Жаңалықтар

Қазақстан кинотеатрларында 23-26 сәуір аралығындағы «Box Office» көрсеткіштері жарияланды. Freedom Ticketon мәліметіне сүйенсек, қазақстандық көрермендердің отандық туындыларға деген қызығушылығы жоғары.

«Періште» көш басында

Рейтингті Құралай Анарбекованың «Періште» фильмі бастап тұр. Фильм прокатқа шыққан екінші аптада 225 078 256 теңге жинап, бірінші орынды бермей келе жатыр.

Туындының сюжеті драмалық оқиғаға құрылған. Ауылдан қалаға оқуға келген Айжанның өмірі, оның үлкен үмітпен құрған отбасылық өмірі күтпеген қайғылы оқиғаға ұласады.

«Алдар» VS «Майкл»

Екінші орында Дәурен Серғазин басты рөлді сомдаған «Алдар. Махаббат туралы аңызы» тұр. Аңызға айналған қу әрі ақылды Алдар көсенің 15 жылдан кейін заманауи кейіпте қайта оралуы бір аптаның ішінде...

Қазақстанда 50-ден астам ЖИ агенті әзірленіп жатыр. Олар түрлі салаларда халыққа және бизнеске қызмет көрсететін болады. Бұл туралы Жасанды интеллект және цифрлық даму министрі Жаслан Мәдиев мәлімдеді.

«Жалпы, мемлекеттік органдар әртүрлі салалар бойынша азаматтар үшін 50-ден астам AI-агентті қалыптастыруда. Олар халықтың өмір сүру сапасын және бизнеспен өзара іс-қимылдың тиімділігін арттыратын болады. Қазірдің өзінде осы шешімдерге практикалық сұраныс бар«, – деді министр үкімет жиынында.

Сондай ақ, мемлекеттік органдармен бірлесіп Цифрлық трансформация карталары енгізілуде. Бүгінгі таңда 72 сала мен қызмет бағытын қамтитын 20 карта бекітілген. Олардың қатарына өнеркәсіп, энергетика, ауыл шаруашылығы, көлік және логистика, білім...

Энергетика министрлігі сала мамандары үшін арнайы жеңілдетілген ипотека ашылатынын айтты. Жаңа ипотека бағдарламасы Қазақстандағы «Көмір генерациясын дамыту» ұлттық жобасы аясында жүзеге асырылады.

Ипотека «Отбасы банктің» «Корпоративтік» бағдарламасы негізінде берілмек. Сонымен қатар жұмысшының баспаналы болуына жұмыс беруші де (кәсіпорын) тікелей атсалысады.

«Отбасы банктің» негізгі шарттары қандай?

Банктің ресми мәліметінше, бағдарлама арқылы баспана алудың талаптары өте тиімді:

Жұмыс берушілер...

Қазақстан мұсылмандары діни басқармасының төрағасы, Бас мүфти Наурызбай қажы Тағанұлы қазақтың біртуар ақыны, Халық жазушысы Мұхтар Шахановтың қабіріне арнайы барып, зиярат етті.

Бас мүфти ақынның рухына арнап Құран аяттарын оқып, дұға бағыштады. Бұл туралы ақынның жиен немересі Қайырхан Балғабеков хабарлады. Мүфти хазірет ақынның туған-туыстарына тағы бір мәрте көңіл айтып, Мұхтар Шахановтың қазақ руханияты мен ұлттық мүдде жолындағы еңбегі ешқашан ұмытылмайтынын атап өтті.

«Алла Тағала атамызды Өз рақымына алып, жәннатынан орын нәсіп етсін», – деп тілек білдірді жақындары.

Еске сала кетейік, Қазақстанның Еңбек Ері, абыз ақын Мұхтар Шаханов 19 сәуір күні дүниеден өткен еді. Қоштасу рәсім...

Поп-музыка королі Майкл Джексон туралы түсірілген өмірбаяндық фильм әлемдік прокатта 217,4 млн доллар жинап, рекорд нәтиже көрсетті. Lionsgate студиясының мәліметінше, бұл соманың 97 млн доллары АҚШ пен Канада үлесіне тиесілі.

«Майкл» фильмі 2026 жылдың ең кассалық фильмі «Супер Марио: Галактика» мультфильмінің рекордын жаңартып, АҚШ кинотеатрларында ең үздік нәтиже көрсетті.

Сонымен қатар фильм әлемдік әншілер туралы түсірілген өмірбаяндық фильмдер арасында жаңа рекорд орнатып, бұған дейін жанр көшбасшылары саналып келген «Straight Outta Compton» және «Bohemian Rhapsody» жобаларынан басып озды.

АР жазуынша, халықаралық прокатқа Universal Pictures компаниясы жауапты болған. Lionsgate студиясы үшін бұл өте тәуекелді жоба саналды. Себебі сот Джексонды...

Қазақстандағы алтын өндіруші ірі компанияның бірі – «Алтыналмас» 2025 жылдың ІІІ тоқсаны үшін акционерлеріне 92 млрд теңгеден аса дивиденд төледі. Бұл шешім қоғам акционерлерінің кезектен тыс жиналысында қабылданған.

Ал таза табыстың қалған бөлігі компанияны дамытуға жұмсалмақ.

Дивиденд сомасы әрбір жай акциясына шаққанда 9 455 теңгеден келеді. Пайданы бөлу және төлем жүргізу компания несие алған банктердің келісімінен кейін төленуге тиіс.

Дивиденд алуға құқылы акционерлердің тізімі 2026 жылдың 23 сәуірінде бекітіліп, ақшалай төлемдер 24 сәуірден бастап акционерлердің есепшоттарына аударыла бастаған.

Сонымен қатар жиналыс барысында компанияның өндірістік қуатын арттыру мақсатында жер қойнауын пайдалану құқығы бар жаңа ұйымдардың үлесі мен акцияларын сатып...

Маңғыстау облысы бойынша Мемлекеттік кірістер департаменті қазақстандықтарға жазғы демалыс алдында ескерту жасады. Атап айтқанда, шетелге шығу кезінде әр адамға қолма-қол шетел валютасын 10 мың доллардан артық алып өтуге тыйым салынады.

Негізгі шектеу қолма-қол ақша әкетуге қатысты

«ҚР Президентінің 2022 жылғы 14 наурыздағы №830 Жарлығына сәйкес, елден 10 000 доллар баламасынан асатын мөлшерде қолма-қол шетел валютасын және шетел валютасындағы ақша құралдарын алып шығуға тыйым салынады. Тіпті декларация толтырылған жағдайда да белгіленген шектеуден артық әкетуге жол берілмейді», – деп атап өтті ведомство.

Ақшаның сомасы Ұлттық банктің елден шығу күніндегі ресми бағамы бойынша есептеледі. Бұл шектеу...

Шымкенттегі мұнай өңдеу зауытындағы жөндеу жұмысы аяқталды. Бұл туралы Reuters жазады.

Шымкенттегі зауыт 27 наурызда басталған ЭЛОУ-АТ қондырғысын жоспарлы жөндеуді аяқтап, мұнай өнімдерін шығаруға кіріседі.

«Шымкент мұнай өңдеу зауытында жөндеу жұмыстарының белсенді кезеңі ресми түрде аяқталды. Қазіргі уақытта кәсіпорын технологиялық қуаттарды кезең-кезеңімен іске қосып жатыр»,- дейді Reuters агенттігі Энергетика министрлігіне сілтеме жасап.

Агенттік дереккөзінің мәліметінше, 19-26 сәуір аралығында шикізатты өңдеу көлемі 53 мың тоннаны құрады. Іс жүзінде зауыт отын жөнелтуді 24 сәуірде бастаған. Ал Атырау мұнай өңдеу зауытындағы жөндеу жұмысы маусым айына жоспарланған.

Айта кетейік, биыл ақпанда Қазақстан мен Қытай Шымкент мұнай өңдеу зауытының өндіріс қуатын 12 млн тоннаға...

2026 жылы Алматы қаласында 300-дей көппәтерлі тұрғын үй тексеріледі. Өйткені мегаполисте көпқабатты үйлердің тозғаны туралы арыз-шағым көбейіп кетті.

Қазір Алматыда 9,6 мың пәтерлі тұрғын үй бар. Қалалық тұрғын үй инспекциясы басшысының орынбасары Жандос Қайырхановтың айтуынша, соларды 2,5 мыңнан астам нысан – МИБ, ПИК мен басқарушы компаниялар басқарады.

«Былтыр 265 тексеріс жүргізіліп, 66 әкімшілік хаттама толтырылып, 37 нысан 10 млн теңгеден астам сомаға жауапқа тартылған», – дейді мекеме өкілі.

Қала тұрғындары жиі шағымданатын болған.

«Тұрғын үйдің тозуына байланысты көп өтініш түсті. Уақытылы күрделі жөндеу жасамаған, құрылым мен инженерлік жүйелер ескірген, осының бәр...

Полиция қызметкерлері Солтүстік Қазақстан облысының тұрғындарын тіркелмеген қаруды тапсыруға шақырады.

20 сәуірден бастап әрбір азамат қаруды заңсыз сақтағаны үшін қылмыстық және әкімшілік жауапкершіліктен құтылады. Сонымен қатар ақшалай сыйақы да алады.

Үш қару өткізілген

Солтүстік Қазақстан облысының полиция департаментінің ақпаратынша, өңірде қару-жарақ, оқ-дәрілер мен жарылғыш заттарды ерікті түрде ақылы негізде тапсыру акциясы өтіп жатыр. Петропавл қаласында мүмкіндікті үш адам пайдаланған. Полицияға 12 калибрлі «Stoeger Model 2000», 28 калибрлі «ИЖ-ЗК» және 16 калибрлі «ТОЗ-Б» тегіс ұңғылы мылтықтар тапсырылды.

Қанша төленеді

Барлық өткізілген қару атуға жарамды. Төлем мөлшері санатына байланысты. Жаңа қару үшін – 129 750 теңге, бұрын қолданылғандары...

«Достық» мұнай құбырымен шикізат тасымалдау тоқтайтындықтан, қазақ мұнайы Германияға балама бағытпен жеткізіледі. Бұл туралы Энергетика министрлігі хабарлады.

2026 жылғы мамыр айында «Дружба» құбыры жүйесі арқылы Германияның Шведт» мұнай өңдеу зауытына бағытталған транзит кестесі өзгертілмек. Осыған байланысты 260 мың тонна экспортталатын мұнай көлемі жоспарлы түрде қайта бөлінеді.

Енді Усть-Луга портынан 100 мың тонна, ал Каспий құбыр консорциумынан (КҚК) 160 мың тонна жөнелтіледі.

«Тасымалдау бағыттарын қайта құру жүк жөнелтушілермен келісілді және өндірістік қажеттілік болып табылады. Бұл өзгерістер мұнай өндірудің жылдық жоспарының орындалуына әсер етпейді. Қолданыстағы көлік инфрақұрылымы экспорттың тұрақтылығын қамтамасыз етіп, шикізатты әлемдік нарыққа үздіксіз жеткізуге мүмкіндік...

Түркістан облысындағы ауруханада үш ай ішінде алты сәби қайтыс болды. Медициналық және фармацевтикалық бақылау комитеті мекемеден заң бұзушылықтар анықтаған деп хабарлайды КТК арнасы.

«Екі жасар баламнан аяқ асты айырылып қалдым»

Балаларынан айырылған ата-аналар Сарыағаштағы аудандық аурухана алдына жиналған. Барлығы да балаларын осы ауруханаға емдетуге әкелген.

«Балам жарты кесе анар жеген еді. Осыдан кейін құса бастады. Бірден аудандық ауруханаға барып, асқазанын тексертіп, ине салдырайық деп ойладық. Балам үйден өз аяғымен шығып, киімін киіп, ойнап жүрген. Бірақ ауруханадан оның денесін алып шықтым», – дейді Әуезова Айнагүл.

Тағы бір тұрғын, Нұрбақыт Құрақбай, аяқ асты ек...

Қостанай облысы Жітіқара қаласында отбасындағы ұрыс 15 жастағы жасөспірімның қазасына алып келді. Ол анасын қорғамақ болған.

Қазақпарат агенттігінің хабарлауынша, қайғылы оқиға 25 сәуірде болған. Алдын ала мәлімет бойынша, ерлі-зайыптылардың ұрыс-керісі барысында 37 жастағы әйел пышақталған. Жанжал барысында анасын қорғамақ болған 15 жастағы жасөспірім де пышақталып, ауыр жарақаттан сол жерде жан тапсырған.

Кісі өлтіру және кісі өлтіруге талпыну таптары бойынша қылмыстық іс қозғалды.

Полиция қызметкерлері күдіктінің ізіне түсіп, оны бірден ұстады. Ол жәбірленуші әйелдің күйеуі болып шықты.

Қазір ол тергеу изоляторында отыр. Тергеу жүріп жатыр.

24 сәуірде Атырауда автобус 9 жастағы мектеп оқушысын қағып кеткен.

Қазақстан билігі 2026 жылды «жасанды интеллект» жылы деп жариялап, «технологиялық егемендік» ұранымен ұлттық тіл моделін (LLM) таныстыруға көшті. БАӘ, Сауд Арабиясы және Қытай сынды алпауыттардың ізімен жасалған жобаның стратегиялық маңызы зор екені даусыз. Алайда 10 ақпандағы үкімет отырысында Қасым-Жомарт Тоқаев отандық KazLLM бағдарламасына қазақстандықтар сенбей отыр деп мәлімдеді.

Сол жиында Жасанды интеллект және цифрлық даму министрі Жаслан Мәдиев KazLLM мен AlemLLM қырықтан астам жүйеге енгізілген деп ақталған еді. Осы ретте Kursiv.Media салалық министрлікке қазір қанша адам KazLLM-ді пайдаланып отырғанын және жобаға қанша қаржы жұмсалғанын сұрап сауал жолдаған.

Алайда Жасанды интеллект...

Павлодар облысында автоүймен әлемді аралап жүрген Нидерланд елінің туристері қиын жағдайға тап болды. Олардың көлігі Баянауылдағы Кемпіртас жартасына жақын маңдағы сор батпаққа батып қалған.

Өңірдің көрікті жерлерін аралау кезінде автоүй өтуі қиын жерге тап болған. Саяхатшылардың өздігінен шығуы мүмкін болмады.

«Көмекке Төтенше жағдайлар министрлігінің қызметкерлері, «Баянауыл Су Арнасы» кәсіпорнының жұмысшылары, сондай-ақ жергілікті тұрғындар жедел жетті. Техниканы қолдану және үйлесімді іс-қимылдардың арқасында олар автоүйді батпақ тұзағынан шығарып алды», – деп хабарлады Павлодар облысының ТЖД.

Ведомство өкілдері құтқару операциясының сәтті өткенін және зардап шеккендер жоқ екенін нақтылады. Шетелдік қонақтар құтқару жұмыстарына қатысқандардың барлығына алғыс...

Қазақстан Президенті Қасым-Жомарт Тоқаев екі халықаралық келісімді – радиациялық қауіпсіздік және «жасыл» энергетика салаларындағы құжаттарды ратификациялау туралы заңдарға қол қойды.

Ақорданың баспасөз қызметі хабарлағандай, бірінші келісім радиациялық жағдайға мониторинг жүргізу деректерімен алмасу кезіндегі ТМД елдерінің өзара іс-қимылына қатысты. Бұл қатысушы елдер арасында радиациялық фонның жай-күйі туралы ақпарат алмасуды және іс-қимылдарды жедел үйлестіруді қамтамасыз етеді.

Екінші құжат – Қазақстан, Әзербайжан және Өзбекстанның «жасыл» энергияны өндіру және беру саласындағы стратегиялық әріптестігі туралы. Келісім бірлескен жобаларды дамытуға және тұрақты энергетика саласындағы ынтымақтастықты нығайтуға бағытталған.

Заңдардың мәтіндері ресми баспасөзде жарияланады.

Бұған дейін Қазақстан Президентінің Израильдік әріптесі Ицхак Герцогпен келіссөздері өткен болатын.

Солтүстікте түнде аяз күтіледі. Ал елдің оңтүстігі мен батысында жаңбыр жауып, найзағай болады деп болжануда. «Қазгидромет» 28 сәуірге ауа райы болжамын ұсынды. 

Қазақстанда негізгі ҰБТ-ға өтініш қабылдау аяқталды, деп хабарлады Ғылым және жоғары білім министрлігі.

Тестілеуге қатысу үшін шамамен 240 000 талапкер өтініш берді. Олардың ішінде ҰБТ тапсырушылардың 73%-ы тестілеуден қазақ тілінде, шамамен 27%-ы орыс тілінде, 521 адам ағылшын тілінде өтеді.

Пәндердің ең танымал комбинациясы «Математика – Физика» болды – оны талапкерлердің 17,9%-ы таңдаған, одан кейін «Биология – Химия» комбинациясы тұр – 14,5%, үшінші орында «Шығармашылық емтихан» – 12,4%.

Тестілеу 10 мамырда басталып, 10 шілдеге дейін жалғасады. Талапкерлер негізгі ҰБТ-ны екі рет тапсыра алады және гранттар байқауына ең жақсы нәтижемен қатыса алады.

Білім беру грантын алу үшін ҰБТ-ны екі рет тапсыру...

Абай облысы Бородулиха ауданында орналасқан KAZ Minerals тобы иелік ететін Орлов өндірістік кешенінің шахтасында қайғылы жағдай орын алды. Өндірістік апат салдарынан бір жұмысшы қаза тауып, екіншісі үйінді астынан құтқарылды.

Оқиғаның мән-жайы

2026 жылғы 27 сәуірде «Шығыстүстімет» ЖШС-не қарасты Орлов шахтасында тау жынысы опырылған. Полиция департаменті мен компанияның ресми мәліметінше, үйінді астында екі жұмысшы қалып қойған.

Жұмысшылардың бірі алған жарақаттарынан оқиға орнында жан тәсілім етті. Екінші жұмысшы үйінді астынан аман табылып, дереу медицина мамандарына тапсырылды. Қазіргі уақытта оған ауруханада жан-жақты көмек көрсетілуде.

Полиция тергеу бастады

Тәртіп сақшылары бұл дерек бойынша тиісті шаралардың басталғанын хабарлады.

Ливандағы «Хезболла» шиит қозғалысы Израильмен тікелей байланыс орнату мүмкіндігін үзілді-кесілді жоққа шығарды. Ұйымның Бас хатшысы Наим Касем дүйсенбі күні жасаған мәлімдемесінде қозғалыстың ұстанымы мен алдағы жоспарларын ашық айтты.

«Хезболлаға» тиесілі «Аль-Манар» телеарнасы хабарлағандай, Наим Касем топтың қарусыздану мәселесін тіпті талқыламайтынын баса айтты. Оның сөзінше, кез келген байланыс тек жанама форматта және бірнеше қатаң шарттар орындалған жағдайда ғана жүзеге асуы мүмкін.

Диалог орнату үшін қойылған шарттар:

Наим Касем Ливан билігін Израильмен тікелей келіссөздерден бас тартуға және...

Алматыда жеке сот орындаушының қызметін тексеру барысында мемлекет қаражатын жымқыру дерегі анықталды, деп хабарлады прокуратураның баспасөз қызметі.

Тергеу мәліметінше, 2024 жылы ол өзінің қызметтік жағдайын пайдаланып, 4,2 млн теңгені заңсыз иемденген. Бұл сома бюджеттен алимент өндіру туралы істер бойынша оның көрсеткен қызметіне ақы төлеу ретінде бөлінген болатын.

«Сот орындаушысы бір өндіріс бойынша төлемді жылына бір рет қана алуға рұқсат беретін заң талаптарын елемеген. Оның орнына ол Әділет департаментіне 47 іс бойынша 76 қайталама есеп жіберген», – делінген хабарламада.

Алмалы аудандық соты үкім жариялап, сот орындаушы 2 жыл 4 айға колонияға аттанды. Сондай-ақ, сотталған азамат...

Британдық «Тоттенхэм» футбол клубының бұрынғы директоры Скотт Мунн ресми түрде Қазақстан футбол федерациясының (ҚФФ) жаңа бас хатшысы болып тағайындалды.

Шешімді Федерацияның Атқарушы комитеті 27 сәуірде қабылдаған.

«Бұл тағайындау қазақ футболы тарихында алғаш рет болып отыр. Федерация басшылығына Англия Премьер-лигасында жұмыс өтілі бар, Еуропаның беделді клубтық турнирінің бірінде жеңіске жеткен тәжірибелі маман тағайындалды. С.Мунн федерацияның жаңа басшылығы бастаған реформаларды жалғастырады», – делінген ҚФФ баспасөз хабарламасында.

Енді Мунн төрешілікті реформалау, академиялар мен инфрақұрылымды дамыту, клубтарды басқару және лицензиялау стандарттарын көтеру, тұрақты коммерциялық және медиа базаны қалыптастыру, сондай-ақ, УЕФА және ФИФА-мен ынтымақтастықты тереңдету сынды жұмысты өз мойнына алмақ.

Шри-Ланка әуежайында жүктерінен 112 келі каннабис табылған жиырма екі монах тұтқындалды. Бұл туралы Daily Mirror басылымы хабарлады.

Мәселенің мәні

Есірткіге қарсы күрес бюросының қызметкерлері күдіктілерді 25 сәуір күні кешке Таиландтан ел астанасына ұшып келген бойда ұстаған. Жедел ақпарат негізінде тексеру жүргізген полиция монахтардың сөмкелеріндегі арнайы жасырын орындардан жалпы салмағы 112 килограмм есірткіні тапты.

Бұл Шри-Ланка астанасындағы Бандаранаике халықаралық әуежайы тарихында тәркіленген ең ірі партия болып тіркелді. Есірткінің нарықтық құны шамамен 3,5 миллион долларды құрайды.

Монахтар қалай алданған?

Тергеу барысында бұл трафикті үш монах ұйымдастырғаны анықталды. Олар қалған 19 адамды әлеуметтік желі арқылы жинаған. Топ Таиландқа 22 сәуірде аттанған екен.

Күдіктілердің көб...

Астананың Нұра ауданындағы Орталық саябақта ішінде балалар болған аттракцион құлады. Ақпаратты аудандық полиция департаменті растады.

Оқиға жексенбі яғни 25 сәуір күні кешке болған. Мәселені желіде қала тұрғыны көтерді. Оқиға кезінде аттракционда оның екі баласы болған. Әйелдің айтуынша, карусель бірнеше айналым жасағаннан кейін сынып, құлап түскен.

Полиция мәліметінше, аттракцион операторы отыру кабинасының құлағаны туралы өзі хабарлаған. Құқық қорғау органдары тексеріс жүргізуде.

«Кабина аспалы конструкцияның бекіткішінен ажырап кеткен. Тексеріс қорытындысы бойынша материалдар тиісті уәкілетті органдарға шара қолдану және аттракциондардың қауіпсіздігін тексеру үшін жіберіледі», – делінген хабарламада.

Айта кетейік, осыған дейін Ақтауда 3 жасар баланың үстіне 50 келілік аттракцион...