Жаңалықтар

Freedom Bank Тәжікстанда мобайл қосымшасын дамытып, ел азаматтары үшін ыңғайлы сервис ұсынбақшы. Бұл туралы журналистермен кездесуде Freedom Holding Corp иесі Тимур Турлов мәлімдеді.

«Қазақстан Тәжікстан үшін ең ірі сауда серіктесі болатынына сенеміз, екі ел арасындағы жеке тұлғалар үшін төлем ағымы өте үлкен. Осы мақсатта екі ел арасында телефон нөмірі арқылы аударым жасауға болатын ыңғайлы сервис әзірлеп, цифрлық қызметтерді дамытқымыз келеді», – деп атап өтті Турлов.

Бұған дейін 2024 жылы 15 қазанда «Freedom Bank Kazakhstan» АҚ Тәжікстандағы банктік қызметке лицензия алғанын мәлімдеді. Freedom Bank-тің Тәжікстанда еншілес банк ашу туралы жоспары 2024 жылдың қаңтарында хабарланған ед...

«Қазақстан темір жолы» компаниясының жалғыз акционері – «Самұрық-Қазына» қоры жалпы сомасы 13,3 млрд теңгеге теміржол операторының 1 мың акциясын сатып алады. Бұл туралы Қазақстан қор биржасындағы хабарламада жазылған.

«Қазақстан темір жолы «ұлттық компаниясы» АҚ Директорлар кеңесінің 2024 жылдың 03 желтоқсанындағы шешімімен: жалғыз акционердің акцияларды басымдықпен сатып алу құқығын іске асыру арқылы бір акция үшін 1 000 теңгеден 13 272 667 қарапайым акция орналастырылсын», – делінген хабарламада.

Тиісті шешімді 3 желтоқсанда ұлттық компанияның директорлар кеңесі қабылдаған. 1 қазандағы жағдай бойынша ҚТЖ акцияларының 100%-ы «Самұрық-Қазынаға» тиесілі. Қордың жалғыз акционері – Қазақстан үкіметі. Жарияланған қарапайым акцияларды...

Freedom Finance Түркия мен БАӘ-нің брокерлік нарығына шығуды жоспарлап отыр. Бұл туралы Freedom Holding Corp иесі Тимур Турлов айтты.

«Менің ойымша, жылдық табысымыздың 20-30%-ын [осы мақсатқа арнаймыз]. Біздің мақсатымыз – келесі жылдан бастау», – деді Турлов журналистердің сұрағына.  Бірақ әзірге нақты қай кезде іске асатынын болжау қиын деп атап өтті.

Freedom Finance – Freedom Holding Corp. құрамына кіретін, құнды қағаздар нарығындағы кәсіби брокерлік компания. Қазақстанның 14 қаласында және Бішкекте кеңселері бар.

Ашық дереккөздеріндегі мәліметке сүйенсек, компанияның 2024 қаржы жылындағы таза пайдасы 375 млн долларды құрады. 2025 қаржы жылының 6 айында таза пайдасы 149 млн долларды...

Алматы метросында 26 жастағы азамат қайтыс болды. Осы оқиғаға байланысты Абай станциясы тергеу аяқталғанша, жұмыс істемейді. Бұл туралы Алматы метрополитенінің баспасөз қызметі хабарлады.

Оқиға бүгін, 10 желтоқсан күні 15:41-де болған. Абай станциясында жолаушы платформаға құлаған. Баспасөз қызметінің мәліметінше, станция кезекшісі мен жүргізуші жедел әрекет етіп, қозғалысты тоқтатып, жолаушыны перронға шығарған. Содан кейін дереу дәрігерлерді шақыртқан. Қазіргі таңда оқиға орнында құқық қорғау органдары жұмыс істеп жатыр.

«Аталған дерек бойынша тергеу амалдары жүргізілуде. Оқиға салдарынан 26 жастағы зағип жігіт көз жұмды. Оқиғаның басқа да мән-жайлары анықталуда»,- деп хабарлады Алматы қалалық полиция департаментінің баспасөз қызметі.

Фото: «Астана Моторс»

Қазақстан экономикасының түрлі саласындағы кәсіпорындардың ішінде бюджетке ең көп салық төлейтін компаниялардың тізімі шықты.

Forbes Kazakhstan басылымының желтоқсан айында шыққан санында Қазақстандағы табысты ірі жеке компаниялардың рейтингі жарияланды. Тізімге биыл алғаш рет 75 компания еніп отыр.

Топ-75 компаниялардың жалпы табысы 1 трлн тенгені немесе 33 млрд АҚШ долларын құрады. Тізімдегі компаниялар былтыр ел қазынасына 1,6 трлн теңге түсірген екен.

Рейтингті құраған мекемелер негізінен өндіріс саласының өкілдері, атап айтқанда тау-кен өнеркәсібі мен мұнай-газ саласында қызмет атқаратын компаниялар болды. Алайда лидерлер қатарынан құрылыс пен авторетейл салаларының  өкілдері де қалыс қалмады.

Автокөлік өнеркәсібі, авторетейл және сервистік қызмет көрсету...

Қараша айында теңге 5%-ға құнсызданды. Ұлтттық банктің нарыққа араласуының арқасында доллар бағамы сәл тұрақталды. Қор биржасының кешкі сессиясында доллар 508 теңгеден сатылды. Десе де Қазақстан қаржыгерлер қауымдастығының сауалнамасына қатысқан нарық өкілдері алдағы 1 айда доллар бағамы 524,1 теңгені құрауы мүмкін деп болжайды.

Ал 2025 жылы доллар тағы 6%-ға қымбаттап, 542 теңгеге дейін жетуі ықтимал. Нарық өкілдерінің арасында сауалнама доллар қатты қымбаттап жатқан кезде жұргізілген. Сарапшылар теңгенің құнсыздануына мұнай бағасының арзандауы мен ресей рублі бағамының құбылуы әсер етеді деген пікірде.

«Ішкі факторлар мен Ресей рублінің құбылуынан бөлек, алдағы жылы теңгеге мұнай бағасының арзандауы әсер ету...

Шерзат Болаттың әкесі Қаржаубай Нұрымов ұсталды. Полицияның айтуынша, інісі Нұрқанат Ғайыпбаевты жерлеген соң, ол «қоғамдық тәртіпке» қауіп төндірген.

«Н. деген азамат прокурордың заңдылықты сақтау туралы түсіндіргенін елең қылмады. Өзін өте агрессивті ұстады. Қоршағандарға қауіп төндіретінін айтты. Суицид жасайтынын айтты. Сондай-ақ полиция қызметкеріне пышақпен шабуылдады», – делінген полиция хабарламасында.

Полицияның пікірінше, оның әрекеттері өзіне де, басқаларға да қауіп төндіруі мүмкін болды.

«Туыстары мен адвокаттарының өтініші бойынша, өзінің және басқалардың өміріне қауіп төнбес үшін полиция шара қолданды. Қазір ол полиция бөліміне әкелінген. Полиция жағдайды тұрақтандыруға жұмыс істеп жатыр. Азаматтарды тыныштық сақтауға шақырамыз...

Армения, Беларуссия, Қырғызстан және Ресейден келетін жаңа жылдық костюмдер, балалар аяқ киімі мен киім-кешегі қауіпті болып шықты. Денсаулық сақтау министрлігінің санитарлық-эпидемиологиялық бақылау комитеті балалар мен жасөспірімдерге арналған киім-кешек пен аяқ-киімнің 485 үлгісіне сараптама жүргізген. Оның ішінде 358 үлгі, яғни 74%-ға жуығы кеден одағының техникалық регламентінің талаптарына сай келмейтін болып шықты.

Санитариялық-эпидемиологиялық бақылау комитеті биылғы жылдың 10 айында  балалар мен жасөспірімдерге арналған киім мен аяқ киімдерге бақылау мен зерттеу жүргізген. Нәтижесінде  ЕАЭО-ға мүше мемлекеттерден, нақты айтқанда Армения, Беларуссия, Қырғызстан және Ресейден импортталатын тауарлар талапқа сай келмейтіндігін анықтады.

«Комитет балалар мен жасөспірімдерге арналған киім мен аяқ киімнің 485 үлгісін сатып алып...

Freedom Telecom елдегі мобильді интернет жүйесіндегі жүктемені азайту үшін Қазақстан қалаларында wi-fi желілерін көбейтпекші. Бұл туралы Freedom Holding иесі Тимур Турлов журналистермен кездесуінде айтты.

«Көбірек 5G тарату үшін қалаларды өзара интернетпен байланыстыратын оптика желілерін де көбейту керек.  «Ақылды қалалар» жүйесін дамыту, жол камералары, сенсорлы жүйелерінің дамуы – барлығы көп оптиканы талап етеді. Әрбір бағанда интернет болуы қажет. Егер әрбір бағанда интернет болса, wi-fi орнатылады. Осыдан кейін wi-fi аумағында жүрген қолданушылар 5g желісінен кетіп, қосыла алады.  Олар өзінен кейінгі басқа қолданушылар үшін мобильді интернет жүктемесін азайтады», – деп түсіндіреді ол. Яғни Freedom Telecom қалалардағы wi-fi желілерін көбейту...

Кофе бағасы қымбаттап жатыр. Нью-Йорктегі саудада бұл өнім бағасы рекордтық деңгейге жеткен. Кофе бағасының қымбаттауына логистикалық қиындықтарға қатысты нарық алаңдаушылығы әсер еткен.

Әсіресе, Arabica сортына деген сұраныс жоғары. Бұл сорттағы кофе фьючерстері сейсенбі, 10 желтоқсан күнгі саудада 3,5%-ға қымбаттап, 1972 жылдан бергі ең жоғарғы көрсеткіштерге жеткен. Бұл жылдары Бразилияда үсік жүріп, кофе ағаштары толығымен үсіп кеткен болатын. Жалпы бір жылда Arabica сортының фьючерстері 80%-ға артқан.

Бағалардың бұлайша көтеріліп кетуіне әлемнің ең ірі кофе өндірушісі саналатын Бразилияда жыл басында құрғақшылық болып, салдарынан кофе плантациялары зиян шеккені себеп болып отыр. Осыған байланысты нарықта бұл елден кофе экспортының көлемі азаюы мүмкін...

10 желтоқсанда Еңбекшіқазақ ауданы Азат ауылында сағат екіде Нұрқанат Ғайыпбаевтың жаназасы өтті. Оған топырақ марқұмның денесі табылған жерден небәрі жүздеген метр әріде, 4 қазанда Талғарда қаза болған Шерзат Болаттың қасынан бұйырды.

Талғардың түбінде тұрғанымен, Азат ауылы Еңбекшіқазақ ауданына жатады. Ауылдың өзінің дербес әкімдігі жоқ. Қайназар ауылына қарайды.

Шерзат Болат пен Нұрқанат Ғайыпбаев тұрған үй Талғардан шыға берістегі алғашқы бұрылыстан бірнеше үйден кейін орналысыпты. Қара жамылып, қайғы жұтып отырған отбасы бәрін бір сәтке ұмытуға бекінгендей. Өйткені бүгінгі міндет, парыз – көңіл айтып келіп, жаназаға қатысатын жекжат-жұрағат, алыс-жақын ағайындарды қарсы алып, марқұмды ақтық сапарға шығарып салу.

Нұрқанаттың денесі табылған жыраның ек...

Өткен аптада ең көп касса жинаған фильмдер қатарында «Моана» көш бастап, өз орнын сақтап қалды. Ticketon мәліметінше, фильм екінші апта қатарынан үздік нәтиже көрсеткенімен, кассалық табысы сәл төмендеді.

Көшбасшы фильмдер:

«Моана» қазақстандық көрермендер арасында үлкен қызығушылыққа ие болып, алдыңғы аптамен салыстырғанда аз касса жинаса да, өзінің көшбасшылық орнын сақтап отыр.

Жаңа фильмдер табысы төмен болды

Бұл аптада жаңадан шыққан фильмдердің табысы салыстырмалы түрде төмен. Соны...

Қырғызстан премьер-министрі Ақылбек Жапаров Дүниежүзілік банктің бас экономисі Аслы Демиргюч-Кунтпен дауласқан.

KaktusMedia ақпаратына сүйенсек, Дүниежүзілік банк жиынында «Қырғыз Республикасы бойынша» болжамды тыңдаған. Оны министрлік кабинетінің төрағасы Ақылбек Жапаровқа таныстырған. 

Тыңдалым барысында Жапаров Дүниежүзілік Банктің бас экономисімен дауласқан. Бұл туралы ол банктің Қырғызстандағы өкілдігінің басшысы Хью Ридделлмен тілдескен. 

«Дүниежүзілік Банктің көктемгі сессияларының бірінде Вашингтонда болғанымда, ДБ бас экономисі екеуміз алдағы 3-4 жылда Қырғызстандағы экономикалық өсім тұрақты және 7% жоғары болады деп дауластық. Ол бұл мүмкін емес деп айтты. Қазір 2024 жылдың 11 айының қорытындысы бойынша Қырғызстанның ЖІӨ өсімі 9% құрағанын көріп отырмыз», – деді Ақылбек Жапаров.

Қазақстан халқының мойнындағы кредиті жыл басынан бері 18,7%-ға өскен. Қазір халықтың банктерден алған қарызы 19,8 трлн теңгені құрайды. Соның ішінде 13,1 трлн теңгесі – тұтынушылық қарыз.

Қаржы нарығын реттеу және дамыту агенттігінің дерегі бойынша, банктер экономикаға жалпы 31,9 трлн теңге кредит берген. Жыл басынан бергі өсім – 14,3%. Осы қарыздың – 12,1 млн теңгесі бизнестің алған кредиті. Қалған бөлігі (19,8 трлн теңге) жеке адамдардың алған ипотекасы мен тұтынушылық қарызы.

Соның ішінде 777 млрд теңге қарыздың төленбегеніне 3 айдан асқан. Жыл басында бұл көрсеткіш 600 млрд теңгеге де жетпейтін. 10 айдың ішіне 3,4%-ға өскен.

Қазанда теңгемен алынған несиен...

2024 жылдың әр тоқсаны сайын Ресейдегі соғыс бюджеті көбейіп жатыр. Үшінші тоқсанда «ұлттық қауіпсіздік» деген бап бойынша бюджеттік шығындар 4,23 трлн рубльге жетті. Мұны Халықаралық қауіпсіздік мәселелері институтының мамандары «Электронды бюджеттегі» ашық дерек негізінде есептеп шығарған.

Осы жылы үшінші тоқсандағы әскери бюджет екінші тоқсанмен салыстырғанда 80%-ға, ал жылдық есепте 53%-ға артты. Шілде-қыркүйек аралығында ресейлік үкімет әскерді қамтамасыз ету мен қару-жарақ сатып алуға аптасына 329 млрд рубль жұмсаған. Күніне 47 млрд рубль, сағатына 1,96 млрд рубль шығады. Теңгемен есептегенде Ресей соғысқа күніне 235 млрд теңге, сағатына 10 млрд теңге жұмсайды.

Институт мамандарының есептеуінше, 2024 жылдың бір тоқсанында соғысқа жұмсалған қаржы елдегі білім...

Қазақстандықтар алдағы 12 айда қымбатшылық тосып тұр деген ойда. Ұлттық банктің тапсырысымен жүргізілген зерттеуде респонденттер алдағы уақытта инфляция 14,1% болады деп пікір білдірген. Ал қазан айындағы сауалнама инфляция орташа 12,5%-ды құрайды деген болжам айтылды.

Халықтың инфляцияға қатысты болжамының өзгеруіне теңгенің күрт құнсыздануы мен елдегі қымбатшылық әсер еткен. Одан бөлек, респондеттердің көпшілігінің тұрмыс жағдайы нашарлауы себепті тұтыну көңіл-күйі нашарлады. Тұтыну көңіл-күйінің индикаторы 114,7-ден 111-ге дейін төмендеп кеткен.

Зерттеуге сәйкес, қараша айында азық-түліқ пен дәрі-дәрмек қымбаттағанын сезінген халықтың қарасы көбейді. Респондеттердің 68,2%-ы Қазақстанда ет пен сүт, жеміс-жидек пен көкөніс қымбаттағанын айтқан.

Ал азық-түлікке жатпайтын тауарлар арасында халық дәрі-дәрмек, киім...

Әкімдіктер өңірлерде үй кезегі бойынша тізімінен шығарылған азаматтардың орнына, баспана алуға үміткер болғандардың деректерін ашық жариялауға міндетті. Мұндай мәлімдемені Өнеркәсіп және құрылыс вице-министрі Қуандық Қажкенов айтты. Шенеуніктің сөзіне сенсек, әкімдіктер үй кезегіндегі тізімінен 50 мыңға жуық адамды шығарып тастаған. Оның себебі, арасында баспана алғандар немесе басқа аймаққа қоныс аударғандар болған.

Үкіметте өткен брифингте журналистер Өнеркәсіп және құрылыс министрінің орынбасары Қуаныш Қажкеновтен тұрғын үй кезегіндегі тазарту процесіне қатысты сынға түсініктеме беруді сұрады. Өйткені, қазақстандықтар кезектен кімдердің шығарылғаны және бос орындарға кімдердің қосылғаны туралы ақпараттың жоқтығына наразылық білдіруде.

Қажкеновтің айтуынша, қазіргі уақытта кезекте шамамен 650 мың адам тұр. Ал бос орындарды кезекте...

Афина Олимпиадасының чемпионы, танымал боксшы Бақтияр Артаев Қызылорда облыстық спорт басқармасының басшысы қызметіне тағайындалды. Бұл туралы Қызылорда облысы әкімдігі хабарлады.

Облыс әкімі Нұрлыбек Нәлібаев Артаевты жаңа қызметте аймақтың әлеуметтік-экономикалық көрсеткіштері мен кадрлық өзгерістер талқыланған жиында таныстырды.

Бақтияр Артаев 1983 жылы Тараз қаласында дүниеге келген. 2004 жылы Грекияның Афина қаласында өткен Олимпиада ойындарында алтын медаль жеңіп алып, «Вэл Баркер» кубогын иеленген тұңғыш қазақ спортшысы. Олимпиададағы жеңісінен кейін түрлі басқарушылық қызметтерде жұмыс істеп, ел спортына өз үлесін қосты.

2009-2013 жылдары Жамбыл облысындағы Айшабибі ауылдық округінің әкімі, облыстық дене шынықтыру, спорт және туризм басқармасының басшысы, сондай-ақ облыс әкімі аппараты басшысының орынбасары қызметтерін...

«Отбасы банк» депозиттеріне мемлекеттік сыйақы төлеуге қатысты норма өзгеруі мүмкін. Бұл туралы Үкімет кулуарында «Отбасы банк» АҚ басқарма төрағасы Ләззат Ибрагимова айтты.

«Осыдан біраз уақыт бұрын «Отбасы банктің» депозиттерге төленетін мемлекеттік сыйақыны алып тастайтыны жөнінде ақпарат тарады. Бұл банктен салымшылардың кетуіне әсер етпей ме?», – деп сұрады журналист.

Ибрагимова мемлекеттік сыйақы депозит ашып, ипотекаға несие рәсімдейтін азаматтарға берілетінін айтты. Ал депозит ашып, артынша салынған қаражатын шығарып алатындарға берілмеуі мүмкін. «Отбасы банк» өкілінің айтуынша, бүгінгі күні банк салымшыларына берілетін мемлекеттік сыйақының көлемі 75-80 млрд теңгеге дейін жеткен. Нормаларға өзгеріс енгізу арқылы ел бюджетіне...

Украина президенті Владимир Зеленский елдегі мобилизация жасын 18-ге дейін төмендетуге қарсылық білдірді.

«Украина Үкіметімен елдің шығысындағы қауіпсіздік жағдайы туралы әңгімелестік. Егер олар күреске қатысу үшін қосымша күш берсе, біз одақтастарымызбен бірге осы күштерді жабдықтауға және оларды ұрысқа қатысуға үйретуге дайын боламыз», – деді АҚШ мемлекеттік департаментінің өкілі Мэттью Миллер. 

Мәлімдеме кезінде АҚШ-тың Украинадағы мобилизация жасын 18 жасқа дейін төмендетуге шақырғаны туралы да айтты. Оның осы ұсынысына Зеленский әлеуметтік желіде жауап берді.

«Украинадағы әскерге шақыру жасын төмендету емес, зымырандарды жеткізу және Ресейдің әскери әлеуетін төмендету басымдыққа ие болуы керек. Мақсат қоймаларда қаруды...

Жалға берілген тұрғын үйде тұратындар қазірден бастап, жекешелендіруге өтініш бере алады. Бұл туралы Үкімет кулуарында Өнеркәсіп және құрылыс вице-министрі Қуандық Қашкенов айтты.

Министрлік өкілінің мәліметінше, Қазақстанда барлығы 50 мыңнан астам жалға берілген тұрғын үй бар және сол үйлерде тұратын барлық азамат бүгіннен бастап, жергілікті атқарушы органдарға барып жекешелендіруге рұқсат алуға құқылы.

«Жобаға қол қойылды. Бұрын жекешелндіруге рұқсат берілмеген үйлерді приватизациялауға мүмкіндік беріліп отыр. Бұл заң негізінде қазірден бастап, әкімдіктерге жүгінуге болады»,- деді вице-министр.

Қашкенов жекешелендіру үрдісі ұзақ жүретінін, сол үшін де азаматтар қазірден қамдануы тиіс екенін атап өтті. Ал жекешелендіру талаптарына...

Қазақстанның жалпы халықаралық резерві қараша айында 45,8 млрд доллардан 44,2 млрд долларға дейін азайған. Ал Ұлттық қордың валюталық активтері 60,5 млрд доллардан 60,8 млн долларға жеткен. Нәтижесінде елдің халықаралық валюта резерві 105 млрд долларды құрайды.

Қараша айындағы статистикасына сәйкес, өткен айда Қазақстанның жалпы халықаралық резерві 3,58%-ға азайған. Соның ішінде еркін айналатын валютадағы үлесі 19,9 млрд доллардан 18,9 млрд долларға дейін азайған.

Қараша айында Ұлттық банк доллар бағамын ұстап тұру үшін өз қорындағы долларды сатып, интервенция жасаған. Базалық мөлшерлемеге қатысты баспасөз мәслихатында Ұлттық банк төрағасы Тимур Сүлейменов интервенция барысында 1 млрд доллар саттық деп мәлімдеген.

Резервтегі монетарлық алтынны...

Forbes Kazakhstan 2023 жылдағы төлеміне қарай отырып, елдегі ірі салық төлеушілер тізімін жасады. Ең бай жеке компаниялар тізімінде Владимир Ким, Нұрлан Смағұлов, Тимур Құлыбаев пен Болат Өтмұратовқа тиесілі кәсіпорындар бар. Ал былтыр дәулетті компаниялар қатарында болған Алмас Сұлтанғазин мен ресейлік Игорь Яковлевке тиесілі «Arena S» (Sulpak), Азамат Османовқа тиесілі Magnum Cash & Carry тізімнен төмен түскен.

Ел қазынасына ең көп салық төлеген – Владимир Ким мен Олег Новачукқа тиесілі Kaz Minerals. Былтыр мемлекетке 466,6 млрд теңге беріп, екінші жыл қатарынан ең бай кәсіпорын атанып отыр. 2023 жылы компанияның түсімі 1,8 трлн теңгені құрады, таза табыс – 406,8 млрд теңге...

«Отбасы банк» 2025 жылдан бастап «Наурыз» бағдарламасының ипотекалық талабын қатаңдатып, салымшылардың депозитте жинауы тиіс қаражатын 1 млн теңгеден 2 млн теңгеге дейін өсіруді көздеп отыр. Бұл туралы Үкімет сағатында «Отбасы банк» АҚ басқарма төрағасы Ләззат Ибрагимова айтты.

Банк басшысының айтуынша, қазіргі таңда салымшы бағдарлама бойынша үй алуы үшін депозитінде 1 млн теңге көлемінде қаражат жинауы керек. Алайда бұл қаражат азаматтардың өтініші қабылданған соң, үй алуына жеткіліксіз. Сол үшін де банк бұл соманы көтері мәселесін ұсынған.

«Конкурстан өткен салымшы аз уақыт ішінде пәтердің 20%-ын салуы тиіс. Қазіргі таңда 2,5 мыңнан астам өтініштің 39%-ында ғана...