Жаңалықтар

Украина Президенті Зеленский өз елінің аумағына одақтастарының әскерін кіргізуге қарсы емес екенін мәлімдеді. Бұл әскери күш Ресейге тосқау болады деп мәлімдеді.

«Дәл осыны жүзеге асыру үшін нақты іске көшейік. Ұлыбританияның қолдайтынын білдіріп, белгі бергенін білеміз. Біз батыл болуымыз керек және шынымен күшті құралдарды тосуымыз керек», – деді Президент.

BBC ақпары бойынша Германиядағы Рамштайн әуе базасында Украинаға қатысты байланыс тобының 25-отырысы өткен.

The Moscow Times басылымының жазуынша, Зеленский Францияның Украинаға серіктес әскерлер енгізу туралы ұсынысын еске салған. Осы идеяны алғаш рет көтерген Франция Президенті Макрон .

«Бүгінгі күні Путиннің мақсаттары...

Алматы қаласындағы метро құрылысына Қытай компаниясы қатысады. Мәжіліс депутаты Сергей Пономарев «Барлық» базарына дейін құрылыс қарқын алатынын хабарлады.

Депутат метроны салу баяу жүргізіліп жатқанын да хабарлады. Тәулігіне 3 метрден ғана тоннель қазылуда.

Құрылыс жұмысы 15-20 метр тереңдікте жүргізіліп жатыр. «Барлыққа» дейін жету үшін 152 учаскеде орналасқан нысандарды бұзуға тура келеді.

«Барлық» стансасы маңызды хабқа айналады, метро мен LRT-ны байланыстыратын трансфер стансасы болады. Осының арқасында тұрғындар көліктерін тастап, қала орталығына ыңғайлы жететін болады», – деп атап өтті Сергей Пономарев.

Былтыр Қазақстанның Ресей Федерациясына бидай импорттауға тыйым салғаны мәлім. Бұл шектеу 2024 жылдың 21 тамызы мен 31 желтоқсаны аралығында қолданылды.

9 қаңтарда екі елдің ауылшаруашылығы саласының өкілдері өзара сөйлесті.

«Қазақстандық тарап 1 қаңтардан бастап үшінші елдер мен ЕАЭО елдерінен бидай импортына салынған тыйымның жойылғанын растады. Енді Қазақстанға бидай тасымалдауға рұқсат етіледі», – деп хабарлады ресейлік «Россельхознадзор».

Келіссөздер барысында Қазақстаннан Ресейге гүлдер, жеміс-көкөніс өнімдерін, тұқымдар мен астықты әкелу кезінде фитосанитарлық талаптарды сақтау мәселелері де қаралды. Осы тауарларға қатысты да мемлекеттер шектеу шараларын қабылданған еді.

Бұған дейін Қазақстан бидай импортын шектейтінін мәлімдеген. АШМ елдегі диқандар...

Oi-Qaragai тау курорты орналасқан жер үшін дау-дамай көтерілді. Елеуқайша Тоқмәдиева миллионер Ерлік Балфанбаевқа тиесілі Oi-Qaragai учаскесін пайдалануды заңсыз деп тануды талап етеді. Балфанбаевтың компаниясы рейдерлік әрекет жасалып жатқанын айтып, дабыл қағуда.

2024 жылдың аяғында Елеуқайша Тоқмәдиева Алматы облысы Талғар ауданының ауыл шаруашылығы және жер қатынастары бөлімі мен Oi-Qaragai ЖШС-ның үстінен сотқа шағым түсірді. Соттың 2024 жылғы 8 қарашадағы ұйғарымында талапкер Тоқмәдиева жалға беру шартын жарамсыз деп тану және жер телімін босатуды сұрағаны көрсетілген.

Oi-Qaragai серіктестігі аттас демалыс орнының иелігінде (ребрендингке дейін ол «Орман ертегісі» деп аталған). ЖШС-ның құрылтайшылары ретінде төрт адам тіркелген. Олардың қатарында Ерлік Балфанбаев та бар. Ол Alina...

ҚР Үкіметі басшысы Олжас Бектенов инвестиция қаражаты салынатын ауқымды жобалар болашағына күмәнмен қараған депутаттар тобына жауап берді. Бектенов бюджет қаражаты инженерлік-инфрақұрылымдық жобаларға жұмсалатынын хабарлады.

Қазақстан Үкіметі инвестициялық 17 ірі жобаны іске қосу жоспарда бар екенін айтты.

Бұған дейін Мәжіліс депутаттары жүзеге асыратынына күмәнданып, Премьер-министр Бектеновке хат жазды. Үкімет бұл жобаларға 17 триллион теңге жұмсалатынын хабарлаған.

Депутаттар 2025-2027 жылдарға арналған бюджет жоспарынан мұндай ауқымды жобалар туралы ақпаратты таба алмағанын да айтты.

«Тізімде көрсетілген жобалардың ішінде 1 триллион теңгелік құны бар аквапарк, сауда-ойын-сауық орталығы, қонақүй салу жоспарланып отырған, Кіші Талдыкөлдің маңындағы кешеннің құрылысы сияқты күмәнді жобалар бар. Маңғыстау...

Солтүстік Қазақстан облысының соты «Тиолайн» компаниясының иегерінің бірі және атқарушы директоры Виктор Долгалевті ақтаған алқабилер сотының шешімінің күшін жойды.

«Біріншіден, сотталушылардың кінәсі сотта толық  расталды. Екіншіден, бірінші инстанция сотында қылмыстық-процессуалды заңнама нормаларын елеулі түрде бұзушылыққа жол берілген. Сот тергеуі барысында алқабилер ұжымдық түрде өздеріне қысым жасалып жатқанын мәлімдеген. Алайда сот заңға қарамастан, алқабилерді тарату туралы шешім қабылдамаған», – деп мәлімдеді мемлекеттік айыптаушы Тимур Құлжанов.

Басқа сот құрамымен бұл қылмыстық іс қайта қаралмақ.

«Долгалев Виктор Иванович, Долгалев Данил Викторович, Құрманбаев Санат Нуроллаевич, Сәдуақасов Тимур Хабдуллаевичке қатысты қамауға алыну түрінде шара дереу қолданылсын...

Батыс Қазақстан облысы әкімі аппараты ішкі аудит қызметінің басшысы Ербол Найзабеков жұмысынан босатылды. Орал қаласында жол-көлік оқиғасына себепкер болған оған әкімшілік іс қозғалған.

БҚО әкімдігінің баспасөз қызметі аппараттың лауазымды қызметкеріне қатаң сөгіс жарияланғанын, одан кейін жұмысынан босатылғанын хабарлады.

2024 жылдың қазан айында Найзабеков Volkswagen-ді жүргізіп келе жатып, бағдаршамда тұрған көліктің артынан соғылды. Оның алдындағы екі автокөлікке де зардабы тиді.

ҚР Әкімшілік құқықбұзушылық туралы кодексінің 608-бабы бойынша тәртіп сақшылары іс қозғады. Әлі күнге дейін тергеу жүргізіліп жатыр. Содан кейін сот процесі басталады.

Ербол Найзабеков көлікті жүргізгенде мас болғаны куәландырудан өткен кезде белгілі болды. Бұл ақпарат былтыр әлеуметтік желілерде тез тарады. Кейбір...

Өзбекстанда 2027 жылдан бастап пластик пакеттерді өндіруге, импорттауға және пайдалануға тыйым салу ұсынылып отыр. Оның орнына экологиялық қауіпсіз – биологиялық тұрғыдан шіритін пакеттер қолданылмақ.

Gazeta.uz cайтының хабарлауынша, бұл ұсыныс 2025-2027 жылдарға арналған пластиктердің қоршаған ортаны ластауын қысқарту жөніндегі мемлекеттік бағдарламалар жобасында көрсетілген.

Бағдарламада пластик орағыш тауарларды өндірушілер мен импортерларды пайдаланынған өнімдерді жинау және утилизациялау үшін арнайы қабылдау орындарын ашуды міндеттеу жоспарланған. Немесе пластик орамдар үшін утилалым төлейді.

Жоба биыл қоғамның талқысына салынбақ.

Сонымен қатар, құрамында зиянды химиялық заттары бар пластик бұйымдарды пайдалануға шектеу қойылады. Қайта өңделген пластикті пайдалану үшін коэффициенттерді міндетті түрде қорабында көрсету талабы қойылады.

Құжат жобасы 2025 жылды...

9 қаңтар, бейсенбі күні Ливан парламенті екінші турда ел президенті қызметіне армияның бас қолбасшысы Жозеф Аунды сайлады. Сарапшылар оның кандидатурасын ең ықтимал деп атаған болатын, өйткені ол Ливанның барлық дерлік саяси күштеріне, соның ішінде «Хезболлаға» да қолайлы адам деп жазады ВВС.

Бірінші дауыс беру туры бірнеше сағат бұрын өткен, ол кезде Аун жеңіске қажетті 86 дауыс (128-ден) жинай алмай, тек 71 парламент мүшесінің қолдауына ие болды.

Турлар арасындағы үзілісте ливандық заң шығарушылар әртүрлі деңгейде белсенді консультациялар жүргізгені хабарланды. Ауынды қолдаушыларға, әсіресе, шиит депутаттарының қолдауын алу маңызды болды.

Ливан президентінің қызметі екі жылдан астам уақыт бойы бос тұрды. Көпжылдық экономикалық дағдарыс...

Жылжымайтын мүлікті сату-сатып алу мәмілелерін онлайн рәсімдеу бойынша пилоттық жоба жүзеге асырылады. Заң жобасының құжаты электронды үкімет порталында жарияланды.

Заң жобасын Әділет министрлігі және Цифрлық даму, инновация және аэроғарыш өнеркәсібі министрлігі дайындаған.

Пилоттық жоба бойынша, Астана және Алматы қалаларындағы қайталама нарықтағы жылжымайтын мүлік мәмілелері онлайн өтеді. Бірақ мәміле құны 70 млн теңгеден аспауы керек.

Құжатта жазылғандай, онлайн мәміле жүргізу үшін банктің веб-платформасы биометрия жүйесі, ЭЦҚ және бір реттік код арқылы қажетті ақпарат жинақтайды. Мәмілеге жекеменшіктің барлық иелері, оның ішінде ерлі-зайыптылар болса бірге қатысуы керек.

«Бұл өзгеріс Қазақстан Республикасы азаматтарына жылжымайтын мүлікті сатып алу...

Ұлттық банк сауалнамасына қатысқан сарапшылар инфляцияға қатысты болжамын нашарлатты. Олар 2025 жылы Қазақстандағы инфляция 7,5%-ға дейін баяуласа, 2026 жылы 6,5%ды құрайды деп тұжырымдайды. Алайда олардың инфляцияға қатысты бұған дейін жасаған болжамы жағымды еді. 2025 жылы инфляция 6,9% болса, 2026 жылы 6,0%-ды құрайды деген. Ал 2027 жылы инфляция 5,6% деңгейінде қалыптасады деп бағаланады.

Сарапшылардың Қазақстан экономикасының 2025 және 2026 жылғы өсіміне қатысты болжамы өзгеріссіз қалып, тиісінше 4,7% және 4,5% құрайды. 2027 жылы да экономикалық өсу қарқыны 4,5% деңгейінде сақталады.

Инфляцияға қатысты болжам өзгерген соң, базалық мөлшерме бойынша күтулер де қайта қаралған. Сарапшылар 2025 жылы базалық мөлшерлеме 12,5%-ды құрайды деп болжаған. Енд...

Германия астанасы Берлинде ниқаб киген әйел жол қозғалысы мәселелерімен айналысатын органның бетін бүркеген күйде көлікке отыруға салған тыйымынан кейін сотқа жүгінді.

BILD басылымының мәліметінше, әйел діни сеніміне сүйеніп, құқығының бұзылғанына шағымданған. Талапкер беті түгел жабылған, тек көзге арналған саңылауы бар никаб киімін көлік жүргізгенде де киюге құлықты. Ал жергілікті заң бұған тыйым салады.

Жол қозғалысы ережелеріне сәйкес, көлік жүргізушісінің жүзі көрініп тұруға тиіс. Бет-әлпетін жасыруға, жабуға тыйым салынған.

«Алайда кейбір ерекше жағдайларда бұл ережеден ауытқуға рұқсат берілуі мүмкін” деп жазды басылым.

Берлин әкімшілік соты бұл істі 15 қаңтарда қарамақ.

Германия соттары бұл мәселеге бірнеше рет тоқталған. 2024 жылдың шілдесінде Нойс...

Ауыл шаруашылығы министрлігінің Жер ресурстарын басқару комитеті 2025 жылы 2 млн га пайдаланылмай жатқан жерді мемлекет меншігіне қайтаруды жоспарлап отыр. Бұл мәселе жөнінде қажетті шаралар қабылдау қарастырылмақ.

2022 жылдан бастап 2023 жылдың алғашқы тоқсанына дейін елімізде 6,1 млн гектар жер мемлекетке қайтарылды. Ол жерлердің игерілмей жатқаны анықталған. Сондай-ақ кейбірі заңсыз берілген. 2023 жылдың аяғына қарай иелері бұрын пайдаланылмай келген 3,4 млн гектар ауыл шаруашылығы жерлерін игеруге мәжбүр болды. Пайдаланылмай жатқан жерлер Қазғарыштың жер серіктік мониторингі арқылы анықталған еді.

Сонымен қатар, басты бағыттар бойынша басқа да жұмыстар қолға алынбақ. Айталық, оның ішінде көміртекті егіншілікті дамытудың жол картасы әзірленіп, бекітіледі. Бұл...

Astana International Exchange (AIX) биржасындағы сауда-саттық көлемі 2024 жылы 2,2 есе өсіп 1,3 млрд долларға жетті. 2023 жылғы сауда 582 млн доларды құраған болатын.

AIX басқарма төрайымы Әсел Мұқажанованың айтуынша, биржаның ресми тізімінде 148 эмитенттің 256 құнды қағазы бар. Соның ішінде 68 компания 140 құнды қағазды 2024 жылы тіркеген.

Акциялармен жалпы сауда-саттық көлемі 495 млн долларды құрады. Биржаға тіркелген компаниялар арасында Solidcore Resources акцияларына сұраныс жоғары. Сауда саттықтың 52 пайызы осы комапния акцияларына тиесілі. Одан кейін Air Astana (19%) және «Қазатомөнеркәсіп» (9%) бағалы қағаздары келеді.

2024 жылы 2,3 млрд доллар капитал тартылған. Қазақстандық жеке инвесторлардың шоты 1,9 миллионға жетті.

Президент Қасым-Жомарт Тоқаев жаңа Әділет министрін тағайындады. Бұл туралы Ақорда хабарлады.

«Мемлекет басшысының Жарлығымен Ерлан Жақсылықұлы Сәрсембаев Қазақстан Республикасының Әділет министрі лауазымына тағайындалды», – делінген хабарламада.

Жаңа министр 1975 жылы Алматы облысының Талғар ауданы, Октябрь ауылында дүниеге келген. Өзінің қызметтік жолын премьер-министр канцеляриясынан бастаған. Әр жылдары Ұлттық қауіпсіздік комитетінде, Қазақстан Республикасы Парламенті Сенатында басшылық қызметтер атқарған.

Ал 2023 жылдың қаңтар айында Қазақстан Республикасы Конституциялық Сотының судьясы болып тағайындалған.

Айта кетейік, мұның алдында президент Азамат Есқараевты қызметінен босатқан болатын.

Ежелгі Жібек жолы бойында орналасқан қалалар арасында Қазақстан мен Өзбекстандағы шаһарлар жақсы сақталып қалған. Осы тарихи аймақтарды аралап, қайту үшін қанша қаржы керек деп ойлайсыз? Бір сапарға шығып, Түркістан, Ташкент, Самарқан және Шымкент шаһарларын «Жібек жолы» пойызымен аралаудың тиімді тұсы қандай? 

«Жібек жолы» тур пойызын кәдімгі мұхитта жүзетін круиз кемелермен салыстыруға болады. Күніне бір қалаға барып аралап, қызықты орындар мен тарихи ескерткіштерді көріп, дәм татып пойызға қайтып ораласыз. Пойызда жуынып, тынығып, ұйқыдан тұрғанда келесі қалаға, тіпті мемлекетке аяқ басасыз.

Пойыз қаңтар айының 2 жұлдызында Алматыдан жолға шығып, 3 қаңтарда таңертең Түркістанға жетті. Қалаға келгеннен кейін тур оператор күтіп алып, гидпен бірге...

Cемейде шыршаны безендіру кезінде құлап, басынан ауыр жарақат алған мұғалім Қуат Айтқалиев ауруханадан шығып, емін үйде жалғастырып жатыр. Жары Сымбат Аянқызы Kursiv.Media тілшісіне күйеуінің жағдайы орташа екенін, басы жиі айналып, күтімді қажет ететінін айтты.

«Қазір үйде күтім алып жатыр. Жанында үнемі бір адам отырмаса болмайды. Шуды көтере алмайды. Көп сөйлесе шаршап қалады. Мейлінше, мазаламауға тырысамыз» – дейді әйелі.

Сымбат Аянқызының сөзінше, алғашқы отада күйеуінің бас сүйегінің жартысын алып тастаған, енді оның орнына екі айдан кейін пластик қояды.

Ашылған қылмыстық іс бүгінде Қылмыстық кодекстің 362-бабы 4-тармағы (билiктi немесе лауазымдық өкiлеттiктерді асыра пайдалану) бойынша жүріп жатыр. Сымбат...

2025 жылдың 1 ақпанынан 1 кВт/сағ электр энергиясының шекті тарифі 2 теңгеге қымбаттайды. Энергетика министрлігінің мәліметінше, 36 энергия өндіруші ұйым шекті тарифті көтеруге өтініш берген.

Электр энергиясын өндіруші компаниялар жалақы шығыны, отын құны, көмір мен газды тасымалдау шығындары артқанын айтқан.

«Сондай-ақ тарифті түзетуге ықпал ететін факторлардың бірі – жөндеу науқанын жүргізу және энергия өндіруші объектілердің, оның ішінде металдың қымбаттауына байланысты объектілердің тұрақты жұмысын қамтамасыз ету үшін қажетті материалдар мен жабдықтарды сатып алу және тасымалдау құнының өсуі», – делінген түсіндірме жазбада.

Сонымен қатар жаңа үш энергия өндіруші ұйым энергия өндіруші ұйымдардың тізіміне...

Президент Қасым-Жомарт Тоқаев Әділет министрі Азамат Есқараевты қызметінен босатты. Бұл туралы Ақорда хабарлады.

«Мемлекет басшысының Жарлығымен Азамат Несіпбайұлы Есқараев Қазақстан Республикасының Әділет министрі лауазымынан босатылды», – делінген Ақорда хабарламасында.

Азамат Есқараев министрлікті 2 жыл басқарды. Бұл қызметке экс-министр 2023 жылдың 4 қаңтарында тағайындалған болатын.

Айта кетейік, министр қызметінің тұсында ұзақ жылдар бойы шешілмей келген Статилер дауы шешілді. Бірақ бұл даудың кімнің пайдасына шешілгені нақты айтылмайды. Ұлттық банк бұл мәміле шарттарының құпия екенін мәлімдеді.

ҚХР көшбасшысы Си Цзиньпин Қытайдың экономикалық көрсеткішіне күмән келтірген экономиске ашуланып, жауапкершілікке тартуды тапсырды. Бұл туралы өзінің дереккөздеріне сілтеме жасаған Wall Street Journal жазады.

Мәселе 2024 жылы Вашингтонда өткен форумға қатысты болып отыр. Сол жиында қытайлық экономист Гао Шаньвэн елдің ЖІӨ-нің өсімі көрсетілгеннен де 2,5 есе төмен деген еді. WSJ жазуынша, ол мемлекеттік SDIC Securities компаниясының бас маманы, бұған дейін ҚХР үкіметіне экономикалық және қаржылай саясат бойынша консультация да берген.

«Біз Қытай экономикалық өсімінің шынайы көрсеткіштерін нақты білмейміз. Менің болжамым бойынша, соңғы екі-үш жылда ЖІӨ-нің шынайы өсімі орта деңгейде 2%-ды ғана құрады. Ал ресми...

2025 жылдың 1 қаңтарынан бастап банктер декларация тапсырған кәсіпкерлердің 2024 жылғы мобильді аударымдарын тексере бастайды. Осылайша Мемлекеттік кірістер комитеті декларацияда көрсетілген деректер негізінде салықтан жалтарған кәсіпкерлерді анықтауды көздеп отыр. Бұл туралы Қазақстан Республикасы Қаржы министрлігі Мемлекеттік кірістер комитеті Жеке тұлғалардың кірістерін әкімшілендіру департаментінің басшысы Дина Құсайынова айтты.

«Мемлекеттік кірістер комитеті 250 нысаны бойынша 2024 жылы декларация тапсырған кәсіпкерлердің жеке сәйкестендіру нөмірін банктерге жібереді. Банктер сол адамдардың мобильді аударымдарына қатысты мәліметтерді бізге жібереді. 2025 жылдың 1 қаңтарынан бастап банктер бізге кәсіпкерлердің 2024 жылға мобильді аударымдары жайлы деректерді жібере бастайды. Банктер декларациялау жүйесіне енгізілген әрбір кәсіпкердің мобильд...

«Барыс» хоккей клубының балалар мен жасөспірімдер спорт мектебінде бірнеше жыл бойы спортшылар тәрбиеленсе де, әлі күнге дейін бірде-бір түлегі Ұлттық хоккей лигасына (ҰХЛ) шыққан жоқ. Клубтың бас директоры Нұрлан Оразбаев мектеп командаларының жағдайын түсіндіріп, олардың алдында тұрған қиындықтар туралы айтты.

Еске сала кетейік, 7 қаңтар күні «Барыс» хоккей клубы балалар командалары қаржылық қиындықтарға байланысты жарыстардан уақыттан бұрын шығатынын хабарлаған еді. Артынша, әлеуметтік желіде ата-аналары клуб басшылығына үндеу жариялады. Осы оқиғадан кейін, 9 қаңтар күні «Барысты» бас директоры Нұрлан Оразбаев Туризм және спорт министрі Ербол Мырзабосыновпен кездесті.

«Министр Ербол Мырзабосыновпен кездесу барысында балалар және жасөспірім командаларыны...

Жаңа жылдық кештен кейін Қырғызстанның Жогорку Кенеші аппаратының қызметкерін бастығы ұрып тастаған. Бұл дерек бойынша қылмыстық іс қозғалып отыр.

24 kg хабарлауынша, 2024 жылы 28 желтоқсанда Анкара көшесінде орналасқан мейрамханада өткен кештен кейін, дене жарақатын алған адам бастығының үстінен арыз түсірген. Полиция бұзақылық бабымен қылмыстық іс қозғаған. Сот-медициналық сараптама тағайындалды. Оның қорытындысы бойынша соңғы заңдық баға берілмек.

Мұның алдында Сергей Ким атты азамат бұқаралық ақпарат құралдарына шығып, 34 жастағы ұлы Русланды – Жогорку Кенештің аграрлық саясат, су ресурстары, экология және өңірлік даму комитеті бөлімінің маманын оның тікелей бастығы мен тағы да екі ер адамның аяусыз жабылып ұрғанын айтқан болатын...

«ҚазМұнайГаз-Бурение» компаниясы Тимур Құлыбаевқа тиесілі «Каспий-Нефть» компаниясының тапсырысын орындамақ. Бұл жұмыстардың жалпы сомасы 1,43 млрд теңгені құрайды.

Бұл шешімді компанияның директор кеңесі қабылдаған. Ірі мәміле құны оның активтерінің 1,47%-ын құрайды.

«Каспий Нефть» бұған дейінде 1,1 млрд теңгеге бұрғылау жұмысына тапсырыс берген. Қызмет көрсету шартын мердігер 31 желтоқсанға дейін аяқтаған.

Тимур Құлыбаев мұнай компаниясына Joint Resources арқылы иелік етеді. 1997 жылдан бері Каспий маңында жұмыс істейтін мұнай өндіруші компания. Атырау облысы Жылыой ауданында орналасқан Айранкөл кен орнында шикі мұнайды барлау, өндіру, алғашқы өңдеу, тасымалдау және сатумен айналысады.

Компанияның 2024 қаңтар-маусым айларындағы шоғырландырылған есебіне сәйкес, оның жалпы актив...