Жаңалықтар

Еуропа елдеріне виза алу жеңілдеуі мүмкін. Еуроодақ бұл мәселеге қатысты Қазақстанмен келіссөздер жүргізуге ниетті екенін растады. Бұл жайлы Schengen.news порталы хабарлады.

«ЕО мен Қазақстан виза режимін жеңілдету және реадмиссия туралы келісім бойынша ортақ келіссөздер жүргізуге дайын», – делінген хабарламада.

Еуропалық Одақ пен Қазақстан тарапының 21-ші кездесуінде екі тарап ынтымақтастықты тереңдету және визалық режимді жеңілдету туралы келісімге келуге дайын екенін растаған.

Осы орайда Қазақстан тарапы өз азаматтарына Шенген визасын беру ақысын төмендетуді, виза уақытын ұзартуды, қазақстандықтардың өтінішін қарау уақытын қысқартуды сұраған.

Сонымен бірге Қазақстан Еуропа елдерінде заңсыз жүрген өз азаматтарына реадмиссия жасау...

Алматы облысы Талғар ауданында қайтыс болған 16 жастағы Шерзат Болаттың ісіне байланысты тағы күдікті қамауға алынды. Облыстық полиция департаменті KursivMedia тілшісіне күдікке ілінген азаматтардың саны 11 болғанын растады. 

«17 қазанда кәмелетке толмаған Ш.Болатты өлтіру фактісі бойынша қылмыстық істі тергеу барысында тағы бір күдікті – К. есімді азамат ұсталды», – делінген ақпаратта.

Полиция департаменті тергеу жұмыстары әлі де жалғасып жатқанын, істі тікелей Ішкі істер министрі бақылап отырғанын хабарлады.

Айта кетейік, осыған дейін Шерзат Болаттың өліміне қатысты іс бойынша 10 адамның қамауға алынғаны белгілі болған. Қылмыстық іске байланысты полиция «Бұзақылық», «Қорқыту», «Адам өлтіру» және «Қылмыс туралы...

KursivMedia Аслан Қасымбаевтың осы лауазымды мемлекеттік қызметке қалай тұрғаны, арнайы тексеруден өткені, отбасы жағдайының ескерілген-ескерілмегені жөнінде үш бірдей мемлекеттік мекемеге – Ұлттық Қауіпсіздік комитетіне, Талғар ауданы әкімдігіне және  Мемлекеттік қызмет істері агенттігіне сауал жолдады.

Әрине, мемлекеттік қызметке кім көрінгенді алмайды. Өмірбаяны жіті тексеріледі. Мұны Талғар ауданы әкімінің аппараты да растап отыр. Жауаптардан аңғарылатындай, Мемлекеттік қызмет істері жөніндегі агенттік те, әкімдік те лауазымды қызметкер үшін жауапкершілікті Ұлттық қауіпсіздік қызметіне жүктеді.

«Мемлекеттік қызметкерлердің өмірбаяны, туыстары, отбасы жағдайы Алматы облысы бойынша Ұлттық қауіпсіздік комитетінің департаментіне тексерілуге жіберіледі», – деп хабарлады Талғар ауданы әкімдігіндегі қызметкерлерді басқару қызметі бөлімі.

Әкімдікт...

2024 жылдың қаңтар-қыркүйек айларында «ҚазТрансОйл» компаниясы мұнай тасымалдау көлемін 4%-ға арттырды. Компания баспасөз қызметінің хабарлауынша, ҚТО мұнай құбырлары жүйесімен шетелге жөнелтілген шикізат көлемі өскен.

9 айда компанияның магистральдық мұнай құбыры жүйесі арқылы 33,66 млн тонна мұнай тасымалданған. Бұл 2023 жылдың сәйкес кезеңімен салыстырғанда 1,24 млн тоннаға немесе 4%-ға артық.

Компания мәліметі бойынша, елдегі мұнай өңдеу зауыттарына жеткізілген шикізат көлемі өткен жылғы деңгейде сақталып, 13,93 млн тоннаны құраған:

Үкімет «Энергетика және коммуналдық секторды жаңғырту» ұлттық жобасын әзірлеген. Оған сәйкес, Қазақстанның жылу электр станцияларын, электр станциялары мен электр желілерін жаңғыртуға қажетті сома Ұлттық қор мен «Бірыңғай жинақтаушы зейнетақы қорынан» алынуы мүмкін. Бұл жайлы «Ашық НҚА» порталына орналастырылған Үкімет қаулысында жазылған.

«Ұлттық қаржыландыру жобасы шеңберінде табиғи монополиялар субъектілері мен электр энергиясын генерациялау кәсіпорындары тарифті кезең-кезеңмен арттыру есебінен сыйақының 10%-ын өтеуді қамтамасыз етеді деп көзделеді, сыйақы мөлшерлемесінің қалған бөлігі (тариф есебінен өтелетін ТМС-ның 10%-нан асатын айырма) республикалық бюджет қаражаты есебінен Қазақстан Республикасының Ұлттық қорынан қаржы операторына субсидиялар беру арқылы тікелей нысаналы трансферттермен толықтырылатын болады», – делінген...

Қазақстанда интернет-казино және лицензиясыз шетелдік букмекерлік кеңселерді жарнамалайтын сайттар тексеріледі. Бұл туралы Туризм және спорт министрлігі хабарлады.

Қазақстан Республикасында құмар ойындар саласында лицензиясы жоқ интернет-казино, шетелдік букмекерлік кеңселер және тотализаторлардың заңсыз әрекеттерін анықтау мақсатында уәкілетті орган интернет-ресурстардың мазмұнын жүйелі түрде тексеруді жүзеге асырады.

Жүйелі түрде жүргізілетін тексеріс интернет-казино, шетелдік букмекерлік кеңселер және тотализаторлардың лицензиясыз қызметін анықтау және тіркеуді қамтиды.

Анықталған интернет-ресурстарды арнайы тізімге қосып, олар туралы мәліметтер «Кибернадзор» ақпараттық жүйесіне беріледі. Бұл жүйе арқылы олардың Қазақстан аумағында қолжетімділігі шектеледі.

Еске сала кетсек, бұған дейін президент Қасым-Жомарт Тоқаев ойын бизнесі, лотерея қызметі және лудоманияға қатысты заң жобасына қол қойды. Заңға халықтың құмар...

Республикалық бюджетке түсетін қаржының азаюы салдарынан, Қазақстан Үкіметі был Ұлттық қордан жалпы 5,6 трлн теңге алады. 2024 жылға қордан бюджетке бөлінетін трансферт 3,6 трлн теңге деп бекітілген еді. Оның 2 трлн теңгесі – кепілдендірілген трансферт, 1,6 трлн теңгесі – нысаналы трансферт болатын.

Алайда биыл ел экономикасының өсу қарқыны баяулап, бюджетке салық аз түсіп, қазынадағы қаржы жетпейтіні белгілі болды. Үкімет жетпейтін қаржыны Ұлттық қордан алуға шешім қабылдаған.

11 қыркүйек күні Қасым-Жомарт Тоқаев арнайы қаулыға қол қойды. Осы қаулы негізінде ҚР Президентінің «Қазақстан Республикасының Ұлттық қорынан 2025 жылға арналған нысаналы трансферт бөлу және «Қазақстан Республикасының Ұлттық қорынан...

1 желтоқсаннан бастап жазғы дөңгелекпен жүрген жүргізушілерге ҚР Әкімшілік құқық бұзушылық туралы кодексінің 590-бабы 5-бөлігіне сәйкес, 5 айлық есептік көрсеткіш (АЕК) көлемінде айыппұл салынады. Бұл туралы Алматы қаласы Полиция департаменті Әкімшілік полиция басқармасының бастығы Асхат Күлбаев мәлімдеді.

Кеден одағының Техникалық регламентіне (ТР ТС 018/2011) сәйкес, жазғы маусымда (маусым, шілде, тамыз) сырғанауға қарсы тікенектері бар шиналармен көлік құралдарын пайдалану тыйым салынса, қысқы маусымда (желтоқсан, қаңтар, ақпан) қысқы дөңгелектерсіз көлікті пайдалануға болмайды.

Алматы полициясы ауа райының нашарлауына, жаңбыр мен қар түріндегі ықтимал жауын-шашынға, ауа температурасының нөлдік деңгейге дейін төмендеуіне байланысты жол қауіпсіздігін қамтамасыз ету мақсатында жүргізушілер мен көлік иелеріне дөңгелектерін қыстыққа...

Грузия «ЛГБТ үгіт-насихатына» тыйым салу туралы заңды қабылдағаннан кейін, елдің ЕуроОдаққа кіруіне тосқауыл қойылмақ. Бұл туралы ЕуроОдақ кеңесінің Брюссельдегі отырысында белгілі болды. Кеңес елдің Одаққа қосылу процесін тоқтатуы мүмкін екенін ескерткен.

«ЕуроОдақ кеңесі грузин халқының еуропалық даму жолына түсуіне қолдау көрсетуге дайын. Дегенмен Грузия үкіметінің Еуропалық Одақ құндылықтары мен принциптеріне қайшы келетін әрекеттері алаңдаушылық тудырады», – делінген құжатта.

Соңғы кезде қабылданған заңдардың әсерінен Грузияның Одаққа кіру процесі тоқтатылуы мүмкін. Еурокомиссия дипломаты Жозеп Боррельдің сөзінше, әңгіме «ЛГБТ насихатына» тайым салу туралы заң жобасына қатысты болып отыр.

Еуропалық кеңес алдағы уақытта Грузияда болатын парламенттік сайлауды...

Дүниежүзілік банк Қазақстан экономикасының 2024-2025 жылдарға арналған болжамын өзгеріссіз қалдырды. Былтыр Қазақстанның жалпы ішкі өнімі 5,15% өскен болатын. Банк болжамынша, биыл ел экономикасы 3,4% ғана өсім көрсетуі ықтимал.

Қаржы ұйымы бұл болжамын Теңіз кен орнын кеңейтудің кешеуілдеуі және елдегі қатаң ақша-несие саясатымен байланыстырады.

Дүниежүзілік банк дерегіне сүйенсек, биыл Орталық Азия елдерінің арасында Қазақстан экономикасының өсімі төмен қалыптасады. Көрші Қырғызстанның экономикасы 2024 жыл нәтижесінде 5,8% өсім байқатса, Тәжікстан экономикасы 7,2% өсуі ықтимал. Ал Өзбекстанның жалып ішкі өнімі 6%-ға көтерілуі мүмкін. Түрікменстан жабық мемлекет болғандықтан, бұл ел экономикасының дерегі болжамда көрсетілмеген.

«Еуропа мен Орталық Азия аймағындағы елдер...

Алматы қаласында жол жөндеу жұмыстары 1 қарашада аяқталады. Бұл жайлы Түрксіб тұрғындарымен кездесу барысында әкім Ерболат Досаев айтты.

Жиында тұрғындар Алматы көшелеріндегі жөндеу жұмыстарының қара суық түскенше аяқталмай жатқанын, салдарынан көлік кептелісі ұзаққа созылатынын жеткізді.

«Ауа райы бұзылып жатыр. Қыс жақындап қалды. Қаланың кей көшелерінде жұмыс әлі де аяқталған жоқ. Жөндеу жұмыстары қашан аяқталады?», – деп сұрады тұрғын.

Әкім жөндеу жұмыстарына ауа райының әсер ететінін, сол себепті күн суытса, жөндеу жұмыстары тоқтайтынын жеткізді. Ал егер ауа райы жылы болса, маңыздылығына қарай жұмыстар жалғасатынын айтты.

«Жөндеу жұмыстарына ауа...

Танымал актер, әзілкеш Тұрсынбек Қабатов өзінің Instagram парақшасында концерттерін келесі жылға шегергенін хабарлады.

Қабатов денсаулығына байланысты ауруханаға түскенін айтты. Алайда денсаулығына қатысты нақты мәлімет берген жоқ.

«Құрметті көрермендер! Денсаулығыма байланысты ауруханаға түстім. Сондықтан 45 жылдығыма жоспарлаған концерттерімді 2025 жылға шегергенімді хабарлаймын! Баршаңызды көретін күнді асыға күтемін!», – деп жазды Кабатов өзінің парақшасында.

Әзілкештің жанкүйерлері оның денсаулығына алаңдаушылық білдіріп, тезірек сауығып кетуін тілеп жатыр.

Президент Қасым-Жомарт Тоқаев Ішкі істер министрінің орынбасары Айдос Рысбаевты қызметінен босатты. Бұл туралы Ақорда хабарлады.

«Мемлекет басшысының өкімімен Айдос Какашаұлы Рысбаев Қазақстан Республикасы Ішкі істер министрінің орынбасары лауазымынан босатылды», – делінген Ақорда хабарламасында.

Айта кетейік, Рысбаев вице-министрі қызметіне 2023 жылдың қараша айында тағайындалған. Ол өз қызметі аясында криминалдық полицияға, есірткіге қарсы іс-қимыл және ұйымдасқан қылмысқа қарсы күрес қызметтеріне жауапты болған.

4 қазанда Алматы облысы Талғар ауданында бір топ азамат дүкен маңында туындаған жанжалдан кейін 16 жастағы Шерзат Болатты өлтірді деген күдікке ілінген. Оқиғадан кейін қоғамда бұл іске және аудан аумағындағы өзге де қылмыстарға «Хуторлықтар...

Алматыда метро желісі әуежайға дейін жетеді. Бұл жайлы Түрксіб ауданы тұрғындарымен кездесу кезінде қала басшысы Ерболат Досаев айтты.

«Алматыда метро құрылысы өте баяу. Басқа елдер бізбен салыстырғанда метроны әлдеқайда жылдам салады. Біздің елде неге метро құрылысы өте баяу жүргізіледі?», –деп сұрады қала тұрғыны.

Досаев метро құрылысы осыған дейін баяу жүргізіліп келгенін, алайда соңғы кездері жоспарға сәйкес жүріп жатқанын айтты. Ал метро бекеттері алдағы жылдары батысқа қарай «Барлық» базарына, шығыс бағытта әуежайға дейін жеткізіледі.

«Метро құрылысы Алматыда жоспарға сәйкес жүргізіліп жатыр. Қазіргі таңда метро желісін Қалқаман бекетіне жеткізу бойынша...

«Барыс» хоккей клубы легионерлермен қош айтысып, құрамаға жергілікті ойыншыларды қосуды жоспарлап отыр. Хоккей клубының жаңадан тағайындалған бас директоры Нұрлан Оразбаев жақында бұқаралық ақпарат құралдарымен кездесу өткізіп, алғашқы жоспарларымен бөлісті.

Бір-екі күн бұрын маған «Туризм және спорт индустриясын қолдау қоры» тарапынан ұсыныс түсті. Біз Спорт министрімен кездестік, жұмысымның барлық нюанстарын талқыладық. «Барыстың» бас бапкері болып Ғалым Мамбеталиев тағайындалды, онымен үш жылдық келісімшартқа отырдық. Вячеслав Буцаевқа алғыс білдіргім келеді. Бірінші команданың бапкерлер штабына Ерлан Сағымбаев та қосылады, — деп мәлімдеді Нұрлан Оразбаев.

Оразбаевтың айтуынша, клуб басшылығы бірқатар легионермен келісімшарттарын бұзуды жоспарлап отыр.

Қыркүйек айындағы тұтынушылық шығындар мен жұмыссыздық жөніндегі көрсеткіштер АҚШ экономикасының тұрақты екенін көрсетеді. Ал Қытайдың аяқталмаған тұрғын үйлерге арналған несиелендіру бағдарламасы күтілген нәтижені бермеді. JPMorgan жасанды интеллектіге деген қызығушылықтың артқанын ескеріп, электр энергиясын өндірушілердің акцияларын сатып алуды ұсынды. Осы және өзге де тақырыптар туралы 17 қазан күнгі әлемдік БАҚ шолуынан оқыңыздар.

АҚШ-та бөлшек сауда өсіп, жұмыссыздыққа жәрдемақы алуға берілетін өтініштер саны азайды

CNBC мәліметтері бойынша, қыркүйек айының қорытындысы бойынша АҚШ-та бөлшек сауда 0,4%-ға өсті, тамыз айында бұл көрсеткіш 0,1%-ға артқан болатын. Жаңа мәліметтер сарапшылардың болжамдарынан жоғары болды. Сатылымдар 0,5%-ға өсті. Осылайша, қыркүйек айындағы тұтынушылық шығындар тұрақты деңгейде қалып...

19-20 қазан күндері Қазақстанның көп бөлігінде көшпелі бұлт шығып, Орал, Ақтөбе мен Қызылордада қар аралас жаңбыр жауып, найзағай ойнайды деп болжанып отыр.

«Қазгидромет» агенттігінің ақпаратына сүйенсек, елдің батысында Орал (+10 +12) мен Ақтөбеде (+10 +12) күн райы күрт бұзылып, жаңбыр жауып, найзағай ойнап, арты қарға ұласуы мүмкін. Ал Ақтау мен Атырауда көшпелі бұлт шығады. Температура бағаны Ақтауда +10 +15 аралығында болады.

Оңтүстіктегі ең суық өңір Тараз (+10 +17) болмақ. Қызылорда да ауа райы (+15 +21) бұзылып, қар жауып, найзағай жарқылдайды. Түркістан (+21 +25) мен Шымкентте (+21 +25) көшпелі бұлт шыққанымен, күн райы жылы болады.

Оңтүстік шығыста да көшпелі бұлт жүред...

Туризм және спорт министрі Ербол Мырзабосынов футболдан Қазақстан құрамасының бас бапкері Станислав Черчесовке кешіріммен қарауды сұрады. Бұл туралы министр өзінің Facebook парақшасында жазды.

Министрдің айтуынша, Черчесовтің басты міндеті – ұлттық құраманы жаңа деңгейге шығару. Оған ең алдымен кәсіби қызметіне қарап баға беру қажет.

«Станислав Черчесов – халықаралық деңгейдегі танымал футболшы әрі 20 жылдық тәжірибесі бар кәсіби жаттықтырушы. Сондықтан ол түбінде қазақстандық жанкүйерлердің сенімін ақтап, ұлттық құраманы қазіргі күрделі кезеңнен абыроймен алып шығады деп сенемін», деді министр.

Сонымен қатар спорт министрі бұл мәселені ары қарай өршіте бермей, ақылмен шешуді ұсынды.

Израиль әскери күштері Рафахтағы атыс кезінде Хамас жетекшісі Яхья Синвардың қайтыс болғанын хабарлады. Ол 2023 жылы 7 қазанда Израильге басып кіріп, қантөгіс жасаған Хамас операциясының ұйымдастырушысы болған.

The Times of Israel газетінің хабарлауынша, Израиль әскери күштері соңғы апталарда Хамастың жоғары лауазымды жетекшілері жасырынған Газаның аудандарында жұмыс істей бастаған. Синвар жасырынған үйге танк бірнеше снаряд атқан.

Reuters агенттігінің хабарлауынша, Синвар 2023 жылы 7 қазанда Израильге басып кірген Хамас операциясының ұйымдастырушысы. Айта кетейік, осы оқиға кезінде Нир-Оз комуннасында 20 адам қайтыс болған. 80 жуық адамды Хамас тұтқынға алып кеткен. Шабуылдан кейін Газа секторында соғыс басталып, Израиль секторды қоршауға алды...

АҚШ, Еуроаймақ және көптеген дамушы экономикалар ақша-несие саясатын жеңілдетіп жатыр. Ал Қазақстан Ұлттық банкі негізгі мөлшерлемені қатарынан екінші рет өзгеріссіз қалдырды. Мұндай шешім әлемдік трендке қарсы қадам сияқты көрінеді.

Төмендеудің төркіні

Kursiv Research әлемнің 82 мемлекетіндегі ақша-несие саясатының үш негізгі көрсеткішіне тоқсан сайын талдау жүргізіп келеді: орталық банктердің мөлшерлемелері, жылдық тұтынушылық инфляцияның динамикасы және осы көрсеткіштер арасындағы айырмашылық, яғни нақты ставка. Нақты ставканың деңгейі ақша-несие саясатының қатаңдығы немесе жұмсақтығы туралы түсінік береді.

Орталық банктердің медиандық мөлшерлемелері 2024 жылдың қазан айында 6,4%-ға тең болды, бұл шілде айындағы 6,5%-дан төмен. Экономикалық ынтымақтастық және даму ұйымы (ЭЫДҰ) және G20 елдерінде бұл көрсеткіш...

Қарағанды облысының Шахтинск қаласында Qarmet жұмысшылары мен жергілікті тұрғындарды бопсалаған қылмыстық топ өкілдері ұсталды.

Ішкі істер министрлігі таратқан ақпаратқа сүйенсек, облыс аумағында өткен операция барысында тұрғындарды бопсалаған жастар тобы ұсталған. Олардың қатарында бір жаттықтырушы болған.

Бұған қоса, полиция Теміртау, Саран, Абай қалаларында да тергеу жұмыстарын жүргізіп, осыған дейін Qarmet объектілерінен тауарлар мен материалдарды ұрлап, кәсіпорын қызметкерлерін бопсалап келген тағы бірнеше топты қамауға алған.

Қазірдің өзінде аталған факт бойынша 100-ден астам азамат күдікті болып, 39 адам қамауға алынып үлгерген. 3 қылмыстық іс сот қарауына жіберілген.

«150-ге жуық тінту шаралары жүргізілді. Қару-жарақ пен оқ-дәрілер, сондай-ақ басқа да заттай дәлелдемелер...

Ресей батыс елдерінің санкцияларына байланысты шетелдік банктердің елдегі активтерін сатуына тосқауыл қоюды жоспарлаған. Бұл туралы Bloomberg жазады.

Басылымның ақпаратына сүйенсек, Ресей үкіметі аустриялық Raiffeisen Bank International (RBI) пен итальяндық UniCredit банктің елдегі активтерін сатуына тосқауыл қою мүмкін. Бұл кейін өзге шетелдік банктерге де қатысты қолданылатын саясат болмақ. Басты себеп банктердің ресейлік активтерін сатып алған Ресей азаматтарының батыс санкциясына ілігіп кету қаупі болып отыр. Сондықтан елден кетпес бұрын шетелдік банктер Ресей билігімен тікелей келіссөздер жүргізуі керек.

Агенттіктің жазуынша, шетелдік банктердің Ресей билігімен келіссөздер жүргізуін Батыс елдері қолдамайды. Мәскеу шетелдік банк активтерін сатып алған азаматтар санкцияларға іліксе, елдің газ экспортына байланысты төлемдеріне...

Мәжіліс депутаты Дәулет Тұрлыхановтың ұлы жазаны өтеу шартын бұзғаны үшін тағы сотқа тартылады.

Алматыда тойға барған Нұрасыл Болаттың басы дауға қалды. Бұған дейін сот шешімімен екі жылға бас бостандығы  шектелген еді. Осы жолы пробация талабын бұзғаны үшін сот отырысы қашан өтетіні беймәлім.

«Іс материалдары сотқа келіп түсті, бірақ сот отырысы әлі тағайындалған жоқ», – деді Алматы сотының баспасөз қызметі.

Еске сала кетейік, ғаламторда Нұрасыл Болаттың Алматыда тойда жүргені туралы бейнежазба таралды. Осыдан кейін қылмыстық атқару жүйесі қылмыскерді бас бостандығынан айыруды сұрайтындарын мәлімдеді.

Нұрасыл былтырғы күзде адвокаттар – Олег пен Анна Черновтарды соққыға жыққаны үшін сотталған...

Әлемге әйгілі модель әрі диетолог ғалым Мэй Маск Алматы қаласын аралап, тіпті баланың тұсауын да кескенін айтып, алған әсерімен бөлісті.

Алматыдағы BeWoman форумының ұйымдастырушысы Жанна Кан Мэй Маск баланың тұсауын кескені туралы айтып, Маскке осы дәстүрдің мағынасын түсіндірді.

«Қыз (тұсау кесілген бүлдіршіннің – авт.) көздері сондай әдемі, өзі нәп-нәзік, қылығы тәп-тәтті. Тұсауын кескеннен кейін, оның қолынан жетектеп жүргіздім. Мүлдем жасқанбай, еркін жүріп шықты. Дәстүрлеріңіз өте әдемі екен», – деді Маск.

Сонымен қатар ол екі күн бойы Алматы қаласымен танысып шыққанын, қаланың өзіне қатты ұнағанын айтты.

«Бұрын Қазақстан туралы аз-маз білетінмін. Әрдайым...