Жаңалықтар

Ұлыбританияның Қаржылық тәртіп жөніндегі агенттігі (FCA)алғаш рет аудиторлық компанияға, атап айтқанда, PricewaterhouseCoopers-қа айыппұл салды деп жазады Financial Times.

Оған клиенттің алаяқтық әрекеті туралы хабарламағаны себеп.

Реттеуші 2016 жылы банкротқа ұшыраған London Capital & Finance (LCF) инвестициялық фирмасын тексерген PricewaterhouseCoopers-тен 15 млн фунт стерлинг (19 млн доллар) өндіріп алмақшы.

Сонымен бірге мамыр айында Британдық қаржылық есеп беру кеңесі (FRC) LCF аудитіндегі қателерге байланысты PwC компаниясына 4,9 млн фунт стерлинг көлемінде айыппұл салды.

«LCF-тің жоғары лауазымды қызметкері аудиторларға қарсы әрекет етті және компания PwC-ге қате және жаңылыстыратын ақпарат берді», – деді реттеуші мәлімдемеде.

Сонымен қатар LCF әрекеті және...

Еңбек және халықты әлеуметтік қорғау министрлігі еңбек қызметіне байланысты жазатайым оқиға фактісі туралы хабарламағаны үшін бизнеске салынатын айыппұл көлемін арттырмақ. Бұл жайлы «Ашық НҚА» порталына талқылауға шығарылған министрлік құжатында жазылған.

Бұл құжат көмегімен министрлік Қазақстан Республикасының заңдарында кәсіпкерлік субъектілерінің жауапкершілігін белгілеуді, еңбек қызметіне байланысты жазатайым оқиға фактісі туралы хабарламағаны үшін айыппұлды ұлғайтуды көздеп отыр.

Ведомство бұл құжатты әзірлегенде Ұлыбританияда қолданылатын халықаралық тәжірибені ескерген. Ұлыбритания Заңына сәйкес жұмыс орнындағы жазатайым оқиғаларды тергеу талаптарын бұзғаны үшін айыппұл көлемі бұзушылықтың ауырлығына байланысты 50 000 еуро мен 20 000 000 еуро аралығында қарастырылған екен.

Кәсіпкерлер жазатайым оқиғаны жасырған кезде жұмысшыға...

2024-2025 жылғы оқу жылына арналған білім грантын иеленбеген талапкерлер үшін қосымша грант пен мүмкіндіктер жөнінде ақпарат ұсыну мақсатында арнайы Call-орталығы жұмыс істейді деп хабарлады ҚР Ғылым және жоғары білім министрлігі.

Министрліктің мәліметінше, Call-орталық арқылы талапкерлер қосымша гранттар, оқу ақысын жеңілдету сияқты ақпараттарды ала алады.

«Құрметті талапкерлер! Call-орталығы арқылы сіз қосымша гранттар, оқу ақысын жеңілдету және басқа да мүмкіндіктер туралы ақпарат ала аласыз. Байланыс нөмірлері: 8(7172) 69-50-69; 8(7172) 69-52-92; 8(7172) 69-50-71. Жұмыс уақыты: дүйсенбі-жұма, 09:00 – 18:00», – делінген хабарламада.

Айта кетейік, министр Саясат Нұрбектің айтуынша, төтенше жағдай аймағында қалған өңірлердің түлектеріне 5 112 грант бөлініп...

Ресейде еңбек мигранттарының отбасын өздерімен бірге көшіріп алып келуге тыйым салу туралы заң жобасы енгізілуі мүмкін. Жобаны ЛДПР партиясының басшысы Леонид Слуцкий ұсынды.

«Заң жобасында еңбек шартының негізінде Ресейге уақытша келген шетел азаматының отбасы мүшесі ретінде Ресей Федерациясының аумағына кіретін шетелдік азаматтарды елге кіргізбеу туралы ұсыныс бар», — деп жазылған заң жобасының Риа Новости ұсынған түсініктемесінде.

Авторлар заңның  Ресейге тек еңбек шарты немесе патент негізінде келген Ресей азаматтығын алуға негіздері жоқ біліктігі төмен мамандарға қатысты жасалып отырғанын атап өткен.

«Еңбек мигранттарының отбасы оларды өз отанында күтуі керек. Ресейге келген шетелдіктердің жақындары...

Қазақстанда бизнесті қолдау шаралары қайта қаралды. Енді мемлекеттік субсидияларды, ең алдымен, өңдеу өнеркәсібі саласындағы кәсіпорындар алады. Бұл жайында  Үкіметтің баспасөз қызметі хабарлады.

Үкімет «Бизнестің жол картасы» және «Қарапайым заттар экономикасы» бағдарламаларын біріктіріп, шағын және орта кәсіпкерлікті қолдауға арналған жаңа кешенді бағдарлама қабылдады.

Бағдарламаның маңызды тұстары:

«Самұрық-Қазына» ҰӘҚ 2023 жылы атқарушы орган мүшелеріне 573 735 189 теңге сыйақы төледі. Бұл туралы Ұлттық әл-ауқат қоры Қазақстанның Қор биржасына хабарлады.

Айта кетейік, ҰӘҚ-ның 2012 жылдың 8 қарашадағы Үкімет қаулысымен бекітілген Жарғысына сәйкес басқармасы атқарушы органы болып саналады. Қазіргі таңда қордың басқарма құрамында 6 адам бар. Оның ішіне басқарма төрағасы Нұрлан Жақыпов, басқарушы директорлар: Айдар Рысқұлов, Салтанат Сәтжан, Ернат Бердіғұлов, Николай Казутин, Елжас Отыншиев кіреді.

ҰӘҚ-ның Қазақстанның қор биржасындағы 2023 жылға арналған есебіне сүйенсек, қор құрамындағы компанияларда 260 мыңнан астам адам жұмыс істейді. 2023 жылы шоғырланған таза пайдасы 1 698  млрд теңгені, операциялық табысы 2 130,2 млрд теңгені құраған...

Қазақстан мен Ресей шекарасында киіктердің кедергісіз көші-қоны үшін экологиялық дәліздер құрылады. Бұл туралы ҚР Экология және табиғи ресурстар министрлігі хабарлады.

Экология министрі Ерлан Нысанбаев Батыс Қазақстан облысында Ресей Федерациясының табиғи ресурстар және экология министрлігінің өкілдерімен кездесті. Ресей тарапымен келіссөздер барысында ақбөкендердің кедергісіз көші-қоны үшін ҚР мен РФ шекарасында өткелдер санын көбейту және трансшекаралық экологиялық дәліздер құру бойынша ұсыныстар әзірлеу үшін жедел жұмыс тобын құру туралы келісімге келді.

Сондай-ақ министр БҚО Жәнібек ауданында ауыл шаруашылығы тауар өндірушілерімен кездесті. Фермерлерді мазалап отырған мәселенің бірі киіктердің егістік және шабындық жерлерінің тапталуы талқыланды.

Шаруа қожалықтары жерлеріне киіктер таптауынан...

Goldman Sachs Group экономистері АҚШ-тың келесі жылға қатысты құлдырау ықтималдығын 25%-дан 20%-ға дейін төмендетті. Камала Харрис өзінің экономикалық жоспарын ұсынды. Қытайда шетелдік инвесторлар қаражатының қозғалысы туралы күнделікті мәліметтерді жариялауға тыйым салынды. Осы және өзге де тақырыптарды қамтыған кезекті шолуымызға зер салыңыз.

Goldman АҚШ-тағы рецессия қаупі сейілеріне сенімді

Goldman Sachs Group экономистері АҚШ-тың келесі жылға қатысты құлдырау ықтималдығын 25%-дан 20%-ға дейін төмендетті. Bloomberg сарапшылардың болжамды өзгертуіне өткен аптада жарияланған бөлшек сауда және жұмыссыздық жәрдемақысына берілетін өтінімдер туралы мәліметтер түрткі болған деп жазды. Аталған мәліметтер АҚШ экономикасының тұрақтылығын көрсетуде үлкен маңызға ие.

2023 жылдың басынан бері алғанда бөлшек сауда көлем...

Қазақстанда 2024-2025 оқу жылында мектеп оқушылары 34 апта білім алатын болады. Биылғы оқу жылында 1 қыркүйек пен 25 мамыр жексенбі күнге түсіп тұр. Алайда соған қарамастан, алғашқы қоңырау да, соңғы қоңырау да осы күндері соғылады.

Оқу жылы 2024 жылғы 1 қыркүйектен – 2025 жылғы 25 мамырға дейін жалғасады. 

Қайрат Сатыбалдыны мерзімінен бұрын шартты түрде бостандыққа шығару туралы сот шешімі әлі күшіне енген жоқ. Оған шағым жасалуы, прокурордың өтінішхаты келтірілуі мүмкін екені айтылды. Заңда осы шешімді өзгертетін, яғни оның үйіне қайтуына тосқауыл болуы ықтимал қандай жайттар бар екенін заңгер Нұра Тынысқызы айтып берді.   

«Қайрат Сатыбалды небәрі алты жылға бас бостандығынан айырылған. Тәжірибе бойынша тек қана сот шешіміне прокуратура ғана наразылық білдіре алады. Яғни екінші жақ немесе зардап шеккен тарап қана қарсылық білдіре алады. Бұл істе екінші тарап прокуратура болып отыр. Прокуратура қарсылық білдірмесе, Қайрат Сатыбалдының мерзімінен бұрын босатылуына басқа заңдық кедергі жоқ», – дейд...

Қазақстанда заңсыз әкелінген телефондар бұғатталады. «Ашық НҚА» порталына Цифрлық даму министрлігінің абоненттік ұялы байланыс құрылғыларын тіркеу қағидаларына тиісті түзетулер жобасы талқылауға шығарылды.

Министрліктің хабарлауынша, қазіргі уақытта елге ұялы телефондар, оның ішінде IMEI-кодтары қайталанатын құрылғыларды әкелетін заңсыз схемалар бар. Мұндай «сұр» импорт арқылы елге жалған ұялы телефондар жеткізіліп отырады. Қазіргі таңда елде мұндай 3,7 млн жуық құрылғы жұмыс істейді екен.

«СКДҚ мәліметтеріне сәйкес қазіргі уақытта еліміздің ұялы компанияларының желілерінде қайталанатын IMEI-кодтары бар 3,7 млн-ға жуық абоненттік құрылғы жұмыс істейді екен. Бұл ретте әлеуетті жіберіп алған салықтар мен алымдар түріндегі мемлекеттің тікелей шығындары жылына...

Ақтөбеде бір ұшақтың зақымдануынан ондаған рейс уақытынан кешікті. Air Astana әуе компаниясы оның себебін түсіндірді. 

Air Astana түсініктемесі

Компания мәліметіне сүйенсек, КС 866 рейсі 16 тамызда Airbus A321 ұшағын сүйрету кезінде шассидің тұмсық тірегіндегі бекітпе зақымданған. Ақтөбе-Алматы бағыты бойынша КС866 рейсі алдымен 17 тамызға дейін кешіктіріліп, кейін баламасыз тоқтатылған. Жолаушыларға билет құнын айыппұлсыз қайтару ұсынылды.

«Жөндеу жұмыстарын орындау үшін ұшақты жолаушыларсыз Астанаға жеткізу туралы шешім қабылданды, алайда елордалық әуежайдың түнгі уақытта жабылуына байланысты әуекомпания айдау рейсін 19 тамызға қалдыруға мәжбүр»,- делінген хабарламада.

Air Astana ұшақтың зақымдануынан басқа ондаған рейстердің кешіккенін  атап өтті.

13 тамызда...

Димаш Құдайберген Маңғыстаудың туристік әлеуетін насихаттауға үлес қоспақ, бұл туралы Маңғыстау облысының әкімдігі хабарлады.

Әкімдіктің мәліметінше, Димаш Құдайберген Қазақ туризмінің амбассадоры ретінде Маңғыстаудың тарихи-мәдени жерлерін аралап шықты. Киелі өңірдің руханияты, мәдениеті мен туризмін көрсететін деңгейі бөлек туынды әзірлеуді жоспарлап отыр.

Облыс әкімі Нұрдаулет Қилыбай Димаштың бұл сапары туризмді дамытуға зор серпін беретінін айтты:

Димашты қасиетті Маңғыстау жерінде көргенімізге өте қуаныштымыз. Бұл сапар – облысымыздағы туризмді дамытуға зор серпін береді деп ойлаймын. Баку және Дубай қалаларының үлгісімен Ақтау қаласының бас жоспарын қайта қарау мәселесін қолға алдық. Туристерді тарту мақсатында «Жылы жағажай» аумағында бірқатар ірі жобалар...

Қырғызстанның Ыстықкөл облысында нөсер жаңбырдан кейін сел жүріп, жолдар жабылып, төтенше жағдай режимі жарияланды.

Kaktus.media ақпаратына сүйенсек, облыс аумағында нөсер жаңбырдың салдарынан төтенше жағдай орын алып және шұғыл қызметтердің күшейтілген жұмыс режимінің енгізілуіне әкеп соқтырып, бірнеше демалыс аймағын су басып қалған.

18 тамыз күні кешке Жеті Оғыз, Ақсу, Ыстықкөл және Тон аудандарында қатты нөсерден кейін барлық жол жабылған:

Көлік министрлігі жанындағы...

Ұлы Отан соғысы кезінде қаза тапқан қазақстандық мерген Әлия Молдағұлова жайлы «Әлия» фильмінің соғыс сахналары Беларусьте емес, Шығыс Қазақстанда түсірілетін болды. Бұл туралы Мәдениет және ақпарат министрі Аида Балаева хабарлады.

«Осы маусымда фильм түсіруге ниетті авторлар Ұлттық киноны қолдау орталығы ұйымдастырған питчингке қатысып, мемлекеттік қолдауға үмітті болған. Қаржыландыруға 18 жоба ұсынылған, оның ішінде «Әлия» фильмі де бар. Әлия Молдағұлованы еске алу алдындағы жоғары жауапкершілікті және фильмнің қазақстандық көрермен үшін маңыздылығын ескере отырып, кино компания мемлекеттік қаражатты ұтымсыз пайдаланбау үшін конкурсқа қатысуды уақытша тоқтата тұруға шешім қабылдаған. Шешімнің басты себебі жобаның түсірілім мерзіміне қатысты еді. Түсірілімнің негізг...

Ақтау тұрғындары жексенбіге қараған түнде анық сезілген түтін иісіне шағымданған. Таңнан бері қала ауасы қатты ластанды. Қалалықтар қатты тұрмыстық қалдықтар полигоны өртенді деп күдіктенген. Бұл жөнінде елдегі ақпарат құралдары жазды.

Дегенмен Маңғыстау облыстық ТЖД 17 тамыз күні Атырау облысының Исатай ауданының аумағындағы қамыстың жана бастағанын хабарлады. Оған қоса Ақтау қаласының маңындағы полигонның да бықсып жатқанын ескертті.

«Сағат 15:30-да Жанбай ауылынан 20 шақырым жерде (өрт сөндіру бекетіне дейін 50 шақырым), Каспий теңізінің жағалауының батпақ болып жатқан тұсында қамыс жана бастады. Дәл сол жерге дейін баратын жолдың болмауына байланысты өртті сөндіру мүмкін емес. Ауылдарға қауіп төніп тұрған жо...

17 тамыз күні Жапониядан Астанаға ұшып келген швейцариялық борт апатты жағдайда қонды. Әуеде 52 жастағы жолаушының денсаулығы күрт нашарлаған. Жексенбіде Астана қаласының денсаулық сақтау басқармасы Жапония азаматының жағдайы ауыр екенін хабарлады.

«17 тамызда жедел жәрдем қызметі жедел ми қан айналымы бұзылысы (инсульт) бар ер адамды Астана әуежайынан №2 қалалық көпсалалы ауруханаға жеткізді. Оның қазіргі жағдайы ауыр», – делінген хабарламада.

Токио – Цюрих бағыты бойынша қатынайтын Boeing 777-300ER ұшағы жолаушы сырқатына байланысты Астанаға қонуға мәжбүр болды. Swissair әуе компаниясының SWR161 рейсі бойынша борт елорда әуежайына қонғанымен, экипаж қателігінен ұшақ дөңгелегі ұшу жолағының жиегіндегі топыраққа тірелген...

18 тамызда Денсаулық сақтау министрлігі елде маймыл шешегінің бірде-бір жағдайы тіркелмегенін хабарлады. Есесіне, ведомство шекара өткелдері мен әуежайларда санитарлық талапты күшейтпек.

«Денсаулық сақтау министрлігі инфекцияны елге әкелудің алдын алу үшін қажетті шараларды қабылдады. Әуежайлар мен шекара өткелдерін қоса алғанда, санитариялық-карантиндік пункттерде бақылау шаралары күшейтілді. Маймыл шешегі тіркелген елдерден келген азаматтарға назар аударылады», – деп ескертті ДСМ.

Инфекцияның ықтимал таралуын болдырмау үшін министрлік эндемиялық елдерге сапар шегуді жоспарлап отырған азаматтарға мынадай сақтық шараларын сақтауды ұсынады:

1. Ауру адамдармен және жабайы жануарлармен байланыста болудан аулақ болыңыз. Вирус жұқтырған маймылдармен, егеуқұйрықтармен және басқа жануарлармен байланыста болуы мүмкін.

...

Қонаев қаласының орталық алаңында «ASPAN FEST»  шарасы өтті. Осы фестивальде Париж Олимпидасында грек-рим күресінен күміс иеленген Демеу Жадыраевқа облыс кәсіпкерлері атынан 10 миллион теңгенің сертификаты табысталды. Оған қоса демеушілер оған үш бөлмелі пәтер кілтін тарту етті.

Бокстан қола жүлдеге ие болған Назым Қызайбайға да құрмет көрсетілді. Спортшыға 2 миллион теңгенің сертификаты мен үш бөлмелі пәтер кілті берілді. Фестивальде танымал эстрада әншілері өнер көрсетті.

Парижде 77 келіге дейінгі салмақта сынға түскен Демеу финалда жапондық Нао Куссакиге есе жіберді. Десе де бұл жүлде – Қазақстан үшін үлкен олжа болып есептелінеді. Араға жиырма жыл салып, грек-рим күресінен Олимпиаданың финалында белдескен Демеу Жадыраев...

Әлемге әйгілі француз әртісі, режиссер, киносценарист Ален Делон 88 жасында дүниеден озды.

Ален Делон 1935 жылы Париж маңында дүниеге келген. 1950 жылдары Париж қаласында кино саласында әртіс ретінде еңбек жолын бастаған. Оған дейін әскери салада қызмет еткен.

1960 жылы «Plein Soleil» атты кинокартина актерға танымалдылық сыйлады. Осы жылы «Rocco e i suoi fratelli» атты кинокартина арқылы даңқы шыға бастады. Ален Делон танымал өнер адамдарымен 88 фильмде әртүрлі образдарды ойнады.

1990 жылдардан бастап денсаулығы күрт нашарлаған. 2019 жылы екі мәрте инсульт алған. Одан кейін Альцгеймер ауруына шалдыққан. Өмірінің соңында Париж маңындағы Души деген жерде оңаша өмір сүрген.

Түркияның оңтүстік аймағындағы орман өртеніп жатыр. Жалын әлі күнге бәсеңсіген жоқ. Орманнан бері қарай ауысқан өрт Измир провинциясындағы елдімекендерге қауіп төндіре бастады. DW басылымы келтірген дерекке сүйенсек, сенбі, 17 тамыз күнгі түнде жергілікті билік 900-ге жуық адамды эвакуациялады. Түркия Президентінің баспасөз қызметі өртті сөндіруге 2965 адам мен 600 техника жұмылдырылғанын хабарлаған.

Измирдің солтүстігіндегі Қарсыяка ауданында өрт 30 ғимаратты бүлдірді деп хабарлады қала мэрі Джемил Тугай. Оған қоса он қабатты үй жалынға оранған. Өрт сөндірушілер тұрғындарды жедел эвакуациялап, ғимараттардағы өртті сөндірді. Измирдің басқа аудандарында бірнеше үй өртеніп кеткен.

Осы маңда орналасқан Маниса қаласынан 1440 адам көшірілді деп хабарлады Түркия...

Алматының таулы аймақтарында сел жүруі мүмкін. «Қазгидромет» РМК жексенбіде жауын-шашын болатынын ескерткен.

«Құрметті туристер, Алматы қаласының тұрғындары және қонақтары, естеріңізге саламыз! Сел қаупіне байланысты Іле Алатауы тауларына бармауларыңызды сұраймыз», – деп хабарлады Алматы қалалық төтенше жағдайлар департаменті.

Алматыға туристер тамаша табиғаты мен асқақ таулары үшін жиі келеді. 2024 жылдың қаңтар-сәуір айларында Алматыға билет брондау 69 мыңға дейін өскен.

Туристер кейде таулы аймақта тосын жағдайларға тап болып, оларға оқыстан қауіп төнеді. Алдыңғы жылдары Шарын шатқалында қайта-қайта сел жүріп, бірнеше рет қайғылы оқиға орын алды.

5 тамызда Талғар өзенінің бассейніндегі көл аптап ыстық пен мұздықтардың еруіне байланысты жарылып кетуі мүмкін...

Соңғы он жылда Қазақстанда геологиялық барлау барынша құлдыраған. «ҚазМұнайГаз» ұлттық компаниясы жариялаған статистикалық мәлімет бойынша,  Қазақстанның аумағында барлау ұңғыларын бұрғылау 1913 жылғы деңгеймен шамалас. 

«Тас дәуірі тас таусылып қалған соң біткен жоқ. Сол сияқты мұнай дәуірі мұнай біткен соң таусылмайды» деген пікір қанатты сөзге айналып кетті. Бұл сөз Сауд Арабиясының бұрынғы мұнай өнеркәсібінің министрі, шейх Ахмед Заки Яманиге телініп жүр. Десе де мұнай дәуірінің қалай аяқталары әлі белгісіз. Ал Қазақстандағы мұнайдың геологиялық барлау жұмыстары жүргізілмегендіктен бітер түрі бар. 

ENERGY MONITOR осы мәселеге баса назар аударып отыр. Оның мәліметінше, еліміздегі алынып жатқан қордың қалғаны – 2 млрд 745 млн тонна. Оның 80 %-ы...

Токиодан Цюрихке аттанған Swissair ұшағы Астана халықаралық әуежайында қонуға мәжбүр болған. Сонымен қатар осы ұшақтың жолақтан сырғып кетуі салдарынан Астана әуежайы екі сағатқа жабылып, 20-ға жуық авиарейс кешікті.

Көлік министрлігі таратқан ақпаратқа сүйенсек, Boeing 777-300ER (борт нөмірі HBJNI) ұшағымен Токиодан Цюрихке ұшқан Swissair SWR161 рейсінде 50 жастағы жолаушы инсульт алды деген күдік болып, экипаж Астанаға қонған.

«Сағат 16:00-де ұшақ жолаққа сәтті қонғаннан кейін, ұшу-қону жолындағы бұрылыс кезінде экипаж қателігінен ұшақ жолақтан сырғып кетті. Осыған байланысты сағат 16:03-те апаттық-құтқару жұмыстарын жүргізу үшін дабылды ескерту жарияланды», – делінген хабарламада.

Астана әуежайы екі сағатқа барлық рейс үшін уақытша...