Жаңалықтар

Маңғыстау облысындағы Қаламқас кен орнында сервистік қызмет көрсететін компанияның 150-ге тарта жұмысшысы бір аптадан бері ереуіл өткізіп жатыр. Энергетика министрлігінің өкілі мұнай кенішіндегі наразылықтан хабардар екенін мәлімдеді.

Ереуіл талабы – жалақыны көтеру

Ереуілге шыққан жұмысшылардың айтуынша, сервистік қызмет көрсетуші компания басшылығы 2025 жылғы 1 наурыздан бастап айлықты 20 пайызға қысқарту туралы жаңа келісімшарт ұсынған. Бұған келіспеген жұмысшылар президент Қасым-Жомарт Тоқаевқа үндеу жолдап, айлықты көтеруді талап етті. Жұмысшылар уәжін 3 наурызда жергілікті Lada.kz жариялады.

«TES Service Company» жұмысшылары айлық 180-200 мың теңгеден аспайтынын, ал азық-түлік пен қызмет бағасы күннен-күнге өсіп бара жатқанын мәлімдеді.

Министрлік хабардар

Энергетика...

Ұлттық банк төрағасы Тимур Сүлейменов 11-12% мөлшерлемемен 10-20 жылға берілетін ипотека – борышкерлер үшін өте ауыр жүк деп есептейді. Ол бұл пікірін базалық мөлшерлеменің өсуіне арналған брифинг барысында білдірді.

Сүлейменовтен журналистер Қазақстанда ипотека бойынша жылдық тиімді сыйақы мөлшерлемесінің (ЖТСМ) шекті деңгейін 25%-дан 20%-ға дейін төмендету жоспарына қатысты пікірін сұрады. Бұған дейін тиісті қаулы жобасы «Ашық НҚА» порталында жарияланған.

«Неліктен біз бұл қадамды дұрыс деп есептейміз? Себебі 20%-дық ипотека – тиімді қаржы құралы емес. Тіпті 11-12%-бен 10-15-20 жылға несие алу да үлкен жүк. Өйткені қосылатын пайыздық төлемдердің мөлшері өте жоғары, оны өтеу қиынға соғады», – дед...

Алматы халықаралық әуежайында шу шығарған адам, осыған дейін қоғамдық көліктердің бірінде қызға шабуыл жасаған. Бұл ақпаратты Алматы қалалық полиция департаменті растады.

«Алматы қалалық полиция Департаменті екі іске де бір адамның қатысы бар екенін растайды», – делінген хабарламада.

Полиция мәліметінше, қоғамдық көліктегі оқиғадан кейін Алмалы аудандық полициясы күдіктінің үстінен қылмыстық іс қозғаған. Қоғамдық көлікте жолаушыға қол көтергені үшін ол уақытша ұстау изоляторына қамалған. Артынша сот шешімімен оған үйқамаққа алу шарасын таңдалған.

Ал сотқа дейінгі тергеу аяқталғаннан кейін, қылмыстық іс материалдары сотқа жолданып, 2024 жылдың желтоқсан айында сот ер адамды бір жылға бас бостандығын шектеу...

Алматыда Гарро Гийом Жозеф есімді АҚШ азаматы баспасөз жиынын өткізіп, бұрынғы әйелі Сана Гарро Онаевадан бір жылдан бері баласын қайтара алмай жүргенін айтты.

Мән-жайы

Кейінгі жиырма жыл бойы Америкада тұрып, сол жақтың азаматтығын алған Сана Гарро Онаева есімді Қазақстан тумасы АҚШ азаматына тұрмысқа шыққан. Басында бәрі жақсы болған. Сана заңгер, алып Facebook пен Google компанияларына құқықтық көмек көрсетеді. Гарро Гийом Жозеф те қаражаяу емес. Белгілі IBM компаниясы үшін зерттеу жүргізумен айналысады. Алайда ерлі-зайыптылар үш жылдан соң ажырасуға шешім қабылдайды. Екеуінің ортақ баласы бар. Онаева осыдан бір жыл бұрын баласымен Қазақстанға келіп, АҚШ-қа қайтпай қояды.

Адвокат сөзі

АҚШ азаматының адвокаты...

Алина Алдамберген Қазақстан қор биржасының басқарма төрағасы қызметінен кетті. Бүгін кейбір БАҚ-та осындай ақпарат жарияланды. Бірақ Алина Алдамбергеннің өзі бұл жаңалыққа қатысты нақты пікір білдірмеді.

«Біз ресми емес ақпарат бермейміз. Ресми жаңалық күтіңіз. Ал БАҚ қауесет шығарып жатыр, бұл дұрыс емес», – деді ол Kursiv Media тілшісіне.

Алина Алдамберген KASE басшылығына қалай келді?

Алина Алдамберген 1991 жылы Қазақ мемлекетттік басқару академиясын бітірген. Сондай-ақ АҚШ-та Вашингтон және Рочестер Университетінде «қаржы, бухгалтерлік есеп» деген мамандықта білім алған.

Еңбек жолын 1997 жылы «ABN AMRO Банк Казахстан» қаржы ұйымында қаржы сарапшысы, бас маман ретінде бастаған. Кейінірек...

Ұлттық банк Төрағасы Тимур Сүлейменов алдағы уақытта базалық мөлшерлеме тағы да көтерілуі мүмкін екенін айтады. Өйткені инфляция өскен сайын, базалық мөлшелемені де көтеруге туралы келеді. Ал Қазақстанда инфляция 2024 жыл соңында қарқын алып, қазір 9,6%-ға жетті.

«Базалық мөлшерлеме инфляциямен байланысты. Инфляция өскен сайын, бізге де базалық мөлшерлемені көтеруге тура келеді. Оны түсіну керек. Сондықтан бүгін біз қабылдаған шешім – оның алдын алу. Алдағы уақытта инфляциялық үдерісту болдырмас үшін, базалық мөлшерлемені көтердік», -деді ол.

Ұлттық банк теңге немесе доллар бағамы қандай болатынын болжай алмайды және бұл дұрыс емес . Ұлттық банк төрағасы Тимур Сүлейменов бұл туралы брифингте айтты.

Астанада өткен брифингте журналистер реттеушы банк төрағасына «сәуірде доллар бағамы көтерілетіні рас па» деген сауал қойды.

«Қазір оңай емес жағдай. Жаһандық деңгейде шешім тез қабылданады және олар бұрынғыдай біз үйреніп қалған шешімдер емес. Сондықтан қазір белгілі бір валютаның курсы, белгілі бір елдердің сауда-экономикалық байланысы туралы, олар біздің нарыққа қалай әсер ететіні жайлы айту өте қиын болар. Мынанша болады дегендей нақты бір болжам айта алмаймыз», – деді Сүлейменов өз жауабында.

Halyk Finance

Қазақстан тәуелсіздік алғаннан бері Парламентте үш мыңға тарта заң қаралған. Азаматтық құқық саласына маманданған заңгер, жеке құқық профессоры Марат Ахмади оның ішінде тек екі заң ғана қазақ тілінде жазылғанын, қалғаны әуелі орыс тілінде жазылып, мемлекеттік тілге аударылғанын айтады.

KursivMedia тілшісімен сұхбаттасқан маман бұл мәселенің қайдан шыққанын және қалай шешуге болатынын айтты.

«Елімізде заң әуелі орыс тілінде жазылып, содан кейін мемлекеттік тілге аударылады. Осы тұста оны кім аударады деген сұрақ туындайды. Қазір заңнаманы лингвистер аударып жүр. Соның салдарынан бір термин екі заңда екітүрлі жазылады. Қазір заңды аударсақ та, құқықты талдасақ та қолымызда құжаттың орыс тіліндегі нұсқасы...

Бүгін, 7 наурыз, футзалдан EURO-2026 іріктеу кезеңі аясында Қазақстан мен Албания құрамалары арасындағы ойын өтеді.

Матч қашан және қайда өтеді?

Кездесу Астана қаласындағы Жақсылық Үшкемпіров атындағы жекпе-жек сарайында сағат 19:00 де өтеді. Сондай-ақ, тікелей эфирді Qazsport телеарнасы көрсетеді.

Турнир кестесіндегі жағдай

Төрт турдан кейін 6-топтағы командалардың жағдайы келесідей:

Қазақстан құрамасы бұл матчта жеңіске жетіп, турнирлік кестеде өз позициясын нығайтуды көздейді.

Еске сала кетейік, футболдан Қазақстан ұлттық құрамасы 23 наурызда және 26 наурызда ойындар өткізеді.

TikTok тренді кесірінен соя таяқшаларын жеген алты оқушы бала уланып, ауруханадан бір-ақ шықты. Бірақ әупірімдеп аман қалған.

Mash ақпаратына қарағанда, оқиға Мәскеу маңындағы Красногвардейск қаласында болды.

Бес ұл бала мен бір қыз артынша ауруханаға түскен

Осы қаладағы №1 мектептің 11 жастағы оқушысы Latiao соя етінен жасалған таяқшаларды әкеліп, сыныптастарына ұсынған. Оны жеген бес ұл бала мен бір қыз артынша ауруханаға түскен.

Оқиғаның егжей-тегжейін құқық қорғау органдары анықтап жатыр.

Айта кететін жайт, TikTok трендіне байланысты оқушылардың улану оқиғалары Қазақстанда да тіркеліп отыр.

Алматы облысындағы қытырлақ таяқшалар

Мәселен, 2023 жыл Алматы облысы Еңбекшіқазақ ауданы Бәйтерек ауылында...

Алматы әуежайындағы оқиғаға қатысты тағы бір видео тарады. Ол жерде әуежай қызметкерін кепілге алған азамат әуежайды жарып жіберетінін, сөмкесінде жарылғыш зат бар екенін айтады.

KursivMedia редакциясына оқырманнан келген видеода ер адамның: «Орындарыңнан қозғалмаңдар. Бәріңді жарып жіберем. Бәріңді жарып жіберемін деймін, қаруларыңды қойыңдар», – деп жатқаны бейнеленген.

Сонымен бірге ер адам сөмкесінде 1,5 килограм жарылғыш зат бар екенін айтқан.

Айта кетсек, бүгін 7 наурыз күні Алматы әуежайында ер адам пышақпен келіп, әуежай қызметкерін кепілге алғаны туралы видео тарай бастады. Әуежайдың баспасөз қызметі көп ұзамай ер адамның залалсыздандырылып, полицияға тапсырылғанын хабарлады.

Бұл...

Президент Қасым-Жомарт Тоқаев Алматы әуежайында болған оқиғада ерлік танытқан адамды наградаға ұсынуды тапсырды. Бұл туралы президенттің баспасөз хатшысы Руслан Желдібай хабарлады.

«Мемлекет басшысы Қасым-Жомарт Тоқаев Алматы әуежайында адамды кепілге алу жағдайы жөнінде хабардар. Президент қылмыскердің суық қаруын тартып алып, ұстауға көмектескен ер адамның батылдығын ерекше атап өтіп, аталған азаматты мемлекеттік наградаға ұсынуды тапсырды», – делінген хабарламада.

Orda.kz басылымының хабарлауынша, ер адамды қарусыздандырған адам әуежай қызметкерінің орнына өзін кепілге алуды ұсынған. Ер азаматтың аты-жөні – Әбдірайым Мұса Сайранбайұлы. 1973 жылы дүниеге келген азамат. Ол әуежайға туыстарын шығарып салуға барған.

Түсіндіре кетсек, бүгін...

Ұлттық банктің отандық алтын өндірушілерден сатып алған алтынды сыртқа сатуынан нарыққа жылына қосымша 5-6 млрд доллар түседі. Бұл туралы Kursiv.Media cауалына жауап бере отырып Тимур Сүлейменов мәлімдеді.

«Қазір нарықтағы алтын бағасына сүйенсек, алтын сатудан жылына 5,5-6 млрд доллар валюта түспек. Алтын бағасы бір унциясына 2900 доллар болып тұр. Бұл деген – валюта нарығына қосымша ұсыныс, теңгеге қолдау. Өйткені долларға деген сұраныс азайып, теңге бағамы нығаяды», – деді ол.

Қаңтар-ақпан айларында Ұлттық банк 950 млн доллар нарықққа ұсынды. Соның нәтижесінде теңге бағамы тұрақтанған.

17 қаңтарда Ұлттық Банк теңгеге қысымды азайту үшін алтын-валюта қорын пайдаланатыны...

Енді банктер резервті капиталының бір бөлігін қаржы буферіне жинауға міндетті болады. Бұл тұтынушылық кредит секторын «салқындату» үшін қажет. Астанада өткен брифингте Ұлттық Банк төрағасы Тимур Сүлейменов осылай деп мәлім етті.

Банктерге қандай талап қойылды?

Ұлттық банк Қаржы нарығын реттеу агенттігімен бірлесіп, секторда контрциклдің капитал буффері атты шара енгізбекші. Жаңа өзгеріс бойынша, банктер актив көлеміне қарай резервті капиталының 0-6%-ын қор ретінде жинауы керек.

«Бұл банктер үшін халықтың қауіпсіздік жастықшасы тәрізді. Оларға резервті капиталының бір бөлігін жинауға міндеттейді. Оның мақсаты – тұтынушылық несиенің қызып кетуінен сақтау және қаржы жүйесін түрлі дағдарыстардан қорғау», – деп түсіндірд...

Ұлттық банк төрағасы Тимур Сүлейменов Үкіметтің салық саясатын, соның ішінде қосылған құн салығын (ҚҚС) көтеруін дұрыс деп есептеді. Себебі сол кезде Ұлттық қорға түсу тоқтайды.

Өскелең ұрпақтың қалтасына түспейміз

Бұл туралы ол базалық мөлшерлеменің 16,5%-ға дейін өсуіне байланысты өткізген баспасөз брифингінде мәлімдеді.

Сүлейменовтің айтуынша, қосылған құн салығын көтерген соң, Үкімет Ұлттық қорға қол салуды доғарады.

«Біз қосылған құн салығын көтереміз, есесіне Ұлттық қордан трансферт алуды доғарамыз. Ыңғайлы айырбас. Экономистер мен қаржыгерлер дұрыс деп есептейді.

Азаматтар тұрғысынан алап қараған уақытта да дұрыс екенін көреміз. Себебі Ұлттық қорға қол салған уақытта, біз болашақтың – балаларымызды...

Шымкент қаласынан Германияның Мюнхен қаласына жаңа әуе рейсі ашылады. Бұл туралы Көлік министрлігінің баспасөз қызметі хабарлады.

«Отандық әуе компания биылғы мамырдан бастап Германияға қатынайтын жаңа әуе маршрутын іске қосады», – делінген баспасөз хабарламасында.

Баспасөз қызметінің мәліметінше 27 мамырдан бастап қазақстандық «SCAT» әуе компаниясының әуе кемесі Шымкент – Мюнхен бағытында ұша бастайды. Әуе ұшақтары аптасына 3 рет, сейсенбі, бейсенбі және сенбі күндері қатынайды. Нәтижесінде Қазақстан мен Германия арасындағы рейстердің жалпы саны аптасына 11-ден 14-ке дейін артады.

Айта кетейік, SCAT әуекомпаниясы 2024 жылдың күзінде Камбоджа бағытына ұшатын жаңа рейс ашқан болатын.

Ал 29 қаңтарда Air Astana әуе...

Алматы әуежайында әйел адамға пышақ тақап, кепілге алған адам ұсталды. Бұл туралы Алматы әуежайының баспасөз қызметі хабарлады.

Баспасөз қызметінің хабарлауынша, оқиға, бүгін, 7 наурыз күні болған.

«Жергілікті уақыт бойынша сағат 11:45 шамасында өзін жолаушы ретінде таныстырған ер адам ішкі терминалдағы (Т1) рейс алдындағы тексеру аймағына келді. MAA авиациялық қауіпсіздік қызметінің скрининг қызметкерлері ер адамнан құжаттарын көрсетуді сұраған. Оған жауап ретінде ер азамат скрининг офицерін шашынан ұстап, пышақпен қорқыта бастаған», – делінген баспасөз қызметінің түсіндірмесінде.

7 минуттан кейін әуежайдың желілік полиция бөлімінің қызметкерлері офицерді құтқарып, қаруын алған.

Ұсталған азамат полиция өкілдеріне тапсырылған.

Алматылық «Medeo Drilling Group» компаниясы Атырау облысындағы Қараған кен орнында сынақ мұнай өндірісін бастамақ. Бұл кен орны Теңіз кен орнына жақын орналасқан.

Сынақ өндірісі кезеңінде алдымен жұмысы тоқтап тұрған 6 ұңғыманы қайтадан игеруді қолға алады. Одан бөлек, қосымша 3 өндірістік ұңғыма бұрғыланады.

Мұнай қабаттарының шекаралары нақтыланып, С2 санатындағы қорлар С1 санатына ауыстырылады. Аумақтағы мұнай қорын бағалау мақсатында барлау ұңғымасы бұрғыланады.

2028 жылдың 30 сәуіріне дейін кен орнында жалпы саны 9 ұңғыма болуы тиіс. Қазіргі уақытта компания қажетті экологиялық келісім алынып жатыр.

Қарағандағы мұнай қоры алғаш рет 1976-1977 жылдары анықталған. 1983 жылы бұл жерде іздеу-барлау бұрғылауы басталды. 2000-жылдары...

Қасым-Жомарт Тоқаев барша аруларды көктемнің жарқын мерекесі – Халықаралық әйелдер күнімен құттықтады. Мемлекет басшысы бұл күнді сұлулық пен мейірімділіктің көрінісі ретінде атап өтті.

Әйел – әдемілік пен ізгіліктің символы

Президент құттықтауында әйелдердің қоғамдағы орны мен рөлін ерекше атап өтіп, аналардың, қыз-келіншектердің қоғамдағы маңызын айқындады.

«Әйел бір қолымен бесікті тербетсе, бір қолымен әлемді тербетеді» деген нақылды еске салып, әйелдер қауымының өмірдегі орны ерекше екенін айтты.

Мемлекет басшысы аналардың шексіз мейірімі мен аялы алақаны әрбір шаңыраққа жылулық сыйлайтынын, ұлттық құндылықтарымыз бен ана тіліміздің сақталуына аналардың қосқан үлесі орасан зор екенін ерекше атап өтті.

Президент...

Құрама Штаттар президенті Дональд Трамп әкімшілігі қай елдің азаматтарына АҚШ-қа кіруге тыйым салатынан анықтап болып қалды.

Бұл туралы The New York Times басылымы осы мәселемен айналысатын екі шенеунік мәліметіне сүйене отырып хабарлады.

Ақ үйдің «қызыл тізімі»

Басылым дереккөздерінің айтуынша, Трамп әкімшілігі Құрама Штаттарға кіруге тыйым салынатын елдердің «қызыл тізімін» дайындап жатыр. Дереккөздердің бірі жаңа шектеуге негізінен бұған дейінгі тізімдегі елдер кірген.

NYT мәліметінше, бұған дейін Куба, Иран, Ливия, Солтүстік Корея, Сомали, Судан, Сирия, Венесуэла және Йемен «қызыл тізімге» енген еді.

Әкімшіліктегі тағы бір шенеунік жаңадан енгізілетін шектеуге Ауғанстан азаматтары да кіруі мүмкін екенін айтты. Ауған азаматтарына...

Бас прокуратура алаяқтық жолмен кәсіпкердің 100 млн теңгесін иемденіп, Германияға қашып кеткен күдіктіні Қазақстанға жеткізді. Бұл туралы Бас прокуратураның баспасөз қызметі хабарлады.

«Бас прокуратураның қызметкерлері Қазақстан Республикасы Сыртқы істер министрлігінің көмегімен Германия Федеративтік Республикасынан аса ірі мөлшердегі алаяқтық жасаған күдіктіні қылмыстық жауаптылыққа тарту мақсатында экстрадициялады», – делінген жауапта.  

Экстрадицияланған азамат 2023 жылдың қаңтар айында өзінің екі сыбайласымен сөз байласып, жалған компания құрған. Содан кейін қазақстандық жұмсақ бидайдың ірі партиясын жеткізіп беретінін айтып, кәсіпкердің 100 млн теңгеден астам қаражатын алады. Қомақты қаражатты алған соң бірден ізін суытады.

Қылмыстық қудалау органдары бұл іске...

Ұлттық банк базалық мөлшерлемені 16,5%-ға дейін көтерді. Бас банктің ақша-кредит саясаты комитеті базалық мөлшерлемеге қатысты кезекті шешімін шығарды.

Ұлттық банк бұл шешімін инфляцияның қарқын алуымен түсіндіреді. Жылдық инфляция ақпанда 9,4%-ға дейін жеделдеді. Одан бөлек, Ресейде де инфляция қарқын ала түскендіктен, сыртқы сектордың бағаға әсері күшейді.

«Барлық компонент бойынша бағаның өсу қарқыны жеделдегені байқалады. Әсіресе, қызметтер бағасының өсуі айтарлықтай үлес қосып отыр. Ақпанда айлық инфляция едәуір өсіп, орташа тарихи динамикадан айтарлықтай асып түсті. Айлық базалық және маусымдық факторлардан тазартылған инфляция көрсеткіштерінен (тиісінше, ақпанда бір жылға есептегенде – 14,2% және 16,9%) фискалдық ынталандыру және тұтынушылық кредит беруд...

Сеулдің Орталық округтік соты бұрынғы президент Юн Сок Ёльді қамауға алу шешімін жойды. Бұл туралы «Рёнхап» агенттігі хабарлады.

Қамауға алу шешімі қалай жойылды?

Юн Сок Ёль сотқа қамау санкциясын алып тастау туралы өтініш берді. 3 желтоқсандағы жарлығы заңсыз деп танылуы тиіс екенін мәлімдеді.

Президент 2024 жылдың желтоқсанында елде әскери төтенше жағдай енгізуге әрекет жасағаннан кейін, қызметінен шеттетілген еді. Осыдан кейін Юн Сок Ёльге қатысты құқықтық тергеу басталды.

Қазіргі уақытта Конституциялық сот экс-президентке қатысты импичмент ісін қарастырып, тергеу аясында күдікті ретінде қаралып жатыр.

Қарақат Әбілдина «Парасат» орденімен марапатталды. Әлеумет, экономика және мәдениет, әскери салада тер төгіп жүрген нәзік жандылар да түрлі атақтарға ие болды.

Президент Қасым-Жомарт Тоқаев өнер жұлдызын ғана емес, қоғам дамуына еңбек сіңірген, мемлекеттік қызметте көзге түскен бір топ әйелдерді марапаттау туралы жарлыққа қол қойды.

Оның үшінде әлеумет, экономика және мәдениет, әскери салада тер төгіп жүрген нәзік жандылар да бар.

«Парасат» ордені тағы кімге бұйырды?

«Қарақат» мектеп-студиясының бас директоры Қарақат  Әбілдинадан бөлек, екі депутатқа «Парасат» ордені бұйырды. Олар – Парламент Сенатының депутаты Бибігүл Нұрғалиқызы Жексенбай,  Парламент Мәжілісінің депутаты Құспан Айгүл Сайфоллақызы.

Сондай-ақ Абай облысы мәдениет, тілдерді дамыту және архив ісі басқармасының әншіс...