Жаңалықтар

Автокөлік нарығында Еуроодақ пен Қытайдың бір-біріне шүйлігуі күшейіп келеді. Дегенмен екі тарап өзара келісссөз жүргізуге шешім қабылдады. Мұны Германия құптап отыр.  Брюссель мен Бейжің кедендік баж салығы бойынша «бастапқы келіссөздер үшін жол картасын» жасақтау үшін диалогқа дайын екенін ҚХР Сауда министрлігі хабарлады. Бұл жөнінде DW басылымы жазды.

Еурокомиссия  шілде айынан бастап 5%-ға дейін қосымша баж салығын енгізуге шешім қабылдады. Қытай былтыр ЕО елдеріне 10 млрд еуроға электромобиль экспорттаған. Еуропа Бейжің сапасы төмен электромобиль дайындайды, сол арқылы нарықты жаулап алады деп қауіптенеді. Қытай салықтың қымбаттауына наразы. Себебі кейбір көліктер үшін алым мөлшері  48%-ға жетпек.

Көп ұзамай Қытай тарапы да Еруокомиссия...

Президент Қасым-Жомарт Тоқаев ішкі істер органдарының қызметкерлерін Полиция күнімен құттықтады. Бұл жөнінде Ақорда баспасөз қызметі хабарлады.

–Құрметті полиция қызметкерлері!

Кәсіби мерекелеріңізбен құттықтаймын!

Сіздер заң пен тәртіпті сақтауға, азаматтардың қауіпсіздігі мен тыныштығын қорғауға елеулі еңбек сіңіріп келесіздер.

Әділдік идеясы үстемдік құрған қоғамда полиция қызметкерлеріне жоғары талап қойылып, зор жауапкершілік жүктеледі. Сіздер антқа адалдықтың және жұртқа жанашырлықтың озық үлгісін көрсетулеріңіз керек. Әрбір тәртіп сақшысының қызметін мінсіз атқарып, білікті маман, отаншыл азамат болуы өте маңызды.

Сіздердің әділетті мемлекет пен берекелі қоғам құруға өлшеусіз  үлес қосып, «Заң мен тәртіп» қағидатын орнықтыруға атсалыса беретіндеріңізге сенемін, – деді Президент.

Тәуесіздік...

«Жасыл Қазақстан» ұлттық жобасы 2021 жылдың қазан айында іске асырыла бастады. Оның негізгі мақсаты – республикадағы экологиялық жағдайды жақсарту. 2021−2025 жылдарға арналған бірқатар міндеттерді орындауға 1,413 миллиард теңге бөлінді.

Кейін Жоғары аудиторлық палата (ЖАП) сол жоспардың 80%-ы қаржыландырылғанын, жоба көрсеткіштерінің 78%-ға жеткенін және оның тиімділігі төмен екенін мәлімдеді. Дегенмен Қазақстан тұрақты даму саласындағы міндеттерден бас тартпай, осы саладағы халықаралық бастамаларға қатыса бермек.

Ел президенті Қасым-Жомарт Тоқаев 2024 жылғы 10 маусымдағы жарлығымен жасыл экономикаға көшу тұжырымдамасына бірқатар өзгерістер енгізді. Құжатта жасыл экономикаға көшу – Тұрақты даму мақсаттарына жетудің негізгі жолы және Қазақстанның Париж келісімі аясында парниктік газдар шығарындыларын азайтуға қосқан үлес...

Астанада «Хан Шатыр» маңындағы ғимараттан өрт шықты. Өртеніп жатқан – «Rixos Khan Shatyr Residences” тұрғын үй кешені.

«Осы минуттарда Астана қаласында өрт сөндірушілер Тұран даңғылы 37/9 мекенжайында орналасқан ғимаратта шыққан өртті сөндіріп жатыр», – делінген ТЖМ хабарламасында.

Өрт сөндірушілер келіп жеткенде тұрғын үй кешенінің 26-қабатындағы сыртқы жабын өртеніп жатқаны белгілі болды. Өрт қауіпі жоғары деңгейде.

Оқиғаның мән-жайы анықталып жатыр. 2gis мәліметі бойынша тұрғын үй кешенінде бірнеше ұйым орналасқан. Олардың ішінде: JAC Allur дилері, «Bereke банктің» бөлімшесі, «Аманат» сақтандыру компаниясы, Allur Finance автонесие компаниясы және т.б. бар.

Ақтөбе облысы, Мұғалжар ауданы Жарық ауылының маңында дельтаплан апатқа ұшырап, ұшқыш қаза тапты. Құрылғы «Самғау АГРО» ЖШС-ге тиесілі болған.

Азаматтық авиация комитетінің хабарлауынша, дельтаплан өндірістік жұмысты орындап жүрген.

«Бұл оқиға бойынша ҚР Көлік министрлігі авиациялық оқиғаны тергеп-тексеру жөніндегі комиссия құрды. Көліктегі оқиғалар мен оқыс оқиғаларды тергеп-тексеру департаментінің қызметкерлері авиациялық оқиға орнына жіберілді», – делінген хабарламада.

Дельтапланға иелік еткен «Самғау АГРО» ЖШС компаниясы 2015 жылы Шымкентте тіркелген. Құрылтайшысы және директоры – Артық Уәлиханов.

Сонымен қатар 21 маусым күні Қызылорда облысындағы Мәдениет ауылының маңында «Самғау АГРО» ЖШС-ге тиесілі Ан-2 ұшағы жерге қатты екпінмен...

Астана қалалық соты «Атырау мұнай өңдеу зауытының» бұрынғы бас директоры Ғалымжан Жусанбаевты қызметіне қайтару туралы шешім қабылдады.

Қызметінен қуылған Жусанбаев АМӨЗ үстінен шағымданған болатын. Астана қаласының азаматтық істер жөніндегі ауданаралық соты Жусанбаевтың еңбек шартын бұзу туралы бұйрықты жарамсыз деп тану, бас директор лауазымын қалпына келтіру, мәжбүрлі жұмыстан шығу уақыты үшін жалақыны өндіріп алу және моральдық зиянды өтеу туралы талабын қараған. Нәтижесінде сот зауыттың бұрынғы басшысын қызметіне қайтару туралы шешім шығарған.

«Бұл жағдайда қызметкер сынақ мерзімінде жұмыстың теріс нәтижесі болмаса да ешқандай себепсіз жұмыстан босатылды», – делінген хабарлама.

Сот шешімімен талап қанағаттандырылды. Сот жауапкермен...

Қызмет барысында алуға болатын демалыс түрі аз емес. Еңбек демалысы, бала туғанда және оның күтіміне байланысты демалыс, ауырып қалған кезде жұмысқа бармайтын кез сынды түрін жақсы білеміз. Бірақ көпшілік біле бермейтін, соның ішінде қазақстандықтарға аса таныс емес демалыс бар. Ол — саббатикал. Бір қарағанда қиял қуған адамның әңгімесі, еріккеннің ісі көрінуі мүмкін. Десе де, дамыған елдер бұл демалысқа салмақты қарап, қызметкер үшін аса қажет деп санайды. Бұл қандай демалыс? Оны кімдер ала алады? Саббатикалға шығу үшін қалай жеткізу керек? Kursiv Media тілшісі осы туралы материал дайындады.

Саббатикал деген не?

Саббатикал — қызметкердің негізгі жұмысынан бірауық демалып, күш-жігер жинап...

Бас прокуратура «Бәсе» каналының авторы Айдос Садықовқа Киевта жасалған қастандық ісі бойынша күдіктілердің бірі ұсталғанын хабарлады. Алтай Жақанбаев Қазақстанның құқық қорғау органдарына өзі берілген.

21 маусымда Алтай Жақанбаев Қазақстан Республикасының ішкі істер органдарына өзі хабарласып, одан істің мән-жайы бойынша жауап алынған. Сол күні осы қылмысты жасады деген күдікпен ұсталды.

«Бас прокуратура Украинаның құзіретті органдарына Жақанбаев пен Каратаевтың жасалған қылмысқа қатыстылығы туралы қылмыстық істің материалдарын беру туралы халықаралық тергеу тапсырмасын жолдады», – делінген хабарламада.

Екінші күдікті Мейрам Каратаев іздестіріліп жатыр.

Айдос Садықовқа қатысты істің мән-жәйі

18 маусымда Киевтегі Шевченко ауданында белгісіз адам тұраққа...

Түркістан облысының Жетісай аудандық білім бөлімінің 40-тан астам қызметкері 4 миллиард теңгені жымқырды деген күдікке ілінді. Олардың қатарында аудандық білім бөлімінің бухгалтерлері мен басшылығы бар. Бұл туралы Түркістан облыстық прокуратурасы хабарлады.

Жетісай аудандық білім бөлімінің қызметкерлері 2021-2023 жылдар аралығында 4 миллиард теңгеден астам қаржы ұрлады деген күдікке ілінді.

Тергеушілердің айтуынша, басшылық пен есепшілер өздерінің, сондай-ақ туыстары мен жақындарының есепшоттарына белгіленген жалақыдан артық ақша аударған.

«Облыс прокуратурасының арнайы прокурорлары 41 қызметкерді, оның ішінде 2 білім бөлімінің басшысын, 1 бас есепші, 2 орынбасарын және 36 есепшіні күдікті ретінде таныды», – делінген хабарламада.

Білім басқармасының бұрынғы...

Freedom Bank-тің өсу әлеуеті жоғары. Ол алдағы уақытта 4 есе өсім көрсетуі ықтимал. Бұл туралы Freedom Holding Corp. басшысы Тимур Турлов 2024 қаржы жылы есебінің таныстырылымында айтты.

«Біз қанатын кеңге жаюға дайын тұрған көптеген керемет жоба жасадық. Олардың өсу әлеуеті шексіз. Қазірдің өзінде елімізде 15-16 миллион адамға қызмет көрсететін бәсекелестеріміздің профилін қараймыз. Әзірге банктегі клиент саны 1 миллионға, ал экожүйедегі жалпы клиент саны 5 миллионға жуықтады. Кросс-сейл әлеуетіміз тым жоғары. Бәсекелестердің өкшесін басу үшін әлі 4 еседей өсуге мүмкіндігіміз жетеді. Оған қоса біз тек банк секторында өсіп келе жатқан жоқпыз. Сақтандыру, инвестициялық банкинг, әуе...

Дәстүрге айналып үлгірген Qalam порталында жарияланған материалдардың апталық топтамасын ұсынамыз. Демалысты пайдалы әрі қызықты өткізуді жоспарласаңыз бізбен бірге болыңыз. Орта ғасырдағы Батыста ең танымал кескіндеме сюжеттерінің бірі — билеген қаңқалар немесе danse macabre. Ондай сұмдықты не үшін бейнелеген? Ұлы Литов кінәздігінің тарихы туралы дәріс және мектеп бағдарламасын еске түсіріп, біліміңізді сынап көруге арналған Қазақстан тарихы бойынша тест пен апта сайын жарық көретін «Петроглифтер» айдарында, жартастарға бейнеленген айнаның сиқыры туралы материал жарық көрді.

Ұлы Литов кінәздігінің тарихы

Ресей мен Украина қақтығысының түпкі мағынасына терең бойлап, саралауға арналған үш бөлімді дәрісітің алғашқы екеуін оқыңыз:

Бірінші дәріс

Мәскеу империясының баламасы ма?

22 маусымға қараған түрде Семейде аммиак селитрасы бар қойман өрт шыққан. Жалпы аумағы 4,5 мың шаршы метр қойманың 1 мың шаршы метрін қызыл жалын шарпыды. Таңға жуық өрт толық сөндірілді.

Өрт туралы ақпарат таңғы сағат үштер шамасында түскен. Өрт сөндірушілер қоймадағы өртті екі сағатқа жуық уақыт сөндірді.

«Семейде 1000 шаршы метр аумақта қойма өртенді. Зардап шеккендер туралы ақпарат жоқ», – делінген хабарламада.

Сағат 5.05-те Төтенше жағдайлар министрлігі өрт толық сөндірілгенін хабарлады. Алайда кейіннен ТЖМ телеграм-арнасынан бұл өрт жайлы ақпаратты алып тастады.

21 маусым түнгі уақытта Тараз қаласы металлургия зауытының аумағында өрт шыққан...

Мамандар елдегі зейнетақы жүйесін дамытуды жеделдету керек деп санайды. БЖЗҚ жанындағы қоғамдық кеңестің 27-отырысында сараптамалық топ осы мәселені зерделеген. «БЖЗҚ» АҚ баспасөз қызметінінің мәліметі бойынша топ ішінде Григорий Марченко, Ораз Жандосов, Болат Жәмішев, Қадыржан Дамитов, Әнуар Сәйденов, Елена Бахмутова сынды қаржыгерлер бар.

Олар Mercer CFA Institute Pension Index (MCGPI) жаһандық зейнетақы индексінің нәтижелерін саралаған. Ұйым индексі әлем халқының шамамен 64%-ын қамтитын 47 елдің зейнетақы жүйесін талдайды.

Қазақстан «тұрақтылық» қосалқы индексі (7-орын) және «тұтастық» қосалқы индексі (14-орын) бойынша өте жоғары бағаланды. Бұл біздің елімізде мемлекеттің, қызметкердің және жұмыс берушінің қатысуына негізделген тұрақты көпдеңгейлі зейнетақы жүйесін құруға негізделген.

Қазақстан «лайықтылы...

Freedom Holding Corp үшін 2024 қаржы жылы – рекордтық жыл болған. Холдинг басшысы Тимур Турлов өткен қаржы жылының жетістіктері мен нәтижесін жариялады.

Холдингтің 2024 қаржы жылындағы ( 2023 жылдың 1 сәуірінен 2024 жылдың 31 наурызына дейін) түсімі рекорд жасаған. Осы қаржы жылындағы түсім 1,6 млрд долларды құрап, 2023 қаржы жылымен салыстырғанда 105% өсім көрсетті. Тимур Турлов 2023 қаржы жылындағы түсімі 796 млн доллар болғанын атап өтті.

Түсімнің артуына компания пайыздық табысының өсуі себеп болған. Пайыздық кірістің 533,5 млн долларға ұлғаюы сауда портфелінің және ондағы облигациялардың үлесінің кеңеюімен байланысты. Сонымен бірге клиенттерге берілген банктік кредиттер, маржалық қарыздар, кері РЕПО...

Қазақстанда жасөспірімдер футболын дамытатын Freedom QJ League әлемдік деңгейдегі бренд – Red Bull компаниясымен серіктестік туралы келісімге қол қойғанын жариялады. Осы Келісім шеңберінде QJ лига спорт менеджерлері мен жаттықтырушыларына тағылымдамадан өтуге мүмкіндік береді. Олар Германия мен Аустрияның футбол клубтарында тағылымдамадан өтіп, тәжірибелерін шыңдай алады. Сондай-ақ қазақстандық жас футболшылар шетелдік клубтарда бақ сынауға мүмкіндік алады.

Freedom QJ League президенті Рохус Шох аталған серіктестік келісімі қандай мүмкіндіктерге жол ашатынын түсіндірді.

«Біздің лига жаһандық және әлемге әйгілі жаңа серіктестерді тартуға бағытталған. Бұрын біз  сондай серіктестердің бірі Mastercard-пен серіктестікке қол қойған едік.  УЕФА Чемпиондар лигасының демеушісі болған компания қазір...

Ауыл шаруашылығы министрлігі агроөнеркәсіп нысандарын субсидиялау тәртібі оңайлатылғанын хабарлады. Өсімдік шаруашылығы өнімінің өнімділігі мен сапасын арттыруды субсидиялау ережелеріне өзгерістер енгізілді.

Ережеде ауыл шаруашылығын субсидиялаудың тиімділігін арттыру қарастырылған. Өндірушілер енді өндіріс көлемін ұлғайту және сақтау бойынша белгілі бір міндеттемелерді орындауы керек.

«Өзгерістер АӨК жалпы өнімінің көлемін ақшалай түрде ұлғайтуға бағытталған қарсы міндеттемелерді енгізу жолымен ауыл шаруашылығын субсидиялаудың тиімділігін арттыру қарастырылған.

Бұл өз өнімдерінің өнімділігі мен сапасын арттыру үшін субсидия алатын ауылшаруашылық өнімдерін өндірушілер енді өндіріс көлемін ұлғайту және сақтау бойынша белгілі бір міндеттемелерді орындауы керек дегенді білдіреді. Олардың  тиімділігі өндірілген өнімнің ақшалай құны бойынша бағаланады...

Соңғы бір аптада теңге бағамы қатты құбылып тұр. Ұлттық банк демалыс күндері үшін ресми америкалық валютаның бағамын 464,72 теңге деп белгіледі. Бұл мән қараша айының ортасынан бері, яғни 7 айдан астам уақыт ішіндегі ең жоғары көрсеткіш.

Өткен демалыс күндерімен салыстырғанда доллар 3,1%-ға қымбаттады, әсіресе, 18 маусымдағы сауда нәтижелері мен бүгінгі күннің қорытындысы бойынша айқын көрінді: екі жағдайда да доллар алдыңғы күнге қарағанда 1,1%-ға өсті.

Демалыс күндеріндегі еуро бағамы – 496,32 теңге. Бұл қаңтар айының ортасынан бері ең жоғары деңгей, өткен аптамен салыстырғанда +2,9%.

Рубль 5,4 теңгеде тұр, өткен аптамен салыстырғанда бұл бірден +6,9%. Жақында ол тіпті 5,54 теңге болды...

ШҚО мамандандырылған табиғат қорғау прокуратурасының талап-арызы бойынша мыс өндіру кенішін жою үдерісі заңсыз деп танылды. Бұл жөнінде аталған облыс прокаратурасы хабарлады.

Бұрынғы Юбилейно-Снегирихинское кен орнының шахта суының ағуы салдарынан Малая Карагужиха өзені металдармен ластанған және Глубокое ауданындағы Снегириха тауы опырылған.

Табиғат қорғау прокуратурасы «Шығыстүстімет» ЖШС-нің кенішті жою технологиясының талаптарын сақтамағанын анықтады. Соның салдарынан ауданы 15 000 шаршы метрден асатын тау жынысы опырылып түсті.

ШҚО экология департаментінің су сынамаларын зерттеді. Соның қорытындысына сай судың құрамында ауыр металдардың (мырыш, кадмий, темір, марганец және т.б.) шекті рұқсат етілген концентрациясының нормативтері 83 мың есе көбейгені мәлім болды.

Кенішті жою кезінде кәсіпорын жеке рекультивация...

Ұлттық банк  мәліметінше сыртқы борыш статистикасын талдаудың көбінесе теріс астары болуы мүмкін. Алайда сыртқы борыштың тікелей қарыз алудан басқа шетелден капитал тартудың табиғи салдары екенін түсіну қажет.

Бұл ретте сыртқы борыш (СБ) оңтайлы деңгейі экономикалық даму дәрежесін, макроэкономикалық орнықтылықты, елдегі  инвестициялық климат, қарыз қаражатын жұмсау кезіндегі тиімділік пен транспаренттілікті қоса алғанда, көптеген фактормен анықталады. СБ орнықтылығы мен оңтайлылығын анықтайтын әртүрлі көрсеткіштер бар. Объективті бағалау үшін оларды кешенді түрде қарастыру қажет.

Жоғары да айтқандай, сыртқы борыштың түрлері болады және ол әр мемлекетте әртүрлі көрініс тапқанымен, оның ішіндегі фирмааралық борыш пен мемлекеттік борыш ең маңызды түрі болып қала береді.

Ең көп таралған...

Депутат Ермұрат Бәпи ағайынды Нығматуллиндер – Нұрлан мен Ерланға, сондай-ақ «Назарбаев дәуіріндегі» басқа да олигархтарға қатысты қылмыстық істі қозғауға қатысты пікір білдірді. Оның айтуынша, әзірге тергеуді бастауға заңды негіз жоқ немесе белгілі бір келісім бар.

«Менің ойымша, бірдеңені (ред-тергеу) бастауға мұндай мүмкіндік немесе заңды негіз жоқ. Бірақ, екінші жағынан, Ескі және жаңа Қазақстан арасында қандайда бір келісімдер бар деп есептеймін. Менің ойымша, бұл мәселенің де өз кезегі болады, біз Нығматулиндер мен Назарбаев кезеңіндегі басқа да олигархтардың мәселесіне қайта ораламыз», – деді Бәпи Парламент палаталарының бірлескен отырысының кулуарында.

Депутаттың пайымынша, мемлекет қоғамда шиеленіс тудырып алмас үшін...

БЖЗҚ активтерінің инвестициялық табысы елдегі инфляциядан аса алмай жатыр. Бірінші несие бюросының мамандары 1 маусымда Ұлттық банк басқаруындағы зейнетақы активтерінің инвесттабысы 3,49%-ға жеткенін жазады. Алайда осы кезеңде елдегі инфляция 3,50%-ды құрап тұр.

Яғни зейнетақы активтерінің нақты кірістілігі теріс мәнде қалыптасқан. Дегенмен өткен айдың көрсеткішімен салыстырғанда, сәл жақсы. Мамырда көрсеткіш -0,22% болса, қазіргі көрсеткіш – 0,1%.

Өткен 5 айда инвестициялық кіріс 647 млрд теңгеге жеткен. Бұл бір жыл бұрынғы көрсеткіштен 27%-ға артық.

Тағы бір тиімсіз категория – шетел валютасын қайта бағалау. Яғни теңге нығаюының жалғасуы. Соның салдарынан жыл басынан бері минус 47 млрд теңге шығын қалыптасқан. Сарапшылар...

Канада Қытайда жасалған электромобильдерге салынатын кедендік баж салығын арттыруға дайындалып жатыр. Былтыр электрлі көлік импорты 20 еседен астамға өскен. Іргелес АҚШ пен ЕО-да баж салығы күрт өсіп еді, Канада билігі енді ел нарығы Қытайдан келген электромобильдерге толып кете ме деп алаңдап отыр.

Толығырақ

Джастин Трюдо бастаған Канада үкіметі Қытайда шығарылған электромобильдерге баж салығын салуды жоспарлап отыр деп хабарлады Bloomberg агенттігіне аты жасырын бір канадалық шенеунік. Үкімет бұл жағдайда нақты қалай әрекет ететіні әлі белгісіз, жақын арада импорттық баж салығы бойынша қоғамдық консультациялар өтеді.

Канада Статистика басқармасының мәліметі бойынша, Қытайдан Канадаға келген электромобильдер импорты өткен жылы 2,2 миллиард канадалы...

Сірескен деп отырғанымыз – стрестік активтер. Берешегін өтей алмаған немесе өтеуді кешіктірген клиенттің мүлкі банк балансына өтеді. Сөйтіп не ары емес, не бері емес, стрестік активке айналып шыға келеді. Біржақты ету үшін бұл активтерді экономикалық айналымға енгізу қажет. Сонда экономиканың тамырына қан жүгіріп, белсенділік артады. Пайдасы да тиеді. Бұл мәселе бізде әлі өзекті. Қазіргі уақытта шамамен 1,6 трлн теңгеге жуық стрестік активті экономикаға тарту көзделіп отыр.

Стрестік активтер

Стрестік активтер – негізінен екінші деңгейлі банктер балансындағы, проблемалық несиелер қорындағы және стрестік активтерді басқару ұйымдарындағы жылжымайтын мүлік, жер учаскелері, өндірістік объектілер мен жабдықтар түріндегі проблемалық несие мен өндіріп алынған мүліктер...

«Қазпошта» сәлем-сауқатты дронмен тасымалдайтын күн алыс емес. Ол үшін АҚШ тәжірибесін зерттеу жұмыстары қолға алынған. Бұл туралы Қазақстан қор биржасы алаңында өткен KASE Talks барысында «Қазпошта» АҚ Басқарма төрағасы Әсел Жанасова айтты.

Оның сөзінше, Америкада дрондар сәлемдемелерді қазірдің өзінде әп-сәтте жеткізеді. Нью-Йоркте поштаны жылдам жеткізетін дрондар бойынша үлкен жобасы бар.

«Сіз зат сатып аласыз, оны жеткізу үшін уақыт керек. Бұның бәрі үнемі кептеліс болып тұрады. Адамдар жеткізудің жаңа әдістерін табуда. Біз де ұшқышсыз жеткізу әдістері бағытын қарастыру керекпіз ойлаймын. Ол үшін бәріміз бірге сол инфрақұрылымды дайындауымыз керек. Яғни бұл 3D карталар», – деді Әсел Жанасова.