Жаңалықтар

Экология және табиғи ресурстар министрі Ерлан Нысанбаев «Маңғыстаумұнайгаз» компаниясына салынған айыппұлға қатысты пікір білдірді. Нысанбаевтың айтуынша, министрлікке қарасты Экологиялық реттеу және бақылау комитетіне бұл жағдай туралы есеп берілмеген.

Тексеріс 2024 жылдың қазан айынан бастап жүргізілген. Экологиялық нормалардың бұзылғанын анықтау үшін прокуратура Экология департаменті мамандарын сарапшы ретінде тексеріс жұмысына қатыстырған.

«Тексерісті Экология департаментінің қатысуымен прокуратура жүргізген. Компания экологиялық талаптарды бұзып отыр. Сол үшін 32 млрд теңге көлемінде айыппұл салынды. Бұл орайда заң бәріне ортақ. Мемлекеттік немесе жеке компания болсын, бәрі заңға бағынуы керек», – деді министр.

Бірақ Экология департаменті мамандары сарапшы ретінде қатысқанына қарамастан, бұл жағдай туралы...

Экология және табиғи ресурстар министрі Ерлан Нысанбаев көлікті 5 минуттан артық қыздырғандарға айыппұл салатын норма заңда 20 жылдан бері бар екенін мәлімдеді.

Оның сөзінше, бұл норма айыппұл арқылы бюджет түсімін көбейтуді көздемейді.

«Біз жан-жақты қарастырып жатырмыз. Алматы қаласы бойынша 19 экопост қойдық. Алматыда 700 мыңдай көлік тіркелсе, одан бөлек күніне 400 мың көлік кіріп шығады. Соның бәріне экологиялық тұрғыдан қарағанда, жүрмей тұрған машина экологияны ластауға өз үлесін қосады. Сондықтан біз бұны (норманы – ред) қос қолдап қолдаймыз», – деді министр Үкімет сағатанынан кейін өткен брифингте

Министр көлігін 5 минуттан артық қыздырғандардың бәріне бас салып айыппұл...

Қазақстанның Сауда министрлігі елде картоп тапшылығы жоқ деп сендіреді. Тұрақтандыру қорларында 62 мың тонна картоп бар. Әлеуметтік дүкендер тұрақтандыру қорларынан алынған картоптың келісін 130 теңгеден сатып жатыр. Бұл туралы Сауда комитетінің төрағасының орынбасары Ернұр Жәутіков мәлімдеді.

«Экспорт көлемі өсті, ауылшаруашылық өнімдерін өндірушілердің қорында картоп бар. Сонда да өнімнің қымбаттап жатқанын байқап отырмыз», – деді ол.

Ернұр Жәутіков өнімнің өзіндік құны тасымал мен саудагерлердің пайдасын қоса алғанда, картоптың бағасы 320 теңгеден аспайтынына сенімді.

Бағаны тұрақтандыру үшін елімізде картоп экспортына уақытша шектеу енгізбек. Шектеу 6 айға созылады.

2024 жылы картоп бағасы өндірушілер үшін...

Қырғызстанда жоғары лауазымды шенеуніктердің 2023 жылдағы декларациясы жария болды. Оған сәйкес, елдің сыртқы істер министрі мен қаржы министрінің атына ешбір мүлік тіркелмеген. Бұл туралы 24kg басылымы жазған.

Қырғызстанның ішкі кірістер қызметі шенеуніктердің 2023 жылдағы декларацияларын жариялай бастады. Сыртқы істер министрі Жиенбек Кулубаевтың атында тұрғын үй де, автомобиль де тіркелмеген. Алайда оның жақын туыстарының атында ауданы 138 шаршы метр болатын пәтер мен ауданы 1200 шаршы метрді құрайтын жеке учаске және құны 603 мың сом (3 639 754 теңге) болатын Toyota Highlander автокөлігі бар. Кулубаевтың табысы 2,5 млн сом (15 млн теңге) болған.

Ішкі істер министрі Ұлан Ниязалиевтің атында да тұрғын үй мен автокөлік...

Ұлттық Банк 2025 жылдың І тоқсанында ішкі нарыққа 750 млрд теңгеге доллар сатпақ. Бұл қаржыға алтын-валюта қоры үшін алтын сатып алады.

Жалпы 2025 жылы Ұлттық Банк құны 6 млрд долларға тең немесе 70 тонна алтын сатып алуды жоспарлап отыр. Бұл туралы реттеушінің сайтында жазылған

«Тепе-теңдік операциялары алтын-валюта резервтерінің көлеміне әсер етпейтінін атап өткен жөн, себебі алтын сатып алу биржада валютаны сатумен өтеледі. Сатылған валюталардың көлемі ресми сайтта ай сайын жарияланады», – дейді Ұлттық банк.

2011 жылы енгізілген норма бойынша, Ұлттық Банк Қазақстандағы алтын өндіруші кәсіпорындардан алтын сатып алуды бастаған. Оны Қазақстанның алтын-валюта резервтерін...

АҚШ-тың 46-президенті болған Джо Байденнің басшылығымен Америка экономикасы бірқатар маңызды өзгерістер мен сын-қатерлерді бастан өткерді. Байден әкімшілігі кезінде АҚШ экономикасы өсуін жалғастырды. Бірақ бұл өсу инфляцияның жоғары деңгейі, әлемдік жеткізу тізбегіндегі қиындықтар және пандемияның ұзақмерзімді әсерімен бірге жүрді.

Инфляция

2017-2021 жылдары Трамптың бірінші президенттік мерзімінде жиынтық инфляция деңгейі тұтынушылық баға индексімен өлшенген 8%-дан төмен болды. Байденнің кезінде бұл 21% болды. Сондай-ақ экономиканың нақты түрде 11% -ға кеңейгені – Трамп кезіндегі 8,6% -бен салыстырғанда – маңызды емес сияқты. Инфляция 2022 жылдың маусымында 9%-дан өскен болса, 2021 жылдың наурызынан бастап Федералдық резервтің ай сайынғы 2%-дық мақсатынан жоғары болды.

Байденнің президенттік...

Президент Қасым-Жомарт Тоқаевтың 2027 жылға дейін елде 2 млрд ағаш егу жөніндегі тапсырмасы орындалмай қалуы мүмкін. Өйткені 2024 жылғы жоспарлы көрсеткішті елдегі екі бірдей облыс орындамаған. Бұл жайында министр Ерлан Нысанбаев айтты.

Үкімет жиынында баяндама жасаған  ведомство басшысы Президенттің көшет отырғызу бойынша нақты тапсырма бергенін еске салды. Министр 2021-2024 жылдары 736,8 мың гектарға 1 145 млн дана көшет отырғызылғанын айтты. 2024 жылы 205,2 мың гектар алаңға 306 млн дана көшет егілген. Алайда өткен жылы да межелі міндет толық орындалмады. Жоспар бойынша 336 мың гектарға 347 млн дана ағаш отырғызылуы тиіс еді.

Ерлан Нысанбаев Президенттің 2027 жылға дейін 2 млрд ағаш егу туралы тапсырмасын кешіктіріп жатқан...

Қазақстан премьер-министрі Олжас Бектенов бос уақытында ойын ойнап көрмекші. Бұл туралы премьер-министр үкімет сағатында айтты.

Жиында GrandМobile компаниясының бас директоры Роман Глиницев стартаптардың өнімімен таныстырды. Компания басшысы GrandМobile ойынының аудиториясы 60 млн-нан асатынын, бір күнде ойынды 400 мың адам тұтынатынын айтты. Ал 2024 жылы компанияны табысы 24 млн долларды құраған.

Бектенов бұл ойынды App Store-дан жүктеп алу мүмкіндігі жайлы сұрады.

«App Store бар болса, жүктеп алып, бос уақытымда ойнап көрем. Ойнасаң, қазақстандық ойындарды ойнау керек. Мен барлық әріптестерімді осыған шақырам. Өйткені біздің әріптестердің арасында ойын ойнайтын жастар бар екенін білем. Сондықтан ойнайтын болсаңыздар...

Шығыс Қазақстанда алтын өндіретін Akzhal Gold Resources компаниясы жалғыз акционері – голландиялық International Private Equity Initiative B.V компаниясына 996 млн теңге дивиденд төлемек. Қаржы есебінде International Private Equity Initiative B.V компаниясы Лихтенштейн азаматы Адриан Роман Рейнбергерге тиесілі екені жазылған

Қаржы акционерге шетел валютасының 530 теңге бағамы бойынша есептеліп, 1 млн 880 мың доллар болып аударылады. Бұл туралы компанияның Қазақстан қор биржасына жолдаған хабарламасында айтылған.

Нидерландының Амстердам қаласында өткен жалпы жиналысында жалғыз акционер 2023 жыл үшін дивиденд алу туралы шешім шығарған. Айта кету керек, 2024 жылдың жазында ол Akzhal Gold Resources компаниясының 2023 жылғы дивидендінен бас тартқан болатын...

Ішкі істер министрлігі шетелде жүрген қазақстандықтарға Telegram және WhatsApp чаттарында жиі кездесетін алаяқтықтың жаңа әдістері туралы ескерту жасады, деп хабарлайды Polisia.kz.

Бүгінде мыңдаған қазақстандықтар шетелде білім алып немесе жұмыс істеп жүр. Олар өзара байланыс орнатып, ақпарат алмасу және көмек көрсету үшін түрлі чаттар құрады. Дегенмен, бұл жағдайды алаяқтар пайдаланып отыр.

Полицияның мәліметінше, қаскөйлер мұндай чаттарға қосылып, өзін қазақстандық азамат ретінде таныстырады және валюта айырбастау бойынша өте тиімді шарттар ұсынады. Алайда олар ақшаны тікелей айырбастамай, криптовалюта сатумен айналысатын адамдардың немесе дроптардың шоттарын жіберіп, алдау схемасын жүзеге асырады. Қаражат түскен соң, олар барлық хат-хабарларды өшіріп, чаттан шығып кетеді.

Осындай алаяқтық әрекеттер...

Қаржы мониторингі агенттігі Түркістан облысында жалған кепілдіктер рәсімдеу арқылы 1,9 миллиард теңге бюджет қаражатын жымқырған ұйымдасқан қылмыстық топтың әрекетін тоқтатқанын хабарлады.

«Қылмыстық топ «Сыбаға» мемлекеттік бағдарламасы аясында ірі қара мал сатып алуға бағытталған субсидиялауға бөлінген жеңілдетілген кредиттер алудың алаяқтық схемасын пайдаланған» делінген хабарламада.

Ол үшін Кентау қаласында «Яссы-кредит НС » Кредиттік серіктестігі» ЖШС құрылып, іс жүзінде жоқ «Expert Consulting Group» ЖШС атынан жалған құжаттар мен мүлікті бағалаулардың жалған актілерін пайдаланған.

Мемлекеттік несие алу өтінімдерін қарау жөніндегі комиссияның төрағасы болып қызмет атқарған ұйымдастырушы қылмыстық схеманы әзірлеп, қатысушылардың әрекеттерін үйлестірген. Ол ықтималды қатысушыларды іздеп, олардың рөлдерін...

Өзбекстан президенті Шавкат Мирзиёев ұлттық құраманың қорғаушысы Абдукодир Хусановтың ағылшындық «Манчестер Сити» клубына ауысуы туралы пікір білдірді деп жазады gazeta.uz басылымы.

Өзбек президентінің Абу-Даби ханзадасы әрі клубтың иесі шейх Халид ибн Мұхаммед Әл Нахаянмен сұхбатынан үзінді «Өзбекстан 24» телеарнасының «Менимча» бағдарламасында көрсетілді.

Абу-Даби ханзадасы Абдукодир Хусановтың трансфері туралы айтып, оны Шавкат Мирзиёевпен талқылаған. Президент жаңалықтан хабардар екенін білдіріп, қызығушылық танытқаны үшін алғысын айтқан.

«Мен бұл оқиғаға өте қуаныштымын», – деді Мирзиёев.

Футболшы туралы пікір білдірген шейх Халид ибн Мұхаммед Әл Нахаян оны «өте жылдам, мықты және батыл жас жігіт» деп сипаттап, «кәсіби футболшы мен...

«Қазақтелеком» АҚ 2024 жыл соңында биржаға шығарған құнды қағаздарын бір ай өтпей жатып қайтарып алды.

«Қазақтелеком» АҚ (бұдан әрі – Қоғам) 2025 жылғы 17 қаңтарда Қоғамының
Astana International Exchange Ltd биржасында орналастырылған KTCB2.1227 (ISIN
KZX000003504) облигацияларын толық көлемде кері сатып алу жүзеге асырылғанын
хабарлайды», – деп жазылған Қазақстан қор биржасында жарияланған хабарламада.

Облигациялардың жалпы құны – 59 млрд теңге, төленген сыйақы сомасы – 0,5 млрд теңге.

Бұған дейін 2024 жылдың 30 желтоқсанында «Қазақтелеком» жалпы құны 100 млрд теңге болатын облигациялық бағдарлама аясында екінші бөлімін биржаға орналастырған еді.

Ал одан бір ай бұрын AIX-ке жалпы саны 41 млн...

Алматы қаласында халықты қажылыққа апарамыз деп ақша жинап, 180-нен астам адамды алдаған «Жазира travel» компаниясының басшысы қамауға алынды. Бұл туралы ақпаратты KursivMedia тілшісіне Алматы қалалық полициясының баспасөз қызметі растады.

«Бұл қылмысты жасады деген күдікпен Алматы облысының тұрғыны ұсталды. Ол өзін туристік фирманың басшысы ретінде таныстырып, умраға қажылыққа жөнелту бойынша қызмет көрсететін жалған келісімшарттар жасаған», – делінген полиция хабарламасында.

Ақпаратқа сүйенсек, күдіктіге бұл қылмысты жасауға кемінде 4 адам жәрдемдескен. Әзірге полиция олардың әрекетіне құқықтық баға бермеген. Ал күдіктінің үстінен алаяқтық дерегі бойынша тергеу басталған. Оның үстінен 33 адам арыз түсірген.

Компания қызметіне жүгініп, алданып қалған Меруерттің (өз өтінішімен...

Дональд Трамп президент қызметіне кіріскеннен кейін, доллар құнсызданды, ал мыс бағасы өсті. Қытайдың өнеркәсіп секторы дефляция шырмауынан шыға алар емес. 20 қаңтардағы әлемдік БАҚ шолуына зер салыңыз.

АҚШ-та импорттық баж салығын көтеру кейінге қалдырылғаннан, мыс бағасы өсті

Bloomberg мәліметінше, Лондон металдар биржасында мыс бағасы 1,2%-ға қымбаттады. Бұған АҚШ-тың жаңа президенті Дональд Трамптың импорттық баж салығын бірден көтермеу туралы шешімі әсер етті. Алдымен тарифтерді көтеру жөнінде белгілі бір іс-қимыл жоспары жарияланатын болады.

Мыс бағасының өсуіне доллардың құнсыздануы да ықпал етті. Металдар мен басқа да шикізаттар үшін доллардың күштілігі жағымсыз фактор саналады. Себебі АҚШ валютасының жоғары бағамы елден тыс...

Жоғары аудиторлық палата төрағасы Әлихан Смайылов көлеңкелі экономикаға қарсы іс-қимыл жөніндегі мемлекет саясатының тиімділігіне жүргізілген мемлекеттік аудит нәтижелерін таныстырды.

Смайылов экономиканың көлеңкелі секторы елдің дамуына теріс әсер ететінін мәлім етті. Шағын және орта бизнестің өсуіне кедергі келтіре отырып, адал бәсекелестік деңгейін төмендететінін, сондай-ақ мемлекеттік бюджетке түсетін түсімдерді азайтатынын айтты.

Смайыловтың сөзінше, Қазақстан жалпы ішкі өнімдегі көлеңкелі экономиканың үлесін 15%-ға дейін төмендетуді көздеп отыр. 2017 жылы бұл көрсеткіш 28,8% болса, 2023 жылы 17,5%-ға дейін төмендеген. 

Дегенмен жүргізілген аудит нәтижелері осы бағыттағы мемлекет саясаты шараларының тиімділігін тежейтін бірқатар елеулі кемшіліктер бар екенін көрсеткен.

«Мәселен, бүгінде көлеңкелі экономикаға...

Қазақстандағы көлік иелері осы жылдың бірінші сәуіріне дейін 2024 жылдағы көлік салығын төлеуі керек. KursivMedia осы жылы қазақстандықтардың көлік салығын есептеп көрді.

ҚР Салық кодексінің 492-бабына сәйкес, елдегі көлік алымы АЕК және салық мөлшерлемесі негізінде есептеледі (2024 жылы АЕК көлемі 3692 тг болды). Ең көп салықты қозғалтқыш көлемі үлкен көліктер төлейді, шамамен 740 мың теңгеге дейін жетуі мүмкін.

Салық мөлшерлемесінің санаттары

Конституциялық Сот бейбіт жиналыстарды өткізу тәртібі туралы нормаға түсіндірме берді. Сот мәлімдемесіне сәйкес, бейбіт жиналыс өткізу құқығы абсолютті емес, ол заң шеңберінде шешілуі керек. Конституциялық сот әкімдіктер бейбіт жиынды өткізуден бас тартпас бұрын, ұйымдастырушыға бейбіт жиын өткізетін басқа орын немес басқа уақыт ұсынуы міндетті.

Конституциялық Сот «Қазақстан Республикасында бейбіт жиналыстарды ұйымдастыру және өткізу тәртібі туралы» Қазақстан Республикасының Заңына қатысты нормалардың Конституцияға сәйкестігін тексерген. Астана тұрғыны аталмыш заңның кей нормалары жергілікті атқарушы органдардың өз бетінше шешім шығаруына ықпал ететінін алға тартып, Конституциялық сотқа өтініш түсірген. Тұрғынның өтініш түсіруіне Астана қаласының әкімдігінің бұрын келісілген бейбіт жиналысты ұйымдастырудан бас тартуы себеп болған.

Кепілге алынған әйел ауруханадан шықты. Зардап шегушінің миы шайқалған, басы мен қолы жарақаттанған болатын. Бұл туралы Ақтөбе облысының денсаулық сақтау басқармасы хабарлады.

«Науқастың жалпы жағдайының жақсаруына байланысты үйіне шығарылды. Дәрігерлердің кеңесімен әрі қарай өзінің тұрғылықты жеріндегі емхананың бақылауында болады», – делінген хабарламада.

Еске сала кетейік, 13 қаңтарда Ақтөбеде белгісіз ер адам үйге басып кіріп, әйел мен оның қарт ата-анасын кепілге алған еді. Үш сағаттық келіссөзден кейін, полиция үйді шабуылмен басып алды. Күдікті ұсталды, ал зардап шеккендер ауруханаға жеткізілген.

Алайда 67 жастағы әйел ауруханаға барар жолда көз жұмса, 75 жастағы ер адам операция үстелінде...

21 қаңтар күні сағат 08:30-дан бастап ауа райының қолайсыздығына (қар, боран) байланысты Қарағанды және Ақмола облыстарында республикалық маңызы бар бірқатар автожолдарда көлік қозғалысына шектеу қойылды. Бұл туралы «ҚазАвтоЖол» хабарлады.

Қарағанды облысында:

«Астана – Қабанбай батыр – Нұра – Теміртау» автожолының 51-266 шақырымы, Ақмола облысының шекарасынан Теміртау қаласына дейінгі учаскеде барлық көлік түрлеріне қозғалыс уақытша тоқтатылды.

Ақмола облысында:

«Астана – Қабанбай батыр – Нұра – Теміртау» автожолының 35-51 шақырымы, Қабанбай батыр кентінен Қарағанды облысының шекарасына дейінгі учаскеде көлік қозғалысы шектелді.

Жолды қайта ашу 21 қаңтар күні сағат 20:00 шамасында жоспарланып отыр.

Еске сала кетейік, бұған дейін алдағы күндері Қазақстан аумағында...

АҚШ-тың 47-президенті Дональд Трамп қызметіне кірісе сала, 2021 жылдың 6 қаңтарындағы Капитолий ғимаратына басып кірген мыңдаған адамды кешіру туралы жарлыққа қол қойды.

Капитолий ісі бойынша Трамптың жақтастары Джо Байденнің президенттік жеңісін мойындамай, Капитолийге шабуыл жасап Вашингтонда тәртіпсіздік ұйымдастырған болатын.

Трамп өз сөзінде: «Олар бүгін босатылады деп үміттенемін. Олар осы сәтті ұзақ күтті. Шамамен 1500 адам», – деп мәлімдеді. Алайда кейінірек журналистер нақты сан басқаша екенін анықтады. Шын мәнінде, шамамен 1600 адам кешірімге іліккен.

Сондай-ақ Трамп Oath Keepers және Proud Boys сияқты оңшыл радикалды топтардың 14 мүшесінің жазаларын жеңілдетті. Бұл тұлғалар бүлік ұйымдастыруға қатысқаны үшін сотталған еді.

Қызметіне жаңадан...

Қазақстан президенті Қасым-Жомарт Тоқаев АҚШ президенті Дональд Трампты президент қызметіне ресми түрде кірісуімен құттықтады. Ақорда ақпаратына сүйенсек, Тоқаев Трампқа құттықтау жеделхатын жолдаған.

«Мемлекет басшысы Қасым-Жомарт Тоқаев АҚШ-тың 47-ші Президенті Дональд Трампқа жеделхат жолдап, оны 20 қаңтарда Вашингтонда өткен ұлықтау рәсімінде АҚШ Президенті қызметіне ресми түрде кірісуімен құттықтады», – делінген хабарламада.

Ақорда баспасөз қызметінің жазуынша, жеделхатта Қазақстан президенті екі елдің энергетика, ядролық қаруды таратпау және халықаралық қауіпсіздік салаларында ынтымақтас екенін еске салып, осы ынтымақтастықты әрі қарай табысты дамытуға сенім білдірген.

Айта кетейік, 20 қаңтар күні Дональд Трамп Ақ үйге оралып, ресми түрде АҚШ президенті қызметіне...

Алдағы күндері Қазақстан аумағында солтүстік-батыс циклонының ықпалынан қатты аяз болады. Оңтүстік облыстарда -15 -25 градус, солтүстік облыстарда -35 градусқа дейін аяз күтіледі. Бұл туралы «Қазгидромет» агенттігінің болжамында жазылған.

Синоптиктер болжамына сүйенсек, солтүстік аймақтарда қалың қар жауып, оңтүстікте қар аралас жаңбыр болады. Кең өңірлерде қардың арты боранға ұласуы мүмкін.

Республика аумағында тұман, көктайғақ және боран күтіледі. Желдің күшеюі 15-28 м/с дейін жетеді. Елдің шығысында, оңтүстігінде және оңтүстік-шығысында жел екпіні 30 м/с жетуі мүмкін. Сондықтан жолаушыларға алыс сапарға шықпау туралы ескерту жасалды.

Астанада көшпелі бұлт шығып, қар жауады, түнде және күндіз температура -2 -4 °C.

Алматыда көшпелі бұлт, жауын-шашынсыз, түнде температура...

АҚШ Марсқа адам ұшырып, ту тікпек. Трамп Панама каналын қайтарып алмақ. Мексика шекарасына әскер жіберіп, заңсыз миграцияға біржола нүкте қояды. Трамп бұл туралы инаугурациясында айтты.  

Дональд Трамп инаугурациясында АҚШ-тың 45 және 47 президенті ел конституциясын бұлжытпай орындауға ант берді. Сонымен қатар Трамп командасындағы бірқатар лауазымды тұлғалар да ант берді.

Инаугурацияға АҚШ-тың бұрынғы президенттері қатысты. Оның ішінде Клинтон, Обама, Байден бар.

«АҚШ-тың алтын дәуірі басталды. Бізге бәрі қызығатын болады. АҚШ әрқашан бірінші орында болады», – деп бастады сөзін Дональд Трамп.

Оның айтуынша, АҚШ ұлы держава бола түседі. Бұрынғысынан да, тарихтағыдан да күшті бола түспек. Дональд...