Жаңалықтар

Алматы әкімдігі Республика күнін атап өтуге арналған мәдени шаралардың жоспарын жариялады. Атаулы күнге орай, концерт, көрме, спектакль, халықаралық фестиваль өткізілмек. Шара аясында мүмкіндігі шектеулі балалар иппотерапия да ала алады.

21-24 қазан аралығында «ALMATY PUPPET FESTIVAL» II атты қуыршақ театрларының фестивалі өтпек. Оған әлемнің түкпір-түкпірінен келген шетелдік әртістер өнер көрсетеді. 21 қазанда Абай атындағы Қазақ ұлттық педагогикалық университетінде «Жаңа Ғасыр» театры «Соңғы қоңырау» атты спектакль қояды.

Ертең «Алатау» театрында «Атамекен-айбыным» атты концерт болмақ. Алма Аманжолова, Марал Анарбек, Сандуғаш Стамғазиева сынды мәдениет қайраткерлері мен дәстүрлі әншілердің өнерін тамашалауға болады. Жас суретшілер одағының мүшелері өз туындыларын ұсынбақ. Камералық оркестр классикалық әндерді тарту етед...

Жыл басынан бергі табыстылық қанша?

2024 жылы қазан айындағы  Қазақстан қор биржасындағы (KASE) жекелеген акциялардың өзгерістері егжей-тегжейлі талдауды қажет етеді. Отандық компаниялардың жыл басынан бері өзгерісіне назар аударсақ, жаңадан IPO-ға шыққан Air Astana (-27,8%) және шикізат секторындағы «Қазтрансойл» (-4,2%) компанияларының нарықтағы акция құны төмендеген.

Ал, керісінше Kcell (61,1%), Centrcredit (51,0%), Halyk (30,1%), Kaspi (25,7%), «ҚазМұнайГаз» (18,9%) және «Қазақтелеком», «Қазатомөнеркәсіп», KEGOK компаниялары (16,0%, 4,4% және 3,2%) акциялары өсті. АҚШ нарығындағы Freedom болса жыл басынан бері 35%-ға дейін өскен. Осылайша Қазақстандық компаниялардың басым бөлігінің акциялары жекелей тұрғыда жақсы өсім көрсетті деп айтуға болады.

Еліміздегі жекелеген компаниялар бойынша нақты көрсеткіштер мен...

51% акциясы миллиардер Тимур Құлыбаевқа тиесілі «Кристалл Менеджмент» мұнай компаниясы 2028 жылы Қызылорда облысы, Жалағаш ауданындағы Арысқұм кен орнында құм-қиыршық тас қоспасын өндірмек. Бұл компания кейінгі жылдары шығынға батып отыр.

Жобаға сәйкес, 2028-2042 жылдары аралығында компания жылына 2,5 мың текше метр құм-қиыршық тас өндіруді жоспарлаған. Ал 2043 жылы өндіріс көлемі 15 мың текше метрге жетпек. Аталған кен орнындағы құм-қиыршық тас қоры 1,38 млн текше метрді құрайды, ал өндіріс аяқталған соң, 1,33 млн текше метрге тең қалады.

Құм-қиыршық тас қоспасы Жалағаш ауданындағы Арысқұмда 48 гектар аумақта өндіріледі. Қазба жұмысына бір экскаватор мен бульдозер, бір тиегіш және үш КамАЗ жұмылдырылмақ.

Қаражат тапшылығына байланысты Үлкен Алматы айналма автомобиль жолына дейінгі 5 радиалды автожолдың құрылысы ұзаққа созылып кеткен. Бұл жайлы депутаттардың сауалына берген жауабында премьер-министр Олжас Бектенов айтты.

Бектенов қазіргі уақытта жол салуға 866 млн теңге көлемінде қаражат жетпейтінін айтқан. Бұл орайда қаражат республикалық және жергілікті бюджеттен бөлінген.

«Жалпы Алматы қаласының шекарасынан ҮАААЖ-ге дейін 5 радиалды жол салу бойынша бас мердігерлер 2021 жылы анықталған. Жергілікті бюджеттен қаржыландырудың жетіспеушілігі себебінен жұмыстар уақытынан кешігіп жүргізілуде Қажетті сома – 17 млрд теңге. Республикалық бюджеттен қарастырылатын соманың басым бөлігі төленді, республикалық бюджеттен төленетін соманың қалғаны 866 млн теңгені құрайды...

Оңтүстік Кореяның сыртқы істер министрінің бірінші орынбасары Ким Хон Гюн Сеулдегі Ресей елшісі Георгия Зиновьевті шақырып, Мәскеудің ұстанымы жайында  түсініктеме беруді сұрады. Сондай-ақ «Солтүстік Корея әскерін ел аумағынан шығаруды, мұндай ынтымақтастықты тоқтатуды» талап еткен.  Бұл туралы Yonhapnews ақпарат агенттігі хабарлады.

Кимнің пікірінше, Ресей мен Солтүстік Корея арасындағы әскери ынтымақтастық қару жеткізу шеңберінен асып кеткен. Сондықтан Оңтүстік Кореяға да, халықаралық қауымдастыққа да қатер төндіріп отыр. Сонымен қатар БҰҰ Қауіпсіздік кеңесінің қарарына қайшы.

Оңтүстік Корея тарапы Солтүстік Корея әскерін орналасуын айыптап, ел мүддесіне қатер төндіретін кез келген әрекетке халықаралық қауымдастықпен бірлесе отырып, барлық мүмкін құрал арқылы жауап беретінін ескерткен.

Сеулдег...

24 қазан күні кинотеатрларда қазақша дыбысталған Веном-3 киносы шығады. Бұл туралы Меломан афиша хабарлады.

Меломан компаниясының бас директоры Вадим Голенконың айтуынша, қазақ тіліне дубляж жасалған фильмдер тек қана ойын-сауық үшін емес, сонымен бірге білім беру тұрғысынан да маңызды рөл атқарады. «Сүйікті кейіпкерлердің қазақ тілінде сөйлегені көрермендерге ерекше әсер қалдырады», – дейді Голенко. Оның айтуынша, қазақ тілді дубляждың сұранысы жоғары екенін дәлелдеу арқылы келешекте тағы да көптеген Голливуд фильмдерінің қазақ тілінде көрсетілуі мүмкін.

Бұл фильм қазақ тіліне Movie Dalen дубляж студиясында аударылып, 24 қазаннан бастап көрермендерге ұсынылады.

Танымал актер Том Харди «Веном» фильмінің соңғы бөлімінде өзінің әйгілі рөліне оралады...

2024 жылғы 1 қазандағы дерек бойынша, Қазақстан банктерінің таза пайдасы 1,85 трлн теңгеден асқан. Бір ай бұрынғын 1,62 трлн теңге көрсеткіштен 203 млрд теңге артық.  Бұл туралы Ұлттық банк жариялаған деректерде жазылған.

Екінші деңгейлі банктердің жиынтық капиталы 8,2 трлн теңгені құрайды. ЕДБ-нің жиынтық капиталы айма-ай 2,6% өссе, жылдық мәнде 32,2%-ға артқан.

Қыркүйектің соңында Қазақстандағы бүкіл банктің жиынтық активті айлық мәнде 0,5%-ға өсіп, 58,1 трлн теңгеге жетті. Жыл басынан 21,4% өсім көрсеткен. Қаржы ұйымдарының міндеттемелері жыл басынан бері 11,87% өсіп, 44,57 трлн теңгеден 49,87 трлн теңгеге жетті.

Банктердің шығысы табыс салығын қоса алғанда, бір айда 11,3%-ға өскенімен, жылды...

2024 жылдың 28 қарашасында Қазақстанда алғаш рет Алматыда «Такси Қазақстан 2024» – такси нарығына қатысушыларының форумы өтеді.

Айта кететіні, жолаушы тасымалы, оның ішінде такси қызметі – Қазақстандағы ең қарқынды дамып келе жатқан салалардың бірі. Ұлттық статистика бюросының мәліметінше, 2024 жылдың бес айында аталған нарық субъектілерінің кірісі 3 373,5 млн теңгені құрады. Жалпы саны 28 437,5 мың адам тасымалданды.

Форумда такси нарығын реттеу, Қазақстандағы такси нарығының болашағы, такси қызметіне салық салу, такси парктерін автокөліктермен қамтамасыз ету, тұтынушы қауіпсіздігі мәселелері, саланы қаржыландыру және сақтандыру, Алматы қаласының такси паркін электр көліктеріне көшіру сынды өзекті мәселелер талқыланады.

Жиынға сала мамандары мен сарапшылар, нары...

Қазақстан БРИКС-ке кіруге асықпайды. Осыған орай Ресей Сыртқы істер министрі Сергей Лавров пікір білдіріп, Қазақстанның ұйымға өтініш бермеуі әбден мүмкін екенін мәлімдеген. Бұл жайлы Ресей СІМ өкілінің «Аргументы и факты» басылымына берген сұхбатында айтылған.

Басылым журналисі Қазақстан президенті Қасым-Жомарт Тоқаевтың ұстанымын жеткізген баспасөз хатшысының пікірін алға тартып, Қазақстанның не себепті БРИКС ұйымына мүше болудан бас тартып отырғанын сұраған. Лавров елдің БРИКС-ке балама бола алатын Біріккен ұлттар ұйымына мүше екенін атап өткен.

«Қазақстан Президентінің баспасөз хатшысының Қасым-Жомарт Тоқаевтың мәлімдемесіне қатысты айтқан пікіріне келетін болсақ, таяу болашақта республика БРИКС-ке кіруге өтініш бермеуі әбден мүмкін. Өйткен...

Шерзат Болаттың әкесі Қаржаубай Нұрымовқа түрмеден қоңырау шалып, қоқан-лоқы көрсеткен «Еркошқа» қатысты қылмыстық іс қозғалған. Бұл туралы KursivМedia сауалдарына жауап берген ІІМ Қылмыстық атқару жүйесі комитеті хабарлады.

«Қазіргі уақытта жәбірленушілерге келіп түскен қатерлер фактісі бойынша қылмыстық іс қозғалды. Тергеу жүргізу барысында қатысы бар адамдар анықталып, жауапқа тартылатын болады», – деп жауап берді комитет өкілдері.

Десе де кейбір болжамдар бойынша, «Еркош» кеден қызметкерін өлтіріп, 15 жылға бас бостандығынан айырылған Ержан Қасымбаев болуы ықтимал. Қылмыстық атқару жүйесі комитеті түрмеден шалынған қоңырау жайлы, оған Ержан Қасымбаевтың қатысы бар-жоғы, түрмедегі тәртібі, шартты түрде мерзімінен қашан босайтыны туралы ақпарат...

Қазақстандық киноиндустрия соңғы жылдары айтарлықтай дамып, отандық фильмдер көрермендердің үлкен қызығушылығын тудырып келеді. Соңғы айда кинотеатрларға шыққан бірнеше фильмдер кассалық табысы бойынша жаңа биіктерді бағындырды. Олардың ішінде ең табысты туындыларды назарларыңызға ұсынамыз.

Ticketon билет операторының мәліметінше, қазіргі таңда ең көп касса жинаған кино «Менің папам тигр» фильмі.

«Менің папам тигр» – 494 862 630 тг

Бұл фильм 26 қыркүйекте прокатқа шығып, соңғы төрт аптада ең жоғары табыс әкелген туынды болды. Отандық кинодағы әсерлі оқиғасы мен актерлердің шебер ойыны арқасында фильм 494 862 630 теңге көлемінде кассалық табыс жинап, көшбасшыға айналды. Әке мен баланың қарым-қатынасы, өмірлік қиындықтар...

Ресейдің Көлік министрлігі ішкі рейстерін ұйымдастыруға Қазақстаннан көмек сұрамаған. Бұл туралы Көлік министрлігі КursivМedia-ныңресми сауалына берген жауабында айтқан.

Көлік вице-министрі Талғат Ластаевтың айтуынша, министрлікке Ресей тарапынан каботаж тасымалы бойынша өтініш түспеген.

«Қазірге дейін ресейлік тараптан каботаж мәселесі бойынша ресми өтініш түскен жоқ», – деді вице-министр.

Сондай-ақ министрлік жауабында ішкі әуе тасымалы нарығының өсіп келе жатқан қажеттілігін қанағаттандыруға басымдық беріліп отырғаны атап өтіледі.

Ресми мәлімет бойынша, Қазақстандағы жолаушылар ағыны жылына шамамен 15%-ға артып келеді. 2024 жылдың қаңтар-тамыз айлары аралығында қазақстандық әуе компаниялар 10 миллионнан астам жолаушы тасымалдаған. Бұл 2023 жылдың сәйкес кезеңімен салыстырғанда 13%-ға...

Алматы облысының полиция департаменті Шерзат Болаттың көршісі, «хуторлық» ұйымдасқан қылмыстық топ туралы Youtube арналарының біріне сұхбат берген адамды не үшін ұстағаны туралы мәлімет берді.

«Алматы облысы ПД К. деген азамат ұстады. Ол Бұрын қоғамқа қауіпті іс-әрекеті үшін қылмыстық жауапкершіліктен сот арқылы босатылған. Медициналық сипаттағы күштеу шарасына үкім кесілген», – делінген хабарламада.   

Полицияның айтуынша, ол мерзімі өткен құжаттарын қайта жасатамын деп медициналық мекемеден қашып кеткен.  

«21 қаңтарда полиция қызметкерлері оны ұстап, тағайындалған емді жалғастыру үшін қайта медициналық мекемеге қайтарды», – дейді Алматы облысы полиция департаменті.

Мұның алдында журналист Асхат...

Қазақстандағы танымал туристік орындарға, атап айтқанда Қайыңды көлі мен Шарын шатқалына баратын жолдарды жөндеуге мемлекеттен ірі көлемде қаржы бөлінбек. Бұл туралы Премьер-министр Олжас Бектеновтің сенаторлардың сауалына берген жауабында айтылған. Қайыңдыға дейінгі жолды жөндеуге 1,3 миллиард, ал Шарын каньонына дейінгі жолға 3,8 миллиард теңге бөлінеді.

2020 жылы ОНТ NP компаниясы Қайыңдыға дейінгі 12 шақырымдық жолды күрделі жөндеуге 13 млн теңгеге жобалық-сметалық құжаттама (ЖСҚ) әзірлеген болатын. Жолдың алғашқы 7 шақырымына асфальт төсеу, ал қалған бөлігіне қиыршықтас пен құм-цемент қоспасын пайдалану жоспарланған еді. Мемлекеттік сараптама нәтижесінде құрылыс құны 1,3 миллиард теңге деп бағаланды. Алайда 2021 жылы жергілікті бюджеттен бөлінген 190 млн теңгеге...

Қазақстанда алтын қымбаттап жатса да, алтын сату көлемі өсіп жатыр. Мәселен, 2024 жылдың үшінші тоқсанында екінші деңгейлі банктер және жеке банктік емес валюта алмастыру орындары салмағы 475,5 келі болатын 14 000 алтын құймасын сатқан. Бұл туралы Ұлттық банктің баспасөз қызметі хабарлады.

Жыл өткен сайын алтынның саудасы қызып келеді. Бөлшек сауда 65%-ға артқан. Салмағы, яғни келі бойынша,  24,6%-ға өсіпті.

Айта кететін жайт, биыл екінші тоқсанда алтын саудасы біршама саябырсыды. Ол кезде жалпы салмағы 779,2 келі болатын 14 752 құйма сатылған еді.

Ұлттық банктің пікірінше, алтынға деген сұраныс бағасының өсуіне тікелей байланысты. 2024 жылдың басынан бері алтын 39,5%-ға қымбаттапты. Бағасына келсек, бір грамы...

2024 жылғы қыркүйекте Қытай электромобиль сату бойынша рекорд жаңартқан. Шығыстағы көрші елде екінші ай қатарынан 1 млн бірлік «жасыл» көлік сатылған. Бұл туралы Reuters агенттігі хабарлады.

Қыркүйек айында әлем бойынша барлығы 1,69 млн электромобиль мен гибрид сатылды. Бұл 2023 жылдың осы айымен салыстырғанда шамамен үштен бірге, дәлірек айтқанда 30,5%-ға артық. Әзірге биылдыққа тіркелген ең жоғары айлық нәтиже әрі абсолютті рекорд та осы.

Бұған қандай факторлар ықпал етті? Сарапшылардың бағамдауынша, оған Қытайда NEV (жаңа қуаттағы көліктер, яғни электромобильдер мен гибридтер) рекордтық сатылымының әсері бар. ҚХР-да 1,1 млн дана осындай авто саудаланған. Қытайдан басқа, Солтүстік Америкада да өсім байқалды. Күздің бірінш...

Қазақстан Ұжымдық қауiпсiздiк жүйесiнің күштерi мен құралдары құрамаларының мәртебесi туралы келiсiмге өзгерістер енгізеді. Өзгеріске сәйкес, ҰҚШҰ әскері» кенеттен тексеру» үшін кіргізілуі мүмкін. Бұл жайлы «Ашық НҚА» порталына орналастырылған Қорғаныс министрлігінің құжатында жазылған.

Келісімді не үшін өзгертіп жатыр?

«Қаулы жобасының мақсаты – Қазақстан Республикасының Президенті Қ.К.Тоқаевтың қарауына 2010 жылғы 10 желтоқсандағы Ұжымдық қауiпсiздiк жүйесiнің күштерi мен құралдары құрамаларының мәртебесi туралы келiсiмге өзгерістер енгізу туралы хаттамаға қол қою туралы ұсыныс енгізу», – делінген құжат түсіндірмесінде.

Сонымен бірге құжатта бұл өзгерістердің ҰҚШҰ-ға мүше мемлекеттердің аумағында ұжымдық қауiпсiздiк жүйесiнің күштерi мен құралдары құралымдарының уақытша болуы...

Құрылысы осыдан 13 жыл бұрын басталып, бөлінген қаржының бір бөлігі талан-таражға түскен Астана LRT құрылысына былтыр Ұлттық қордан 52,4 млрд теңге бөлінген. Бұл туралы Ұлттық экономика министрлігінің KursivMedia сауалына берген ресми жауабында жазылған.

Ұлттық экономика вице-министрі Азамат Әмриннің қолы қойылған жауапта келешекке деп жиналып жатқан қор қаржысы «жемқорлық мемориалына» айналған жобаға былтыр бөлінгені жазылған. Ұлттық қордан алынған нысаналы трансфеттің бір бөлігі LRT құрылысын аяқтауға жұмсалып жатыр.

Оған Президент Қасым-Жомарт Тоқаевтың 2023 жылғы 28 наурыздағы Жарлығына және 2022 жылғы инвестициялық келісімдер мен сауда келісімшарттарын іске асыру жөніндегі жол картасы негіз болған.

«Мемлекет басшысыны...

ҚР Ішкі істер министрлігі мопедтерді тіркеуге арналған құжаттар тізімін жариялады. Министрліктің мәліметінше, бұл құжат көлік құралдарының жекелеген түрлерiн мемлекеттiк тiркеу және есепке алуға бағытталған.

Мопедтерді тіркеу қажеттілігі неден туындады?

Себебі Қазақстанда мопедтердің қатысуымен жол көлік оқиғалары жиілеп кеткен еді. Мәселен, алып қала Алматының өзінде жыл басынан бері 360 осындай жағдай тіркелді. Соның салдарынан 364 адам зардап шексе, тағы 6 адам көз жұмды. Сондықтан министрлік мопед жүргізушілеріне 2014 жылғы 2 желтоқсандағы № 862 бұйрығына толықтырулар енгізу туралы шешім қабылдады.

Мопедтерді тіркеу үшін қандай құжаттар керек:

АҚШ-тың Пенсильвания штатында тұрып жатқан Фетхулла Гүлен 84 жасында қайтыс болды. Бұл туралы оның немере інісі Эбесулеме екі бірдей ақпарат көзіне  CNN Turk және Hürriyet-ке хабарлаған. Жыл өткен сайын денсаулығы сыр бере бастапты. Бүйрегі ауырып, қант диабеті және деменция дертіне шалдыққан.

Гүлен – түріктің қоғам және діни қайраткері, жазушы, ақын, дін уағызшысы. Гүлен алғашқыда Ердоғанның одақтасы болды. Кейін ең басты дұшпанына айналды. Түркия билігі Гүленді 2016 жылы мемлекеттік төңкеріс жасауға ұмтылды деп күдіктенеді. Бұл оқиға кезінде танк, тікұшақтар парламент ғимаратына шабуыл жасалып, қарусыз адамдар қаза болды. Түркияда Гүленді қолдайтын 218 адам ұсталып, 50 адам...

Қазақстанда 2024 жылдың қаңтар-қыркүйек айлары аралығында байланыс қызметтерінің көлемі 11,8%-ға ұлғайып, 1,004 трлн теңгеге жетті. Бұл туралы Экономикалық зерттеулер институты хабарлады.

Сарапшылардың мәліметінше, соңғы тоғыз айда интернет қызметтері ең жоғары өсім көрсеткен, көлем индексі 117,1%-ды құраған. Бұл жоғары жылдамдықты интернетке сұраныстың артуы мен цифрлық инфрақұрылымның кеңеюін көрсетеді.

Телекоммуникациялық байланыс қызметтері 2,7%-ға өскен, ал мобильді байланыс қызметтері 86,9%-ға дейін төмендеген. Бұл нарықтың тұрақты интернет-сервистерге ауысуын көрсетеді.

Сарапшылар Алматы мен Астана қалалары байланыс қызметтерінің жалпы көлемінің 81%-ын иеленіп, телекоммуникациялық белсенділіктің ірі қалаларда шоғырланғанын атап өтті.

Еске сала кетейік, бұған дейін Қазақстанда тауарлар мен қызметтер ақысының өсу көрсеткіші жағынан Ресейден де алға...

Қазақстандық финтех Kaspi.kz акциялары NASDAQ биржасында 8,32%-ға өсті. Қазір әлемдік қор биржасында компания ҒДҚ-лары 115 долларға жуық бағада саудаланып жатыр.

Мұндай өсімге компанияның III тоқсандағы қаржы көрсеткіштері мен Түркияның ірі маркетплейсі – Hepsiburada-ны сатып алатыны туралы жаңалық ықпал етті. Қаржы есебі мен стратегиялық инвестициялық қадамы Kaspi.kz-ті халықаралық нарықта нығайта түскен.

Өткен аптада қазақстандық компанияның Hepsiburada-ны сатып алатыны туралы жаңалығы инвесторлар арасында қызығушылық туғызған. Бұл жаңалықтан кейін маркетплейстің де акциялары жоғарылап, соңғы сессияда 59%-ға өсті. Аталмыш мәміле Kaspi.kz-тің халықаралық ауқымдағы амбициясын көрсетіп, жаңа нарыққа шығу мүмкіндігін кеңейтіп отыр.

Kaspi.kz-тің III тоқсан нәтижесі қандай?

Kaspi.kz соңғы қаржы есебінде кіріс...

Молдовада президенттік сайлаудың екінші кезеңі 3 қарашада өтеді. Орталық сайлау комиссиясының мәліметі бойынша, барлық бюллетеньді өңдегеннен кейін, қазіргі президент Майя Санду көш бастап тұр. Алайда кандидаттардың ешқайсысы 50% дауыс жинай алмаған.

ОСК ақпараты бойынша Кишинев уақытымен таңғы сағат 7:30-да бюллетеньдердің 97,88%-ы өңделіп біткен. Бірінші турдың қорытындысы бойынша:

Өткен апта соңында 7%-ға құлдырған мұнай бағасы дүйсенбі, 21 қазандағы саудада қайта тұрақтала бастады. Әлемде мұнай бағасының құбылуына ең ірі мұнай импорттаушы ел – Қытайдағы сұраныстың төмендеуіне байланысты алаңдаушылықтар мен трейдерлердің Таяу Шығыстағы қақтығыстарға қатысты оң болжамы әсер еткен.

Солайша, 21 қазан күнгі саудада Brent маркалы мұнай фьючерстері 8 центке немесе 0,11%-ға қымбаттап, барреліне 73,14 долларды құраған. Ал АҚШ-тың West Texas Intermediate мұнай фьючерстері 10 центке немесе 0,14%-ға өсіп, барреліне 69,32 долларға дейін көтерілген.

Ал өткен аптада Brent маркалы мұнай бағасы 7%-дейін арзандаса, WTI маркалы мұнай бағасы 8%-ға жуық төмендеген болатын.

Мұнай бағасының бұлайша құбылуына Қытайдағы экономикалы...