Жаңалықтар

«KMG PetroChem» басқарма төрағасы Игорь Ильин бастаған делегация Қытайға іс-сапармен барып, газ-химия саласындағы жобаларды дамыту үшін кездесулер өткізді.

Қазақстандық делегациясы Қытай даму банкі және (CDB) және Қытайдың SINOSURE экспорттық-кредиттік агенттігінің өкілдерімен кездескен. Олар «Атырау облысында бірыңғай дәлізде магистральдық құбырларды (этан, пропан) салу» жобасына қаржы тартуды талқылаған.

«ҚазМұнайГаздың» еншілес компаниясы Атырау өңіріне магистральдық құбырын салып, жыл сайын 1,6 млн тонна сұйытылған этан және 1,0 млн тонна сұйытылған пропан фракцияларын тасымалдауды көздеп отыр. Әр құбыр 210 шақырымға дейін созылады.

Құрылыс 2028 жылға дейін аяқталып, 500 адамды жұмыспен қамтуы керек.

Одан бөлек KMG РetroСhem серіктесі SINOPEC-пен келіссөздер жүргізіп, Атырау облысында қуаты...

Үкімет «2025-2027 жылдарға арналған республикалық бюджетті орындау туралы Заң жобасын жүзеге асыру» атты қаулы қабылдады. Яғни алдағы екі жылға жоспарланған бюджетті игеруге кірісті.

Бюджетті орындау көлемі төмендегідей:

Кіріс – 21,4 трлн теңге, оның ішінде:

Шығын – 25,2 трлн теңге, оның ішінде:

Қаржы активтерінің операциялары бойынша сальдо – 46,9 млрд теңге:

АҚШ-тың арнайы прокуроры Джек Смит  Дональд Трампты 2020 жылғы президенттік сайлауға кедергі келтіру мақсатында «қылмыстық әрекетке» қатысқан деп топшылайды. Бұл туралы прокуратураның сейсенбі, 14 қаңтарда жариялаған есебінде жазылған.

Құжатта АҚШ президентінің 2020 жылы сайлауға түскен Джо Байденнің дауыс жинауына кедергі келтіру үшін қылмыстық әрекетке барғаны туралы жазылады. Смит Трампты сотта айыптау үшін дәлелдер жеткілікті екенін айтқан. Бірақ айыптау ісін жалғастыруға Трамптың президент болып сайлануы кедергі келтірген. Яғни АҚШ заңына сәйкес, президент ретінде ол қылмыстық қудаланбайды.

Есеп жарияланған соң, Трамп өзінің Truth Social веб-сайтында прокурор Джек Смитті бұл іске қатысты тергеу жұмыстарын «сайлауға дейін аяқтай алмаған ақыма...

Қырғыз әншісі Қайрат Примбердиевтің қазақ ханы Кенесары Қасымұлының өлімі үшін қазақ халқынан кешірім сұрауы қоғамда қызу пікірталас тудырды. Әнші бұл пікірін қазақстандық БАҚ-қа берген сұхбатында айтып, тарихи оқиға үшін кешірім сұрады.

«Тарихта Біздің Ормон хан Кенесары ханды өлтіруге мәжбүр болған. Мен қазақ халқынан болған жағдай үшін өз атымнан кешірім сұрағым келеді. Қазір жылағым келіп тұр. Біз Кенесары ханның басын қайтарып, Құран оқып, оны лайықты түрде ақтық сапарға шығаруымыз керек», – деді Қайрат Примбердиев.

Әншінің бұл мәлімдемесі қырғыз қоғамында қарама-қайшы көзқарастар туғызды. Кейбір азаматтар оны қолдап, тарихтағы қайғылы оқиғаны түсіністікпен қабылдау керек десе, енді бір...

9 жыл бойы Қазақ онкология және радиология ғылыми-зерттеу институтын басқарған Диляра Қайдарова қызметінен кетіп, жаңа лауазымға тағайындалды. 

Ол енді Асфендияров атындағы Қазақ ұлттық медицина университетінің (ҚазҰМУ) бірінші проректоры қызметін атқарады.

Диляра Қайдарова 2016 жылдан 2025 жылдың қаңтарына дейін онкология институтын басқарды. Ал 2006-2016 жылдар аралығында Алматыдағы онкология орталығында басшы қызметін атқарған. Қызметтік жолын 1992 жылы Алматы онкологиялық диспансерінің гинекологиялық бөлімшесінде дәрігер-онколог болып бастаған.

Қазір Қазақ онкология және радиология ғылыми-зерттеу институтының басқарма төрағасы лауазымына ашық конкурс жарияланды. Бұл туралы аталған институттың баспасөз қызметі хабарлады.

Айта кетейік, осыған дейін Қайдарова табиғи уақыт белдеуіне сәйкес келмейтін аймақта тұратындарда қатерлі ісік қаупі жоғары екенін...

2024 жылы Ресей, Қырғызстан және Өзбекстан Қытайдың саудаға шығарылған мінілген көліктерінің 50%-ын сатып алған.

Nikkei хабарлауынша, былтыр Қытай мінілген темір тұлпарларының 45%-ын экпортқа шығарған. Бір жыл ішінде 400 мыңға жуық осындай көлікті шет елге сатқан. Оларға Ресей мен Орталық Азия елдері қатты қызығушылық танытып отыр.

Сарапшылардың есебінше, Қытайдың шетелге сатқан ескі көліктерінің 50 пайызға жуығын Ресей, Қырғызстан және Өзбекстан сатып алыпты.

2023 жылы Қытай жаңа автокөліктерді экспортқа шығарудан көшбасшы елге айналды. Әлемдік нарыққа 4,91 миллион көлік шығарған. Бір жылдың ішінде экспорт көлемін 1,5 есеге арттырып отыр.

Қытай көліктерінің саудасы қызып тұр. Танымалдығы да артып келеді. Бұған көліктердің тартымды функциялары...

Ұлттық қордың валюталық активтері бір айда 2 млрд долларға азайды. 2024 жылдың қараша айында қорда 60,8 млрд доллар жинақталса, желтоқсанда 58,8 млрд долларға дейін азайған. Яғни бір айда Ұлттық қордағы активтер 3,41%-ға кеміген.

Ұлттық банк статистикасы бойынша, бір жылда қор активтері 2,02% азайды. 2024 жылдың қаңтар айында қорда 60 млрд доллар болған. Жыл соңында 58,8 млрд долларға дейін кеміді.

Жылдың соңғы айында халықаралық резерв өскен. Желтоқсан айында ол 3,6%-ға өсіп, 45,8 млрд долларға жеткен. Айлық өсім 1,59 млрд долларды құрайды. Жыл басынан бергі өсім көрсеткіші 27,45% болды.

2024 жылдың 12 айында Ұлттық қорға жалпы 8,8 трлн теңге түскен. Алайда...

Жыл өткен сайын Үкімет отандық спортты дамыту үшін қомақты қаржы бөліп келеді. Алайда спортшылардың нәтижесі керісінше төмендеп кетті. Осылай деген Премьер-министр Олжас Бектенов саладағы кемшіліктерді атап, сынға алды.

Үкімет басшысының сөзінше, республика бойынша 5 жыл ішінде 215 дене шынықтыру кешені, 17 жүзу бассейні, 57 спорт манежі және 1,5 мыңнан астам спорт алаңы салынған. Жеке инвесторлар есебінен 92 жоба іске асырылыпты. Осыған қарамастан, қазақстандық спортшылардың көрсетіп жүрген нәтижесі көңіл көншітпейді.

«Дей тұрғанмен, спортшыларымыздың нәтижесі төмендеп кетті. Мұның негізгі себептері оларды жүйелі дайындау жұмыстарының болмауында. Жаттықтырушы құрамның жетіспеушілігі және тиімді дайындық әдістерінің жоқтығы да нәтижелерге теріс әсер етт...

Ішкі істер министрлігі тергеу департаменті трансұлттық ҰҚТ құру және оған қатысу фактісі бойынша көп эпизодты қылмыстық істі тергеуді аяқтағанын хабарлады.

2023 жылдың тамыз айында ІІМ ұйымдасқан қылмысқа қарсы күрес жөніндегі бөліністерімен бірлесіп Астана, Алматы, Шымкент, Қарағанды, Ақтөбе қалаларында Қазақстан мен жақын шетелдердің азаматтарын ұстаған. Олар модельдік агенттіктің атын жамылып, Web-Cam арқылы интимдік сипаттағы материалдарды дайындаумен және таратумен айналысқан.

Қылмыстық бизнеске 18 жастан 25 жасқа дейінгі қазақстандық қыздар тартылған. 

Қылмыстық топтың ақша айналымы үш миллиард теңгеден асқандығы анықталған.

– Өткен жылдың желтоқсан айында осыған ұқсас қылмыстық сызбаның жолы кесілді. Шығыс Қазақстан облысы прокуратурасының үйлестіруімен аумақтық ұйымдасқан...

Джо Байденнің әкімшілігі еуропалық әріптестерін бұғатталған ресейлік активті жаңа депозиттік шотқа аударуға көндіруге тырысып жатыр. Бұл туралы америкалық әкімшіліктегі дереккөздерге сілтеме жасаған CNN хабарлайды.

Бұл жерде мәселе 300 млрд доллар туралы болып отыр. Ол қаражат ресейлік Орталық Банкке тиесілі. Үш жыл бұрын Ресей Украинаға басып кіргенде, бірден бұғатталған еді. Қаражаттың көп бөлігі еуропалық банктерде сақтаулы, ал бір бөлігі АҚШ-тағы банктерде жатыр.

Жағдайдан хабары бар кейбір сарапшылар, мұндай механизм Ресейді келіссөздер үстеліне шақыруға түрткі болмақ деген пікірде. Бұғатталған қаражатты қайтару үшін тек бейбіт келісімге қол қою керек.

«Егер ақшаңызды қайтару керек болса, келіп, сөйлесуіңіз қажет...

Атырау облысында балаларға білім беріп келген заңсыз діни пансионаттар жабылды. Бұған қоса, қайырымдылық ұйымы арқылы діни алауыздықты насихаттайтын әдебиет таралып келген. Бұл туралы облыстық прокуратура хабарлады.

Прокуратура жүргізген сараптамаға сәйкес, бұл материалдарды Қазақстан аумағында тыйым салынған деп танып, олардың таралуына тосқауыл қойылған.

Облыстық сот заңды бұзғаны үшін ұйымға 516 880 теңге айыппұл салды.

Сондай-ақ ұйымның балаларды діни бағыттар бойынша тиісті рұқсатсыз оқытып, пансионат ретінде жұмыс істегені анықталды. Прокуратура төрт ұйымды мемлекеттік тіркеудің күшін жойып, пансионаттарды таратты.

Тамыз айында Маңғыстау облысында бес заңсыз балалар діни пансионаты табылған. Олардың екеуі Мұнайлы ауданында, басқалары Жаңаөзен, Қарақия және Түпқараған аудандарында жұмыс істеді.

Сауда және интеграция министрі Арман Шаққалиев елімізде ешқашан тұрақты, өзгермейтін баға болмайтынын айтты. Өйткені бағаға әсер ететін түрлі факторлар бар. Министрліктің бағаға қатысты қандай саясат ұстанатынын да жеткізді.

Үкімет отырысынан кейін өткен брифингте Арман Шаққалиевқа азық-түлік және жеміс-жидек бағасы туралы сұрақ қойылды. Соңғы кездері елімізде жеміс-жидек, соның ішінде алма бағасы күрт  қымбаттаған. Әсіресе, қазақстандық алма бағасы шарықтап кеткен. Журналистер бұған не түрткі болғанын, басқа қандай азық-түлік бағасы өсуі мүмкін екенін сұрады.

«Біз нарықтың әр алуан болғанын, өз өнімдеріміздің жеткілікті болуы үшін қолдан келгеннің бәрін жасаймыз. Тауар көп болса, бәсекелестік болады. Қияр болсын, алма болсын, әр тауарға...

Қазақстан үкіметі Еуразиялық экономикалық одақ шеңберінде түсетін кедендік баж түсімдерінен алатын үлесін арттыруды көздеп отыр. Бұл туралы Үкімет сағатынан кейін өткен брифингте Сауда және интеграция министрі Арман Шаққалиев айтты.

«Бұл мәселе бес мемлекеттің келісімі бойынша шешіледі. Біз қазір бір методологияны қарастырып жатырмыз. Оған сәйкес, еліміздің үлесі 8,5%-ға ұлғаюы керек. Бірақ мен дәл қазір, үлесіміз нақты осы көлемге өседі деп айта алмаймын. Өйткені бұл мәселе әлі талқылануы керек. 5 елдің комиссиясымен бірлесе отырып шешеміз», – деді министр.

Айта кетейік, Еуразиялық экономикалық Одақ туралы шарттың 26-бабына сәйкес, одаққа кіретін әр елдің үлесі келесідей:

Миллиардер Кеңес Рақышевке тиесілі Fincraft Resources холдингінің акционерлер құрамы өзгерді. Қазақстан қор биржасына жіберілген хабарламаға сәйкес, Vitablasis Ltd компаниясының үлесін БТА банк иеленген. Екі компания да Рақышевтың өзіне тиесілі.

Бұл ретте Vitablasis Ltd компаниясы холдинг акционерлері құрамына 2024 жылдың қыркүйек айында ғана енген болатын.

2024 жылдың 9 айындағы қаржы есебінде Fincraft Resources қарапайым акцияларының 78,85%-ы Fincraft Group-қа, қалған бөлігі басқа тұлғаларға тиесілі делінген. Компанияның түпкілікті бенефициары – Кеңес Рақышев. Кәсіпкердің компаниясы 2024 жылдың 9 айында 524 млн теңге шығынға батқан.

2024 жылы Fincraft Resources бірнеше активін иеліктен шығарды. Былтыр маусым айының соңында Nomad west oil мұнай компаниясыны...

Спорт клубтарындағы легионерлер елдеріне қайтарылып жатыр. Бүгінде олардың саны азайған. Бұл туралы Туризм және спорт министрі Ербол Мырзабосынов мәлімдеді.

Министрдің айтуынша, казіргі таңда ұлттық құрамаларда легионерлер жоқ. Ал спорт клубтарындағы шетелдік ойыншылар саны азайып келеді. Министр «Барыс» хоккей клубын мысал ретінде келтірді.

Қыркүйек айында «Барыс» хоккей клубы барлық шетелдік ойыншылармен қош айтысып, маусымды қазақстандық хоккейшілермен жалғастыруды ұйғарды.

Сонымен қатар Шымкенттің «Ордабасы» футбол клубы шетелдік ойыншылармен қош айтысқан. Алайда 2024 жылы Қазақстан футбол федерациясының сол кездегі президенті Әділет Барменқұлов легионерлерге қойылған шектеулерді алып тастаған болатын. Бұл шешім бірқатар пікірталас тудырды. Жылдың соңында федерацияның басшылығы ауысып, жаңа президент тағайындалды. Ендіг...

Қазақстан мен Қырғызстан Ыстықкөл облысының аумағындағы  курорттық-рекреациялық шаруашылық объектiлерiне Қазақстан Республикасының меншiк құқықтарын реттеу туралы келiсiмді ратификациялайды. Құжаттың жобалық нұсқасы legalacts.egov.kz порталында жарияланды.

Оған сай, қазақстандық тарап Қырғызстан заңнамасына сәйкес курорттық-рекреациялық шаруашылық объектілерін инвесторларға беруді пысықтайды. Сондай-ақ қазақстандық міндеттемелердің орындалу мерзімін ұзартады.

Келісім аясында қазақстандық тарап курорттық-рекреациялық шаруашылық объектілерін 3 немесе 4 жұлдызды қонақүйлер деңгейіне жеткізу бойынша міндеттемелерді өзіне алды.

Қазақстан Республикасы Үкiметi мен Қырғыз Республикасы Үкiметi арасындағы Қырғыз Республикасы Ыстықкөл облысының аумағында орналасқан курорттық-рекреациялық шаруашылық объектiлерiне Қазақстан Республикасының меншiк құқықтарын реттеу туралы келiсiм 2006 жылғы 4 шiлдеде жасалған. Оның аясында Қазақстан 4 курорттық-рекреациялық шаруашылық объектiлерiн 49 жылға жалға...

Талғар аудандық полиция басқармасының жаңа басшысы қызметіне Асхат Бекенов тағайындалды. Бұл туралы жергілікті полиция департаменті хабарлады. Бұған дейін міндетті Айдар Омаров атқарған. 

«Талғар ауданы полиция басқармасының жаңа басшысы болып полиция полковнигі Бекенов Асхат Барлыбайұлы тағайындалғанын хабарлаймыз», – делінген хабарламада. 

Полиция департаменті Бекеновтің өмірбаяны мен қызметтік жолы туралы ақпаратты жария етпеді. Желіде де ол туралы ақпарат жоқ.

2024 жылдың қазан айында Талғар қаласында 16 жасар Шерзат Полат кісі қолынан мерт болғаннан кейін, Алматы облыстық және Талғар аудандық құқық қорғау органдарында ауыс-түйістер басталды.

Атап айтқанда, Ішкі істер министрінің бұйрығымен Алматы облысы полиция департаменті бастығының орынбасары Серік...

Мобильді аударымдар тексеріле басталғандықтан, қазақстандықтар соңғы уақытта қолма-қол ақшаға ауыса бастаған. Ал Сауда және интеграция министрі Арман Шаққалиев электронды сауда көлемін 2029 жылға қарай 9,3 трлн теңгеге жеткізуді жоспарлап отыр.

Министрден БАҚ өкілдері бұл жұмыстың қалай атқарылатыны жөнінде сұрады.

«Жақында Ұлттық банк зерттеу жариялады. Онда қазақстандықтардың жаппай қолма-қол ақшаға көше бастағаны туралы айтылған. Жалпы, мобильді аударымдар тексеріле бастаған соң, көпшілік ақшаны аударыммен емес, қолма-қол төлегенді дұрыс көреді. Мобильді аударымдарға шектеу қою электронды саудаға кері әсер етпей ме?» – дегене сауал қойды журналист.

Министр халықтың қолма-қол ақшаға көшуі электронды саудаға әсер етуі мүмкін екенін айтты...

Қазақстанның өңірлері республикалық бюджеттен берілетін трансферттерге тәуелді. Бұл, әсіресе, экономикалық тұрғыдан әлсіз өңірлерге тән. 2025  жылы республикалық бюджеттен облыстарға және республикалық маңызы бар қалаға берiлетiн субвенциялардың көлемі 5,8 трлн теңге сомасында бекітілген.

Атырау облысы мен Астана және Алматы қалаларынан басқа өңірлер орталыққа мұқтаж. Яғни 17 өңір республикалық бюджеттен субвенция алады. 

Орталыққа мұқтаждық: Түркістан облысы қажет қаржының 82%-ын республикалық бюджеттен алады

Түркістан облысы – өзін салық түсімдерімен қамтамасыз ете алмайтын өңірлердің бірі. 2025 жылы өңірге қажет қаржының 82%-ын республикалық бюджет береді. Тек қалған 18%-ын ғана өзі тауып отыр. Осындай өңірлердің саны көп болғанымен, субвенция және орталық бюджетке мұқтажды...

«First Heartland Jusan Invest» компаниясының салымшылары қаржы ұйымының заңсыз әрекеттерінен 10 млн доллар зардап шеккен. 20 шақты адам қазір брокерлік агенттікті сотқа беру үшін шағымдарын дайындап жатыр. Бұл туралы KursivMedia-ға салымшылардың қорғаушысы әрі ресми өкілі Айдар Қошқарбаев айтып берді.

«Барлығымызға жақсы қаржы әкелетін табыс ретінде көрсетілді»

Jusan Invest салымшыларының айтуынша, олардың бұрын Jusan Bank-те депозиттері болған. Депозит мерзімдері аяқталуға аз қалғанда, банк өкілдері хабарласып, есепшотта жатқан қаржыны құрылымдық ноталарға ауыстыруды ұсынған.

«Біз қаржы құралдарын «First Heartland Jusan Invest» АҚ және «JusanBank» АҚ-ның менеджерлерінің жарнамасы мен ұсынысы бойынша сатып алдық. Кейін жұмыстары үшін олар басшылы...

Қазақстанда инфляция 2025 жылы 9,4%-ға дейін өсуі мүмкін. Ал доллар одан әрі қымбаттай бермек. Қазақстан қаржыгерлер қауымдастығының сауалнамасына қатысқан нарық қатысушылары осындай болжам жасаған.

Мамандардың пікірінше, бұл жайт қатаң ақша-несие саясатын сақтауды талап етуі мүмкін.

Сонымен қатар олар теңгенің долларға шаққандағы бағамына қатысты болжамдарын қайта қараған. Нарық қатысушылары теңге одан әрі құнсыздана түсуі мүмкін деген пікірде. Болжамға сәйкес, бір айдан кейін 1 доллардың құны 527,3 теңге болса, (бұрынғы болжам – 524,1 теңге), бір жылдан кейін ол 552,5 теңгеге жетуі ықтимал (алдыңғы болжам – 545,2 теңге).

Олардың мұндай болжам жасауына бірнеше себеп бар. Біріншіден, Қазақстанның ірі сауда серіктесі, экономикалық одақтасы...

Енді шетелдік маркетплейстер Қазақстанда тіркелуге міндетті болады. Өйткені  тұтынушылар тарапынан оларға қатысты шағымдар соңғы уақытта жиілеген. Бұл жайында Сауда және интеграция министрі Арман Шаққалиев айтты.  

Ведомство басшысы, шетелдік маркетплейстер мен сатушылар Қазақстаннан тыс жерде орналасқандықтан, осындай мәселе туындап отырғанын айтады. Өз құқықтарын толық қорғай алмайтын тұтынушылар үшін қауіп-қатер тудырады деп есептейді.

«Елдер арасындағы қашықтық үлкен болғандықтан, тауарларды қайтару немесе айырбастау талаптарын орындау мүмкін бола бермейді. Сонымен қатар шетелдік интернет-дүкендерден сатып алынған тауарлар сертификаттау рәсімінен өтпейді, бұл өнімнің қауіпсіздігі мен сапасына қауіп төндіреді»,- деп мәлімдеді министр Үкімет отырысында.

Осыған орай, Шаққалиев шетелдік маркетплейстерді тіркеу бойынша электрондық платформаны енгізуд...

Қытайлық TikTok әлеуметтік желісінің АҚШ-тағы үлесін әлемдегі ең бай адам Илон Маск сатып алуы мүмкін. Мұны Bloomberg басылымы анықтаған.

Қазір АҚШ Жоғарғы Соты желіге иелік ететін қытайлық ByteDance компаниясына талаптар қойып, 19 қаңтарға дейін АҚШ-тағы TikTok қызметін тоқтатуды талап еткен. 19 қаңтардан кейін АҚШ-тағы TikTok қызметін қолдаған провайдерлерге айыппұл салына бастайды.

Қытай шенеуніктері TikTok-тың ByteDance меншігінде қалуын қалайды. Алайда АҚШ-та шектеу басталса, оның үлесін сатуды көздеп отыр. Оны дәл Илон Масктің сатып алғанын қалайды.

Қытайдың жоғары лауазымды шенеуніктері Дональд Трамп әкімшілігімен жұмыс істеу жоспарын қарастырып, ондағы Масктің рөліне мән беріп отыр. Бейжіңде талқыланған жоспардың біріне сәйкес, желінің америкалы...

Қазақстандықтар онлайн саудаға 3,2 трлн теңге жұмсаған. Бұл туралы Үкімет отырысындаСауда және интиграция министрі Арман Шаққалиев айтты.

«2024 жылдың 11 айы бойынша алдын-ала жасалған деректерге сәйкес, Қазақстандағы электрондық сауда көлемі шамамен 3,2 триллион теңгені құрады. Өткен жылдың қорытындысы бойынша бөлшек сауда жоспарланған 14,5%-дан 15% пайызға дейін артуы болжануда», – деді министр.

Министрдің мәліметінше, электрондық сауда көлемі 2020 жылдан бастап 5 есе өскен. Бірақ соған қарамастан, бұл көрсеткіштер әлемдік орташа деңгейден біршама төмен екен.

Соңғы 4 жылда онлайн сауда көлемінің артуына елде қолма-қол ақшасыз есеп айырысу тәсілінің кең таралуы ықпал еткен. Сонымен бірге елдег...