Жаңалықтар

Талғар ауданының аумақтық сайлау комиссиясы бүгін, 19 қарашада, сағат 18.00-де Талғар қаласы әкіміне үміткерлерді тіркеуді аяқтады. Қорытынды бойынша, кандидаттардың саны – 9. Саяси партиялардан Amanat пен ҚХП бір-бірден үміткер ұсыныпты. 7 үміткер өзін-өзі ұсынған. Оның үшеуі мемлекеттік қызметкер болса, екеуі бюджеттік ұйымда жұмыс істейді. Бір қызығы, уақытша жұмыссыз жүрген 4 адам қала әкімі болуға бақ сынамақ.

Үміткерлердің арасында әйел адам жоқ. Сегіз үміткердің білімі жоғары. Бірінің ғана орта арнаулы білімі бар.

Сонымен қатар Талғар ауданының аумақтық сайлау комиссиясы 2 үміткер талапқа сай келмейді деп тіркемеген. 4 кандидат өз еркімен сайлауға түсуден орта жолда бас тартқан.

Комиссияның мәліметінше, сайлауға дайындық жұмыстары...

Активтер мен міндеттемелер туралы декларация тапсырудан нақты кімдер босатылады? Сондай-ақ кірістер мен мүліктер туралы декларацияны қандай санаттағы тұлғалар тапсыруға міндеттеледі? Бұл сұрақтарға Мемлекеттік кірістер комитетінің жеке тұлғалардың кірістерін әкімшілеу басқармасының бас сарапшысы Ерсайын Көптілеуұлы жауап берді.

«Шетелде жылжымайтын мүлкі және көлігі, шетелдік банктердегі банктік есепшоттарда 3,7 млн теңгеден (1 000 АЕК) астам ақша қаражаттары, инвестициялық  алтындары, шетелдік компанияға қатысу бойынша үлесі болмаса, тұрғын үй құрылысына қатысу үлесі, цифрлық активтері, дебиторлық/кредиторлық берешегі, сонымен қатар шетелде құны 1 000 АЕК-тен асатын бұйымы болмаған жағдайда олар 250 салық есептілігі нысанын тапсырудан босатылады. Яғни шетелде мүліктері болмаса, декларация тапсыру міндет...

Денсаулық сақтау министрлігі «Зираттарға және жерлеу мақсатындағы объектілерге қойылатын санитариялық-эпидемиологиялық талаптар»  санитариялық қағидаларына өзгерістер әзірледі.

Соның ішіне крематорийлер мен колумбарийлерге, жерлеу бюросы, жерлеу қызметін көрсететін бюро-дүкендерге қойылатын талаптар көрсетілген жаңа бөлім қосылып отыр.  

Жаңа ереже бойынша, оқшауланған жер телімінде зираттың шегінен тыс жерде колумбарийлер мен қабырғаларды тұрғызуға болады. Бірақ тұрғын үйлер, емхана, балабақша және басқа да нысандардың ауласынан кем дегенде 50 метр қашықта орналасуы тиіс.

Кремациядан кейін қалдықты колумбарийлар мен зираттарда сауыт ыдыста жерлеуге  рұқсат. Крематорийлер мен колумбарийлер құрамында міндетті үй-жайлар тізімі де жарияланып отыр. Марқұмның денесін қабылдайтын бөлмеде тамбуры, вестибюлі, мұздатқыш камера және кремацияға дейін өлікті сақтайтын бөлек...

Қазақстандағы ірі алтын өндіруші компаниялардың бірі – «Алтыналмас АҚ» қарапайым акцияларына 68,9 млрд теңге дивиденд төлемек. Бұл туралы Қазақстан қор биржасына орналастырылған хабарламада жазылған.

68,9 млрд теңге дивиденд 2023 жылдың І жартыжылдығындағы қызмет нәтижесі үшін төленеді. Әр акцияға 7155 теңгеден келеді. Қаржы 2 желтоқсаннан бастап аударыла бастайды.

Компания бұған дейін де 2023 жылдың І тоқсаны үшін 52,9 млрд теңге төлейтінін хабарлаған. Ал 202 жыл үшін дивиденд төлемеген.

«Алтыналмас» Қазақстандағы ең ірі 3 алтын өндіруші компанияның қатарына кіреді.

Қазақстан қор биржасындағы мәліметке сәйкес, компания қарапайым акцияларының 67,5%-ы GOUDEN RESERVES B.V. компаниясы тиесілі. Ал 22,5%-на – миллиардер...

18 қараша, дүйсенбі күні, энергетика секторына қызмет көрсетумен айналысатын Liberty Energy компаниясының акциялары шамамен 5%-ға қымбаттап, бір акцияның бағасы 17,7 долларға жетті. Мұндай өсім Дональд Трамптың компанияның негізін қалаушы әрі бас директоры Кристофер Райтты АҚШ энергетика министрі қызметіне тағайындау туралы ұсынысынан кейін байқалды деп хабарлады MarketWatch.

Әлбетте, Кристофер Райт бұл ұсынысты қуана қабылдады. «Мен үшін мұндай қызметке кандидат болу – үлкен мәртебе. Елге қызмет етуге және азаматтарды арзан әрі сенімді энергиямен қамтамасыз ету миссиясын жалғастыруға мүмкіндік алғаныма ризамын», – деді ол.

Райт кандидатурасын Сенат мақұлдағанша, Liberty Energy компаниясындағы директорлар кеңесінің төрағасы және бас директоры қызметтерін жалғастыра береді.

Алайда, сейсенб...

Қазақстан территориясының тұтастығына күмән келтіріп, оның бөлінуін насихаттаған Петропавл қаласының екі тұрғыны сепаратизм үшін түрмеге қамалды.

Бас прокуратураның ақпаратына сүйенсек, Петропавл қалалық соты 2 қала тұрғынын сепаратистік әрекеті үшін бас бостандығынан айырған. 19 қарашада осы сот шешімі күшіне еніп, 2 азамат орташа қауіпсіз қылмыстық атқару жүйесіне жіберілген.

«Чат Рулетка» сайтындағы «YouTube» бейнехостингі арқылы Қазақстан Республикасының тұтастығын, оның аумағына қол сұғылмауын және бөлінбеуін бұзуды насихаттағанын жоққа шығарды», – делінген хабарламада.

Айыпталған азаматтар өз кінәларын мойындамағанымен «Instagram» және «TikTok» желісінде тараған бейнежазбалар олардың кінәсін растап, бұлтартпас дәлел болған.

Олар Қылмыстық кодекстің 180-бабына сәйкес бас бостандығынан айырылған...

Ресей президенті Владимир Путин бүгін өз елінің жаңартылған ядролық доктринасын бекітті. Батыс елдері де осындай қадам жасап жатыр. Таяуда ғана АҚШ пен Қытай ядролық салада жасанды интеллектіні қолданбау, ядролық қару қолдануды тек қана адамның еншісіне қалдыру жөнінде келісімге келген болатын. Әлем енді ядролық соғыс қаупіне бір табан жақындай түскендей. Қазақстандық сарапшылар ядролық соққы жасалуын түбегейлі жоққа шығармайды. Тікелей ядролық қақтығысты айтпағанда, ядролық қарудың басқару тетігі теріс пиғылды адамдардың қолына түсуі, қате дабыл және басқа да кездейсоқ жайттар қауіпті қоюландырып отыр.

Ресей ядролық доктринасы нені көздейді?

Известия басылымының хабарлауынша, Ресейдің жаңа доктринасында басты төрт өзгеріс бар.

Біріншісі, ядролы...

Ірі алтын өндіруші Solidcore Resources plc (бұрынғы Polymetal) Bai Tau Mineral (BTM~ компаниясына геологиялық барлауға 96 миллион доллар (шамамен 48 млрд теңге) кредит берген. Бұл туралы компанияның баспасөз хабарламасында жазылған.

Solidcore мәліметінше, BTM Қазақстанда 15-тен астам мыс және алтын кен орынына иелік етеді. Бұл кен орындарының аумағы жалпы 1000 шаршы шақырымнан асады. Қарағанды облысындағы Бесшоқы және Жетісу облысындағы Шығыс Балқаш-2 кен орны – кен қоры мол, даму қарқыны жоғары негізгі активтер.

Қарыз BTM мен осы қаражат есебінен қаржыландырылатын еншілес компаниялардағы үлесін кепілдікке қою арқылы берілген. Solidcore бұл компаниялардағы үлесті иеленуге қатысты кез келген мәміледе басымдыққа ие болады.

Несие...

Вьетнам билігі елде жұмыс істеуге рұқсат алмаған қытайлық Тemu маркетплейсіне тыйым салмақ. Қазан айында Индонезия үкіметі Google-ге қытайлық жобаны бұғаттау туралы талаппен жүгінді. Сайт Еуропалық одақта да осындай проблемаларға тап болып отыр. Қосымшаға контрафакті және қауіпті өнімдерді саудалады деген айып тағылған. Маркетплейстің сыртқы нарықта осындай проблемаларға тап болуына басты себеп – жергілікті шағын және орта бизнеске қауіп төндіруінде болып отыр.

The Guardian жазуынша, Вьетнам үкіметі қытайлық арзан тауарлар  жергілікті сатушылар мен өндірушілерге зиян келтіреді деп сескеніп отыр. Соңғы бірнеше айда сайт әлеуметтік желілерде «миллиардер ретінде сатып ал» деген ұранмен төмен бағалар ұсынып, агрессивті жарнама жүргізуінің арқасында аймақта танымал бола...

Шымкент қаласында сумен жабдықтау және су бұру жүйелері жекеменшіктен мемлекетке қайтарылмақ. Қала әкімдігі стратегиялық маңызы бар нысандарды мемлекет меншігіне қайтару жұмыстарының аясында «Су ресурстары-Маркетинг» ЖШС-ның қызметіне назар аударды.

Қала әкімдігінің мәліметінше, 1996-1998 жылдары Шымкенттің сол кездегі басшылығы тұрғын үй-коммуналдық шаруашылығын жекешелендіру мақсатында сумен жабдықтау жүйелерін жеке секторға берген. Осының нәтижесінде 1998 жылы осы саладағы бірнеше ұйым бірігіп, «Су ресурстары-Маркетинг» ЖШС құрылды. Компанияның бас директоры қызметіне 1995-1997 жылдары қала әкімі болған Анарбек Орман тағайындалды.

Компанияның директоры Анарбек Орманның айтуынша, қазіргі қала әкімі Ғабит Сыздықбеков рейдерлік әрекетпен кәсіпорынды тартып алмақ. Сондай-ақ 26 жыл бойы ешқандай мәселе туындамай, тек қазіргі әкім келгеннен кейін...

Соңғы жылдары қазақстандықтардың криптобиржа, криптовалюталарға деген қызығушылығы артқан. Ұлттық банк жүргізген зерттеуге сәйкес, 1,5 млн адам Қазақстанда тіркелмеген биржаларда криптоактив саудасымен айналысып жүр.

Қазақстанда түрлі криптовалюталарды «Астана» халықаралық қаржы орталығында (АХҚО)тіркелген биржаларда ғана сату-сатып алуға рұқсат. Алайда криптоға қызығатындардың басым бөлігі шетелдік сауда алаңдарын таңдап, АХҚО юрисдикциясынан тыс криптобиржаларға тіркелген.

Бұл ретте сарапшылар олардың көпшілігі, әсіресе, біліктілігі жоқ инвесторлар, хакерлік шабуылдарға, алаяқтық схемаларға және жалған активтерге тап болатынын айтады. Соның салдарынан қаржысынан айырылады.

Қазақстанда криптовалюта саудасы қалай реттеледі?

Қазақстанда криптобиржаларды реттеу мәселесі 2020 жылы қолға алынған. Сол жылы «Ақпараттандыру туралы» заңға криптоактивтерді реттейтін негізгі ережелер...

Алматы қаласындағы метро құрылысының баяу жүруі қоғамда сынға ұшырап келеді. Мәжіліс депутаты, Amanat партиясының мүшесі Сергей Пономарев метрополитеннің қазіргі жағдайын сынға алып, оның ұзартылуын жеделдетуді талап етті.

Депутат президенттің Алматы метросын әуежай мен «Барлық» базарына дейін ұзарту туралы тапсырмасын еске салып, болашақта «Орбита» ықшам ауданы мен «Алматы-1» теміржол вокзалына дейін қосымша желілер салу жоспарланып отырғанын айтты. Алайда қазіргі құрылыс қарқыны көңіл көншітпейді – жылына небәрі 1,5 шақырым тоннель салынып жатыр.

«Қала кептелісте тұншығып жатыр, ал метро бізге дәл қазір қажет», – деді Пономарев.

Депутат осы мәселені шешу үшін «Бюджет кодексіне» өзгеріс енгізіп, метро құрылысына...

Біріккен Ұлттар Ұйымы Қазақстан кіретін Ұжымдық қауіпсіздік туралы шарт ұйымымен ынтымақтастық туралы қаулы қабылдады. Құжат БҰҰ мен ҰҚШҰ бас хатшыларына тұрақты консультацияларды жалғастыруды ұсынады.

18 қараша қарсаңында БҰҰ-ның ассамблеясы мен ҰҚШҰ арасындағы ынтымақтастық туралы қаулы қабылданды. Онда «ұйымдар ортақ қызығушылық тудыратын салалардағы байланыстарды дамытады» делінген. 

«Құжатта ҰҚШҰ өзінің бітімгершілік әлеуетін және өңірлік қауіпсіздік пен тұрақтылық жүйесін нығайтуға, терроризмге және ұйымдасқан трансұлттық қылмысқа қарсы іс-қимылға, есірткі мен қарудың заңсыз айналымына, адам саудасына қарсы күреске және БҰҰ мақсаттары мен қағидаттарын іске асыруға жәрдемдесетін табиғи және техногендік апаттардың салдарын жоюға елеулі практикалық үлес қосатыны атап көрсетілген», – делінген ҰҚШ...

Доллар бағасының өсуі Қазақстанда тауарлардың қымбаттауына алып келмейді. Бұл туралы Үкімет баспасөз алаңында Сауда министрі Арман Шаққалиев айтты. Оның айтуынша, тіпті тропикалық жемістерді елге жеткізуде де қиындық туындамайды. Министр Қазақстанға келетін бананның да 70%-ы Ресейден алынып отырғанын айтты.

Министрдің сөзінше, Қазақстанның негізгі сауда серіктестері доллармен есеп айырыспайтындықтан, шетелден тауар әкелу қиындамайды.

«Біздің негізгі сауда серіктестеріміз Еуразиялық одақ елдері: Ресей, Беларусь пен Қырғызстан. Олармен доллармен төлем жасамаймыз. Ресеймен рубль-теңге төлемін жасаймыз. Ал Қытаймен юань-теңге. Сондықтан доллардың өсуіне байланысты елге қандай да бір тауар келмейді деп айта алмаймыз», – деді министр.

Айта кетейік, 18 қараша күні Қазақстанда...

Қазақстан үкіметі мен Ұлттық банк квазимемлекеттік компанияларға валюталық түсімінің 50%-ын нарықта сату талабын қайта енгізбек. Осылайша қараша айында қатты құнсызданған төл теңгені қолдаудың жолын тапқандай.

Ұлттық банк мемлекеттік компаниялар түсімі қызып тұрған валюта нарығының отын көсейтін ұзын көсеу ретінде пайдаланбақ. Яғни мұнай мен түрлі қазба байлықты шетелге экспорттайтын компаниялар негізінен доллармен есептесетіні белгілі. Шикізат сатудан түскен долларды валюта нарығына шығарса, биржада доллардың үлесі артады. Ал ұсыныс көп болған жерде, көкқағаз құны да арзандап, теңге нығаяды.

ҰБ Төрағасының орынбасары Әлия Молдабекованың айтуынша, бас банк валюта нарығындағы теңгерімділікті арттыру мақсатында осындай шешімге келген. Әйтпесе валюта нарығындағы сұраныс пен ұсыныс теңгерімінің бұзылуы...

Қазақстанда бірыңғай уақыт белдеуінің пайда болуы Астана тұрғындарының коммуналдық төлеміне қалай әсер етіп жатқаны туралы Сауда министрі Арман Шаққалиев айтып берді.

Шаққалиевтің айтуынша, елордалықтардың коммуналдық шығындарының өсуіне уақыт белдеуінің өзгеруі емес, қызметтер құнының артуы әсер еткен.

«Есепшоттағы өзгерісті бәріміз байқадық. Ұлттық оператор электр энергиясын қолдануға байланысты ақпарат ұсынған. Ол бойынша жарықты қолдану бар болғаны 4% өскен. Бұл қатты өзгеріс емес. Есепшотқа қызмет бағасының өсуі әсер етіп жатыр. Соңғы деректер бойынша 14% өскен», – деді Шаққалиев.

Министр балалар мектептен кеш қайтатынын мойындағанымен, олардың таңертең оянуы жеңілдегенін атап өтті. Себебі таңертеңгі ұйқыға бір сағат қосылған.

Бұдан бөлек...

Abu Dhabi Commercial Bank PJSC (ADCB) Қазақстанда әмбебап банк ашуды жоспарлап отыр. Бұл туралы Forbes басылымына Қаржы нарығын реттеу және дамыту агенттігінің (ҚНРДА) төрайымы Мәдина Әбілқасымова мәлімдеген.

Әбілқасымованың айтуынша, 2024 жылдың шілде айында ADCB қаржы тобы «Al Hilal» Ислам Банкінің» 100% қарапайым акциясын сатып алуға рұқсат алған. Қазан айында бұл банк «ADCB Ислам Банкі» болып атауын өзгертті.

Банк ребрендингтен кейін шариғат нормаларына сәйкес жұмысын жалғастырып жатыр, алайда бөлшек қаржы институтынан корпоративтік клиенттерге басымдық беретін банкке айналмақ. Бұл жоба 2025 жылы ADCB-ның еншілес банкі негізінде құрылуы мүмкін.

«Қазіргі кезде біз заңға өзгерістер енгізіп жатырмыз, бұл...

Елдегі билікті қолға алып, үстемдік еткеніне көп жыл болмаса да, әйелдер құқығын барынша қанап, шектеп жатқан Талибан әскері туралы жазбаған ақпарат құралы жоқ шығар, сәрі. Ал сол аймақтағы әйел құқығы тақырыбы қозғалса, ойға пәкістандық Малаланың келуі заңды. Нобель сыйлығын иемденген Малала Юсуфзай енді Ауғанстандағы әйелдер туралы фильм түсіруге бел буғанын бұған дейін жазған едік. 

Малаланың Талибан тақырыбын қозғауға толық негіз бар. Өйткені 2012 жылы мектеп автобусымен сабақтан қайтып келе жатқан оқушылар автобусын талибандықтар Пәкістан шекарасында тоқтатып, Малалаға оқ атқан. Өлімнен аман қалған қыз сол уақыттан бері бұл аймақтағы жағдайды әлемдік мінберлерде көтеріп жүр. Дегенмен Ауғанстандағы саяси жағдайдың өзгеру жылдамдығы...

2025 жылы 8 миллион қазақстандық кірістері мен мүлкін міндетті декларациялаудан босатылады. Қаржы министрі Мәди Такиевтің бұл ұсынысын премьер-министр Олжас Бектенов қолдады.

Үкімет отырысында министр Мәди Такиев осы санаттағы жеке тұлғалардың 90%-ын декларациялаудан босату туралы ұсыныс айтты. Ведомство басшысының мәлімдеуінше, бүгінде алғашқы үш кезеңде жалпыға бірдей декларациялау жүйесіне 4,8 млн адам, оның ішінде мемлекеттік қызметшілер, коммерциялық ұйымдар, квазимемлекеттік сектор басшылары мен құрылтайшылары және олардың жұбайлары енген.

2025 жылы декларация тапсыруға тиісті қалған 8 миллион адамның деректер базасын цифрландырып, қолма-қол ақшасыз төлемдердін жетілдіру қажет. Сол себепті министр активтер мен міндеттемелер туралы декларацияларан босату туралы ұсыныс  тастады. Бұл осы санаттағы жеке тұлғалардың 90%-дан...

АҚШ Әділет министрлігінің шенеуніктері монополиямен күресу үшін Google компаниясынан Chrome іздеу жүйесін сатуды талап етуде. Бұл туралы Bloomberg жазды.

Басылымның ақпаратына сүйенсек, шенеуніктер іздеу жүйелері қызметіндегі монополиямен күресу үшін компанияға осындай талап қойған. Алайда компания бұл шара «құқықтық тұрғыдан қате» және «тұтынушыларға зиян тигізеді» деп жауап берген.

Бұған қарамастан, 20 қарашада Әділет министрлігі сотқа жүгінуді жоспарлап отыр. 

Бастапқыда шенеуніктер Apple, Samsung және басқа да құрылғы өндірушілерге талап қойып, Google компаниясына жасалатын төлемдерді тоқтатуды ұсынған. Алайда компаниялар бұл келісімге келуден бас тартқандықтан6 сотқа жүгінуді жөн санаған.

Statcounter веб-трафикті талдау қызметінің мәліметтері бойынша, Chrome үлесі АҚШ нарығының шамамен 61%, Safari 18%, Edge...

Morgan Stanley стратегі Майк Уилсон S&P 500 индексінің 2025 жылдың соңына қарай 11%-ға өсуін күтіп отыр. Evercore ISI сарапшылары қор нарығының өткен аптадағы құлдырауының жаңа себебін атады – бұл АҚШ қаржы министрі қызметіне талас. 18 қарашадағы әлемдік БАҚ шолуынан осы және өзге де тақырыптарды оқи аласыз.

Майк Уилсон S&P 500-ге қатысты болжамын 6 500 тармаққа дейін көтерді

Reuters агенттігінің мәліметінше, Morgan Stanley стратегі Майк Уилсон S&P 500 индексі бойынша 2025 жылдың соңына дейінгі базалық болжамын 6 500 тармаққа дейін көтерді, бұл қазіргі деңгейден шамамен 11%-ға жоғары. Уилсон кейінгі жылдары пессимистік болжамдарымен танымал болған еді. Оның алдыңғы болжамы...

Сирияда қарулы топтардың құрамында болған Қазақстан азаматы Алматыға жеткізілді. Бұл туралы ҚР Ұлттық қауіпсіздік комитетінің баспасөз қызметі хабарлады.

Ұлттық қауіпсіздік комитеті Бас прокуратурамен бірлесіп халықаралық террористік ұйымның әрекетіне қатысы бар деген күдікке ілінген ҚР азаматын Анталия қаласынан Алматыға алып келді. 

Комитеттің мәліметінше, ер адам Сирия елінен Түркияға көшіп, сол жерде полиция қызметкерлерінің қолына түскен. Ол Қазақстанға өз еркімен оралу туралы шешім қабылдап, қылмыстық жауапкершілік арқалауға дайын екенін мәлімдеген.

Сот санкциясымен күдікті қамауға алынды. Тергеу амалдары жүргізіліп жатыр.

Ұлттық қауіпсіздік комитеті мұндай істерге байланысты заң аясында қатаң шаралар қолданылатынын ескертеді және терроризм мен экстремизмнің алдын алу бойынша жұмыс жалғаса беретінін...

«Қазпошта» акционерлік қауымдастығы Жамбыл облысы Жамбыл ауданы Аса ауылында қатты желден кейін, мүгедек болып қалған әйелден сотта жеңіліп қалды.

Оқиға 2023 жылдың көктемінде болған. Аса ауылындағы «Қазпошта» бөлімшесінің шатыры әйел адамның үстінен құлап, ауыр жарақат салдарынан 1 топтағы мүгедек болып қалған.

Бастапқыда «Қазпошта» әйелмен келісіп, оған 7 млн теңге көлемінде моральдық шығын төлеген. Алайда бұл сома әйел адамның шетелде емделіп, омыртқасын жөндеуге жасалған отасының еміне де жетпеген. Сондықтан ол компанияны сотқа берген.

Сотта компания өкілі 2021-2022 жылы құлаған шатырға жөндеу жүргізілгенімен, оны нақты кімнің жүргізгенін дәлелдей алмады, сондықтан «Қазпоштаның» өзі айыпты ретінде танылды.

«Сот акционерлік қауымдастық объектінің қауіпсіздіг...

18 қарашада Қазақстан президенті Қасым-Жомарт Тоқаев ресми сапармен Сербияға барды. Белград әуежайында оны Сербия президенті Александр Вучич қарсы алды.

Сапар барысында екі ел басшылары арасында бейресми кездесу ұйымдастырылып, достықтың нышаны ретінде Қасым-Жомарт Тоқаев сербиялық әріптесіне Алматының әйгілі апорт алмасын сыйлады.

Александр Вучич бұл ерекше сыйлыққа ризашылығын білдіріп, әлеуметтік желідегі жазбасында:

«Президент Тоқаевқа құрметі мен сенімі үшін алғыс айтамын. Бұл сапар Сербия мен Қазақстан арасындағы байланысты нығайтуға септігін тигізетініне сенемін», – деп жазды.

Сонымен қатар Белградтағы ең биік ғимарат – «Белград мұнарасы» Қазақстанның мемлекеттік туының бейнесімен жарықтандырылды. Бұл қазақ делегациясына деген ерекше құрметт...