Жаңалықтар

«Дарикорн» лақап атымен танымал блогер Дариға Нұркеева рұқсатсыз түсірген видеосынан кейін буллингке ұшыраған баламен, оның анасымен кездесіп, кешірім сұрағанын хабарлады.

Блогер кездесуге жолдасы Дархан Жолшыбековпен бірге барған. Ол да өз кезегінде болған оқиға үшін кешірім сұраған.

«Көбі Рамзанмен арада болған жағдайдан хабардар. Бүгін біз кездесіп, бәрін талқыладық. Тағы да бәрінің алдында кешірім сұрағым келеді. Бұл мен үшін және барлық қазақстандықтар үшін кішкентай баланы ата-анасының рұқсатынсыз түсіруге болмайтынын ұқтырған үлкен сабақ болды. Біз бар жауапкершілікті мойнымызға аламыз»,- деді блогер instagram-дағы сторисінде.

Бұған дейін алматылық келіншек блогер Дариға Нұркееваның кесірінен баласы буллинге ұшырағанын мәлім етіп, блогерден кешірім...

Қайрат Боранбаев – Қазақстандағы табысты және ықпалды кәсіпкерлердің бірі. Өмірі, мансап пен бизнестегі жетістігі Қазақстан тәуелсіздік алғаннан кейінгі жылдармен тығыз байланысты. Жалпы Қайрат Боранбаев туралы ақпарат тым аз. Тіпті өмірбаяны туралы толық ақпарат табу қиын.  Әйтсе де Kursiv.Media мұқият іздеп, жіліктеп жинап шықты. Көз салсаңыз бизнесменнің өмірі шытырман екенін байқайсыз. Хикаяларда айтылатын өрлеу, бизнестегі бас айналдыратын жетістік, әйгілі отбасыға жақын болу, кейін құда болып, туысына айналу, билік ауысқаннан кейінгі құлдырау, активтерінен айырылу… Құдды бір сериал көріп отырғандай боласың.

Интернеттегі іздеу жүйелеріне көз салсақ, сұраныстардан құралған пазл Боранбаев туралы кәсіпкер, әйгілі отбасының туысы, Жаңа Қазақстан тұсында сотталған бизнесмен, «Қайрат» футбол клубы...

Қазақстанның Салық кодексінің жобасына пайдалы қазбаларды өндіру салығын (ПҚӨС) нөлге келтіруді көздейтін өзгерістер енгізілді (15%-ға дейін). Шара бес жылға дейін немесе кен орнының рентабельділігі 15%-дан асқанша әрекет етеді деп хабарлады «Атамекен» кәсіпкерлер палатасы.

Палата Салық кодексі жобасындағы норманы жетілдіру теріс экономикаға байланысты игерілмей жатқан жетілген кен орындарында қолданыстағы жер қойнауын пайдаланушылардың болуымен түсіндірілетінін атап өткен.

«Бұл тау-кен өндірісінің күрделілігімен, металдың төмендігімен және 2023 жылдан бастап айырбас металдары бойынша 50%-ға және биржалық емес металдар бойынша 30%-ға пайдалы қазбаларды өндіру салығының ставкаларының айтарлықтай өсуіне байланысты. Сонымен қатар, логистика, энергетика тарифтерінің жалпы өсуін және жалақы қорына шығындардың жыл сайын ұлғаюын...

СҚО Қызылжар ауданының Тепличное, Заречное, Ольшанка және Большая Малышка ауылдарында Есіл өзені су деңгейінің көтерілуіне байланысты қорғаныс билігі нығайтылып жатыр. Бұл туралы ТЖМ хабарлады.

Нығайту жұмыстарына барлығы 1087 адам, 126 бірлік ТЖМ техникасы, ПД, ЖАО және ТЖМ Әскери бөлімдері жұмылдырылған. Тәулігіне 4 000 дана, барлығы 110 980 дана қапшық дайындалып төселген.

Сондай-ақ Заречное ауылында су айдау жұмыстары жүргізіліп жатыр. Онда тәулігіне 1500, барлығы 79 200 текше метр су сорылған.

Ал Вагулино және Соколовка ауылдарындағы су деңгейі үнемі қадағаланып отыр.

Қазірдің өзінде эвакуациялық пункттер дайындалып қойған.

Бұған дейін, Есілдің арнасынан асуынан Тепличное ауылының тұрғындарын қауіпсіз жерге көшіру туралы шешім қабылданған.

Жасанды интеллект бір өзі бірнеше маманның орнын баса алатынын қазірдің өзінде көрсетіп жатыр. Ол тастай қылып код жазады, салған суреті анау-мынау суретшіден кем шықпайды, мәтінді де жатық жазуды үйреніп алған. Әрине, оның бұл мүмкіндіктері бізге қосымша құрал ғана болуы керек, яғни күнде қайталанатын ұсақ тірлікті автоматтандырып, шаруаны оңтайландыруға көмектескені жақсы. Десе де, кей мамандық иелеріне жасанды интеллект шынында қауіп тудырып отырғаны өтірік емес. Олай болса, бүгінгі материалымызда 2030 жылға дейін яки алдағы 5 жылда қандай мамандықтар жойылып не түбегейлі өзгеріп кетуі мүмкін екеніне шолу жасайық.

Неге дәл қазір дабыл соға бастауымыз керек? 2025 жылғы қарқын қандай?

Негізі жасанды...

«Титаник» кемесі суға кетпестен бірнеше күн бұрын жазылған хат Ұлыбританиядағы аукционда рекордтық 300 000 фунт стерлингке (400 000 АҚШ доллары) сатылды.

Полковник Арчибальд Грейсидің хатын жексенбі күні өткен аукционда аты-жөні жарияланбаған адам сатып алды. Бұл хаттың бастапқы болжамды бағасы 60 000 фунт стерлинг деп күтіліп, ол күткен бағадан бес есе қымбатқа сатылды.

Хат 1912 жылдың 10 сәуірінде полковник Грейси «Титаникке» мінген күні жазылған. Оны «пайғамбарлық хат» деп атап кеткен. Өйткені ол танысына «кеме туралы ойын сапары аяқталғаннан кейін ғана айта алатынын» жазған. Хат 1912 жылдың 11 сәуірінде кеме Ирландиядағы Куинстаун портына тоқтаған кезінде жөнелтілген, 12 сәуірде Лондонның пошталық мөр...

«Қазақстан темір жолы» ұлттық компаниясының баспасөз қызметі Есіл – Арқалық учаскесіндегі теміржол өткелінде пойыз бен трактор соқтығысып, тракторшы қаза тапқанын хабарлады.

«Өткелде дабыл жүйесі дұрыс істеп тұрғанына қарамастан, трактор жүргізушісі жол қозғалысы ережесін өрескел бұзып, келе жатқан пойыздың алдына шығып кеткен. Машинист шұғыл тежегіш қолданғанымен, соқтығысуды болдырмау мүмкін болмады», – деп хабарлады ҚТЖ.

Трактор жүргізушісі алған жарақаттарынан оқиға орнында көз жұмған.

ҚТЖ автокөлік жүргізушілерін теміржол өткелдерінен өту кезінде жол қозғалысы ережелерін қатаң сақтауға және өткелдегі дабыл белгілеріне мұқият назар аударуға шақырады.

Бұған дейін, пойызда босанған әйел нәрестесін терезеден лақтырып жібергені хабарланған.

Әлемнің «автокөлік астанасы» саналатын Детройт қаласы орын тепкен Мичиган штатының Солтүстік жағалауындағы Гурон көлінде мүлде көлік жүрмейтін Макинак арал қалашығы бар. Мұнда автокөлікке 19-ғасырдан бері тыйым салынған.

Макинак аралы бар болғаны 3,8 шаршы шақырым жерді алып жатыр. Бұл аралда жыл бойы 600 тұрғын өмір сүреді. Олардың әрқайсысы бір-бір ат ұстайды.

Көлікке неге тыйым салынған

Жергілікті аңызға сүйенсек, 1898 жылы бір автокөлік аттарды шошытып, апат туғызған соң, ауыл билігі іштен жанатын қозғалтқыштарға тыйым салған. Бұл тыйым екі жылдан кейін бүкіл аралға таралған. Содан бері арал тұрғындары осы тыныш өмір салтын ұстанып келеді.

Бүгінде аралда 600-ге жуық жылқы

АҚШ президенті Дональд Трамп Ватиканда Украина президенті Владимир Зеленскиймен кездескеннен кейін, Ресей президенті Владимир Путиннің Украинадағы соғысты тоқтатуға деген ниетіне күмән келтірді.

Римнен кеткеннен кейін әлеуметтік желілерде пікір білдірген Трамп Мәскеудің осы апта басында Киевке жасаған шабуылдарынан соң, Путин өзін алдап отырғанынан қауіптенетінін айтты. Ол «Путиннің азаматтық аудандарға зымыран атуына ешқандай себеп жоқ» екенін де атап өтті.

«Бұл жағдай маған оның (Путиннің) соғысты тоқтатқысы келмейтінін, тек мені адастырып отырғанын меңзейді. Сондықтан бұл мәселені басқа жолмен – «банктік» немесе «жанама санкциялармен» шешу керек шығар», – деп жазды Трамп Truth Social желісіндегі парақшасында.

Ақ үй өкілдер...

Соңғы онжылдықта Қазақстан мен бүкіл посткеңестік кеңістікте ерекше бір құбылыс пайда болды – Фридом экожүйесі. Бұл құрылым Freedom Holding Corp. компаниясының айналасында қалыптасқан және бүгінде қаржы қызметтерінің барлық саласын қамтиды: брокерлік қызметтерден бастап, банктік операцияларға, сақтандырудан бастап, медиа және білім саласына дейін.

Қазір бұл экожүйе көптеген сарапшылар мен инвесторлардың назарында, себебі ол дәстүрлі қаржы институттарының орнын басатын заманауи модельге айналып бара жатыр. Осы аналитикалық материалда біз Фридом экожүйесінің қалай пайда болғанын, оның құрылымын, табыс көздерін, болашақтағы мүмкіндіктері мен сын-тегеуріндерін талдаймыз.

Тарихы мен қалыптасуы

Freedom Holding Corp. 2008 жылы Тимур Турлов негізін қалаған кезде бұл компания шағын ғана брокерлік...

Олимпиада чемпионы Серік Сәпиев Ұлттық Сурдлимпиада комитетінің президенті болып тағайындалды. Бұл туралы ол өзінің Instagram парақшасында мәлім етті.

«Құрметті достар! Мен сіздермен соңғы жаңалықтармен бөліскім келеді. 
Мен Ұлттық Сурдлимпиада комитетінің президенті болып сайландым. Бүгін Президент ретінде кезектен тыс Конференцияда Комитет басшылығының жаңа құрамын таныстырдым, сондай-ақ алдағы жоспарларды белгіледім. Туризм және спорт министрлігіне, және де бүгінгі іс-шараға қатысқан барлық ардагерлер мен спорт қайраткерлеріне қолдау көрсеткені үшін алғыс білдіремін» – делінген Сәпиевтың жазбасында.

Сәпиев осы кезге дейін Қарағанды ​​облысы әкімдігі дене шынықтыру және спорт басқармасының басшысы қызметін атқарып келген.

Бұған дейін тағы бір олимпиада чемпионы Бақтияр Артаевты...

Қазіргі ата-аналар күнделікті тұрмысты жеңілдетіп, балаларының тыныштығы мен қауіпсіздігін қамтамасыз ету үшін технологияның түр-түріне жүгінеді. Бұрынғылар онсыз да бала өсірді деуге асықпаңыз. Өйткені бүгінгі заман басқа: қарқын да, жағдай да өзгерген. Олай болса, заманауи ата-аналарға керек болатын 10 пайдалы гаджетке шолу жасайық.

1. Бейнебақылауы бар радио-күтуші

Бұл құрылғы не үшін керек:
Радиокүтушінің бұрынғы түрінде баланың даусын ғана естуге болатын мүмкіндік бар еді. Ал енді жаңадан шыққан түрлерінде бейнебақылау қосылған. Сол арқылы баланы бөлмесіне бармастан, қашықтан қарауға болады. Әсіресе әлі қырқынан шықпаған баласы бар, жаңа босанған келіншекке 10-15 минут тыныштықта мызғып алғанның өзі ғанибет. Міне, сондайда осы құрылғы көмектеседі. Балалар...

Ел үкіметі Қазақстанда криптобанктер ашу мүмкіндігін қарастыруда. Бұл туралы Премьер-министр Олжас Бектенов депутаттық сауалға берген жауабында айтылған.

Оның айтуынша, Қазақстанда қалыптасып жатқан цифрлық экожүйе аясында криптобанктің негізгі функциялары – цифрлық активтерді айырбастау, сақтау және мәмілелерді сүйемелдеу – қамтылатын болады.

«Бұл функцияларды жүзеге асыру криптовалюта айырбастау провайдерлері, цифрлық қаржы активтері (ЦФА) платформаларының операторлары, кастодиандар, цифрлық биржалар, брокерлер мен дилерлер сияқты инфрақұрылымдық субъектілер арқылы қамтамасыз етіледі. Аталған субъектілер халықаралық тәжірибеге сай, реттелетін және қауіпсіз ортада цифрлық қызметтердің кең ауқымын ұсына алады», – деді Үкімет басшысы.

Сондай-ақ Бектенов қазіргі таңда цифрлық активтер туралы заңнамаға өзгерістер әзірленіп жатқанын...

АҚШ президенті Дональд Трамп пен Украина президенті Владимир Зеленский Ватиканда Папа Францискті жерлеу алдындағы аза тұту рәсімінде кездесіп, келіссөздер жүргізді.

Euronews мәліметінше, Ақ үйдің коммуникациялар жөніндегі директоры Стивен Ченг бұл кездесудің өткенін растады және екі көшбасшының «жеке кездесу өткізіп, өте өнімді келіссөздер жүргізгенін» айтты. Ол сонымен қатар:

«Кездесу туралы толық ақпарат кейінірек жарияланады», – деп мәлімдеді.

Украина президенті кеңсесі жариялаған фотосуреттерде қос көшбасшының Әулие Петр шіркеуінің ішінде бір-біріне қарама-қарсы отырып, әңгімелесіп отырғанын көруге болады.

Римге 25 сәуір, жұма күні келген соң, Трамп әлеуметтік желіде Украина мен Ресей «өте жоғары деңгейдегі келіссөздер өткізуі тиіс...

Мыңдаған діндарлар мен әлем көшбасшылары Рим Папасы Францискпен қоштасу рәсіміне қатысу үшін Ватиканға жиналды. Қоштасу рәсіміне АҚШ президенті Дональд Трамп пен жұбайы Мелания, Франция президенті Эммануэль Макрон, Украина президенті Владимир Зеленский, сондай-ақ Еуропа, Азия, Латын Америкасы мен Африка елдерінің басшылары келді. Олармен бірге Ватиканға кардиналдар, халықаралық ұйымдардың өкілдері жиналды.

Рәсімге 160-тан астам делегация қатысуда, олардың ішінде 60-тан астам мемлекет пен үкімет басшылары бар.  Сондай-ақ қонақтардың қатарында – Бразилия президенті Луис Инасиу Лула да Силва, Аргентина президенті Хавьер Милей бар. Ресей тарапынан Мәдениет министрі Ольга Любимова келді.

Рәсімді Кардиналдар колледжінің деканы Джованни Баттиста Ре басқарады. Құдайға мінәжет ету басталысымен Францискт...

Биыл смарт технологиялары бар үй деген сән ғана емес, күнделікті қажетке айнала бастайды. Өйткені осы технологияның арқасында күйбең тірлік жеңілдеп, өмір қауіпсіз әрі үнемдірек бола түседі. Мысалы, сіз жұмыста отырып «үтікті өшірдім бе, жарық қосылып қалмады ма?» деп уайымдамайсыз. Болмаса, үйге қарай бет алғанда ақылды жүйе шай қойып, дәліздің жарығын қосып, кондиционердің температурасын ыңғайлап қояды. Ғажап емес пе? Осылай сізді сөзсіз түсінетін «ақылды үй» технологиясында 2025 жылы қандай өзгерістер болатынына шолу жасайық.

«Ақылды үйдің» артықшылығы: оның қандай пайдасы бар?

Сонымен смарт-үйдің неге керек екенін тізбектеп көрелік:

Әлемдік автонарықта баяғыдан қалыптасқан бір үрдіс бар: ірі автоконцерндердің әрқайсысы өзіне тән премиум бренд жасап шығаруға ұмтылады. Әдетте ол жай ғана көлік емес, сән-салтанатпен, барынша сапалы, технологиямен және ерекше стильмен байланыстырылатын марка болады. Toyota – бұқаралық сегмент, ал Lexus – бизнес-класқа арналған жайлы өмірдің символы. Hyundai өз кезегінде BMW мен Mercedes-Benz-пен бәсекелесу үшін Genesis брендін құрды. Тіпті Citroen де үйреншікті шеңберден шығып, DS Automobiles маркасын ұсынған. Бұл – жапондардан бастап еуропалықтарға дейінгі барша автоөндірушілер жүріп өткен жол.

Алыптар жолы

Енді бұл жолға Қытай да түсті. Қытайлық автоөндірушілер әлемдік нарыққа батыл қадам басып келеді. Ал олардың жоспары артқан...

ТМД елдерінде ең ерте некеге тұратындар — Тәжікстан азаматтары, ал ең кеш үйленетіндер— Беларусь тұрғындары. Kursiv.Мedia ТМД елдеріндегі азаматтардың қай жаста жиі некеге тұратынын зерттеп көрді.

Кейбір елдерде Ұлттық статистика комитеттері 2024–2025 жылдарға қатысты келін мен күйеу жігіттердің жасы туралы деректерді жарияламаған. Мұндай жағдайларда алдыңғы жылдардың көрсеткіштері негізге алынған.

ТМД елдеріндегі ең жас келіндер — Тәжікстанда. Бұл елде қыздар орта есеппен 22,1 жаста, ал ер азаматтар 26,2 жаста алғаш рет некеге тұрады.

Одан кейінгі орында — Өзбекстан. Мұнда әйелдер 22,3 жаста тұрмысқа шығады, ал ер адамдар 27,1 жаста үйленеді.

Ресейде әйелдердің алғаш рет некеге тұру жасы — 23,2, ерлердік...

1 мамыр – Бірлік күні. Бұл күні Қазақстанда тату-тәтті өмір сүріп жатқан көп ұлттың бірлігі тойланады. Kursiv.Media мерекенің шығу тарихы, маңызы мен қандай құндылыққа ие екені туралы баяндайды.

Қазақстандықтар үшін мамыр айының алғашқы күн жай ғана мейрам емес, бұл нағыз ұлттық келісім күні. Көненің адамдары бұл күнді кеңес заманындағы шерулермен байланыстырады. Алайда Қазақстанда бұл күн мүлдем басқа мағынаға ие. 1996 жылдан бастап 1 мамыр күні Қазақстанда Бірлік күні тойланады. Бұл жай демалыс күні емес, бұл елдің ең маңызды құндылықтары – этникаарлық достықты, толеранттылықты және ұлттар достығын дәріптейтін күн.

Бұл расымен жылынып, жер біткеннің бәрі жасыл кілемге оранып, айнала жайқалатын кезе...

2025 жылғы наурызда Еуропа автонарығында елеулі өзгеріс тіркелді. Жаңа автомобильдерді сату көлемі бойынша Ұлыбритания көш бастады. Бір айда бұл елде 357 103 жаңа көлік сатылған. Өткен жылдың наурызымен салыстырғанда көрсеткіш 12,4%-ға артты. Бұл туралы Еуропалық автомобиль өндірушілер қауымдастығының (ACEA)  хабарлады.

Ел рейтингте бірден төрт сатыға көтерілді. Көрсеткіш әдеттегі маусымдық үрдіспен байланысты: Ұлыбританияда көктемнің басында жаңа нөмір белгісі енгізіледі, осыған байланысты авто сатып алулар күрт артады.

2025 жылдың наурызында ЕО, Ұлыбритания және EFTA елдерінде барлығы 1,42 млн жаңа жеңіл автокөлік тіркелген. Бұл 2024 жылғы наурызбен салыстырғанда 2,8%-ға артық. Өсімнің негізгі бөлігі электр және гибрид көліктер есебінен болды. Ал іштен жанатын...

Журналист Оралғайша Омаршанованы өлтіргенін мойындаған Серік Жаманаев (лақап аты Серік Голова) 25 сәуірде түрмеде қайтыс болды. Оралғайша 18 жыл бұрын із-түссіз жоғалып, мәйіті 2021 жылы ғана табылған.

Ішінен қан кеткен

Бұл туралы түрмедегілердің құқығын қорғаушы Вадим Курамшин алғашқылардың бірі болып әлеуметтік желілерде хабарлады. Солтүстік Қазақстан облысы қылмыстық-атқару жүйесі департаменті Жаманаевтың қазасын растады.

Курамшиннің айтуынша, жазасын өтеушінің жабық мекемеде ауыр сырқаттан көз жұмғаны туралы қаралы хабарды оған марқұмның қызы Жәмила жеткізген.

«25 сәуірде таңертең Серік Жаманаев қайтыс болды. Оның қызы Жәмила осыған орай мәлімдеме жасауымды сұрайды», – дейді ол әлеуметтік желіде.

Оны...

Әлеуметтік желі мен мессенджерлерде  Қостанай облысының әкімі Құмар Ақсақаловтың «Мәңгілік полк» шеруіне қатысты мәлімдеме жасап, оған біреулер қоқан-лоқы көрсеткені жайлы айтылған видео тарауда.  Алайда облыс әкімдігі бұл бейнежазбаның жалған екенін мәлім етті.

«Мессенджерлерде Қостанай облысының әкімі бейнеленген жалған видео тарап жатыр. Онда облыс әкіміне қауіп төніп тұрғаны айтылған-мыс. Бұл видео жасанды интеллект көмегімен жасалған», – делінген әкімдік хабарламасында.

Бұл жалған ақпаратты тарату фактісі бойынша  облыс әкімдігі құқық қорғау органдарына ресми түрде өтініш жолдағанын хабарлады.

Кибершабуылдарды талдау және зерттеу орталығы да аталған бейнежазбаның жалған екенін растады.

«Жасанды интеллект құралдарының көмегімен жасалған, шындыққа...

«АвтоВАЗ» компаниясы «стратегиялық модель» деп атаған жаңа Lada Iskra көлігі 2025 жылдың тамыз айының соңында Қазақстан нарығында сатыла бастайды. Бұл туралы компанияның ресми өкілі хабарлады.

Ал шілде айында ресми дилерлерде көліктің алғашқы көрме үлгілері пайда болып, алдын ала тапсырыс беру мүмкіндігі ашылады. Бағасы әзірге жария етілмеген, бірақ сарапшылардың болжамынша, бұл модель Granta-дан қымбатырақ, алайда Vesta-дан арзанырақ болады.

Жаңа модель қалай жасалды?

Lada Iskra бастапқыда Granta-ның ізбасары ретінде ойластырылған. Алайда қазір бұл жаңа модель Granta мен Vesta арасындағы орынды иеленеді — баға жағынан да, жабдықталуы жағынан да. Бұл туралы «АвтоВАЗ» басшысы Максим Соколов 2024 жылғы Петербург халықаралық экономикалы...

Қасым-Жомарт Тоқаевтың Маңғыстаудағы білім сапасына қатысты сынынан кейін,  министр Ғани Бейсембаев өңірге барып маңызды жиын өткізді. Президенттің сын-ескертпесінен соң, министр бірден іске көшіп, облысы әкімі Нұрдәулет Қилыбаймен бірлесіп өңірде білім сапасын арттыру мәселесін қолға алды.

Білім сапасын арттыру жөніндегі кеңейтілген жиынға аймақтағы білім беру ұйымдарының басшылары, мәслихат депутаттары мен қоғам белсенділері қатысты. Бейсембаев пен  өңір басшысы мектепке дейінгі тәрбиеден бастап техникалық және кәсіптік білімге дейінгі барлық деңгейді қамтитын 2025–2029 жылдарға арналған кешенді жоспарда құрып та үлгерген. Жиын барысында осы құжатқа министр мен аймақ әкімі қол қойды.

Жоспар бес негізгі бағытты қамтиды: инфрақұрылымды жақсарту, білім мазмұнын жаңарту, педагог кадрлардың әлеуетін арттыру...