Жаңалықтар

QazaqGaz және Солтүстік Каспий жобасы (NCOC) акционерлерінің өкілдері сұйытылған газ терминалының құрылысының мерзімінен бұрын аяқталу мүмкіндіктерін талқылады.

Компания баспасөз қызметінің ақпаратына сүйенсек, Eskene LPG мердігер компаниясы терминал құрылысының белгіленген мерзімнен жылдам жүріп жатқанын атап өткен. 

Жоба Қазақстанның ішкі нарығындағы сұйытылған газ тапшылығымен күресудің бір жолы деп қаралып отыр.

Eskene LPG компаниясы терминал құрылысының жұмыстары ерте аяқталғанын баяндады. Жоба өз мерзімінде басталғанның әсері де болған. Алайда келісімшартқа қол қою мерзімі белгіленген уақытта жүзеге асады.

Құрылыс компаниясынан бөлек, келіссөздерге NCOC консорциумының, Eni, INPEX, KMG Kashagan B.V., Қазақстандағы ExxonMobil, Total E&P компанияларының басшылары қатысқан.

«Өз кезегінде NCOC басшылығы мен акционерлерінің өкілі бекітілген кестеден...

Павлодар облысы Ақсу қаласында кәмелетке толмаған қызды зорлап, оның өліміне себепші болған қылмыскер 15 жылдан кейін ұсталды. Ол Ресей Федерациясының Краснодар өлкесінде қолға түсіп, Қазақстанға экстрадицияланды. Бұл туралы Бас прокуратура хабарлады.

2008 жылы күдікті кәмелетке толмаған қызды зорлап, қылмысы ашылып қалу қаупінен қорқып, таныстарымен бірге оның өліміне қатысқан. Қызды күштеп көлікке отырғызып, қала сыртына алып шыққан. Жолда сыбайластарының бірі оны буындырып өлтіріп, қылмысты жасыру мақсатында денесін далаға көміп кеткен.

Оқиғадан кейін күдіктілердің көпшілігі ұсталып, сотталғанымен, басты фигурант қашып үлгерген. Ол 15 жыл бойы халықаралық іздеуде болды. Тек 2023 жылдың қыркүйегінде құқық қорғау органдары оны Ресей аумағында анықтап, Қазақстан Республикасының Бас...

Goldman Sachs сарапшылары келесі жылы алтын бағасы унциясына 3000 долларға жетуі мүмкін деп отыр. Бағалы металл құны бұған дейін де тоқтаусыз өсіп келген. АҚШ-тағы сайлаудан кейін 7%-ға арзандады. Алайда сарапшылар бұл уақытша құбылыс деп отыр. Сондықтан алтынды кез-келген адам жақсы инвестиция санайды. Оның кесек түрімен қатар, алқа, сырға, түрлі зергерлік бұйымдар түріндегісін сатып алып сақтайтындар бар. Алайда бір нәрсені біліп жүрген жөн, зергерлік бұйымдардың көпшілігі таза алтыннан жасалмайды. Сондықтан ұзақ жылдар бойы «инвестиция» ретінде сақтап келген әшекей таза алтын болмай шықса таңқалмаңыз. Әрі мүлдем құнсыз екен деп те ойлап қалмаңыз. Оның да өзіндік бағасы бар.

Таза алтыннан бұйым жасауға...

АҚШ-тың жаңа сайланған президенті Дональд Трамптың командасы президент әкімшілігі жанынан криптонарыққа жауапты құрылым ашуды жоспарлап отыр. 

Bloomberg ақпаратына сүйенсек, Ақ үйге көшуді жоспарлап жатқан Трамп әкімшілігі цифрлық активтер индустриясы және криптовалюта саясатына жауапты лауазым бекіту жолын қарастыруда. Команда лауазымға лайықты үміткерлерді тексеріп жатыр. Егер жаңа құрылым пайда болса, бұл Ақ үйдегі криптонарыққа байланысты алғашқы құрылым болмақ. 

Басылым дереккөздерінің айтуынша, криптоиндустрия өкілдері лауазымға келген адамның Трамппен тікелей байланысқа шығу мүмкіндігі болғанын қалайды. Вашингтон тілінде бұл федералды Үкіметтегі крипто саясат пен реттеуді қадағалайтын адам болмақ.

Трамп сайлау науқаны кезінде криптоиндустрияны қолдауға және  цифрлық активтер индустриясын бұзған Бағалы қағаздар және биржалар жөніндегі комиссияны...

Бизнес қиын кезеңде шайқалмас үшін қолдану керек құралдар болады. Яғни нарықтың қазіргі жағдайын ғана емес, болашақтағы да жай-күйін де саралау қажет. Саяси, экономикалық, әлеуметтік және технологиялық факторларды ескере отырып жасалатын сондай құралдың бірі — PEST-талдау. Бұл әдіс арқылы компания қалай өзін қорғай алады? Мұндай талдаудың маңызы қандай? Осы туралы айтайық.

PEST атауы қайдан шыққан?

PEST- талдау дегеніміз — компания басшылығына болуы мүмкін қатерлердің алдын-алуға, барынша жайлы өтуге көмектесетін тәсіл. Талдаудың бұл түрінде мына төрт фактор қарастырылады: саяси (political), экономикалық (economic), әлеуметтік (social), технологиялық (technological) фактор. Атауы осы ағылшынша сөздердің бірінші әрпінен құралған аббревиатурадан тұрады. Кей жерлерде оны басқаша да...

Италияндық суретші Маурисио Каттеланның «банан» иллюстрациясы Нью-Йорктегі Sotheby’s аукционында 6 минут ішінде 6,24 млн долларға сатылды.

Artnet басылымының ақпаратына сүйенсек, өнер иесінің «ғасырдың ең көп талқыланған өнер туындысы» деп танылған шығармасы Sotheby’s аукцион үйінің Нью-Йорктегі саудасын жүргізген. 

Айта кетейік, Каттеланның картинасы «Комедия» деп аталады. Ол 2019 жылы қабырғаға қарапайым скотчпен бананды жапсырып қойған. Картина Майами-Бичтегі Art Basel көрмесінде көрсетілген. Алғашқы банан Флоридадағы супермаркеттен сатылып алынған. Кейін бананды көрме қызметкерлері өзгертіп отырған.

Бастапқы да иллюстрацияның құны 120-150 мың доллар шамасында болып бағаланған. Алайда бірнеше жыл ішінде қызу талқыға түскен туындының құны сауда-саттық басталғанда 800 мың доллар болған. Оффлайн аукцион кезінде...

2 млрд теңге жымқырған Атырау мұнай өңдеу зауытының бұрынғы бас директорына үкім шықты. Бұл туралы Атырау облыстық соты хабарлады.

Сот «Атырау мұнай өңдеу зауытының» («ҚазМұнайГаз» компаниясының еншілес кәсіпорны) бұрынғы бас директоры Мұрат Досмұратовтың қылмыстық іс бойынша мерзімнің өтіп кетуіне байланысты қылмыстық жауапкершіліктен босатты.

«Қылмыстық іс ҚР Қылмыстық кодексінің 371-бабының 2-бөлігі бойынша қаралды. Атырау қаласының №2 соты Мұрат Досмұратовтың зауыт жүйелерінің тиімді жұмысын қамтамасыз ете алмағанын және өндірістік мәселелер бойынша дұрыс шешімдер қабылдамағанын анықтады. Сондай-ақ ол мемлекеттік функцияларды орындауға уәкілетті тұлғалармен теңестірілген», – делінген хабарламада.

Досмұратов ЖШС мердігер компаниясының кепілдік міндеттемелері аясында жылуалмастырғышты жөндеудің орнына...

Қазақстанның барлық қаласында 21 қараша күні сағат 11:00 де дабыл соғылады. Бұл туралы Төтенше жағдай министрлігі хабарлады.

Министрліктің мәліметінше, «Азаматтық қорғаудың мемлекеттік жүйесінің басқару органдары мен күштерін қысқы кезеңдегі төтенше жағдайлардың алдын алу және оларды жою жөніндегі іс-қимылдарға дайындау» тақырыбында «Қыс-2024» республикалық командалық-штабтық оқу-жаттығу өткізіледі.

«21 қараша сағат 11:00-де электрдабылдары мен дабылды-сөйлеу құрылғылары іске қосылады, сондай ақ теледидар және радиоарналардың эфирі қармалады. Бұл іс-шара халықтың «Баршаның назарына!» бірыңғай құлақтандыру сигналына ден қою тәртібін дағдыландыру мақсатында өткізіледі»,– делінген хабарламада.

Оқу-жаттығудың республикалық штабы Көкшетау қаласында орналасқан. Бұл шараға жергілікті және орталық мемлекеттік органдар, республикалық және...

Канададағы Arras Minerals компаниясы 2025 жылдың бірінші жартысында Павлодар облысындағы кен орындарында мыс пен алтын іздеу үшін белсенді бұрғылау жұмыстарын бастауға дайындалып жатыр. Бұл туралы компанияның баспасөз қызметі хабарлады.

2024 жылы Arras Minerals 1,7 мың шаршы шақырым аумақта ауқымды геологиялық барлау жұмыстарын жүргізді. Зерттеу жұмыстары Бесқауға, Елемес және Тау жобалары орналасқан аумақтарда (Экібастұз маңында) жүзеге асырылды. Компания 435 ұңғыма бұрғылап, 35 мың топырақ сынамасын жинаған. Осы зерттеулер нәтижесінде, 2025 жылы бұрғылау жұмыстарын бастау жоспарланып отыр.

Біз 2025 жылдың бірінші жартысында алғаш рет зерттелетін бірнеше басым мыс нысандарында бұрғылау жұмыстарын бастауды жоспарлап отырмыз», – деді компания...

Алматыда өткен 2024 жылғы шахматтан Қазақстан Кубогының финалдық турнирінде 24 жастағы павлодарлық гроссмейстер Денис Махнёв пен ФИДЕ туы астында өнер көрсеткен 21 жастағы Екатерина Гольцева жеңіске жетті. Турнир классикалық шахмат бойынша нокаут жүйесінде ұйымдастырылып, 12 қарашада басталды.

Ерлер арасындағы финалға 2021 жылғы Қазақстан чемпионы, халықаралық гроссмейстер Денис Махнёв пен 2022 жылғы ел чемпионы Рамазан Жалмаханов шықты. Екеуі де жартылай финалда армагеддонға дейін жетіп, қарсыластарын тізе бүктірген болатын.

Финалдық ойын Денис Махнёвтің шеберлігі мен стратегиясына негізделді. Классикалық және рапид партияларында тең есеп тіркелсе, блицтің бірінші партиясында Махнёв қара фигуралармен қарсыласын жеңді. Ақ фигуралармен екінші партияда да үстемдік көрсетіп, 4–2 есебімен жеңіст...

UzAuto Motors механикалық Chevrolet Cobalt көліктердің сатылымнан алынады деген ақпаратты ресми түрде терістеді. Бұл туралы Kun.uz порталы жазды.

«Бұл ақпарат шындыққа жанаспайды. Фейк болып табылады», – деп хабарлады компанияның баспасөз қызметі.

UzAuto Motors-тың мәліметінше, компания Chevrolet Cobalt MT көліктерін өндірістен шығару туралы ресми хабарлама жолдамаған.

«Медиа саласының өкілдері мен блогерлерден жаңсақ, тексерілмеген ақпарат таратпауды өтінеміз», – дейді компания өкілдері.

Мұның алдында UzAuto Motors Chevrolet Cobalt MT көліктерін сатылымнан алып тастайды деген ақпарат жарияланды. Онда механикалық Cobalt-тар енді шықпайтыны, жақын арада сатылымда болмайтыны айтылған.

Аutostrada.uz порталының ақпаратына қарағанда, Chevrolet.uz...

Жасанды интеллект саласындағы басты компания саналатын Nvidia сәрсенбі, 20 қараша күнгі сауда-саттықтан кейін тоқсандық есебін жариялайды. Сарапшылардың пікірінше, бұл есеп S&P 500 индексіне айтарлықтай әсер етуі мүмкін.

Stifel, Truist, және тайваньдық Fubon инвестициялық банктері инвестициялық банктері Nvidia-ның тоқсандық есебінің алдында компания акцияларының мақсатты бағасын 13-18%-ға, яғни 167-200 доллар аралығына дейін көтерді. Үш банк те компания акцияларын сатып алуға кеңес береді.

Өткен аптада HSBC Nvidia акцияларының мақсатты бағасын 200 долларға дейін, Jefferies және UBS 185 долларға дейін, Susquehanna 160-тан 180 долларға дейін көтерген болатын. Oppenheimer, Citigroup, Piper Sandler, Mizuho, Morgan Stanley және Wedbush та осы жолды ұстанған-ды.

Bloomberg-тің консенсус-болжамына...

Қазақстан Бағалы қағаздар орталық депозитарийі халықаралық санкция қаупін төндіретін банкаралық аударымдарды тоқтатуы мүмкін. Осы мақсатта Орталық депозитерий іскерлік қатынастарды орнату, қолдау және тоқтату қағидасына өзгерістер енгізген.

Жаңа ережеге сәйкес Орталық депозитарий өз қызметіне санкция қаупін төндіретін операциялардың алдын алмақ. Халықаралық санкцияға ұшырау қаупі сезілсе, клиентке қызмет көрсетуден бас тартылуы мүмкін.

«Түзетулер Орталық депозитарийдің қызметіне тән тәуекелдерді азайту мақсатында және OFAC, есепке алу ұйымдарының немесе қызмет көрсететін банктердің Орталық депозитарийдің қызметіне тікелей әсер ететін талаптарды, шектеулерді немесе ерекше жағдайлар болған кезде олардың талаптарын орындамауына байланысты ықтимал жағдайды қарастырады», – делінген хабарламада.

Сондай-ақ қылмысты...

20 қарашада Қазақстан қор биржасындағы сауда-саттықта доллар 2 теңгеге арзандап, 195,2 теңге болды.

Алматының ақша айырбастау пункттері долларды 496,7 теңгеден сатып алып, 497,3 теңгеден сатып жатыр. Ал Астананың айырбастау орындары 494 теңгеден сатып алса, 499 теңгеден сатуда.

Бұған дейін Ұлттық банк квазимемлекеттік сектор ұйымдарына валюта түсімдерінің 50%-ын нарықта сатуға міндеттеуді жоспарлап отырғанын жариялады. Яғни ірі мемкомпаниялар валюта түсімдерін нарыққа шығарса, биржада ұсыныс артады. Ұсыныс артқан соң, доллардың құны да төмендейді.

Қазақстан қаржыгерлер қауымдастығының сарапшылары Ұлттық банктің бұл талабынан кейін, ай сайын нарыққа 300 млн доллар түсуі мүмкін деп болжайды. Квазимемсектор түсімдерімен қатар, теңгеге салық аптасының жақындауы мен Ұлтты...

Түркия президенті Реджеп Тайып Ердоған АҚШ-тың Украинаға Ресейдің ішкі аймақтарын америкалық зымырандармен соққы жасауға рұқсат беруіне қатысты пікір білдірді. Оның пайымдауынша, Вашингтонның бұл шешімі жағдайдың мүлде ушығуына түрткі болуы ықтимал. Ердоғанның айтуынша, Түркия жанжалды келіссөз арқылы аяқтау қажет деген ұстанымды қолдайды. Бұл туралы Milliyet жазды.

«Біз оның шешімін дұрыс деп есептемейміз, қолдамаймыз. Украина мен Ресей арасында соғыс басталған сәттен бастап, біз оның көп қарумен, көп қанмен, көп көз жаспен емес, бейбіт түрде, дипломатиялық жолмен шешіледі деп ойлаймыз», – деді Ердоған.

Оның пікірінше, АҚШ президенті Джо Байденнің ойлағаны ешқашан бітпейтін  соғысты тұтандыратын қадам болған.

Қырғызстанның Жоғарғы кеңесі депутаттарға қызметтік автокөліктерді қайтару туралы заң жобасын жабық режимде қайта қарайды.

24kg басылымының ақпаратына сүйенсек, депутаттар екі заң жобасын қарауды журналистерсіз және тікелей трансляциясыз қарауды жөн санаған. Жабық режимде қарау ұсынысын вице-спикер Нұрбек Сыдығалиев жасаған.

Бірінші заң жобасы – «Жоғарғы кеңестің мәртебесі туралы» заңға өзгерістер енгізу туралы болмақ. Осы заң жобасы аясында депутаттар қызметтік көліктерін қайтарып алғысы келеді.

«Парламент депутаттары аталған өкілеттіктерді тиімді орындауы қажет. Сонымен қатар олар халықпен және билік тармақтарымен тығыз жұмыс істейді. Жоғарғы кеңес депутаттары іс-шараларға қатысуға, сондай-ақ сайлаушылар көтерген өңірлердегі проблемалармен танысуға тиіс. Осыған байланысты қызметтік автокөлікке қажеттілік...

Әлеуметтік желілерде Парламент Сенатының бұрынғы басшысы Дариға Назарбаеваны жер-көкке сыйғызбай мақтаған видео тарап жатыр. Бұл – бұрынғы саяси режимнің «артықшылығын» дәріптеу мен саяси манипуляция. Осылай деген мәжілісмен Ермұрат Бәпи ҰҚК басшысы Ермек Сағымбаев пен Ақпарат министрі Аида Балаеваға депутаттық сауал жолдап, қоғамға іріткі салушылар мен астыртын күштерді әшкерелеуді сұрады.

Мәжілісменнің сөзінше, реваншистік күштер әлеуметтік желілер арқылы манипулация жасап «Жаңа Қазақстанды» саяси жік-жікке бөліп шиеленіс тудыруға, есе қайтарып, қайтып келу әрекетіне талпынып отыр.

«Жуықта әлеуметтік желілер арқылы Парламент Сенатының бұрынғы басшысы Дариға Назарбаеваны жер-көкке сыйғызбай мақтаған видео тарағаны мәлім. Әлбетте, тақырыпқа желеу болған персонаждың басқалардан адами «артықшылығы» болса...

Шардарада білім бөлімінің қызметкерлері 3,7 млрд теңге жымқырды деген күдікке ілінді. Бұл туралы Сыбайлас жемқорлыққа қарсы іс-қимыл агенттігі хабарлады.

Антикор мәліметінше, Түркістан облысында Шардара аудандық білім бөлімі қызметкерлеріне қатысты сотқа дейінгі тергеу аяқталды.

2020-2023 жылдар аралығында 12 адамнан тұратын ұйымдасқан топ, оның ішінде бөлім басшылары мен бухгалтерлердің бюджет қаражатын иемдену мақсатында нақты жұмыс істемеген тұлғаларға заңсыз жалақы аударып, өздерінің жеке шоттарына ақша аударғаны анықталды.

Мемлекетке келтірілген залал көлемі 3,7 млрд теңгені құрады. Тергеу шаралары нәтижесінде 639,8 млн теңге сомасында залал өтеліп, күдіктілердің мүлкіне тыйым салынды. Қазіргі таңда қылмыстық іс бойынша тергеу аяқталып, прокуратураға жолданды.

Жалпы 2023 жылдың басынан бер...

Украинадағы артиллериялық атыстарға байланысты елдегі Қазақстан елшілігі отандастарымызды аймақтан шұғыл кетуге шақырып, ескертпе ақпарат жария етті.

20 қарашада жарық көрген хабарламада дипломатиялық өкілдік Украинадағы атыс аймағынан шұғыл кетуге кеңес берген.

«Украинада артиллериялық атқылау мен әуе шабуылдарының жиілігінің артуына байланысты, қауіпсіздік мақсатында Қазақстан Республикасының Украинадағы елшілігі Қазақстан азаматтарына белсенді ұрыс қимылдары жүргізіліп жатқан жерлерге жақын аумақтарды қалдыру немесе Украинадан кету мүмкіндігін қарастыруды ұсынады», – делінген Telegram-арнасында жария болған хабарламада.

Елшілік өкілдері Қазақстан азаматтары Украинадан екі жолмен кете алатын атап өтті. Польша немесе Молдова арқылы шекараны кесіп өту немесе коммерциялық әуе рейстерімен ұшып кету жолдары бар. Айта...

«ҚазТрансОйл» акционерлік қоғамның басқарма құрамы өзгерді. Директорлар кеңесінің шешімімен компания басқарма құрамынан Ерік Сағиев шығарылған. Ол Бас директордың тасымалдау жөніндегі орынбасары қызметін атқарған.

Енгізілген өзгерісті ескерсек, қазір «ҚазТрансОйл» АҚ Басқармасы алты
адамнан тұрады. Олар: Арман Қасенов, Темірхан Әбдіров, Әміржан Оспанов, Алмас Оңғарсынов, Ғазиз Қошанов және Жайдарман Исақов.

Ерік Сағиев бұл қызметке 2022 жылдың наурызында келген. Оған дейін «Сарыарқа» Астана қаласы кәсіпкерлерінің қауымдастығы төрағасы, «Атамекен» ҰКП Өңірлік кеңесінің мүшесі болды. Әртүрлі жылдары Karachaganak Petroleum Operating B.V., «Интергазстрой» АҚ, «Top-Oil Srl» және «Стройгазконсалтинг» ЖШС-да жұмыс істеген.

«ҚазТрансОйл» компаниясы – Қазақстандағы магистральді мұнай құбыры операторы. 2024 жылдың 6 айында 23 млрд теңге...

Black Friday – әр сатушы өз атынан «үздік» баға ұсынып, сатып алушының назарын алу үшін барын салатын жеңілдіктер науқаны. Биыл бұл науқан 29 қараша күніне түсіп тұр. Бірақ сатушылардың көпшілігі қазірден жеңілдіктер науқанын бастап кетті. Бір жағынан ақша үнемдеп, көптен қалап, алғыңыз келіп жүрген затыңызды арзанға алудың керемет мүмкіндігі. Алайда мұндайда жоспарлағаннан да көп ақша жұмсап қою қаупі бар. Сауда жасап, артынша көп жұмсап қойдым-ау деп бармақ тістеп қалмас үшін төмендегі кеңестерге құлақ түрген жөн.

Бюджетіңізді, қанша ақша жұмсайтыныңызды алдын ала есептеп алыңыз және науқан бойы сол соманы естен шығармаңыз

Сәтті сауда жасаудың алғышарты – жұмсайтын ақшаның нақты сомасын...

Жасанды интеллект Алматы мен Астана тұрғындарының тәртібін қадағаламақ. Еліміздің екі ірі қаласында бет-әлпетті тану жүйесі іске қосылды. Бұл туралы Ішкі істер министрлігінің баспасөз қызметі хабарлады.

Ұлттық бейнемониторинг жүйесін үш ведомство – Ішкі істер министрлігі, Ұлттық қауіпсіздік комитеті және Цифрлық даму, инновациялар және аэроғарыш өнеркәсібі министрлігі бірлесе отырып әзірлепті.

«Ұлттық бейнемониторинг жүйесінде жасанды интеллект технологиясы қолданылады. Ол іздеу салынған адамдарды танып, қоғамдық орындарда қалған күдікті заттар жөнінде белгі береді. Құқық бұзушылықтарды автоматты түрде тіркеп отырады. Сонымен қатар көлік маркасын, үлгісін, түсін танып, сәйкестендіруге қабілетті», – делінге хабарламада.

Министрліктің ақпаратына қарағанда, «ақылды» камералар адам көп шоғырланатын маңызды...

Ғылым және жоғары білім мен Денсаулық сақтау министрілігі бірыңғай уақыт белдеуінің қазақстандықтардың денсаулығына қалай  әсер ететінін зерттеп көрмекші. Үш жылдық зерттеуге бюджеттің 160 млн теңге қаржысы жұмсалуы мүмкін. Бұл жайында Ғылым министрі Саясат Нұрбек мәлімдеді. 

 Алайда министр зерттеу жұмысына бұл ақшадан да аз кетуі мүмкін екенін айтады.

«Үш жылдық бюджетке 160 миллион теңгеге өтінім келіп түсті, бірақ, іс жүзінде, одан да аз болады. Менің ойымша, шамамен 90-100 миллион төңірегінде. Бұл аса үлкен сома емес. Қазір біз конкурс ұйымдастырудамыз, оны Ұлттық ғылыми кеңес мұқият қарастырып, нақты құнын анықтайды. Әдетте, бастапқы сұралған соманың 30-40, кейде 50%-ы қысқарады. Зерттеулер мақсатты қаржыландыру бағдарламасы...

Қаржы министрі Мәди Такиев баршаға бірдей деклaрация тапсыру талабының алынып тасталғанын түсіндіріп өтті. Министрдің айтуынша, декларация тапсыру міндеті мемлекеттік қызметкерлер, квазимемлекеттік сектор басшылары және олардың жұбайлары үшін сақталады. Сондай-ақ 73 млн теңгеден асатын мүлікке немесе шетелде орналасқан активтерге иелік ететін азаматтар декларация тапсыруы керек. Ал дәрігерлер, мұғалімдер мен полицейлер үшін бұл талап жойылған.

Министр Такиев жеке кәсіпкерлер үшін декларация тапсыру талабы сақталатынын атап өтті.

«Жеке кәсіпкерлер жыл сайын деклaрация тапсырады. Ал квазимемлекеттік сектордың бірінші басшылары мен олардың жұбайлары да декларация тапсыруға міндетті. Бірақ мемлекеттік қызметкерлер мұндай талаптан босатылды», – деді министр.

Сонымен қатар министр азаматтарды...