Жаңалықтар

Қазіргі кезде көптеген адам тұрақты әрі ауқымды өзгерістер дәуірінде өмір сүріп жатырмыз деп ойлайды: мемлекеттер келбеті мен индустрия қарқынды өзгеріп келеді. Сыртқы байланыс пен тәуелділік векторы өзгеріп, дәстүрлі қосылған құн тізбектері бұзылып, олардың орнына жаңасы қалыптасып жатыр.

Бүкіл өнім мен қызметтердің электронды дистрибуциясы бәсеке мен ұлттық реттеушілерге жаңа сын-қатер тудырып отыр. Трансұлттық корпорацияларды жаһандық цифрлық экожүйелер ығыстырып келеді. Жаңа өнімдер күрделеніп, ал компаниялардың пайда табуы күн сайын қиындап барады.

Ақырында, болып жатқанның өзіндік мәні өзгереді. Нарыққа қатысушылардың басым көпшілігі үшін  өнімдер күрделі көрінеді.

Өйткені нарықтар қайта құрылып, тұтыну үлгілері өзгеріп, ал мемлекеттік басқару жүйелері қайта құрылымдаудың жаңа кезеңіне өтіп...

2025 жылдың қаңтарында халықаралық ақша аударымдары көлемі төмендеді. Қазақстаннан негізінен Ресей, Түркия және Өзбекстан елдеріне ақша аударылса, ал Қазақстанға қаражат көбінесе Ресей, АҚШ және Түркиядан келіп түсті. Өткен айда желтоқсанмен салыстырғанда, аударымдар саны 23,3%-ға, ал олардың жалпы көлемі 26,4%-ға төмендеді.

Қазақстаннан қай елдерге ақша аударылған?

2025 жылдың қаңтарында Қазақстаннан шетелге 40,7 млрд теңге сомасына 108,8 мың ақша аударымы жіберілді. Желтоқсан айымен салыстырғанда, аударымдар саны 25,9%-ға, ал сомасы 28,3%-ға азайды.

Ақша аударымдарының негізгі бағыттары – Ресей, Түркия және Өзбекстан болды. Ресейге 15,3 млрд теңге (37,6%) аударылса, Түркияға 8,6 млрд теңге (21,1%), ал Өзбекстанға 6,9 млрд теңге ...

Тұрғын үй алуға өтініш беру жеңілдейді. Елімізде «Тұрғын үймен қамтамасыз ету орталығы» ақпараттық жүйесі әзірленуде. Оның көмегімен отбасылар тұрғын үй кезегіне онлайн тұра алады. Бұл жайлы Өнеркәсіп және құрылыс  министрлігі хабарлады.

Әкімдіктер арқылы тұрғын үй кезегіне тұру қашан тоқтатылады?

Осыған дейін  тұрғын үй саясатын әкімдіктер басқарып келген болатын. Олар азаматтарды есепке қойып, тұрғын үйді үлестірумен айналысты. Алайда 2024 жылдың қарашасында Президент Қасым-Жомарт Тоқаев жаңа заңға қол қойды. Оған сәйкес, бұл функциялар енді «Отбасы банкке» беріледі. Заң 2025 жылдың 24 мамырынан бастап күшіне енеді.

Жүйе қалай жұмыс істейді?

Қазіргі уақытта банк базасында жаңа ақпараттық жүйе құрылды...

Таиландта шетелдік туристерге арналған салық 2025 жылдың соңына дейін енгізілуі мүмкін. Бұл туралы сол елдің туризм және спорт министрі Соравонг Тьентхонг хабарлады.

Министрдің айтуынша, әуе көлігімен келетін шетелдіктерден 300 бат (шамамен 3 800 теңге) көлемінде салық алынады. Ал құрлық немесе су жолдары арқылы келетіндер үшін салық мөлшері өзгермейді, бірақ олар бұл сомаға бір емес, бірнеше рет кіріп-шыға алады. Мұндай мүмкіндік бір-екі айға беріледі.

Қазіргі таңда туристік алымның нақты қашан енгізілетіні белгісіз. Өйткені бұл үшін елге келушілерге арналған цифрлық карта (TDAC) жүйесі іске қосылуы қажет. Билік өкілдерінің болжамынша, бұл жүйе 1 мамырдан бастап жұмыс істейді. Егер бәрі жоспар бойынша іске...

Samsung өте арзан смартфондарды шығарды. Олар – Galaxy M06 5G және Galaxy M16 5G. Бұл смартфондардың ерекшелігі – өте арзан бағасында.

Сnews ақпаратына қарағанда, олардың бағасы 55 398 теңге шамасында болады. Арзандығына қарамастан сапасы ақсамайды. Мәселен, Galaxy S25-дағыдай тез қуаттағышы бар. 2025 жылдың наурыз айынан бастап сатыла бастайды.

Ерекшелігі неде?

Samsung өте арзан смартфондары – Galaxy M06 5G және Galaxy M16 5G-тің ерекшеліктері мен бағасына егжей-тегжейлі тоқтала кеткен жөн.

Galaxy M16 5G бастапқы конфигурациясы (4 ГБ RAM және 128 ГБ ROM) 65 мың теңге тұрады. Ал 6/128 ГБ нұсқасы 74 мың теңге болады.

Смартфондар қалай жұмыс...

Қазақстан премьер-министрі Олжас Бектенов салықтан жалтарған ірі компаниялардың толық тізімі барын айтып, BI Group пен BAZIS құрылыс компанияларын атады.

Үкімет басшысы бүгін вице-премьер – ұлттық экономика министрі Серік Жұманғаринмен, қаржы министрі Мәди Такиевпен жұмыс кеңесін өткізді. Олар салық-бюджет реформасы, салық түсімдерін бақылауды күшейту мәселелерін талқылады.

«Қаржы министрінің ақпаратынан салық жүктемесін оңтайландырудың әртүрлі схемаларын қолдана отырып, міндетін адал атқармайтын кәсіпкерлердің барын көріп отырмыз. Миллиардтаған айналыммен олар бюджетке өздерінің тапқан пайдасына мүлдем сәйкес келмейтін сомаларды төлейді.

Бізде осындай ірі компаниялардың толық тізімі бар. Ол тізімде BI Group, BAZIS және басқа да көптеген ірі құрылыс...

«Наурыз» бағдарламасы бойынша «Отбасы» банктен бастапқы жарнаны аз төлеп, үй алуға болады. Сонымен бірге аталмыш бағдарлама бойынша берілетін үйлер қымбаттамайды. Бұл туралы Сенат кулуарында «Отбасы» банк төрағасы Ләззат Ибрагимова айтты.

Банк басшысының айтуынша, «Наурыз» бағдарламасы бойынша берілетін үйлердің бағасын құрылыс компаниялары өз бетінше қымбаттата алмайды.

«Наурыз» бағдарламасы бойынша пәтер бағасын өзгерту мүмкін емес. Құрылыс компаниялары ұсынған баға бірінші Baspana порталында бекітіледі. Осыдан кейін құрылысшы оның бағасын өз қалауына сай өзгерте алмайды», – деді банк өкілі.

10% жарна төлеп үй алу тетігі

«Біз қаңтардан бастап бағдрламаға жаңалық енгіздік...

Өнеркәсіп және құрылыс министрі болып Ерсайын Нағаспаев тағайындалды. Бұл туралы Ақорда хабарлайды.

Ол 2021 жылдан бері «Қазақстан темір жолы» компаниясында қызмет істеген.

«Мемлекет басшысының Жарлығымен Ерсайын Қайырғазыұлы Нағаспаев Қазақстан Республикасының Өнеркәсіп және құрылыс министрі лауазымына тағайындалды», – делінген хабарламада.

Нағаспаев 1980 жылы Қарағанды қаласында туған. Ол Бөкетов атындағы Қарағанды мемлекеттік университетін бітірген. Әр жылдары Сыртқы істер және Көлік министрліктерінде қызмет атқарған.

Премьер-министрдің орынбасарының кеңесшісі, Шахтинск қаласының әкімі және Астана қаласы әкімінің орынбасары болды.

Бұған дейін Өнеркәсіп және құрылыс министрлігін басқарған Қанат Шарлапаевты Қасым-Жомарт Тоқаев өз көмекшісі етіп тағайындады...

2025 жылғы 1 сәуірден бастап «ҚазТрансОйл» АҚ теміржол цистерналарынан мұнай құю тарифін 375 теңгеден 625,36 теңгеге дейін қымбаттады. Бұл туралы компанияның Қазақстан қор биржасына жолдаған ақпаратында жазылған.

.Бұл өзгеріс «Ақтау» бас мұнай айдау станциясындағы теміржол цистерналарынан мұнай құю қызметіне қатысты.

Жаңа тариф – 1 тонна үшін 625,36 теңге (ҚҚС-сыз). Бұған дейінгі тариф 375 теңге еді және 2023 жылғы 1 қаңтардан бастап қолданыста болған. Бұл шешімге 2025 жылғы 25 ақпандағы №14 бұйрық негіз болды.

«Қазақстан Республикасынан тыс жерлерге экспорттау үшін «Ақтау» бас мұнай айдау станциясындағы теміржол цистерналарынан мұнай құю жөніндегі қосымша қызметке тариф...

Танымал әнші Сәкен Майғазиев гастрольдік сапармен Ақтаудан Ақтөбеге пойызбен жол тартты. Алайда пойыздағы жағдай өнер иесін таңғалдырды. Әнші Instagram-дағы сторисінде пойызда асхана болмағанын айтып, өздері тамақ пісіруге мәжбүр екенін көрсетті.

«Пойызда мейрамхана жоқ екен, өзіміз тамақ істеп ішпекпіз» деп жазды Сәкен Майғазиев.

Сондай-ақ әнші пойызда тамақ дайындау сәтінен видео бөлісіп, жолаушылардың көмірмен жанатын пешті пайдаланғанын көрсетіп, үкіметке бір налып күрсініп алды.

фото: instagram saken_maigaziyev

Еске сала кетейік, бұған дейін Сәкен Майғазиев 50 жылдық мерейтойына орай гастрольдік сапармен Қазақстанды аралап жеке кештерін беретіні туралы жазған едік.

Ұлытау облысының мәдениет, тілдерді дамыту және архив ісі басқармасының басшысы Ә. Омар түрмеге қамалды.  

Сыбайлас жемқорлыққа қарсы іс-қимыл агенттігінің ақпаратына қарағанда, сот осындай үкім кескен.

«Омар алты жыл алты айға бас бостандығынан айырылды. Оның сыбайластарына бір жылға дейін бостандықты шектеу жазасы тағайындалды. Сотталғандарға мемлекеттік қызметте және квазимемлекеттік секторда өмір бойы лауазымдарды атқаруға тыйым салынды. Сот үкімі заңды күшіне енген жоқ», – делінген хабарламада.

Айта кететін жайт, Жезқазған қалалық соты Ұлытау облысының мәдениет, тілдерді дамыту және архив ісі басқармасының басшысы Ә. Омарға, оның қол астындағы – тілдерді дамыту бөлімінің басшысы А.Сарбаеваға, «Облыстық ғылыми-әдістемелік орталы...

Блогерлердің салық төлемеуіне қатысты шудан соң, 12 блогер 1,4 млрд теңге кірісіне есеп тапсырған. Декларацияланған кірістен олар 73,6 млн теңге салық төледі. Бұл туралы Мемлекеттік кірістер комитеті хабарлады.

Қазіргі кезде 854 блогерге «ескерту» жіберілген. Олар 71,9 млрд теңге сомасындағы кірісіне есеп тапсырылмаған. Блогерлер бұл ескертуге 30 жұмыс күні ішінде жауап беруі керек.

«Мемлекеттік кірістер комитеті кірістерді төмендету бойынша камералдық бақылау туралы хабарламаларды орындау шараларын жалғастырып жатыр. Осы шаралар барысында 12 блогер өз еркімен 1,4 млрд теңге көлемінде қосымша табыстарын декларациялап, 73,6 млн теңге салық төледі», – делінген Мемлекеттік кірісте комитетінің хабарламасында.

Бұған дейін кірістер комитеті 550-ге тарта блогерд...

«Отбасы банктің» жаңа «Наурыз-жұмыскер» бағдарламасына өтініш қабылдау 17 наурызда басталады. Бұл туралы Сенатта өткен парламенттік тыңдау кезінде «Отбасы банктің» төрағасы Ләззат Ибрагимова айтты.

«17 наурыздан бастап, «Наурыз-жұмыскер» бағдарламасын іске қосамыз. Бұл «Наруыз» бағдарламасының бір бөлігі», – деді банк басшысы.

Бағдарламаның «Наурыздан» айырмашылығы

Ирагимованың айтуынша, екі бағдарлама шарттарының айырмашылығы бар. «Наурыз» бағдарламасы негізінен жас отбасыларға бағытталған. Бұл бағдарлама бойынша өтініш «Отбасы банк» порталы арқылы қабылданады. Өтініштерді іріктеу конкурстық негізде жүзеге асырылады. Ал «Наурыз – жұмыскер» бағдарламасына тек жұмысшы топ өкілдері ғана қатыса алады.

«Премьер-министр 8 қаңтарда жұмыскерлерге...

«46 түн» киносы прокаттан алынып тасталды / коллаж: kursiv.media, бильд-редакторы: Ахтам Зиперов

Қазақстанда қырғыз режиссерлері түсірген «46 түн» фильмі прокаттан алынып тасталды. Бұл туынды 46 мәйітті зорлаған некрофил-маньяк туралы баяндайды. Фильмнің сюжеті қоғамда үлкен резонанс тудырып, көрермендердің көбісі шағымданған екен.

Билеттер сатылымда жоқ

Фильмнің Қазақстанда көрсетілетіні туралы бұған дейін хабарланған еді, алайда Ticketon және kino.kz сайттарында «46 түн» фильмінің сеанстарына билеттер сатылымда жоқ. Осыған байланысты фильмнің ресми түрде прокаттан алынғаны немесе басқа себептермен көрсетілмейтіні әзірге белгісіз.

Айта кетейік, бұл фильм Қырғызстанда түсірілген және оның мазмұны көрермендер арасында екі түрлі пікір туғызды. Бірі мұндай ауыр тақырыпты көтеру кинематографиялы...

Ұлытау, Қарағанды, Шығыс Қазақстан облыстарында өндірістік апат жиі тіркеледі. Бұл туралы Сенат төрағасы Мәулен Әшімбаев айтты.

«Өкінішке қарай, елімізде өндірістегі адамдардың жарақаттануы мен өлімі әлі де азаймай отыр. Жақында Ұлытау облысындағы «Жомарт» кенішінде болған қайғылы жағдай соған дәлел. 2021-2023 жылдары жазатайым оқиғалардың саны айтарлықтай артқан. Олардың 80 пайыздан астамы ірі және орта өнеркәсіп орындарында болған. Төтенше оқиғалардың 44 пайызы Қарағанды, Ұлытау және Шығыс Қазақстан облыстарына тиесілі», – деді Сенат төрағасы.

Әшімбаев еңбек адамын қорғауға бағытталған қажетті заңнамалық база бар екенін, қажетті заңнамалық нормаларды депутаттардың уақтылы қабылдап жатқанын атап өтті. Десе де, бұл...

«Наурыз» тұрғын үй бағдарламасына өтініш қабылдау 5 наурызда басталады. Бұл туралы «Отбасы банк» төрағасы Ләззат Ибрагимова айттты.

«Келесі жұма, 5 наурыздан бастап «Отбасы банк» порталында «Наурыз» бағдарламасына өтініш қабылдаймыз. Оған барлық қазақстандық қатыса алады. Ал «Наурыз-жұмыскер» бағдарламасына өтініш қабылдау 17 наурызда басталады», – деді банк басшысы.

Бағдарламаға кім өтініш бере алады:

Бағдарлама шарттары:

Бұл бағдарламаға қатысу үшін депозит мерзімі маңызды емес. Соңғы 6 ай...

Өнеркәсіп және құрылыс министрі Қанат Шарлапаев Президенттің көмекшісі болып тағайындалды. Ол министр қызметінен босатылған. Бұл туралы Ақорда хабарлады.

«Мемлекет басшысының Жарлығымен Қанат Бисимбайұлы Шарлапаев Қазақстан Республикасы Президентінің экономикалық мәселелер жөніндегі көмекшісі болып тағайындалды, ол бұрынғы атқарған лауазымынан босатылды», – делінген хабарламада.

Қанат Шарлапаев Өнеркәсіп және құрылыс министрі болып 2023 жылы тағайындалған болатын.

Сонымен қатар, Президент жарлығымен Әсет Ерғалиев Стратегиялық жоспарлау және реформалар агенттігінің төрағасы болып тағайындалды. Бұл қызметте ол Жандос Шаймардановтың орнына келді.

Ал Абай Қайырбеков Ішкі істер министрінің орынбасары – Қылмыстық-атқару жүйесі комитетінің төрағасы болды.

Қазақстанға танымал журналист Жұлдыз Төлеу анасын алдаған алаяқтарды жазалауды талап етіп, президент Қасым-Жомарт Тоқаевқа, Жоғарғы сотқа ашық хат жолдады.

Журналистің айтуынша, оның 77 жастағы анасы Базаргүл Байгөзованың Шымкент қаласындағы барлық заң орындарына: полиция, прокуратура, сот есіктерін қағып, әділдік сұрап келе жатқанына бес жыл болды.

«Бұл мәселені мен алдыңғы жылы көтерген едім. Құқық қорғау органдары құрыққа бой алдырмай қулық жасап жүргендерді құрықтайды ма деген үмітпен! Бірақ қара халықтың мүлкін заңсыз тартып алып жүргендерге қатысты қылмыстық іс қозғалып, үш жыл бойы ол дұрыс жүрмей, соңында жабылды.

Енді ең соңғы үміт – Жоғарғы сотта! Жаңа Қазақстанда расында заң бәрінен...

Қазақ баласы ашқан жаңа технология автокөлік саласында төңкеріс жасауы  мүмкін. Әңгіме TaiSan негізін қалаушы Санжар Тайжан туралы болып отыр.

Ұлыбританиялық Вusinessweekly басылымының жазуынша, TaiSan жаңашыл технологиясы автокөлік және микромобильді өндіріс үшін түбегейлі өзгеріс әкелуі ықтимал.

Химияны жаңа деңгейге шығарады

Бұл ақпарат көзінің мәліметінше, TaiSan негізін қалаушы және бас директоры Санжар Тайжан мен Эмма Антония аккумулятор технологиясының шекарасын кеңейтіп, химияны жаңа деңгейге шығарады.

Қазақ баласы Санжар Тайжан MAGNA International автокөлік бөлшектері демеушілік көрсететін импульстік мектептің шәкіртақысын алған. Аккумулятордан қуат алатын электромобильдер үшін квази қатты натрий технологиясын дамытып жатыр.

Батареялардың құны қымбат болмайды

TaiSan қазір жаңа полимерл...

2025 жылдың қаңтар айында отандық екінші деңгейлі банктер 228,5 млрд теңге таза пайда тапқан. Оның жартысынан астамы екі ірі қаржы ұйымы – Halyk Bank пен Kaspi Bank-ке тиесілі. Halyk Bank бір айда 83,4 млрд теңге таза пайда тапса, Kaspi Bank-тің тапқан пайдасы 43,3 млрд теңгені құраған.

Басқа банктердің табысы қанша

Ұлттық банк статистикасына сәйкес, жоғары табыс тапқан үштікті Банк ЦентрКредит түйіндейді. Қаржы ұйымы бір айда 32,1 млрд теңге таза пайда алған.

Одан кейін Forte bank пен Jusan bank келеді. Forte bank – 13,9 млрд теңге, ал Jusan 13,9 млрд теңге таза табыс тапты.

«Отбасы банктің» бір айдағы...

«Отбасы банкі» депозитке шекті қаражат жинағандарға берілетін мемлекеттік сыйақы аударылғанын мәлім етті.

«Қуанышты жаңалық! Мемлекеттік сыйақы жақындап қалды» деп сүйіншіледі банк әлеуметтік желіде.

Сыйақы салымшыларға бүгін түсу керек

Банк мемлекеттік сыйлықақының есептелуіне және техникалық жұмыстардың жүргізілуіне байланысты кейбір қызметтер уақытша істемейтінін ескертті.

«1 наурыз – шот ашу және біліктіліктен өту агенттік желі, видеобанкинг, мобильді қосымша және Baspana порталы, 2 наурыз 08:00-ден 3 наурыз 08:00-ге дейін – баламалы арналар арқылы шоттарды толықтыру. Қаржылық операцияларды алдын ала жоспарлап, төлемдерді уақытында жүргізуді ұсынамыз», – дейді банктегілер.

«Отбасы банк» депозитке жыл соңына дейін ...

Шығыс Қазақстан облысында қардың орташа қалыңдығы 1 метрге жақын. Күн жылыса, өңірдегі елдімекендердің су астында қалу қаупі жоғары. Сондықтан Төтенше жағдайлар басқармасы қауіпсіз орындарды алдын-ала дайындап жатыр.

Алтай аудандық Төтенше жағдайлар бөлімінің ресми мәліметіне сәйкес, аймақтағы қардың орташа қалыңдығы 98 сантиметрді құрайды.

ШҚО Алтай ауданы Төтенше жағдайлар басқармасының маманы Динара Кузнецованың айтуынша, бұл көлемдегі қар, күн жылынғанда елдімекендерге үлкен қауіп төнідреді.

«Аймақта көп мөлшерде қар жауып, тұрғын үйлер мен әкімшілік ғимараттарға іргелес аумақтарға жиналды. Мұндай қар массасының жиналуы қауіпті салдарға әкеліп соғады. Оның салдарын күтпей-ақ, елдімекеннен қарды шығаруға кірісу керек. Оның тазалау...

Ақ үйде Ұлыбритания премьері Кейр Стармерді қабылдаған Дональд Трампқа «Ресей Украинада Британ әскеріне шабуылдаса» не істейтіні туралы гипотетикалық сұрақ қойылды.

Журналистер Трамптан бітімгершілік мақсатта Ұлыбритания әскері Украинаға орналастырылған жағдайда, Ресей шабуыл жасаса, АҚШ Лондонға көмектесе ме деп сұрады.

Трамп бұл сұраққа орағыта жауап беріп, қажет болса көмектесетінін ұқтырды.

«Британдықтар әдетте ешкімнің көмегіне мұқтаж емес екенін байқадым. Олар өздері өте жақсы соғыса алады. Бұл менің сұрақтан жалтарып тұрғанымдай естілуі мүмкін, бірақ мен жалтарып тұрған жоқпын. Британдықтар – керемет сарбаздар, олардың әскері мықты, олар өздерін қорғай алады», – деп жауап берді.

Артынша ол көмек қажет болса...

Нархоз университетінің президенті Қанат Қожахмет кәсіпкер Аяжан Жақсыбайдың дәрісі барысында болған жағдайға байланысты мәлімдеме жасап кешірім сұрады.

Университет президентінің айтуынша, бастапқыда дәрістің тақырыбы «Жеке брендті нөлден бастау» деп көрсетілген. Алайда дәріс барысында тақырыптан ауытқып, спикер университет саясатына қайшы келетін пікірлер айтқан. Бұл студенттер мен қоғам тарапынан теріс реакция тудырды.

«Нархоз университетінде кез келген саяси немесе діни үгіт-насихат жүргізуге тыйым салынған. Жауапты қызметкерлерге тәртіптік шаралар қолданылды», – деді университет президенті.

Қанат Қожахмет болашақта шақырылатын қонақтарды мұқият бақылауға уәде беріп, орын алған жағдай үшін кешірім сұрады.

«Мұндай оқиғалар тек бізде ғана емес...