Жаңалықтар

Кәсіпкер Эльдар Сәрсеновке тиесілі «Нұрбанк» ресейлік Kwikpay ақша аудару жүйесіне қосылды. Бұл туралы қаржы ұйымының сайтында жазылған. Аталмыш жүйеге банк «Золотая Корона» ақша аудару жүйесімен туындаған мәселелерден кейін көшуі мүмкін.

Биыл жазда «Золотая корона» жүйесін жасаған компания АҚШ санкциясына ұшыраған соң, бірқатар қазақстандық банк онымен жұмысты тоқтатқан.

`»Нұрбанктің» клиенттері енді Kwikpay жүйесі арқылы Армения, Грекия, Израиль, Кипр, Қырғызстан, Ресей, Түркия және Өзбекстанға ақша аудара алады.

2023 жылдың тамыз айында Ресейдің Орталық банкі Kwikpay жаңа халықаралық төлем жүйесін тіркегені белгілі. Оның операторы – Мәскеуде 2019 жылы тіркелген «Трубная СИВ» ЖШҚ. Компанияның түпкі иесі – Ирина Хелльмих.

Төлем...

Түркістан облысы Жетісай қаласының орталық саябағын электронды сауда-саттыққа шығарды. Аукцион жеңімпазы 8 гектардан астам жерді 15 жылға сенімгерлік басқаруға ала алады.

Е-қазына жүйесінде жария болған ақпаратқа сүйенсек, аукционға қатысу үшін 4 699 350 теңге көлемінде кепілдік жарна төлеу қажет. Сауда-саттық 24 желтоқсан сағат 10:00-де өтеді. Жеңімпаз саябақ пайдасының 50%-ын алады.

Бастапқы шарттар бойынша сенімгерлік басқаруға алу үшін саябаққа 300 миллион теңге инвестиция салу қажет. Бұған қоса, бірінші жылы жергілікті тұрғындарды жұмыс орындарымен қамтамасыз ету жоспарланған. Саябақта аттракциондар ашу жоспары да бар.

Ақпаратта қаладағы саябақтың бассейіні де бар екені айтылған. 2022-2023 жылдары саябақтың жартысына қайта жөндеу жұмыстары жүргізілген. Алайда...

Мемлекет құс етіне бөлген қаражат қалай өзге елдерге кетіп жатыр. Отандық өндіріске бағытталған субсидияның қызығын көрші елдер көріп отырған жоқ па? Елде құс еті өндірісін дамытуға бағытталған субсидиялардың ішкі нарықты қамтудағы тиімділігі төмен екенін Мәжілісте Жоғары аудиторлық палата төрағасы Әлихан Смайылов айтты.

Елдің бас аудиторының мәліметінше, Қазақстанда ішкі нарықты отандық құс етімен қамту үшін жыл сайын миллардтаған қаражат бөлінеді. Мәселен, өткен жылы 32 құс етін өңдіретін кәсіпорынға 22 млрд теңге көлемінде субсидия берілген. Алайда мемлекеттің қайтарымсыз беретін бұл қаражатының ішкі нарыққа тиімділігі төмен болып отыр.

«Қазақстанда өндірілетін құс еті ішкі нарықта, көтерме саудада...

Назарбаев университеті мемлекеттік бюджетке тәуелді болып қала береді. Бұл туралы Жоғары аудиторлық палатаның төрағасы Әлихан Смайылов мәлімдеді.

Смайыловтың айтуынша, университеттің қызметін талдау жуырда аяқталған. Аудит барысында мына мәселелер анықталды:

Смайылов университеттің стратегиялық серіктестері тауарлар мен қызметтерді конкурссыз жеткізетінін атап өтт...

Freedom bank қор биржасына облигация шығарып, нарықтан 100 млрд теңге тартуды жоспарлап отыр. Банк қаржыны инвестициялық жобаларды қаржыландыруға жұмсамақ. Бұл туралы Қазақстан қор биржасына алаңында өткен Эмитент күнінде Freedom bank атқарушы директоры Фархат Сәрсекеев айтты.

Қаржы ұйымы номиналдық құны 100 теңге болатын 100 млн қамтамасыз етілмеген купондық облигация шығарады. Айналым мерзімі – 7 жыл. Облигациялар айналым мерзімінің соңына қарай өтеледі.

Купондық облигациялардың сыйақы мөлшерлемесі еркін инфляцияға байланған, орта есеппен жылдық 15,7%-ды құрайды.

Қор нарығынан тартылған 100 млрд теңге бизнеске кредит ретінде беріледі. Кәсіпкерлер 100 млн теңгеге дейінгі сомадағы қарызды 84 айға ала алады. Кредиттің пайыздық мөлшерлемесі орта...

Сот шешімімен 15 тәулікке қамалған Қаржаубай Нұрымовтың адвокаты Саида Тәуекел Шерзаттың әкесі полицияға шабуыл жасамағанын, тек екі қызметкер отырған көліктің дөңгелегін жарып тастағанын айтты. Адвокаттар сот шешіміне аппеляциялық шағым жолдамақ.

«Кеше Қаржаубай Нұрымов ұсталған соң, дереу артынан барып ара түстік. Оның эмоциялық тұрғыдан таусылып отырғанын көрдік. Денсаулығы нашарлаған деп күдік келтіріп, дереу жедел жәрдем шақырдық. Диагноз қою үшін бірқатар тексеру жүргізу керек болды. Оны Еңбекшіқазақ аудандық ауруханаға әкелді», – деді Саида Тәуекел.

Адвокаттың айтуынша, ол жерде дәрігерлер Қаржаубайға толық медициналық тексеру жүргізіп, инсульталды жағдайды жоққа шығарды. Организмі зорыққанын, денсаулығында басқа да кілтипандар бар екенін айтқан.

АҚШ президенті Джо Байден жаңа сайланған президент Дональд Трамп билікке келмей тұрып, Ресейдің мұнай экспортына қысым жасауды көздеп отыр. Бұл туралы Bloomberg басылымына Ақ үйдегі қызметке жақын адамдар айтып берген.

Басылымның жазуынша, АҚШ-тың биліктен кетіп бара жатқан президенті Джо Байден әкімшілігі сайлауда жеңіске жеткен Дональд Трамптың Ақ үйге оралуы қарсаңында Кремльге қысымды күшейту үшін Ресейдің мұнай экспортына санкция салуды қарастырып жатыр.

Жаңа шектеулердің қандай бағытта қолданылатыны нақты белгілі емес. Дегенмен басылымға сұхбат берген шенеуніктер әзірге шектеулердің егжей-тегжейлері әзірленіп жатқанын айтқан. Санкция Ресей Федерациясынан мұнай экспортына әсер етуі мүмкін. 

Байден әкімшілігі бұл қадамға баруды ұзақ уақыт бойы ойланып келген. Себеб...

Сарапшылардың пікірінше, ФРЖ мөлшерлемесін 2025 жылы арттыруға мүмкіндік бар. Deutsche Bank қазіргі америкалық акциялардың өсуін 2000-шы жылдардың басындағы «доткомдар көпіршігімен» салыстырып, күмәнді дүниелер қатарына қосты. Облигациялар нарығында тұрақсыздық байқалып отыр. Халықаралық есеп айырысу банкі мемлекеттік қарыздың шамадан тыс көбеюі қаржылық дүрбелеңге әкелуі мүмкін екенін ескертті. 10 желтоқсандағы әлемдік БАҚ шолуына зер салыңыз.

ФРЖ мөлшерлемелерін көтеру ықтималдығы артып келеді

Нью-Йорктегі Nuveen басқарушы компаниясы (1,3 трлн доллар активі бар) АҚШ-тың рецессиядан инфляцияны төмендету арқылы аман өтуін болжайтын «жұмсақ қону» сценарийінің қателесу мүмкіндігін қарастырады деп жазды Market Watch.

«Алдағы 12 айда, бәлкім, бірнеше жылда инфляция ФРЖ-ның 2% мақсатты...

Қазақстанның миноритарлық акционерлер қауымдастығы (QAMS) «Қазақтелекомның» болашағына алаңдап отыр. Өйткені Tele2/Altel байланыс операторын қатарлық инвесторға сату ісі ұзап барады. Ал табысты еншілес ұйымынан айырылуы «Қазақтелеком» компаниясының пайдасына кері әсер етуі мүмкін.

Cол себепті қауымдастық «Қазақтелеком» компаниясының бас директоры Бағдат Мусинге бірқатар сауал жолдаған. Жеке инвесторлар «Mобайл Телеком Сервис» (Tele2/Altel) компаниясын Қатар инвесторына сату келісімі нақты қашан аяқталатынын білгісі келеді. Сонымен қатар байланыс операторын сатудан түскен табыс қалай бөлінеді деген сауал тастаған.

Мусин KURSIV ECOSYSTEMS форумы барысында негізгі келісім жасалып қойғанын, мәміле ары кетсе, 2025 жылдың ақпанында аяқталады деп сенім білдірген.

«Екінші тарап шетелдік...

Ұлытау облысында мемлекет бөлген 1,5 млрд теңгенің субсидиясы кәсіпкер ретінде тіркелмеген мың адамға берілген. Бұл туралы Мәжіліс отырысында Жоғары аудиторлық палата төрағасы Әлихан Смайылов айтты.

Мемлекеттің ауыл шаруашылығы саласын дамытуға бөліп жатқан қаражатының тиімділігін тексерген аудиторлар жалпы 142 млрд теңгенің бюджет қаражаты тиімсіз жоспарланып, жұмсалып кеткенін анықтаған. Жоғары аудиторлық палата 2 млрд теңгеге қаржылық бұзушылықтарды да анықтап, оған қатысты 4 факті бойынша құқық қорғау орындарына құжаттар әзірленіп жатыр.

Жалпы осындай олқылықтар нәтижесінде экономикалық шығындар мен жіберіп алған пайда 5 млрд теңгеге жеткен.

«Бұлардың ішінен ең ірі заңбұзушылықтарды тергеу органдарына жібереміз. Мәселен, Ұлытау...

Мәжіліс депутаттары уақыт белдеуіне қатысты зерттеуді үш ай ішінде жүргізіп, 2025 жылдың наурызынан дейін аяқтауды талап еткен.

Депутат Елнұр Бейсембаевтың айтуынша, Үкімет 2025 жылдың наурызына дейін зерттеуді аяқтауы қажет. 

«Үш ай ішінде зерттеп шығу мүмкін деп ойлаймын. Осы кезге дейін алдын ала зерттеу жасап келген еді. Қоғамда бұл мәселенің қызу талқыға салынып жатқанын білеміз. Тәуелсіз сарапшылар да, әлеуметтанушылар да қосылып жатқанын көріп отырмыз. Үкіметтің алдына зерттеуді үш айда аяқтау туралы міндет қойдық», – деді Бейсембаев.

Айта кетейік, Үкіметтің уақыт белдеуіне қатысты зерттеу жұмысын 2025 жылдың наурызына дейін аяқтауы қажет. Талап туралы 10 желтоқсан күні кешке...

Шығыс Қазақстан облысының экс-әкімі Даниал Ахметов жеңіл атлетика федерациясының басшылығынан кетті. Бұл туралы Туризм және спорт министрлігі хабарлады.

Министрліктің мәліметінше, бүгін, 11 желтоқсанда, Астана қаласындағы «Qazaqstan» спорт кешенінде Қазақстанның жеңіл атлетика федерациясының (ЖАФ) конференциясы өтті. Күн тәртібі бойынша делегаттарға ақпарат небәрі бір күн бұрын жіберілген. Жиында 28 делегат дауыс беріп, үш негізгі мәселені қарастырды:

Даниал Aхметов Қазақстанның жеңіл атлетика федерациясын 2018 жылдың наурыз айынан бері, алты жыл басқарды. Ахметов басшылық еткен жылдары елдегі жеңіл атлетиканың даму көрсеткіштері төмендеді. 2020 жылы Токио...

Қазақстанның ұлттық тасымалдаушысы 2025 жылдың қаңтарында екінші мәрте «Жібек жолы 2.0» туристік пойызын іске қосатынын хабарлады. Саяхат «Алматы–Түркістан–Ташкент–Самарқан–Шымкент–Алматы» бағытын қамтиды. Турдың ұзақтығы – 5 күн. Қаңтардың 2-7 күндеріне жоспарланған.

Пойыздың ерекшелігі мен жайлылығы

«Жібек жолы 2.0» пойызы отандық өндірістен шыққан жаңа вагондардан құралған. Вагондардың ішкі дизайнында ұлттық ою-өрнектер қолданылып, ерекше қазақи атмосфера жасалған.

Пойыз құрамында вагон-мейрамханалар да бар. Мұнда ұлттық және еуропалық тағамдардың кең таңдауы ұсынылады. Бұл саяхат тек көрікті жерлермен ғана емес, қазақтың қонақжай дастарханымен де есте қалады.

Бағыттың негізгі нүктелері

Түркістан: Түркістанда туристер Қожа Ахмет Яссауи кесенесі, Арыстан баб кесенесі және Отырар музейі сынды...

Президент әкімшілігі және Саран қалалық мәслихатының келісімімен қалаға жаңа әкім тағайындалды. Қызметке осыған дейін Қарағанды облысының өнеркәсіп және индустриялық-инновациялық даму басқармасын басқарған Дарын Бұлқайыр тағайындалған.

Жаңа басшыны облыс әкімі Ермағанбет Бөлекпаевтың өзі таныстырған.

«Дарын Бейбітұлы қала әкімі лауазымында оған дейін басталған жобаларды жалғастырып, аяқтайтынына және жаңаларын іске асыратынына сенімдімін, бұл жергілікті тұрғындардың өмір сүру сапасына және жалпы қаланың одан әрі әлеуметтік-экономикалық дамуына оң әсер етеді», – деді Бөлекпаев.

Жаңа әкім осыған дейін Қарағанды облысы әкімдігінде лауазымды қызметтер айтқарған.

Айта кетейік, Саран қаласының бұрынғы әкімі Еркін Баулықов қаланы жылыту маусымына дұрыс дайындай алмағаны үшін премьер-министр Олжас Бектеновтің шешімімен...

Оңтүстік Корея полициясы 3 желтоқсан күні 6 сағатқа әскери жағдай енгізіп, елді дүрліктірген президент Юн Сок Ёлдің кеңсесіне тінту жүргізген. Бұл туралы Ренхап агенттігі хабарлады.

«Сәрсенбі күні полиция президент Юн Сок Ёлдің қысқаша әскери жағдай жариялауына қатысты тергеу аясында президент кеңсесінде тінту жүргізді», – деп хабарлайды агенттік.

Сонымен бірге құзырлы органдар негізгі полиция кеңсесі мен Сеул қалалық полициясының, Ұлттық ассамблея полициясы кеңселерінде тексеріс жүргізген.

Тінту кезінде кеңседе президенттің Юннің болмағаны айтылады.

Осы жағдайға байланысты полиция Оңтүстік Кореяның экс-қорғаныс министрі Ким Ён Хёнді қамауға алған болатын. Ренхап агенттігі шенеуніктің өзін өлтіруге...

Жақында Халықаралық EF English Proficiency Index (EF EPI) рейтиңі бойынша Қазақстан ағылшын тілін меңгеру деңгейі төмен елдердің қатарына енді. Соңғы деректерге сәйкес, Қазақстан 114 мемлекеттің ішінде 103-орынды иеленді. Алайда сарапшылардың айтуынша бұл нәтиже Қазақстан халқының жалпы көрсеткіші емес.

EF EPI рейтингі қалай анықталады?

Бұл рейтинг EF Education First компаниясы әзірлеген EF SET тесті арқылы анықталады. Тест респонденттердің ағылшын тіліндегі оқу және тыңдау қабілеттерін ғана бағалайды. Алайда жазу және сөйлеу дағдылары есепке алынбайды. Еліміздің ағылшын тілін меңгеру индексі 427-ні құрап, біз Сенегал (102-орын) және Иордания (101-орын) сияқты елдермен қатар тұрмыз. Ал көш басында Нидерланды, Норвегия және Сингапур сынды елдер.

АҚШ Қаржы министрлігі Украинаның денсаулық сақтау саласын қолдау үшін 20 млрд доллар көлемінде несие береді. Бұл қарыз Ресейдің бұғатталған активтерінен түскен табыс есебінен өтелуі қажет.

АҚШ Қаржы министрлігі «Үлкен жетілік» (G7) бастамасы аясында Украинаға 20 млрд доллар бөлетінін жариялады. Несие беру туралы шешім 10 желтоқсанда қаржы бөлімінде қабылданған.

Несие Ресейдің бұғатталған активтерінен түскен кірістер есебінен өтелуі керек. G7 желісі бойынша берілген қаражаттың жалпы сомасы 50 млрд долларды құрайды.

АҚШ Қаржы министрі Джанет Йеллен бұл ақша Украинаның жедел жәрдем қызметтері мен ауруханаларын жөндеуге және қолдауға берілетінін атап өтті.

«Қаражат Вашингтонның қауіпсіздік саласындағы көмегі және Ресейге қарсы...

Қазақстанда қаржы тапшы өңірлер аз емес. Өз бюджеті жергілікті қажеттіліктерді толық қамтуға жеткіліксіз, сондықтан республикалық бюджеттен қаржылық көмек алатын аймақтар субвенцияға мұқтаж өңірлер деп аталады. Бұл өңірлердің негізгі сипаттары:  экономикалық даму деңгейі төмен, табыс көздері шектеулі, өндірістік және инфрақұрылымдық базасы әлсіз.

Қазақстандағы субвенцияға мұқтаж өңірлер

2024 жылға дейінгі жағдай бойынша мұндай өңірлердің қатарына Оңтүстік Қазақстанның халық саны көп, бірақ экономикалық даму деңгейі төмен, сондай-ақ Батыс және Солтүстік Қазақстанның мұнай өндірісінен тысқары аймақтары мен ауыл шаруашылығына тәуелді кей өңірлері кіреді. Шығыс Қазақстанның тау-кен өндірісімен айналысатын кейбір аудандарының да табысы жеткіліксіз.

2025 жылға жоспарланған республикалық бюджетте еліміздегі 17 өңірге 5,7 трлн...

Талғарда кісі қолынан көз жұмған Шерзат Болаттың әкесі Қаржаубай Нұрымов қоғамдық тәртіпті бұзып, бұзақылық жасағаны үшін әкімшілік соттың шешімімен 15 тәулікке қамалды. Кезекші судьяның шешімі туралы осы отбасының қорғаушылары justice_for_sherzat инста-парақшасында хабарлады.

Отбасының қорғаушылары кезекші судьяның үкіміне 11 желтоқсан күні аппелияциялық шағым түсіретінін хабарлады.

Қаржаубай Нұрымовтың немере әпкесі Бақыт Реймова да жауапқа тартылды. Ол халықты митингіге шақырғаны үшін айыпты деп танылып, 15 тәулікке қамалды және шет елдің азаматы ретінде елден депортацияланатын болды.

Нұрымовтың әпкесі – Салтанатқа да бұзақылық жасады деген айып тағылып, 20 АЕК көлемінде (73 840 теңге) айыппұл салынды.

Сонымен қатар осы отбасының күйеубаласы...

Қараша айының қорытындысы бойынша бір жылда жаңа баспана мен қолданыста болған үй бағасы 3,4%-ға өсті. Бұл жөнінде ақпаратты Ұлттық статистика бюросы жария етті.

Жөндеуден өткен үйлер де қымбаттады. Ақтөбе, Көкшетау, Тараз қалаларында жаңадан салынған баспана бағасы шарықтады. Үйді жалға беру құны Оралда күрт өсті (24,2%). Одан кейін Шымкент (24,1%) пен Талдықорғанда (20,8%) жалға алу қымбаттаған.

Үйді сатып алу-сату бойынша 39,4 мың мәміле есепке алынды. Қазан айымен салыстырғанда, Павлодар мен Түркістанда үй саудасы айтарлықтай қызған.

«Жеке тұрғын үйлер бойынша мәмілелер санының ең көп өсімі Қызылорда (+15,7%), Батыс Қазақстан (+9,5%) және Маңғыстау (+7,9%) облыстарында байқалды», – деп хабарлады...

Ресей «Талибанға» қатысты шектеуді алып тастамақ. Мемлекеттік Дума осындай ұйымдарға қатысты заң жобасын қабылдады.

«Интрефакстің» жазуынша, депутаттар заң бабын өзгерткісі келеді. Енді сот шешімімен кейбір қауіпті ұйымды ресми тізімнен уақыша алып тастауы мүмкін. Ол үшін сол ұйымның лаңкестікті насихаттамайтыны дәлелденуі керек. Сот органы Ресей Федерациясының Бас прокурорының немесе оның орынбасарының өтінішін қарастыра отырып, шешім қабылдайды.

Мұндай тетік Ресей заңнамасында болмаған. Егер жаңа заң жобасы күшіне енсе, кейбір террорлық ұйымдар әрекетіне құқықтық тұрғыдан қайтадан баға берілуі мүмкін.

Қазақстанда да «Талибан» қозғалысына тыйым салынған еді. 2023 жылдың желтоқсан айында тыйым салынған ұйымдар тізімінен шығарылды. Сыртқы істер министрлігі мұның БҰҰ қарарына сәйкес келетінін...

Сирияда уақытша үкімет басшысы тағайындалды. Премьер-министр Мұхаммед әл-Баширдің «Хаят Тахрир әш-Шам» жетекшісі Әбу Мұхаммед әл-Джуланидің жақын серігі екені белгілі болды деп жазды DW басылымы Reuters агентігіне сілтеме жасап.

10 желтоқсанда әл-Башир Сириядағы мемлекеттік телеарна арқылы 2025 жылдың 1 наурызына дейін үкіметті басқаратынын мәлімдеді.

Дамаскіде әл-Башир жиын өткізді. Оған министрлермен қатар, бұрынғы Премьер-министр Мұхаммад Гази әл-Жәлали де қатысты.

Бұған дейін әл-Башир оппозициялық Құтқару үкіметінің басшысы қызметін атқарған. Бұл үкімет 2017 жылы көтерілісшілер бақылауындағы Идлиб провинциясында құрылған. Сөз сөйлеген кезде әл-Баширдің артында үш жұлдызы бар Сирияның жаңа туы көзге түскен. Сүннет бағытындағы жауынгерлер жиі айтатын куәлік сөз жазылған ақ ту ілінген.

Қараша...

Талғардағы атышулы іс қайғылы оқиғаларға ұласуда. Қыршынынан қиылған Шерзат Болаттың ағасы Нұрқанат Ғайыпбаев суицид жасады. Шерзаттың әкесі Қаржаубай оның өлімі қолдан ұйымдастырылған деп күдіктенетінін ашық айтты. Жаназа өткен соң ашына сөйлеген Қаржаубайды полиция ұстап алып кетті.

10 желтоқсанда Алматы облысының полиция департаменті Ғайыпбаевқа қатысты сараптама қорытындысын жария етті.

«Сот-медициналық сараптаманың алдын-ала болжамы бойынша, 9 желтоқсанда Талғардың шетінде табылған 30 жастағы ер адамның мәйіті өзін-өзі асу арқылы механикалық асфиксия нәтижесінде болғанын көрсетті. Денесінде зорлық-зомбылық сипаттағы белгілер жоқ», – деп хабарлады полиция департаменті.

Полиция мамандары дене жарақатынан суицид болғанын анық білуге болады деген қорытынды жасаған. Мойнында жіпт...

Қазіргі уақытта заңсыз активтерді қайтару жұмысы белсенді жүргізілуде. Соның нәтижесінде Алматы қаласындағы бизнес-нысан 6 млрд теңгеге сатылған.

Бас прокуратура субъектілерден 26 млрд теңге қаражат түскенін хабарлады. Бұл бағытта нақты жүргізілген іс-шаралар нәтижесінде жиналған қаражат 220 млрд теңгеден асқан.

Қазан айында құны 177 млрд теңге болатын активтер мемлекетке қайтырлғаны мәлім болды. Активтер есебінде ғимарат, пәтер, автокөлік және басқа нысандар болған.

Осы активтерді сатудан мемлекетке пайда еселенуде. Мәселен, Алматы қаласындағы жер телімі төрт есе қымбат бағаға өткен. Қаржы-қаражат елдегі әлеуметтік жобаларды жүзеге асыруға бағытталады.