Жаңалықтар

Қазақстанның автокөлік одағы 2024 жылғы сатылым қорытындысын жариялап, оның нәтижесі бойынша Hyundai автокөлік нарығының көшбасшысы болып танылды.

2024 жылы қазақстандықтар 44 218 Hyundai автокөлігін сатып алған. Бұл –республикадағы ең көп сатылатын 10 брендтің ішінде бірінші орын. Аталмыш бренд бұл позицияны екінші жыл (2023, 2024жж.) қатарынан сақтап келеді.

2024 жылдың желтоқсанында бір айда 6300 автокөлік сатылып, автокөлік сатылымы ресми статистикасы тарихында нарықтағы рекорд орнатты. Сатылым бестселлері -Hyundai Tucson кроссовері. Былтыр қазақстандық дилерлер аталған модельден 22 389 автокөлік сатқан. Hyundai модельдер қатарындағы ең көп сұранысқа ие бестікке Elantra, Santa Fe, Sonata және Palisade енді.

Қазақстан бойынша ресми дилерлерде Hyundai Trans Kazakhstan...

Энергетика министрлігі  «Ашық НҚА» порталында 1 ақпанынан бастап Қазақстанда сұйытылған мұнай газының бағасын өсіру туралы бұйрық жобасын жариялады. Министрлік автогаздың қымбаттауы сұйытылған мұнай газын өндірушілер шығындарының өсуіне байланысты деп түсіндірді.

Мән-жайы

Энергетика министрлігі «Қазақстан Республикасының аумағындағы автогаз құю станциялары үшін Қазақстан Республикасының ішкі нарығына сұйытылған мұнай газын беру жоспары шеңберінде тауар биржаларынан тыс сұйытылған мұнай газын бөлшек саудада өткізудің шекті бағаларын бекіту туралы» 2023 жылғы 22 желтоқсандағы № 458 бұйрығына өзгеріс енгізу туралы» Қазақстан Республикасы Энергетика министрі бұйрығының жобасын жариялады.

Министрлік түсіндірмесі

ЭМ мәліметінше, сұйытылған газ өндірісінің қазіргі құны тоннасына 65 мыңнан 75 мы...

Қазақстанда 2024 жылдың қаңтар-желтоқсан аралығында 87,6 млн тонна мұнай өндірілген. Бұл туралы Ұлттық статистика бюросы хабарлады.

«ҚР Ұлттық статистикалық бюросының мәліметі бойынша, 2024 жылы Қазақстанда мұнай және конденсат өндіру 87,6 млн тоннаны құрады», – делінген бюро мәліметтерінде.

Өнеркәсіптік өндірістің индексі бойынша шикі мұнай шығару 97,5%-ды құраса, табиғи газ – 99,4%-ды құраған. Жалпы, 2024 жылғы қаңтар-желтоқсанда Қазақстанда өнеркәсіптік өндірістің индексі 102,8% шамасында қалыптасқан.

Жеке салалар бөлінісінде, өндірістің өсуі өңдеу өнеркәсібінде – 5,9%, электр энергиясымен, газбен, бумен, ыстық сумен және ауаны кондициялаумен жабдықтауда 4,5%-ға артқан.

2024 жылғы қаңтар-желтоқсанда 50124,9 млрд теңгеге өнеркәсіп өнімдер...

Алматыда өліктермен жыныстық қатынасқа түскен мәйітхана күзетшісі психиатриялық стационарға мәжбүрлі түрде емделуге жіберілді. Бұл туралы қалалық соттың баспасөз қызметі хабарлады.

ҚазТАГ-тың хабарлауынша, сот күдіктінің ақыл-есі дұрыс емес деп тапқан. Осылайша, Алматыда өліктермен жыныстық қатынасқа түскен мәйітхана күзетшісі енді жындыханаға жіберілмек.

«Сараптама қорытындысы негізінде сот «Б. бұл әрекеттерді жасаған кезде есі дұрыс емес хәлде болған, әрекетінің сипатын және қоғамға қауіптілігін сезіне алмаған, сонымен қатар, созылмалы психикалық дертінің салдары итермелеген» деген тұжырымға келді. Сот қаулысымен сотталушы «ақыл-есі дұрыс емес» деп танылып, психиатриялық станционарға мәжбүрлі емдеуге жіберілді», – делінген сот хабарламасында.

Сот жабық сот отырысында Б.-ға қатысты...

Ұлттық банк 2025 жыл басталғалы валюта нарығына араласып, интервенция жүргізді ме? Ұлттық банк төрағасы Тимур Сүлейменов «теңге бағамын тұрақтандыру үшін интервенция жасалды ма» деген сұраққа жауап беруден бас тартты.

«Бір ай ішінде мұндай ақпаратты жарияламаймыз. Себебі ол валюта нарығына теріс әсер етуі мүмкін. Ай қорытындысы бойынша мәлімет береміз», – деді Сүлейменов Kursiv.Media тілшісінің брифинг барысында қойған сұрағына.

Ұлттық банк 2024 жылдың желтоқсан айында валюта нарығына өз қорынан 308 млн доллар сатқанын мәлімдеген. Ал қаңтар айында қанша доллар сатқаны ақпанның басында белгілі болады.

Дегенмен кейбір экономистер қор нарығындағы доллар саудасы көлеміне қарап, Ұлттық банк нарыққа...

Тимур Сүлейменов қарапайым халық пен бизнес өкілдерін ресейлік рубль мен теңгені байланыстырмауға шақырды. Бұл туралы журналистерге арналған брифингте мәлімдеді.

«Халық арасында, шағын және орта бизнес өкілдерінде «Ресейге санкция салынса, бірден тікелей теңгеге әсері болады» деген ой бар. Бұл дұрыс тұжырым емес. Ресей біздің ірі сауда-экономикалық әріптесіміз екені түсінікті. Бірақ олар өзінің жеке қаржылай әлемінде, жеке қаржы жүйесімен өмір сүреді, өзінің артық-кем тұстары, қатері бар. Біздің жүйеміз бөлек», – деді Ұлттық Банк төрағасы.

Оның атап өтуінше, Қазақстанда санкцияға іліккен нысандар жоқ, тек бірнешеуін есептемегенде. Қаржы нарығындағы жағдай тұрақты, банк секторы мен құнды қағаздар нарығындағы «көрсеткіш тамаша...

Қазақстан 2025 жылы саяхаттауға тұрарлық бағыттардың бірі ретінде танылып отыр. Forbes Italia халықаралық басылымы елдің табиғи сұлулығын ерекше атап өтіп, белсенді туризмді (slow travel) бағалайтын туристер үшін үздік бағыттардың бірі ретінде таныстырды.

Туристік мүмкіндіктерді арттыратын жаңа әуе байланысы

2023 жылдың маусым айында Қазақстан мен Италияның Милан қаласындағы Мальпенса әуежайы арасында тікелей әуе қатынасы ашылған еді. Бұл жаңа бағыт туризмнің дамуына және екі ел арасындағы логистиканың жақсаруына үлкен ықпал етіп отыр.

Италиялық туристерді Қазақстанға тарту мақсатында Алматыдағы Итальян мәдениеті институты, Итало-Қазақ сауда палатасы және Neos авиакомпаниясы синергетикалық ынтымақтастық орнатқан.

Қазақстан – белсенді туризм үшін таптырмас...

Қазақстанда 22 қаңтардан бастап күн 35 градусқа дейін суып, қатты аяз күтіледі. Бұл туралы «Қазгидромет» агенттігі хабарлады. Синоптиктер азаматтардан ауа райының бұзылуын алдын ала ескеруді сұрады.

Алдағы аптада Қазақстанда температура төмендеп, қар жауып, боран болуы мүмкін. 18 қаңтарға қараған түні Түркістан облысында жауын-шашын болады. 

20 қаңтар Ұлытау облысында, 21 қаңтар-Ақтөбе, Қостанай, Солтүстік Қазақстан облыстарында, 21-22 қаңтар Ақмола облысында, 22 қаңтарда Павлодар, Қарағанды, Түркістан, Жамбыл, Абай облыстарында, 22-23 қаңтар Шығыс Қазақстан, Алматы және Жетісу облыстарында қар жауады.

Аяздың күшеюі 22 қаңтардан басталады деп күтілуде. Батыс аймақтарда -10 -20 градусқа дейін аяз болады. Солтүстік-батыста және солтүстікте ауа температурасы -20 -30 градусқа,  орталықта...

Ұлттық банк қарашада қабылданған 15,25% деңгейіндегі базалық мөлшерлемені өзгеріссіз қалдырды. ҰБ ұйымдастырған брифингте журналистер банк төрағасы Тимур Сүлейменовтен базалық мөлшерлемені төмендету мәселесін сұрады. Банк басшысы халық қамын ойлағандықтан, базалық мөлшерлемені өзгеріссіз қалдыру туралы шешім қабылданғанын айтты.

«Естеріңізде болса, 2023 жылы инфляция шыңы 21,3%-ға жетті. Содан 8,6%-ға жеткіздік. Бұған базалық мөлшерлеме мен Ұлттық банктің аша-кредит саясатының арқасында жеттік. Бұл шешімнің инфляциялық ахуалға оң әсер еткенін статистикалық көрсеткіштерден көре аламыз. Біз инфляциялық дәліз 7,5-9,5% арасында болады деп болжаған едік. Қазір инфляция 8,6%-ға жетті. Біз оны болжанған дәліздің ортасында ұстап тұрмыз. Уәдемізді орындадық», – деді банк төрағасы.

Бизнесмен Талғат Акуов «Еуразиялық банк» АҚ топ менеджері Константин Скоробогатовты «Тас бұлақ» демалыс үйін тартып алуға қатысты деп айыптады.  

ҚазТАГ-тың хабарлауынша, Талғат Акуов 2014 жылы Скоробогатов «Еуразиялық банк» АҚ фирмалық бланкасына директор ретінде қол қойғанын, бірақ құжаттың жалған екенін айтып отыр.

«Скоробогатов ешқашан «Еуразиялық банк» АҚ директоры болмаған. Менің өтінішім бойынша, қарағандылық тергеуші Скоробогатовты осы дерек бойынша тергеген. Бірақ ол «Еуразиялық банк» АҚ филиалының директоры болып жұмыс істегеніне дәлел келтіре алмады», – дейді Талғат Акуов.

Оның сөзіне қарағанда, директор етіп тағайындау туралы бұйрықты да, жалақысының, зейнетақы қорының үзіндісін де көрсете алмаған.  

Қазақстанның валюта нарығындағы бейрезиденттердің үлесі 5%-дан аспайды. Кейінгі бірнеше жылда бұл көрсеткіш өзгермеген. Бұл тураkы Ұлттық банк төрағасының орынбасары Ақылжан Баймағамбетов брифинг барысында мәлімдеді.

Баймағамбетов кейінгі айларда бейрезиденттердің долларды теңгеге сатып алуы артқанын жоққа шығармайды. Оның айтуынша, бұл қалыпты жағдай.

«Соңғы айларда біз резидент еместердің теңгеге шетел валютасын сатып алу үрдісінің бар екенін байқадық. Теңге олардың қолына түрлі жолмен түсуі мүмкін, бұл негізінен қалыпты жағдай. Мысалы, экспорттық тауарлар ұлттық валютаға сатылса, теңгеге ие болады», – деп атап өтті Ұлттық банк төрағасының орынбасары Ақылжан Баймағамбетов.

Алайда шетелік компаниялардың долларды сатып алу ережелерін айналып өтуіне жол бермес...

Енді мамандандырылған халыққа қызмет көрсету орталығында өткізілетін жүргізуші куәлігін алуға арналған теориялық және тәжірибелік емтиханға тек ХҚКО қосымшасы арқылы ғана жазылуға болады. Бұл туралы «Азаматтарға арналған үкімет» корпорациясы хабарлады.

Корпорация жаңашылдық азаматтарға ыңғайлы әрі сыбайлас жемқорлық тәуекелдерін азайтуға бағытталғанын атап өтті.

«ХҚКО» қосымшасының барлық қолданушысы екі факторлы аутентификациядан өтеді: алдымен – биометриялық идентификация, сосын 1414 нөмірінен келіп түскен SMS-коды арқылы өзінің жеке басын растайды. Одан кейін жүргізуші куәлігіне үміткер  «Теориялық емтиханға жазылу» немесе «Тәжірибелік емтиханға жазылу» батырмасын таңдайды. Бұдан соң қызмет алушыға 1414 нөмірінен хабарлама келіп түседі. Айта кету керек, SMS хабарлама Мобильді азаматтар базасына...

Ұлттық Банк теңгеге қысымды азайту үшін жаңа өзгеріс енгізетінін хабарлады. Енді реттеуші ішкі нарықтағы алтынды теңгеге сатып алып, оны шетелдік нарыққа сатудан түскен долларды қайта ішкі нарыққа әкелмек. Бұл туралы ҰБ төрағасы Тимур Сүлейменов мәлімдеді.

Оның түсіндіруінше, 2011 жылдан бастап Ұлттық Банк елдегі барлық алтын өндірушілерден алтын сатып алып келеді. Бұл алтын-валюта қорын көбейтіп(АВҚ) әрі алтын өндірісін дамыту үшін жасалған.

«Сыртқы нарықта алтын сату өте қиын бизнес, өте күрделі. Оған үлкен команда, байланыс керек. Оны тек «Қазақмыс», «Қазмырыш» тәрізді алпауыттар жасай алатын», – деп түсіндірді Сүлейменов нарыққа Ұлттық Банк қосылуы туралы.

Нарықтық коньюктураға байланысты...

Жетісу облысы Кербұлақ ауданының орталығы Сарыөзек қаласындағы әскери гарнизонда жаттығу кезінде сарбазға оқ тиіп қаза тапты. Бұл туралы Қорғаныс министрлігі Құрлық әскерлерінің баспасөз қызметі хабарлады.

Ақпарат сүйенсек, 14 қаңтарда Қ. есімді қатардағы жауынгер даладағы оқу-жаттығу кезінде оқ тиіп қаза тапқан. 

«Ағымдағы жылдың 14 қаңтарында Сарыөзек гарнизонында жауынгерлік дайындық бойынша далалық оқу-жаттығу кезінде қарумен жұмыс істеу ережесін бұзу салдарынан мерзімді қызметтегі қатардағы жауынгер Қ. оқ жарақатынан қаза тапты», – делінген хабарламада. 

Оқиғаға қатысты қылмыстық іс қозғалып, тергеу жұмыстары басталған. Құрлық әскерлерінің бас қолбасшысының төрағалығымен арнайы комиссия құрылған. 

Сарбаз туралы нақты мәліметтер жария етілмеген. Тек қызмет...

Ресейдің денсаулық сақтау министрлігі елде шошқа тұмауы кең таралып жатқанын айтып, тұрғындарды сақтануға шақырып отыр. Жаңа індет штамы A(H1N1)09-мен қоса, В тымауы да күшейген.

Молнияның хабарлауынша, соңғы айда шошқа тұмауынан бес адам көз жұмған. Қайтыс болғандар бұған қарсы екпе алмаған көрінеді. Адам өлімі Ресейдің Ульяновск, Мәскеу, Новосібір, Воронеж, Забайкалье өңірлерінде тіркелген.

Ресей дәрігерлерінің мәліметінше, шошқа індеті егде жастағы тұрғындар мен денсаулығында кінәраты бар балалар үшін аса қауіпті.

Ең қауіптісі, A(H1N1)09 штамы. Ол ауыр пневмония тудырады. Әсіресе, қарттар, балалар мен созылмалы аурулары бар науқастарға қатер көп.

Ресейдің медициналық мекемелері қауіпсіздік шараларын күшейтіп жатыр. Ғимараттарда дезинфекция жасап,  қосымша қорғаныс хаттамалары енгізілген.

2025 жылы Қазақстанда 11 шетелдік университет филиалдарын ашады. Бұл туралы Ғылым және жоғары білім министрлігі хабарлады.

Осы уақытқа дейін Қазақстан 34 шетелдік жоғары оқу орнымен серіктестік  туралы келісім жасаған. Биыл бұл тізімге тағы 11 шетелдік ЖОО қосылады.

«Бүгінгі таңда елімізде Ұлыбритания, Италия, Қытай, Ресей, АҚШ, Франция және Оңтүстік Кореяның 23 серіктес жоғары оқу орындары жұмыс істейді. 2025 жылы тағы 11 келісімді іске асыру қажет»,- делінген хабарламада.

Мемлекет шетелдік серіктес жоғары оқу орындарында қазақстандық студенттердің оқуы үшін 2 090 грант бөліп отыр. Қазір мыңдаған студент шетелдік университеттердің филалдарында 34 мамандық бойынша білім алып жатыр.

Қазақстанда қанша...

Үкімет Ұлттық қордан алынатын нысаналы трансферт көлемін шектеуді жоспарлап отыр. Ұлттық банк Төрағасы Тимур Сүлейменов министрлер кабинеті бас банктің ұсынысымен келіскенін мәлімдеді.

Республикалық бюджет пен Ұлттық қор туралы заңнамаға сәйкес, қордан алынатын кепілдендірілген трансфет көлемі нақты белгіленеді. Енді Ұлттық банк пен үкімет қордан алынатын нысаналы трансферт көлемін де заңмен бекітуді қолға алмақ.

«Нысаналы трансфертті кез келген жобаға бөле беруге болмайды. Бұл әлеуметтік-экономкалық әсері үлкен, ұлттық деңгейдегі жоба болуы шарт. Қаржы және Ұлттық экономика министрлігімен осы бюджет ережелерінің кепілдендірілген трансфертке ғана емес, Ұлттық қордан алынатын бүкіл қаржыға қатысты қолдану мәселесін талқылап келісімге келдік», – дед...

Ұлттық банк төрағасы Тимур Сүлейменов президенттің Қазақстандағы экономистердің жұмысын «орташа» деп бағалауын орынды деп санайды. Бұл туралы банк басшысы базалық мөлшерлемеге қатысты брифинг барысында айтты.

«Президент басшылықтағы экономистердің жұмысына баға берген. Ұлттық банк экономикалық ведомстволар қатарына кіретіндіктен, бұл сынның бізге тікелей қатысы бар. Сонымен бірге экономикалық мекемелер қатарында «Самұрық», «Бәйтерек», ҚНРДА бар. Президент бізге «орташа» баға беріп отыр. Біз бұл сынды қабылдаймыз. Бұл өз жұмысымызды сапалы атқаруға ынталандырады», – деді банк төрағасы.

Ұлттық банк доллар бағамын шектеп ұстау саясатына көше ме?

Сүлейменов президенттің сұхбатта айтқан валюта бағамын қолдан ұстап тұру тәжірибесінен...

2025 жылғы 1 ақпаннан бастап сумен жабдықтауға және су бұруға жаңа тарифтер енгізіледі. Бұл туралы өңірлік коммуникациялар қызметінде өткен брифингте Ұлттық экономика министрлігі Табиғи монополияларды реттеу комитетінің Алматы қаласы бойынша департаментінің басшысы Әсел Бөденеева мәлім етті.

Оның сөзінше, сумен жабдықтау және су бұрудың реттеліп көрсетілетін қызметтері бойынша 2025-2029 жылдарға арналған жаңа бес жылдық кезеңге арналған инвестициялық бағдарлама бекітілген. Оған сай, жеке тұлғалар үшін суды «тұтынудың әлеуметтік нормалары» енгізілген.

Әсел Бөденеева норма «неғұрлым көп үнемдесеңіз, соғұрлым аз төлейсіз» қағидаты бойынша әрекет ететінін айтады.

«Сумен жабдықтаудың орташа тарифі 135,24 теңге / м3 құрайды. Су бұруға 83,54 теңге...

2024 жылдың 11 айында қазақстандықтардың зейнетақы жинақтары 4 трлн теңгеге өсіп, 21,9 трлн теңгеге жеткен. 11 айдағы таза өсім 22,5%-ды құрады. Бұл туралы ҚНРДА-ның зейнетақы жинақтаушы жүйесінің қазіргі жағдайына шолуында жазылған.

Зейнетақы қорындағы активтерге 11 айда 2,7 трлн теңге инвестициялық табыс есептелген. 11 айдағы өсім 29,5%-ға тең. Инвестициялық портфелдің басым бөлігін мемлекеттік бағалы қағаздар мен Қазақстан эмитенттерінің корпоративтік бағалы қағаздары құрайды. БЖЗҚ активін негізінен Ұлттық банк басқарады.

Ал инвестициялық портфельді басқарушыларға зейнетақы жинағының 63,2 млрд теңгесі басқаруға берілген.

«Бірыңғай жинақтаушы зейнетақы қорына» ел бойынша 12,3 млн адам зейнетақы жарнасын аударады. Оның басым бөлігі міндетті зейнетақы жарналарын аударатындар...

Миллиардер Илон Масктің SpaceX компаниясына тиесілі Starship зымыраны сынақ кезінде әуеде жарылып, соның салдарынан Оңтүстік Техаста әуе рейстері кейінге қалдырылды. Бұл туралы Reuters басылымы жазды.

Зымыран Оңтүстік Техастағы ғарыш айлағынан Астана уақыты бойынша таңғы сағат 4.38-де ұшырылып, сегіз минуттан кейін байланыс үзіліп, жарылыс болған. Апат зымыранның екінші сатысының жұмыс кезінде болғандығы атап өтілді.

Алдын ала мәліметтер бойынша, апатқа қозғалтқыштағы сұйық оттегінің ағып кетуі себеп болуы мүмкін. Бұл құрылымның бұзылуына әкеліп, өрт басталған.

«Сұйық оттегінің ағып кетуі желдеткіштің өткізу қабілетін баяулатып, қозғалтқышқа қысым түсіп, жарылыс болды», – деді компания басшысы  Илон Маск.

Куәгерлер кеменің сынықтары Гаити...

Кремль Беларусьті іс жүзінде аннекциялауға жақын әрі қазіргі үрдістер сақталса, мақсатқа он жыл ішінде жетуі мүмкін. Бұл туралы Америкалық соғысты зерттеу институтының (ISW) есебінде айтылған, деп жазды euronews.com.

Есепте Кремль Беларусьті НАТО-ға қарсы агрессия үшін пайдалануды көздейтіні жазылған. Сарапшылардың айтуынша, Беларусь тек Ресейдің одақтасы ғана емес, ол Кремль үшін ғаламдық ықпал ету құралын қамтамасыз ететін стратегиялық активке айналып келеді.

«Кремль Беларусьті экономикалық және әскери жағынан интеграцияланған федеративті мемлекетке айналдыруға ұмтылуда», – деп атап өтті ISW.

Есеп авторлары Кремль Беларусьтің қарулы күштері мен әкімшілік басқаруына толық бақылау орнатуды, Ресей әскерін тұрақты орналастырып, экономикалық бірігу арқылы...

Елімізде ауылдық жерлерді интернетпен қамтамасыз етудің жаңа технологиялық тәсілі сынақтан өтіп жатыр. Бұл туралы Цифрлық даму министрлігі хабарлады.

Министрліктің мәліметінше, пилоттық жоба аясында 100-ден астам ауыл заманауи сымсыз байланыс технологиясы (FWA) арқылы жоғары жылдамдықты интернетке қосылады. Бірінші болып Алматы облысындағы Сарыбай би ауылы қосылды.

Бұрын бұл ауылдың тұрғындары ескірген ADSL технологиясы арқылы интернетке қосылған еді. Жаңа FWA технологиясы арқылы интернет жылдамдығы секундына 200-300 Мбитке дейін жетіп, тұрақтылық пен кең аумақты қамту мүмкіндігін ұсынады.

Жоба шеңберінде ауылдағы 105 үй жаңа технологияның мүмкіндіктерін пайдаланып үлгерді. Қазіргі уақытта тұрғындар интернетке қосылуға белсенді түрде өтінім беріп жатыр.

Жаңа технологияның артықшылықтары

FWA...

Қазақстан ОПЕК+ аясында мұнайды қайта өндіру бойынша өтемақы мерзімін 2026 жылдың маусымына дейін кейінге шегерді. Бұл туралы Энергетика министрлігі мәлімдеді.

«2024 жылы желтоқсанда ОПЕК+ елдерінің кездесуінде ОПЕК+ келісіміне қатысатын елдер арасындағы өз міндеттемесінен артық мұнай өндіріп қойған елдер үшін өтемақы мерзімі 2026 жылдың маусымының аяғына дейін ұзартылды», – деп жазылған министрлік баспасөз қызметі ұсынған хабарламада.

Былтыр Bloomberg Қазақстан ОПЕК+-тің мұнай өндіру квотасын жүйелі түрде бұзып жатыр деп жазған еді.

Бірақ жыл соңында Энергетика министрлігі ОПЕК+ келісіміне сай, өз міндеттемесінен ауытқымайтынын мәлімдеген. ОПЕК+ талабы бойынша, 2025 жылы Қазақстан тәулігіне 41 мың баррельден артық мұнай...