Жаңалықтар

Кез келген ел мұндай жағдайдан кейін бомбадан паналайтын орындар бар ма, олардың жай-күй қандай деген мәселелерді қарастырады/фото: shutterstock

«Орешник» зымыранын Ресейдің Украинаға қарсы қолданып, соғыстың жаңа кезеңге шығуы Қазақстанды сақтық шараларын күшейтуге мәжбүрледі. Тоқаев азаматтық және әскери нысандардың қауіпсіздік мәселесі туралы тапсырма берді. Үкімет шұғыл жиын өткізді. Қазақстандық сарапшылар Астананың неге мұндай қадам жасап жатқанын айтып берді.

Саясаттанушы Бөріхан Нұрмұхамедтің пікірінше, Ресей мен Украина арасында соңғы оқиғаларды жоғары деңгейдегі эскалация деп атауға болады. Жанжал бұдан әрі күшеюі ғажап емес.

«Ресей «Орешник» атты орта қашықтыққа ұшатын баллистикалық зымыранмен Украинаға соққы берді. Кейбіреулердің айтуынша, зымыран Қазақстанмен шекаралас Астрахан...

«Өзенмұнайгаз» мұнайшыларының ереуілі салдарынан компания тәулігіне 100 тонна мұнайды кем өндіріп жатыр. Бұл туралы брифинг барысында «ҚазМұнайГаз» басқарма төрағасы Асхат Хасенов мәлімдеді. ҚМГ басшысы компания диалогқа дайын екенін мәлімдеп, ереушілерді жұмысқа оралуға шақырды.

«Ереуілден компания шеккен шығын мөлшері – тәулігіне шамамен 100 тонна. Күн сайын осындай шығынға ұшырап отырмыз. Қазір негізгі техника мен бригадалар бүгінде жұмысқа кірісті. Сондықтан өндіріс көлемін жылдам қалпына келтіреміз деген ойдамын», – деді ол брифингте.

Асхат Хасенов ереуілге шыққан мұнайшыларды жұмысқа оралуға шақырды. Оның айтуынша, жұмысшыларға жалған ақпарат жеткен.

«Біз бәрін жұмысқа шығуға шақырамыз...

eGov mobile қосымшасында уақыт белдеуін ауыстыруға қатысты сауалнама жарияланды. Онда азаматтардан қай уақыт белдеуі оңтайлы екені сұралады.

eGov mobile қосымшасының «Сауалнамалар» бөліміне 21 қарашада орналастырылған сауалнама 5 сұрақтан тұрады. Олар келесідей:

Жауапта бұрынғы уақыт белдеуіне оралу нұсқасы да бар.

Ғылым министрі Саясат Нұрбек 20 қараша күні бірыңғай уақыт белдеуінің қазақстандықтарға әсерін зерттеуге 160 млн теңге жұмсалатыны туралы...

Жыл басталғалы адам ағзасын сатуға қатысты 22 қылмыстық іс тіркелді. Жезөкшелікпен айналысуға арналған притондар мен жеңгетай болу бойынша 119 қылмыс әшкере болды. Бұл жайында ІІМ Ұйымдасқан қылмысқа қарсы күрес департаменті басшысының орынбасары Шынар Көшербаева айтты.

ІІМ өкілінің мәліметінше, жыл басынан бері адам саудасына қатысты 197 қылмыстық іс тіркелген. Оның ішінде Қылмыстық кодекстің 116-бабы бойынша (Адамның ағзалары мен тiндерiн алып қоюға мәжбүрлеу) 22 іс әшкере болған.

«Адамды қанау мақсатында ұрлау – 1 іс, қанау мақсатында заңсыз бас бостандығынан айыру – 4 іс, адам саудасы  бойынша 17 іс тіркелді.  Бұдан бөлек,  кәмелетке толмағандарды жезөкшелікпен айналысуға тартуға қатысты 15  қылмыс әшкере болды...

Ресей президенті Владимир Путин Мәскеу Украина аумағына орта қашықтықтағы «Орешник» баллистикалық зымыранымен соққы жасағаны туралы хабарлады. 1987 жылы желтоқсанда сол кездегі АҚШ президенті Рональд Рейган мен КСРО басшысы Михаил Горбачев қол қойған орта және қысқа қашықтықтағы зымырандарды жою туралы келісімге сай мұндай зымырандарды қолдануға тыйым салынған. Алайда 2018 жылы АҚШ, 2019 жылы Ресей келісімнен шығып кеткен. KursivMedia «Орешник» зымырандарының қаупі туралы толық ақпарат ұсынады.

21 қарашада ресейліктерге үндеу жасаған Путин Украинаның Днепр қаласына «Орешник» зымыран жүйесімен соққы жасалғанын айтты. Путин Украинаның Atacms пен Storm Shadow және HIMARS зымырандарымен шабуылы соғыстың жаңа кезеңі және «Орешникпен» жасалған шабуыл осы осы зымырандарға жауап...

Ресей мен Украина арасындағы жағдайдың шиеленісуі алтын бағасының қымбаттауына алып келді. Қазақстан қаржыгерлер қауымдастығы сарапшыларының жазуынша, алтын – тұрақты және тәуекелі аз инвестиция құралы саналады. Әлемдік нарықта алтын бағасы қазір унциясына 2690 доллардан асты.

Тәуекелі аз инвестиция құралы ретінде алтын бағасына Украинаның америкалық ATACMS және британдық Storm Shadow ракеталарын қолданғаны, оған Путиннің жауабы әсер еткен.

Жыл басынан бері алтын бағасы жалпы 28% қымбаттаған. Алайда Deutsche Bank мәліметі бойынша, Дональд Трамп АҚШ президенті болып сайланғаннан кейін, алтын бағасы 7%-ға төмендеген болатын.

Ал UPS сарапшылары 2025 жылға қарай бағалы металл құны одан әрі көтеріліп, бір унциясына 2900 доллардан...

Ұлттық экономика министрі Нұрлан Байбазаров халықаралық ұйымдардың Қазақстанның мемлекеттік қарыз деңгейін «төмен» деп бағалап отырғанын айтты. Бұл туралы министр 21 қараша, бейсенбі күні, Сенат Парламентінің кулуарында мәлімдеген.

Премьер-министрдің орынбасары Халықаралық валюта қоры, Дүниежүзілік банк және халықаралық рейтинг агенттіктері жыл сайын Қазақстанның экономикалық даму және қаржылық тұрақтылық деңгейіне қатысты баға беріп отыратынын айтқан. Рейтингтік агенттіктер мен қаржы ұйымдарының бағалауына сәйкес, Қазақстан экономикасы тұрақты, ал қарыз деңгейі төмен.

«Халықаралық кредиттік рейтингтерде болған соңғы өзгерістер еліміздің фискалдық, қаржылық тұрақтылығын айғақтайды. Бізде Ұлттық қор түріндегі қомақты валюталық резервтер және алтын-валюта резервтері бар. Олардың көлемі қазірдің өзінде...

Ұлттық банк сарапшылары доллар бағасы, инфляция, экономика өсім, базалық мөлшерлемеге қатысты алдағы жылдарға арналған болжамды жария етті.

Макроэкономикалық сауалнамаға сүйенсек, доллардың теңгеге шаққандағы бағасы 2025 жылы 486,9 теңге, 2026 жылы 498,3 теңге болады деп болжанған.

2025 жылы Brent маркалы мұнай бағасы барреліне 76,5 доллар, 2026 жылы 74,0 доллар болуы мүмкін. 2024 жылы мұнай құны 80,4 доллар болған.

Респонденттердің болжамына сүйенсек, экономика өсімі 2025 жылы 5%-дан 4,7%-ға дейін төмендеуі мүмкін. 2026 жылы 4,5% өсім болжанған. 2025 жылы инфляция 6,9%, 2026 жылы 6,0% болуы мүмкін.

Базалық мөлшерлеме 2025 жылы 12,5%,  2026 жылы 10,3% болады деген болжам жасалған. 2024 жылы болжам бойынша 14,6% деңгейінде сақталуы мүмкін.

Айта кетейік Ұлттық банк жариялаған болжам зерттеу институттары, халықаралық ұйымдар, рейтингтік агенттіктер өкілдерінің пікірі негізінде жинақталған.

Украина төңірегіндегі жағдайға байланысты премьер-министр Олжас Бектенов Үкіметте шұғыл жиын өткізді. Жиында Қорғаныс министрі Руслан Жақсылықов есеп берді.

«Премьер-министр Олжас Бектенов Украина төңірегіндегі жағдайға байланысты Мемлекет басшысының негізгі әскери және азаматтық объектілердің қауіпсіздігін қамтамасыз ету жөнінде шұғыл шаралар қабылдау туралы тапсырмаларын орындау жөнінде жедел кеңес өткізді»,- делінген Үкімет үйінің хабарламасында.

Жиынға қорғаныс, ішкі істер, төтенше жағдайлар, сыртқы істер, денсаулық сақтау, көлік, энергетика, өнеркәсіп және құрылыс, ұлттық экономика, қаржы министрліктерінің басшылары қатысқан.

Бектеновке Қорғаныс министрі Руслан Жақсылықов елдің қауіпсіздігі жөнінде есеп беріп, стратегиялық және инфрақұрылымдық объектілерді қорғауды қамтамасыз ету бойынша жүргізіліп жатқан...

Уолл-стрит S&P 500 индексі бойынша 2025 жылға арналған оптимистік болжамын жариялады. UBS стратегтері индекстің қазіргі деңгейден 10%-ға өсуін күтіп отыр. Трамптың Гэри Генслер SEC (Құнды қағаздар және биржалар комиссиясы) басшылығынан кеткеннен кейін реттеуді жеңілдету туралы уәдесі нарықты шабыттандырып қойды. Сонымен қатар биткоин және онымен байланысты ETF қорлар жаңа рекордқа жетті. Осы және өзге де тақырыптар туралы 21 қарашадағы әлемдік БАҚ шолуынан оқи аласыз.

UBS: 2025 жылы S&P 500 индексі 7000 тармаққа дейін көтеріледі

CNBC мәліметінше, UBS стратегтері 2025 жылдың соңына қарай S&P 500 индексінің 7000 тармаққа жетеді деп болжам жасады. Бұл қазіргі деңгейден 16%-ға жоғары. Негізгі сценарий бойынша...

АҚШ-тың жаңа президенті Дональд Трамптың ұсынысымен тиімділік департаментін басқаруы тиіс миллиардер Илон Маск мемлекеттік әкімшілік қызметтегі кейбір лауазымдарды қысқартуды жоспарлап отыр. Бұл туралы оның The Wall Street Journal басылымындағы жария болған жоспарында жазылған.

АҚШ-тың тиімділік департаменті аталатын ұйымға төрағалық етуі тиіс Маск АҚШ мемлекеттік аппаратын алдағы қайта құрылымдауға қатысты көзқарасын түсіндірді. 

«Мемлекеттік қызметке сайланбаған, тағайындалмаған миллиондаған қызметкерлер бар. Оларды мемлекеттік қызмет жөніндегі ережелер қорғайды», – деп жазылған мақалада.

Маск пен оның осы қызметтегі серіктесі Вивек Рамасвамидің пікірінше, ережелердің көпшілігі конгресс қабылдаған заңдар емес, бюрократтар жасаған ережелер. Осының әсерінен Америкада салық та артып отырады.

Ұлттық банк 1000 теңгелік коллекциялық монеталарды айналымға шығарды. Екі түрлі дизайнмен шыққан монеталардың бірі – ASTANA QALASYNYŃ BAS MESHITI, екінші -FATIMA QOLY деп аталады.

Екі монетада «Қазақстанның мешіттері мен шіркеулері» сериясымен шыққан. Олардың Ұлттық банктің интернет-дүкенінен сатып алуға болады.

ASTANA QALASYNYŃ BAS MESHITI монетасы 2022 жылы ашылған Орталық Азиядағы ең ірі Астана қаласының орталық мешітіне арналған. Монетада арабша жазу бар, ол мұсылманша амандасу сөзі. Монета құрамында 925 сынамды күміс бар. 1 мың данамен таралатын монета 25 қарашада сатылымға шығады.

FATIMA QOLY монетасында әртүрлі ұлттардың мәдениетіне тән ашық алақан бейнеленген. Мағыналық тұрғыдан бұл «тұмар» деп есептеледі. Монета 925 сынамды күмістен жасалып, алтын жалатылған. 3 мың данамен таралатын монетаны 28 қарашадан бастап сатып алуға болады.

Дүкен сөресінен үнемі алатын шоколад не чипстеріңіздің көлемі азайып, бірақ бағасы бұрынғысынша қалғанын байқаған кезіңіз болды ма? Болмаса, осыдан біраз уақыт бұрын ғана алып жүргенде 0,3 литрлік сүтті коктеиліңіз қазір 0,25 болып кеткенін ше? Егер мұндай үрдісті байқасаңыз, онда мұның атауы шринкфляция екенін де біліп жүргейсіз. Бұл қандай құбылыс? Неліктен мұндай қадам жасалады? Осы мәселені талдайық.

Шринкфляция деген не?

Шринкфляция (ағылшынша shrink — қысқару, азаю) — тауар не қызметтің көлемі азайып, бірақ бағасы сол күйі қалатын жағдай. Кейде тіпті бағасы өсіп кететін қарама-қайшылық та болуы мүмкін. Өндірушілер осы қадам арқылы өндіріске кететін шығынды азайтады. Кейбірі сатып алушылар байқамай қалады...

Қазақстан президенті Қасым-Жомарт Тоқаев Украинадағы жағдайдың шиеленісуіне байланысты күштік құрылымдарға тапсырма берді.

Президент тапсырмасында елдегі негізгі әскери және азаматтық объектілердің қауіпсіздігін қамтамасыз ету үшін шұғыл шаралар қабылдау керек екені айтылған. 

Президент баспасөз хатшысы Берік Уәлидің жазуынша, тапсырма премьер-министрге, президент әкімшілігінің басшысына, күштік ведомстволардың басшыларына және әкімдерге бағытталды.

«Қазақстан Парламенті палаталарының төрағалары қабылданып жатқан шаралар туралы хабардар етілді. Елдегі жағдай президенттің жеке бақылауында. Біздің мемлекетіміз үшін басты стратегиялық мақсат – тұрақтылықты, тыныштықты, заңдылық пен тәртіпті сақтау», – делінген хабарламада.

Бұған қоса, Уәли осы кезге дейін бірнеше рет Қазақстанның Украина мен Ресей арасындағы әскери шиеленісті тоқтату...

РФ Президенті Владимир Путин Украина нысанын баллистикалық зымыранның шабуылдауымен жүзеге асқанын хабарлады.

«Ресей аумағына ATACAMS және Storm Shadow зымырандарының шабуылынан кейін, Украинадағы аймақтық қақтығыс жаһандық сипаттағы элементтерге ие болды», – деп мәлімдеді Ресей президенті Владимир Путин.

Ол АҚШ пен НАТО-ның одақтастары Украинаның Ресей Федерациясының аумағында алыстан көздейтін қару-жарақ жүйелерін пайдалануына рұқсат беретінін бұрын мәлімдегенін еске салды.

«21 қарашада Ресейдің қарулы күштері Украинаның әскери-өнеркәсіп кешені нысандарының біріне біріккен шабуыл жасады. Орта қашықтықтағы ең жаңа ресейлік зымырандық кешендердің бірі жауынгерлік жағдайда сынақтан өтті. Бұл жағдайда ядролық емес гипердыбыс жабдықпен жабдықталған баллистикалық зымыран...

Ағылшын тілі курсына қатысқан алматылық тұрғынның оқыту әдістемесіне көңілінен толмаған. Ол Сауда және тұтынушылар құқығын қорғау департаментіне шағымданып, компаниядан оқу ақысының бір бөлігін қайтарып алды.

Әйел адам бақандай 1 млн 200 мың теңге төлеген. Онлайн оқу сапасына риза болмаған қатысушы курсты ұйымдастырушылардан ақшаны қайтаруды талап етті. Бірақ оның талабы орындалған жоқ.

Содан аталған департаментке жолығып, мамандардан кеңес алды. Мекеме тұтынушының сотқа дейінгі шағымын тіркеді. Заң жүзінде шара қолданылатынын білген соң, курсты ұсынған компания оқу ақысын қайтаруға мәжбүр болды. Келісімшарт бұзылып, бас-аяғы 840 мың теңгені тұтынушыға төледі.

Сауда және тұтынушылар құқығын қорғау департаменті тұрғындарды заң жүзінде өз құқығын қорғауға шақырды. Сервис...

АҚШ-тың Қаржы министрлігі Украинадағы соғысқа байланысты ресейлік Газпромбанк пен оның Қазақстандағы өкілдігіне санкция салды. Компания АҚШ-тың Шетелдік активтерді бақылау басқармасының (OFAC) веб-сайтындағы жаңартылған тізіміне енгізілді.

Газпромбанк – Ресейдегі ең ірі банктердің бірі. Қазақстан, Өзбекстан, Моңғолия, Үндістан мен Қытайда өкілдіктері бар. Бірақ АҚШ-тың жаңа санкциялар тізіміне банктің өзінен басқа Қазақстан, Моңғолия, Үндістан және Қытай өкілдіктері ғана енгізілді.

Газпромбанк сайтының мәліметі бойынша, Қазақстандағы филиалды Асқар Аспандияров басқарады.

Газпромбанктің Қазақстан Республикасындағы филиалы 2023 жылы 21,2 млн теңге салық төледі. 2022 жылмен салыстырғанда (18,2 млн теңге) 16%-ға көп. 2024 жылы аударым сомасы 8,5 млн теңгені құрады. 2020 жылдағы төлем ең жоғарғы көрсеткіш...

«Қазақстан Республикасының кейбір заңнамалық актілеріне сот жүйесін реформалау және процестік заңнаманы жетілдіру мәселелері бойынша өзгерістер мен толықтырулар енгізу туралы» заңға Президент Қасым-Жомарт Тоқаев қол қойды.

Соған сәйкес сот жүйесінде бірқатар реформа жүргізіледі. Бұл реформалар сот төрелігінің сапасын арттыруға, судьялардың кәсібилігін күшейтуге және азаматтардың құқықтарын қорғауды қамтамасыз етуге бағытталған.

2025 жылдың 1 шілдесінен бастап азаматтық және қылмыстық істер бойынша дербес кассациялық соттар іске қосылады. Бұл соттарда алдын ала қарау кезеңі болмайды. Қазақстан азаматтары сот актілерін қайта қарау туралы кассациялық шағым береді. Шағымдарды қарау мерзімі алты айдан аспайды. Сот ісін жүргізудің барлық түрі бойынша кассациялық қадағалаудың бірыңғай ережесі қолданылады.

2027 жылды...

Парламент Сенатының төрағасы Мәулен Әшімбаев Youtube арнасында алғашқы подкасты жариялады.  Оған Қазақстан Республикасы Ұлттық банкінің төрағасы Тимур Сүлейменов, белгілі экономистер Алмас Чукин мен Айдархан Құсайынов қатысты.

Әшімбаев Taldau Talks жобасы экономикалық және әлеуметтік мәселелерді талқылауға арналған сараптама алаңы екенін айтты. Подкаст арқылы тақырыпты тереңнен қаузауға болатынын қаперге салды.

Taldau Talks-тың қонақтары жаһандық сын-қатер жағдайында Қазақстанның экономикалық дамуының бағыттарын талдады. Оған қоса АҚШ-тағы президенттік сайлау нәтижелері мен Дональд Трамптың жеңісінің әлемдік экономикаға ықпалы жөнінде айтылды. АҚШ-тың мұнай өндірісін арттыруға бет бұруы нарыққа қосымша қысым жасап, мұнай бағасының одан әрі құлдырауына себеп болады.

«АҚШ-тың мұнай өндірісіндегі алпауыттардың бір...

Мәжілісте материалдық емес мұраны қорғау жөнінде заң жобасын әзірлеуге ұсыныс жасалды. Бұл мәселе парламенттің төменгі палатасының әлеуметтік-мәдени даму жөніндегі комитетінің отырысында талқыланды. Бұл туралы Tengrinews.kz хабарлады.

Мәжіліс депутаты Ерболат Сатыбалдин материалдық емес мәдени мұраны қорғау туралы заң жобасын жасау идеясын қолдады. Оның пікірінше, құжатта еліміздің мұраларын қорлауға қатысты қылмыстық жауапкершілік көрсетілуі тиіс.

Депутат ашық-шашық киініп, киіз үйде билеген қыздардың бейнеклипін мысал ретінде көрсетіп отыр.

«Салт-дәстүрге келсек, оның қоғамдағы орнын анықтауымыз керек. Дәстүрді дәріптейтін адам болса, оның мәртебесін айқындаған жөн. Киіз үйде билеген қыздарды көрген шығарсыздар? Біз не істей аламыз? Сондықтан Қылмыстық кодексте жауапкершілік қарастыруымыз керек...

Статистикалық деректер соңғы үш жылда шетелден Қазақстанға келген мигранттардың саны артқанын көрсетіп отыр. Биыл алғашқы 10 айда елімізге шетелден 13 072 955 адам келген. Жалпы 557 555 шетелдік уақытша тұруға рұқсат алыпты. Елімізде ежелден барыс-келісі көп іргедегі Өзбекстан мен Қырғызстан азаматтарын есептемегенде, ресейліктердің үлесі күрт артқаны аңғарылады.

Десе де, алыс шетелден келіп, тұрақтап жатқан адамдар да аз емес.

Францияға сыймаған ауғандықтар елімізге келе ме?

Бірқатар француз басылымдары Францияның Қазақстанға заңсыз мигранттардың бір бөлігін жіберу жоспары туралы материал жариялаған болатын. Атап айтқанда, Le Figaro басылымы «Ирак, Мысыр және Қазақстан. Брүйне Рөтайо қашан иммиграция майданында дипломат болып ойнады» деген тақырыппен мақала жариялады. Онда...

Tengenomica сарапшылары «Самұрық-Қазына» қоры Үкіметтің қосымша қоржынына айналды деп тұжырымдайды. Өйткені Қазақстан экономикасын қолдауға қор жыл сайын трилиондаған қаржы бөледі. Сарапшылар қордың мемлекет есебіне аударған қаржысын есептеп, осындай тұжырымға келген.

Мәселен, «Самұрық-Қазына» газ және мұнай салаларын субсидиялаған, сондай-ақ аймақтарға, құрылыс, қайырымдылық пен әлеуметтік жобаларға қаржы салған. Мұның бәріне бөлінген қаржы шамамен 1,3 трлн теңгені құрайды. Одан бөлек «Қазатомөнеркәсіп» акцияларын сату мен дивиденд бар.

«Жалпы «Самұрық-Қазына» қорының функциясы мен қызметі портфельдік компаниялардың құнын арттырумен ғана шектелмейді. Қор сонымен қатар Қазақстан Үкіметінің қосымша бюджетіне айналып, экономиканы үнемі қолдап отыр. Бұл жайт Ұлттық қор секілді, әл-ауқат...

Халықаралық қылмыстық сот Палестина мемлекетінде жасаған қылмысы үшін Израиль премьер-министрі Биньямин Нетаньяху мен елдің бас прокуроры Йоав Галантты тұтқындауға ордер берді. Бұл туралы Халықаралық қылмыстық соттың баспасөз қызметі хабарлады.

«Палестина мемлекетіндегі жағдай бойынша, Халықаралық қылмыстық соттың 1-ші сот палатасы Израиль мемлекетінің юрисдикциясының дәрменсіздігі туралы дәлелдерін жоққа шығара отырып, Биньямин Нетаньяху мен Йоав Галлантты тұтқындауға ордер берді», – делінген Халықаралық қылмыстық сот хабарламасында.

Сот палатасы бұл екеуін адамзатқа қарсы қылмыс жасады деп айыптап отыр. ХҚС 2023 жылдың 8 қазаны мен айыптау актісі берілген 2024 жылдың 20 мамыры аралығындағы кезеңдерде Палестина мемлекетінің аумағында жасалған әскери қылмыстарды...

Қазақстандықтар жаңа жылда 4 күн демалады. ҚР Еңбек және халықты әлеуметтік қорғау министрлігі 2025 жылдың  қаңтарындағы демалыс күнін ауыстыруды көздейтін бұйрық дайындады.

Қазақстандықтар жаңа 2025 жылды сейсенбіден сәрсенбіге қараған түні қарсы алады. Жаңа жылдық демалыс төрт күнге, атап айтқанда 1-нен 4 қаңтарға дейін созылады.

«ҚР Еңбек және халықты әлеуметтік қорғау министрінің «2025 жылы демалыс күнін ауыстыру туралы» бұйрығына сәйкес, 2025 жылғы 5 қаңтардағы жексенбі, яғни демалыс күні 2025 жылғы 3 қаңтарға, жұмаға ауыстырылады»,- делінген  министрлік хабарламасында.

Осылайша, аптасына бес күн жұмыс істейтін қазақстандықтар 1-4 қаңтар, ал жұмыс аптасы алты күн болатын азаматтар – 1-3 қаңтар...