Жаңалықтар

Алматы қаласының мамандандырылған ауданаралық әкімшілік құқық бұзушылықтар жөніндегі сотында әнші Рахат Тұрлыхановқа қатысты ӘҚБтК-нің 73-бабы 1-бөлігі – «Отбасы-тұрмыстық қатынастар саласындағы құқыққа қарсы әрекеттер» бойынша іс қаралды, деп хабарлады соттың баспасөз қызметі.

Хаттамаға сәйкес, Тұрлыханов жұбайымен жанжал шығарып, оқиға барысында оны балағаттап, қорқытқан және айқайлап, үйдегі тыныштықты бұзған.

«Сот қаулысымен іс материалдары Қазақстан Республикасының ӘҚБтК-нің 742-бабына сәйкес, жәбірленушінің құқық қорғау органдарына жүгінген кезде дене жарақатын келтіру туралы бастапқы арызын ескере отырып, қылмыстық жазаланатын әрекет белгілерінің бар-жоғын тексеру үшін прокурорға және сотқа дейінгі тергеп-тексеру органына жолданды», – делінген хабарламада. Сот қаулысы заңды күшіне енген жоқ.

Бұл әншін...

Қырғызстан президенті Садыр Жапаров президент Қасым-Жомарт Тоқаевты Қазақстанда жаңа Конституция бойынша жалпыхалықтық референдумның сәтті өтуімен құттықтады. Бұл туралы Ақорданың баспасөз қызметі хабарлады.

Телефон арқылы сөйлесу барысында Жапаров өткен дауыс берудің маңыздылығын атап өтіп, оның қорытындысы қазақстандықтардың елді саяси және әлеуметтік-экономикалық жаңғырту бағытына деген кең қолдауын көрсететінін жеткізді.

Өз кезегінде Қасым-Жомарт Тоқаев әріптесіне қолдау көрсеткені үшін, сондай-ақ референдум мониторингіне Қырғызстаннан келген бақылаушылардың қатысқаны үшін алғыс айтты.

Қазақстан Президенті конституциялық реформалар мемлекеттік басқарудың тиімділігін арттыруға және азаматтардың әл-ауқатын жақсартуға бағытталғанын атап өтті.

Сонымен қатар, мемлекет басшылары екіжақты қатынастарды одан әрі дамыту мәселелерін талқылады. Тараптар Қазақстан мен Қырғызстан арасындағы стратегиялық серіктестік пен одақтастық байланыстарды нығайтуға дайын екендіктерін...

«Астана-Семей» пойызы Петропавлдағы «ЗИКСТО» зауытында шығарылған жаңа қазақстандық вагондармен толық жабдықталды, деп хабарлайды ҚТЖ. Жаңартылған құрам 17 наурыздан бастап қатынай бастайды.

«Бұған дейін аталған бағыттағы пойыз құрамында 1993 жылы шыққан вагондар пайдаланылып келген болатын. Қазіргі уақытта жылжымалы құрам жаңа буынның заманауи вагондарымен жаңартылды», – делінген компания хабарламасында.

№353/354 пойызы күн ара қатынайды. «Нұрлы жол» (Астана) станциясынан аттану уақыты 17:55-ке, Семейден шығу 16:45-ке жоспарланған. Тоғыз вагоннан тұратын құрам бір мезгілде 350-ден астам жолаушыны тасымалдауға есептелген.

Жолаушылар үшін не өзгереді?

45-сериялы жаңа вагондар ескі модельдерден айтарлықтай ерекшеленеді. Енді купелерде мыналар орнатылған:

Halyk Bank DMAS сауда платформасында «KAZ-TRANZIT» компаниясының берешегі бойынша талап ету құқығын сатуға шығарды.

Лоттың бастапқы құны 120 млн теңгені құрайды. Сауда-саттық 26 наурыз күні сағат 10:00-ге белгіленген. Әлеуетті сатып алушылар қатысу үшін лот құнының 3%-ы мөлшерінде, яғни шамамен 3,7 млн теңге кепілдік жарна төлеуге тиіс.

Лоттың параметрлеріне сәйкес, сөз жалпы берешек сомасы 120 млн теңге болатын бір несие шарты туралы болып отыр. Қарыз бойынша төлемнің кешіктірілуінің орташа мерзімі шамамен 4 875 күнді немесе 13 жылдан астам уақытты құрайды.

Сату талап ету құқығын басқаға беру (цессия) механизмі арқылы жүзеге асырылады. Бұл сатып алғаннан кейін жаңа кредитор несие шарты бойынша банктің барлық құқықтарына, соның ішінде...

Тоқаев «Қазақстан Республикасының кейбір заңнамалық актілеріне туристік саланы және балалар спортын қолдау мәселелері бойынша өзгерістер мен толықтырулар енгізу туралы» заңға қол қойды. Оған сәйкес бірден еліміздің төрт өңірінде казинолар салынатын болады.

Президент қол қойған заң жобасы былтыр Парламентте талқыланған. 30 желтоқсанда Мәжіліс туристік қызметке қатысты түзетулерді екінші оқылымда қабылданған. Оған сәйкес, елде казиноға рұқсат етілген аумақтар тізімі кеңейеді. Яғни казино көбірек салына бастайды.

Құмар ойындар орталығы Бурабай мен Қапшағайдан бөлек Маңғыстау облысында Каспий теңізінің жағалауында, Панфилов ауданында Алакөл жағалауында, Жетісу облысында, Алматы облысының Талғар ауданында, Марқакөл өңірінде және Шығыс Қазақстан облысының Зайсан ауданында пайда болады.

Статистикаға сенсек, Қазақстан...

Алматы облысы Полиция департаментінің Киберқылмысқа қарсы іс-қимыл басқармасының өкілі Керім Әлібек қазақстандықтарды сақтандырды.

Оның айтуынша, әлеуметтік желіде алаяқтар жиі жарнама жасайды. Оған көбіне егде жастағы адамдар алданып жатады.

«Ең жиі кездесетін алаяқтықтың түрін көрсеткім келіп отыр. Үoutube-те отырған кезде сіздерге осындай жарнама кездеседі. «Каспий І-дан» бастап, ең аз депозит көлемі – 50 000» деп көрсетілген. Сайтқа өту сілтемесін бассаңыз, сізге онлайн брокер хабарласады. Безендіруін қараңызшы, көк туымыз тұр. Егер сол жарнаманың оң жағындағы үш нүктені, сосын «жарнама беруші туралы» деген сілтемені бассаңыз, бұл жарнаманың шетелде жарнамаланғанын көресіздер», – дейді Керім Әлібек.

Бұл жерде жарнама берілген...

Қазақстанда жұмыс істейтін шетелдік компаниялардың қатары бір жылда 5 мыңға артқан. Оның басым бөлігі – қытай компаниялары. Қазақстандағы қытай компанияларының саны бір жылда үш мыңға көбейді.

2026 жылдың 1 наурызындағы статистикасы дерегі бойынша, Қазақстанда шетелдік қатысуы бар 64 945 заңды тұлға мен филиал тіркелген. Бұл 2025 жылғы 60 мыңнан 8%-ға артық.

Кәсіпорындардың басым бөлігі, яғни 99%-ы – шағын бизнес субъектілері. Дегенмен ірі кәсіпорындар санының 218-ге жетуі ел экономикасына келетін стратегиялық инвестициялардың сапалық деңгейін білдіреді.

Қытай компанияларының қатары артты

Қазақстанда жұмыс істейтін шетелдік компаниялар арасында ресейліктер көш бастап тұр. 2026 жылы 1 наурызда ресейлік компаниялар саны...

Референдум аяқталғаннан кейін Тоқаев 15 наурызды Конституция күні деп жариялады. Демек күнтізбеге жаңа мемлекеттік мереке қосылды. Ол демалыс күні бола ма? Бұрынғы 31 тамыз, Ата заң күні, мереке ретінде алынып тастала ма? Көпшілікті мазалаған сұрақты Kursiv.Media анықтап көрді.

15 наурыз жаңа мереке ме

Жаңа Конституция жобасы қабылданса, онда Ата заң күні де өзгеретінін алғаш рет Сенат спикері Мәулен Әшімбаев айтқан еді.

«Конституцияны мұқият оқыған болсаңыздар Конституция қабылдаған күні біздің елімізде мереке ретінде тойланатыны айтылған. Сондықтан егер Конституция қабылданып жатса, мерекеміздің де күні өзгеретін болады», – деген еді ол журналистер сұрағына.

Кейіннен мұны Тоқаев та растады. Ол...

Президент Қасым-Жомарт Тоқаев 2026 жылдың наурыз–маусым және қыркүйек–желтоқсан айларында мерзімді әскери қызметке кезекті шақыру туралы жарлыққа қол қойды.  Бұл туралы Ақорда баспасөз қызметі хабарлады.

Президенттің қаулысына сәйкес:

Қазақстанда электромобильдер саны жыл сайын артып келеді. Қазір елде олардың саны 21 мыңнан асады. Соңғы бір жылда олардың саны тіпті көбейе түскен. Бұл туралы Kursiv.media 24KZ телеарнасына сілтеме жасап хабарлайды.

Электромобильдерге қызығушылық артып келеді

Соңғы деректерге сәйкес, бір жылдың ішінде Қазақстандағы электромобильдер саны шамамен 80%-ға өскен. Бұған дейін мұндай көліктер тіпті ірі қалалардың өзінде сирек кездесетін, ал қазір оларға деген қызығушылық тұрақты түрде артып келеді.

Сарапшылардың айтуынша, 2019 жылдан бері елге жыл сайын шамамен мыңға жуық электромобиль әкелінген. Ал айтарлықтай өсім 2024–2025 жылдары байқалды. Оған импортқа баж салығының салынбауы және утильалым бойынша жеңілдіктер әсер еткен.

Қазақстанның автокөлік...

Ернар Айдар «Қарамай» атты жаңа әнін Үoutube әлеуметтік желісінде жариялап, оқырмандарынан баға беруді сұрады.

Әншінің айтуынша, жанкүйерлері әннің шығуын тағатсыздана күткен.

«Бүгін сағат 15.00-де «Қарамай» атты жаңа әніміз шығады. Міне, сілтемесі. Тіркелгендер күтіңіздер, тіркелмегендеріңіз тіркеліп, әнді тыңдап бағасын бересіздер. Баршаңызға сәтті күн болсын!», – деді әнші.

Аз ғана уақыт ішінде жаңа ән көпшіліктің көңілінен шығып отыр. Тыңдармандар хит деп баға берді.

«Керемет, Ернар мырза, жарайсыз, сізді тыңдай береміз. Мықты !!! Халқымның алғысына бөлене беріңіз», – деп жазды Қарлығаш атты тыңдарманның бірі.

Тіпті, Өзбекстанның Хорезм қаласынан сәлем жолдап, әннің сәтті шыққанын...

2026 жылдың наурызындағы статистикалық мәліметтер елдегі шағын бизнес секторында қызықты трендтің басталғанын көрсетті. Kursiv Media төрт жыл бойы тоқтаусыз өскен кәсіпкерлер саны рекордтық деңгейге жеткенімен, динамиканың күрт баяулағанын анықтады.

Төрт жылдық «марафон»: өсімнен стагнацияға дейін

Соңғы үш жыл ішінде Қазақстандағы жеке кәсіпкерлер санының өсуі нағыз «бум» ретінде сипатталып келді. Егер 2023 жылдың наурызында елде 1,55 млн жұмыс істеп тұрған кәсіпкер болса, 2025 жылға қарай бұл көрсеткіш 1,72 миллионға дейін жетті.

Алайда 2026 жылдың наурыз айындағы жаңа деректер сарапшыларды ойландырып тастады. Соңғы бір жыл ішіндегі өсім небәрі 0,3%-ды құрады. Бұл алдыңғы жылдардағы 6,3% бен 4,8%-дық қарқынмен...

Қазақстанда «Болашақ» бағдарламасы мен «Ғылыми тағылымдамалар» бойынша құжаттар қабылдау басталды. Өтінімдерді eGov.kz порталы арқылы беруге болады.

«Болашақ» бойынша 16 қазанға дейін, ал ғылыми тағылымдамалар бойынша 30 қазанға дейін құжат қабылданады.

2026 жылы «Болашақ» бағдарламасы бойынша барлығы 635 стипендия бөлінді:

Бұдан бөлек, «Ғылыми тағылымдамалар» бағдарламасы аясында тағы 250 грант қарастырылған.

Биылғы басты жаңалықтар мен ерекшеліктер

Халықаралық олимпиада жеңімпаздары үшін бөлек санат ашылды.  Атом өнеркәсібі үшін мамандарды мақсатты түрде даярлау қолға алынбақ. Сондай-ақ, «Жасанды интеллект» бағыты бойынша тағылымдамалар қосылды.

Мемлекет қандай шығындарды өтейді

Бүгін Алматыда Қазақстан Премьер-лигасының кезекті туры аясында «Қайрат» пен «Ақтөбе» командалары кездеседі.

«Қайрат» пен «Ақтөбе» жүлделі орындардан басты үміткерлер. Сондықтан бұл ойын турнир кестесіндегі жағдайға тікелей әсер етеді.

Ойынды қайдан көруге болады?

Матч Астана уақытымен 19:00-де басталады. Трансляцияны келесі платформалардан тамашалай аласыз:

Сондай-ақ бүгін «Тобыл» мен «Жетісу» арасындағы кездесуді де Qazsport арнасы сағат 15:00 де көрсетеді.

Бірінші турда «Қайрат» Өскеменнің «Алтайын» 1:0 есебімен тізе бүктірді. Ойынның 64-минутында португалиялық жартылай қорғаушы Жоржиньо жеңіс голын соғып, командасын көшбасшылар қатарына шығарды.

Айта кетейік, «Қайрат» пен «Ақтөбе» ойынына барлы...

Адвокат Мейірман Шекеев әнші Димашқа тіл тигізген блогерді жазалауды талап етті. Оның айтуынша, Берік Сабитұлы деген азамат айылын жияр емес.

Сондықтан танымал адвокат Димашты ел болып қорғауға шақырып отыр.

«Өзін TikTok желісінде атты парақшасымен тіркеген Берік Сабитұлы есімді азамат қазақ халқының мақтанышы, әлемге танылған өнер иесі Димаш Құдайберген туралы жағымсыз пікірлер айтып, қаралап жүргені байқалды», – дейді адвокат.

Оның сөзіне қарағанда, бастапқыда бұған назар аудармауға тырысқан. Әйтсе де, шабуыл тоқтар емес. Мейірман Шекеевтің топшылауынша, мұның артында қандай да бір мақсат болуы ықтимал.

«Димаш – жай ғана әнші емес. Ол – қазақ халқының рухын...

«2 млн теңгең болса, баспаналы боласыз», «2 млн теңгемен Алматыдан үй алуға болады». Инстаграмда ипотека-брокерлерінің осындай жарнамалары сіздің де алдыңыздан шыққан болар. Kursiv.Media осының анық-қанығын анықтап көрді.

Ипотека брокерлері айтқан 2 млн теңге – тек жарна ғана. Яғни, үйдің толық бағасы емес, тек алғашқы төлем. Әзірге, бұл талапқа сай келетін Қазақстанда тұрақты бір бағдарлама бар. Ол – өңірлік «Алматы жастары» мемлекеттік бағдарламасы.

Бұл бағдарлама 35 жасқа дейінгі жастарға арналған. Негізгі шартының бірі – «Отбасы» банк депозитінде 2 млн теңге болу керек.

«Алматы жастары» бағдарламасының шарттары:

Қаржы министрлігінің Мемлекеттік кірістер комитеті ЕАЭО елдерінен импортталатын бірқатар тауарлар үшін ең төменгі бағаны белгіледі. Жаңа ережелер 2026 жылдың 1 сәуірі мен 30 маусымы аралығында күшінде болады.

Бұл шара Еуразиялық экономикалық одаққа мүше мемлекеттерден тауар әкелгенде кедендік әкімшілендіруді жақсарту мен өнім құнын әдейі төмендетіп көрсету арқылы салықтан жалтару әрекеттерімен күресуге бағытталған.

Азық-түлік қауіпсіздігін қамтамасыз ету және ішкі нарықтағы тепе-теңдікті сақтау мақсатында негізгі тұтыну тауарларына келесідей минималды баға қойылды: көкөніс өнімдерінен картоп – 90 теңге, ақ қырыққабат 72 теңге және сәбіз 106 теңге болып бекітілді.

Дән және ұн өнімдері бойынша бидайдың тонналық құнына негізделген...

Әнші Нұрболат Қанайдың анасы қайтыс болды. Ол әлеуметтік желі арқылы оқырмандарымен суық хабарын бөлісті.

«Енді кімге еркелеймін» деп бір ауыз жазба қалдырды әнші.

«Аяулы ана, қимас бауыр, немересінің сүйікті әжесі, Ысық Құрман келіні, Қанаев Амандос зайыбы, руы Әлім Төртқара Еспусунова Гүлзада Жақсылыққызы өмірден озды», – деп жаназаға шақыру қағазын жария етті.

Жаназасы бүгін Атырау облысы Құлсары қаласында өтті.  

Бқған дейін блогер Жұлдыз Жауынбаева әлеуметтік желідегі парақшасына әнші Нұрболат Қанай екеуінің видеосын бөліскен еді.

Қазақстандық лоукостер Батумиге жазғы рейстер санын көбейтеді. Алдағы уақытта Астанадан Грузия қаласына қатынайтын әуе рейстері аптасына үш мәрте ұшатын болады.

«2026 жылғы 25 маусымнан бастап рейстер жиілігі аптасына үш ретке дейін көбейеді: сейсенбі, бейсенбі және сенбі күндері. Бұған дейін рейстер аптасына екі рет жоспарланған еді», – делінген FlyArystan хабарламасында.

Қазақстан астанасынан Батумиге дейінгі маусымдық бағыт бойынша 29 тамызға дейінгі ұшу күндеріне әуебилеттерін FlyArystan мобильді қосымшасы немесе www.flyarystan.com ресми сайты арқылы брондауға болады.

Стандартты тарифке ұшақ бортындағы кездейсоқ орын, сондай-ақ салмағы 7 кг-ға дейін және өлшемдері 56 × 23 × 36 см болатын бір...

Наурыз мерекесінде «Шу – Тараз» бағытына қосымша электр пойыздар іске қосылады. Электр пойыз 21, 22, 23, 28, 29 және 30 наурыз күндері қатынайды. Бұл туралы «Жолаушылар тасымалы» АҚ баспасөз қызметі хабарлады.

Мейрам күндері жолаушылар қарасы қалың болады, сол себепті қосымша пойыздарды іске қосу туралы шешім қабылданған.

Қозғалыс кестесі:

Шу станциясынан:
• жөнелту – 05:00
• Тараз станциясына келу – 08:41

Тараз станциясынан:
• жөнелту – 12:40
• Шу станциясына келу – 16:22

Электр пойызда жалпы 352 отыратын орын бар. Электр пойызының құрамы 2 және 3 класты 4 вагоннан тұрады.

Жол жүру құны:

• 2 класс – 3562 теңге
• 3 класс...

2025 жылдың қорытындысы бойынша құрылыс саласы Қазақстан экономикасының негізгі драйверінің бірі ретіндегі орнын нығайтты. Сектордың өсу қарқыны 15,9%-ды құрап, өзге салалар арасындағы ең жоғары көрсеткіштердің бірін көрсетті. Finprom.kz сарапшыларының жазуынша бұл динамика құрылыс саласының жалпы ішкі өнімдегі (ЖІӨ) үлесінің 6,1%-ға (9,6 трлн теңге) жетуіне негіз болды.

Рақымбаевтың компаниясы көш бастады

Құрылыс секторы мемлекеттік бюджеттің қалыптасуына айтарлықтай үлес қосатын донор сала саналады. 2025 жылы саланың 26 ірі кәсіпорны бюджетке 312 млрд теңгеден астам салық төлеген. Бұл өткен жылғы көрсеткіштен 10%-ға жоғары.

Салық аударымдар көлемі бойынша BI Group холдингі өзге қатысушылардан айтарлықтай озып...

Бүгін, 16 наурыз күні түнде, сағат 01:30-да Астана халықаралық әуежайында Паралимпиада чемпионын салтанатты түрде күтіп алу рәсімі өтеді. Ербол Хамитовты құттықтауға спорт сүйер қауым, туған-туыстары мен БАҚ өкілдері жиналмақ.

Италияда өткен 2026 жылғы Паралимпиада ойындарында қазақстандық спортшы Ербол Хамитов тарихи жеңіске жетті. Биатлоннан 4,5 шақырымдық спринт-пасьют жарысында қарсыластарынан оза шауып, алтын медаль иеленген чемпион бүгін түнде Астанаға қонады.

Еске сала кетейік, бұған дейін чемпионды Қасым-Жомарт Тоқаев құттықтаған еді. Сондай-ақ, кәсіпкер Нұрлан Смағұлов көлік сыйлайтынын айтқан еді.

Иранның қатысуымен болып жатқан қақтығыс Сауд Арабиясы, Біріккен Араб Әмірліктері және Қатар сияқты Парсы шығанағы елдерінің экономикалық тұрақтылығына айтарлықтай қауіп төндіріп тұр. Goldman Sachs экономисі Фарук Суссаның айтуынша, Ормұз бұғазының екі айға жабылуына әкеп соғатын ұзаққа созылған қақтығыс ауыр экономикалық құлдырауға себеп болуы мүмкін.

Егер қақтығыс сәуір айына дейін жалғасса, Қатар мен Кувейттің жалпы ішкі өнімі (ЖІӨ) 14%-ға қысқаруы ықтимал. Businesstimes хабарлауынша, бұл 1990-шы жылдардың басындағы Ирактың Кувейтке басып кіруі мен Парсы шығанағындағы соғыстан кейінгі ең ауыр экономикалық дағдарыс болмақ.

Сауд Арабиясы мен БАӘ елдерінің экономикасына зардап келмек

Сауд Арабиясы мен БАӘ мұнай ағындарын басқа бағыттарға бұруға...

Белгілі кәсіпкер және әнші, Мәжіліс депутаты Дәулет Тұрлыхановтың інісі Рахат Тұрлыханов Алматыда қайтадан полиция бөліміне жеткізілді. Оған тағы да «отбасылық жанжал шығарып, жұбайына қол көтерді» деген айып тағылып отыр.

Оқиға қалай болды?

Алматы қалалық Полиция департаментінің мәліметінше, Медеу ауданында орын алған отбасылық жанжал бойынша шақырту түскен. Оқиға орнына жеткен тәртіп сақшылары жанжалға қатысушыларды аудандық басқармаға жеткізді.

Бұл бірінші рет емес

Рахат...