Жаңалықтар

Рамазан айы биыл көктемнің алғашқы күніне сәйкес келіп тұр. Мұсылман қауым үшін осынау қасиетті мереке қарсаңында Kursiv.Media тілшісі 2025 жылы қажылық өтегісі келетіндер үшін маңызды жайттарды баяндайды. Қасиетті сапардың шарттары мен талаптары, құны туралы ақпарат береді.

Кіші қажылық (Ұмра) пен үлкен қажылықтың айырмашылығы

Қажылық ислам дінінде әр мұсылманға міндеттелген 5 парыздың бірі. Алайда шариғат талаптарына сай, парыз үлкен қажылыққа барған кезде ғана өтелген болып саналады. Қажылықтың бұл түрлері ұқсас болғанымен, біршама айырмашылыққа ие.

ҚМДБ үлкен қажылық та, кіші қажылық та Меккеге сапармен басталып, ихрам кию, Қағбаға тауап ету, Сафа мен Маруа жоталары арасында жүгіру және шаш...

Канадалық Cameco уран өндіруші компания АҚШ президенті Дональд Трамп тарифтерді 10%-ға көтерсе, уран бағасы күрт көтерілуі мүмкін екенін ескертті деп хабарлайды Reuters.

Трамп 4 наурыздан бастап Канада импортына 10 пайыздық баж салығын салуды көздеп отыр.

АҚШ энергетика басқармасының мәліметінше, 2023 жылы Құрама Штаттар уранды Канададан (27%), Қазақстан мен Аустралиядан (22%-дан) экспорттаған.

«Канада импортына 10% баж салығы енгізілер болса, онда уран бағасы да 10%-ға көтеріледі», – дейді Cameco компаниясының қаржы директоры Грант Айзек.

Топ-менеджердің пікірінше, Канада ғана емес, тарифке қатысы жоқ басқа да елдер уран бағасын көтереді.

«Солтүстік Америка еркін сауда аймағы...

«Астана» халықаралық қаржы орталығында Amazon Kuiper Kazakhstan Limited атты жаңа компания тіркелді. Қаржы ұйымының капиталы – 480 млн теңге.

Бұған дейін Цифрлық даму, инновациялар және аэроғарыш министрлігі Илон Масктің Starlink спутник агенттігіне балама болатын Amazon Kuiper-дің келуі мүмкін деген еді.

Қазақстанға шетелдік спутник жүйелері не үшін керек?

Starlink, Amazon Kupier – тәрізді спутник провайдерлері шалғайдағы елдімекендерге ғаламтор тартуға мүмкіндік береді. Олардың жер орбитасына жақын аумақта спутниктері бар, сол арқылы миллиондаған адамға интернет жібереді.

Осыған дейін Цифрлық даму министрлігіндегі телекоммуникация комитетінің төрағасы Дамир Сейсембеков Қазақстанда әлі де ұялы байланыс жетпеген елдімекендер бар деген еді.

«Қазақмыс» корпорациясына тиесілі болған Ұлытау облысындағы Кеңгір су қоймасы  енді мемлекеттік меншік болады. Стратегиялық нысанға алаңдаушылық білдірген Бас прокуратура жезқазғандықтарды ауызсумен қамтып отырған су қоймасының гидротехникалық құрылыстарын мемлекетке қайтарды.

«Су қоймасы 1952 жылы салынған (319 миллион шаршы метр) және оның гидротехникалық құрылыстары стратегиялық объектілер катарында, демек мемлекет меншігінде болуы тиіс. Өз кезінде бұл объектілер қала құраушы кәсіпорын «Kazakhmys Distribution» ЖШС балансына берілген»,- делінген хабарламада.

Қойманы мемлекеттік меншікке қайтару үшін облыс прокуратурасы Су ресурстары министрлігіне жүгінген. Содан кейін сыйға тарту шарты жасалып, нысанды қабылдау-тапсыру актісі қабылданған.

Ведомствоның мәліметінше, енді су қоймасы тексеріліп, оған қандай жаңғырту жұмыстары қажет...

Қайта құрылымдау бағдарламасының аясында TikTok компаниясы әлем бойынша қызметкерлерін жұмыстан босатып жатыр. Бұл қысқарту сенім мен қауіпсіздікті қамтамасыз ету бөліміне қатысты деп жазады Reuters өзінің дереккөздеріне сілтеме жасап.

Басылымның хабарлауынша, TikTok-тың операциялық директоры Адам Прессер 20 ақпанда қызметкерлерге жұмыстан босату туралы ескерту жазылған хабарлама таратқан. Сол күні Азия, Еуропа, Таяу Шығыс және Африкадағы ұжымдарда қысқарту басталды. Айта кету керек, желінің сенім мен қауіпсіздікті қамтамасыз ету бөлімінде 40 мың қызметкер жұмыс істейді.

KursivMedia TikTok-тың Қазақстандағы кеңсесіне сауал жіберді, бірақ нақты жауап келмеді.

Қазір платформа төңірегіндегі дау әлі басылған жоқ. Президенттікке келген уақыттан бері Дональд Трамп бірнеше рет әлеуметтік желіні сатып...

Ұлттық қауіпсіздік комитетінің бұрынғы басшысы Әлнұр Мұсаев АҚШ президенті Трамптың Ресей шпионы екенін айтты. Айтуынша оның лақап аты «Краснов» болған.

Лақап аты – Краснов

«1987 жылы Мәскеуде КСРО мемлекеттік қауіпсіздік комитетінің 6-басқармасында қызмет еттім. 6-басқарма жұмысының ең маңызды бағыты капиталистік елдерден кәсіпкерлерді тарту болатын. Дәл сол жылы біздің дирекция АҚШ-тан 40 жастағы бизнесмен Дональд Трампты «Краснов» лақап атымен жұмысқа қабылдады», – деп жазған ол өзінің әлеуметтік парақшасында.

Президенттер де шпион бола ала ма?

Мұсаев тіпті президенттердің өзі шпион бола алатынын айтады. Халық көбінде мемлекет басқарушыларының мұндайға баратынына сенбейді. Бірақ саяси...

Каспий құбыр желісі консорциумының (КҚК) бір станциясы істен шыққанына қарамастан, Қазақстан 19 ақпанда тәулігіне шамамен 2,12 миллон баррель (289 мың тонна) мұнай өндірді.

Тарихи көрсеткіш

Бұл туралы Reuters агенттігінің КҚК-дегі дереккөзі ресми мәліметке сүйене отырып хабарлайды. Мұнай өндірісіне қатысты ресми мәлімет жарияланған жоқ.

Қазақстанның мұнай өндірісіне қатысты бұған дейінгі рекорды биыл 27 қаңтарда тіркелген. Сол кезде бір тәулікте 278 мың тонна мұнай өндірілгені айтылған.

Қазақстан мұнай өндірісін батысқа экспорттайтын құбыр желісіндегі мұнай айдайтын бір станцияның істен шығып қалғанына қарамастан арттырды. Ресей осы аптада ғана КҚК-ның мұнай тасымалдау әлеуеті 30-40%-ға кемитінін ескерткен. Оған 17 ақпанда жеті бірдей дронны...

Қазақстан ҚҚС ставкасын 12%-дан 16%-ға көтеруді қарастыруда, бұл мемлекеттік бюджеттің кірісін арттырып, әлеуметтік және инфрақұрылымдық жобаларды қаржыландыруды күшейтуді мақсат етеді. Сонымен қатар салық түсімдерін ұлғайту арқылы мұнай кірістеріне тәуелділікті төмендету көзделіп отыр. Алайда өзгеріс инфляцияның өсуіне, бизнеске жүктеменің артуына және тұтынушылар үшін тауарлар мен қызметтердің қымбаттауына алып келуі мүмкін. Салық реформасын іске асыру кезінде үкімет бизнеспен талқылау жүргізуде. Осылайша салық реформасы бүгінгі таңда экономикадағы маңызды әрі қызу талқыланып жатқан мәселелердің бірі болып отыр.

Республикалық бюджет:  салық түсімдерінде ҚҚС  салығының үлесі  42% ға жетті

Қосылған құн салығы Қазақстанның республикалық  бюджетіне түсетін негізгі салықтардың бірі. Жалпы жиналған салықтардың құрылымында ҚҚС үлес...

«Бәйтерек» ұлттық холдинг басшысы Рустем Қарағойшин премьер-министр Олжас Бектеновқа қаржы ұйымы мен еншілес компаниялардың 2024 жылдағы инвестициялық және қаржылай қорытындысы жайлы есеп берді. Бір жыл ішінде «Бәйтеректің» экономикаға салған қаржы көлемі 52%-ға көбейген.

Жалпы алғанда қаражат квазимемлекеттік секторға жатпайтын 58 мың жеке компания мен ұйымға жұмсалды. Мемлекеттік қолдау нәтижесінде 6 мыңнан аса жұмыс орны ашылды.

Отандық кәсіпкерлер 7,3 трлн теңгеге тауарлар мен қызмет өндірген. Ал экспорт көлемі үштен бірге өсіп, 1 трлн 046,1 млрд теңгеге жетті.

Холдинг пен оның құрылымдары арқылы 10,5 мыңнан аса ауылшаруашылық техникасы мен құрылғылар сатып алды. Сондай-ақ нарықтан облигациялық қарыз алып, көктемгі егістік...

Әлемнің жетінші ракеткасы Елена Рыбакина WTA1000 санатындағы Дубай (БАӘ) турнирінің жартылай финалына шықты. Қазақстандық тенисші Australian Open үздігін жарыс жолынан сүріндірді.

Қазақстан теннис федерациясының хабарлауынша, ширек финалда қазақстандық теннисші 2020 жылғы Australian Open чемпионы, америкалық София Кенинмен (WTA 56) шеберлік байқасып, 6:2, 7:6 (7:2)   есебімен жеңіске жетті. Ойын 1 сағат 25 минутқа созылды.

«Мен матчты өте жақсы бастадым, бірақ екінші сетте назарымды жоғалтып алдым. София – керемет теннисші, онымен ойнау әрдайым қиын. Ақырында, өз ойынымды таптым. Екі сетте жеңіске жеткеніме өте қуаныштымын»— деді Рыбакина.

Енді Рыбакина финалға шығу үшін әлемнің 14-ракеткасы, ресейлік Мира...

Қазақстанның батыс өңірлерінде ауа райының қолайсыздығына байланысты бірнеше жол учаскелері жабылды. Бұл туралы «Қазавтожол» хабарлады.

Маңғыстау облысы

Маңғыстау облысының «Доссор-Құлсары-Бейнеу-Сайөтес-Шетпе-Жетібай-Ақтау» бағытындағы 210-786 шақырымында түнгі 1.00-де жолдар жабылған. Бұл бағытта Атырау облысы шекарасы учаскесінен Ақтау қаласына дейін көліктің барлық түріне шектеу енгізілген. «Қазавтожол» трассаны тек таңғы сағат 9-да ашылатынын хабарлаған еді. Сонымен бірге «Жетібай-Жаңаөзен бағыты бойынша жол учаскесі, Жетібай ауылы -Жаңаөзен қаласы, Ақтау-Құрық бағыты бойынша да бірнеше учаскеде жол қозғалысы шектелген.

Атырау облысы

Атырау облысында жолдар 2025 жылдың 21 ақпанында сағат 01:30-да жабылған. Атап айтқанда, «Доссор-Құлсары-Бейнеу-Сайөтес-Шетпе-Жетібай-Ақтау» автожолының 126-210 шақырымы және Құлсары қаласынан Маңғыстау облысының шекарасына дейінг...

Көліктің түсі – бұл жай ғана эстетикалық таңдау емес. Ол жүргізушінің мінезін, қоғамдағы орны мен беделін көрсетіп қана қоймай, жолдағы қауіпсіздік деңгейіне де әсер ететін таңдау. Қай түстер ең қауіпсіз деп саналады? Ал қандай реңктер динамика, сенімділік немесе премиум-класс көліктерімен байланысты? Осы сұрақтарға Kursiv.Мedia тілшісі  жауап іздеп көрді.

Көлік түсі иесі туралы қандай ой қалыптастырады?

Адамдар көлік сатып аларда өз мінезі мен өмір салтына сәйкес түсті саналы немесе бейсаналы түрде таңдайды.

Психологтар мен маркетологтар түстердің адам психологиясына әсерін зерттеп, келесідей қорытынды жасаған:

Қосылған құн салығы ставкасы 16%, ал тіркеу шегін 15 млн теңге көлемінде ұсыну бизнеске ауыр тиіп отыр. Жеке кәсіпкер ретінде жеңілдетілген салық режимімен 3% төлеп жүрген бизнестің бірден 16% төлеуге күші жетпейді. 

«Бізде 16% төлеуге мүмкіндік мүлде жоқ. Пандемиядан кейін шағын және микробизнес енді 3% төлеп, көлеңкеден шыға бастағанда 16% төлеуге келіспейді. Айналып келгенде, қарапайым халық зардабын шегеді. Біздің жалға алу мен коммуналдық шығындар, жұмыскерлер табыс салығы, құн салығын төлеп отырмыз, шикізат сатып аламыз, сонда бізге не қалады? Біз соңғы тауардың бағасын көтеруге мәжбүр боламыз. Ал ол кезде Қытайдың арзан контрафактілі тауарымен бәсекеге түсе алмаймыз...

22 ақпанда «Астана Аренада» өтетін Қазақстан Суперкубогы үшін Қайрат пен Ақтөбе арасындағы ойын жанкүйерлердің ерекше назарында. Ойынның ресми трансляциясын Qazsport телеарнасы сағат 15:00 де көрсетеді.

Қазақстан футбол федерациясының мәліметінше «Қайрат» пен «Ақтөбе» ойынына 15 мың билет сатылды. Билетерді zakazbiletov.kz сайтынан сатып алуға болады.

Айта кетейік, алматылық «Қайрат» 2024 жылғы Қазақстан чемпионы болса, «Ақтөбе» Қазақстан кубогынің иегері. Енді қос ұжым Суперкубок үшін таласады.

Астанада жаңа жасанды интеллект (AI) негізіндегі қала инфрақұрылымын басқару жүйесі іске қосылады. Оның бес жылдық қызмет көрсету құны 40 млрд теңгені құрайды. Бұл туралы KursivMedia тілшісіне елордалық әкімдігі жауап берді.

Sergek жобасы жұмысын тоқтатады

Белгілі болғандай, 13 наурызда Астанада Sergek жобасының мерзімі аяқталады. Оның орнына жаңа бейнебақылау жүйесі енгізілмек. Бұл жобамен Presight халықаралық компаниясы айналысады. Аталған компания G42 холдингіне тиесілі және Әбу-Дабидің (ADX) биржасында тіркелген.

Жобаның жалпы құны қанша?

Әкімдік мәліметінше, жоба 2030 жылға дейін жалғасады және оған 53 млрд теңге инвестиция салынады. Бірақ Presight баспасөз хабарламасында бұл сома 190 млн доллар деп көрсетілген.

Қазақстандық аралас жекпе-жек шебері Шавкат Рахмонов UFC-дің жартылай орта салмақтағы чемпиондық жекпе-жегіне неге қатыспайтынын түсіндірді. Бұл туралы ол Х (бұрынғы Twitter) әлеуметтік желісінде мәлімдеме жасады.

UFC ресми түрде америкалық-палестиналық спортшы Белал Мұхаммадтың чемпиондық белбеуін мамыр айында қорғайтынын жариялады. Оның қарсыласы аустралиялық Джек Делла Маддалена болады. Бірақ бастапқыда бұл жекпе-жекке басты үміткер ретінде Шавкат Рахмонов қарастырылған еді.

Рахмоновтың мәлімдемесі

«Маған титулдық жекпе-жекті бірінші болып ұсынғаны үшін UFC-ге үлкен рахмет! Өкінішке қарай, жарақатыма байланысты мамыр айына дейін жазылып үлгермеймін. Бірақ мен осы жылдың соңында чемпионмен кездесемін!», – деп жазды Шавкат Рахмонов.

Айта кетейік, бастапқыда...

«Тарифті түсірмейміз» деп Tele2, Altel және Beeline монополияға қарсы агенттікпен соттасып жатыр. Бәсекелестікті қорғау және дамыту агенттігі 2023 жылғы бағадан бөлек, 2024 жылы тарифтің қымбаттауы бойынша да тергеу жүргізуге ниетті.

Ұялы байланыс операторларынан бөлек, агенттік «Қазақтелеком» АҚ-ға қатысты да тергеп-тексеру бастаған.

Даудың басы

Осылайша, телефон тарифі дау-дамай тудырып отыр. «Кселл» АҚ, «Мобайл Телеком-Сервис» ЖШС (Tele2/Altel) және «КаР-Тел» ЖШС (Beeline)-нің мобильді байланыс тарифтерін қымбаттатуы тек қана қарапайым халыққа ғана емес, мемлекеттік органдарға да ұнамай отыр. Tele2, Altel, Beeline-ге ескерту жасалды.

Бәсекелестікті қорғау және дамыту агенттігінің «байланыс операторлары өзара бәсекелесудің орнына, тарифтерді келісіп көтерді» деп күдік келтіріп, бағаны арзандатуды...

Қазақстандық «Рэкетир 3» криминалдық драмасы Қырғызстан кинотеатрларынан толықтай алынып тасталды. Бұл туралы Kaktus Media хабарлады.

Прокаттан не үшін алынды?

«Синематика» кинотеатрлар желісінің мәліметінше, фильмнің көрсетіліміне «Кыргыз тасмасы» мемлекеттік концерні тыйым салған. Нақты себептер әзірге белгісіз, бірақ кинотеатрлар бұл шешімге бағынбаса, айыппұл салынатынын мәлімдеген.

«Біз тек олардың шешімін орындаймыз. Егер фильмді көрсетуді жалғастырсақ, заң бұзған боламыз. Сондықтан кино билеттерін қайтару жұмысын ұйымдастырып жатырмыз. Клиенттердің саны көп, өйткені фильмнің алдын ала сатылымы сейсенбі күні басталған еді. Көптеген көрермен демалыс күндеріне билеттер сатып алған», – деді «Синематика» өкілдері.

«Рэкетир» фильмінің алғашқы екі бөлімі 2007 және...

Кәсіпкер Арсен Томскийге тиесілі Indrive Нью-Йоркта IPO-ға шығуы мүмкін. Бұл жоспары туралы кәсіпкер Астанада өткен жиында айтты.

«Біз оны жасаймыз, ол болатын нәрсе (IPO – ред.). Ең бірінші мақсат – үлкен ресурсқа шығу, себебі қазір өтімділік қолжетімді емес», – дейді.

Томскийдің сөзінше, IPO-ға шығу компания жоспарларына инвестиция салуға мүмкіндік береді. Мәселен, қазір кәсіпкер білімді 12 студентті жинап, АҚШ-тың ең үздік университеттерінде оқытып жатыр. Оған «жылына 720 мың доллар» қажет екен.

Компания болашақта құнды қағаздарын Нью-Йорктегі биржаға шығаруы мүмкін. Бірақ әзірге нақты қай уақытта және қандай көлемде екендігі белгісіз.

«Бізге...

Қазақстанда ғаламтор көмегімен онлайн жасалатын сауда қарқыны жылдан-жылға артып келеді. Республикада онлайн сауда үлесі 17%-ға жетіп қалды.

TSPM компаниясының серіктесі Алексей Хегай бүгін, 20 ақпанда, Алматыда UK Future Places конференциясында осындай мәлімет келтірді. Dostyk Plaza және Shymkent Plaza сауда және ойын-сауық орталықтарын басқаратын компания топ-менеджерінің пікірінше, республикада онлайн-сауда үлесі әзірге айтарлықтай жоғары емес.

«Түрлі маркетплейстер, онлайн тапсырыстар нарықты жаулап барады деуге әзірге ерте. Олай дейтінім, қазір Қазақстанда онлайн-сауданың үлесі бар болғаны 17% ғана», – дейді Алексей Хегай.

Оның айтуынша, сауда орталықтары секілді ірі нүктелерді қамтитын заманауи сауда үлесі 29%. Ал қалған 54%-ы жайма базарлар мен...

2025 жылдың қаңтар айында республикалық бюджет кірісі жоспардан 31,5%-ға аз болды: 2,15 трлн теңгенің орнына 1,46 трлн теңге түсті. Бұл туралы Қаржы министрлігінің есебінде көрсетілген.

Әдетте, кірістердің төмендеуі салық түсімдерінің азаюымен байланысты. Алайда бұл жолы жағдай басқаша – бюджетке түскен салық мөлшері болжамнан да асып түсті: 771,8 млрд теңге орнына 777,9 млрд теңге жиналды.

Салық жоспарының орындалуы:

Табиғи ресурстар, кәсіпкерлік қызмет және халықаралық саудаға салынатын салық бойынша жоспар асыра орындалған. Бірақ салықтан тыс түсімдер айтарлықтай төмен қалыптасты...

Алматы метросының құрылысын Қытай компаниясы салуы мүмкін. Алматы әкімдігінің хабарлауынша, қала әкімі Ерболат Досаев Бейжіңде Қытайдың CRCC компаниясының өкілдерімен кездесіп, ынтымақтастық мәселесін талқылаған.

«Бейжіңнің ірі компаниясы CRCC Алматыда метро құрылысына қатысуға дайын екенін білдірді», – делінген баспасөз хабарламасында.

Алматы әкімі Қытай Халық Республикасына (ҚХР) жұмыс сапары аясында China Railway Construction Corporation (CRCC) компаниясының Басқарма Төрағасы Дай Хэгэнмен кездескен.

Кездесу барысында тараптар көлік инфрақұрылымы және ауқымды құрылыс жобаларын іске асыру жөнінде пікір алмасқан. Сонымен бірге метро құрылыс жүргізуге қатысты ықтимал ынтымақтастық перспективалары жөнінде сөз қозғалған. Нәтижесінде екі елі өкілдері бұл мәселен...

Танымал қазақстандық ауыр атлет Илья Ильин мен жұбайы Татьяна 20 ақпанда қыздары Аилидің бір жасқа толғанын атап өтті. Бұл туралы журналист Динара Сәтжан әлеуметтік желіде бөлісті.

Қазақ халқының ежелгі дәстүрінде баланың өмір жолының жарқын әрі ашық болуы үшін тұсауын елге үлгілі, абыройлы адам кеседі. Аилидің тұсауын белгілі журналист, кәсіпкер Динара Сәтжан кесті.

Тұсаукесер тойы – қазақ халқының дәстүрлі және маңызды отбасылық мерекелерінің бірі. Бұл – бала алғашқы қадамдарын басып...

Мемлекет меншігіндегі 466 нысан жекеге сатылса, Ұлттық қорға 1,4 трлн теңге қаражат түседі. Бұл туралы Сенаттың Қаржы және бюджет комитетінде өткен дөңгелек үстел үстел барысында Бәсекелестікті қорғау және дамыту агенттігі (БҚДА) төрағасының орынбасары Болат Сәмбетов айтты.

Жиында депутат Бекболат Орынбеков БҚДА-ның қанша компанияны жекешелендіруді жоспарлап отырғаны, одан түсетін қаражат қанша теңгеге бағаланатынын сұрады.

«Жалпы жекешелендіруден түсетін қаражаттың барлығы Ұлттық қорға баратынын айтып жатсыздар. Осы жылдың соңына дейін жекешелендіруден Ұлттық қорға қанша қаражат түседі? 1,4 трлн теңге түседі деп жатырсыздар. Бұл қаншалықты мүмкін?», – деп сұрады депутат.

466 кәсіпорын жекешелендіріледі

Сәмбетов жалпы...