7 млн тоннасын экспорттап үлгерген. Бұл көрсеткіш өткен ауыл шаруашылығы маусымындағы 4,6 млн тонна көлеммен салыстырғанда 35,2%-ға артық.

Қазақстан 2024-2025 жылдар аралығында мынадай елдерге астық жеткізіп берген:

АҚШ президенті Дональд Трамп енгізген 145% көлеміндегі баж салығына жауап ретінде Қытай 125% баж салығын енгізген соң, Ақ үй Қытай тауарларына тағы 100% қосымша салық салатынын мәлімдеді.

Нәтижесінде АҚШ Қытай тауарларына салатын баж салығының жалпы көлемі 245%-ға жетті.

«Қытайдың жауап әрекеттеріне байланысты, енді АҚШ-қа импортталатын Қытай тауарларына 245%-ға дейін баж салығы салынуы мүмкін», – делінген Ақ үй хабарламасында.

Қазіргі уақытта АҚШ Қытайдан келетін тауарларға 145% баж салығын қолданып отыр. Қытай бұған жауап ретінде АҚШ өнімдеріне 125% салық енгізген. Сонымен қатар Бейжің кейбір пайдалы қазбаларды, оның ішінде аса маңызды минералдарды экспорттауға шектеу қойды...

Алматыда экс-судья Светлана Жолмановаға қатысты сот процесі басталды. Ақпаратты Алматы сотының баспасөз қызметі растады. Қылмыстық іс Медеу аудандық сотында қаралып жатыр, деп хабарлайды KursivMedia.

Bes.media сайтының хабарлауынша, сотталушы Жолманова қазірге дейін бірнеше рет сот залына келуге бас тартқан.

«Сотталушыға байланысты бесінші рет сот кейінге қалдырылды», – деп жазды редакция.

«Алғашқы екі отырысқа ол (сотталушы Жолманова – ред.) сот отырысына келмеді. Үшінші отырыста судья Қанат Әріновті ауыстыруды сұрады. Төртінші отырысқа да судьяны ауыстыру туралы өтініш жазбаша ұсынбағандықтан, сот отырысы тағы кейінге қалды. Бүгін тергеу изоляторы сотқа барудан бас тартқанын хабарлады», – деп жазды Bes.media

Қазақстан шахматшылары юниорлар арасындағы рапид бойынша әлем чемпионатында тарихи жеңіске жетті – отандық спортшылар 6 алтын және 1 қола медаль жеңіп алды.

Әлем чемпиондары атанған жас шахматшылар:

Сондай-ақ G14 санатында өнер көрсеткен Жансая Шолпанбек қола медаль иеленді.

Жарыс швейцариялық жүйе бойынша 11 турдан тұрды. Жас ерекшеліктеріне қарай өткізілген додада алты чемпионды шығарған Қазақстан бейресми командалық есепте бірінші орынға шықты.

Чемпионат 2025 жылғы 13–17 сәуір аралығында Грекияның Родос аралындағы Rodos Palace Hotel халықаралық конференц-орталығында...

Жыл басынан бері Қазақстанда зейнетақы активтері бойынша инвестициялық кіріс -370 млрд теңге, яғни теріс көрсеткіш көрсетіп тұр. Алайда Ұлттық банк өкілдері алаңдауға негіз жоқ – жағдай реттелді деп отыр.

Зейнетақы активтерін басқару

2025 жылғы 1 сәуірдегі жағдай бойынша Бірыңғай жинақтаушы зейнетақы қорының (БЖЗҚ) зейнетақы активтері 22,3 трлн теңге болды. Бұл көрсеткіш 2014 жылғы сәуірден, яғни зейнетақы активтері БЖЗҚ-да біріктірілген сәттен бері 5 еседен аса өсті.

Зейнетақы активтерінің 60%-ы теңге, 40%-ы шетел валютасында ұсталады. Валютадағы активтер үлесі – 17,7 млрд доллар.

Валюталық активтер нарықтағы бағалы қағаздардың кең жиынтығын қамтитын индекстерге негізделеді. Мысалы, акциялар индексі Apple, Microsoft, Tesla және...

Экономикаға берілген несие бір жылда 20%-ға артқан. Ұлттық банк статистикасына сәйкес, 2024 жылдың наурызында ел экономикасына 33,8 трлн теңгеден аса несие берілсе, биыл наурыз айында 42,1 трлн теңгеге жеткен.

Соның 19,2 трлн теңгесі (45,6%-ы) – жеке және заңды тұлғалардың бизнес үшін алған несиесі. Ал 22,9 трлн теңгесі – халықтың басқа мақсатта (ипотека, автокредит және тұтыншылық несие) алған борышы.

«Ұлттық валютадағы кредиттер көлемі 38,2 трлн теңгені (90,8%), шетел валютасында – 3,9 трлн теңгені (9,2%) құрады. Банк секторының кредиттері кредиттердің жалпы көлемінің 85,6%-ын құрады», – делінген ҰБ хабарламасында.

Соңғы уақытта Қазақстанда автонесиеге сұраныс ипотекадан асып түсті. Қаржы...

Қазақ ұлттық қыздар педагогикалық университеті студенттерінің арасында ыстық тамаққа берілетін ай сайынғы ақыны алып қояды-мыс деген әңгіме тарап жатыр. Kursiv.Media аталған мәселенің ақ-қарасын анықтауға тырысты.

Қыздар университетінде мемлекеттік грант бойынша педагогикалық бағытта оқитын студенттер айына шәкіртақы мен ыстық тамақ үшін 150 мың теңге алады. Енді соның тең жартысы – тамаққа берілетін 75 мың теңге қысқартылып, оның орнына үш мезгіл тамақ талоны енгізіледі деген ақпарат тарап жатыр.

Қыздар университетінің Маркетинг департаментінің мамандары аталған мәселеге байланысты «әзірге ақпарат жоқ» деп қысқа қайырды. Айтуларынша, тамаққа берілетін қаржы университет бюджеті есебінен емес, Ғылым және жоғары білім министрлігі тарапынан бөлінеді.

Ғылым және жоғары...

Ресейде «Синий кит» тобын құрып, балаларды өлімге итермелеген Илья Погибловқа қатысты сот үкімі шықты. Бұл туралы Ресей басылымдары хабарлады.

«Новосібірдің Ленин аудандық соты «Синий кит» тобының негізін қалаушы Илья Погибловты балаларды суицидке итермелегін үшін тоғыз жылға бас бостандығынан айыру жазасына кесті», – деп жазады Lenta.ru басылымы.

Қаскүнем «Синий кит» тобын балаларды өлімге итермелеу мақсатымен құрған. Тергеушілер Погибловтың мінез-құлқынан біреулердің өліміне патологиялық тұрғыда қызығушылық танытатынын анықтаған. Сол үшін өзінің әлеуметтік желідегі арнасына балаларды шақырып, өлімге итермелеу бойынша нұсқаулықтар беріп отырған. Құқық қорғау органдары оның қылмыстық әрекетіне дер кезінде тосқауыл қойып, балалардың өзіне зиян...

Наурыз айында әлем бойынша 1,7 млн электромобиль мен гибрид көліктер сатылды.  Rho Motion мәліметінше бұл ақпанмен салыстырғанда 40 %-ға, ал былтырғы наурыздағы көрсеткіштен 29%-ға артық. 

Электромобиль мен гибрид қай елдерде көп сатылды

Kolesa.kz мәліметінше, электрокардың жалпы тоқсандық саудасы 4.1 миллионға жетті. Мұндай көліктерді Қытай халқы көп сатып алған.  Бұл елде жалпы 2,4 млн электрокар сатылған.

Екінші орында Еуропа елдері. 0,9 млн автокөлік саудаға түсіп, өсім 22%-ды құрады. Оның ішінде таза электромобильге сұраныс 27%-ға дейін өскен.  Әсіресе Италия елінде (+64 %) электрокарларға деген сұраныс жоғары. Германияға (+37 %) тиесілі, Ұлыбритания дилерлері алғаш рет 100 мың экземплярдың кілтін табыстапты. Ал Францияда керісінше жалпы сауда 18 % төмендеп...

KursivMedia бұған дейін елімізде қаламгерлердің билікте отырған ұл-қызы туралы жазды. Бұл тізімде президент Қасым-Жомарт Тоқаев, Сенат төрағасы Мәулен Әшімбаев, мемлекеттік кеңесші Ерлан Қарин және басқа да лауазымды қызметкерлер бар.

Редакция бұл тізімді елші болып отырған қаламгер-ғалымдардың ұл-қызымен толықтыруды жөн көрді. Тізімде Қазақстанның Түркиядағы, Моңғолиядағы және Сингапур, Аустралия одағы мен Жаңа Зеландиядағы елшісі бар.

Тарихшы әрі жазушының ұлы Моңғолияда елші

Тарихшы, публицист Бейбіт Қойшыбаевтың ұлы Ғабит Қойшыбаев – Қазақстанның Моңғолиядағы төтенше және өкілетті елшісі. Ол бұл қызметке 2022 жылдың сәуірінде кіріскен.

Ағылшын, қытай, жапон тілдерін меңгерген 53 жастағы Ғабит Қойшыбаев сыртқы саясатта 1994 жылдан бері қызмет етіп келеді. Ол...

UFC турнирінің қатысушысы, ирландиялық файтер Иэн Мачадо Гэрри (15-1) өзінің жатын бөлмесінде Шавкат Рахмоновты қылқындырып жатқан сәтінен түсірілген суретті іліп қойғанын айтты. Бұл туралы спортшы өзінің Instagram парақшасында жариялады.

«Мен Шавкатты қылқындырып жатқан суретті рамкаға салып қойдым. Таңертең төсектен тұрған сайын сол қарғыс атқан суретті көремін. Бұл көрініс менің жанымды өртеп, мотивация береді», — деді спортшы.

2024 жылдың 7 желтоқсанында өткен UFC 310 турнирінде...

Марк Цукерберг 2018 жылы Instagram-ды Meta-дан бөліп, бөлек компания ретінде құру мәселесін қарастырған. Бұл туралы Reuters басылымы хабарлады.

Басылым мәліметінше, Meta компаниясының бас директоры Марк Цукерберг сейсенбі, 15 сәуірде Вашингтон сотына қатысқан. Сол сотта Цукербергтің монополияға қарсы бақылаудың күшеюіне байланысты 2018 жылы фотосуреттерді бөлісетін танымал Instagram қолданбасын бөлек компанияға айналдыру мәселесін қарастырғаны айтылады.

Алайда Цукерберг Instagram-ды Meta құрамында қалдырған. Десе де, сол 2018 жылдары компания иесі Instagram мен WhatsApp-ты алдағы 5-10 жылда бөлектеп алу мәселесі күн тәртібіне шығатынын айтқан.

«Көптеген компаниялар бөлшектеуге қарсы болғанымен, көптеген компаниялардың бөлінгеннен кейін жақсырақ жұмыс істей бастағанын көруге...

АҚШ-тың экс-президенті Джо Байден президент креслосынан түскеннен кейін, алғаш рет жұртшылық алдына шығып, елдің қазіргі президенті Трампты сынға алды. Алайда сөзінде Трамптың атын мүлде атамады.

СNN мәліметінше, Джо Байден Трамп әкімшілігінің үш айдағы қызметінен шошынғанын жеткізген.

«Жүз күнге жетпейтін уақыт ішінде бұл жаңа әкімшілік соншалықты көп зиян келтіріп, қиратумен айналысып жатыр. Бұл тіпті бір жағынан шошытады», – деді ол Мүгедектер ісі жөніндегі адвокаттар, кеңесшілер мен өкілдер конференциясында (ACRD).

Ол федералды мемлекеттік қызметкерлер санының қысқаруын сынға алып, бұл әлеуметтік қамсыздандыру басқармасының веб-сайтының жиі істен шығуына және адамдардың жеке аккаунттарына кіре алмауына себеп болып отырғанын айтқан.

Сондай-а...

Шығыс Қазақстан облысында кәсіпкер Анатолий Балушкинге сот үкімі шықты деп хабарлайды KursivMedia.

2024 жылдың тамызында Өскемен қаласында Балушкин мен «Азия Авто» АҚ бас директоры Ерік Сағымбаевқа қатысты сот процесі басталды. Екеуі де Ресейде болғандықтан, 2025 жылдың 14 сәуірінде сот сырттай өтті.

Сот үкімімен Анатолий Балушкин сырттай 9 жылға бас бостандығынан айырылды.

Сондай-ақ «Азия Авто» бас директоры Ерік Сағымбаев 8,6 жылға сотталды.

Анатолий Балушкин Қылмыстық кодекстің 190-бабы (аса ірі мөлшердегі алаяқтық), 218-бабы (Қылмыстық жолмен алынған ақшаны немесе өзге де мүлікті заңдастыру) бойынша айыпталды.

Ерік Сағымбаевқа Қылмыстық кодекстің 190–бабы (аса ірі мөлшердегі алаяқтық), 245-бабы (ұйымнан салық немесе бюджетке төленетін басқа да міндетті төлемдерден жалтару) бойынша...

Қаржылық мониторинг агенттігі қаладағы бір аудан айына тұтынатын электр энергиясымен пара-пар энергияны жасырын жаратып келген майнинг фермасына үкім шығарылғанын хабарлады.

Агенттік дерегінше, майнинг ферма Астанада 2022 жылдан 2024 жылдың мамырына дейін қозғалтқыштарды өңдеу орталығы ретінде жасырын қызмет етіп келген. Сол аралықта айына бір мегаполистің тұрғын ауданымен пара-пар электр энергиясын тұтынып келген. Оны үш азамат жүзеге асырған.

ҚМА мәліметінше, заңсыз жолмен алынған цифрлық активтер 143 млн теңгеден асады.

«Тінту барысында 1 257 асикмайнер (цифрлық активтерді өндіруге арналған жабдық), өнеркәсіптік салқындатқыш желдеткіштер мен трансформаторлық станция алынды. Сот оларды ҚР ҚК 214-бабының 2-тармағы бойынша кінәлі деп танып, айыппұл салу...

Еңбек және халықты әлеуметтік қорғау министрлігі Қазақстанда қанша Ұлы Отан соғысының ардагері қалғанын мәлім етті.

Министрліктің мәліметіне сүйенсек, бүгінде елде 83 048 ардагер тұрады. Алайда оның  111-і ғана ҰОС ардагері.  

Ардагерлерге мемлекет қанша жәрдемақы төлейді?

Ведомствоның мәліметінше, 2025 жылы аталған санаттардағы азаматтарға 4,3 млрд теңге сомасында арнаулы мемлекеттік жәрдемақы төленген. Осы мақсаттарға 17 млрд теңге қарастырылған.

2025 жылы ардагерлерге арналған төлемдердің мөлшері төмендегідей белгіленген:

1. Ұлы Отан соғысы ардагерлері – 16 АЕК (62 912 теңге).

2. ҰОС ардагерлеріне теңестірілген тұлғалар:

OpenAI Х үлгісі бойынша (бұрынғы Twitter) әлеуметтік желісін жасап жатыр. Бұл туралы жобамен таныс бірнеше дереккөзге сілтеме жасап The Verge жазады.

Әзірге жоба бастапқы кезеңде. Сурет генерациясы төңірегінде шоғырланған ішкі лентаның құрылымын сынақтан өткізіп жатыр. Дереккөздердің айтуынша, OpenAI бас директоры Сэм Альтманның жеке өзі жоба туралы сарапшылардың пікірін сұрап жүр.

OpenAI бұл әлеуметтік желіні жеке қосымша ретінде ұсына ма әлде ChatGPT-ге біріктіре ме – ол жағы белгісіз. Өткен айда ChatGPT әлемдегі ең көп жүктелген қосымша атанған еді.

Сарапшылардың сөзінше, жаңа желінің іске қосылуы Альтман мен Илон Маск арасындағы текетіресті одан әрі ушықтыруы мүмкін. Ақпанда Маск OpenAI-ды ...

Бәсекелестікті қорғау және дамыту агенттігі белгілі кондитерлік өнімдер шығаратын «КДВ Қазақстан» ЖШС-на нарықта өз үстемдігін асыра пайдаланғаны үшін тергеу бастады. Бұл туралы агенттіктің баспасөз қызметі хабарлады.

«Павлодар облысы бойынша Бәсекелестікті қорғау және дамыту агенттігінің департаменті «КДВ Қазақстан» ЖШС-ге қатысты үстемдігін асыра пайдалану белгілері бойынша тергеуді бастады», – делінген баспасөз хабарламасында.

Агенттік аталмыш компанияның қызметіне талдау жүргізген. Нәтижесінде жауапкершілігі шектеулі серіктестіктің бір тауарға әртүрлі баға қойып келгенін анықтаған. Яғни компания кондитерлік өнімдерді сату бойынша әр келісімшартта түрлі баға баға мен талап қойып отырған. Мұндай фактілер антимонополиялық заңнамаға қайшы.

Осы жағдайлар анықталған соң, агенттік...