Жаңалықтар

ІІМ орынбасары Игорь Лепеха Қазақстанда қанша полиция қызметкері жетіспейтінін айтты, деп хабарлайды Kursiv.media.

Игорь Лепеха мәлімдегендей, тек патрульдік полицияға қосымша кемінде 10 мың қызметкер қажет. Оның сөзінше, қосымша мамандарға деген қажеттілік жаңа шағынаудандар, елді мекендер, мектептер мен учаскелік полиция пункттерінің ашылуына байланысты туындап отыр.

«Осыны ескере отырып, бізге учаскелік инспекторлар мен кәмелетке толмағандар ісі жөніндегі инспекторлар да қажет. Бұл санаттағы қызметкерлердің барлығы жергілікті бюджет есебінен қаржыландырылады. Қазір әкімдермен жұмыс істеп жатырмыз. Бюджет мүмкіндігіне қарай, ең алдымен осы бөлімшелердегі қызметкерлер санын кезең-кезеңімен арттыруды көздеп отырмыз. Әкімдік, Президент және Үкімет тарапынан қолдау болса, келесі жылдан бастап...

Шетелдік блогер Маңғыстау даласында кіші дәрет сындырып, оны видеоға түсірген, деп хабарлайды Kursiv.media.

Әлем бойынша саяхат туралы контент түсіретін канадалық видеограф Olessia Pliousnina ерекше кадрлар жариялады. Видеода қыз табиғат аясында дәрет сындырып, бұл жерді «10-нан 100» деп бағалаған.

Ол жарияланымға «100/10 pee spot» деген жазу қалдырған. Сол кезде оның парақшасына шамамен 38,3 мың адам жазылған еді.

Бұл жайт, қызылкеңірдек пікірталас тудырды. Бірі әдепсіз контентке ашуланса, екіншілері «айнала жабайы табиғат, өркениеттен алыс» деп туристі қорғаштады.

Қыз саяхат тақырыбындағы контентпен кәсіби түрде айналысады. Ол Beautiful Destinations Academy бағдарламасына қатысып, саяхат туралы деректі жобалармен жұмыс істейді.

Видео кеңінен таралғаннан кейін...

Бүгін президент Тоқаев Қазақстан Халық Кеңесінің құрамын бекітетін Жарлыққа қол қойды деп хабарлайды Kursiv Media.

Тізімге 126 адам енген. Олардың қатарында экс-депутат Ермұрат Бәпи, Еділ Жаңбыршин және кәсіпкер, «Қазақстан Республикасы Ұлттық олимпиада комитеті» қоғамдық бірлестігінің вице-президенті Гаджи Гаджиев те бар.

Халық Кеңесінің толық құрамы:

1. Аймұрзаева Раушан Нұрғалиқызы – Маңғыстау облысы мәслихатының депутаты

2. Акижанова Гаухар Берікқызы – Қарағанды облысы Қоғамдық кеңесінің мүшесі, Қарағанды облысының халықтың әлеуметтік жағынан осал санаттарының құқықтары жөніндегі уәкілі

3. Ақтаев Жандос Берікұлы – «Esti Bol Qory» қоғамдық қорының төрағасы

4. Алтай Алмас – «Eco-social» қоғамдық бірлестігінің мүшесі, журналист

5. Алтынбеков Бекзат Қомарұлы...

Қазақстанның негізгі автожолдарында көліктердің орташа жылдамдығын өлшейтін бақылау жүйелері көбейтіледі. Үкімет отырысында премьер-министр Олжас Бектенов ведомстваға осындай тапсырма берді, деп хабарлайды Kursiv.media.

Үкімет басшысының айтуынша, ауыр жол-көлік оқиғаларының басым бөлігі қала сыртындағы трассаларда болады.

«Автожолдардың басым бөлігі ескі стандарттар бойынша салынған. Олар екі жолақты, ені шамамен 7 метр. Көптеген учаскеде тиісті жол инфрақұрылымы қамтамасыз етілмеген. Жүргізушілер жолдың ақауларына, жарықтандырудың нашарлығына және навигация мәселелеріне шағымданады. Мұның бәрі жол қауіпсіздігі деңгейіне айтарлықтай әсер етеді», – деді Олжас Бектенов.

Ол анықталған ақаулардың тиісті деңгейде жойылмай жатқанын, ал жөндеу жұмыстарының жедел жүргізілмейтінін атап өтті.

Осыған байланысты премьер-министр...

Үкімет басшысы Олжас Бектенов «ҚазАвтоЖол» ұлттық компаниясының жұмысын сынға алды. Үкімет отырысында премьер-министр жолдардың сапасын арттыруды талап етті, деп хабарлайды Кursiv.Media.

Бектенов компанияның басқарма төрағасы Дархан Иманашевқа тіл қатты.

«Баяндама жақсы. Бірақ шешілмей жатқан мәселелер өте көп. Олар туралы сіз айтпадыңыз. Президент айтқан олқылықтардың барлығы сіздің де жұмысыңызға да тікелей қатысты. Сондықтан сапаны арттырып, жолдардағы жағдайды түзеу қажет. Жұмыс істеңіздер, немесе басқа адамдар бұл жұмыспен айналысады «, – деп ескертті Бектенов.

Бұған дейін үкімет отырысында ішкі істер министрі Ержан Саденов қазақстандық жолдардың тек 16 пайызы ғана заманауи талаптарға сай келетінін хабарлаған еді.

Полиция...

Қазақстанда такси жүргізушілерінің рейс алдындағы медициналық тексерісіне бақылау күшейтілмек. Сонымен қатар жол ережесін бірнеше рет және өрескел бұзатын жүргізушілерге жүргізуші куәлігін бір жылға тоқтату ұсынылады. Бұл туралы Ішкі істер министрі Ержан Сәденов Үкімет отырысында мәлімдеді.

Такси жүргізушілерін медициналық тексеру бақылауға алынады

Сәденовтің айтуынша, жүргізуші куәлігін автоматты түрде тексеру жүйесі енгізіліп жатыр. Бұл жүйе жүргізуші куәлігі жоқ адамдардың такси жүргізушісі болып жұмыс істеуіне жол бермейді.

«Көлік министрлігі мен такси агрегаторларына жүргізушілердің рейс алдында медициналық тексеруден өтуін және көліктердің техникалық тексерістен өтуін бақылаудың нақты тетігін әзірлеу қажет», – деді Ержан Саденов.

Жол ережесін өрескел бұзғандарға...

Қазақстандық каратэші Нұрқанат Әжіқанов Жапонияда өтіп жатқан XX жазғы Азия ойындарында қола медаль жеңіп алды, деп хабарлайды Kursiv.Media Ұлттық олимпиада комитетіне сілтеме жасап.

Қола жүлде үшін өткен белдесуде қазақстандық спортшы Филиппин өкілі Алуин Батиканмен кездесті. Әжіқанов қарсыласынан басым түсіп, тұғырдың үшінші сатысына көтерілді.

Осылайша Қазақстан құрамасының қоржынына каратэден тағы бір қола жүлде түсті.

Айта кетейік, бұған дейін қазақстандық каратэші Бэлла Самашева да Азия ойындарының қола жүлдегері атанған еді.

Премьер-министр Олжас Бектенов қалааралық тасымалда жүрген оң рульден сол жаққа ауыстырылған Toyota Alphard көліктерінің мәселесін көтерді, деп хабарлайды Kursiv.media.

Үкімет басшысы рөлі оң жақтан сол жаққа ауыстырылған көліктерге қатысты мәселенің шешілген-шешілмегенін сұрады.

«Қалааралық тасымал бойынша үлкен мәселе болды – негізінен оң жақ рульді Toyota Alphard көліктерінің рөлін сол жаққа ауыстырып қайта жабдықтау мәселесі. Біз бұл мәселені шештік пе?!» – деп сұрады Олжас Бектенов.

inDrive Қазақстан компаниясының бас директоры Арай Бекембаев Көлік министрлігі және Ішкі істер министрлігімен бірлесіп тиісті шаралар қабылданғанын айтты.

«70 мыңнан астам оң жақ рульді көлік бұғатталды...

Қайрат Әділгерей өзінің жары, әнші Бақыт Тұрманның көлігіндегі топыраққа шөп өсіп кеткенін айтты, деп хабарлайды Kursiv.media.

Әзілкешке әйелінің көліктің тазалығына мән бермейтіні ұнамайды. Оның айтуынша, едені топыраққа толып, шөп өсе бастаған. Сондықтан Бақыт Тұрманның көлігін қымбат жерге апарып, жуғызуды ұйғарған.

«Машинасының еденіндегі топырақтан шөп өсіп жатыр. Кішігірім газон», – деп әзілдеді Қайрат Әділгерей.

Әнші әзілкеш күйеуінің сөзін жоққа шығармады. Ондай кемшілігі бар екенін ашық мойындады.

«Мен көлігімді өте сирек жуамын. Жыным келеді, көлікке уақыт кетіргім келмейді. Тек айдап жүре беремін», – деп, күлді Бақыт Тұрман.

Мұның алдында Бақыт Тұрман Қайрат Әділгерейді не үшін таңдағанын

Енді оң рөлді көліктерді такси ретінде қолдануға тыйым салынады. Бұл туралы Үкімет отырысында Көлік министрі Нұрлан Сауранбаев мәлімдеді, деп хабарлайды Kursiv.Media.

Айтуынша, Көлік министрлігі Ішкі істер министрлігімен және Яндекс, inDrive-пен бірігіп, рөлі оң жақтағы 70 мыңға жуық көлікті тасымалдау процесінен шығарды.

Сонымен қатар техникалық байқау орталықтарының жауапкершілігі күшейді. Енді оларға жұмыс бастау үшін арнайы рұқсат алу керек. Айыппұл 30-дан 100 МРП-ге дейін өсті. Техникалық байқауды тек қағаз жүзінде (жалған) жасағандардың жұмысы 3 жылға дейін тоқтатылады.

Республикалық жолдарда көлік оқиғалары азайды

Министрдің айтуынша, өткен жылдың осы кезеңімен салыстырғанда жол-көлік оқиғалары 10%-ға, қаза болғандар саны 14%-ға, зардап шеккендер 11%-ға төмендеді.

Апатты...

Қазақстанда театр билеттерінің бағасы бір жылда 41,5%-ға өскен. Былтыр осы кезеңде театр қызметтерінің бағасы бір жылда небәрі 7,2%-ға қымбаттаған, деп хабарлайды Кursiv.Media.

Finprom.kz дерегінше, бағаның ең жоғары өсімі Алматыда тіркелді, онда билеттер 74,1%-ға қымбаттады. Астанада театр билеттері 25,7%-ға, Ақтөбе облысында 37,5%-ға, Павлодар облысында 30%-ға және Абай облысында 29,2%-ға қымбаттаған.

Соған қарамастан, Қазақстандағы театр билеттерінің орташа бағасы көрші елдермен салыстырғанда төмен. Қыркүйек айындағы орташа баға шамамен 3 мың теңге немесе 6,7 долларды құрады.

Қазақстанда театрлар саны да артып келеді. Өткен жылдың қорытындысы бойынша елде 85 театр жұмыс істеген. Бұл 2024 жылмен салыстырғанда 11 театрға көп. Алматыда жаңа жеке...

Премьер-министр Олжас Бектенов түнде шу шығарып, елдің мазасын алатын көлік пен мотоцикл иелерін қатаң жазалауды талап етті.

Үкімет отырысында Бектенов Ішкі істер министрі Ержан Сәденовтен түн тыныштығын бұзатын жүргізушілерге қарсы қандай шара қолданылып жатқанын сұрады.

«Көлік пен мотоцикл жүргізушілерінің, әсіресе түнгі уақытта қатты шу шығаруына қатысты қандай жұмыс жүргізіліп жатыр? Бұл мәселені біз сіздермен бірнеше рет талқыладық. Қатаңырақ шаралар қабылдау қажет. Өйткені түнде олар тұрғындардың тыныштығын бұзады», – деді Премьер-министр.

ІІМ басшысы полицияның тәулік бойы жұмыс істейтінін айтты. Оның сөзінше, құқық бұзушыларды анықтауға бейнебақылау камералары және азаматтардың 102 нөміріне түсіретін хабарламалары көмектеседі.

Қазақстанда өндірілген дәрі алғаш рет Еуропалық Одақ нарығына экспортталды. Шымкенттегі «Химфарм» зауыты Болгарияға SIGLETIC 100 мг №28 препаратының 7841 қаптамасын жөнелтті деп хабарлайды Kursiv Media.

Препараттың құрамында ситаглиптин бар. Ол екінші типтегі қант диабетімен ауыратын ересектердегі қандағы глюкоза деңгейін бақылау үшін қолданылады. Өнімді «Химфарм» АҚ өндірген. Кәсіпорын халықаралық Polpharma Group құрамына кіреді және дәрілерін SANTO сауда белгісімен шығарады.

Компанияның Еуропа нарығына шығуына өндірісті жаңғыртып, халықаралық талаптарға сәйкестендіруі мүмкіндік берген. 2025 жылы еуропалық реттеуші органдар жүргізген инспекциядан кейін «Химфарм» Еуропалық Одақтың GMP талаптарына сәйкестік сертификатын алған.

Алғашқы партияны Болгарияға жөнелту рәсіміне Шымкент қаласының әкімі Ғабит Сыздықбеков, кәсіпорын басшылығы мен қызметкерлері қатысты.

«Отандық дәр...

Қазақстандық спортшы Еркінғали Бүркітәлин Жапонияда өтіп жатқан Азия ойындарында аралас жекпе-жектен алтын медаль жеңіп алды, деп хабарлайды Kursiv.Media Ұлттық олимпиада комитетіне сілтеме жасап.

Отандасымыз 77 келіге дейінгі салмақ дәрежесінде ел намысын қорғады. Алтын жүлде үшін өткен шешуші кездесуде Бүркітәлин Бахрейн өкілі Мұхаммад Набиевпен кездесті.

Финалдық жекпе-жекте қазақстандық спортшы қарсыласынан 3:0 есебімен басым түсіп, Азия ойындарының чемпионы атанды.

Осылайша Еркінғали Бүркітәлин Қазақстан құрамасының қоржынына бесінші алтын медальді салды.

Бұған дейін, Бэлла Самашева Азия ойындарының қола жүлдегері атанған еді.

Қазақстанда 22 қыркүйекте 1 грамм алтынның құны 62 618,15 теңгені құрады. Алдыңғы көрсеткіш 62 985,20 теңге болған. Осылайша, бір күнде алтын 367,05 теңгеге немесе 0,58%-ға арзандады, деп Kursiv Media хабарлайды.

Ай басымен салыстырғанда төмендеу бұдан да айқын. 1 қыркүйекте Ұлттық банк 1 грамм алтынның құнын 68 402,34 теңге деп көрсеткен. Содан бері баға 5 784,19 теңгеге немесе 8,46%-ға төмендеді.

Қыркүйектегі ең төмен көрсеткіш әзірге 16 қыркүйекте тіркелді. Ол кезде 1 грамм алтын 61 421,82 теңге болды. Ал қаралып отырған кезеңдегі ең жоғары баға 31 тамызда – 68 766,32 теңге.

Әлемде алтын қанша тұрады?

22 қыркүйек таңында әлемдік нарықта...

Елдегі патрульдік автокөліктердің 86%-ында мобильді кешен жоқ. Бұл туралы Ішкі істер министрі Ержан Сәденов үкімет отырысында мәлімдеді.

Министрдің айтуынша, соңғы жылдары жол қауіпсіздігін күшейту үшін цифрлық бақылау жүйелері белсенді енгізіліп жатыр. Соның нәтижесінде биыл жол-көлік оқиғалары 5%-ға, қаза тапқандар саны 15%-ға, жарақат алғандар 6%-ға азайған.

Алайда Сәденов бұл көрсеткіштермен шектелуге болмайтынын атап өтті.

«Әрбір санның артында – адам өмірі мен денсаулығы тұр. Сондықтан нақты жұмыстарды жалғастырып жатырмыз», – деді ІІМ басшысы.

Кей өңірлерде техникамен қамту 17%-ға да жетпейді

Ел бойынша патрульдік көліктердің саны 3 мыңға жуықтаған. Бірақ олардың тек 14%-ы ғана мобильді кешендермен жабдықталған.

Қостанай облысында «Рудный қаласының батыс айналма жолының» орташа жөндеу жұмыстары аяқталды, деп хабарлайды Kursiv.media.

«ҚазАвтоЖол» мәліметінше, бұл – республикалық маңызы бар жол. Ұзындығы 6,225 шақырым жаңартылған учаске.

«Бұл жол 1960 жылы салынған. Соңғы рет 1980 жылы жөнделген. Содан бері негізінен шұңқырларды жамау жұмыстары жүргізіліп келді. Соның салдарынан жол жамылғысы әбден тозып, жарықтар, шұңқырлар мен ойық іздер пайда болған, кей жерлерде асфальтбетон қабаттары бұзылған», – делінген компания мәліметінде.  

Жөндеу кезінде ескі жабын жонылып, жол негізі жаңа материал қосу арқылы ресайклинг әдісімен қалпына келтірілді. Одан кейін екі қабат асфальтбетон төселді.

Батыс айналма жолы...

Қазақстанның солтүстік және шығыс өңірлерінде жылыту маусымын 1 қазанға дейін бастау жоспарланып отыр. Бұл туралы Үкімет отырысында Энергетика министрі Ерлан Ақкенженов айтты, деп хабарлайды Kursiv.Media.

Министрдің айтуынша, 14 қыркүйектен бастап Павлодар облысында жылыту маусымы басталды. Ал Солтүстік және шығыс өңірлерде ауа райының көрсеткішіне қарай 1 қазанға дейін жылу беру жұмыстары басталады.

Энергия көздерінде жылыту маусымын бастау үшін қажетті отын қоры 4,9 млн тонна көмір және 127 мың тонна мазутты құрады.

Сонымен бірге 4 энергия блогында, 30 қазандықта және 19 турбинада жөндеу жұмыстары аяқталды. 17 мың шақырым электр беру желілерін жөндеу толық көлемде орындалды. Сондай-ақ жоспардағы...

Қазақстандық каратэші Бэлла Самашева Азия ойындарында қола медаль жеңіп алды, деп хабарлайды Kursiv.Media.

Отандасымыз каратэнің кумитэ бағдарламасында 55 келіге дейінгі салмақ дәрежесінде жүлдеге қол жеткізді.

Қола медаль үшін өткен белдесуде Бэлла Самашева Өзбекстан өкілі Севинч Рахимовамен кездесті. Қазақстандық спортшы қарсыласынан басым түсіп, Азия ойындарының қола жүлдесін иеленді.

Осылайша Самашева Қазақстан құрамасының қоржынына кезекті жүлдені салды.

Айта кетейік, қазақстандық каратэшілер Жоламан Биғанәбіл 55 келіге дейінгі салмақ дәрежесінде және Софья Берульцева 68 келіден жоғары салмақта Азия ойындарының чемпионы атанған еді.

22 қыркүйекте Нью-Йоркте БҰҰ Бас Ассамблеясының 81-сессиясының жоғары деңгейдегі апталығы басталады. 130 елдің басшылары жиналып, бір апта бойы халықаралық қауіпсіздік, адам құқығы мен климат өзгерісі туралы талқылайды деп хабарлайды Kursiv Media.

Биылғы БҰҰ Бас Ассамблеясының 81-сессиясының негізгі тақырыбы – «Сенімді қалпына келтіру, өзгерістерді басқару: барлығының мүддесі үшін әрекет ететін БҰҰ».

Жалпы пікірталастар 22-26 қыркүйек және 28 қыркүйек күндері өтеді. Жиын барысында мемлекеттер халықаралық қауіпсіздік, тұрақты даму, климаттың өзгеруі, адам құқықтары, жаңа технологиялар мен жасанды интеллектіні реттеу және БҰҰ реформасы сияқты мәселелер бойынша өз ұстанымдарын таныстырады. Таяу Шығыс пен Украинадағы соғыс және БҰҰ-ның болашағы да басты тақырыптың бірі болмақ.

Атап өтетін дүние...

2-4 сынып оқушылары 23-30 қыркүйек аралығында алғашқы аралық бағалау жұмысын жазады. Оқушылар қазақ немесе орыс тілінен диктант жазып, мәтін бойынша тапсырмалар орындайды, ал математикадан бақылау жұмысын жазады, деп хабарлайды Kursiv.media.

Оқу-ағарту министрлігі мәлім еткендей, бағалау кезінде балалардың тек дұрыс жауап беруі емес, мәтінді қаншалықты түсінетіні, өз ойын жеткізе алатыны және есепті шешу жолын дұрыс таңдай білуі де ескеріледі.

Оқушылар қандай тапсырмалар орындайды

Аралық бағалау оқу бағдарламасының аяқталған бөлімдері бойынша жүргізіледі. Қазақ немесе орыс тілі пәнінен оқушылар диктант жазып, оқу сауаттылығына қатысты тапсырмаларды орындайды. Мұнда баланың сауатты жазуы және мәтіннің мазмұнын түсінуі бағаланады.

Әдебиеттік оқу пәнінен шығарма...

Әзербайжанның «Сабах» футбол клубы Чемпиондар лигасындағы үй матчтарына арналған бірыңғай билет сатылымын бастады.

Клубтың мәліметінше, жанкүйерлер бір билет сатып алып, Бакудегі Олимпиада стадионында өтетін төрт бірдей кездесуді тамашалай алады. «Сабах» өз алаңында Праганың «Славиясын», Дортмундтың «Боруссиясын», «Барселонаны» және «Наполиді» қабылдайды.

Бірыңғай билеттер iTicket.az платформасында сатылымға шыққан. Осылайша жанкүйерлер Еуропаның бірнеше танымал клубы қатысатын төрт матчқа бір пакетпен кіре алады.

Қазақстандық жанкүйерлер үшін де Бакудегі ойындарға бару салыстырмалы түрде қолайлы. Қазақстан азаматтары Әзербайжанға визасыз бара алады.

Айта кетейік, «Сабах» биыл Чемпиондар лигасының лига кезеңінде өнер көрсетіп жатыр. Клуб үйдегі төрт кездесуін Баку Олимпиада стадионында өткізеді.

АҚШ президенті Дональд Трамп әкімшілігі Таяу Шығыстың энергетикалық инфрақұрылымын қалпына келтіру үшін жаңа халықаралық қор құруды ұсынды. Трамп өз тарапынан корға 5 млрд доллар инвестиция салмақшы, деп хабарлайды Кursiv.Media.

Бұл бастама Иранмен арадағы жеті айлық соғыстың салдарын жоюға бағытталған.

The Wall Street Journal басылымының мәліметінше, жоба «Одақтастар арасындағы сенім мен құрылыс серіктестігі» деген ресми атау алды.

Қордың жалпы көлемі 10 млрд доллар деңгейінде жоспарлануда. Оның 5 млрд долларын АҚШ бөледі, ал қалған 5 млрд долларын өңірдегі сегіз ел: Сауд Арабиясы, БАӘ, Катар, Бахрейн, Кувейт, Оман, Ирак және Иордания бірлесіп енгізуі тиіс.

Негізгі мақсаттардың бірі зақымдалған мұнай құбырларын, мұнай...

АҚШ билігі Иран президенті Масуд Пезешкианның баспасөз пулындағы журналистерге Нью-Йоркте өтіп жатқан БҰҰ Бас Ассамблеясының сессиясын ақпараттық сүйемелдеуге бару үшін виза бермеген, деп хабарлайды Кursiv.Media.

Бұл жайлы Иран Сыртқы істер министрлігінің өкілі Исмаил Багаи мәлімдеді.

Оның айтуынша, Вашингтон мұндай әрекеті арқылы шындықты жасырып, сөз бостандығы мен ақпаратқа қол жеткізу құқығын шектеп отыр.

Багаи АҚШ билігін шетелдік журналистердің жұмысына кедергі келтірді деп айыптады.

Иран СІМ өкілі әлеуметтік желідегі жазбасында АҚШ-тың өзіне ұнамайтын журналистерге, соның ішінде Иран президентінің медиа тобына елге кіруге жол бермей отырғанын атап өтті.

Багаи сондай-ақ өзін «темір пердені» құлатқан ел ретінде көрсететін АҚШ-тың қазір өз...