Жаңалықтар

Қазақстанда банктер және банк туралы жаңа заң жобасы дайындалды. Құжат жеті негізгі бағыттан тұрады. Солардың бірі – халыққа қызмет көрсететін қаржы ұйымдарына талапты күшейту.

Заң жобасын Қаржы нарығын реттеу және дамыту агенттігі мен Ұлттық Банк бірге дайындаған. Оған Еуропа қайта құру және даму банкі, Халықаралық валюта қоры, Oliver Wyman, KPMG, Dentons секілді қаржы ұйымдарының сарапшылары да көмектесті.

Агенттік төрағасы Мәдина Әбілқасымованың айтуынша, банктер туралы жаңа заң жобасы жеті негізгі бағытты қамтиды.

1. Лицензиялау жүйесін жаңғырту

Жаңа субъектілердің нарыққа шығуын жеңілдететін, бәсекенің күшеюіне ықпал ететін базалық банктік лицензия енгізіледі.

Халыққа қаржылық қызмет көрсететін ұйымдарға қойылатын талаптар күшейтілед...

Жаңаөзен қаласында QazaqGaz өңдеу зауытының бұрынғы директоры Болат Байшуақов төрт жылға сотталды. Топ-менеджерге мемлекеттік қызметке орналасуға тыйым салынды.

Байшуақовтың сотталғаны туралы мәліметті Сыбайлас жемқорлыққа қарсы іс-қимыл агенттігі жариялады.

«Маңғыстау облысы Жаңаөзен аудандық соты «Қазақ газ өңдеу зауытының» бұрынғы директоры Б.А. Байшуақовқа қатысты іс бойынша үкім шығарды. Байшуақов сеніп тапсырылған кәсіпорын мүлкін аукцион өткізбей, заңсыз жолмен сату арқылы ақшаны иемденді деп танылды. Ол төрт жылға бас бостандығынан айрылды. Сонымен бірге өмір бойы мемлекеттік қызметке тұруға, квазимемлекеттік секторда жұмыс істеуге тыйым салынды», – деп мәлімдеді агенттік.

Сот үкімі әлі заң күшіне енген жоқ.

Естеріңізге сала кетейік...

Әлемдік поп-музыка жұлдызы Дженнифер Лопестің концертіне билеттерді сату кезінде туындаған қиындықтарға қатысты ресми оператор Freedom Ticketon арнайы мәлімдеме жасады.

Компания бас директоры Виктория Торгунакова соңғы үш күнде жүйеге түскен рекордтық жүктеме салдарынан мыңдаған орынға тапсырыстың қайталанып кеткенін хабарлады. Бұл мәселе тапсырыстардың дұрыс рәсімделуіне айтарлықтай кедергі келтірген. Осыған орай Ticketon жүйені жеке тексеру режиміне көшіріп, қайталанған тапсырыстарды қайта өңдеуді қолға алған.

Компания тарапынан қабылданған негізгі шешімдер:

1. Барлық сатып алушыларға қызметтік алымдар толық қайтарылады.

2. Қайталанған билеттерге тап болған тұтынушылармен жеке жұмыс жүргізілуде:

Дәл қазір екі микроқаржы ұйымы банк болуға рұқсат алды. Бұл туралы бүгінгі Қаржы нарығын реттеу және дамыту агенттігінің банк нарығы туралы заң жобасын таныстыру кезінде айтылды.

«Бүгінде екі микроқаржылай ұйымға екінші деңгейлі банк формасында қайта құрылу үшін рұқсат берілді. Олар KMF және БНК Финанс Қазақстан», – деді ҚНРДА-ның қаржы ұйымдарын пруденциалды реттеу және әдістеме департаментінің директоры Дәурен Сәлімбаев.

ҚНРДА банк және банк қызметін реттеуге арналған жаңа заң жобасын таныстырды. Ондағы басты өзгерістің бірі – банктердің капиталы бойынша талапты 20 млрд теңгеден 10 млрд теңгеге дейін төмендетті. Агенттік төрағасы Мәдина Әбілқасымованың айтуынша, бұл банк нарығына жаңа...

KAIYI брендінің Қазақстандағы ресми дистрибьюторы Orbis Auto автомобиль тобына кіретін компания толық жетекті жаңартылған KAIYI X7 кроссоверін таныстырды. Жаңа автокөлік брендтің елдегі барлық ресми дилерлік орталығында қәзірден сатылып жатыр.

Алғашқы әсер

KAIYI X7-нің дизайнын әзірлеуге Ferrari дизайнерлері командасының мамандары атсалысқан. Каскадты радиатор торы, динамикалық бұрылыс көрсеткіштері бар жарықдиодты шамдар және жаңартылған аэродинамикалық сызықтар спорттық әрі динамикалық мінезге меңзейді. Ал 20 дюймдік дискілерімен және ені 255 мм болатын кең шиналар жолдағы тұрақтылықты арттырады.

Қозғалтқышы

KAIYI X7 1,6 және 2 литрлік турбоүдетілген отын бүркуі тікелей бензинді қозғалтқышпен жабдықталған. Алғашқысында 186, екіншісінде 238 ат күші бар. Қос...

Алматы қаласының әкімдігі мәнерлеп сырғанаушы Михаил Шайдоров әлем чемпионатында алған күміс медалімен құттықтады. Бостон қаласында өткен байрақты бәсекеде отандасымыз дара шығып, әлемдік деңгейде Қазақстанның абыройын асқақтатты.

Алматы қаласы әкімінің орынбасары Бейбіт Шаханов спортшыны арнайы қабылдап, табандылығы мен жігерлігін жоғары бағалады. Қала атынан Шайдоровқа 2,5 млн теңге көлемінде қаржылай сертификат табысталды.

Сіз қазақстандық мәнерлеп сырғанаудың абыройын арттырып қана қоймай, жүздеген жас спортшыға шабыт сыйладыңыз. Ерекше алғысымызды жаттықтырушыңыз – Қазақстан құрамасының бас бапкері Әсем Робертқызы Қасановаға білдіреміз. Оның кәсібилігі мен шынайы адалдығы отандық спорттың дамуына зор үлес қосып келеді, – деді Бейбіт Шаханов.

Кездесу барысында Михаил Шайдоров...

«ҚазМұнайГаз» ұлттық компаниясы «Полимер Продакшн» кәсіпорынының 60% үлесін Ресейдің СИБУР компаниясына сату себебін түсіндірді. Ол жұмысы тоқтап тұрған зауытқа қомақты инвестиция құюы тиіс.

Кәсіпорынның жағдайы

Ұлттық компанияның мәліметінше, ҚМГ кәсіпорынның 100% үлесін 2023 жылғы желтоқсанда сатып алған. Зауыттың жылына 10 мың тонна полипропилен пленка өндіретін қуаты бар, алайда сол кезде ауыр дағдарысқа тап болған.

«Зауытты сатып алу кезінде барлық технологиялық желілер консервацияда болып, жұмыс істемей тұрды. Қызметкерлер мәжбүрлі тоқтап тұру жағдайына ауыстырылып, жалақылары ішінара өтеліп келді. Компания шығыны 5,8 млрд теңге болды», – деп мәлімдеді ҚМГ.

«ҚазМұнайГаз» зауыт үлесін неге сатты

«ҚазМұнайГаз» кәсіпорында сату себебі ретінде...

15 сәуір күні Бельгияның AFM радиосында Димаш Құдайбергенге арналған екі сағаттық арнайы бағдарлама өтеді. Бұл эфирге Dimash Belgian Dears Fan Club клубының директоры және ең белсенді мүшелерінің бірі ретінде Венди Мразек пен Анн Де Грааф қатысады.

Бағдарламаның жүргізушісі Себастьен Гратье бельгиялық жанкүйерлердің Димашқа деген сүйіспеншілігі жайлы, өнері мен ерекше дауысын әлемге танытудағы ұмтылыстары жайлы әңгіме қозғамақ. Бұл эфир – жаңа тыңдармандарға Димаштың шығармашылығымен танысып, оның ерекше дауысына баға беруге тамаша мүмкіндік.

AFM Radio – Бельгияның Амэй қаласында (Эно провинциясы) орналасқан радиостанция. Бұған дейін бұл радиостанцияда Димаштың әндері шырқалған. Радио ұжымы қазақстандық әншінің өнеріне үлкен қызығушылық танытып, тіпті Димашқа арналған...

Қазақстанның 4 азаматы Мьянма елінде құлдықта болған. Олардың Сыртқы істер министрлігінің араласуымен, елге қайтарылғанын Dunyo басылымы хабарлады.

Басылымның мәліметінше, Өзбекстанның бас консулдығына 2000 жылғы және 1997 жылғы екі азамат хабарласып, өздерінің Мьянмада адам саудасының құрбаны болғанын айтып көмек сұраған.

Өзбекстандық азаматтарға Таиландта жоғары жалақысы бар жұмыс ұсынылған. Азамттар келіскен соң, оларға Өзбекстаннан-Таиландқа ұшаққа тегін билет берілген. Бірақ бұл елге келген соң, олар заңсыз Мьянма еліне жеткізіліп, адам саудасымен айналысатын қылмыстық топтың қолына түскен. Ол жерде құлдықтағы азаматтарды алаяқтықпен айналысатын колл-орталықтарда жұмыс істеуге мәжбүрлеген. Бұл жұмысты атқарудан бас тартқандар соққыға ұшырап отырған. Ал олардың құлдықтан босап, үйлеріне оралуы үшін қылмысты...

«Қазгидромет» РМК 2025 жылғы 14 сәуірге арналған ауа райы мен синоптикалық жағдай туралы болжамын жариялады. Ел аумағының басым бөлігіне жаңбыр, найзағай күтіледі. Түнде еліміздің орталығында және оңтүстік-шығысында қатты жаңбыр жаууы ықтимал. Солтүстікте жаңбыр мен қар түріндегі қатты жауын-шашын болжанып отыр.

Тек республиканың оңтүстік-батысында ғана жауын-шашынсыз ауа райы сақталады.

Кей аймақтарда тұман түсіп, жел күшейеді. Оңтүстік-шығыс, шығыс, солтүстік және орталық өңірлерде бұршақ жаууы мүмкін. Оңтүстік-шығыста бұдан бөлек, қатты дауыл соғуы ықтимал.

Жетісу облысындағы Алакөл көлдері маңында күндіз желдің екпіні секундына 30 метрге дейін жетуі мүмкін.

Ақмола, Қостанай, Солтүстік Қазақстан облыстарының батысында, сондай-ақ Ақтөбе облысының солтүстігінде 3 градусқа дейін үсік жүред...

13 сәуір күні Украинаның Сумы қаласына жасалған шабуыл салдарынан 34 адам қаза тапты, олардың ішінде 2 бала бар. Тағы 117 адам түрлі деңгейде жарақат алған. Бұл туралы BBC хабарлады.

Украина ішкі істер министрі Игорь Клименконың айтуынша, Ресей әскері қала орталығына баллистикалық екі соққы жасаған. Қаза тапқандар мен жараланғандар негізінен көше бойында, көліктерде, қоғамдық көліктерде жүрген қарапайым бейбіт тұрғындар.

«Соққылар қала орталығына тура бағытталған. Бүгін — Вербное жексенбі, көптеген адам шіркеу жанында жүрген болатын. Дәл сол сәтте Ресей тарапы әдейі бейбіт халықты нысанаға алды», — деді Клименко.

Ресей билігі бұл шабуылға қатысты ешқандай түсініктеме берген...

Алматы маңындағы Іле Алатау ұлттық паркінде Қызыл кітапқа енген кәдімгі өрік гүлдеді. Бұл – табиғаттың сирек әрі көркем көріністерінің бірі. Өріктің гүлдеу кезеңі небәрі 10-14 күнге ғана созылады. 

Кәдімгі өрік (Armeniaca vulgaris) Іле Алатауының бөктерінде Талғар ауданына қарасты Қотырбұлақ орманшылығында 168 гектар аумақта табиғи жағдайда (өз бетінше) өседі. Бұл жердегі өрік популяциясы – әлемдегі ең бай, әрі генетикалық тұрғыдан құнды болып есептеледі.

Іле Алатауы ұлттық паркінің ғылыми зерттеу жұмыстары және таулыбиоәртүрлілік бөлім басшысы Салтанат Усербаева халық бұл табиғи құбылыстың маңызын тереңірек түсінсе дегенді айтады.

«Өрік ерте көктемде гүлдейді, гүлдеу мерзімі аз ғана уақытқа созылады. Бірақ сол қысқа уақыт...

Әлемдік сауда соғыстары — әсіресе, ірі экономикалар арасындағы (мысалы, АҚШ пен Қытай) тарифтер мен санкциялар арқылы жүретін қақтығыстар — жаһандық нарықтарға үлкен қысым жасайды. Бұл құбылыстың Қазақстанның қор биржасындағы (KASE) отандық компанияларға әсері бірнеше қырынан байқалады: отандық компания акцияларының төмендеуі және KASE индексі теріс динамикаға шықты. 

Сауда соғысы жаңа деңгейге өтті

 Қытай мен АҚШ бір-біріне бұрын-соңды болмаған салық салып жатыр.

АҚШ бастамасы: Президент Дональд Трамп Қытайдан келетін тауарларға 9 сәуірден бастап Қытайға 145% кедендік баж салығын енгізді. Сонымен қатар АҚШ басқа 75-тен астам елдерге 90 күндік «жеңілдік кезеңін» жариялады – бұл елдермен жеке келіссөздер.

Қытай: 9 сәуір күні Қытай Халы...

Қашықтан істейтін режим бір қарағанда ыңғайлы әрі оңай болып көрінеді. Өз еркіңіз өзіңізде, еркіндік көбейеді деп ойлайсыз. Бірақ, шын мәнінде, фриланстың да қиын тұстары бар. Күн тәртібін дұрыстап реттеп, жоспарламасаңыз, не үйге үлгермей, не жұмысқа ден қоя алмай дал болуыңыз мүмкін. Әсіресе, кішкентай баласы бар адамдарға жұмыс кестесін ыңғайлап алмаса болмайды. Олай болса, бүгінгі материалымда отбасылы қызметкерлерге өгізді де өлтірмей, арбаны да сындырмай, фриланс-баланс режимінде қалай жұмыс істеуге болатынын талдайық.

Фриланс сіз ойлағандай еркін өмірдің синонимі емес…

Көпшілігі күнде кеңсеге барып жүрмей, үйден-ақ істей беруге болатын болғасын қашықтан істеуге ауысып жатады. Бірі таңертең ерте тұрып автобус күткісі келмейд...

Елімізде тасқын суын қабылдау үшін бірнеше өңірдегі су қоймаларынан су жіберіліп жатыр. Бұл туралы Су ресурстары және ирригация министрлігі хабарлады.

Ресми ақпаратқа сәйкес, бұл шара тасқын суын қабылдау және өткізу үшін іске асып жатыр. Тізімде еліміздің солтүстік, батыс, шығыс және орталық аймақтарындағы ірі су қоймалары бар.

13 сәуірдегі жағдай бойынша Ақтөбе, Қостанай және Батыс Қазақстан облыстарының су қоймаларында су тасқынының белсенді кезеңі аяқталды.

Ақмола облысында Астана су қоймасынан секундына 53 текше метр, Сілеті су қоймасынан 41,7 текше метр, Шағалалы су қоймасынан секундына 7,5 текше метр су жіберіліп жатыр.

Шығыс Қазақстан облысында Бұқтырма су қоймасынан секундына 465 текше метр, ал, Өскемен...

Әлеуметтік желіде Алматыдағы Фесенков атындағы астрофизика институты Ай мен планеталар физикасы зертханасының қызметкерлерінің жұмыстан шығарылғаны туралы ақпарат тарады. Бұл туралы зертхана жетекшісі Виктор Тейфель жазған. Содан кейін Ғылым және жоғары білім министрлігі жағдайды түсіндірді деп хабарлайды Kursiv.Media.

Министрліктің баспасөз хатшысы Олжас Беркінбаевтың хабарлауынша, 3 наурызда институтта ғылыми қызметтің тиімділігін арттыру және кадрлық әлеуетті дамыту мақсатында кадр құрамын жаңарту және ғылыми құрылымдардағы сабақтастықты күшейтуге қатысты ұсынымдарды көздейтін бұйрық шығарылған. Құжатқа сәйкес, зейнет жасына жеткен зертхана басшыларына зертхананы басқаруға үміткер ғалымдар туралы ұсыныс беру тапсырылған.

«Бұйрық аясында Ай мен планеталар физикасы зертханасының қызметкерлерімен институтішілік кездесу...

Netflix-тің «Өмір мандарин сыйлағанда»  (кор. 인생은 귤처럼, англ. When Life Gives You Tangerines) деп аталатын корей дорамасы әлемнің түкпір-түкпіріндегі көрерменнің көңілін баурап, стримингтік платформаларды «жарып» жатыр.  Сериал күтпеген жерден, ешқандай жарнамасыз-ақ танылып, кенеттен мыңдаған адамның сүйікті дорамасына айналды. 

Туынды алғашында корейше «Pokssak Sogatsuda» деп аталған. Бұл Чеджу аралына тиесілі диалог, «қажырлы еңбек еткенің үшін рақмет» деген мағынаны береді. 

Бүгінде көрермен дораманы жан-жақтан мақтап жатыр. Әлеуметтік желі қолданушылары «Үш ұрпақтың хикаясын осындай қысқа сериалға қалай сыйдырғанына таң қаламын», «Сценарий авторына бас иетіндей екен», «Netflix-те жарияланған, жалпы өмірімде көрген дорамалардың ең ғажабы осы болды» деп жарыса жазып жатыр. 

Сериал режиссеры әрі сценарий...

Белградта президент Александр Вучичті қолдау митингісіне мыңдаған адам жиналды. Бұл туралы Reuters жазды.

Басылым олардың Сербияның басқа қалаларынан автобуспен арнайы келгенін хабарлады.

Митингіге байланысты қаланың негізгі көшелерінде көлік қозғалысы тоқтатылған.

Бұл митинг Вучичтің 15 наурызда өткен үкіметке қарсы ірі акцияға берген жауабы ретінде саналады деп жазды басылым.

Сербияда ереуілдер бірнеше айдан бері жалғасып келеді. Студенттер 2024 жылдың 1 қарашасында Новый-Сад қаласындағы теміржол вокзалының төбесі құлап, 15 адамның өмірін қиған қайғылы оқиғадан кейін жаппай ереуілге шыға бастады. Студенттерді ел билігінің құрылыс мәселесіне қатысты салғырттығы ашуландырды. Төбесі опырылып түскен вокзал ғимараты 2021 жылы ғана жөндеуден өткен. Ал 2024 жылы 5 шілдеде...

15 сәуір – Қазақстанда «Қозы Көрпеш – Баян Сұлу» күні. Ел арасында бұл күнді «ғашықтар күні» деп те атайды. Мерекеге орай HeadHunter 800-ден астам қазақстандық арасында сауалнама жүргізген. Сол арқылы әріптестер арасындағы сезім әрі қарай жалғасын қаншалықты жиі табатынын және адамдардың мұндай қарым-қатынасты қалай бағалайтынын білген.

Бір көргеннен ғашық болу

Сауалнамаға қатысқандардың тең жартысы әріптесіне ғашық болғанын айтқан. Сондай-ақ екі тараптың да бір-біріне сезімі болғанын көрсеткен. Ал сауалнама қатысқандардың 18%-ы сезімін ашып айтпай, үнсіз ғана ұнатқан. 7%-ында сезімі жауапсыз қалған. Әрбір төртінші адам әріптесіне ешқандай сезімі болмағанын айтқан.

«Оған бір көргеннен ғашық болдым. Басында жұмысқа...

Төтенше жағдайлар министрі Қарағанды облысындағы «Qarmet» АҚ-на қарасты «Саран» шахтасына түсті.

Ведомство таратқан ақпаратқа сәйкес, Шыңғыс Әрінов Qarmet-тің көмір және болат департаменттеріне қарасты нысандарды аралады.

Әрінов компания шахталарында енгізілген позициялау жүйесімен танысқан.

«Бұл заманауи технологиялық шешімдер кеншілердің нақты уақыт режимінде орналасқан жерін бақылауға мүмкіндік береді. Бұл олардың қауіпсіздігін қамтамасыз ету және төтенше жағдай туындаған жағдайда жедел әрекет ету үшін аса маңызды», – делінген ақпаратта.

Министр «Саран» шахтасына түсіп, 540 метрлік горизонтта орналасқан көмір қазу комбайнының жұмысын көріп, кеншілердің еңбек жағдайымен де танысқан.

Әріновтің Көмір департаментінің диспетчерлік-аналитикалық орталығының жұмысына ерекше назар аударғаны айтылды. Бұл жерде шахталарды...

Қазақстандық оқушылар ISF U-15 Жазғы гимназиада да 11 медаль жеңіп, рекорд орнатты. Бұл туралы Оқу-ағарту министрлігі хабарлады.

ISF U-15 Жазғы мектеп гимназиадасы 2025 жылдың 4-14 сәуірі аралығында Сербияның Златибор қаласында өтіп жатыр.

ISF U-15 – 13 пен 15 жас аралығындағы мектеп оқушыларына арналған әлемдегі ең ірі халықаралық спорттық дода. Биылғы жарысқа 65-тен астам елден 3 000-ға жуық қатысушы жиналды.

Қазақстан құрамасының сапында ел намысын 23 оқушы қорғады. Олар республикалық іріктеуден өтіп, дзюдо, еркін күрес, бокс және шахмат секілді төрт спорт түрінен сынға түсті.

Бокс жарысында Айбек Садық, Шыңғысхан Макаров, Нұртас Алимбай, Сайлауқазы Сымбат және Нұрболат Әмір алтын жүлдені жеңіп алды...

АҚШ нарығынан ресми түрде кетіп, сатылымдары құлдыраған Volkswagen енді стратегиясын түбегейлі өзгертіп, назарын әлемдегі ең ірі автомобиль нарығы — Қытайға аударды. Неміс концерні тұтынушылар тарапынан қызығушылықтың төмендеуіне қарамастан, Қытайда арнайы жасалатын үш жаңа автокөлік моделін ұсынбақ. Компания бұл жаңалықтар Volkswagen-нің аймақтағы әлсіреген позицияларын қалпына келтіреді деп үміттенеді.

Стратегияның өзгеруі және жергілікті нарыққа бейімделу

Volkswagen бұрынғы жаһандық платформаға негізделген стратегиясының Қытай нарығы үшін тиімділігі жоғалғанын ашық мойындайды. Қазіргі таңда қытайлық автожүргізушілер отандық өндірушілердің заманауи технологиялары мен батыл дизайнына, сонымен қатар қолжетімді бағасына басымдық береді. Осыған байланысты неміс бренді өз тәсілін түбегейлі қайта қарап, жаңа модельдерді Қытай нарығына түбегейлі өзгеше жаңа автокөліктер жасауға бел буып отыр.

Астанада LRT құрылысына байланысты 14-15 сәуірде бірнеше көшеде қозғалыс шектеледі. Бұл туралы City Transportation Systems компаниясы хабарлады.

14 сәуір сағат 08:00-ден 20:00-ге дейін Астананың оңтүстік-батыс айналма жолы мен Қабанбай батыр даңғылы қиылысындағы жол айрығында Қарағанды тас жолы бағытынан Қосшы қаласына қарай қозғалыс уақытша шектеледі;

15 сәуір сағат 08:00-ден 20:00-ге дейін Астананың оңтүстік-батыс айналма жолы мен Қабанбай батыр даңғылы қиылысындағы жол айрығында Қосшы қаласынан Қарағанды тас жолы бағытына қарай қозғалыс шектеледі.

Бұған дейін Астанадағы LRT биыл күзде сынақ режимінде іске қосылатыны хабарланды. Бұл кезде жеңіл рельсті пойыздар алдымен жолаушысыз жолға шығады. Сынақ мерзімі 6 айға созылады. 

Алдағы аптада елімізге танымал әншілер елдің түкпір-түкпірінде концерт беруді жоспарлап отыр. Сонымен қатар шетелден келіп, шығармашылық кеш өткізгелі жүрген сыйлы қонақтарымыз да бар. Бұл аптада лириканы сүйетіндер де, хип-хопты ұнататындар да, RnB жанрын жақсы көретіндер де бір қуанып қалатын болды. Себебі қызық концерт көп. Kursiv.Media әдеттегідей алдағы аптада өтетін маңызды іс-шаралар тізімін жинады.

МОТ Астанада

Астана қаласы

17 сәуір

МОТ – жастар арасында танымал боп жүрген бүгінгі заманның басты лириктерінің бірі. Ол бірегей поэтикалық стиль, терең философия және есте қаларлық әуендері арқылы алғашқы нотадан бірден танылатын артист. Мот өз шығармашылығында махаббат туралы жан тербейтін балладаларын, сонымен қатар хип-хоп және...