Жаңалықтар

Шахматтан әлемнің екі дүркін чемпионы Бибісара Асаубаева өзінің Telegram-арнасында қазақ тілінен жаңа мұғаліммен алғашқы сынақ сабағын өткізетінін мәлімдеді.

Бибісараның айтуынша, қазіргі таңда ол өзін жан-жақты дамытуға күш салып жатыр. Күнделікті тығыз кестесіне тіл үйрену мен контент сапасын арттыруды қосыпты.

«Қазақ тілінен жаңа мұғаліммен сабағым жоспарланған. Сонымен қатар, ағылшын тілінен де ұстаз таптым. Спортқа әлі толық орала алмадым, бірақ сол бағытта жұмыс істеп жатырмын», – деді спортшы.

Еске сала кетейік, 2025 жылдың маусым айында Бибісара Асаубаева журналистердің қазақ тіліндегі сұрағына жауап бере алмай, қоғамда үлкен резонанс тудырған еді. Сол кезде шахматшы отбасында орысша сөйлейтінін және жаттығу...

«Ақтөбе» футбол клубының жұлдызды ойыншысы Луиш Нанидің жаттығу алаңының сапасына көңілі толмады. Бұл туралы инсайдер Елдар Аманбаев өзінің Telegram-арнасында хабарлады.

Инсайдердің мәліметінше, «Ақтөбе» футболшылары қалаға оралғаннан кейін «Нефтяник» стадионында жаттығу өткізуге мәжбүр. Алайда, Чемпиондар лигасының жеңімпазы, португалиялық шабуылшы алаңның жағдайына көңілі толмайтынын ашық білдірген.

«Португалиялық жұлдыз «Нефтяник» стадионындағы жаттығу алаңының сапасына наразы. Бұған дейін де клубтың басқа легионерлері алаңның нашарлығы туралы шағымданған болатын», – деп жазады журналист.

Еске сала кетейік, 39 жастағы Луиш Нани «Ақтөбе» сапына биыл қаңтар айында қосылды. Ағылшын Премьер-лигасының төрт дүркін чемпионы және Португалия ұлттық құрамасының бұрынғы ойыншысы ақтөбелік команда...

Бүгін үкіметте өткен кеңесте Алматы тау кластері мен Almaty Superski курортын дамыту барысы қатаң талқыға түсті. Премьер-министр Олжас Бектенов жобаның жүзеге асу қарқынына көңілі толмайтынын ашық айтып, мемлекеттік органдардың жұмысқа салғырт қарап отырғанын сынға алды.

«Алматы тау кластері мен Almaty Superski курортын дамыту – экономика үшін туристер ағынын ұлғайтуға және инвесторларды тартуға тікелей ықпал ететін маңызды жобалар. Оларды жүзеге асыру негізсіз созылып бара жатыр. Мемлекеттік органдар бұл жұмысқа толық кіріскен жоқ. Барлық мәселені жедел және бірлесіп шешіңіздер», – деп мәлімдеді ол.

Алматы тау кластері дамыту жоспары

Алматы тау кластерін дамыту екі кезеңнен тұрады. Бірінш...

Алматы облысында кітапхана саласын дамыту бағытында жүйелі жұмыстар жүргізілуде. Бүгінде облыс әкімдігіне қарасты 145 мемлекеттік кітапхана халыққа тұрақты мәдени-ағартушылық қызмет көрсетіп келеді.

2026 жылы кітап қоры 1983 дана жаңа әдебиетпен толықтырылып, «БАРЫС» бағдарламасының электронды каталогына енгізілді. Қазіргі таңда elib.obllibrary.kz сайтында 1,9 млн-нан астам кітапты қамтитын электронды қор қолжетімді. ҚазҰЭБ базасымен бірлесіп 2137 кітап цифрландырылып, кітапханалық қызмет көрсету үдерістері кезең-кезеңімен автоматтандырылуда.

Кітапханаларды жаңғырту жұмыстары да жалғасуда: Қонаев қалалық және Ұйғыр аудандық кітапханалары жаңартылып, Шелек және Жандосов ауылдық кітапханаларын ашу жоспарлануда.

Ұлттық кітап күні аясында 15–23 сәуір аралығында облыста 152 іс-шара өткізіліп, 15 мыңнан астам адам қамтылды. Қонаев қаласында өткен «КітапFEST...

Ұлттық банк базалық мөлшерлемеге қатысты кезекті шешім шығарып, негізгі көрсеткішті төртінші рет 18% деңгейінде өзгеріссіз қалдырды.

«Қазақстан Республикасы Ұлттық Банкінің Ақша-кредит саясаты комитеті базалық мөлшерлемені +/- 1 п.т. дәлізімен жылдық 18,0% деңгейінде белгілеу туралы шешім қабылдады», – деп жазылған хабарламада.

Реттеуші наурызда айлық инфляция ақпандағы 1,1%-дан кейін 0,6%-ға дейін төмендегенін атап өтеді. Оған қатаң ақша-кредит шарттары, айырбас бағамының қолайлы серпіні, тұтынушылық сұраныстың тұрақтануы, сондай-ақ коммуналдық төлемді өсіруге қойылған мораторий себеп болған.

Дегенмен Ұлттық банк мамандары алдағы бір жылда инфляция 14,6%, ал нарықтың кәсіби қатысушылары 10,0%  деңгейінде қалады деп болжап отыр.

Сыртқы нарықтың ықпалы

Реттеуші хабарламасында Таяу...

2025 жылы әлем халқының денсаулығы алдыңғы жылдармен салыстырғанда едәуір жақсарды. Бұл туралы Дүниежүзілік денсаулық сақтау ұйымы жариялаған есепте айтылған. 

Жалпы халықаралық денсаулық сақтау саласында қаржылық қолдаудың азайғанына қарамастан бұл үрдіс сақталған.

Қанша адамның денсаулығы жақсарды

ДДСҰ мәліметінше, 2018 жылмен салыстырғанда негізгі медициналық қызметтерге қол жеткізіп, денсаулық сақтау үшін ауыр қаржылық күйзеліске ұшырамайтын адамдар саны 567 миллионға артқан. Сондай-ақ табиғи апаттар, аурулар немесе басқа да төтенше жағдайлар кезінде адамдардың денсаулығына төнетін қауіптерден қорғалатын адамдар саны 698 миллионға көбейген. Яғни, бұрын қауіпке көбірек ұшырайтын адамдар қазір жақсырақ қорғалып отыр.

Қазіргі таңда 1,75 млрд адам бұрынғыға қарағанда әлдеқайда салауатты өмір...

Атырау облысы, Жангелдин ауылындағы бір отбасының өліміне күдікті Сұлтан Сәрсемәлиев ақыл-есі сау деп танылды. Бұл туралы Атырау облыстық прокуратурасы хабарлады.

Сот-психатриялық сараптамасы Сәрсемәлиев өз әрекетіне жауап беретінін, оның қылмыстық жауапкершілігі болатынын білген деген қорытынды шығарды. Ал оның жұбайы Ақбаян әлі де Алматыда сот-психиатрикалық сараптамадан өтіп жатыр. Атыраудағы жергілікті дәрігерлер оның туыстарының өліміне қаншалықты қатысы бар екенін анықтай алмаған.

Әзірге Ақбаян күдікті. Алматы мамандарының қорытындысы шыққаннан кейін ғана оның статусын өзгерту мәселе шешіледі.

Прокуратура мәліметінше, қылмысқа басқа тұлғалардың қатысы болмаған.

Екі қылмыстың арасы – жарты жыл

Тергеу мәліметінше, Жангелдинде араға жарты жыл салып, екі рет қылмыс жасалған. Алдымен...

Алматы қаласының ономастика комиссиясына бір топ қала тұрғыны мен белсенді азаматтар тарапынан маңызды ұсыныс түскен. Бастамашыл топ Алматыдағы ең ұзын магистральдардың бірі – Абдулла Розыбакиев көшесіне Мұхтар Шахановтың есімін беруді сұрап отыр.

Неге Розыбакиев көшесі?

Бастамашылардың айтуынша, 7 шақырымға созылып жатқан Бостандық және Алмалы аудандарының күретамыры саналатын Розыбакиев көшесінің ауқымы мен стратегиялық маңызы Мұхтар Шахановтың тұлғалық деңгейіне сай келеді. Көше бойында ірі білім ордалары, мәдени орталықтар мен «MEGA Alma-Ata» секілді халық көп жиналатын нысандар орналасқан.

Абдулла Розыбакиев – саяси қуғын-сүргін құрбаны ретінде құрметке лайық тұлға. Алайда белсенділер оның есімін басқаша ұлықтауды ұсынады.

Құқықтық негіз

Бұл ұсыныс ҚР «Әкімшілік-аумақты...

Еуропалық Одақ Ресейдің Укрианаға қарсы басқыншылық соғысы басталғалы Украинаны қолдап келеді. ЕуроОдақ осы ұстанымын қайталап, кезекті рет Украинаға мен оның халқына қанша қажет болса, сонша уақыт бойы саяси, қаржылық, экономикалық, гуманитарлық, әскери және дипломатиялық көмек көрсетуді жалғастыруға толықтай дайын екенін хабарлады.

Қазақстан Ресейден ауыл шаруашылығы саласындағы шектеулерді алып тастауды сұрап отыр. Бұл туралы Қазақстан мен Ресей Үкіметаралық комиссиясының тең төрағаларының кездесу барысында айтылды.

Мәселе қазақстандық астық пен бұршақ дақылын Ресей Федерациясының теңіз порттары арқылы жинақтап, транзиттеу туралы, сондай-ақ үшінші елдерден шыққан зығыр, жасымық, күнбағыс тұқымдарын, кесілген гүлдер мен бүршіктерді әкелу туралы болып отыр.

Ауыл шаруашылығы вице-министрі Ермек Кенжеханұлы атап өткендей, мәселе 2024 жылдан бері күн тәртібінде тұр. Осы уақыт ішінде бірқатар позициядағы шектеу алынып тасталды. Оның ішінде қызанақ, бұрыш және жекелеген аймақтардан бидай жеткізу бар. Бірақ жоғарыда сөз болған өнім санаттары бойынша шектеу әлі сақталып тұр.

Ермек Кенжеханұлының сөзінше...

Threads желісінде perekup01 лақап атымен танымал Қазақстандық автоблогер, әрі автокөлік делдалы Ұлықбек Әлиев оқырмандарына бағасы шектен тыс қымбат көліктерді атауды сұрады. Оның бұл сауалы қызу талқыланды. «Қара тізімге» қазіргі жаңа кроссоверлер де, 90-жылдардағы аты аңызға айналған седандар да қосылды.

Жапон классикасы: баға қаншалықты орынды

Әлиевтің өзі талқылауды Subaru Outback пен Subaru Forester модельдерінен бастады. Қолданушылар бұл пікірді қолдап, жаңа «жапон» көлігіне 25 млн теңге төлеуге көпшіліктің құлшынысы жоқ екенін айтты.

Алайда шағымдардың басым бөлігі Toyota-ға қатысты айтылды. Пікір иелерінің айтуынша, компанияның модельдері Қазақстанда тым қымбат тұрады. Әсіресе Toyota Camry көлігіне көп сын айтылуда. Желі қолданушылары оның бағасы...

24 сәуірге қараған түні Қызылорда облысы Жаңақорған ауданына қарасты Бірлік ауылына қарғын кірді. Қаратаудан ауылға қарай аққан екпінді су көшелерді, бірнеше үйдің ауласын басты.

Қарғын су басқан түн

Бейсенбі күні Бірлік тұрғындары ұйықтаған жоқ: түн жарымында ауылға қарғын су кірді. Әлеуметтік желілерде тараған видеоларда қызыл судың көшелерге, тіпті үйлердің ауласына кіріп жатқанын көруге болады.

«Жігіттер, суға баттық. Көмекке келіңдер. Көшені толық алды. Бәрі бітті. Түк қалмады. Су үйдің іргетасына жетті», – дейді достарынан көмек сұраған ауылдың жас тұрғыны.

Тағы бір видеода судың ауылдағы бір үйдің ауласына кіріп кеткені бейнеленген. Үй қожайыны жағдайды бір ауыз...

Танымал актер, марқұм Мұрат Бисембиннің қызы Диана қалыңдық атанды. Ол өзінің Instagram парақшасында сүйіктісімен, ақ көйлекпен суреттерін жариялап, оқырмандарын қуантты.

Таңдауы кімге түсті?

Диананың таңдаған жары – елімізге белгілі спортшы, Қазақстан регби ұлттық құрамасының капитаны Мұхаммед Расул. Желі қолданушылары жұптың бір-біріне өте ұқсайтынын және сымбатты екенін жарыса жазып жатыр. Кейбір оқырмандар күйеу жігіттің сырт келбетіне қарап, оның ұлтына қызығушылық танытса, енді бірі оны шетелдік жұлдыздарға ұқсатқан.

Жұрттың пікірі

Қуанышты хабардың астында түрлі пікір қалдырылып жатыр.

Бірі жас жұбайларға бақыт, махаббат және ұзақ ғұмыр тілеп жатса.

Енді бірі Диананың әкесі Мұрат Бисембинді еске алып:

Nazarbayev University Жоғары білім беру мектебінің постдокторанты Әсел Шәрімова халықаралық Майкл Фуллан атындағы Кәсіби капитал және қауымдастық сыйлығының лауреаты атанды. 2026 жылы сыйлық әлем бойынша тек екі зерттеушіге берілді, деп хабарлады Ғылым және жоғары білім министрлігі.

Бұл сыйлық білім беру саласында жұмыс істейтін жас ғалымдарға арналған. Әсел Шәрімова осы марапатқа ие болған бірінші қазақ ғалымы атанды.

Ол соңғы бес жылда Nazarbayev University-де жұмыс істейді. Назарбаев Зияткерлік мектептері жүйесінде де қызмет етіп, білім беру бағдарламаларын әзірлеу және халықаралық ынтымақтастық мәселелерімен айналысқан. Бұған дейін Cambridge University-де білім беру саласы бойынша PhD дәрежесін қорғаған.

«Менің жұмысым мұғалімдердің виртуалды кәсіби...

Астанада А.Байтұрсынұлы көшесінің бір бөлігі уақытша жабылады. Бұл туралы елорда әкімдігі хабарлады.

Маңызды көшедегі қозғалыс шамамен бір аптаға шектеледі.

Қай жерде шектеу енгізіледі

«Астанада А.Байтұрсынұлы көшесінің А 52 көшесінен С.Шәймерденов көшесіне дейінгі аралығында орташа жол жөндеу жұмысы жүргізіледі», – деп хабарлады елорда әкімдігі.

Осыған байланысты, 24-27 сәуір аралығында аталған учаскеде көлік қозғалысы ішінара жабылатын болады.

Әкімдік жүргізушілер мен жаяу жүргіншілерге жол жүру бағытын алдын ала жоспарлау қажеттігін ескертті. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады.

Қазақстандық талантты әнші Нұржас Садырбаев халықаралық «Voice Beyond Horizon» (Көкжиектен асқан үн) музыкалық жобасында топ жарып, бірінші орынды иеленді. Өнерпаз байқауда жоғары кәсіби деңгейде өнер көрсетіп, «Даңқ жұлдызы» атағына лайық деп танылды, Бұл туралы Dimashnews.com. хабарлады.

Димаш Құдайбергеннің авторлық жобасы

Аталған халықаралық шоу Қазақстанның халық әртісі Димаш Құдайбергеннің тікелей бастамасымен және атқарушы продюсерлігімен жүзеге асырылды. Жобаның географиясы да ауқымды болды.

Түркістан қаласында бастау алып, Ақтау мен Алматыда жалғасып, Астана қаласында салтанатты түрде қорытынды жасалды.

Байқауға Қытай, Қазақстан, Малайзия, Сербия, Италия және Қырғызстаннан келген 8 өнерпаз қатысты. Олар тек өнер көрсетіп қана қоймай, Қазақстанның киелі жерлерін аралап, халқымыздың бай мәдениетімен...

24 сәуірде таңертең Астана қаласы Сарайшық ауданы Бөлекпаев көшесі бойындағы төрт қабатты ғимарат өртенді. Құтқарушылар таратқан мәліметке қарағанда, от ғимараттың жертөлесінде орналасқан саунада тұтанған.

Астана қалалық төтенше жағдайлар департаментінің Kursiv.Media-ға хабарлауынша, ғимаратта медициналық мекеме орналасқан. Өрт ғимараттың жертөлесіндегі саунаның бу бөлмесінде тұтанған. Себебі анықталып жатыр.

ТЖМ таратқан видеодан қара түтін ғимараттың жертөлесінен будақтап шығып жатқанын көруге болады. Бұл уақытта ғимарат алдында ақ халат киген бірнеше адам тұр.

Құтқарушылардың дерегінше, өртенген ғимараттан шамамен 150 адам өздігімен сыртқа шықты. Зардап шеккендер туралы ақпарат жоқ.

Өрт таңғы сағат 08:43-те оқшауланғаны хабарланды.

Естеріңізге сала кетейік, бір күн бұрын Атырауда жекеменшік балабақша ғимараты...

Қостанайда Ұлы Отан соғысы ардагерлеріне Жеңіс күніне орай 5 миллион теңгеден аударылды.

Қалалық әкімдіктің хабарынша, қазір өңірде жасы 100-ге келген үш ардагер тұрады. Олардың қатарында 1925 жылы туған Қасымхан Алдабергенов пен Михаил Подоляков және 1926 жылы туған Ділдәбек Нұрышев бар.

Төлемдер Жеңіс күнін мерекелеуге орайластырылған мемлекеттік қолдау шаралары аясында жүргізілген.

Еңбек және халықты әлеуметтік қорғау министрлігінің мәліметінше, 2026 жылғы 1 ақпандағы жағдай бойынша елде 76 059 ардагер тұрады. Жыл басынан бері оларға жалпы сомасы 1,5 млрд теңгеге мемлекеттік жәрдемақы төленген.

Айта кетейік, биыл да елімізде Жеңіс парады өтпейтін болды. Қорғаныс министрлігінің мәліметінше, оның орнына басқа да әскери-патриоттық іс-шаралар...

КешYOU тобының «алтын құраманың» мүшелері Кәмшат Жолдыбаева мен Айдана Меденова топтың 20 жылдық мерейтойлық концертіне қызу дайындықты бастап кетті.

Бұл оралудың өзіндік маңызы бар, себебі қос әнші де соңғы уақытта шығармашылықтан алшақтап кеткен еді

Айдана Меденова жақында ғана басына таққан орамалын шешіп, өнерге қайта оралатынын ресми түрде мәлімдеген еді. Оның қадамы желіде қызу талқыға түскенімен, сахнадағы бейнесін сағынғандар қарасы көп екен.

Ал Кәмшат Жолдыбаева болса тұрмысқа шығып, өткен жылы ана атанған. Әнші біраз уақыт көзден таса болған еді. Жанкүйерлері оның бұрынғы энергиясы мен харизмасын сахнадан көруге асық.

«Жанар Дуғалова жетпей тұр»

Желі қолданушылары...

23 сәуірде Еуропа одағы Ресейге қарсы санкцияларының осымен 20-пакетін жариялады. ЕО-ның «қара тізіміне» кіргендердің ішінде Қазақстанның United Trading Group компаниясы да бар.

ЕуроОдақ мәліметінше, Қазақстанда орналасқан бұл компанияның негізін Әлімжан Беков қалаған. Оның UrSeCo Handels GmbH & Co. KG неміс компаниясымен байланысы бар. Компания сол арқылы Ресейге сапасы жоғары хлорлы сутек (HCl) жеткізумен айналысқан. Әдетте оны жартылай өткізгіш дайындау үшін қолданады.

ЕуроОдақ құжаттарында айтылғандай, қазақстандық компания HCl химиялық затын немістерден алып, оны Ресейдің Siltron, Electronsnab компанияларына жеткізіп отырған. Тауар Польша, Түркия, Қазақстан және Ресей бағытымен қозғалған. Соған назар аударған Еуропа қазақ компаниясы санкцияны айналып өтуге көмектесті деген тұжырым жасаған.

Бұған...

Қазақстанның солтүстігінде түнде аяз болуы мүмкін. Ал батыс пен шығыста жаңбыр жауады деп болжанып отыр. «Қазгидромет» 24 сәуірге ауа райы болжамын ұсынды.

Астанада Қазақстандағы Ресей Федерациясы мәдениет күндерінің ресми ашылуы өтті. Ауқымды шара аясында екі елдің өнер майталмандары мен ресми өкілдерінің қатысуымен салтанатты гала-концерт ұйымдастырылды.

Іс-шара екі мемлекет арасындағы мәдени-гуманитарлық байланысты нығайтудың маңызды қадамына айналды.

Гала-концерттің бағдарламасы ұлттық нақыш пен заманауи өнердің тоғысуымен ерекшеленді:

Бұл тек концертпен шектелмейді. Дәл осы күні Ұлттық музейде «Мәдени дәстүрлерді біріктіру және заманауи...

Президент Қасым-Жомарт Тоқаев Оманның экономикалық мәселелер жөніндегі Премьер-министрінің орынбасары Зиязин бен Хайсам Әл Саидті қабылдады, деп хабарлайды Ақорда баспасөз қызметі.

«Мемлекет басшысы Оман Сұлтанатының экономикалық мәселелер жөніндегі Премьер-министрінің орынбасары Зиязин бен Хайсам Әл Саидті қабылдады», – делінген хабарламада.

Кездесу барысында Президент Оманның араб әлеміндегі Қазақстанның уақыт сынынан өткен әрі сенімді серіктесі екенін атап өтіп, елдің барлық бағыттар бойынша екіжақты ынтымақтастықты дәйекті түрде нығайтуға ниетті екенін растады.

«Біздің екіжақты байланыстарымыз саяси салада да, экономикалық салада да нығайып келеді. Қарым-қатынастарымызды нығайту ісіне қосқан жеке үлесіңіз үшін ризашылығымды білдіремін. Осы мүмкіндікті пайдалана отырып, Сұлтан Хайсам бен Тариқ Әл...

Атырауда екі қабатты ғимаратта орналасқан жекеменшік балабақшада өрт шықты, деп хабарлады облыстық ТЖД.

Өрт 23 сәуір күні сағат 15:20 шамасында басталған. Өрт сөндірушілер оқиға орнына жеткенде, ғимараттың вестибюлі өртеніп жатқан.

Өрт сөндіру бөлімшелері келгенге дейін балабақша қызметкерлері сегіз баланы сыртқа шығарып үлгерген.

«Өрт салдарынан ауданы 24 шаршы метр болатын бөлме жанып кетті. Құтқарушылардың жедел әрекетінің арқасында тілсіз жаудың басқа бөлмелер мен жоғарғы қабаттарға таралуына жол берілмеді», – деп хабарлады ТЖД.

Ешкім зардап шеккен жоқ. Өрттің шығу себептері анықталуда.