Жаңалықтар

Қазақстанда ұлттық валютаның әлсіреу тенденциясы жалғасып жатыр. 29 мамыр күнгі сағат 16:38-дегі жағдай бойынша бір АҚШ долларының құны 488,65 теңгеге дейін көтерілді. Нарықтағы серпіліске байланысты Kurs.kz сайтында ақша айырбастау орындары долларды 488 – 489 теңге дәлізінде саудалап жатыр.

Биржадағы апталық динамика

KASE деректеріне сүйенсек, осы аптада шетелдік валюта бағамы тұрақты түрде өскенін байқауға болады. Апта басында, яғни 25 мамырда доллар 472,96 теңге болса, келесі күні 480,20 теңгеге жеткен. Демалыстан кейін 28 мамырда бағам 484,25 теңгені құрап, ал 29 мамырда 488,70 теңгелік апталық максимум орнатылды. Осылайша, небәрі бес күннің ішінде доллар бағамы шамамен 15-16 теңгеге қымбаттап, ұлттық валюта айтарлықтай құнсызданды.

Танымал қазақстандық кәсіпқой боксшы, әлем чемпионы Ангелина Лукас әлеуметтік желідегі парақшасында Қасым-Жомарт Тоқаевқа ашық үндеу жолдады. Спортшы мәлімдемесінде отандық спорт саласындағы әділетсіздіктер мен жүйелі мәселелерді ашық айтып, мемлекет басшысынан жағдайға назар аударуды сұрады.

«Жетістіктерім әдейі жасырылып келеді»

Ангелина Лукас көп жылдар бойы спорттағы әділетсіздіктермен бетпе-бет келіп жүргенін айтады. Бұл мәселе өзіне ғана емес, елдегі өзге де көптеген спортшыларға ортақ екенін атап өтті. Мысал ретінде жуырда ғана қоғамда үлкен талқылау тудырған мәнерлеп сырғанаушы Михаил Шайдоровтың жағдайын тілге тиек етті.

Спортшы халықаралық аренада Қазақстанның көк байрағын биікке көтеріп, айтарлықтай табыстарға жеткенін алға тартты:

Көпшілікке Showtime лақап атымен танымал Энтони Петтис Алматы қаласына келе жатыр. ММА жұлдызы Threads әлеуметтік желісіне қазақша жазып, дәмді ет жейтін орын іздеді.

Қонақжай халықтың тілін тапты

Америкалық атлет жергілікті халықтың көңілінен қалай шығу керектігін біледі екен.

«Тредс қазақтардікі дейді ғой? Рас па? Алматыға жолға шығып жатырмыз. Ең дәмді беш қайда жесек болады?» – деп сұрады Showtime.

Аз уақыттың ішінде оның қазақша жазбасын 10 мыңнан астам адам ұнатып, жүздеген адам пікір жазды. Әлдетте, қонақжай қазақтар Энтониді етке шақырып жатыр.

Боранбаевқа қарсы шығады

Энтони Петтис 6 маусымда Әділ Боранбаевпен жекпе-жек өткізеді. Оны...

Еуразиялық экономикалық одаққа мүше елдер арасындағы тығыз ынтымақтастық әр мемлекетке нақты пайда беріп отыр. Ресей президенті Владимир Путин Жоғары Еуразиялық экономикалық кеңестің кеңейтілген отырысында сөйлеген сөзінде осылай деп мәлімдеді.

«Қазіргі жағдайдың ерекшелігін ескересек, еуразиялық интеграцияның тереңдеуі біздің бірлестікке мүше әрбір мемлекет үшін нақты пайда әкелетінін ерекше атап өткім келеді. Бұл бизнес табысының артуына, азаматтарымыздың өмір сүру сапасы мен әл-ауқатының жақсаруына ықпал етеді», – деді Ресей басшысы.

Путиннің айтуынша, ЕАЭО-ға мүше бес елдің негізгі макроэкономикалық көрсеткіштері тұрақты оң өсім көрсетіп отыр.

«Біздің «бестіктің» негізгі макроэкономикалық көрсеткіштерінің серпіні тұрақты әрі оң сипатқа ие...

Мәнерлеп сырғанаудан Қазақстанның үздік спортшысы, қысқы олимпиада чемпионы Михаил Шайдоров Threads желісінде көлемді жазба жариялап, соңғы кездері өзіне қатысты туындаған даулы мәселеге пікір білдірді. Спортшы ел арасына тараған жалған ақпараттарды жоққа шығарып, атақ-дәрежесіне қатысты шындықты жария етті.

Жанкүйерлерге алғыс

Михаил Шайдоров алдымен қиын сәтте өзіне қолдау көрсеткен барша қазақстандыққа ризашылығын білдірді.

«Барша қазақстандыққа қолдаулары мен бейжай қарамағаны, әлеуметтік желілердегі көптеген жазбалары мен жылы лебіздері жазылған жеке хаттары үшін алғыс айтқым келеді. Жалған ақпараттар ағынына ермей, маған сенім артқандарыңыз үшін рақмет. Сіздердің сенімдеріңіз мен үшін өте маңызды», – деп жазды спортшы.

Спортшы кейбір...

Бір жылдан астам уақыт бойы алимент төлеуден жалтарып келген азамат жарты жылға бас бостандығынан айрылды. Бұл туралы Бас прокуратура хабарлайды.

Сот үкімі 2026 жылғы 5 мамырда шыққан, бірақ құзырлы мекеме мәліметті енді ғана жариялап отыр. Алты айға соттау туралы шешімді Батыс Қазақстан облысының кәмелетке толмағандар істері жөніндегі мамандандырылған ауданаралық соты қабылдаған.

«Сотта азаматтың бір жылдан астам уақыт бойы кәмелетке толмаған баласын асырау жөніндегі сот шешімін орындаудан жалтарғаны анықталды. Нәтижесінде алимент бойынша 4 млн теңге көлемінде берешек қалыптасқан», – деп таратты прокуратура.

Сотталушының аты-жөні аталмады. Құзырлы мекеменің мәліметінше, бұған дейін борышкер осыған ұқсас әрекет...

Жасанды интеллектінің дамуы бәсекеге қабілеттіліктің басты факторы. Бұлай деп Астанада өтіп жатқан Жоғары Еуразиялық экономикалық кеңестің кеңейтілген құрамдағы отырысында сөз алған Беларусь президенті Александр Лукашенко айтты.

Ол ЖИ қауіпсіздікке төнетін елеулі сын-қатер екенін де ұмытпауға шақырды. Беларусь басшысы технологияның бұл түрін игілікке бағыттап, оның бақылаудан шығып кетуіне жол бермеу керегін айтты.

«Біздің міндетіміз – жасанды интеллектіні бейбіт арнаға бағыттау және оның жаппай қырып-жою қаруына айналуына жол бермеу. Сондықтан Одақ мәлімдемесіндегі «жауапты қолдану» деген сөздер өте маңызды», – деп мәлімдеді ол.

Астанада Жоғары Еуразиялық экономикалық кеңес отырысына Ресей Федерациясының Президенті Владимир Путин, Қырғыз Республикасының Президенті Садыр Жапаров, Беларусь Республикасының Президенті Александр Лукашенко және Армения...

Астанада Жоғары Еуразиялық экономикалық кеңестің отырысы өтіп жатыр. Қазақстан Президенті Қасым-Жомарт Тоқаев өз сөзінде ЕАЭО макроэкономикалық дамудың оң динамикасын сақтап отырғанын айтты.

Айтуынша, 2026-2027 жылдары одаққа мүше мемлекеттердің ішкі жалпы өнімінің өсу қарқыны шамамен екі жарым пайызды құрайды. Жаһандық нарықтардың тұрақсыздығы мен құбылмалылығына қарамастан, өткен жылы елдер арасындағы тауар айналымы 95 млрд доллардан асты.

«Биыл біз өзара сауда-саттық көлемінің алты пайыздан астам өсуін күтіп отырмыз, бұл 100 миллиард долларлық межені бағындыруға мүмкіндік береді.

Сонымен бірге, халықаралық ұйымдардың жаһандық нарықтың жай-күйі туралы бағалаулары көңіл көншітпейді. Халықаралық валюта қорының есебі бойынша, биыл әлемдік экономиканың өсуі баяулап, 3%-дан аспайды...

«Алтыналмас» компаниясы кезінде 33,5 млн долларға сатып алған «Ақтоғай мыс» серіктестігін иелігінен шығарды. Бұл туралы Қаржылық есептілік депозитарийіне жолданған ақпаратта айтылған.

Ірі келісімге дайындық

«Ақтоғай мыс» серіктестігі «Алтыналмас» иелігіндегі активтер тізімінен 2026 жылғы 22 мамырда шығып қалды. Қазір оның осы серіктестіктегі үлесі нөлге тең.

Компания оны 2018 жылы «Долинное» алтын кен орнын иемдену үшін 33,5 млн долларға сатып алған. Сегіз жылдың ішінде кеніш толықтай іске қосылып, өндіріс «Алтыналмастың» негізгі зауыттарына ауысқан. Жобаға жүзеге асқан соң компанияның өзі қажет болмай қалған. Соған байланысты «Алтыналмас» оны жою туралы шешім қабылдаған.

«Долинное» алтын кен орны Қарағанды облысы Ақтоғай ауданында орналасқан.

Активтерді оңтайландыру...

Президент Қасым-Жомарт Тоқаевтың төрағалығымен Жоғары Еуразиялық экономикалық кеңестің шағын құрамдағы отырысы өтті.

Мемлекет басшысы бүгінгі күннің символикалық мәні ерекше екенін атап өтті. Дәл осы күні, яғни, 2014 жылы 29 мамырда Қазақстан Астанасында Еуразиялық экономикалық одақ туралы шартқа қол қойылған болатын.

«Бұл уақиға еуразиялық интеграцияның маңызды кезеңі ретінде есте қалды. Одақ құрылған сәттен бері еуразиялық «бестіктің» басты ынтымақтастық алаңына айналды. Осыған орай барша әріптесімді Еуразиялық экономикалық одақ күнімен құттықтауға рұқсат етіңіздер. Бірлестік одан әрі дамып, елдеріміз бен халықтарымыздың игілігіне қызмет ете берсін! Бүгінгі шағын форматтағы кездесу барысында біз сыртқы саудаға, жасанды интеллектіні дамыту бастамаларына қатысты маңызды...

Энергетика министрі Ерлан Ақкенженов Еуразиялық экономикалық кеңес отырысының кулуарында «Достық» құбыры арқылы Германияға мұнай тасымалдау қашан қалпына келетінін айтты.

Оның айтуынша, қазіргі уақытта аталған мұнай құбыры арқылы мұнай айдау көлемі шектеулі. Экспорттың толық жандануы Ресей тарапындағы жөндеу жұмыстарының жылдамдығына тікелей тәуелді болып отыр.

«Биыл немесе келесі жылы жұмыс толығымен жанданады деген үміт бар. Бірақ бәрі Ресей тарапына, олардың мұнай айдау жөніндегі техникалық мүмкіндіктерін қаншалықты тез қалпына келтіретініне байланысты. Мен бұл мүмкіндікті жоққа шығармаймын. Біз, қазақстандық тарап ретінде, көршімізде жүріп жатқан жөндеу жұмыстарын бақыламаймыз. Бізге тек техникалық мүмкіндіктің бар-жоғы туралы хабарлама беріледі», – деді вице-министр.

Астанада Сауран көшесінің Алматы және Керей мен Жәнібек хандар көшелерімен қиылысатын аралығы бір айға жабылады.

Астана әкімдігінің мәліметінше, 1–30 маусым аралығында бұл учаскеде инженерлік желілерді орнату жұмыстары жүргізілетіндіктен, көлік қозғалысы толық шектеледі.

«Жүргізушілер мен жаяу жүргіншілерден маршруттарды алдын ала жоспарлауды және қозғалысты ұйымдастырудағы ықтимал өзгерістерді ескеруді сұраймыз. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады. Осы өзгерістерге түсіністікпен қарауды және қала бойынша қозғалыстарды жоспарлау кезінде оларды алдын ала ескеруді сұраймыз«, –  делінген хабарламада.

Осыған дейін әкімдік Кенесары көшесінің бір бөлігі жабылатынын хабарлаған болатын.

Қашағандағы жөндеу жұмыстарының уақыты кейінге шегерілуі мүмкін. Бұл туралы энергетика министрі ЕАЭО форумы кулуарында хабарлады деп жазады Қазақпарат.

«Иә, біз жөндеу жұмысының уақытын кейінге қалдыру туралы мәселені қарастырып жатырмыз»,- деді ол журналистерге.

Бұған дейін Қашаған операторы NCOC бірінші маусымнан бастап мұнай өндіру бойынша зауыттың және теңіздегі өндіріс нысандарының жұмысын тоқтатады деп хабарланған. Кен орнына жөндеу жұмысын жүргізбекші. Шара 30 күнге созылуы мүмкін.

Reuters дерегінше, жөндеу жұмысы болып жатқанда КҚК мұнай экспортын 17% қысқартпақшы.

81 жастағы марафоншы, жеңіл атлетикадан халықаралық дәрежедегі спорт шебері Салтанат Түйтебаев жоғары мемлекеттік марапатқа ие болды. Туризм және спорт министрінің орынбасары Серік Жарасбаев ардагер марафоншыға қоғамға сіңірген еңбегі мен спорттағы теңдессіз жетістіктері үшін «Еңбек ардагері» төсбелгісін салтанатты түрде табыс етті.

Бұл марапат – жақында ғана Оңтүстік Африка Республикасының Кейптаун қаласында өткен беделді халықаралық марафонда бақ сынап, өз жас санатында үздік ондыққа енген спортшының қажырлы қайратына көрсетілген шынайы құрмет.

Ұстаздықтан басталған өмір жолы

Салтанат Түйтебаев 1945 жылы Жамбыл облысының Мойынқұм ауданында дүниеге келген. Өзінің 45 жылдық саналы ғұмырын білім беру саласына арнаған. Қатардағы ұстаздықтан бастап, мектеп директоры, аудандық білім бөлімін...

Қазақстандықтардың онлайн-шопингтегі талғамы күрт өзгерді. Егер бұрын маркетплейс десе, көз алдымызға бірден жаңа смартфон мен құлаққап келетін болса, қазір тренд мүлдем басқа.

Ұлттық статистика бюросының жаңа мәліметтері нарықта үлкен өзгерістер барын аңғартады.

Қазақстан премьер-лигасының 12-турында «Ордабасы» (Шымкент) өз алаңында «Қайрат» (Алматы) клубын 2:1 есебімен жеңді.

Маңызды матч

Шымкенттік команда осы жеңісінен кейін 28 ұпаймен турнир көшін бастады. Ал одан екі ұпай кем жинаған алматылық клуб екінші сатыға түсіп қалды.

Матчтың 14-минутында Жоржиньо есеп ашқан. Алайда көп уақыт өтпей-ақ алаң иелері Ги-Марселин Килама көмегімен есепті теңестірген. Маңызды ойындағы жеңіс голын екінші таймның 64-минутында Елхан Астанов соққан. Осылайша үш ұпай иеленген «Ордабасы» турнир кестесінің бірінші сатысына көтерілді.

Жанкүйерлер Әлібековке шүйлікті

2026 жылғы ақпанда «Ордабасы» командасының ресми амбассадоры атанған Бейбіт Әлібеков те осы матчта шымкенттік клубқа қолдау көрсетті. Ол «Қайрат» жеңілетінін матч басталмай...

Премьер-министрдің орынбасары – Ұлттық экономика министрі Серік Жұманғарин Жоғары Еуразиялық экономикалық кеңес отырысының кулуарында Қазақстанның ЕАЭО елдеріне экспорты екі есе өскенін айтты.

Оның айтуынша, Қазақстан соңғы 10 жылда Еуразиялық экономикалық одақ елдеріне экспортын 5 миллиардтан 10 миллиард долларға дейін арттырды.

«Бұл өте жақсы көрсеткіш. Ал тауар айналымы 15 миллиардтан 30 миллиард долларға дейін өсті. Үшінші елдермен тауар айналымы 60 миллиардтан 113 миллиард долларға дейін артқан» дейді ол.

Айтуынша, Қазақстанда логистика жақсы дамығандықтан, көптеген ел Қазақстанды ЕАЭО нарығына шығу үшін өндіріс орнын ашатын алаң ретінде пайдаланады.

Айта кетейік, бұған дейін Серік Жұманғарин Қазақстан...

Астанада Жоғары Еуразиялық экономикалық кеңестің кезекті отырысы өтіп жатыр. Бұл туралы Ақорда баспасөз қызметі хабарлады.

Ресей Федерациясының Президенті Владимир Путин, Қырғыз Республикасының Президенті Садыр Жапаров, Беларусь Республикасының Президенті Александр Лукашенко және Армения Республикасының Вице-премьері Мгер Григорян Тәуелсіздік сарайына келді.  

Мәртебелі меймандарды Мемлекет басшысы Қасым-Жомарт Тоқаев қарсы алды.

Айта кетейік, Астанада 28-29 мамыр күндеріне жоспарланған V Еуразиялық экономикалық форум өтуде. Оған әлемнің 44 елінен 3000-ға жуық адам қатыстып жатыр.

Еске салсақ, V Еуразиялық экономикалық форумның пленарлық сессиясында Ресей Президенті Владимир Путин жасанды интеллекет саласындағы Ресейдің артықшылықтарына тоқталды.

28 мамырда Астанада Путин мен Тоқаевтың кездесуі аясында Қазақстан мен Ресей тарапы мектеп салу туралы келісімге қол қойған еді. ЕАЭО форумының кулуарында ұлттық экономика министрі Серік Жұманғарин мектептердің қай өңірге салынатынын хабарлады.

«Ресей Түркістан, Қызылорда мен Жамбыл облысында мектептер салу туралы ұсыныс берген. Тиісінше біз Орынбор, Омбы және Астраханда білім ошағын салу туралы қарсы ұсыныс жасадық», – деді ол.

Вице-премьердің сөзінше, Орынбор облысындағы мектеп үшін жер учаскесі дайын. Ал Астрахан мен Омбы бойынша әзірге келісімдер жүріп жатыр. Жұманғарин барлық келісім біткенде, үш мектеп бойынша құжаттарға бір уақытта қол қою жоспарланғанын айтады.

Екі жақта да мектептер...

Үкімет 2026-2030 жылдарға арналған ветеринарияны дамытудың кешенді жоспарын бекітті. Тиісті қаулыға Премьер-министр Олжас Бектенов қол қойды.

Қаулыға сәйкес, ветеринария ұйымдарының қызметкерлеріне еңбекақы төлеу қоры 1,5-2,5 есеге дейін артады. Бұдан бөлек, 2030 жылға қарай Ауыл шаруашылығы министрлігінің аумақтық бөлімшелері мен ведомстволық ұйымдарының материалдық-техникалық жарақтандырылуын 80%-ға дейін жаңарту және толықтыру жоспарланып отыр.

Кешенді жоспар халық денсаулығын жануарлар мен адамға ортақ аурулардан қорғауға, сондай-ақ жануарларды аурулардан сақтау мен ветеринариялық-санитариялық қауіпсіздікті нығайтуға бағытталған.

«Жүйелі шаралардың нәтижесінде Қазақстанда бүгінде аусыл, африкалық жылқы обасы, африкалық және классикалық шошқа обасы секілді жануарлардың бірқатар аса қауіпті аурулары бойынша  тұрақты эпизоотиялық ахуал қалыптасып...

Құрбан айт мейрамында Қазақстан мұсылмандары діни басқармасының төрағасы, Бас мүфти Наурызбай қажы Тағанұлы мемлекеттік рәміз – Елтаңбаның авторы, белгілі сәулетші Жандарбек Мәлібековпен кездесті.

Кездесуде Бас мүфти Жандарбнк Мәлібековке өзінің ізгі тілектері мен шынайы лебізін білдірді. Сонымен қатар халқымыздың рухани тұтастығын сақтау, ұлттық құндылықтар мен дін мен дәстүр сабақтастығын нығайту жолындағы еңбегіне ерекше тоқталып, алғыс айтты.

«Құрбан айт – тек құлшылық қана емес, бұл – қоғамдағы ауызбіршілікті, мейірімділік пен бауырмалдықты арттыратын, ағайынның арасын жақындатып, бірлікті бекемдейтін ерекше қасиетті мейрам», – деп атап өтті Бас мүфти.

1 маусымнан бастап Қазақстанда жылжымайтын мүлікке арналған техникалық паспорттар мен кадастрлық паспорттардың телнұсқалары тек онлайн рәсімделеді. Өтінімді eGov.kz порталы арқылы беруге болады.

Енді құжатты рәсімдеу, төлем жасау және дайын құжатты алу үшін ХҚКО-ға барудың қажеті жоқ. Барлық процесс онлайн форматта жүзеге асырылады.

Техникалық паспорт немесе кадастрлық паспорттың телнұсқасы дайын болғаннан кейін автоматты түрде пайдаланушының жеке кабинетіндегі «Қызметтер тарихы» бөліміне жіберіледі.

Цифрлық даму министрлігінің мәліметінше, 1 маусымнан бастап мұндай өтінімдерді ХҚКО операторлары қабылдамайды.

Онлайн қызметті алу үшін не істеу керек:

Венгрия астанасы Будапешт қаласы Еуропаның басты клубтық турнирі – Чемпиондар лигасының финалын қабылдайды. 30 мамыр күні өтетін матчтың қарсаңында Будапешттің орталық Батырлар алаңында дәстүрлі «Чемпиондар фестивалі» жалауын көтерді. Дәл осы айтулы шарада қазақстандық жанкүйерлер үшін ерекше мақтаныш сезімін ұялататын сәт орын алды: көрмеге алматылық «Қайраттың» шабуылшысы Дастан Сәтпаевтың қолтаңбасы қойылған жейде шығарылды.

Бразилиялық аңыз бен 25 мыңнан астам жанкүйер

Футбол мерекесінің ресми шымылдығын «Милан» құрамында 2007 жылы Чемпиондар лигасының жеңімпазы атанған аңызға айналған бразилиялық қорғаушы Кафу ашты. Ол турнирдің бас кубогын алаңға салтанатты түрде жеткізіп, фестивальді бастап берді. УЕФА баспасөз қызметінің хабарлауынша, бейсенбінің кешіне дейін алаңға 25 мыңнан астам...

30 мамырда Қазақстанның барлық мемлекеттік онкологиялық орталықтарында меланома, тері және қалқанша безі обырының алдын алуға арналған Бірыңғай ашық есік күні өтеді.

Қабылдауды жетекші онколог мамандар жүргізеді. Ниет білдірушілер өзімен бірге тек жеке куәлігін алып, өңірлік онкологиялық диспансерлерге немесе Алматы қаласындағы Қазақ онкология және радиология ғылыми-зерттеу институтына баруына болады. Айта кету керек, азаматтардың жас ерекшелігі мен тіркелген мекенжайы маңызды емес. Шара сағат 09:00-ден 13:00-ге дейін жалғасады.

Оқи отырыңыз: Қатерлі ісікке шалдыққан әйелдерге бала көтеруге бола ма?

Дәрігерлер бұл күні терідегі және мойын аймағындағы кез келген күдікті өзгерістерге мән беруге шақырады. Әсіресе, денедегі меңдердің пішіні мен түсі өзгерсе...