Жаңалықтар

Алматының орталығындағы Димаш Құдайберген бейнеленген муралды қалпына келтіру жұмыстары 25 қыркүйектен кейін басталуы мүмкін. Бұл туралы Алмалы ауданы әкімінің аппараты Kursiv.Media жолдаған ресми сауалға берген жауабында хабарлады.

Айта кетейік, биыл 30 наурызда Димаш Құдайбергеннің муралы боялып тасталғаны белгілі болған еді. Сол кезде бұл жағдай әлеуметтік желі қолданушылары мен қала тұрғындарының наразылығын тудырған.

Алмалы ауданы әкімдігі наурызда муралдың жағдайы нашарлағанын айтып, қабырға автордың келісімімен қайта өңделетінін мәлімдеген. Әкімдік жарамсыз болып қалған сурет өшіріліп, оның орнына жаңа портрет салынатынын хабарлаған еді.

Алайда содан бері бірнеше ай өтсе де, Димаштың жаңа муралы пайда болған жоқ.

Жаңа эскиз енд...

Қазақстан президенті Қасым-Жомарт Тоқаев Ресей Президенті Владимир Путинмен телефон арқылы сөйлесті, деп хабарлайды Kursiv.media.

Ақорданың ақпаратына қарағанда, Тоқаев Ресей көшбасшысын Мемлекеттік Дума сайлауының табысты өтуімен құттықтаған.

«Қасым-Жомарт Тоқаев дауыс беру үдерісі жоғары деңгейде ұйымдастырылғанын атап өтіп, Ресей Парламентінің жаңа құрамы ел мен азаматтардың игілігі жолында жемісті қызмет атқаруына тілектестік білдірді», – делінген хабарламада.

Қос елдің басшылары екіжақты ынтымақтастықтың өзекті мәселелері жөнінде пікір алмасқан. Сондай-ақ алдағы бірлескен іс-шаралар мен жоғары деңгейдегі байланыстар кестесін талқылады.

Мұның алдында Тоқаев Ресей президенті Путинге жеделхат жолдаған болатын.

Қатар Ормұз бұғазын айналып өтіп, газ тасымалдауға арналған құбыр салмайды. Бұл экономикалық тұрғыдан тиімсіз. Бұл жайлы БҰҰ Бас Ассамблеясы аясында өткен Қатар экономикалық форумында энергетика жөніндегі мемлекеттік министр Саад әл-Кааби мәлімдеді, деп хабарлайды Кursiv.Media.

«Коммерциялық және техникалық талаптарды ескере отырып, құбырларды балама нұсқа ретінде қарастырмаймыз деп шештік », – деді әл-Кааби. Оның сөзін Qatar Energy мемлекеттік компаниясының баспасөз қызметі таратты.

Министрдің айтуынша, Қатар газды қазірдің өзінде сұйытылған күйде экспорттайды. Сондықтан газды алдымен құбыр арқылы газ күйінде тасымалдап, кейін қабылдау терминалдарында қайта сұйылту қажет болар еді.

«Бұл Қатарда...

Ирландияның Деректерді қорғау комиссиясы (DPC) Google-ға қатысты алты жыл тергеу жүргізіп,  403 млн еуро айыппұл салды деп хабарлайды Kursiv Media. Техноалпауыт тұтынушылардың орналасқан жері туралы деректерді жинау және сақтау тәртібін бұзғаны үшін айыпты деп танылды.

2020 жылы Еуропадағы тұтынушылар құқығын қорғайтын ұйымдардың шағымынан кейін DPC тексеру бастаған. Комиссия Google-дың «Интернеттегі және қолданбалардағы әрекеттер», «Орналасу тарихы» және «Орналасу дәлдігі» деген функцияларын зерттеп шығады.

Нәтижесінде Google пайдаланушылардың геолокация деректерін қалай жинайтыны мен сақтайтыны туралы ақпаратты толық әрі түсінікті бермегені анықталған. Сондай-ақ кей деректер қажетті мерзімнен ұзақ сақталған.

DPC комиссарының орынбасары Грэхем Дойл сөзінше, геолокация деректері адамның жеке өмірі туралы маңызды...

Жұлдызды жұп Баян Нұрмышева мен Ерлан Орынбасаров мемлекеттен ерекше атақ беруді сұрады, деп хабарлайды Kursiv.media.

Жұбайлар көлікте келе жатып, халықтың әзіл-шынын араластырып, әншілерге берген атаққа разы болып, күлді. Баян Нұрмышева күйеуі Ерлан Орынбасаровты құттықтады.  

«Жан, біздің жаңа  атағымыз құтты болсын! Байқамадың ба, жаңа тойда бізге атақ берді. «Хайпы жоқ, хейті жоқ жұлдызды жұп» деді», – деді Баян Нұрмышова.

Жұбайыны жауабы қысқа болды. «Жоқ болып кетпей, аман-есен жүрсек болды», – деді Ерлан Орынбасаров.

«Мүмкін, хайп жасау керек пе екен? Әлде осы дұрыс па? Мемлекет осындай атақ берсе екен. Біз гран-при алар едік. «Хайпы жоқ деген...

Қазақстан Республикасы Қарулы Күштері Құрлық әскерлерінің бас қолбасшысы ауысты, деп хабарлайды kursiv.media.

«Мемлекет басшысының өкімімен Қуанышбек Өскенбайұлы Үштаев Қазақстан Республикасы Қарулы Күштері Құрлық әскерлерінің бас қолбасшысы лауазымына тағайындалды», – делінген Ақорда таратқан хабарламада.

Бұған дейін осы лауазымда болған Мереке Мәтімұлы Көшекбаев Президенттің өкімімен лауазымынан босатылды.

Жақында Президент жарлығымен Ішкі істер және Қорғаныс министрліктерінің басшылары қайта тағайындалды.

Oxford Economics ұйымы әлемнің 1000 қаласын экономика, адами капитал, өмір сапасы, экология және басқару сияқты бес санат бойынша бағалады, деп хабарлайды Кursiv.Media.

Рейтингтің көшбасшы үштігі екінші жыл қатарынан өзгерген жоқ. Нью-Йорк, Лондон және Париж алғашқы үштікте тұр. Былтырғы топ-10 қаланың сегізі биыл да өз орнын сақтаған.

АҚШ-қа алғашқы жүздікке енген 30 қала тиесілі. Алайда рейтингтің жоғарғы бөлігіндегі тұрақтылық Азиядағы айтарлықтай өзгерістерді жасырып тұр. Мәселен, Шанхай экономика көлемі бойынша 2000 жылы 70-орында болса, 2025 жылы 21-орынға көтерілген. Ал 2050 жылға қарай 15-орынға шығуы болжанып отыр.

Үш қала – үш түрлі нәтиже

Алматы 1000 қаланың ішінде 265-орынға жайғасты. Экономика...

АҚШ президенті Дональд Трамп Владимир Зеленскиймен телефон арқылы сөйлесті. Әңгіме барысында Украина тарапынан Ресейдегі мұнай өңдеу зауыттарына жасалатын соққыларды тоқтатуды талап етті. Себебі соққылар әлемде дизель отыны бағасының өсуіне түрткі болып отыр, деп хабарлады америкалық Axios порталы.

Сұхбаттан кейін Украина басшысы АҚШ президентімен Нью-Йоркте кездесуге келіскенін мәлімдеді. Зеленский бұл әңгімені «маңызды» деп атап, алдағы кездесу «көп нәрсені өзгертуге қауқарлы» екенін жеткізді. Кездесу осы аптада Нью-Йоркте өтетін БҰҰ Бас Ассамблеясы аясында өтуі мүмкін.

Axios басылымының дереккөздеріне сүйенсек, телефон арқылы сөйлесу кезінде Трамп «Зеленскийден ресейлік мұнай өңдеу зауыттарына соққы беруді тоқтатуды бірнеше рет сұраған». АҚШ президенті бұл шабуылдарды...

Қазақстанда 2026 жылдың басынан бері 168 жасөспірім суицидтен көз жұмған деп хабарлайды Kursiv Media «Qamqor» порталындағы деректерге сілтеме жасап.

2025 жылдың 9 айындағы есеп бойынша, 134 жасөспірім өзіне қол салған. Осылайша биылғы көрсеткіш бір жылда 25,4%-ға өскен.

Өңірлер арасында ең көп өсім Түркістан облысында байқалады. Мұнда көрсеткіш 26-дан 40 жағдайға дейін өскен. Астана қаласында 7-ден 15-ке, Алматы облысында 8-ден 17-ге көбейген.

Ал кей өңірлерде жағдай керісінше азайған. Мәселен, Қызылорда облысында суицид саны 8-ден 3-ке, Ақтөбеде 8-ден 5-ке, Қостанайда 6-дан 4-ке төмендеген.

Қазақстандық каратэші Әсел Қанай Жапонияның Айчи-Нагоя қаласында өтіп жатқан Азия ойындарында күміс медаль жеңіп алды, деп хабарлайды Kursiv.Media Ұлттық олимпиада комитетіне сілтеме жасап.

Әсел Қанай 61 келіге дейінгі салмақ дәрежесінде Қазақстан намысын қорғап, жарыстың финалына дейін жетті. Шешуші кездесуде қазақстандық спортшы Қытай өкілі Ли Гунмен кездесті.

Тартысты өткен финалдық жекпе-жек 8:2 есебімен Қытай спортшысының пайдасына аяқталды. Нәтижесінде Әсел Қанай Азия ойындарының күміс жүлдесіне ие болды.

Осылайша, Қанай Қазақстан құрамасының каратэден осы жарыстағы алғашқы күміс медалін қоржынға салды.

Бұған дейін қазақстандық каратэшілер Жоламан Биғанәбіл 55 келіге дейінгі салмақ дәрежесінде және Софья Берульцева 68 келіден жоғары салмақта Азия ойындарының чемпионы...

21 қыркүйек – 5 қазан аралығында Ресейге теміржол арқылы әскери техника тасымалданады, деп хабарлайды Kursiv.media.

Қорғаныс министрлігінің ақпаратына қарағанда, 24 қыркүйек – 3 қазан аралығында Ресей Федерациясының аумағында Ұжымдық қауіпсіздік шарты ұйымының (ҰҚШҰ) «Өзара іс-қимыл – 2026», «Іздеу-2026» және «Эшелон-2026» оқу-жаттығуларын өткізуі жоспарланған.

«Оқу-жаттығуларға дайындық және оны өткізу кезеңінде, 21 қыркүйек – 5 қазан аралығында Қазақстан Республикасы аумағынан Мисящ стансасына дейін (Челябі облысы, Ресей) және кері қарай теміржол көлігімен әскери техника мен жеке құрамның жоспарлы қозғалысы жүзеге асырылады», – делінген хабарламада.

Оқу-жаттығулар барысында далалық сабақтар өткізіліп, оның аясында шеру дайындығы, бөлімшелерді басқару және қойылған міндеттерді орындау пысықталады...

Мемлекет Оралдағы «Зенит» кеме жасау зауытын сатылымға шығарды. Кәсіпорынн 18,49 млрд теңгеге бағаланып отыр, деп хабарлайды Kursiv.Media.

Sauda.kz мәліметінше, саудаға қатысуға үміткерлер 2,77 млрд теңге көлемінде кепілдік жарна енгізуі қажет. Электронды сауда-саттық 24 қыркүйек күні өтпек. Өтінімдер 24 қыркүйек сағат 14:25-ке дейін қабылданады, ал сағат 14:30-да сауда-саттықтың өзі басталады.

Жекешелендіру жұмыстарын сатушы ретінде тіркелген «Қазақстан инжиниринг» ұлттық компаниясы жүргізіп жатыр.

Регламент бойынша, аукционға тек бір қатысушы тіркелген жағдайда ғана өтті деп есептеледі. Зауыттың нарықтық құнына тәуелсіз бағалауды «Столичная оценочная компания KZ» жүргізді.

Еске сала кетейік, Орал кеме жасау зауытын сату туралы әңгіме бірнеше жыл бұрын қозғалған...

WEDRINK өнімдеріне Қазақстан мұсылмандары діни басқармасының «Халал Даму» ұйымы тарапынан QMDB HALAL сертификаты берілді. Бұл туралы «Халал Даму» мәлімдеді.

Сертификаттау аясында ұйым мамандары Қытайдағы WEDRINK өндіріс орнына барып, кәсіпорынға толық аудит жүргізген. Тексеру барысында өндіріс процесі, қолданылатын шикізат пен ингредиенттер және оларға қатысты құжаттар қаралған.

Сонымен қатар өнімдер зертханалық зерттеуден өткізілген. «Халал Даму» мәліметінше, тексерілген өнімдердің құрамынан халал талаптарына сәйкес келмейтін жануар текті желатин мен кармин бояғышы анықталмаған.

Сертификаттау кезінде компанияның тек Қытайдағы кәсіпорны ғана емес, Өзбекстан, Малайзия және Индонезиядағы WEDRINK өндіріс орындарының халал сертификаттары да тексерілген.

Бұдан бөлек, Қазақстан аумағындағы өнімдерді сақтау қоймалары мен тарату орындары бақылаудан...

Әзербайжандық танымал стендапер Джавид Курбанов Астананың соңғы он жылда қалай өзгергенін айтты, деп хабарлайды Kursiv.media.

Оның сөзіне қарағанда, Астана тағы да он жылды артқа тастаса, Азия құрлығындағы ең жасыл қалалардың біріне айналмақ.

«Әлемнің кіндігі – Астанада Бәйтерек ағашы өсіп тұр. Оған сиқырлы Самұрық құс ұя салған. Алтын жұмыртқасы әлемге жарық сәуле түсіріп тұрады. Он жылдан соң мен Астанаға қайта келдім. Әуежайдан түскенде көзіме түскен нәрсе, ғажайып ғимараттарды көрдім. Бірақ мені қатты таңырқатқаны – қаланың жасыл-желегі», – деді стандапер.

Оның пікірінше, астаналықтар керемет іс тындырған. Бүкіл қалаға көшет отырғызған. Он жыл ішінде көшеттер жайқалып өсіп, мүлде басқа шаһарға айналған. Күнде...

18 қыркүйектен бастап Sulpak және Technodom дүкендер желісі iPhone 18 Pro және Pro Max смартфондарына алдын ала тапсырыс қабылдауды бастады. Базалық 256 ГБ жады бар iPhone 18 Pro бағасы 849 990 теңгені құраса, Pro Max нұсқасы 909 990 теңгеге бағаланып отыр, деп жазады kursiv.media.

АҚШ пен Қазақстандағы баға айырмашылығы

АҚШ-та дәл осы модельдерді Apple компаниясы 1 199 жәнн 1 299 доллардан сатып жатыр. 21 қыркүйектегі ресми бағам бойынша бұл шамамен 535 мың және 580 мың теңгеге сәйкес келеді.

Яғни, Қазақстандағы баға АҚШ-тағы бағамен салыстырғанда шамамен 60 пайызға қымбат: iPhone 18 Pro 314,6 мың теңгеге немесе 58,8%-ға...

13 жастағы қытай спортшысы Юй Зиди Азия ойындарының бірінші күнінде рекорд орнатып, алтын медаль алды. Бұл туралы The Guardian-ға сілтеме жасаған Kursiv Media хабарлайды.

Қазанда 14-ке толатын мектеп оқушысы әйелдер арасында 200 метрді баттерфляй әдісімен 2 мин 05.08 секундта жүзіп өтті. Бұл медаль – қытай жасөспірімінің спорттық мансабындағы ең ірі жеңісі. Енді Юй Зиди екі жылдан кейін Лос-Анжелесте өтетін Олимпиада ойындарына қатыспақшы.

Жас спортшы 2012 жылы 16 қазанда Қытайдың Баодин қалалық округінде дүниеге келген. 2024 жылы 11 жасында Жазғы Олимпиада ойындарының іріктеу кезеңіне қатысты. 400 метрді 4 мин 40 секундта жүзіп өтіп, нормативтен бар болғаны...

Жұлдыз Әбдікәрімова енесі Гүлзира Айдарбековаға тосынсый жасап, ерекше түсті iPhone 18 сыйлады, деп хабарлайды Kursiv.media.

Актриса осы сыйлық арқылы оның қандай реакция танытатынын да көргісі келген.

«Бүгінде жаңадан бургунди түсті iPhone 18 шығып жатыр. Міне, қолымда тұр. Бұл сыйлық – анамызға! Анамыз білмейді. Реакциясын бірге көреміз», – деді Қайрат Нұртастың жары.

Тосынсыйын табыстауға қара шаңыраққа кірген келін теледидар көріп отырған қайын енесі түртіп, селк еткізді. Кәдесыйы бар екенін айтқанда, оның не екенін Гүлзира Айдарбекова бірден тапты.

«Тұла бойым тұңғышымның сүйіктісі, менің алғашқы қуанышым – келінімнен сыйлық. Құрбыларымның арасында бірінші болып iPhone 18-ді мен ұстадым...

inDrive компаниясының негізін қалаушы Арсен Томский Алматыдағы Esentai Mall сауда орталығындағы киім бағасына қатысты пікір білдірді, деп хабарлайды Kursiv.Media.

Кәсіпкер Threads әлеуметтік желісіндегі парақшасында маусым айының басынан бері Алматыда болмағанын жазды. Қалаға келгеннен кейін өзімен бірге жеткілікті киім алмағанын байқап, жақын маңдағы Esentai Mall-ға барған.

Томский премиум санаттағы сауда орталығындағы кейбір тауарлардың бағасына таңғалғанын жасырмады.

«Мен өзім кедей адам емеспін. Бірақ осы футболкаларды 1000 долларға кім сатып алады екен? Ең бастысы – не үшін?» – деп жазды Арсен Томский.

Нұрай Серікбайдың өліміне қатысты іс апелляциялық сатыда 24 қыркүйек сағат 10:00-де қаралады. Бұл туралы жас қыздың ағасы Сұлтан Серікбай хабарлады.

Бұған дейін бірінші сатыдағы сот Шерхан Аймаханды өмір бойына бас бостандығынан айырды. Сот Аймаханды ҚР Қылмыстық кодексінің 99-бабы 2-бөлігінің 5-тармағы («аса қатыгездікпен жасалған адам өлтіру»), 125-бабының 1-бөлігі ( «некеге тұруға мәжбүрлеу») және 115-бабының 2-бөлігі («сталкинг») бойынша толық кінәлі деп тапты. 

Одан бөлек Аймахан Нұрайдың отбасына 25 млн теңге моральдық өтем және адвокат қызметіне жұмсалған 5 млн теңгені төлеуі қажет.

Содан кейін сотталғанның қорғаушылары апелляциялық шағым түсірді.

Нұрай Серікбайдың қазасы

Шымкентте 21 жастағы Нұрай Серікбай 2026 жылдың 11 қаңтары қаза тапты...

Абай облысының экология департаменті «KAZ MINERALS AKTOGAY» ЖШС-ін әкімшілік жауаптылыққа заңсыз тартпақ болған, деп хабарлайды Кursiv.Media.

Экология департаменті инвесторға қатысты мемлекеттік бақылау аясында заңда көзделген тексеруді жүргізбей, белгіленген рәсімді сақтамай, әкімшілік құқық бұзушылық туралы іс қозғаған.

Облыстық табиғатты қорғау прокуратурасының наразылығы бойынша сот «KAZ MINERALS AKTOGAY» ЖШС-ін әкімшілік жауаптылыққа тарту туралы қаулының күшін жойды.

Сонымен қатар, сот анықталған заң бұзушылықтарды жою туралы Экологиялық реттеу және бақылау комитетінің атына жеке қаулы шығарды.

Бұдан бөлек, экология департаменті басшысының орынбасары 20 АЕК мөлшерінде айыппұл төледі.

Тағы да оқыңыз: Қытай инвесторы Абай облысында кірпіш зауытын...

Қазгидромет синоптиктері 22, 23 және 24 қыркүйекке арналған ауа райы болжамын жариялады. Оған сәйкес елдің батысында, оңтүстігінде ыстық ауа райы сақталып тұрады, деп хабарлайды Kursiv.Media.

Жаңа аптаның басында Қазақстан аумағында атмосфералық фронттардың өтуіне байланысты найзағай ойнап, жаңбыр жауады деп болжанады.

Бұл ретте ауа температурасы жылдың осы кезеңіне тән жайлы деңгейде болады. Республика бойынша желдің күшеюі күтіледі. Түнгі және таңғы сағаттарда кей жерлерде тұман болжанады.

Күндіз ауа температурасы еліміздің батысында +25…+32°С, солтүстік-батысында +20…+31°С, солтүстігінде және орталық өңірлерінде +18…+27°С, шығысында +13…+23°С, оңтүстігі мен оңтүстік-шығысында +25…+32°С-қа дейін көтеріледі.

Бүған дейін Kursiv.Media қазан айында елде қандай ауа райы болатынын жазған еді...

Қытай ашық теңізде 10 метр тереңдікте орналасқан әлемдегі алғашқы суасты күн электр станциясын сынақтан өткізді, деп хабарлайды Kursiv.media.

South China Morning Post ақпаратына қарағанда, әлемдегі алғашқы мұндай сынақ барысында ғалымдар қорғасын галогенидті перовскиттер негізіндегі күн элементтерін пайдаланып, аккумуляторларды сәтті зарядтап, жарықдиодты шамды іске қосты.

Суасты жүйесі аккумуляторларды зарядтап, жарықдиодты панельді қуаттандырды. Бұл мұхиттың күңгірт, көк-жасыл реңкті іңір тәрізді жарығында да күн энергиясын өндіруге болатынын дәлелдеді.

Су бетінен 10 метр тереңдікте күн сәулесінің шамамен 10 пайызы ғана жетеді.

Айта кететін жайт, Қытайда алғаш рет роботтарды роботтар құрастыратын зауыт ашылды.

Қаржы мониторинг агенттігі «Кең Дала 2» бағдарламасы бойынша «Рашан» ЖШС директорына қатысты тергеу бастады. Ол көктемгі егіс пен егін жинау жұмыстарына бөлінген 300 млн теңге несие қаражатын жымқырды деген күдікке ілінді, деп хабарлайды Kursiv.Media.

Агенттіктің мәліметінше, 2025 жылғы мамырда «Аграрлық несие корпорациясы» АҚ филиалы мен «Рашан» ЖШС арасында айналым қаражатын толықтыру үшін қарыз беру туралы шарт жасалған.

Шарт бойынша міндеттемелердің орындалуына «Даму» кәсіпкерлікті дамыту қоры» АҚ кепілдік берген.

Шарт талаптарына сәйкес «Рашан» ЖШС-нің шотына 300 млн теңге қарыз қаражаты аударылған.

Кейін бұл қаражат егіс науқанына жұмсалатын шығындарды төлеу деген желеумен екі ЖШС-ге бөлініп аударылған. Атап айтқанда...

Жетісу облысында Сарыөзек – Үштөбе учаскесінің Тауарасы – Айнабұлақ аралығында қозғалған жүк пойызының машинисі теміржол төсемінің маңында Айнабұлақ станциясына қарай жалғыз кетіп бара жатқан 4  жасар баланы байқап қалған, деп хабарлайды Кursiv.Media.

Пойыз шамамен 38 км/сағ жылдамдықпен қозғалып келе жатқан.

Машинист қызметтік тежеуді қолданып, пойызды тоқтатып, баланы локомотив кабинасына мінгізіп алған. Маман бұл жайлы пойыз диспетчеріне дереу хабарласқан.

Кейін бала Айнабұлақ станциясының кезекшісіне тапсырылды. Станция кезекшісі баланың ата-анасымен байланыс орнатып, баланы оларға табыстады.

Тағы да оқыңыз: Балқашта пойыз ер адамды қағып өлтірді