Жаңалықтар

Nokia брендімен құрылғылар жасап, сататын Финляндияның HMD Global компаниясы енді бұл брендтің смартфондарын шығармайды және  сатпайды.

Nokia смартфондары мен планшеттері ескірген. Олардың жаңа модельдері мүлдем шықпайтын болды.

Енді компания өз брендінің атын өзгертіп, HMD Key, HMD Arc, HMD Fusion және өзге де жаңа атауларымен соңғы модельдегі смартфондар шығарады.

Technetbooks порталының жазуынша, HMD Global толығымен өз брендін пайдалануға көшкен. Смартфондар дәуірінде 2000-шы жылдардың басында ұялы телефондар нарығында жетекші орын алған Nokia компаниясы айтарлықтай бәсекелестікке тап болғаны атап өтілді. 

Айта кетейік, 2016 жылға дейін Nokia бренді Microsoft корпорациясына тиесілі болған. Компания 2010 жылы бәсекелестеріне ілесу үшін брендті жандандыруға тырысқан. Алайда смартфондар бәсекеге...

Израиль мен Хамас Газа секторындағы әскери іс-қимылдарды уақытша тоқтату туралы өзара келісімге келді. Bloomberg  басылымның жазуынша, мәміле қақтығыстың ірі соғысқа айналуын тоқтатады. Басылымға пікір білдірген сарапшылар қақтығыстың кең ауқымды соғысқа дейін өршуі мұнай бағасының 130 долларға дейін көтерілуіне және әлемдік экономиканың өсу қарқынының баяулауына әкелуі мүмкін екенін ескертті.

АҚШ-тың жаңа сайланған президенті Дональд Трамп әлеуметтік желіде Хамас кепілге алған азаматтардың жақында босатылатынын жазған. 

Келісім кезең-кезеңмен жүзеге асырылады. Бірінші кезеңде Газа секторындағы қақтығысты тоқтата тұру және 2023 жылдың қазан айында тұтқынға алынған 33 адамды Израиль түрмелерінде ұсталған палестиналық тұтқындарға айырбастау көзделген. Израиль бірінші кезеңнің тізіміне енген кепілдегі адамдардың көпшілігі тірі деп санайды...

29 жастағы ақтөбелік Әділхан Қопабаев әлемге әйгілі Apple компаниясының Орталық Азия мен Армения аймағындағы қызметін қадағалайтын басшы ретінде тағайындалды. Ол қызметін Дубайдағы кеңседен атқаратын болады. Бұл туралы Әділхан өзінің әлеуметтік желідегі парақшасында бөлісті.

Білімі мен жетістіктері

Әділхан Қопабаев 2017 жылы Оңтүстік Кореядағы Ульсан ұлттық ғылым және технологиялар институтын (UNIST) «қала инженері және технологиялық менеджмент» мамандығы бойынша үздік тамамдаған. Ол UNIST Global Uni-Star атты беделді стипендияның иегері атанды.

2021 жылы АҚШ-тың Провиденс қаласындағы Браун университетінде мемлекеттік басқару магистратурасын аяқтап, Рокфеллер қорының стипендиясына ие болды.

Еңбек жолы

Apple компаниясына дейін Әділхан халықаралық консалтингтік және IT компанияларда қызмет атқарған...

Үкімет электр қуаты мен коммуналдық желілерді жаңғырту жобаларына басымдық бермек. Бұл сектордағы инфрақұрылым әбден тозған. Нақты шаралар қабылдауға монополист компаниялар қауқарсыз.

Осыған байланысты «Энергетикалық және коммуналдық секторларды жаңғырту» ұлттық жобасын іске асыру жөніндегі жобалық кеңсе жұмысын бастады.

2029 жылға дейін Үкімет коммуналдық құбыр желісін жаңғырту үшін 6,8 трлн теңге табуға тиіс. Ал электр энергиясын өндіру үшін 6,2 трлн теңге қаражат керек.

Қаржы көздері әр сектордан болады деп есептелінген:

Инвестициялау саясатын жүргізу құзыретіне «Бәйтерек» ұлттық холдингі ие болады. Холдинг субъектілерді қаржыландыру, демеуқаржы үлестіру мәселесін шешеді.

«ТКШ Қазорталық» АҚ құрылыс жұмысын қадағалайды.

АҚШ бірқатар мемлекеттегі кәсіпорындарға шүйлікті. Ресейдің «Атомфлот» федералдық мемлекеттік унитарлық кәсіпорнының басшысы Яков Антонов, Запорожье АЭС бас директоры Владислав Исаев, Бердск электромеханикалық зауытының акционері Сергей Савченкоға, «KERAMAX» АҚ инвестициялық өнеркәсіптік тобының иесі Артем Комаров, Новосибирск облысының бұрынғы губернаторы Василий Юрченкоға қарсы санкция салды.

Ресеймен байланысы бар деген Қытай, Түркия және Германияның 16 азаматы да санкция тізіміне ілікті.

Санкция пакетіне «Патриот» конгресс-көрме орталығы, «Воэнторг», «Тактикалық зымырандық қарулар корпорациясы», «Барнаултрансмаш», «Мотовилиха зауыттары», Тамбов ұнтағы зауыты және «Запорожье атом электр станциясы» федералдық мемлекеттік унитарлық кәсіпорны да енді.

«Богослов кен басқармасы» АҚ (Орал кен-металлургиялық компаниясының бөлігі), «Операция және есеп айырысу» АҚ, «Аэроэлектромаш» А...

Былтыр Қостанай облысында бес баласы үйде өртеніп кеткен әйел адамға қатысты сот үкімі шықты. Жітіқара аудандық соты оған бес жыл түрме жазасын кесті.

Төтенше жағдайлар департаменті 2024 жылдың қазан айында Жітіқарада қайғылы оқиға болғанын хабарлады. Үйде алты бала ұйықтап жатқан. Балалардың үлкені – 13 жастағы ұл сыртқа шығып үлгерген. Өрт салдарынан үй күлге айналды.

Балалардың әкесі колонияда жазасын өтеп жатқаны белгілі болды. Сол түні анасы үйде болмаған.

Сот  материалдары бойынша анасы тұңғыш баласына пешке от салуды тапсырған.

«Ұлы пеште отын, көмір және тұрмыстық қоқыстарды жағады, сондай-ақ пеш жанында белгісіз сұйықтықпен жатқан пластикалық бөтелкені отқа салады...

Қазақстан мұсылмандары діни басқармасы квадроберлерді насихаттауға тыйым салды. Мүфтият қоғамдағы бұл құбылыс шариғатқа түбегейлі қайшы деп санайды.

Діни басқарма «Шын мәнінде, біз адам баласын ең көркем бейнеде жараттық» деген Құран аятын алға тартқан. Тіпті ер адамның әйелге, ал әйел адамның ер кісіге еліктеуін мұсылман қауымы құптамайды.

«Адам баласының жануарға еліктеп, сол дәрежеге  түсуі, төрт аяқтап жүруі, өзін ардақтау емес, қорлау болып саналады», – деп мәлімдеді ҚМДБ.

Дейтұрғанмен өнер иелеріне, түрлі жануар образын сомдайтын әртістердің сахнаға шығуына шектеу қойылмайды.

«Квадроберге, яғни жануарлардың деңгейіне түсіп, оларға еліктеп дауыс шығаруға, іс-қимылдарын жасауға шариғат...

«Қазақстан Букмекерлер Ассоциациясы» заңды тұлғалар бірлестігі Мәжіліс депутаты Берденовпен соттасып жеңіліп қалған еді. Азаматтық істер жөніндегі сот алқасы қайтадан шағымданған букмекелердің арызын қарастырды. Бірақ Алматы қаласы Бостандық ауданының сот шешімін өзгерткен жоқ.

Ассоциация Берденовті жалған ақпараттар таратты, іскерлік беделімізге нұқсан келтірді деп айыптаған. Бірінші сатыдағы сот бұған қатысты талап қоюшы тараптың дәлелдері жеткіліксіз деп санады.

Филологиялық-психологиялық сараптама бойынша букмекелердің шағымдануына негіз жоқ деген қорытынды жасалынды.

Respublica партиясының депутаты Руслан Берденов Парламент қабырғасында құмар ойынның зияны туралы бірнеше рет өткір мәлімдемелер жариялады. Оның ұсынысын басқа да депутаттар қолдады. Одан кейін ойын бизнесін шектеу туралы заң Парламент палаталары талқылауынан өтті.

...

Астана христиан діні мерекесі – Крещениені тойлауға дайындалып жатыр. Дін істері бойынша басқарма жетекшісі Қайролла Қошқали коммуникация қызметі брифингінде Астана қаласында орталық парк маңындағы жағалауда, орталық жағажайда шомылуға арналған мұз ойығы ашылатынын мәлімдеді.

Шомылу орны 18 қаңтардағы кешкі сағат сегізден 19 қаңтардағы түнгі екіге дейін ашық болмақ. Келесі күні де таңғы сағат 8-ден түнгі 11-ге дейін қайта жалғасады. ТЖД шұғыл-құтқару бөлімі, полиция қызметкерлері мен жедел жәрдем тұрғындардың қауіпсіздігін қамтамасыз етпек.

Крещение мерекесі 18-19 қаңтар күндері Астананың барлық православтық ғибадатханаларда өтеді.

Қысты күні суға түсуді христиан дінін ұстанбайтын адамдар да әдетке айналдырып келе жатқаны құпия емес. Қазақстан мұсылмандарының діни...

2023 жылғы 7 қарашадан 2025 жылғы 7 қаңтарға дейінгі мерзімде Terminals Astana Airport Management компаниясымен (Terminals Holding құрамына кіреді, БАӘ) жасалған «Нұрсұлтан Назарбаев халықаралық әуежайы» АҚ-ның 100% акцияларын сатып алу құқығынсыз сенімгерлік басқару туралы келісім ұзартылмады. Бұл туралы Қаржы министрлігі Мемлекеттік мүлік және жекешелендіру комитеті Kursiv.Media сұрауына берген жауабында мәлім етті.

«Қаржы министрлігінің Мемлекеттік мүлік және жекешелендіру комитетімен жасалған (Terminals Astana Airport Management компаниясы – Kursiv.Media) сенімгерлік басқару туралы келісім 2025 жылғы 7 қаңтарда өз күшін жойды. Қазіргі уақытта 100% акциялар пакеті Астана қаласының коммуналдық меншігіне берілді», – деп хабарлады комитет.

Сонымен қатар комитет сенімгерлік...

Польшаның премьер-министрі Дональд Туск Украина президенті Владимир Зеленскиймен кездесуінде Киевтің Еуроодаққа кіруін жылдамдатуға барынша атсалысатынын мәлім етті деп жазады ВВС-дің орыс қызметі.

«Біз Украинамен Еуропалық одаққа кіру жолы туралы сөйлестік. Мұнда мен екі нәрсені атап өткім келеді. Польша төрағалығы соңғы айларда айқын байқалған тығырықтан шығуға мүмкіндік береді. Біз Украинамен және еуропалық серіктестерімізбен бірге, сондай-ақ ешқандай шартсыз, [Украинаның] Еуроодаққа кіру процесін барынша жеделдету үшін жұмыс істейміз», – деді Дональд Туск.

1 қаңтарда басталған Польшаның Еуроодаққа төрағалығы 2025 жылдың 30 маусымына дейін жалғасады.

Владимир Зеленский Варшавада ресми сапармен жүр. Ол Польша басшылығымен 1943–1944 жылдардағы Волынь қасіретіне байланысты...

Еуроодақ Жоғары сот инстанциясы ресейлік «Мегафон» телекоммуникациялық компаниясының санкциядан шығару туралы талап-арызын кері қайтарды. Бұл шектеу Ресейдің Украинаға ашқан соғысын мобильді оператордың қолдағаны үшін салынған еді.

DW ақпаратына қарағанда, ЕО кеңесі «Мегафонды» 2023 жылы ақпан айында санкциялық тізімге енгізген. Компания Ресейдің Украинаға қарсы агрессиялық соғысын тікелей қолдайтынын көрсеткен.

Санкция аясында еуропалық компанияларға «Мегафонға» әскери мақсатта қолданылуы мүмкін тауарлар мен технологияларды жеткізуге, сондай-ақ техникалық немесе қаржылау көмек беруге де тыйым салынды.

«Мегафон» Еуропа сотында ЕС кеңесінің шешіміне қарсы арыздануға ұмтылды. Ресейлік компания бұрыс баға негізінде санкция салынғанын, бизнес жасау бостандығының шектелгенін, қорғану құқығының бұзылғанын алға тартқан. ЕО соты «Мегафонның» барлы...

Ұлттық банк 17 қаңтар күні базалық мөлшерлемеге қатысты 2025 жылдағы алғашқы шешімін шығарады. Halyk Finance сарапшылары бас банк теңге құнсызданып, инфляция қарқын алғандықтан, базалық мөлшерлемені өзгеріссіз қалдырады деген пікірде.

Halyk Finance басқарма төрағасының кеңесшісі Мұрат Темірханов Ұлттық банк базалық мөлшерлемені көктемге дейін 15,25 % деңгейінде сақтайды деп пайымдайды.

«Былтыр соңында инфляциялық тәуекелдердің күшеюі аясында реттеуші базалық мөлшерлемені бірден 1 пайыздық пунктке көтерді. Қазіргі инфляция жылдамдап, инфляциялық күтулер өсіп және теңге құнсызданғанда, Ұлттық банк мөлшерлеменің қазіргі деңгейін сақтап қалуы ықтимал. Қазір салық саясатының ынталандырушы сипаты, айырбас бағамы әлсіреп және реттелетін баға өсіп жатқандықтан, жалпы алғанда орынды шешім...

Қазақстанда ең төменгі төлем екі жылдан бері 85-мың теңгеден көтерілмей тұр. Азаматтардың шығыны артып, кірістері төмендеп кетті. Сол себепті ең төменгі айлықты инфляцияға сай индекстеу қажет. Мұндай ұсынысты Мәжіліс депутаты Ерлан Саиров айтты.

Депутат Үкіметтің жасап жатқан шараларына қарамастан, қазақстандықтардың әл-ауқаты мәз еместігін айтты.

Қазақстандықтар қайда көп ақша жұмсайды?

«Ұлттық статистика Бюросының мәліметтеріне сүйенсек, жан басына шаққандағы кіріс 112-мың теңгені құрайды, оның 98-мың теңгесі тек қана азық-түлік, киім-кешек, коммуналдық қызметті төлеуге кетеді. Мысалы, күріштің бағасы 31,3-пайызға, жұмыртқа 16,9-пайызға, сары май мен сүт өнімдерінің бағасы 12 пайызға өскен»,- деді депутат Премьер-министр орынбасары Тамара Дүйсеноваға

«Қазатомөнеркәсіп» ұлттық атом компаниясы» АҚ 2025-2034 жылдарға арналған жаңартылған даму стратегиясын бекітті. Бұл туралы компанияның баспасөз қызметі хабарлады. Компания өзінің басты стратегиясы ретінде ядролық отын цикліне қатысуын кеңейтуді көздеп отыр.

«Қазатомөнеркәсіп» ұлттық атом компаниясы» АҚ компанияның 2025-2034 жылдарға арналған жаңартылған даму стратегиясын директорлар кеңесі бекіткені туралы хабарлайды», – делінген баспасөз хабарламасында.

Компания мәліметінше, кәсіпорын 2018-2028 жылдарға белгіленген негізгі стратегиялық мақсаттарды мерзімінен бұрын орындаған. Сол себепті даму стратегиясын жаңарту қажеттілігі туындаған. «Қазатомөнеркәсіпті» дамытудың 2025-2034 жылдарға арналған жаңартылған стратегиясында ядролық отын нарығындағы өзгерістер ескерілген. Солайша жаңа стартегия уран өнімдеріне, сирек және сирек кездесетін жер металдарына...

Ресейлік Риа Новости сайты Ақтау маңында апатқа ұшыраған әзербайжандық Azal әуе компаниясына тиесілі ұшақтың қара жәшіктері Бразилиядан Қазақстанға қайратылғанын хабарлады. Алайда қазақстандық құзырлы органдар мұны растамады.

Мән-жайы

Ресейлік медиа Қазақстанның бас прокуратурасына сілтей отырып қара жәшіктер Бразилиядан Қазақстанға қайтарылып, әуе апатына қатысты қорытынды шығару үшін комиссияға тапсырылғанын жазды. 

«Әуе апаты болған күні әуе кемесінің апатын тергеу бойынша мемлекеттік комиссия құрылды. Оның құзыретіне борттық жазбаларды (қара жәшіктерді) шешу кіреді. 1944 жылғы 7 желтоқсанда қабылданған Халықаралық азаматтық авиация туралы Чикаго конвенциясы мен басқа да халықаралық стандарттарға сәйкес борттық жазбалар Бразилия тарапынан алынып, қорытынды шығару үшін...

«ҚазМұнайГаз» АҚ мен арабиялық компания жаңа кемелер жасауға кіріседі. Бұл туралы отандық компанияның баспасөз қызметі хабарлайды.

Келісім аясында, «ҚазМұнайГаз» компаниялар тобына кіретін «Қазақтеңізкөлікфлоты» мен арабиялық AD Ports Group екі заманауи контейнерлік кеме жасайды. Олар Каспий теңізінде жұмыс істеуге арналған, сыйымдылығы 500 ЖФЭ-ден асады.

«Құжат Каспий өңірінде серіктестікті нығайтуға және бизнесті кеңейтуге бағытталған. Жаңа шағын кемелер Транскаспий бағытының айналымы мен өткізу қабілетін арттыруға мүмкіндік береді», – деп жазылған хабарламада.

Сондай-ақ аталған компаниялар Каспий теңізі арқылы өтетін интермодальды паром желісін дамыту бойынша жоспарды нақтылады. Бұл жоба аясында сыйымдылығы жоғары паромдар салынып, заманауи терминал инфрақұрылымы құрылу керек. Ол...

2025 жылдың 15 қаңтарында Алматы қаласында 6 мен 18 жас аралығындағы жеті жас санаты бойынша юниорлар арасында шахматтан Қазақстан чемпионаты басталды. Турнир уақыт стандарты (классикалық), жылдам (рапид) және шапшаң (блиц) бойынша үш санатта өтеді.

Қазақстан шахмат федерациясының (ҚШФ) президенті Тимур Турловтың айтуынша, бұл турнир жас таланттарға өздерін көрсетуге ғана емес, 2025 жылы өтетін беделді халықаралық жарыстарға ел атынан қатысуға мүмкіндік береді.

«Чемпионат қазақстандық шахматтың жаңа маусымын аша отырып, көптеген жарқын жеңіс пен жетістіктердің негізін қалады. Біз шахмат позициямызды әлемдік деңгейде нығайту үшін барлық қажетті шараларды жалғастыра береміз», — деді Турлов.

2024 жылғы...

Денсаулық сақтау министрлігінің дерегінше, 2012 жылдан бері трансплантация бағдарламасы бойынша 2 800 донорлық органды ауыстыру отасы жасалған. Оның 84%-ы, яғни 2 353 отаға тірі донордың мүшесі алынған. Қаза болған адамдардың органынан алынып, 447 ота  жасалған. Бұл – жалпы жасалған отаның 16%-ы.

Тарқатып айтсақ, 2 078 бүйрек, 451 бауыр, 98 жүрек, 22 өкпе, 2 ұйқы безі, 59 қасаң қабақ алмастырылған.

Қазіргі кезде Қазақстанда 4 113 адам ішкі ағзасын ауыстыру үшін кезекте тұр. Оның 95-і – балалар. 3 672 адам бүйрегін, 184 адам бауырын және 138 адам жүрегін ауыстырмақ.

«Органдардың трансплантациясы – медициналық процедура ғана емес, көп адамдар үшін жаңа өмір бастаудың мүмкіндіг...

Қазақстан қор биржасы өз акционерінің түпкі иесі туралы ақпарат ала алмаған. Бұл туралы KASE-нің 2024 жылғы жұмыс нәтижесі туралы баспасөз жиынында қордың басқарма төрағасы Алина Алдамберген айтты.

«Мәскеу қор бижасы KASE акционерлері қатарынан шығып, өз үлесін инвестициялық пай қорларына сатты. Олардың нақты акционерлері туралы ақпарат алу үшін осы ұйымдарға жүгіндік. Алайда жауап болмады, қазір қолымызда нақты мәлімет жоқ», – деді Алдамберген.

Қазақстан қор биржасының акционерлері кім?

Қор биржасының негізі акционері – Қазақстан Ұлттық банкі. Бас банк KASE-нің 46,9 пайыз акциясын иеленеді. Олан бөлек, ірілі ұсақты 105 акционері бар. Былтыр АҚШ...

Алғыс ретінде берілген сыйақы сомасы 5 АЕК-тен асса, пара болып саналады. Бұл туралы Мәжіліс кулуарында Сыбайлас жемқорлыққа қарсы іс-қимыл агенттігі Төрағасының бірінші орынбасары Ұлан Сарқұлов айтты.

Журналист ұстаздар мен дәрігерлердің мереке қарсаңында көп сыйлық алатынын айта келе, сыйлық сомасы қанша теңгеден асқанда пара болып есептелетіні туралы сұрады.

«Расында, мұнда алғыс ретінде берілген және пара ретінде берілген сыйлықтың ара-жігін ажыратып алған дұрыс. Жәй алғыс ретінде алынған сыйақы пара болып есептелмейді. Ал егер дәрігер порталда кезегіңізді жылжытып бергені үшін ақша алса, бұл пара болып есептеледі. Немесе қандай да бір көздеген мақсатыңызға қол жеткізу үшін сыйлық берген болсаңыз, ол...

«Алматы – Өскемен» автожолында әскери техниканың қатысуымен жол-көлік оқиғасы болды.

«ҚазАвтоЖол» ҰК-ның хабарлауынша, «Алматы – Өскемен» автожолы оңтүстік бағытының 56 шақырымында «Цзефан» автокөлігінің жүргізушісі Заречный ауылы маңындағы өтпежолдан келе жатқанда, тралдан екі бірлік әскери техниканы түсіріп алған.

Құлаған техника жүру бөлігіне аударылып, жүк көлігін сүйемелдеп келе жатқан полицияның «Ssang Yong Actyon» автокөлігімен соқтығысты. «ҚазАвтоЖол» жариялаған суреттен полиция көлігінің артқы бөлігі жиырылып қалғанын көруге болады.

Жол-көлік оқиғасынан ешкім зардап шекпеген.

Әлеуметтік желіде полиция қызметкерлеріне «кезекшілікке шыққан әр экипаж кемінде 5 айыппұлдан салуы керек» деген тапсырма берілген видео тарап жатыр. Әкімшілік хаттамаларды рәсімдеу бойынша жұмысты барынша күшейту туралы да тапсырмалар берілген. Бұл мәселе «Ақ жол» партиясының депутаттарының назарына да ілікті. Азаматтарға жаппай айыппұл салу мәселесіне алаңдаушылық білдірген депутаттар ІІМ министрі Ержан Саденовке сауал жолдады.

Полицейлер айыппұл салу бойынша қандай тапсырмалар алды?

Депутаттың айтуынша, әрбір аудандық ішкі істер бөлімдері күніне кемінде екі жүз айыппұл, ал кезекшілікке шыққан әрбір полицей күніне кемінде бес айыппұл салуы тиіс деген тапсырмалар алады. Оған дәлел ретінде бейнежазбалар да бар екен. Тіпті мұндай дыбыстық және бейне...

2024 жылы қор биржасындағы квазимемлекеттік компаниялардың үлесі артты. Бір жылда мемлекеттің қатысуы бар компаниялар бірінші нарықта 6,05 трлн теңгеге мәміле жасасқан. 2023 жылы аталған көрсеткіш 5,2 трлн теңге еді. Бұл туралы KASE-нің бір жылдық есебінде басқарма төрағасы Алина Алдамберген айтты.

Квазимемлекеттік сектордағы компаниялар орта есеппен күніне 20 мәміле жасап отырған. Орташа сауда-саттық көлемі – 31,9 млрд теңге. Биржаға шығарылған құнды қағаздардың басым көпшілігі 5-10 жылға (2,3 трлн теңге) және 1-3 жылға (1,5 трлн теңге) арналған.

Оның ішінде Қаржы министрлігі 10,74-13,50%-бен 38 шығарылым жасады. Олардың жалпы көлемі 5,6 трлн теңгеге жетеді. Ал 462,1 млрд теңгені Алматы, Астана және Шымкент қаласы мен...