Жаңалықтар

Соңғы күндері Threads әлеуметтік желісінде «Born in Taraz» (Таразда туған) деген тіркес жиі көзге түсіп, Тараз қаласы трендке айналды.

Трендтің мәні – Таразда туғанын ерекше стильмен көрсету. Threads пен Instagram платформаларында тараздықтар өздерінің туған жерін мақтанышпен атап, жылы естеліктерімен бөлісіп жатыр.

Солардың бірі актриса Толқын Нұрбекова Threads желісінде: «Мен Таразданмын, мені де ондай видеоға қосыңдаршы, born in Taraz деген» деп жазды.

Блогер Өркен Кенжебек те бұл трендті айналып өткен жоқ.

Басқада желі қолданушылары Тараздан екендерін жазып, тарихта, қазіргі заманда ежелгі қалада туған атақты адамдарын да жазып жарысып жатыр.

Тараз – екі мың жылдық тарихы бар көне шаһар

Тараз...

Қайғылы оқиға 22 қаңтарда болған. Дәмханада газ баллоны жарылып, өрт тез арада нысанның ішкі және сыртқы қаптамасын шарпыған. Оқиға орнына жеткен өрт сөндірушілер дәмханадан тағы екі газ баллонын сыртқа шығарып үлгеріп, төрт адамның зардап шеккенін хабарлаған.

Зардап шеккендердің үшеуі жансақтау бөліміне жеткізілген. Тағы бір адам орташа дәрежедегі жарақаттармен комбустиология бөлімшесіне жатқызылған.

Бүгін алған жарақатынан екі адамның көз жұмғаны белгілі болды.

«Екі науқас та ауруханаға аса ауыр жағдайда, денесінің кең көлемін күйік шалған күйде жеткізілді. Түскен сәттен бастап жансақтау бөлімінде бейінді мамандардың қатысуымен барлық қажетті мамандандырылған медициналық көмек көрсетілді. Алайда жүргізілген кешенді ем-шараларға қарамастан, науқастар, өкінішке қарай...

2025 жылдың қазан айында басталған эпидемиологиялық маусымнан бері Атырау облысында 304 адам қызылша жұқтырғаны тіркелді.

Zakon.kz ақпаратына қарағанда, соның ішінде 62 бала инфекцияны медициналық мекеменің ішінде жұқтырған.

Санитарлық-эпидемиологиялық бақылау департаментінің мәліметінше, ауруханаішілік жұқтыру ошағы облыстық жұқпалы аурулар ауруханасында анықталған. Балалар жедел респираторлық-вирустық инфекция белгілерімен емдеуге қабылданып, терапиядан өткен соң үйіне шығарылған.

Алайда біраз уақыттан кейін дәл сол медициналық мекемеге қызылша диагнозымен қайта түскен.

Атырау облысы СЭБД басшысының орынбасары Гүлназ Ирбатырованың айтуынша, жағдай алаңдатарлық сипат алған. Өңірде апта сайын 20-ға дейін жаңа жағдай тіркеліп отыр.

«Алғашқы сырттан әкелінген жағдай қазан айында анықталды. Негізінен 7 жасқа...

Алматы қаласында тағы екі кітапхана ақпан айынан бастап түнімен жұмыс істейді. Осылайша мегаполисте тәулік бойы қызмет көрсететін кітап оқу мекемелерінің саны бесеуге жетті. Бұл туралы Kursiv.Media қала әкімдігінің мәліметіне сүйене отырып хабарлайды.

Қазір Алматыда Жамбыл атындағы жасөспірімдер кітапханасы, «Alatau Creative Hub» және Мұхтар Әуезов атындағы кітапхана түнімен жұмыс істеп жүр. Жұмыс тәртібі өзгерген соң осы мекемелерге келушілер саны 70%-ға ұлғайған.

Осы тәжірибені ескерген қала билігі ақпан айында Қазақстан жазушылар кітапханасы мен Розыбакиев көшесі, 247 мекенжайында орналасқан мекемелерді де түнгі жұмыс тәртібіне көшірді. Бұл туралы Алматы қаласы Мәдениет басқармасының басшысы Данияр Әлиев сәрсенбідегі брифингте мәлімдеді.

Қазір Алматы...

Мәжіліс депутаты Жанарбек Әшімжанов агроөнеркәсіп кешені мен ветеринария саласындағы кадр тапшылығын айтып, премьер-министр Олжас Бектеновке депутаттық сауал жолдады.

Депутаттың сөзінше, ауыл шаруашылығы мен ветеринариядағы білікті мамандардың жетіспеушілігі елдің азық-түлік қауіпсіздігі мен әлеуметтік тұрақтылығына тікелей әсер етіп отыр. Соңғы 10 жылда мемлекеттік білім беру гранттарының жалпы саны 2,5 есеге артқанымен, «Ауыл шаруашылығы және биоресурстар» мен «Ветеринария» бағыттарына бөлінетін гранттардың үлесі 8,5 пайыздан 4,2 пайызға дейін қысқарған.

«Атап айтқанда, 2025 жылы «Ауыл шаруашылығы және биоресурстар» бағыты бойынша мемлекеттік білім беру гранттарының саны 16 пайызға (2024 ж. – 2331, 2025 ж. – 1969), оның ішінде өсімдік шаруашылығы...

Президент Қасым-Жомарт Тоқаев капиталдың сыртқа заңсыз кетуі экономикалық қауіпсіздігімізге тікелей қатер төндіреді деп тұжырымдайды. Бұл туралы ол Қаржылық мониторинг агенттігінде өткен жиында айтты.

Тоқаев жаңа салық саясаты күшіне енгеннен кейін көлеңкелі айналымның күшейгеніне назар аударды. Оның айтуынша, нақты табысты жасыру мақсатында қолма-қол төлем көлемінің артқаны жөнінде мәліметтер келіп түскен.

Президент бөлшек саудамен айналысатын кейбір кәсіпкерлер тауар ақысын қолма-қол немесе аударым арқылы төлеуге байланысты салықты айналып өтіп, екі түрлі баға ұсынуға көшкенін атап өтті.

«Бұған, әрине, көз жұма қарауға болмайды. Өйткені мұндай әрекеттер мемлекеттің салықты әкімшілендіру тетіктерін жетілдіру бағытындағы еңбегін зая кетіред...

Мәжіліс депутаты Ерлан Стамбеков мемлекеттік аппараттың орта және төменгі буын қызметкерлері үшін «Отбасы банк» арқылы алғашқы жарнасыз ипотека енгізуді ұсынды.

«Жоғарғы шенділер миллиондар алады, ал қарапайым мамандар жалақысы 180 мың теңге болып, тіпті негізгі тұрақтылықты қамтамасыз ете алмай отыр», – деді депутат премьер-министр Олжас Бектеновке жолдаған сауалында.

Депутат мәселені шешудің бір жолы – «Отбасы банк» арқылы арнайы бағдарламаны іске қосу қажет деп санайды.

Кадр тапшылығы және төмен жалақы

Ерлан Стамбеков мемлекеттік органдардағы жағдайды ашық түрде «кадрлық аштық» деп атады. Оның айтуынша, барлық жұмыс орындаушылардың иығына түскен, алайда олардың табысы мардымсыз болып...

Алматы қаласындағы кәсіпкерлер жылдық мөлшерлемесі 0,01% болатын жеңілдігі бар кредит ала алады. Мегаполис билігі сол арқылы әлеуметтік маңызы бар азық-түлік бағасын ұстап тұрғысы келеді. Бұл туралы Kursiv.Media шаһар әкімдігінің мәліметіне сүйене отырып хабарлайды.

Тиімді кредит

Алматы әлеуметтік-кәсіпкерлік корпорация кәсіпкерлерден жеңілдігі бар кредитке өтініш қабылдай бастағанын хабарлады. Мұндай қадам әлеуметтік маңызы бар азық-түлік бағасын тұрақты ұстап тұру үшін қажет. Жеңілдігі бар несие үш айдан үш жылға дейінгі мерзімге беріледі.

«Несие жылдық 0,01% мөлшерлемемен айналым қаражатын толықтыру үшін беріледі. Кәсіпкерлер оны шикізат сатып алу, қызметтерге ақы төлеу, еңбекақы, логистика сынды негізгі өндірістік және...

Қазақстан АҚШ-тың Қаржы министрлігіне қарасты Шетелдік активтерді бақылау басқармасына (OFAC) ресми хат жолдап, «Лукойлдың» бірлескен жобалардағы үлесін ықтимал сатып алу мәселесін көтерген. Бұл туралы Энергетика министрі Ерлан Аккенженов мәлімдеді.

Министрдің айтуынша, қолданыстағы заңнамаға сәйкес, Қазақстандағы «Лукойл» активтері сатылса, мемлекеттің сол үлесті басымдықпен сатып алу құқығы бар. OFAC-қа жолданған хат дәл осы құқықты іске асыру ниетін білдіреді.

2025 жылдың қазанында АҚШ енгізген санкциялардан кейін «Лукойл» шетелдік активтерін сатуы тиіс болған. Осыған орай, Қазақстан тарапы ықтимал мәміле санкция талаптарға қайшы келмейтінін және реттеуші органның рұқсатын қажет ететінін алдын ала ескеріп отыр.

Ерлан Аккенженов сатып алу тетіктері тек біржолғы ақшалай төлеммен шектелмейтінін атап...

Орталық Азия елдерінде алғашқы болып Қазақстанда блокчейн талдаумен айналысатын «Криптон» атты арнайы құрылдық бөлімше ашылды. Бұл жайлы Қаржы мониторинг агенттігінің қызметкерлерімен кездесуінде Қасым-Жомарт Тоқаев айтты.

«Қазақстан 2023 жылдан бері «Эгмонт» тобының қаржылық барлау бірлестігінде Еуразия аймағының мүддесін қорғайды. 20 ірі криптобиржамен сындарлы серіктестік орнатылды. Елімізде блокчейн-талдаумен айналысатын «Криптон» арнайы құрылымдық бөлімшесі ашылды. Бұл – Орталық Азия елдерінде құрылған осындай алғашқы бөлімше», – деді президент.

Ресми дерек бойынша, былтыр қаржыны қолма-қол ақшаға айналдыратын 200-ге жуық жалған компания әшкереленген. Олар 500 млрд теңгеден асатын қаржыны заңсыз айналымға шығарған. Сексеннен астам қылмыстық топ құрықталды. 100-ден астам қаржы...

Қырғызстан Ресейдің үстінен неге ЕАЭО сотына шағым түсіргенін түсіндірді. Бұған медициналық сақтандыру мәселесі түрткі болған.

RBC ақпаратына қарағанда, Қырғызстан Еуразиялық экономикалық одақ сотынан еңбек мигранттарының отбасы мүшелеріне міндетті медициналық сақтандыру полистерін рәсімдеуден бас тартуға қатысты түсіндірме алуды көздеп отыр.

Қырғызстанның Міндетті медициналық сақтандыру қоры төрағасының орынбасары Санжарбек Исаев мәлімдеуінше, бұл қадам Бішкектің Ресеймен диалогтағы ұстанымын күшейтеді.

Оның айтуынша, ЕАЭО сотының түсіндірмесі одақ алаңындағы жаңа талқылауларға негіз болады және Қырғызстанның Ресеймен келіссөздердегі дәлелін күшейтеді.

27 қаңтарда Қырғызстан ЕАЭО сотына еңбек мигранттарының отбасы мүшелерін міндетті медициналық сақтандырумен қамту мәселесіне қатысты құқықтық түсіндірме беру жөнінде өтініш жолдаған.

Талапкер – Қырғызстан Әділет министрліг...

Қорғаныс министрлігі әскери қызметшілердің қазасына қатысты мәлімдеме жасады. Ол жерде Қарулы күштердің басшылығы мұндай жағдайға жауапты екені айтылған.

Айта кетейік, 27 қаңтарда Жамбыл облысында мерзімді қызметтегі әскери қызметші қайтыс болды. Сарбаз қару ұстау кезінде жарақат алғаны айтылды.

«Шығыс» өңірлік қолбасшылығының қолбасшысы, штаб бастығы және қолбасшының тәрбие және идеологиялық жұмыс жөніндегі орынбасары тәртіптік жауапкершілікке тартылды. Әскери қызметші қаза тапқан әскери бөлімнің командирі, оның орынбасары, сондай-ақ батальон командирі атқарып отырған лауазымдарынан босатылды», – делінген ақпаратта.

Одан бөлек министрлік мұндай жағдайды болдырмау үшін қабылданған шараларға тоқталған. Олар:

29 қаңтарға қараған түні жанкүйерлер көп күткен чемпиондар Лигасындағы маңызды матч өтеді. Бұл кездесуде біздің «Қайрат» әйгілі «Арсеналмен» бақ сынайды. Студияда әзіл-сықақшы Арнат Өтепбергенов, блогер-сарапшы Қасымжан Мұқатаев және футбол блогері Жомарт Аралбайұлы. Студияның басталуы – 00:00-де. Сарапшалыр екі топтың ойыншылары, алдағы матч және оның нәтижесіне әсер ететін негізгі факторларды жан-жақты талқылайды.

Ал 01:00-де матчтың өзі басталады. Бұл ойын алматылық топ үшін осы маусымның чемпиондар лигасындағы соңғы кездесуі.

Матч туралы

Турнирлік кестеге қарасақ, жағдай анық. «Арсенал» бұл кездесуге сақадай сай: жеті матчтың жетеуінде жеңіске жетіп, топтық кестеде бірінші орында тұр. Лондондық топ турнирдегі негізгі міндеттерін әлдеқашан орындап, бүкіл дода барысында...

Энергетика министрі Ерлан Ақкенженов мәжілістегі брифингте өзінің жалақысы мен бір жылда декларацияланған табысының мөлшерін айтты

Журналистердің сұрақтарына жауап берген министр былтыр жалғыз табыс көзі жалақы болғанын мәлімдеді.

«Егер тек жалақы туралы айтатын болсақ, менің ай сайынғы жалақым шамамен 1 миллион 200 мың теңгені құрайды. Бізде сыйақы төлемдері де бар, сондықтан олардың барлығы (декларацияда – ред.) көрсетілген», – деді Ақкенженов.

Оның айтуынша, бір жылдағы декларацияланған жалпы табыс көлемі 20 миллион теңгеден сәл асқан.

Бұған дейін Қауіпсіздік кеңесінің хатшысы Ғизат Нұрдәулетов декларациясында өз табысын нөл деп көрсеткен. Ал оның жұбайы 2024 жылы 24,9 млн теңге табыс тапқанын...

Мәжіліс кулуарында Kursiv.Media тілшісі Еңбек және халықты әлеуметтік қорғау министрі қызметінен кеткен Светлана Жақыпованың жұмысына қатысты депутат Ерлан Әбдиевтің пікірін білді.

Депутаттың сөзінше, экс-министрдің цифрландыру бағытында ойлары болғанымен, олар уақытылы әрі тиімді жүзеге аспаған. Бірқатар бастамалардың іске асуы тым баяу болған.

«Баға беру қиындау. Ол кісі өз миссиясын орындаған шығар. Цифрлық бағытта үлкен ойлары болды, оны енді басқалар жалғастыратын шығар. Бірақ бәрі өте баяу жүрді. «Электронды әмиян» сияқты жақсы жобалар жасалды делінгенімен, біз оны әлі күнге дейін көріп отырған жоқпыз», – деді Ерлан Әбдиев.

Әбдиевтің сөзінше, кейбір бұйрықтар Президент тапсырмасын орындау және қаражатты үнемдеу мақсатында...

Премьер-министр Олжас Бектенов әкімдерді мақұлданған жобаларға кедергі келтіргені үшін сынады. Бұған қоса, Үкімет басшысы «Kazakh Invest» ұлттық компаниясының басқарма төрағасы Сұлтанғали Кенжеқұловқа ескерту жасады.

Бектенов бюрократтарды сынады

28 қаңтар, сәрсенбі күні премьер Бектенов Астанада шетел инвестициясын тарту мәселесі бойынша кеңес өткізді. Оған үкімет басшылары, министрлер мен әкімдер, бас прокурор, сонымен бірге «Самұрық-Қазына», «Бәйтерек», «Kazakh Invest», «Атамекен» басшылары қатысты.

Кеңесте вице-премьер – ұлттық экономика министрі Серік Жұманғарин 2025 жылы 22,7 трлн теңге инвестиция тартылғанын баяндады. Ал биылғы жоспар: 31,5 трлн теңге инвестиция тарту.

Бас прокурор Берік Асылов мемлекеттік органдардың 27 мың шешімі зерделеніп, мыңнан астам негізсіз бастамалар кер...

Мәжіліс депутаты Мұқаш Ескендіров әлеуметтік осал топтарға арналған ипотекалық тұрғын үй квотасын 70%-дан 50%-ға дейін төмендету мәселесін көтерді. Оның айтуынша, көптеген азаматтар жеңілдетілген шарттар болғанның өзінде тұрғын үйді сатып ала алмай отыр.

Депутат бұл туралы Премьер-Министрдің бірінші орынбасары Роман Склярға жолдаған сауалында айтты. Аталған мәселені Мәжіліс депутаттарының Жамбыл облысына жұмыс сапары барысында сайлаушылар көтерген.

Мұқаш Ескендіровтің мәліметінше, Жамбыл облысында коммуналдық тұрғын үй қорынан пәтер алу кезегінде 57 434 азамат тіркелген. 2025 жылы халықтың әлеуметтік осал топтарына арналған жалдамалы тұрғын үй сатып алуға республикалық бюджеттен 21,5 млрд теңге бөлініп, 1 425 пәтер алынған. Алайда заңнамаға енгізілген өзгерістерге байланысты...

Қазақстан «Теңіз» және «Королев» мұнай кен орнында өндірістің тоқтауы салдарынан 860 мың тонна мұнай өндіру мүмкіндігінен айырылған. Бірақ апат нақты қанша шығын әкелгені әлі белгісіз. Бұл туралы Энергетика министрі Ерлан Аккенженов хабарлады.

18 қаңтарда кен орнындағы зауыттың екі трансформаторы өртеніп, кен орны операторы мұнай өндірісін уақытша тоқтатқаны белгілі.

«Нақты шығынды есептеуге уақыт керек. «Теңіз» кен орының бір күнге толық тоқтап қалуы бүкіл серіктестерге 40 млн доллар шығын алып келеді», – деді ол.

Ерлан Аккенженов сондай-ақ Chevron және «Тенізшевройл» басшыларымен кездесіп, өндірістен тыс қалған көлемді арттырып өндіріп, толық қалпына келтіру жоспарланып отырғанын айтты. Бұл...

Атырау облысында жеті жастағы қызды зорлап, өлтіргені үшін сотталған Құлсары тұрғыны «Қара бүркіт» түрмесіне жіберілді. Бұл туралы жергілікті «АқЖайық» сайты хабарлады.

Редакцияның хабарлауынша, сот үкімі заңды күшіне енген. Соған сәйкес сотталған қауіпсіздігі барынша жоғары мекемеге жіберілген.

Оқиға 2025 жылдың маусымында болған. Құлсары қаласында 7 жастағы қыз Құрсай өзенінің жағалауында серуендеп жүріп, үйіне қайтып бара жатқанда адасып қалған. Жолда 35 жастағы ер адамды кезіктірген.

Ол мас күйде қызға үйіне баратын жолды көрсететінін айтып алдаған. Өзімен бірге жүруді ұсынған.

Қызды жаңылыстырып, оны өзен жағасына апарып зорлаған. Жасаған қылмысын жасыру мақсатында баланы ұрып-соғып, кейін өзенге батырып жіберген.

Сот үкімімен өмір бойына...

Оңтүстік Кореяның биліктен қуылған бұрынғы президенті Юн Сок Ельдің әйелі Ким Гон Хи жемқорлық жасағаны үшін бір жыл сегіз айға сотталды. Бұл туралы Kursiv.Media Reuters мәліметіне сүйене отырып хабарлайды.

Елдің бұрынғы бірінші ханымына қатысты сот үкімі 28 қаңтарда шықты. Аудандық сот Ким ханымды жемқорлық жасады деп таныды.

Бұған дейін прокуратура өкілдері оны 15 жылға соттауды сұраған. Құзырлы мекемедегілер Кимді құнды қағаздармен алаяқтық жасады, пара алды, ықпалын заңсыз саудалады деп айыптаған.

Елдің бұрынғы бірінші ханымын қамауға алу туралы шешім 2025 жылғы 12 тамызда қабылданған. Оның алдында 52 жастағы әйел сот алдында кешірім сұраған.

Ким бұған дейін де...

28 қаңтардан 29 қаңтарға қараған түні Лондонның «Арсенал» клубы өз алаңында алматылық «Қайратты» қабылдайды. Кездесу Чемпиондар лигасының жалпы кезеңіндегі сегізінші тур аясында өтеді.

Тікелей трансляция

«Арсенал» – «Қайрат» ойынының тікелей трансляциясы 01:00-де (Астана уақытымен) басталады. Кездесуді Qazaqstan телеарнасынан тікелей эфирде тамашалауға болады.

Турнирлік кестедегі жағдай

Жеті турдың қорытындысы бойынша «Арсенал» негізгі кезеңде көш бастап тұр. Ағылшын клубы жеті матчтың барлығында жеңіске жетіп, 21 ұпай жинаған. Ал «Қайрат» дәл осындай ойын санынан кейін небәрі 1 ұпай еншілеп, турнирлік кестеде 36-орында тұр.

Алдыңғы турда «Арсенал» қонақта италиялық «Интерді» 3:1 есебімен жеңсе, «Қайрат» өз алаңында бельгиялық «Брюггеден» 1:4 есебімен...

Тележүргізуші Динара Сәтжан күйеуін туған күнімен құттықтады. Forbes нұсқасы бойынша Қазақстандағы ең ықпалды 50 кәсіпкердің қатарында бар Жұмабек Жанықұлов ердің жасы елуге толды.  

Осындай ерекше себепке орай Динара Жанықұлова (Сәтжан) stories-ке шамшырағы көп торттың суретін салды. Ал парақшасының жазба бөліміне төрт сурет жариялап, «Жүрегім менің, туған күніңізбен» деп жазды. Оған қоса, екеуінің бақытты сәттеріне шолу жасалған осы жазбаны лентасында бірінші болып көрінсін деп бекітіп қойды.

Сондай-ақ Сәтжан stories-ке палау пісіргенін салып, қайынсіңлісінің келген құрметіне деп бөліскен еді.

Естеріңізге сала кетсек, бұған дейін Динара Сәтжанның күйеуі – Жұмабек Жанықұловтың немен айналысатыны туралы жазған едік.

Freedom Holding Corp. шағын брокерден, капитализациясы 10 миллиард долларға жеткен, банкинг пен сақтандырудан бастап телеком мен билет операторларына дейінгі 20-дан астам бизнес бағытын біріктіретін экожүйеге дейінгі жолдан өтті. 30-дан астам түрлі компаниядағы технологияларды қалай басқаруға болады? Холдингке Group CTO не үшін қажет әрі оның әдеттегі техникалық директордан айырмашылығы неде?

Freedom Holding Corp. технологиялар жөніндегі бас директоры Ренат Туканов «Курсивке» берген сұхбатында IT мен бизнес арасында қалай диалог құрып, бір жыл ішінде төрт миллиард теңгені қалай үнемдеуге болатынын, неліктен ең ақылды инженерлер үшін де код жазудан бұрын келіссөз жүргізе білу маңызды екенін және бес жылдан кейін холдингтің қандай болатынын айтып берді.

Конституциялық реформа жөніндегі комиссияның негізгі жұмысы осы аптада аяқталу керек. Kursiv.Media тілшісінің сұрағына депутат Айдос Сарым осылай деп жауап берді.

Оның түсіндіруінше, комиссия мүшелер ұсынған нормалардың барлығын заңгерлер електен өткізіп жатыр.

«Әр отырыстан кейінгі мәселе жұмыстың бар-жоқтығына байланысты ғой. Кеше өткізген жоқпыз, себебі заңгерлер мұрша сұрады. Көп ұсыныс айтылды. Енді соның барлығын тиянақтап алайық, содан кейін дұрыс нұсқасын ұсынайық деп жатыр», – дейді депутат жұмыс барысы туралы.

Айдос Сарымның сөзінше, Ата Заңды түзетуге қатысты отырыстар жақын арада аяқталады.

«Осы аптада негізгі жұмысты аяқтап, оны президентке береміз. Президент оны...