Жаңалықтар

Бейнеуде қаптап кеткен қара қоңыздармен тұрғындар өздері күресуі керек. Бұл туралы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Бейнеу аудандық инспекциясы хабарлады.

Инспекция мәліметінше, қара қоңыздың ғылыми атауы – Tenebrionidae. Бұл жөндіктің 15 000-ға жуық түрі бар екен. Жәндіктердің адам үшін зияны жоқ және ешқандай қауіп төндірмейді. Қоңыздар – табиғи-климаттық жағдайлардың әсерінен қаптап кеткен.

Зиянсыз болғанымен, олардың жаппай таралуы эстетикалық және санитарлық тұрғыдан қолайсыздық туғызып, тұрғындар арасында алаңдаушылық тудырып отыр.

Ал ҚР өсімдіктерді қорғау заңында (14-5) сәйкес жеке және заңды тұлғалар зиянды организмдердің көп дамуы мен таралуына жол бермеуі керек делінген. Яғни бұл әркім өз аумағын таза...

Қытай Орталық Азиядағы бес мемлекетпен құрлық қана емес, әуе қатынасын да арттыруды көздеп отыр. Енді Қытай қалалары мен аймақтағы елдер арасында тікелей әуе рейстері көбейеді. Бұл туралы Reuters жазды.

Агенттік ҚХР сыртқы істер министрлігінің сәрсенбі, 18 маусым күні таратқан ресми мәліметіне сүйенді.

Қытай мен Орталық Азия елдері авто және темір жол қатынасын жақсартып, тікелей әуе рейстерін көбірек ашуға тырысады делінген СІМ мәліметінде.

Бұған қоса, Бейжің аймақтағы бес ел үшін виза жүйесін жеңілдетуді көздеп отыр. Тараптар консулдық мекемелер ашу мүмкіндігін қарастырып жатыр.

Сонымен бірге Бейжің Қазақстан, Қырғызстан және Тәжікстанмен бірге әуежайларды жетілдіру, қажет болған жағдайда жаңасын салуды жоспарлады.

ҚХР төрағасы...

«Jibek Joly» арнасындағы «Бүгін.Live» бағдарламасына Астанаға келген Қытай төрағасы Си Цзиньпинді әуежайда қарсы алған оқушылар сұхбат берді. Олар қытай тілін қалай еркін меңгергені жайлы айтты.

-Оқушылар сарайындағы жетекшілерден және қытай тілі үйірмесінен үйрендік. Керемет әсер алдым. Осындай үлкен іс-шараға бірінші рет қатыстым. Екі елдің президентін қарсы алу деген – үлкен мәртебе. Сондықтан өзім ойдағыдай айта алдым деген ойдамын. Шаттыққа «сен Қытай тілін қайдан үйрендің?» деген сұрақ қойды Қытай төрағасы. Ата-анам мен туылмай тұрып көшіп келген Қазақстанға, мен осында дүниеге келгем. Осы кездесуден кейін дипломат, президент болғым келіп кетті. Балалар, достарымыз бізді құттықтап жатты. Мен 7-сыныпқа...

Соңғы күндері Қытайдан Иранға қарай үш транспортты ұшақ бағыт алды. Олар Қазақстан шекарасы арқылы өткен, бірақ Иранға жақындағанда радардан жоғалып кеткен. Бұл Израиль мен Иран арасындағы шиеленіске байланысты болуы мүмкін деп жазады The Telegraph

Бірінші борт 14 маусымда, қалған екеуі 15-17 маусым аралығында ұшқан. Әуе көліктері солтүстік Қытай бойымен Қазақстанды кесіп өтіп, Өзбекстанның оңтүстігіне, одан әрі Түркіменстанға қарай кеткен. Бірақ Иранға жақындағанда радардан жоғалып кетеді. Маршрут аяқталуы керек орын ретінде Люксембург ретінде көрсетілген, бірақ лайнерлер Еуропаға жақындамаған да секілді.

Қытайдан ұшып шыққан ұшақтың үшеуі де Boeing 747 жүк көлігі типіне жатады. Авиация сарапшыларына сілтеме жасаған Telegraph жазуынша, әдетте...

Құрама Штаттар Иран мен Израиль арасындағы әскери қақтығысқа араласу-араласпау мәселесін 24-48 сағаттың ішінде шешеді. Бұл туралы ABC хабарлады.

Телеарнаның мәліметінше, 17 маусым күні Ақ үйде президент Дональд Трамп басты кеңесшілерімен кездескен. Құрама Штаттардың ресми өкілдері Иран мәселесін дипломатиялық жолмен шешу немесе әскерге жүгіну туралы шешім бір-екі тәулікте қабылданатынын меңзеді деп жазды ABC.

Вашингтондағы жиын қарсаңында Трамп Иран билігіне қатысты бірнеше мәлімдеме жасады. Ол Иранның жоғарғы көсемі аятолла Әли Хаменеидің қайда жасырынып жүргенін АҚШ біледі деп жазды.

«Ол оңай нысан, бірақ өз елінде қауіпсіз сезінеді. Біз оны алып шыққалы (өлтіргелі!) жатқан жоқпыз. Қазір емес. Бірақ біз...

«Қазақстанның Автокөлік Одағының» (ҚАО) мәліметінше, 2025 жылдың мамыр айында ел аумағында барлығы 19 377 көлік сатылған. Оның ішінде 18 576 жеңіл және жеңіл коммерциялық көліктер, ал 801 техника – жүк көліктері мен автобустар бар. Бұл өткен жылдың сәйкес кезеңімен салыстырғанда 51,4%-ға артық (мамыр 2024 – 12 796 көлік).

Жалпы 2025 жылдың қаңтар-мамыр айлары аралығында елімізде 85 467 авто сатылды. Бұл өткен жылдың бес айымен салыстырғанда 28,7%-ға жоғары (2024 жылғы қаңтар-мамыр – 66 401 бірлік).

Пандемияның еңбек нарығын қатты өзгерткенін жиі айтамыз. Тіпті түбегейлі өзгертті десек, артық болмас. Ол аздай, 2025 жыл сол трендті тіпті шегелеп бекіткен секілді. Олай дейтініміз әлемнің әр жерінде тұратын миллиондаған адам кеңседегі жұмысын тастап, онлайнға ауысып жатыр. Фрилансты байқап көремін деп жүрген болсаңыз, мына материал сізге арналады. Дедлайн, тұрақсыз табыс пен толассыз тапсырыс арасында жұтылып кетпеу үшін не істеу керек? Онлайнға көшкісі келетіндерге неден бастау керегін, қалай істеу керегін айтайық.

Фриланс екен деп арқаны кеңге созып жүрмейтініңізді түсініңіз. Бұл — үлкен жауапкершілік

Осы тұста көпшілікті арасында таралған аңызды айта кету керек. Көбі фриланс десе теңіздің жағасында коктейль ішіп...

Атырау қаласынан бар болғаны 37 шақырым жерде қамыс өртеніп жатыр. Тілсіз жау осы маңда 7 гектар жерге жайылды. Бұл туралы Төтенше жағдайлар жөніндегі министрлігі (ТЖМ) хабарлады.

Атырау облысында қамыс өртеніп жатқанына бір аптаға жуық уақыт болды. Құтқарушылар 13 маусымнан бері тілсіз жаумен күресіп жүр. Содан бері жалпы ауданы 805 гектарды қамтыған қамыс өртінің бірнеше ошағы сөндірілді.

«Қазір Атырау қаласынан 37 км жерде шамамен 7 га алаңдағы өртпен күрес жүріп жатыр», – деп хабарлады ТЖМ.

Министрліктің мәліметінше, жетуі қиын жерлер, қамыстың қалың өсуі, екпінді жел өрт сөндіру жұмыстарын қиындатты.

Өртті сөндіруге ТЖМ мен табиғи резерватты...

Жаз — Қазақстанда демалыс уақыты. Балалар мектептен, ересектер оқуы мен жұмысынан үзіліс алып, халықтың ел ішінде де, шетелге де жиі саяхаттайтын маусымы. Бірақ жаз — әлемнің барлық жерінде бірдей демалысқа жайлы мезгіл емес. Саяхатқа жинала қалсаңыз, жаз кезінде қай елдерге бармаған жөн екенін, бара қалсаңыз, неге дайын болу керектігін біле жүріңіз. 

Ауа райы, табиғи циклондар, жаппай демалыс немесе овертуризм. Себебі әртүрлі болғанымен, төменде аталатын мемлекеттердің бәрін бір дүние біріктіреді. Бұл елдерге жаздан басқа уақытта барған жақсы.

БАӘ, Иордания, Мысыр, Оман, Қатар, Сауд Арабиясы 

Аталған елдерде маусым-тамыз айларында қатты ыстық болады. Ауа температурасы +55 градусқа дейін көтеріледі. Таяу Шығыс...

«Свет Салтанат» атты қазақстандық әлеуметтік жоба халықаралық беделді «Канн арыстандары» фестивалінің Real-Time Contextual Content (Нақты уақыттағы контекстік контент) санатында күміс жүлде жеңіп алды. Бұл – ел тарихындағы осындай деңгейдегі алғашқы марапат. Жобаны Citix технологиялық компаниясы мен GForce Grey креативті агенттігі бірігіп жасаған.

Оның мақсаты – жасанды интеллект көмегімен Қазақстанда отбасылық зорлық-зомбылық оқиғаларының нақты уақытта қаншалықты жиі тіркелетінін көрсетеді.

Жобада Алматыда 60-жылдары орнатылған «Салтанат» деген неонды жазу бар. Қазір бұл жазу әрбір жаңа зорлық-зомбылық оқиғасы тіркелген сайын жыпылықтап жанады. Сол ақпараттар ел бойынша 100-ден астам Citix цифрлық экранында да жарияланды. Жоба бір айға созылды.

Астанада өткен саммитте Қытай Халық Республикасының Төрағасы Си Цзиньпин «Тағдыры ортақ көршілес елдер қоғамдастығын» құруды ұсынды. Ал Қасым-Жомарт Тоқаев оның бастамасына жоғары баға берді деп жазады Ақорда.

Тоқаевтың пікірінше, бұл теңқұқылы серіктестік, ортақ игілік пен өзара құрмет қағидаларына толық сай келеді. Мемлекет басшысы аталған ұстанымдар бүгінгі Саммит қорытындысы бойынша қол қойылатын «Мәңгі тату көршілік, достық пен ынтымақтастық туралы шартта» көрініс табатынына сенім білдірді.

Президенттің айтуынша, Қазақстан Орталық Азияның бейбітшілік, орнықты қауіпсіздік пен өнімді ықпалдастық мекені болғанын қалайды. Еліміз діни экстремизммен, терроризммен, сепаратизммен, есірткі тасымалдаумен, заңсыз қару-жарақ саудасымен, рұқсатсыз көші-қонмен және адам саудасымен ымырасыз күресті жалғастыруға әзір.

Еске салайы...

Ресейдегі ірі әуежайлардың бірі — Мәскеуде орналасқан «Домодедово» әуежайы мемлекет кірісіне тәркіленді. Бұл туралы сот процесінің қатысушысына сілтеме жасаған «Интерфакс» агенттігі хабарлады.

Сот Бас прокуратураның талап-арызын қанағаттандырды. Іс жабық режимде қаралған.

Бас Прокуратура 2025 жылы қаңтарда «Домодедово» тобына кіретін 30 компанияға және оның иелеріне қарсы талап-арыз түсірген. Арызда көрсетілгендей, әуежайдың құрылтайшылары Дмитрий Каменщик пен Валерий Коган басқа мемлекеттердің резиденттері бола отырып, ел үшін стратегиялық маңызы бар активтерді заңсыз басқарған, сондай-ақ пайданы шетелге шығарып отырған.

Сот сонымен қатар Росавиация мен «Аэропорты Севера» ұйымы өкілдеріне «Домодедово» әуежайының операциялық компанияларын қарап, қаржылық және техникалық құжаттамасымен жүмыс істеуге рұқсат беруді міндеттеді.

Бұған қоса...

Қытай Орталық Азия елдеріне 1,5 миллиард юань көлемінде грант береді. Қаражат халықтың әл-ауқатын арттыруға бағытталған маңызды жобаларды қолдауға бөлінеді. Бұл туралы Қытай Халық Республикасының төрағасы Си Цзиньпин «Орталық Азия – Қытай» саммитінде мәлімдеді.

«Биыл біз Орталық Азия елдеріне халықтың әл-ауқатын арттыру мен олардың дербес дамуына жәрдемдесуге бағытталған маңызды жобаларды қолдау үшін 1,5 миллиард юань көлемінде өтеусіз грант беруге дайынбыз», — деді Си Цзиньпин.

Сондай-ақ, Қытай алдағы екі жыл ішінде Орталық Азия елдеріне кәсіби даярлық курстарына 3 мың квота бөлуді жоспарлап отыр.

Қытай мен Орталық Азия елдері арасындағы тауар айналымы 95 миллиард доллардан асқан. Ал Қазақстан...

Freedom Holding-тің жылдық есебін жариялау кезінде компания басшысы Тимур Турлов жаңа өнімдерін таныстырды. Енді Freedom-ның Super App қосымшасында жұмыс іздеп, денсаулық жайлы барлық мәліметті орналастыруға болады.

Осы жылы Freedom-ның Super App қосымшасына жаңа сегіз функция енгізу жоспарланып отыр. Олардың қатарында Naimi, EasyTap, Freedom Media, Шины деп аталатын бөлімдер бар.

«Студенттерге қосымша жұмыс іздеуге көмектесетін Easy Tap сервисі, Naimi пайда болады. Қазірдің өзінде қызмет көрсету сервисі бар. Пәтеріңізге су құбырын жөндейтін немесе электрикамен айналысатын маманды шақыра аласыз. Ол платформа ретінде кеңейе береді, әзірге тек базалық функцияны ғана орындайды», – деп түсіндірді Турлов.

Сондай-ақ ол

Америкалық кәсіпкер әрі миллиардер Илон Маск есірткіге тест тапсырды. Оның нәтижесін Х әлеуметтік желісінде жариялады.

Тест нәтижесі Масктың ағзасында тыйым салынған заттардың жоқ екенін көрсетті. Миллиардер бұл жарияланымын қысқа ғана lol (ағылшынша laughing out loud — «дауыс шығарып күлу») деген жазумен сүйемелдеген.

Бұған дейін The New York Times басылымы жағдайға дереккөздерге сілтеме жасай отырып, Маск соңғы бірнеше жыл бойы кетамин, экстази және псилоцибинді саңырауқұлақтар сияқты психоактивті заттарды қолданғанын хабарлаған.

«Мен рецептімен берілген кетаминді бірнеше жыл бұрын қолданғанмын. Бұл туралы X желісінде жаздым. Сол себепті оның жаңалығы да жоқ. Ол терең күйзелістен шығуға көмектеседі, біра...

Freedom Broker болашақта Біріккен Араб Әмірліктері мен Түркияда ашылуды көздеп отыр. Бұл туралы FREEDOM HOLDING-тің жылдық есебін жариялау кезінде компания басшысы Тимур Турлов хабарлады.

«Қазір Қырғызстан мен Өзбекстанда брокерлік қызмет көрсетуге лицензиямыз бар. Тәжікстанда банктік және брокерлік қызмет көрсетуге лицензия алдық. Қазір ол елде біздің елімізде сынақтан өткен технологияны пайдалана отырып, толыққанды цифрлық банк ашылуға дайындалып жатырмыз. Араб Әмірліктері мен Түркияда қызмет істеуге рұқсат алдық деуге болады. Сол жақта лицензияны іске қосу үшін белсенді жұмыс істеп жатырмыз», – деді .

Турловтың сөзінше, келесі жылы бизнесін АҚШ-та жүргізу үшін дайындық жүргізіліп жатыр. Бірақ Қазақстан әрдайым бәсекеге...

Туризм және спорт министрлігі дене шынықтыру және спорт туралы жаңартылған заң күшіне енгенін хабарлады.

Министрлік жаңа заң спорт саласын жаңғыртуға, спорт саясатының тиімділігін арттыруға және бюджет қаражатын оңтайлы пайдалануға бағытталғанын атап өтті.

Заңға сай төмендегідей өзгерістер енгізіліп отыр:

Бүгін отандық 1Fit стартапының негізін қалаушы Мұрат Әліханов Малайзия нарығынан кететін хабарлады. Оған дейін компания Мексикада ашылып, бірақ талпынысы сәтсіз болған еді. Шетелдік нарықта жұмыс істеу неге қиын? Ендігі жоспар қандай? Осы жайлы Kursiv Media Мұрат Әліхановқа сауал қойған еді.

Малайзиядағы мәселелердің туындауына не себеп болды?

Компания Малайзияда 600-ден аса фитнес студиямен серіктес болған еді. Жаңа команда жасақтап, бизнесті жолға қою үшін 4 млн доллар жұмсаған. Бірақ кәсіптің жүрмеуіне екінші нарықтағы сәтсіздіктер ықпал еткен.

«Бірақ Мексикодағы жағдай болған кезде, наразы болған қолданушылар әлеуметтік желідегі барлық филиалымызға ашулы пікірлер жаза бастады. Малайзиядағы қолданушылар...

Баку Израиль билігінен Иранның этникалық әзербайжандар көп шоғырланған елдімекендеріне шабуылдамауды сұрады. Бұл туралы әскери сарапшы Ақыл Рустамзаде Facebook-тегі парағына жазды.

Баку өтініші

«Әзербайжан түрлі жолдармен Израиль басшылығына Иранның әзербайжандар көп тұратын елдімекендерін атқыламауды, сонымен бірге бейбіт тұрғындарға, азаматтық инфрақұрылымға шабуылдамауды сұрады», – деді Рустамзаде.

Түрлі деректерге қарағанда Иранда шамамен 30 млн этникалық әзербайжан тұрады. Олардың дені Иранның шығыс өңірлерге қоныстанған. Батыс Әзербайжан, Шығыс Әзербайжан, Арбедиль және Зенджан провинцияларындағы халықтың дені – этникалық әзербайжан. Иранда шамамен 90 млн адам тұрады.

14 маусымда Әзербайжан президенті Ильхам Әлиев Түркия президенті Реджеп Ердоғанмен телефон арқылы...

Қыдырәлі мен Қарақат маралдың мүйізінен дайындалған сорпаға түсіп, Қатонқарағайдың табиғатына тәнті болды.

Жұлдызды жұп Қыдырәлі Болманов пен Қарақат Әбілдина Өскеменге мектептің салтанатты ашу шарасына келіп, Қатонқарағайға соға кеткен.

Қарақат Әбілдинаның айтуынша, бұл мекен – ем іздегенге шипа, шаршағанға сая.

«Көкшетау – адамның қасы болса, Қатон – шашы» деп жергілікті халық әзілмен астарлап, әдемі теңеу айтады екен. Шынымен де сұлулықтың шыңы, табиғаттың айнасы десе болады», – деп жазды ол.

Демалыс кезінде қос танымал әнші Қыдырәлі мен Қарақат маралдың мүйізінен дайындалған сорпаға түскен. Бұл буындарға шипа болатын көрінеді.

«Телефонды сөндіріп, табиғатпен үнсіз тілдесуд...

Банктер 2025 жылдың 1 қарашасына дейін ипотеканы жылдық 25 пайызбен беретін болды. Бұған дейін қаржы нарығын реттеуші органдар ипотеканың жылдық тиімді сыйақы мөлшерлемесін 25 пайыздан 20 пайызға түсірген еді. Яғни ипотека арзандауы тиіс болатын.

Алайда бұл өзгерістің күшіне енгеніне бір күн өтпей жатып, Қаржы нарығын реттеу және дамыту агенттігі тағы бір қаулы қабылдап, банктерге қарашаға дейін уақыт берген. Құжатта ипотека бойынша шекті ЖТСМ 2025 жылғы 1 қарашаға дейін қайтадан 25% деңгейінде белгіленетіні жазылған.

Яни банктер қарашаға дейін ішкі жүйелерін қайта баптап, ипотекалық өнім шарттарын қарап шығып, ішкі құжаттары мен жарнамасын жаңартуы тиіс.

«Жоба...

Президент Қ.Тоқаев екінші «Орталық Азия – Қытай» саммитінде Орталық Азия мен Қытай халықтарының арасындағы мәдени-гуманитарлық ынтымақтастықтың жоғары қарқынына тоқталды, деп жазды Ақорданың баспасөз қызметі.

Мәдени орталықтардың ашылуы, креативті индустрия және туризм салаларының дамуы осы бағыттағы басты басымдықтар ретінде аталған

– Сиань қаласынан Алматы шаһарына қатынайтын алғашқы туристік пойыздың іске қосылуын құптаймыз. «Қазақстандағы Қытай туризмі жылына» орайластырылған бұл оқиға ғасырлар бойы Еуразия аумағында тауарлар мен идеялардың толассыз алмасуына дәнекер болған Ұлы Жібек жолының рухын жаңғыртады, – деді Президент.

Қасым-Жомарт Тоқаев Алматы мен Шанхай қалалары, сондай-ақ Қазақстан мен Қытайдың бірқатар өңірлері арасында бауырластық қарым-қатынас орнағанын қуаттады.

Екінші «Орталық Азия – Қытай» саммитінде Қасым-Жомарт Тоқаев Қазақстанда екінші АЭС салатын Қытайдың ядролық мүмкіндіктері туралы айтты.

Қасым-Жомарт Тоқаев энергетика саласындағы екі ел ықпалдастығын өңірдің орнықты дамуына әсер ететін ең басты фактор ретінде атап, аймақтың дамуына оң әсер ететінін мәлімдеген. Қазақстанның энергетикалық қоры мол екенін, соны тиімді пайдалану қажет екенін тілге тиек еткен. Сондай-ақ Қытайдың ядролық энергетика саласындағы тәжіриесін ерекше ескерген.

«Әлемдегі уран қорының 20 пайызы, мұнайдың 17 пайыздан астамы, табиғи газдың 7 пайызы, сондай-ақ сирек кездесетін металдардың мол кені Орталық Азияда шоғырланған. Яғни бұл саладағы әлеуетіміз орасан зор. Біз озық технологиялар алмасуға...

Қазақстандағы ең төменгі базалық зейнетақы мен күнкөріс деңгейі кедейлік шегінен де төмен болып шықты. Өйткені, кедейлік шегі өскен.

Таяуда Дүниежүзілік банк кедейлік шегін қайта бекітті. Енді жаңа меже бойынша, тәулігіне үш доллар болып белгіленіп отыр. Бұл – адам басына шаққанда осындай кірісі бар адам кедейлік шегінде өмір сүреді деген сөз. 2017 жылы ол 2,15 АҚШ доллары деп көрсетілген еді.

Дүниежүзілік банктің жаңа өлшемі бойынша, айлық табысы 90-93 АҚШ доллары, яғни, 46 067,4 – 47 602,98 теңге жалақы алатын немесе одан да аз табыс табатын адамдар сіңірі шыққан кедей болып есептеледі.

Айта кететін жайт, Қазақстанда 2024 жылдың 4 желтоқсанында «2...