Жаңалықтар

Қосылған құн салығы мөлшерін 12 пайыздан 16 пайызға дейін көтеріліп, ҚҚС-қа міндетті тіркеу шегі 5 есе азаюы мүмкін. Ұлттық экономика министрлігі Мәжіліск қарауына Салық кодексінің жобасына енгізілетін түзетулер пакетін ұсынды.

Негізгі түзетулер мыналарды қамтиды. Парламент заңға енгізілетін түзетулерді қабылдаса:

Қазақстанда ауылдарды дамытуға жұмсалатын қаржы көлемі жыл сайын ұлғайып жатыр, алайда оның өзі елдімекен әлеуетін көтеруге жетпейді. Ұлттық экономика вице-министрі Бауыржан Омарбеков осылай деп мәлімдеді. Оның айтуынша, елдімекендерді жақсартуға бағытталған түрлі бағдарламаларға бюджеттен шамамен 1 трлн теңге бөлінеді.

Мәжіліс кулуарында журналистер вице-министрден ауылдағы халықтың жағдайы неге жасалмай жатқанын сұрады. Сондай-ақ ауылдарды дамытуға бюджеттен қанша қаражат бөлінетінін нақтылады.

«Ауылдарды дамытуға түрлі бюджеттік бағдарламалар аясында шамамен 1 трлн теңге бөлінеді. Бұған инженерлік инфрақұрылым, әлеуметтік инфрақұрылым, АӨК-ті қолдау, сондай-ақ «Ауыл – ел бесігі» жобасы бойынша бюджет бағдарламасы кіреді. Жалпы сипаттағы трансфертті есепке алғанда, осы бағдарламаға шамамен 177 млрд теңге...

«Мемлекеттік техникалық қызмет» акционерлік қоғамы алаяқтар өздерінің заңсыз әректетеріне +870 кодымен басталатын телефон нөмірлерін жиі пайдаланатынын хабарлады.

Орган мәліметінше, +870 кодымен байланыс Инмарсат спутниктік жүйесіне тиесілі және ол теңізде, әуеде және шалғай аймақтарда байланыс орнатуға арналған. Алаяқтар бұл кодты қазақстандық телефон нөмірлеріне ұқсас болғандықтан, тұрғындарды алдау үшін белсенді түрде қолданатынын айтылды.

Мемлекеттік техникалық қызмет инмарсат спутниктік жүйесінде қолданылатын тағы бірнеше ұқсас кодтар барды атады:

«Алаяқтықтан сақ болыңыз! +870 және осыған...

Отандық Gakku музыкалық арнасы 2025 жылдың 1 наурызынан бастап «Қазақтелеком» қолданушылары үшін көрсетілмейді.

Компанияның мәліметінше, құқық иесімен жасалған келісімшарттың мерзімі аяқталғандықтан, Gakku телеарнасы «Қазахтелеком ТВ+» және iD TV қызметтерінің барлық тарифтік жоспарларынан алынып тасталады.

Gakku – отандық эстрада мен қазақ тіліндегі әндерді кеңінен насихаттайтын бірегей жоба. Эфирде тек қазақстандық орындаушылардың әндері мен концерттері көрсетіліп, көрермендерге шоу-бизнес әлеміндегі арнайы жобалар, эксклюзивті сұхбаттар ұсынылып келді.

ЕАЭО елдері арасында ЖІӨ өсімі жағынан Қазақстан Қырғызстан мен Беларусьтан кейін үшінші орында. 2024 жылы елдегі көрсеткіші 4,8%-ды құрады. Қырғызстан ЖІӨ өсімі 9%-ды, Беларусьта 4% -ға тең. Бұл туралы Еуразиялық экономикалық комиссиясы жариялаған статистикада жазылған.

Қазақстан негізгі капиталға инвестиция (0,6%) бойынша, өнеркәсіп өндірісі (2,7%) бойынша артта қалған. Бірақ агроөндірістік кешен өсімі (13,7%), құрылыс жұмыстарының көлемі жағынан (13,1%) көшбасшы атанды.

2024 жылдың қаңтар-желтоқсанында жүк айналымы бойынша Қырғызстан (6%) мен Қазақстан (2,6%) алда, ал Беларусь (1,5%) пен Ресей (0,4%) кейінгі орында. Дәл осы уақытта жолаушылар тасымалы Қазақстанда 13,8%-ға, Беларусьта 9,1%-ға, Ресейде 6,3%-ға және Қырғызстанда 5,3%-ға өсті.

Ауыл шаруашылығы

Былтыр...

Ресей Үкіметі Қазақстанның солтүстік және солтүстік-шығыс аймақтарына газ құбырын тартпақ. Ресей Түмен облысынан басталып, Қазақстанның аумағына жететін газ құбыры жобасын көлік схемасына енгізген. Жоба аясында қуаттылығы жылына 10 млрд текше метрге дейін жететін экспорттық магистральдық газ құбыры салынады. Сонымен қатар оның жұмысын қамтамасыз ету үшін 50 МВт қуатты компрессорлық станциялар бой көтермек.

Газ құбыры қай жерден өтеді?

Газ құбыры Ресейдің Түмен облысы арқылы өтеді. Бұл аймақ Қазақстанның Солтүстік Қазақстан облысымен шектеседі, сондықтан бұл жобаның жүзеге асуы еліміздің солтүстігіндегі газ тапшылығын азайтуға септігін тигізеді. Жаңа құбырдың енгізілуімен Қазақстанның солтүстік және солтүстік-шығыс аймақтарының тұрғындары табиғи газға қол жеткізбек.

Қазақстандық режиссер Елзат Ескендірдің «Әбіл» фильмі Францияда өткен 31-Vesoul халықаралық Азия кинофестивалінен олжалы қайтты.

Картина үш бірдей марапатқа ие болған. Атап айтқанда, Қазылар алқасының бас жүлдесі – Jury Grand Prize, киносыншылар алқасының жүлдесі – Critical Jury Prize, NETPAC қазылар алқасының жүлдесі – NETPAC Jury Prize.

Францияда фильмді режиссер Елзат Ескендір мен актер Ерлан Төлеутай таныстырған.

Фильм туралы

«Әбіл» фильмі – Совет Одағы құлап, колхоз-совхоз тарап, мал-мүлік бөліске түсіп, елде жекешелендіру орын алған кезеңдегі қиянатқа ұшыраған қарапайым адамдар мен қараусыз қалған қазақ ауылындағы бейберекетсіздікті суреттейді. Сол арқылы, кинотуынды тәуелсіздік басындағы күрделі уақыт аясындағы қазақ халқының рухани кейпіне, психологиялық күйіне...

Қазақстандық блогер Дарья Александрова мемлекеттік кірістер комитетінен (МКК) 120 миллион теңге салық төлеу туралы хабарлама алғанын жариялады. Алайда кейін бұл шешімнің техникалық қателік екені анықталып, комитет өз ұйғарымын кері қайтарып алды.

Қателіктің мәні неде?

Блогердің айтуынша, 14 ақпан күні оған 79 млн және 42 млн теңге көлеміндегі екі салықтық есеп жолданған. Мемлекеттік кірістер комитеті оның табысын төмендетіп көрсеткенін айтып, «экспорттық бұзушылық» ретінде тіркеген. Бірақ Александрова өз табысын жасырмағанын, негізгі кәсібі Қытайдан ойыншық импорттау екенін мәлімдеді.

Комитет кейін бұл техникалық қателік екенін айтып, жіберілген салықтық талаптарды кері қайтарып алған. Бірақ осы жағдайдың кесірінен блогер стресс алып, денсаулығы нашарлап...

Қазақстанға шетелдік банктердің келуі жақсы, бірақ олар ел экономикасына ақша салуға мүдделі болуы керек. Бүгін Алматыда өткен Women in Bussiness форумында Halyk Bank басқарма төрағасы Үміт Шаяхметова елдегі банк секторына қатысты журналистер сұрағына жауап берді.

Шетелдік банктерді кіргізу – мақсат болмау керек

Шаяхметованың пікірінше, шетелдік банктердің келгені жақсы. Бірақ олар белгілі бір талаптарды орындауға да дайын болуы тиіс.

«Жалпы алғанда бұл қалыпты үрдіс, ірі, стандарттары жоғары шетелдік банктердің көбейгені жақсы деп есептеймін», – дейді ол.

Қазірдің өзінде қазақстандық банк секторындағы шетелдік банктер үлесі жоғары

«Қазақстандағы...

20 ақпаннан бастап кинотеатрларда көрерменге жол тартқан «Кімге керексің» фильмі – қазіргі заманғы қарым-қатынастардың шынайы бейнесін көрсететін комедия. Бұл фильм тек күлкі сыйлап қана қоймай, махаббат, өз-өзін тану және жалғыздық тақырыптарын қозғайды.

Сюжет желісі

Басты кейіпкер Асхат – ұзақ уақыт бойы бойдақ өмір сүріп келген ер адам. Үйленгеннен кейін небәрі үш айдың ішінде ажырасып кетеді. Бір күні бұрынғы әйелі Гүлжан үйіне келіп, заттарын алып кетпек болады. Алайда Асхат күтпеген жаңалыққа тап болады – Гүлжан басқа біреуге тұрмысқа шығуға дайындалып жүр екен.

Бұл жаңалық Асхаттың намысына тиіп, екеуінің арасында үлкен жанжал туындайды. Ашуға булыққан Гүлжан оның барлық кемшіліктерін...

Денсаулық сақтау вице-министрі Ержан Нұрлыбаев Астанада лифт ішінде жасөспірімнің 5 жасар баланы пышақтап кеткен оқиғаға қатысты пікір білдірді. Министр орынбасары психикалық ауытқуы бар балалардың ата-аналары оларды үнемі бақылауда ұстауға міндетті екенін айтады. Ал балаға пышақпен жарақат салған жасөспірім оқшауланбайтын болды.

Вице-министрдің  айтуынша, бұл жағдайға байланысты ведомство әлі қызметтік тергеуді жүргізіп жатыр.

«Мұндай психикалық денсаулыққа байланысты мүгедектігі бар балалардың қамқоршыларына қойылатын белгілі бір талаптар бар. Бұл талаптар олардың балаларды тұрақты бақылауда ұстауын міндеттейді. Мұндай балалар үнемі қадағалауда болуы керек,» – деді Нұрлыбаев мәжіліс кулуарында.

Нұрлыбаев емдеуді бақылайтын және жүргізетін дәрігерлер тарапынан ешқандай заң бұзушылық болмады деп...

FlyArystan рейсінде бортсерікке қол көтерген және бомба туралы жалған ақпарат таратқан жолаушыға сот үкімі шықты.

Оқиға 13 қаңтарда Астана – Өскемен бағытындағы FlyArystan рейсінде болды.

Оқиға қалай болды?

Жолаушы ұшаққа мас болып кірген. Ол алдымен бортсерікті ішінен ұрып, кейін оған ескерту жасаған жолаушыға да күш қолданған. Бұдан кейін «ұшақта бомба бар» деп өзге жолаушыларды әбігерге салған. Сөйтіп, ол FlyArystan рейсінде жанжал шығарған.

Мұның кесірінен 153 жолаушы шұғыл эвакуацияланып, қайта тексеруден өткен. Жалған хабар көлік полициясы және авиакомпанияға қосымша шығын келтіріп отыр.

Прокуратура кесімі

FlyArystan рейсінде төбелес шығарған айыпталушы сотта кінәсін толық мойындады. Жәбірленушілердің, куәгерлердің және сарапшылардың қорытындылары да оны...

Алматы облысының бұрынғы әкімі Аңсар Мұсаханов өмірден озды. Бұл туралы Сенат депутаты Жанболат Жөргенбаев өзінің әлеуметтік парақшасында хабарлады.

«Қоғам және мемлекет қайраткері, ардақты азамат, асыл дос Мұсаханов Аңсар Тұрсынханұлының дүниеден озуына байланысты қайғыларыңызға ортақтасып, көңіл айтамын», – делінген депутат жазбасында.

Аңсар Мұсаханов ветеринария маманы ретінде ауылшаруашылық саласында қызмет еткен. Әр жылдары ауыл, аудан және облыс әкімдіктерінде түрлі қызметтер атқарған.

Өзінің әкімдік қызметін 1997 жылы Жамбыл ауданындағы шағын ауылдан бастаған. 2005-2006 жылы Іле ауданы әкімінің орынбасары қызметін атқарған. 2006-2007 жылдары Жамбыл ауданының әкімі болып тағайындалып, екі жыл өткен соң, Қарасай ауданына ауыстырылған...

«Самұрық-Қазына» ұлттық әл-ауқат қорының меншігіне Қайрат Сатыбалдыдан қайтқан үш компания толық өтті. Бұл туралы Қазақстан қор биржасындағы ақпаратта жазылған.

Әл-ауқат қоры 14 ақпаннан «Ақмолит» ЖШС, «Мархит» ЖШС және «Топаз – НС» ЖШС компанияларындағы 100% қатысу үлесіне иелік ететін болды.

Бұл компанияларды 2022 жылға дейін экс-президент Нұрсұлтан Назарбаевтың немере інісі Қайрат Сатыбалдымен байланыстырған.

«Акмолит» ЖШС-ның 2023 жылғы аудиторлық қаржы есептілігінде (қаржылық есептіліктер депозитарийінде бұдан жаңа деректер жоқ) Үкімет 2022 жылдың сәуір айында аталған үш компаниядағы үлестерді «Самұрық-Қазына» орналастырған акцияларға төлем ретінде беретіні жазылған.

Сол жылдың тамыз айында «Самұрық-Қазына» қоры мен оның еншілес ұйымы – «Тау-Кен Самұрық...

Satbayev University мен inDrive басшысы Арсен Томский «inVision U факультетін» құру туралы келісімге қол қойғанын хабарлады. Факультет Қазақстан мен Орталық Азияның дарынды мектеп түлектеріне тегін жоғары білім бермек.

Мән-жайы

2024 жылғы қыркүйекте премьер-министрмен кездесу кезінде inDrive басшысы Арсен Томский «inVision U» университетін ашуды ұсынған. Бұл университет 400 студентке IT, маркетинг және медиа, ғылым, қоғам, мемлекеттік басқару салалары бойынша білім бермек.  Жобаны жүзеге асыру үшін “Satbayev University» жанынан автономды факультет құрылады. Жоба 2025 жылдың қыркүйегінде басталады.

Не оқытады

Бірінші оқу жылы **Foundation** дайындық курсынан басталады. Бағдарлама аясында студенттерге сыни ойлау мен аналитикалық дағды қалыптастыру сабақтары өтіп...

DEMOSCOPE қоғамдық пікірдің эспресс-мониториң бюросы халық арасында жүргізілген «Қазақстандықтардың Украинадағы соғысқа көзқарасы» сауалнамасының қорытындысын жариялады.

Қазақстандықтардың үштен бірі соғысты ақтайды

Зерттеу нәтижелері Ресей пропагандасының қазақстандықтардың қоғамдық пікіріне әлі де әсер ететінін көрсеткен. Ел азаматтарының 27,8%-ы Украинадағы соғысты Ресей пропогандасының негізгі тезистері арқылы қабылдайды:

2022 жылы Кремльдің ұстанымын 33,2%, ал 2023 жылы 31,8% қолдаған.

Бюро бұл көрсеткіштің тұрақтылығын Қазақстанның ақпараттық кеңістігінің осал екенін көрсетеді деп отыр.

Соғысқа қарсылар

Бюро соғысқа қарсы көзқарас та үш жыл ішінде айтарлықтай...

Алматы прокурорлары Абай атындағы ұлттық педагогикалық университетінің (ҚазҰПУ) заңсыз сатылып кеткен оқу корпустары мен стадионын ЖОО меншігіне қайтарды. Бұл туралы Бас прокуратураның баспасөз қызметі хабарлады.

«Медеу ауданының прокуратурасы «Абай атындағы Қазақ ұлттық педагогикалық университетінің» мүлкін заңсыз сату фактілерін анықтады», – делінген баспасөз хабарламасында.

Оқу басшылығы қандай мүлікті сатқан?

Прокуратура мәліметінше, ЖОО-ның бұрынғы басшылары оқу және тұрғын үй алаңының тапшылығына қарамастан, университетке тиесілі ғимаратты заңсыз жолмен сатып жіберген. ЖОО басшылары арнайы сауда-саттық өткізбеген және мүлікке заңға сәйкес бағалау жүргізбеген. Солайша жалпы ауданы 1500 шаршы метрден астам екі оқу корпусы жекенің қолына өтіп кеткен.

Қазақстанда 20 ақпаннан бастап отандық көлік алу үшін автонесие рәсімдеу жеңілдеді. Бүгін Қаржы нарығын реттеу және дамыту агенттігінің тиісті қаулысы күшіне енді.

Заң талабын қарапайым тілмен түсіндірсек:

Мәселен, сіз отандық автомобиль сатып алу үшін қаржы мекемесінен автонесие алуға өтініш бердіңіз. Бірақ бұған дейін алған несие бойынша қарызыңыз бастан асады. Соны ескерген қаржы мекемесі өтінішіңізді мақұлдамай тастауы әбден мүмкін.

Алайда бейсенбіден бастап күшіне енген қаулыға сәйкес, отандық автомобиль үшін несие алу кезінде азаматтың қаржы мекемелері алдындағы басқа да борышы ескерілмейді. Бұған қоса, автонесиені 4% мөлшерлемемен ала аласыз.

Қаулы күші 2027 жылға дейін ғана жарамды.

Қаржы нарығын дамыту...

Қазақстандық банктер 2025 жылдың қаңтар айында 244 млрд теңге таза пайда тапқан. Бұл көрсеткіш 2023 жылдың бірінші айындағы табыспен салыстырғанда 15%-ға артық. Алайда есепте бірқатар банктердің 15,7 млрд теңгедей шығын көргені жазылған.

Ұлттық банк дерегіне сүйенсек, екінші деңгейлі банктердің кірісі шығысынан 228,5 млрд теңгеге асқан. Банктердің жалпы кірісі 7,22 трлн теңгені құраса, шығыны 6,95 трлн теңгені құраған.

Банктердің активтері азайды

2025 жылдың қаңтарында екінші деңгейлі банктердің активтері 947 млрд теңгеге қысқарған. Былтыр жыл соңында ЕДБ активтері 61,55 трлн теңгені құраса, қаңтар айының нәтижесінде 60,6 трлн теңге болды.

Ұлттық банк есебіне сәйкес, банктердің капиталы 179 млрд теңге қосып...

Сенат депутаты Марат Қожаев қалтасы қалың жүргізушілерге айыппұл жеңілдіктерін шектеуді ұсынды. Айтуынша, қалталы азаматтар айыппұлды жеңілдікпен төлеп, жол жүру ережесін қайта бұзады. Сенатор мұндай адамдар үшін талапты күшейту арқылы шара қолдану керек деп санайды.

Мұның алдында депутат жүйелі түрде заң бұзып, бірақ одан еш сабақ алмаған адамдарға талапты қатайтуды ұсынып, депутаттық сауал жолдаған болатын. Қожаев не үшін талапты күшейтуді ұсынғанын түсіндіріп берді.

«Бір азамат жыл бойы жүйелі түрде заң бұзып, 76 рет айыппұл төлеген. Ал енді біреуі 143 рет айыппұл төлеген. Екеуі де айыппұлды жеңілдікпен өтеген. Мұндай адамдарға басқа қандай шара қолдану керек...

Nomad каскадерлік базасында Алтын Орда туралы деректі-драмалық сериалдың түсіріліміне дайындықтар басталды. Бұл туралы ҚР Мемлекеттік кеңесші Ерлан Қарин хабарлады.

Каскадерлердің қарқынды дайындығы

Nomad Stunts – әлемдік деңгейдегі жобаларда танылған кәсіби каскадерлер командасы Netflix-тің «Марко Поло», Disney-дің «Мулан», Apple Studios-тың «Наполеон» сынды алып жобаларға қатысқан. Бұл жолы да тарихи көріністерді дайындап, күрделі шайқастарды пысықтап жатыр. Каскадерлердің дайындығы аса қарқынды өтуде – тарихи қару қолдану әдістері, шабандоздық шеберліктер, жекпе-жек сахналары шынайы етіп дайындалып жатыр.

Мәжіліс депутаты Ринат Зайытов психолог мамандарды даярлауға арналған отырыста мәселенің салдарымен емес, себебімен күресу керек деген сөз айтты. Ол мәселенің түп-төркіні дұрыс контент ұсынуды қадағаламай отырған Ақпарат министрлігіне келіп тіреледі деп санайды.

Мәселелер тізбегі

Депутат психологиялық бұзылыстар артқан бүгінгі ахуалға бір-біріне тығыз байланысты мәселелер тізбегі себеп екенін айтады.

«Біз психологтардың біліктілігін, кәсібилігін арттыру мәселесін талқылап отырмыз. Өйкені бізде психолог мамандар жетпей жатыр. Неге жетпей жатыр, өйткені қажеттілік артты, балаларымыздың психологиясы бұзыла бастады. Неге бұзыла бастады? Бүкіл тәрбие институттары қирады. Бұл институттар болмаған соң, тәрбиені ақпараттық құралдарға бердік. Ақпарат құралдарында тәрбие реттелмегеннен кейін, психология өздігінен...

Ауыл шаруашылығы министрлігі қоймаларда сәбіздің шіріп жатқанын жоққа шығарды. Бұл туралы Сенат кулуарында Ауыл шаруашылығы вице-министрі Ермек Кенжеханұлы айтты.

«Сәбіздің жаппай бұзылу жағдайлары анықталмады. Бірен-саран жағдайлар кездескен шығар, бірақ жаппай тіркелген жоқ. Біздің отандық нарықты толққанды сәбізбен қамтамасыз ету мүмкіндігіміз бар. Бағаның өсуіне ықпал ететін факторлар жоқ. Сәбізге тиісті фитосанитарлық сертификаттар берілмеген соң, бұзылып жатыр деген ақпарат шындыққа жанаспайды. Қазіргі таңда фитосанитарлық сертификаттарға ешқандай шектеу қойылмаған», – деді министрлік өкілі.

Мұның алдында қоғам белсендісі Санжар Боқаев Солтүстік Қазақстандағы қоймаларда сәбіздің тонналап шіріп жатқанын, ал қалаларда оның келісі 320 теңгеге бағаланатынын айтқан болатын.

Боқаев

Halyk Bank төрағасы Үміт Шаяхметова бюджет бүйірін толтыру үшін қосылған құн салығын көтеру емес, салық саласындағы басқаруды жетілдіру керек деп тұжырымдайды. Салық саласын жетілдірсе, қазіргі 12% мөлшерлемемен-ақ қазынаны толтырып алуға болады. Бұл туралы Шаяхметова Women in Business форумында мәлімдеді.

Банк төрағасының пікірінше, қосылға құн салығын көтерсе, бұған дейін заңды түрде салық төлеп жүргендерге жүктеме артады.

«ҚҚС-тың қазіргі 12% мөлшемерлемесінде-ақ, дұрыс салық әкімшілендіруді кеңейтсек, соның нітижесінде салықты көбірек жинап алуға болады», – дейді банкир.

Шаяхметова қазіргі кезде бизнесті бөлшектеу жүріп жатқанына назар аударды. Осындай заңға қайшы әрекеттердің алдын алып, салықтық бақылауды күшейту қажет деп тұжырымдайды.

Сонымен...