Жаңалықтар

Ұлттық Банк базалық мөлшерлемеге қатысты 2025 жылдың алғашқы шешімін қабылдап, 15,25% деңгейінде өзгеріссіз қалдырды.

Ұлттық банк мәліметінше, желтоқсан айында Қазақстанда инфляция 8,6%-ға дейін үдеп, 2024 жылға болжанған 8-9% диапазон шегінде қалыптасты.

«Қызметтер бағасының жоғары өсуі және тамыздан бастап байқалып отырған азық-түлікке жатпайтын тауарлар инфляциясының жеделдеуі оның динамикасына көптеп үлес қосты. «Тарифті инвестицияға айырбастау» бағдарламасын іске асыру мен теңгенің әлсіреуі аясында инфляция күш алып тұр», – делінген хабарламада.

Сонымен қатар ҰБ инфляцияның орнықты бөлігінде өсім сақталып отырғанын айтады. Ол фискалдық ынталандыру жалғасқандықтан, сұраныс тарапынан қысым барын көрсетеді. Желтоқсан айында халықтың инфляциялық күтулері, жоғары құбылмалылықты...

Қазақстандағы ірі алтын өндіруші компанияның бірі – «Алтыналмас» АҚ артықшылығы бар акциялары үшін 2024 жылдың IV тоқсанына 47 мың теңге дивиденд төлемек. Бұл туралы Қазақстан қор биржасындағы хабарламада жазылған.

Артықшылығы бар бір акцияға төленетін дивиденд көлемі – 125 теңге. «Алтыналмастың» артықшылығы бар акцияларының саны 5 мыңнан асады. Соның 377-сі айналымда жүр. 47 мың теңге дивиденд осы акциялар үшін төленеді. Дивиденд төлеу 2025 жылдың 14 қаңтарынан басталады.

Компания 2024 жылдың қараша айында қарапайым акциялар үшін 67 млн теңге төлейтінін хабарлаған.

«Алтыналмас» холдингі қазақстандық алтын өндірушілердің ірі үштігіне кіреді. Компания акционерлері: GOUDEN RESERVES B. V. (қарапайым акциялардың 55,8%), Владимир Жұманбаев. Компанияны...

Жаңа жыл қарсаңында шыршаны безендіру кезінде биіктен құлап, басынан ауыр жарақат алған семейлік мұғалім Қуат Айтқалиевтің ісін еңбек инспекциясы тексеріп болды. Бұл туралы Kursiv.Media тілшісіне мұғалімнің жары Сымбат Аянқызы айтты.

Сымбаттың сөзінше, еңбек инспекциясы мұғалімнің пайдасына шешім шығарып, болған оқиғаға жұмыс беруші 100% кінәлі деп тапқан.

Шешімге сай, жұмысқа бармаған күндері үшін мұғалімге еңбекақысы толық көлемде төленеді.

Ескерте кетейік, жаңа жыл қарсаңында Семейде №49 мектептің қазақ тілі мен әдебиеті пәнінің мұғалімі Қуат Айтқалиев қалалық шыршаны безендіру кезінде биіктен құлап, басынан ауыр жарақат алған. Дәрігерлер науқастың бас сүйегінің жартысын алып тастаған. Оның орнына екі айдан кейін пластик қойылады.

Аталған...

Әлемдік экономиканың өсімі 2025-2026 жылдары 2,7% деңгейінде қалады. Бұл туралы Дүниежүзілік Банктің зерттеуінде жазылған.

Бірақ бұл көрсеткіш тұрақты экономикалық даму үшін жеткіліксіз. Банк мамандары табыс деңгейі өте төмен елдер 2025 жылы орта табысқа шыға қоймайды деп болжайды. Ол үшін жаһандық және ұлттық деңгейде сыртқы ортаға жағымды әсер алатын саяси әрекеттер қажет. Макроэкономикалық тұрақсыздықтың өсімі, шектеулердің төмендеуі және климат өзгерісінің салдарын жою тәрізді міндеттер орындалуы керек.

«Алайда оның барлығы жылдар бойғы негатив оқиғалардың салдарынан кейінгі шығынды өтеу үшін жеткіліксіз», – дейді банк сарапшылары. Сондықтан қарыз көлемін азайту, климат өзгерісімен күресті жалғастыру, баға тұрақтылығына қол жеткізу, шығындарды оңтайландырып, табысты көбейту, адами капиталды...

Қазақстанда туристер сауда-саттық жасағанда салығын қайтарып алуға арналған Tax Free жүйесін қолдану мерзімі ұзартылды. Бұл туралы Қаржы министрлігі жариялаған бұйрықта жазылған.

Жүйенің мақсаты Қазақстанға шетелдік туристерді тартып, бизнес субъектілерінің тауар айналымын ұлғайту. Жүйенің жарамдылық мерзімі 2025 жылдың желтоқсанына дейін ұзартылды.

Пилоттық жоба ЕАЭО кедендік аумағынан тыс жерге кемінде 20 АЕК немесе 78 640 теңге (148,4 доллар) сомадан аспайтын тауарларды туристерге сатып алу және қосымша құн салығы сомасын өтеу тәртібін айқындайды.

Ержеге байланысты тауарларды Астана, Алматы, Шымкент және Түркістандағы сауда аймақтарынан сатып алу қажет.

Шетелдік туриске ҚҚС сомасын өтеу бірнеше шарт сақталған кезде жүзеге асады:

CryptoQuant платформасының сарапшылары Дональд Трамп президенттік қызметке кіріскен соң, криптовлюта дәуірі басталады деп болжайды. АҚШ президентінің криптовалютаға қатысты саясаты нарықта үлкен өзгеріс жасап, 2025 жылы биткоин құны 249 000 долларға дейін көтерілуі мүмкін.

Болжамға сәйкес, АҚШ-тағы қолайлы саяси және экономикалық жағдай бірінші кезекте биткоин капиталына оң әсер етеді. Капиталдандыру көлемі 520 млрд долларға дейін жетіп, биткоин бағасының 145 000 доллардан 249 000 долларға дейін артуына жағдай жасауы мүмкін.

Ал соңғы айда төмендеп жатқанын сарапшылар уақытша құбылыс деп санайды. Қазір биткоин бағасына ФРЖ саясатына қатысты нарықтағы адаңдаушылық әсер етіп жатыр. Мамандар нарықтағы алаңдаушылық басылған соң, биткоин бағасы шарықтап кететініне...

Нетаньяху кеңсесі Дохадағы делегациялармен ХАМАС-пен келісімге қол қойылғанын растады, бірақ оны үкіметтің мақұлдауы кейінге қалдырылады деп хабарлады ВВС-дің орыс қызметі

Израиль премьер-министрінің кеңсесі Дохадағы келіссөздер барысында делегациялардың бітім туралы келісімге қол қойғанын ресми түрде растады. Алайда Израиль үкіметі бұл келісімді сенбіге дейін талқылап, бекіте алмайды деп хабарлаған израильдік басылымдар Нетаньяху кеңсесіне сілтеме жасап.

16 қаңтар күні Нетаньяху кеңсесі ХАМАС-пен бітім туралы келісімді мақұлдау мүмкін емес екенін мәлімдеген. Себебі ХАМАС соңғы сәтте кейбір келісімдерден бас тартып, жаңа тармақтарды қосуға тырысқан.

Израиль мақұлдамайынша, келісім күшіне енбейді. Times of Israel және Jerusalem Post газеттерінің хабарлауынша, премьер-министр жұма күні әскери кабинет жинап, келісімге...

Елдегі мыңнан аса әлеуметтік мекемелер азық-түлікті 500%-ға дейін үстемақымен сатып алған. Бағаны көтерген кәсіпкерлер миллиардтаған қаржыны қалтаға басқан болып шықты.

Қаржылық мониторинг агенттігінің (ҚМА) мәліметінше, мектеп, балабақша, аурухана, балалар үйі сынды 1100-ден астам мемлекеттік мекемелер азық-түлікті жоғары бағамен сатып алып келгенін анықтаған. Агенттік өткен жылдың өзінде бағаны негізсіз көтеріп сатудың 817 жағдайын анықтады. Оларға қатысты материалдар өңірлік комиссияларға тапсырылған.

«685 мекеменің мемлекеттік сатып алу келісімшарттары қайта қаралып, нәтижесінде 370 млн теңгеден астам қаржы үнемдеуге себін тигізді. Жүргізілген жұмыс нәтижесінде 69 тиімсіз делдал шеттеліп, 600 әкімшілік хаттама толтырылды, 11 млн теңге көлемінде айыппұл төленді»,- делінген хабарламада.

Мәселен, Ақтөбе облысының 80 балабақшасына кәсіпкерлер қарақұмықтың, картоптың, сәбіздің, қанттың, жұмыртқаның және тұздың бағасын...

Соңғы кездері қоғамда «АҚШ Украинаға әскери көмегін тоқтатуы мүмкін» деген алаңдаушылық басым. Осыған орай Лондон мен Киев қорғаныс серіктестігі туралы 100 жылдық келісімге келген. Келісімге сәйкес Ұлыбритания Украинаға әскери көмек көрсетуді жалғастырады. Бұл туралы Euronews басылымы хабарлады.

15 қаңтар күні Киевке Ұлыбритания премьер-министрі Кир Стармер келіп, Украина президенті Владимир Зеленскиймен «100 жылдық әріптестік келісіміне» қол қойған. Бұл құжат негізінде Лондон Украинаның қауіпсіздігіне кепілдік беріп, болашақта елді Ресейден қорғауды қамтамасыз етеді.

«2025 жылы Ұлыбритания Украинаға бұрынғыдан да көбірек әскери қолдау көрсетеді. Біз осы жылы 3 миллиард фунт стерлинг көлемінде әскери көмек бердік. Украинаны майдан шебінде...

Дүниежүзілік ескерткіштер қоры (WMF) алғаш рет Айды жойылып бара жатқан мәдени мұралар тізіміне қосты. Бұл шешім Айға жасалып жатқан миссиялардың және коммерциялық ұшулардың белсенділігі артуынан туындаған қауіптерге байланысты қабылданды.

WMF ұйымының мәліметінше, Айдағы алғашқы қонулардан қалған артефактілер – астронавтардың іздері, адамның Ай бетіне алғаш қадам басқан сәтін түсірген камера, Нил Армстронг пен Базз Олдрин қалдырған естелік диск – адамзат тарихының маңызды бөлігі.

Алайда халықаралық қорғау механизмдерінің болмауы бұл жәдігерлердің бүлінуіне немесе жойылуына әкелуі мүмкін.

Бұл қауіп, әсіресе, Айды зерттеу қарқын алғасын күшейіп отыр. Мысалы, NASA 2027 жылы Artemis III бағдарламасы аясында Айға экипаж жіберуді жоспарлап отыр. Бұл...

Қытай билігі америкалық чип өндірушілерін тексеріп бастамақшы. Бұл Вашингтонның технологиялық санкцияларына қарсы Бейжің үкіметінің жауабы деп жазады Financal Fimes.

ҚХР Сауда министрлігі АҚШ нарықтағы ойыншыларға қаншалықты әділетті екенін тексермекші. Қытай өнімдерін нарықтан заңсыз шығарып тастаған жоқ па деген мәселені де қарайды. Ведомствоның хабарлауынша, тексеріс осы саладағы жергілікті яғни қытайлық кәсіпкерлердің наразылығынан кейін басталған.

Әзірге нақты қандай чип өндірушілерге қарсы тексеріс басталатыны белгісіз. Айта кетейік, әлемдегі бұл саладағы ең ірі ойыншылар – америкалық Texas Instruments Inc. және Analog Devices Inc. Олар шығарған өнімдер автомобильдер мен тұрмыстық техникада пайдаланылады.

Негізі бұған дейін АҚШ Бейжіңді халықаралық сауда қатынастарын бұзып, жеке компанияларын ашы...

Ресей президенті Владимир Путин запастағы ресейліктерді әскери жиындарға шақыру туралы жарлыққа қол қойды. Жарлық бойынша нақты қанша адамның шақырту алатыны және әскери жиындардың қанша уақытқа созылатыны белгісіз.

Құжат Ресей Федерациясының ресми құқықтық ақпарат порталында 16 қаңтарда жарияланып, жарияланған күннен бастап күшіне енген. Әскерилерді жинау мақсатына байланысты құжатта бірнеше тармақ жасырылған. 

Әскери жиын өткізу Ресейдегі жыл сайынғы рәсімге айналды. Путиннің Жарлығы негізінде Ресей Федерациясының Қорғаныс министрлігі аймақтардың әскери комиссариаттарына түсетін директива дайындайды. Осыдан кейін запастағы азаматтарға шақыру қағаздарын жіберу басталады.

Әскери жиындарға тек запастағы ер азаматтар ғана шақырылады. 1998 жылы қабылданған заңға сәйкес жиын 2 айдан аспауы тиіс. Запастағы азаматтар...

Қазақстандық синоптиктер 2025 жылдың 17-19 қаңтарына арналған ауа райы болжамын жариялады. Еліміздің кейбір өңірлерінде қарлы боран мен көктайғақ болатыны болжанып отыр.

Оңтүстік өңірлерде күн жылығаннан кейін, Қазақстан аумағына Атлант мұхитынан жаңа циклон жақындап келеді. Бұл циклон бірқатар өңірлерге жауын-шашын алып келеді.

Көктайғақ пен тұман

Синоптиктердің мәліметінше, кейбір өңірлерде көктайғақ болады. Сонымен қатар тұман түсіп, жолдағы қозғалысқа қиындықтар туғызуы мүмкін.

Ел аумағында жел күшейіп, боран соғуы ықтимал. Бұл, әсіресе, ашық далалы...

«Твин Пикс» фильмімен аты әлемге танылған голливудтық режиссер Дэвид Линч 79 жасқа қараған шағында өмірден өтті. Бұл туралы америкалық Variety басылымы жазды.

Басылымның жазуынша, 2025 жылдың 16 қаңтарында 78 жастағы режиссер эмфиземасының асқынуынан қайтыс болған. Линчке бұл диагноз 2024 жылы қойылған. Ол ұзақ жылдар бойы темекі шегу әсерінен пайда болған.

«Оның отбасы өкілі ретінде Дэвид Линчтің қайтыс болғанын хабарлаймыз. Оның қайтыс болуы бізге ауыр тиді, әлем күйреп кеткендей болды. Ол өзі ылғи әлемнің кемшілігіне емес, пончикке қараған жөн деп айтатын», – делінген басылым жария еткен отбасының мәлімдемесінде.

Дэвид Кит Линч – америкалық режиссер, сценарист...

Қазақстанның батыс өңірлерінде – Маңғыстау және Атырау облыстарында ауа райының қолайсыздығынан маңызды күре автожолдар жабылды. Бұл туралы «ҚазАвтоЖол» хабарлады.

«Ауа райының бұзылуына байланысты 2025 жылғы 16 қаңтар сағат 21:30-да Доссор-Құлсары-Бейнеу-Сайөтес-Шетпе-Жетібай-Ақтау автожолының 210-220 шақырым аралығындағы учаскесінде (Атырау облысының шекарасы – Боранқұл ауылы) көліктің барлық түрінің қозғалысына шектеу қойылды»,-делінген хабарламада.

Атырау облысында аталған автожолдың 0-210 шақырымында, атап айтқанда Доссор ауылы-Қисымбай ауылы арасында да қозғалыс шектелген. Жолдарды сағат 23:50-де ашу жоспарланып отыр.

Мұның алдында «ҚазАвтоЖол» Ұлытау облысы мен Ақмола облысындағы республикалық автожолдарда қысқы күтіп-ұстау жұмыстары жүргізіліп жатқанын хабарлады. Жолшылар жолдың бойын қардан тазалап, көктайғаққа қарсы материалдар сепкен.

Сондай-а...

АҚШ-тың сайланған президенті Дональд Трамптың командасы Ресейге қарсы кең көлемді санкциялар стратегиясын әзірлеп жатыр.

Bloomberg бұл ақпаратты сенімді дереккөздерінен алып таратқан. Бұл стратегия арқылы жақында Украинамен бейбіт келісімге келуге мәжбүрлеу үшін Ресейге қысым көрсетілмек.

Трамп әкімшілігі екі бірдей нұсқаны қарастырып жатыр.  Бірінші нұсқа бойынша, жанжал аяқталуға жақындаса, онда ресейлік мұнай өндірушілерге санкция құрсауын жеңілдетпек. Екінші нұсқа бойынша, Ресейге қысым көрсету үшін санкцияларды қатаңдата түспек.

Трамптың қай нұсқаны мақұл көретіні әзірге белгісіз. Дереккөз стратегияның енді ғана қолға алынғанын, бастапқы кезеңде тұрғанын айтады. Десе де, Трамп таңдаған тәсіл әлемдік мұнай нарығына қатты әсер етпек. Өйткені Ресейдің отын-энергетикалық кешеніне қарсы АҚШ санкция...

16 қаңтар күні сағат 18.30-да Қырғызстанның ЫстықКөл облысында жер сілкінісі болды.

24 kg хабарлауынша, Қырғызстанның сейсмология институты зілзала күші 3,9 балға жеткен. Жер сілкінісінің ошағы Балықшы қаласының оңтүстік-шығысынан 16 шақырым жерде орналасыпты.

Аймақ тұрғындары түрлі тербеліс күшін байқаған. Мәселен, Тон ауданындағы Оттық, Қара Шаар, Ақ Өлең елдімекендерінде 3,5 балл, Балықшы, Қара-Талаа, Орта-Тоқой, Шор-Бұлақ ауылдарында 3 балл болып сезілген.

Алдын ала мәлімет бойынша, жер сілкінісі кезінде зардап шеккендер мен қираған ғимараттар болмаған.

11 қаңтарда Қазақстанның шығысында 3,8 балдық жер сілкінісі болды. Ұлттық сейсмологиялық бақылау және зерттеу ғылыми орталығының дерегінше, тербелістің эпицентрі Алматы облысының солтүстік-шығысындағы Түрген маңында, Алматы қаласынан 76 шақырым...

2024 жылы Қазақстан мен Қытай темір жолы арқылы тасымалданған жүктің көлемі 32 млн тоннадан асып жығылған. Көлік министрлігінің Теміржол және су көлігі комитетінің хабарлауынша, бұл – тарихи меже.

Еліміздің Шығыстағы көршімізге шығарған экспорты да көбейген. Жалпы салмағы 13 млн тоннаға жетіп отыр. Бұл алдағы жылдармен салыстырғанда 1 миллион тоннаға артық. Темір, түсті металл, қара және түсті металдар ­– қазақстандық экспорттың басым бөлігі. Ауылшаруашылық өнімдердің ішінде, астықтың үлесі жоғары.  

Екі ел арасында алыс-берістің жанданғаны сол, импорт та 5%-ға артқан.

Сонымен қатар Қазақстанды басып өтетін транзиттік тасымал айтарлықтай өскен. Ол 15,3 млн тоннаға жетіп, 19 %-ға ұлғайды. Еуропаға жөңкітілген контейнерлік транзитт...

АҚШ-тың жаңа президенті Дональд Трамптың инаугурациясына Қазақстанның АҚШ-тағы елшісі Ержан Ашықбаев қатысатын болды. Ақпаратты СІМ баспасөз қызметі растады.

Ержан Ашықбаев Қазақстанның АҚШ-тағы елшісі қызметін 2021 жылдан бері атқарып келеді. Ол 2022 жылы АҚШ-тың 46-президенті Джо Байденмен кездескен.

АҚШ-тың 47-президенті Дональд Трамптың инаугурациясы алдағы дүйсенбі, 2025 жылғы 20 қаңтарда өтеді.

Дональд Трамп АҚШ президенті қызметіне екінші рет кіріседі. Сонымен қатар салтанатты жиында жаңа вице-президент Джеймс Дэвид Вэнс те ант қабылдайды.

Қазақстанда Астана қаласы мен Қарағанды облысында инфляция жоғары. 2024 жылдың желтоқсанында Астанада жылдық инфляция 10,7% болса, Қарағанды облысында бұл көрсеткіш 9,6%-ды құраған.

Былтыр жыл соңында жылдық инфляция жеделдеп, 8,6% -ды құраған. Жылдық инфляция 10 өңірде жеделдеген. Ал 9 өңірде баяулап, 1 өңірде өзгеріссіз қалды.

2024 жылдың соңында азық-түлік бағасы жылдық мәнде 5,5%-ға дейін өскен. Әсіресе, Жетісу мен Түркістан облысында азық-түлік бағасы қатты қымбаттаған.

Түркістан облысында азық-түлікке жатпайтын тауарлар да қымбаттаған. Ең төменгі мән Павлодар облысында (5,3%) тіркелді.

Желтоқсанда айлық инфляция 0,9%-ға өсті. Бұл – бұған дейінгі орташа мәнінен жоғары.

Депутат Ермұрат Бапи отандық тауар өндірушілердің Ресей импортынан қысым көріп жатқанын айтады. Еуразиялық экономикалық одақ шарттарына сәйкес, Қазақстанға Ресей мен Беларусь өнімдері еркін кіреді. Олар баж-салық регламенттерімен шектелмегендіктен, импорттық арзан тауар елге көптеп кіріп, отандық кәсіптің тоқырауына алып келіп жатыр.

Бапи Ресей мен Беларусьтің арзан әрі адам денсаулығына зиянды консерванттарымен нығыздалған өнімі отандық нарықты жаулап алғанын, салдарынан Алматы, Қарағанды, Шымкент сияқты ірі мегаполистер маңайындағы ет өнімдерін өндіретін компаниялардың жұмысшыларын мәжбүрлі түрде қысқартып жатқанын айтады.

«Біз кезінде ресейлік лоббидың әртүрлі айла-шарғымен қысастық жасауы салдарынан Батыс Қазақстандағы «Кублей» ет өнімдері зауытын құртып тындық. Осындай айла-амалмен Еуразиялық одақты...

Миллиардер Джеф Безос Илон Масктің ғарыш бизнесіне бәсекелес болмақшы. Оған тиесілі Blue Origin компаниясы жаңа зымыранды сынақтан өткізгенін хабарлады.

Жаңа зымыран тасымалдаушы New Glenn деп аталады. 16 қаңтарда алғаш рет сынақтан өтті.

Бірінші стартта орбитаға жүк шығару жоспарланған. Соған сәйкес 100 метрлік зымыран көкке көтерілген соң, 12 минуттан кейін орбитаға жүк модулін жеткізді. Ал одан кейінгі әрекеті сәтсіз болды. Ғарышқа шыққан соң, 20 минуттан кейін зымыран Атлант мұхитындағы қалқымалы платформаға қону керек еді. Бірақ оған жетпей қалды.

Осы саладағы мамандар бұл оқиғаны Безос ғарыш компаниясының алғашқы қадамы және Илон Маскке тиесілі SpaceX-ке бәсекелес болуы деп бағалайды.

Екі кәсіпкер де...

2025 жылдың наурыз айынан «Келешек» білім беру жүйесі іске қосылады. Бұл – баланың жоғары біліміне қаржы жинауға бағытталған бағдарлама. Президент Қасым-Жомат Тоқаев «Келешек» бағдарламасы туралы заңға 10 қаңтарда қол қойды.

Бағдарламаға баласының Қазақстан мен шетелдегі біліміне қаржы жинаймын деген ниеті бар ата-аналар қатыса алады. Жинақтау жүйесіне қатысу – ерікті.

«Келешек» бағдарламасының шарттары қандай?

«Келешек» бағдарламасы аясында ашылған есепшотқа қаржы бірнеше көзден құйылады. Мемлекет 5 жасқа дейінгі балаларға ашылған ессепшотқа бастапқы білім капиталын аударады. Оның көлемі – 60 АЕК, ал ата-ана қамқорлығынсыз қалған балаларға 120 АЕК көлемінде ақша аударады. 2025 жылы 60 АЕК 235,9 мы...

Түркістан облысы Мақтаарал ауданында мүмкіндіктері шектеулі балалардың еміне бөлінген 85 млн теңгені қалтасына басқан оңалту орталығының директоры мен бухгалтері кінәлі деп танылды.

Оtyrar-дың хабарлауынша, олар 2018 жылдан бері мекеме қаржысын жеке басына пайдаланып, заңсыз баюды көздеген. 2024 жылға дейін қылмыскерлер ай сайын бухгалтерлік бағдарламаға жалған мәлімет енгізіп, мүгедектердің қажетіне жұмсалуы тиіс ақшаны жеке шоттарына аударып отырған.

Сот кінәлілердің мүліктерін тәркілеп, қамауға алуға үкім шығарды.

«Бүгінде сот үкімімен оңалту орталығының басшысы 8 жылға бас бостандығынан айырылды. Бухгалтер қауіпсіздігі орташа деңгейдегі мекемеде 7 жыл жазасын өтейді», – деп мәлімдеді Түркістан облыстық тергеу департаменттің аға жедел өкілі Гүлзия...