Жаңалықтар

Украина Ресейдің бірнеше қаласындағы өндірістік орындарға зымыранмен, дронмен соққы жасады деп хабарлады ВВС.

Басылым ресейлік телеграм арналарға сүйеніп, 13 қаңтардың кешінде Украина Қарулы Күштері Брянск облысы Сельцо қаласындағы Брянск химия зауытына зымыранмен соққы жасағанын жазды.

Кейбір дереккөздерде бұл соққы кезінде америкалық ATACMS баллистикалық зымырандары қолданылғаны айтылады.

Әлеуметтік желілерде қала үстінде жарылыстардың дыбысы мен жарқылдардың видеолары тарауда.

«Mash» және «Shot» арналарының ақпараты

Mash арнасы «зымыранның сынықтары кәсіпорын аумағына құлағанын» хабарлады. Бұл ақпаратты Shot та растайды.

Mash мәліметінше, HIMARS зымыранының сынықтары Брянскідегі «Кремний» зауытының аумағына түскен. Бұл кәсіпорын микроэлектроника өндірісімен айналысатын Ресейдегі осы саладағы зауыттың бірі.

Дрондардың Қазан зауытына...

Ұлттық Банк айырбастау пункттеріндегі шетелдік валюталарды сатып алу және сату бағамдарының арасындағы спредті белгіледі.

Спред дегеніміз не?

Спред – валютаны сатып алу мен сату бағасының арасындағы айырмашылық.

Реттеушінің жаңа өзгерісі бойынша, енді айырбастау пункттерінде долларды сату мен сатып алу кезіндегі айырмашылық 7 теңгеден аспау керек. Яғни америкалық валюта 528 теңгеден сатылса (Ұлттық банк сату курсы, 14.01.2025), оны сатып алу бағамы 535 теңгеден аспайды.

Ал еуроны сату мен сатып алу кезіндегі айырмашылық 10 теңгеден аспауы тиіс. Егер бұл валюта 539 теңгеден сатылса (Ұлттық банк сату курсы, 14.01.2025), оны сатып алу бағасы 549 теңгеден асып кетпеуі қажет.

Аталған...

АҚШ-тің Лос-Анджелес қаласы тұрғындарына жаппай аймақтан кету туралы хабарламалар келе бастады. Эвакуацияға қатысатын адамдар саны шамамен 9 млн адам.

Лос-Анджелестің барлық тұрғындары биліктен эвакуациялауға шақырған шұғыл хабарлама алған. Жергілікті Los Angeles Times басылымның тілшісі Бриттни Мэги хабарлама қала тұрғындарын қорқытқанын атап өткен.

Ескерту шаралары Калифорния штатының көптеген аудандарын қамтыған өрттерге байланысты жүзеге асып жатыр. Дегенмен қала билігі штаттың барлық тұрғындары емес, қаланың бірнеше бөлігіндегі тұрғындар ғана эвакуациялануы қажет екенін айтқан.

Билік шұғыл эвакуация тек Калабасас және Агура Хиллз аудандарының тұрғындары үшін жария болғанын түсіндірді. Эвакуацияға байланысты іс-шаралар туралы нақты ақпарат алу үшін қала тұрғындарына округтің веб-сайтына жүгіну ұсынылды.

Айта...

Қытайдың ByteDance компаниясына TikTok-тың АҚШ-тағы активтерін сатуға берілген уақыты аяқталуға жақын. Осыған орай демократиялық партия сенаторлары президент Джа Байденнен тыйым мерзімін шегере тұруды сұраған.

«Дүйсенбіде демократиялық партияның екі заң шығарушысы АҚШ президенті Джо Байден мен Конгреске Қытайдың ByteDance компаниясына TikTok-тың АҚШ-тағы активтерін сатуға берілген мерзімін ұзартуды ұсынды», – деп хабарлайды Reuters басылымы.

Басылым мәліметінше, егер 19 қаңтарға дейін компания активтерін сатып үлгермесе, қолданбаға Америка аумағында тыйым салынуы мүмкін.

Ал компанияның қорғаушысы Ноэль Франциско активтерді сату шараларының АҚШ билігі белгілеген уақытқа дейін аяқталмайтынын мәлімдеген. Қорғаушы 170 миллион америкалық пайдаланатын қосымшаға тыйым салынса, платформаның елдег...

Қызылорда облысында заңсыз аң аулаған екі тұрғынға қатысты сот үкімі шықты. Олар киіктерді көлікпен қуып, оқ атқан. Бұл әрекеттері үшін айыпталушылар қомақты айыппұл мен бас бостандығынан айыру жазасына кесілді.

Табиғатты қорғау инспекторларының мәліметінше, браконьерлердің көлігін тексеру барысында 30 туша киік еті мен 5 киіктің басы табылған. Сараптама қорытындысы бойынша, мемлекетке келтірілген залал 80 млн теңгеден асып түсті.

Сот үкімі

Қызылорда облысының қылмыстық істер жөніндегі мамандандырылған ауданаралық соты екі сотталушыны ҚР Қылмыстық кодексінің 337-бабының 6-бөлігі, 2-тармағы бойынша кінәлі деп таныды.

Олардың бірі құқық қорғау органдарының қызметкері болғаны үшін жазасы ауырлататын мән-жай ретінде танылды. Сот үкімімен сотталушылар:

АҚШ президенті Джо Байден әкімшілігі ЖИ жүйесіне арналған жоғары технологиялық чиптердің экспортына тыйым салатынын мәлімдеді.

Экспортқа шектеу Ұлыбритания, Германия, Канада, Жапония, Оңтүстік Корея тәрізді АҚШ-тың одақтастарына таралмайды. Яғни Америкаға ең жақын 18 мемлекет ЖИ-чиптерін қанша көлемде болсын сатып ала алады.

Ал өзге 120 елге лимит қойылған. Әр қайсысы жылына 50 мың процесстордан артық сатып ала алмайды. Бірақ жеке компаниялар лимит аяқталса да чипті сатып алуға арнайы рұқсат алуына мүмкіндік бар. Чиптің экспортына шектеу қойылған елдер арасында Израиль, Польша, Швейцария, Португалия, Мексика, Қытай бар.

Америкалық басылымдардың жазуынша, жаңа ережелер бірінші кезекте Қытайға ЖИ-чиптерді жеткізуге шектеу салуға бағытталған. Әр...

Ақтөбеде кепілге алынған екі адам қайтыс болды / фото: shutterstock

Ақтөбеде бірнеше тұрғынды кепілге алған күдікті ұсталды. Кепілге алынған үш адамның екеуі қайтыс болды. Бұл туралы Ақтөбе қаласының полиция департаменті хабарлады.

Полицияның мәліметінше, бірі ауруханаға бара жатқан жолда қайтыс болды. Бірі операция үстелінде көз жұмды. Үшінші адамның жағдайы ауыр.

Оқиға туралы ақпарат «102» қызметіне кешкі сағат сегіздер шамасында түскен. Белгісіз ер адам 1905 жыл көшесіндегі жер үйге кіріп, үш адамды кепілге алған. Кепілге алынған – бойжеткен қыз бен оның ата-анасын сарайда ұстаған. Оқиға орнына жедел жеткен арнайы топ күдіктімен келіссөз жүргізіп, үш адамды босатып, күдіктіні қолға түсірді.

Экологиялық залал келтіргені үшін 32 млрд теңге айыппұл салынған «Маңғыстаумұнайгаз» компаниясы осы шешімге байланысты Жоғарғы сотқа шағым түсіреді. Бұл туралы компанияның баспасөз қызметі хабарлады.

Ақпаратқа сүйенсек, компания әкімшілік құқық бұзушылық кодексінің 328-бабының 1-бөлігі мен 6-бөлігі бойынша 31 млрд теңге айыппұл төлеу туралы Қарақия аудандық сотының шешімінің күшін жою туралы өтінішті Жоғарғы сотқа ұсынбақ.

Бұған қоса, 2024 жылдың 11 желтоқсанындағы экологиялық нормаларды бұзғаны үшін салынған тағы бір айыппұлға, 1,2 млрд теңгеге қатысты шешімге байланысты Маңғыстау облыстық сотына апелляциялық шағым түсірген.

Айта кетейік, 4 желтоқсанда «Маңғыстаумұнайгаз» компаниясына экологиялық талаптарды бұзғаны үшін 32 млрд теңге айыппұл салынып, үкім заңды күшіне еніп үлгерген...

Қазақстандық QazaqGaz ұлттық компаниясы Түрікменстандағы газ кен орындарын игеруге қатысуды жоспарлап отыр. Бұл туралы Ұлттық компанияның баспасөз қызметі хабарлады.

«QazaqGaz Түрікменстандағы газ кен орындарын, соның ішінде аса алып Галкыныш газ-мұнай кен орнын игеруге қатысуды жоспарлап отыр», – делінген хабарламада.

Көрші елдің газ кен орнын игеру мәселесі «QazaqGaz» басқарма төрағасы Санжар Жаркешовпен «Abu Dhabi National Oil Company» (ADNOC) компаниясының өкілі Мохаммед Аль-Арьянидің кездесуі кезінде талқыланған. Қос тарап екі елдің бірлескен геологиялық барлау жобаларын талқыға салған.

QazaqGaz-дың Түрікменстанда жұмыс істеуіне байланысты ынтымақтастыққа президент Қасым-Жомарт Тоқаевтың көрші елге барған сапарында қол қойылған.

Галкыныш кен орны Түрікменстанның оңтүстігіндег...

«Қазгидромет» синоптиктерінің мәліметінше 14-16 қаңтар аралығында Қазақстан аумағында тұрақсыз ауа райы сақталады.

Метеорологтардың айтуынша, Қазақстанның басым бөлігінде ауа райына атмосфералық фронттар әсер етеді:

«Қар жауып, боран соғады. Елдің батысы мен оңтүстігінде қар аралас жаңбыр жауып, көктайғақ болады», – деп хабарлады синоптиктер.

Республиканың оңтүстік-шығысында жауын-шашын болмайды. Ауа температурасы:

Сондай-ақ қатты жел мен тұман болатыны болжанып отыр.

Астана әуежайында Өскеменге аттанғалы тұрған FlyArystan ұшағында жанжал болды. Ұшақта орындықта отырған жолаушы жанынан өтіп бара жатқан бортсерікке оқыстан қол жұмсаған.

Әуекомпаниясы баспасөз қызметінің дерегі бойынша әлгі адам өзінде жарылғыш зат бар екенін мәлімдеді. Тәртіп сақшылары мен ұшақтағы қауіпсіздік мәселесіне жауапты қызметкерлер бортқа шұғыл жетті.

«Осыдан кейін әуежайдың кинологиялық қызметі шақырылып, барлық жолаушылар ұшақтан шығарылды. Сондай-ақ бортсеріктің жағдайын тексеруден  өткізу үшін әуежайдың медициналық қызметі шақырылды», – деген ресми хабар таратты FlyArystan.

Абырой болғанда, жолаушыларды дүрліктірген сабаздың айтқаны расталған жоқ. Бірақ компания қатаң шара қабылдауға ұйғарды. Күдікті абақтыға қамалып, тергеуге тартылатын болды. Көпшілік жерде ережен...

Бүгін, 13 қаңтарда, Қазақстан Президенті Қасым-Жомарт Тоқаев Біріккен Араб Әмірлігіне келді. Президент БАӘ басшысы шейх Мұхаммед бен Заид әл Нахаянмен кездесті. Іскерлік кездесу Shatie сарайында ұйымдастырылды.

Тоқаев 2023 жылы Мұхаммед бен Заид әл Нахаянмен жүзбе-жүз сөйлескенін, сол уақытта маңызды келісімдер жасалғанын атап өтті.

– Былтыр БАӘ-ден келген тікелей инвестиция көлемі екі есеге ұлғайды. Абу Дабидегі кездесу барысында біз тауар айналымын 1 миллиард долларға жеткіземіз деп мақсат қойдық. Екі ел үкіметтері сауда-саттықтың оң қарқынын – қалыптастыру үшін нақты экономикалық күн тәртібіне мән бергені жөн, – деді Президент.

Ақорда мәліметі бойынша Біріккен Араб Әмірлігі Қазақстанға қаржы құйған...

Әлем бойынша смартфон  саудасы қайтадан қыза түсті. Counterpoint Research зерттеу қорытындысын бөліскен Интерфакс 2024 жылы смартфон сатылымы 4%-ға өскені туралы жазды. Бұдан бұрын тауарды сату көрсеткіші екі жыл қатарынан төмендеген.

Осы нарықта 2023 жылы кейінгі онжылдықтағы ең нашар көрсеткіш тіркелді. Құрылғылар арасында Samsung өнімі көш бастады. Оның жыл бойғы сатылымы 1%-ға көбейді. Оған жасанды зердесі бар Galaxy S24 ұялы телефонының нарықта өтімді болуы әсер еткен.

«2024 жыл – күрделі кезең болған 2023 жылдан кейін жағдайды оңалту және қалпына келтіру жылы болды. Макроэкономикалық қысымдар азайған сайын, нарық қалпына келу белгілерін көрсете бастады және қатарынан бес тоқсан бойы...

13 қаңтар, дүйсенбі күні Жапонияның оңтүстік-батысында магнитудасы 6,9 болатын күшті жер сілкінісі болды. Оның күші Кюсю аралының жағалауында анық сезілді.

Ресми мәлімет бойынша жерасты дүмпулері сағат 21:19-да тіркелген. Апат ошағы су астында 30 шақырым тереңдікте, Миядзаки префектурасында екені белгілі болды.

Жапонияның метеорологиялық агенттігі толқыны бір метрге дейін жететін цунами  қауіп төндіруі мүмкін екенін ескертті. Алапат толқын Сикоку аралының оңтүстік жағалауы мен Кюсю аралының шығыс жағалауында көтерілуі мүмкін.

Амами, Якусима, Токара, Танегасима аралдары мен Хонсю аралының кейбір аудандарында биіктігі 20 см-ге дейін жететін толқындар күшейетіні туралы ақпарат тарады.

Зардап шеккендер туралы ақпарат жоқ. Билік жергілікті тұрғындардан дереу жағалаудан алыстап, өртт...

АҚШ-тың Сауда өкілдігі (USTR) ресейлік «ВКонтакте» әлеуметтік желісі мен «Авито» маркетплейсін контрафакция және пираттық бойынша жыл сайынғы шолуға енгізді деп хабарлады «Moscowtimes.ru» сайты.

Америкалық ведомствоның есебінде «ВКонтакте» авторлық құқық иелерімен жұмыс істемейтіні және пираттық мазмұнды жоймайтыны, ал «Авито» құқық иелерінен келіп түскен көптеген сұраныстарды елемейтіні және контрафактілік тауарлардың сатылуымен күреспейтіні айтылған.

2024 жылы америкалық ведомствоның тізіміне ресейлік IT-сервистерден Rutracker торрент-трекері, Rapidgator файлалмасу қызметі, LibGen және Sci-Hub ғылыми әдебиеттер кітапханалары да енгізілген. Сонымен қатар USTR контрафакция және пираттық таратушылар арасында ресейлік «Дубровка», «Садовод» базарлары мен «Горбушкин двор» сауда орталығын атап өтті.

Айта кетсек, «ВКонтакте», «Авито» және «Горбушкин двор» өткен жылы...

Қазақстан мен Қытай шекарасында үшінші теміржолдың құрылысы басталып, өткізу бекеті ашылмақ. Бұл туралы Қытайға сапары кезінде Сенат спикері Мәулен Әшімбаев хабарлаған.

Орда хабарлағандай, 13 қаңтарда Әшімбаев бастаған бір топ қазақстандық депутаттар Қытайға барды. Іс-сапар барысында олар Қытайдың Халықтық саяси кеңесінің Бүкілқытайлық комитет төрағасы Ван Хунин мен Бүкілқытайлық халық өкілдерінің жиналысының Тұрақты комитетінің өкілі Чжао Лэцзимен кездескен.

«Қазақстан мен Қытай арасында үшінші темір жол құрылысы басталғалы жатыр. Сонымен қатар, үшінші шекаралық теміржол өткізу бекетін ашу да жоспарланып отыр», – деді Мәулен Әшімбаев кездесу барысында.

2024 жылдың мамыр айында Қытай мен Қазақстанды жалғайтын үшінші темір жолды...

Украина президенті Владимир Зеленский Украина қарулы күштері Ресейдің Курск облысында екі солтүстіккореялық солдатты тұтқындағанын хабарлаған. ВВС олардың кім екені, соғысқа қалай жіберілгені туралы жазды.

Тұтқынға түскендер

Украина Қауіпсіздік қызметі 9 қаңтарда тұтқынға алынған екі солтүстіккореялықтың Киевте екенін және медициналық көмек алып жатқанын мәлімдеген. Олар тек корей тілінде сөйлейді, тергеу Оңтүстік Корея барлау қызметкерлерінің қатысуымен жүргізіліп жатқаны айтылды. 

Украина тарапының мәліметінше, тұтқындардың бірінен басқа адамның атына берілген ресейлік әскери билет табылған. Ол 2005 жылы туғанын және 2021 жылдан бастап КХДР армиясында атқыш болып қызмет етіп жүргенін айтты.

СБУ-дың (тұтқынның сөзіне сүйеніп) айтуынша, ол Ресейге соғысқа емес, оқу-жаттығуға бара жатырмын деп...

Атырау мұнай өңдеу зауытында жанармайды қуа айдайтын жер асты құбырындағы ақаудың кесірінен мұнай өнімі төгілген жер телімі қайта қалпына келтірілген. Құбыр толық жөнделген. Бұл туралы зауыттың баспасөз қызметі хабарлады.

Айта кететін жайт, 12 қаңтарда, алдын ала мәлімет бойынша, бұл зауытта құбырдағы ақаудың салдарынан 20-30 тоннадай жанармай төгілген еді. Мамандар дереу құбырды резервуардан ажыратқан.

Десе де, зауыт басшылығы төгілген мұнай өнімін арнайы құралдармен сорып алып, қайта өңдеуге жібергендерін, ешқандай зиян келмегенін айтып отыр.

«Атырау мұнай өңдейтін зауыт» ЖШС бас директорының өндіріс бойынша орынбасарының міндетін атқарушы, бас инженер Нұрлан Есжанов жер астында жатқан құбырдың жөнделіп жатқанын мәлімдеген еді.

Оның сөзіне қарағанда, бұл...

Атырау қаласының тұрғыны бүйрегін 9 млн теңгеге сатуға әрекет жасаған кезінде ұсталып, сот алдында жауап беріп жатыр. «ҚазАқпараттың» хабарлауынша, ер адамға «Қылмыс жасауға дайындалу және оған оқталу» және «Адам ағзалары мен тіндерін алуға мәжбүрлеу немесе заңсыз алу» баптары бойынша айып тағылған.

Мән-жайы

Тергеу мәліметтері бойынша 2024 жылдың маусым айында айыпталушы Telegram-дағы «Бүйрек доноры» атты арнада ағзасын сату туралы хабарлама жариялаған. Бұл хабарламаға Ақтөбе полицейлері делдал арқылы жауап берген.

«2024 жылдың 14 қыркүйегінде Орынбасаров Атырау қаласында өз бастамасымен құқық қорғау органдарымен жұмыс істеген ақтөбелік тұрғынмен байланысқа шыққан. Тараптар бүйректің құнына 9 млн теңге деп...

13 қаңтар, дүйсенбі күні доллар тағы қымбаттап, ұлттық валюта құнсызданды. Қазақстан қор биржасындағы сауда-саттықта доллар бағамы орта есеппен 1,83 теңгеге қымбаттап, 528,71 теңгені құрады. Ал айырбастау пункттері көк қағазды 532-533 теңгеден сатып жатыр.

Осы ретте сарапшылар теңгенің құнсыздауына өткен апта соңында Ресейге салынған жаңа санкциялар пакеті әсер етуі мүмкін деген болжам жасайды.

АҚШ Ресей мұнайына санкция салды

Өткен апта соңында АҚШ Ресейге тағы да санкция салды. Бұл жолы санкцияға Ресейдің мұнай-газ саласындағы 200-ге тарта компаниясы мен мұнай тасымалдайтын танкерлер ілікті.

Бұл ретте экономист Ғалымжан Айтқазин өз телеграм-арнасында Ресейдің мұнай-газ секторына санкция салынуы көрші ел бюджетін...

Батыс Қазақстан облысында аумақтық қорғаныс бригадасының әскери қалашығы ашылды.

Қорғаныс министрлігінің хабарлауынша, 99250 әскери бөлімнің жаңа нысандарының салтанатты ашылу рәсімі өтті. Оған Қорғаныс министрінің бірінші орынбасары – Бас штабтың бастығы генарал-лейтенант Сұлтан Камалетдинов, Батыс Қазақстан облысы әкімі Нариман Төреғалиев және бірқатар ардагерлер қатысты.

Бастапқы кезеңде әскери бөлімнің штабы, екі казарма, бақылау-өткізу бекеті, әскери платц қолдануға беріліп отыр. Келесі жолы оқу және спорт қанаттары, асхана, клуб, қойма мен техникалық аймақ жабдықтары салынады.

Аумақтық қорғаныс әскерінің міндеті – стратегиялық нысандарды және коммуникациялардың қауіпсіздігін қадағалау, сонымен қатар диверсиялық, лаңкестік әрекеттерге тойтарыс беру.

«Аумақтық қорғаныс мемлекеттік әскери ұйымы жүйесінде маңызды рөлге...

Еуропадағы ең ірі зейнетақы қоры саналатын нидерландтық ABP қоры Tesla компаниясындағы барлық акциясын сатты. Компания мұндай шешімге 56 млрд доллар көлеміндегі сыйақыға байланысты туындаған келіспеушіліктен кейін барған.

ABP қоры иелігіндегі Tesla-ның 2,8 млн акциясын 2024 жылдың үшінші тоқсанында сатқан. Акционерлер Илон Маскқа рекордтық деңгейде – 56 млрд доллар көлемінде сыйақы төлеу туралы шешім қабылдаған. Ал ABP қоры мұндай шешімге түбегейлі қарсы.

Сондай-ақ акцияларды біржолата сатып жіберуге компаниядағы еңбек жағдайы да себеп болған. Сонымен қатар шешім қабылдау кезінде шығындар, табыстылық пен инвестициялау талаптары да ескерілген.

Fortune журналының бағалауынша, сатылған акциялардың құны 571 млн еуроға тең.

Илон Маск Tesla-дан жалақы...

Қаржы нарығын реттеу және дамыту агенттігінің Шымкент қаласындағы Өңірлік өкілдер басқармасы бастығының бұйрығымен 4 ұйым коллекторлық агенттіктер тізімінен шығарылды. Олар: «Jibek Group» ЖШС,  «Samuryk» ЖШС, «Церера» ЖШС және «ААА-Status» ЖШС.

Бұған соңғы он екі ай ішінде аталған агенттіктер коллекторлық қызметпен айналыспағаны себеп болып отыр.

«Коллекторлық агенттіктер тізілімінен шығару туралы хабарламаны алған күннен кейін отыз күн ішінде өз атауынан «коллекторлық агенттік» деген сөздерді, олардан туындайтын, өзін коллекторлық қызметті жүзеге асырады деп болжататын сөздерді алып тастау арқылы қайта тіркеу рәсімін жүргізуге міндетті», – деп жазылған хабарламада.

Ал бес күн ішінде берешекті өндіріп алу туралы шарт негізінде...

АҚШ президенті Джо Байден Кремльдің көлеңкелі флотына санкция салғаннан кейін, ресейлік мұнай тасымалдаған танкерлер қиындыққа тап болды. Bloomberg жазуынша, санкцияға іліккен үш ресейлік танкер Қытай порттарына кіре алмай, жағалауда тұрып қалған.

Шетелдік БАҚ-тың мәліметінше, Козьмино портынан 777 мың баррель мұнайын тиеп шыққан Huihai Pacific танкері 15 қаңтарда Қытайдың Дунцзякоу портына кіруі керек еді. Бірақ 11-12 қаңтарда кеме курсын өзгерткен, қазір діттеген жерге жете алмастан теңізде тұр.

Тура сол Козьмино портынан 755 мың баррель мұнай тиеп шыққан Mermar танкері қытайлық Яньтай портына келуі қажет еді. Бірақ ол да жағалауда тұрып қалды. Екі танкер де ESPO сортының мұнайын тасымалдайды.