Жаңалықтар

Болат Назарбаевтың Майра Құрманғалиевадан туған ұлы Ханболат Назарбаев Астанада салынып жатқан ғимаратты ағасы Данияр Кесікбаевтың атына жазып берген. Бұл нысанды бұрын сот бұзуға шешім шығарған. Бұл туралы Nege.Aqsha басылымы жазды.

Астана қаласы Қалалық орта сапасы және бақылау басқармасының баспасөз қызметінің хабарлауынша, әңгіме Тәуелсіздік даңғылы, №9, №11 мекенжайлары бойынша орналасқан бұрын мейрамхана мен қонақүй кешені болған ғимарат жайлы.

2024 жылдың желтоқсан айында тексеру жұмыстарынан кейін құқық бұзушылықтар анықталған. Nege.Aqsha басылымының жазуынша, Ханболат Назарбаев қонақүйді бұзып, ойын-сауық орталығын салуды бастаған.

Осы сауда орталығын салу жұмыстарына байланысты Назарбаев осыған дейін жауапқа тартылған. Дәлірек айтқанда, сараптамадан өтпеген жоба құрылысы (ӘК 316-бабы 1-бөлігі) және техникалы...

Биткоин бағасы тарихи рекорд орнатты. Дәл қазіргі жағдай бойынша, криптовалюта бағасы 107,1 мың доллардан асып кетті. Бұл туралы CoinMarketCap платформасынан көруге болады.

Бұған дейін биткоин бағасы 109,9 мың долларға жетіп, бүгінгі сауда сессия басталғалы бері 3,63%-ға өсті.

Биткоин бағасының рекордты өсуі тек бұл ғана емес. Бұған дейін 100 мың доллар деген деңгейден асып, 103-102 мың доллардан бағаланған еді. Бірақ өткен аптада 90 мың долларға төмендеп, содан кейін қайта көтерілген.

CryptoQuant платформасының сарапшылары Дональд Трамп ресми түрде президенттік қызметке кіріскен соң, криптовлюта дәуірі басталады деген пікірде. Олардың болжамынша, биткойн құны 240 мың доллардан асуы мүмкін.

Дональд Трамптың атынан шығарылған биткоин бағасы...

Мәжіліс депутаттары ойын бизнесіне және банктерге салынатын салық көлемін арттыруды ұсынып отыр. Сонымен бірге күнделікті өмірде жиі пайдаланылатын арзан трансмайларға акциз енгізілуі мүмкін. Бұл туралы өзінің Telegram арнасында депутат Асхат Аймағамбетов жазды.

Бірінші кезекте депутаттар ойын бизнесіне салынатын салықты көбейтуді ұсынып отыр. Жаңа Салық Кодексінің жобасында ойын бизнесіне салынатын салық көлемін 10%-ға тарттыру ұсынылған. Бірақ депутат ойын бизнесі, әсіресе, букмекерлік кеңселердің қаржылық әлеуетінің жоғары екенін ескере келе, салық көлемін екі есе көтеріп, 20%-ға жеткізуді ұсынған.

«Бұл бюджетті қосымша жүздеген миллиард теңгемен қамтамасыз ете алады», – дейді Аймағамбетов.

Депутаттар сонымен бірге банктер үшін...

Интернет жылдамдығын өлшейтін Speedtest сервисі 2024 жылдың желтоқсан айына арналған әлем елдерінің рейтиңін жариялады. Бұл тізімде Қазақстан мобильді интернет жылдамдығы бойынша 57-орынды иеленіп, Испания мен Жапонияның арасында орналасты.

2024 жылдың соңында Қазақстандағы мобильді интернеттің орташа жылдамдығы 53,76 Мбит/с құрады. Салыстырмалы түрде, Жапониядағы көрсеткіш 53,54 Мбит/с болды. Рейтиң көшін Біріккен Араб Әмірліктері бастап, соңғы орынға Ауғанстан (110-орын) орналасты.

Фиксті (кең жолақты) интернет бойынша Қазақстан 88-орынға тұрақтады. Бұл санатта Қазақстандағы орташа жылдамдық 73,67 Мбит/с болды. Көршілес Қырғызстан бұл тізімде жоғары орынға жайғасса, Қазақстаннан кейінгі орынды Багам аралдары иеленді. Рейтиң көшін Сингапур бастап, соңғы орынға Куба орналасты.

Қалалар арасындағы көрсеткіштер

«ҚазМұнайГаз» Астанада мұнай базасын салмақшы. Бұл туралы компанияның баспасөз қызметі жазады.

«ASTANA JET FUEL HUB» деп аталатын жаңа жобаның құны 7 млрд теңге деп бағаланып отыр, басқа қосымша деректер берілмеген.

Бұдан бөлек компания Астана әуежайында құны 2,5 млрд теңгені құрайтын жанармай құю кешенін, ал Ақтөбеде 5 млрд теңгеге отын құю кешенін салмақшы. Ал 0,5 млрд теңгеге жаңа жанармай құю машиналарын сатып алуды жоспарлап отыр.

Баспасөз қызметінің мәліметінше, өткен жылы «ҚазМұнайГаз-Аэро» ЖШС 282 мың тоннадан астам мұнай өнімдерін өткізген. Оның ішінде 206,3 мың тоннадан астамы әуе отыны, 10,4 мың тоннадан астамы жанармай, 40 мың тоннаға жуығы дизель және 25,67 мың тоннадан...

Қызылордадағы №60 мекемеде жазасын өтіп жатқан журналист Думан Мұхаммедкәрімді Қылмыстық атқару кодексінің талаптарын сақтамағаны үшін жалғыз адамдық камераға қамаған. Соның салдарынан журналист әкесімен кездесе алмаған. Бұл туралы Қызылорда облысы бойынша қылмыстық атқару жүйесі департаментінің Kursiv.Media-ға жолдаған жауабында айтылады.

Департамент Мұхаммедкәрім 2024 жылғы 19 желтоқсанда №71 мекемесінен №60 мекемесіне ауыстырылғанын, оған Қылмыстық атқару кодексінің 10(Сотталғандардың негізгі құқықтары) және 11 (Сотталғандардың негізгі міндеттері) баптарының талаптары толық түсіндірілгенін атап өткен.

«Алайда аталған сотталушы міндеттерін орындаудан бас тартқаны үшін ҚР-сы ҚАК-нің 130-бабына сәйкес тәртіптік шаралар, тәртіптік бұзушылықтар қайталану салдарынан, 30 тәулікке жалғыз адамдық камераға оқшауланған», – делінген ҚАЖ департаментінің жауабында,

Қазақстанда жанар-жағармай шекті бағасын реттеуден біртіндеп емес, бірден бас тарту керек. Шекті бағадан біртіндеп бас тарту – мұнай-газ саласына салынатын инвестцияның тиімсіздігіне әкеп соғады. Halyk Finance басқарма төрағасының кеңесшісі Мұрат Темірханов осылай деп тұжырымдайды.

«Жанар-жағармайдың шекті бағасы кезең-кезеңімен арттыру деген – осы кезеңде тартылған жеке инвестиция тиімсіз болады деген сөз. Ел бюджетіне жанар-жағармай бағасын субцидиялау тиімсіз. Қазынадан қомақты қаржы жұмсалып жатқанымен, ол тұрмысы нашар отбасыларды қолдап жатқан жоқ. Субсидияны алып тастау қаржыны үнемдеу мен оны әлеуметтік әділеттілікті арттыруға арналған шынайы қажетті шараларға бағыттауға мүмкіндік береді», – деді.

Сондай-ақ ол реформа аясында жер қойнауын пайдаланушылардың мұнайды...

Қазақстанда кең таралған қылмыс түрі белгілі болды. Елімізде алаяқтық, ұрлық, есірткі, адам өлтіру фактілері жиі орын алады. Бас прокуратура  республиканың қай өңірінде қылмыс ең көп жасалатынын да мәлім етті.

Бас прокуратруаның мәліметінше,  2024 жылы ең көп құқықбұзушылық Алматы қаласында тіркелген. Елдегі ең ірі мегаполисте бір жылдың ішінде  24 965 қылмыс жасалған. Одан кейінгі орында ел Астанасы. Бас қалада  17 339 дерек тіркеліп отыр. Ал облыстар арасында Алматы мен Қарағанды өңірлері көш басында тұр. Алматы облысында бір жыл ішінде 10 385 (7,8%) болса, Орталық Қазақстанда  7 562 (5,7%) заң бұзу фактілері жасалыпты.

 Бас прокуратура елде жиі орын алатын қылмыстарды да атады.

 «Қылмыстық құқық бұзушылықтардың жалпы...

Сауд Арабиясы Денсаулық сақтау министрлігі қажылық немесе умраға баруды жоспарлаған барлық азаматтарға менингококк инфекциясына қарсы екпе ектіруді міндеттеді. Бұл талап қажылық кезінде инфекцияның таралу қаупінің жоғары болуына байланысты енгізіліп отыр.

2025 жылдың 1 ақпанынан бастап Сауд Арабиясына келетін барлық адамдар, визаның түріне қарамастан, менингококк инфекциясына қарсы екпе салдыруы қажет. Қажылыққа жол тартқан азаматтар төрт компоненттен тұратын Neisseria вакцинасын – полисахаридті немесе конъюгациялық түрін ектіруі керек.

Вакцинация сертификатының талаптары:

Бір жасқа дейінг...

Халықаралық валюта қоры жыл басында жариялаған 2025 және 2026 жылдарға арналған есебінде Қазақстан экономикасы жақсы өсім көрсетеді деп болжайды.

Қаржы ұйымының мәліметінше, 2025 жылы әлемдік экономика 3,3% өсім көрсетеді. 2024 жылы бұл көрсеткіш 3,2% болған еді. Экономикасы дамыған елдерде 2025 жылы өсім 1,6% болады деп болжаған. Банк мамандары бұған еңбек нарығының белсенді дамуы, инвестициялардың көбеюі әсер ететінін айтады. Бірақ 2026 жылы өсім баяулап, қалыпты деңгейге қайта түсуі мүмкін.

Осы жылы жақсы көрсеткішке жетеді деген мемлекеттер қатарында Қазақстан да бар. Қаржы ұйымы 2024 жылы күзде жариялаған есебінде экономика өсімі 4,6%-ға артады десе, енді 2025 жылдың қаңтарында бұл көрсеткішті жаңартқан. Өсім...

АҚШ президенті Джо Байден 19 қаңтардағы Израиль мен ХАМАС арасында атысты тоқтату және тұтқындарды босату туралы келісімге байланысты мәлімдеме жасады. Голос Америки басылымының жазуынша, Байден сөйлеп жатқанда жүздеген гуманитарлық көмек тиелген жүк көлігі Газаға кіріп жатқан.

«Қаншама азап, қирату және адам өліміне қарамастан, бүгін Газада атыс тоқтады», -деді ол.

Президент жексенбіде үш израильдік әйел, Газаның астындағы туннельдерде 470 күн бойы қамауда болған тұтқындар Қызыл Крестке тапсырылғанын хабарлады. Байден тағы төрт әйел жеті күннен кейін босатылатынын, одан кейін әр апта күн сайын үш тұтқын, оның ішінде ең болмаса екі АҚШ азаматы босатылатынын атап өтті.

Басылым соғыс...

Алматыда тағы бір заңсыз салынған ғимарат сүріліп жатыр. Бұл туралы Алматы әкімдігінің баспасөз қызметі хабарлады.

Әкімдіктің мәліметінше, заңсыз салынған нысан Черновицкая көшесінде орналасқан. Қаланың қала құрылысын бақылау басқармасының мәліметінше, үш қабатты ғимарат қажетті рұқсат құжаттарынсыз салынған. Атап айтқанда, сәулеттік жоспарлау тапсырмасы, эскиз жобасын келісу құжаттамасы және сараптамасы болмаған.

«Сүру фактісі тұрғынның шағымы негізінде жүргізілген жоспардан тыс тексеріс нәтижесінде анықталған. Басқарманың талап-арызы бойынша Жетісу аудандық соты нысанды бұзу туралы шешім шығарды», – делінген баспасөз хабарламасында.

Қазіргі уақытта нысан иесі сот үкіміне сәйкес, ғимаратты ерікті түрде бұза бастаған.

Айта кетейік, Алматыда заңсыз нысандарды...

Қаржылық мониторинг агенттігі (ҚМА) Солтүстік Қазақстан облысы бойынша департаменті цифрлық активтерді заңсыз айналымға шығару фактісі бойынша қылмыстық істі тергеп аяқтады.

Тергеу барысында үш азамат лицензиясыз криптовалюта қабылдау және айырбастау операцияларын жүргізгені анықталды.

681 млн теңгеден астам заңсыз айналым

Тергеу нәтижесінде күдіктілер жалпы сомасы 681 млн теңгеден астам заңсыз айырбас операцияларын жүзеге асырғаны белгілі болды. Бұл операциялар 380 адамның қатысуымен жүргізілген және олардың банктік шоттардан алынған үзінділері арқылы расталды.

Сот үкімі және тәркіленген мүліктер

Сот шешімі бойынша үш күдікті 2,5 жылдан 3,5 жылға дейін бас бостандығынан айырылды, сондай-ақ олардың мүліктері тәркіленді. Жалпы құны 400 млн...

Астанада 2010 жылы салынып бастаған ЖЭО-3 2025 жылы толығымен іске қосылады. Бұл туралы қала әкімі Жеңіс Қасымбек айтып берді.

«Биыл құрылысы ұзаққа созылған ЖЭО-3-ті аяқтауды жоспарлап отырмыз. Бұл нысанның бірінші кезеңі 2023 жылдың күзінде аяқталып, пайдалануға берілген», – делінген әкім хабарламасында.

Қаланы жылумен қамтамасыз ету үшін елордада қосымша «Тельман» жаңа газ жылу станциясы салынуда.

«Қазіргі уақытта іргетасы мен қадалардың бітелуі бойынша құрылыс-монтаж жұмысы жүргізіліп жатыр. Бұл жоба елордада тағы 80 мың тұрғынды тұрақты жылумен қамтамасыз етуге мүмкіндік береді. «Телман» ГЖС құрылысын 2026 жылы аяқтауды жоспарлап отырмыз.», – деді әкім.

2023 жылдың күзінде...

Жетісу облыстық полициясы басшылығы Францияда отырған трансұлттық ұйымдасқан қылмыстық топты ұстады. Бұл туралы ішкі істер министрлігінің баспасөз қызметі хабарлады.

«Жетісу облысында есірткі қылмысына қарсы іс-қимыл бөлімінің қызметкерлері шетелдік азаматтар мен Қазақстан Республикасының азаматынан құралған ұйымдасқан қылмыстық топты ұстау бойынша операция жүргізді», – делінген баспасөз хабарламасында.

Министрліктің хабарлауынша, ұсталғандар Қазақстанда мефедрон психотроптық затын өндіретін есірткі зертханасын ашқан. Зертхананы ашуға Франция азаматтары көмектескен. 2024 жылдың жаз айында Франция азаматы туысына шетелде жұмысқа тұруға ұсыныс жасап, Қазақстанға арнайы келеді. Екеуі Қазақстан аумағына келген соң, Франциядағы жетекшілерінің нұсқауымен есірткі зертханасын құра бастайды. Бұл іске Қазақстан азаматы...

АҚШ президенті Дональд Трамп биткоины бір тәулік ішінде 578%-ға өсті, ал жалпы сауда көлемі 10 млрд доллардан асты. Бұл туралы  CoinGecko платформасының деректерінен белгілі болды.

$TRUMP атты криптовалюта іске қосылғанда бір данасы 4,29 долларға бағаланған еді. Екі күннен кейін құны әбден көтеріліп, шырқау шегі 32,61 долларға дейін жетті. Қазір бағасы тұрақталып, 29,11 доллардан сатылып жатыр. Осы арқылы биткоин саудаға шыққаннан бері құны 578,5%-ға өскен болып отыр.

Дональд Трамп жеке криптовалютасын екі күн бұрын, 18 қаңтарда саудаға шығарған. Truth Social және X платформаларында биткоин жайлы жазба жариялаған. Сарапшылар бұл криптовалютаны саяси ықпал мен жаңа экономикалық трендті үйлестірген ерекше бастама...

Биылғы жылдың 5 сәуірден бастап тіркелмеген мопедтерді пайдалануға, жүргізуші куәлігінсіз жүруге тыйым салынады. Өйткені 5 сәуірден бастап мопедтер ресми түрде механикалық көліктерге теңестіріледі. Ішкі істер министрлігі заңды тіркелуге аз уақыт қалғанын хабарлап, қазақстандық мопедистерге ескерту жасады.

Мопедтерді рәсімдеу үшін ең алдымен полицияда тіркелу қажет. А1, А немесе В санатындағы жүргізуші куәлігі болуы тиіс. Техникалық тексеру және азаматтық жауапкершілікті сақтандырудан өту қажет болады.

Тіркелу үшін тұрғылықты жері бойынша арнайы ХҚКО-ға келесі құжаттармен жүгіну қажет:

«5 сәуірден бастап тіркелмеген мопедтерді пайдалануға, жүргізуші куәлігінсіз жүруге тыйым салынады. Бұзушылықтарды...

Бүгін, 20 қаңтарда Дональд Трамп АҚШ президенті қызметіне кіріседі. Америкалық БАҚ оның экономикалық бағдарламасының ықтимал салдарын сараптап жатыр.

Market Watch басылымының сарапшылары инвесторларды «қиын жол» күтіп тұрғанын ескертті. Олар Трамп саясатының белгісіздік факторларына назар аударып отыр. Бұл жағдайда акцияларды объективті бағалау қиынға соғады.

Нарық үшін ең үлкен тәуекелдерден импортқа салынатын тарифтер (Мексика мен Канада тауарларына – 25%, Қытай тауарларына қосымша – 10%) және мигранттарға қарсы күресті атауға болады. Бұлар инфляция мен еңбек нарығына әсер етеді.

Банктер реттеудің қысқаруынан пайда көруі ықтимал. Алайда бұл саясаттың бағыты әлі айқын емес. Салықтардың қысқаруы шағын компаниялар секторын ынталандыруы мүмкін.

Yahoo Finance сарапшылары АҚШ...

Режиссер Елзат Ескендірдің «Әбіл» фильмі Швецияда өтетін Скандинавия өңірінің бас кинофестиваліне арнайы шақырту алған. Бұл туралы туынды авторы хабарлады.

Елзат Ескендірдің жазуынша, фильм 24 қаңтар мен 2 ақпан аралығында өтетін Скандинавия өңіріндегі 48-халықаралық Готеборг кинофестивалінде көрсетіледі. Бұған қоса, 11-18 ақпан айлары арасында өтетін Францияда өтетін Везуль Азия киносының халықаралық кинофестиваліне де шақырту алған. 

«Фильмнің Готеборгтегі көрсетілімі – туындының Европалық премьерасы, ал Везульдегі көрсетілімі – франциялық премьерасы ретінде қарастырылуда», – дейді режиссер.

«Қазақфильм» киностудиясында түсірілген фильмнің тұсауы Оңтүстік Кореядағы Пусан кинофестивалінде кесілген. Фильмде Кеңес Одағы ыдыраған тұстағы қазақ ауылының өмірі, жемқорлық пен жаңадан келген жабайы капитализм жүйесі көрсетіледі. Халықаралық продюссері Юлия...

Соңғы бес жылда Алматы қаласындағы зоосервис саласындағы компаниялар саны екі есе көбейген. Тиісінше, үй жануарларына күтім көрсету қызметтерінің көлемі де 10 есе артқан. Мысықтар мен иттерге арналған қызметтер неліктен сұранысқа ие бола бастады? Мұндай бизнеспен қанша табыс табуға болады? «Курсив» осы сұрақтарға жауап іздеп көрді.

Пандемиядан кейін ит-мысық асырайтындар көбейді

Әлемнің басқа елдеріндегідей Қазақстанда да пандемия кезінде адамдардың үй жануарларын асырап алуы жиілеген. Соның нәтижесінде үй жануарларына күтім көрсету қызметтеріне сұраныс артты. Мәселен, 2024 жылғы желтоқсан айындағы жағдайға назар аударсақ, Алматыда 84 груминг-салон жұмыс істейді. Бұл 2020 жылғы желтоқсанмен салыстырғанда екі есе көп. Ал 2018 жылмен салыстырғанда төрт...

TikTok әлеуметтік желісі АҚШ-та 170 миллион пайдаланушысына қызмет көрсетуді қайта жандандырды. Бұл шешім сайланған президент Дональд Трамптың қосымшаны бұғаттау мерзімін кейінге қалдыратынын мәлімдегеннен кейін қабылданды.

Президент Трамп өзінің қызметіне кіріскеннен кейін 90 күндік уақытша мерзім беретінін және бұл туралы арнайы мәлімдеме жасайтынын айтты.

2024 жылдың сәуірінде АҚШ Конгресі қытайлық ByteDance компаниясын платформаны америкалық компанияға сатуға міндеттейтін заң қабылдады. Бұл талап орындалмай, 2025 жылдың 19 қаңтарынан бастап әлеуметтік желіге тыйым салынған еді.

ByteDance платформаны сатудан бас тартып, желіні жабудың алдында тұрды. 19 қаңтар жексенбі күні қосымша америкалық пайдаланушылар үшін жұмысын тоқтатты.

Қосымшаны ашуға тырысқан пайдаланушыларға TikTok-тың қолжетімсіздігі туралы...

20 қаңтарда Қазақстанның басым бөлігінде қар жауып, ауа райы құбылмалы болады. Бұған Солтүстіктен келетін циклон әсер етеді. Бұл туралы «Қазгидромет» хабарлады.

Батыс, солтүстік, орталық және шығыс аймақтардың көп бөлігінде қар жауып, кей аудандарда боран қатты күшейеді.

Метеорологтар ел бойынша тұман, көктайғақ және боранның күшеюін болжап отыр. Сондықтан көлік жүргізушілерін алыс сапарларға шықпауға, жаяу жүргіншілерді көшелерде жүргенде абай болуға шақырады.

Астанада көшпелі бұлт, жаңбыр мен қарлы боран, көктайғақ, түнде температура −3–5 °C, күндіз -1 +1 °C.

Алматыда көшпелі бұлт, жауын-шашынсыз, түнде температура -3 -5 °C, күндіз + 3 -5 °C.

Шымкентте Көшпелі бұлт, жауын-шашынсыз, түнде температура 0 -2 °C, күндіз...

Шахмат – интеллектуалды спорт түрі ғана емес, елдің білім беру және мәдени дамуына ықпал ететін стратегиялық құрал. Freedom Holding Corp. корпорациясының шахматты қолдаудағы белсенділігі соңғы жылдары айрықша байқалып келеді. Компанияның басшысы Тимур Турлов 2023 жылдың қаңтар айынан бастап Қазақстан шахмат федерациясының президенті ретінде елімізде шахмат мәдениетін дамытуға атсалысып жүр. Freedom-ның шахматқа қызығушылығы мен инвестициялары тек PR үшін емес, елдің цифрлық экожүйесін дамытуға бағытталған маңызды қадам.

Шахматты дамытудың мемлекеттік жоспары

2023 жылдың шілдесінде Қазақстан Үкіметі 2027 жылға дейін шахматты дамыту бойынша кешенді жоспарды қабылдады. Бұл құжаттың басты мақсаты – бастауыш сынып оқушыларының шахматпен қамтылуын 20%-ға жеткізу. Жоспарға сәйкес...

Бас ауырған кезде байқамай іштің дәрісін ішіп қойып, көп ұзамай аурудан айыққаныңызды сезген кез болып көріп пе еді? Бұл жерде дәрінің құдіретінен бұрын сіздің «осы дәрі көмектеседі» деген сеніміңіз көбірек әсер еткен болуы мүмкін. Жалпы алғанда дәрінің көмегі болатына не дәрігерлердің мықтылығына имандай сенген адам дертті жеңілірек жеңеді. Бірақ кейде мәселені ушықтырып та жіберуі мүмкін. Ғылымда мұны «Плацебо эффектісі» деп атайды. Ол қалай жұмыс істейді? Оған қарама-қарсы ұғым — «Ноцебо» жайлы не білеміз? Соқыр сенім деп қарастырған жөн бе, әлде қиын жағдайда алып шығар «сиқырлы таяқша» ма? Осы туралы айтайық. 

Плацебо дегеніміз не?

Плацебо — емдейтін қасиет...