Жаңалықтар

Қазақстанда АЭС құрылысы әлі басталған жоқ. Нысанның құрылысы басталмас бұрын міндетті түрде қоршаған ортаға әсерін бағалау шаралары жүргізіледі. Егер жобаның экологияға кері әсері анықталса, құрылыс жұмыстарына рұқсат берілмейді. Бұл туралы Экология және табиғи ресурстар вице-министрі Жомарт Әлиев айтты.

Вице-министрдің түсіндіруінше, АЭС-ті салмас бұрын оның жобасы толықтай зерделеніп, ықтимал теріс әсерлердің барлық деңгейі мен оның алдын алу шаралары анықталады.

«Егер АЭС-тің экологияға кері әсері бары анықталса, құрылыс басталмайды. Жобалық шешімдер заң талаптарына сәйкес келмеген жағдайда, біз рұқсат бермейміз», – деді Жомарт Әлиев.

Қазір жоба қай сатыда тұр?

Бүгінгі таңда Қазақстанда төрт АЭС салу мүмкіндігі қарастырылып...

Қазақстанға мемлекеттік сапармен келген Ресей Федерациясының президенті Владимир Путинді Қасым-Жомарт Тоқаев Тәуелсіздік сарайында салтанатты түрде қарсы алды.

Алдымен  екі ел басшылары бір-біріне ресми делегация мүшелерін таныстырды. Бұл жолы Ресей тарапы үлкен делегациямен келді. Үкімет мүшелерінің құрамында 30-дан аса адам бар, одан бөлек жүздеген ресейлік журналистер де тіркелді.

Мемлекет басшыларына құрмет қарауылының бастығы рапорт берді. Президент оркестрі екі елдің мемлекеттік Әнұранын орындады. Қазақстан делегациясының құрамында да үкімет мүшелері, облыс басшылары толық болды.

Салтанатты рәсімнен кейін екі мемлекет басшысы келіссөз залына өтті.

Келіссөздер барысында мемлекет басшылары Қазақстан мен Ресей арасындағы стратегиялық серіктестік пен одақтастық байланыстардың қазіргі ахуалы және оны одан әрі дамыту...

28 мамырда түскі сағат 11:30-да Қазақстан қор биржасында (KASE) 1 доллар 485 теңге болды. АҚШ валютасы қазір 485 теңгеден жоғары бағаға сатылып жатыр.

Екі күн бұрын KASE-дегі валюта саудасы 480,20 теңгемен жабылған. Қазақстан 27 мамырда Құрбан айт мерекесіне орай демалып, сәрсенбіде биржа жұмыс істеген жоқ. Енді бүгін, айттың екінші күні, доллар шамамен 5 теңгеге қымбаттағанын көріп отырмыз. Айта кетейік, сәуірдің аяғында көк қағаз құны 457 теңгеге дейін түсіп кеткен. Алайда тура бір айдың ішінде доллар шамамен 30 теңгеге нығайып үлгерді.

Елдегі екінші деңгейлі банктер долларды 484-485 теңге аралығында саудалай бастады. Ал ақша айырбастайтын мекемелер көк қағазды 485 теңгеден...

Мәжілісте депутаттар Кәсіпкерлік кодекске енгізілетін өзгерістерді талқылады. Заңның бизнесті тексеруге қатысты тұсына келгенде, депутаттар қызыл кеңірдек болып «бір-бірін кәсіпорындар мүддесін қорғаған лоббист» деуге дейін барды

«Ақ жол» партиясының төрағасы Азат Перуашев заң жобасындағы Экологиялық бақылауды шығару туралы 129 бапқа және басқа баптардағы тексеру тәртібін өзгеру туралы ұсыныстарға қарсы шықты. Ол бұл өзгерістерден кейін бизнесті тексеру күшейіп, негізсіз жүктеме түсіреді деп есептейді.

«Бір кәсіпкерге 40 тексерушіден келеді… Сонда қай уақытта жұмыс істеп, өнім шығарып, мемлекетке салық төлейді? Ұлттық экономиканы дамыту мен инвестиция тарту артқа қалып жатыр. Ал шенеуніктердің мүддесі мен құзыреті бірінші орынға шығып жатыр...

Бүгін Ирандағы соғысқа тура үш ай толды. АҚШ пен Израиль күштері Парсы шығанағындағы осы елді 2026 жылғы 28 ақпанда атқылаған. Артынша Тегеран Таяу Шығыс елдеріндегі америкалық базалар мен Израильге соққы беріп, әскери операция соғысқа ұласқан.

Иран дрондарын атып түсірген

Содан бері үш ай өтсе де, әлемнің оннан астам елін қамтыған әскери жанжал тоқтар емес. 28 мамырда Құрама Штаттар Ормұз бұғазындағы нысандарды атқылады. Америкалық шенеунік әскер мен коммерциялық көліктерге қауіп төндірген нысандарls көздегенін мәлімдеп отыр. Бұл туралы CNN хабарлады.

АҚШ бұған қоса Иранның төрт дронын атып түсіргенін мәлімдеді. Сонымен бірге Иранның Бандар-Аббас портындағы құрлықта басқару бекетіне соққы жасалған.

Қазақ эстрадасының жарық жұлдызы, Қазақстанның Халық әртісі Роза Рымбаева мерейтойлық концертінде жас әнші Баянсұлумен бірге ән айтып, ерекше тарту жасады. Әнші өзінің сахналық қызыл көйлегін жас талантқа естелік ретінде табыстады.

Бала күнгі арман

Баянсұлу өзінің әлеуметтік желідегі парақшасында балалық шағындағы естеліктерімен бөлісіп, Роза Рымбаевамен бір сахнада өнер көрсету ата-анасының да үлкен арманы болғанын жазды.

«Бала кезде ауылда ата-әжем, анам, әкем Роза Рымбаеваны телевизордан көріп, тамсанып, «менің де қызым ертең Роза сияқты мықты әнші болады» деп айтатын. Ал бүгін Роза ханымның 50 жылдық концертінде, бір сахнада тұрып бірге ән айту бұйрыпты. Аман болыңыз, аңыз адам...

Жетім балалар үшін баспана алуға қажетті үш жылдық тіркеуде тұру талабы жойылды. Бұл туралы Премьер-министр Олжас Бектенов сенатор Андрей Лукиннің сауалына берген жауабында айтты.

Сенатор өз сауалында жетім балалар мен ата-анасының қамқорлығынсыз қалған балаларды баспанамен қамтамасыз ету мәселесін көтерген болатын.

Олжас Бектеновтің айтуынша, жетім балалардың коммуналдық тұрғын үй қорынан немесе жергілікті атқарушы орган жеке тұрғын үй қорынан жалдаған баспананы бірінші кезекте алуға құқығы бар.

«Жетім балаларды есепке қою үшін республикалық маңызы бар қалалар мен Астанада үш жылдық тіркелуінің болуы туралы талап жойылды. Бір облыс шегінде тұрғылықты жері өзгерген жағдайда, олардың есепке тұрған бастапқы күні сақталады...

Ол шұғыл түрде Ұлттық шұғыл медицинаны үйлестіру орталығына жатқызылды. Қазір жансақтау бөлімінде жатыр.

Құқық қорғаушы Инга Иманбайдың айтуынша, Түркияда ұзақ уақыт ем қабылдағаннан кейін Ербаянның жағдайы жақсарған. Алайда кейін денсаулығы қайта нашарлаған. Туыстары оның қазіргі жағдайы туралы толық ақпарат ала алмай отырғандарын мәлімдеді.

Ербаян Мұхтар Алматы қаласындағы Ұлттық ұланының 5571 әскери бөлімінде мерзімді әскери қызмет өткерген. 2023 жылдың желтоқсанында ол ауыр бас-ми жарақатын алып, комаға түскен.

Әскери бөлім басшылығы сарбаздың туыстарына Ербаянның «дәретханада құлап, басын плиткаға соғып алғанын» айтқан. Алайда ауруханаға түскен кезде дәрігерлер оған мидың ауыр жарақаты, жедел субдуралды гематома, шүйде сүйегінің сынуы және өзге де ауыр жарақаттар диагнозын...

«Қазгидромет» РМК жұмысына реформа жасап, өз бетінше табыс табуына жағдай жасау керек. Ұлттық гидрологиялық орталық қызметі бюджетке салмақ түсіріп отыр. Мәжілісте Экологиялық мәселелерге қатысты заң жобасын таныстырған депутат Еділ Жаңбыршин осындай мәлімдеме жасады.

«Қазіргі уақытта «Қазгидромет» РМК қызметтерінің басым бөлігі мемлекеттік монополия аясында жүзеге асырылады. Бұл ауа райы болжамдарына, арнайы ақпараттық қызметтерге және ғылыми-зерттеу жұмыстарына қатысты. Мұндай модель бәсекелестікті шектейді және бюджет қаражатының өз бетінше табыс әкеле алатын бағыттарға жұмсалуына әкеп соғады», – деп мәлімдеді депутат.

Ол «Қазгидрометтің» халық пен мемлекеттің қауіпсіздігі үшін стратегиялық маңызы бар қызметтер, сондай-ақ жалпы мемлекеттік және халықаралы...

Астананың барлық білім беру ұйымы 27 мамырдан бастап бірінші сыныпқа құжат қабылдауды бастады.

Елорда әкімдігінің баспасөз қызметі мәлімдегендей, құжаттарды өткізу офлайн және онлайн форматта жүзеге асырылады.

«Онлайн қабылдау жүйесі штаттық режимде жұмыс істеп тұр», – делінген хабарламада.

1-сыныпқа бару үшін қандай құжаттар қажет?

Еске сала кетейік, Астана қаласы бойынша құжаттарды қабылдау 31 тамызға дейін жалғасады.

Өңірлер бойынша құжат қабылдау кестесі

10 маусым – 31 тамыз аралығында: Алматы қаласы, Ақмола, Ақтөбе, Жамбыл және...

Алматыда түнгі ойын-сауық орындарын бақылау күшейтілді. Мақсат – кәмелетке толмағандар арасындағы құқықбұзушылықтың алдын алу.  

Polisia.kz хабарлауынша, тексеру барысында Медеу ауданындағы түнгі клубтардың бірінде заңды өкілдерінсіз, жеке жүрген екі жасөспірімді анықтады.

Осы дерек бойынша жасөспірімдердің ата-аналарына кәмелетке толмағандарды тәрбиелеу міндеттерін тиісінше орындамағаны үшін әкімшілік хаттама толтырылды. Сонымен қатар, жасөспірімдерді кіргізгені үшін жеке кәсіпкер де жауапкершілікке тартылды.

Сот шешімімен түнгі клубтың қызметі уақытша тоқтатылды.

«Біз ойын-сауық орындарының иелеріне кәмелетке толмағандардың түнгі уақытта мұндай орындарда болуына жол берілмейтінін бірнеше рет ескерттік. Алайда кейбір кәсіпкерлер заң талаптарын елемеуді жалғастырып келеді. Әрбір осындай заңбұзушылық қатаң әрі бұлтартпас жауапкершілікке...

Қоғамдық орында бет-жүзін тұмшалап алған 1179 адам әкімшілік жауапқа тартылды. Бұл туралы ІІМ хабарлайды.

Әкімшілік құқық бұзушылық туралы кодекс бойынша, алғашында заң бұзғандарға ескерту беріледі. Егер бір жыл ішінде қайталанса 10 АЕК көлемінде айыппұл салынады.

«Бұл норма «Құқық бұзушылық профилактикасы» заңының 75-бабы 3-тармағында көзделген. Адамның түр-сипатын көзбен тануға кедергі келтіретіндей дәрежеде бетті жабатын киімдерді кию құқық бұзушылық болып саналады. Тыйым ауа райы жағдайларына және медициналық ұсынымдарға қатысты қолданылмайды. Сондай-ақ қызметтік міндеттерді атқару, спорттық және мәдени іс-шараларға қатысу кезінде де тыйым салынбайды», – деп ескертеді ведомстводан.

Еске салайық, былтыр жазда Қасым-Жомарт Тоқаев қоғамдық орындарда...

Ақтөбе облысында мектеп оқушысы абайсызда жанармай ішіп қойды. Ол мектеп жертөлесіне түсіп, белгісіз сұйықтық құйылған құтыны тауып алып, дәмін татқан деп жазады «Диапазон» басылымы.

Мұғалім баладан бензин иісі шығып тұрғанын байқап, сұрақтың астына алғанда, оқушы болған жағдайды айтып берген. Бала сабақтың соңына дейін мектепте болып, бірақ үйге келгенде құса бастаған. Анасы ұлын бірден ауруханаға апарады. Онда баланың асқазанын тазалап, облыстық балалар клиникалық ауруханасына жолдаған. Оқушы қажетті ем қабылдап, қазір ауруханадан шықты.

Білім басқармасы Қобда ауданында 7 жастағы баланың байқаусызда бензин иісі бар сұйықтықты ішіп қойып, ауруханаға түскенін растады. Қазір оқушының жағдайы жақсы, өміріне қауіп төніп тұрған жоқ. Білім...

Англияның Кристал Пэлас клубы Конференция лигасының жеңімпазы атанды. Лейпцигте өткен финалдық ойында ағылшындар испаниялық Райо Вальеканомен кездесті.

Бірінші таймнан кейін ойын біршама жандана түсті. Әсіресе, Адам Уортонның соққысынан кейін француз Жан-Филипп Матета аргентиналық қақпашы Аугусто Батальяның қайтарған добын қақпаға дәл бағыттап, есеп ашқаннан кейін кездесу қыза түсті.

Есепті еселейтін бір-екі мүмкіндікті мүлт жіберген ағылшындар ойын қарқынын бәсеңдетіп, лайықты жеңіске жетті. Лондондықтардың бапкері Оливер Гласнер 2025 жылғы Англия Кубогы мен өткен жылғы Суперкубоктан кейін командамен бірге үшінші трофейіне қол жеткізді.

30 мамырда Будапештте Чемпиондар лигасының «ПСЖ» – «Арсенал» арасындағы финалдық кездесуі өтеді. Тағы бір лондондық клуб осы маусымда Англияға үшінш...

Қазақстанда Атом электр станциясының құрылысы 2027 жылы басталып, 2030 жылы аяқталады. «Росатом» басшысы Алексей Лихачев осылай деп мәлімдеді.

Оның айтуынша, Балқаш АЭС-і құрылысының мерзімі мен құны туралы келісімге Ресей президенті Владимир Путиннің Астанаға сапары барысында қол қойылады. Путин сәрсенбі, 27 мамыр күні мемлекеттік сапармен Қазақстанға келген.

Бұған қоса, «Росатом» Қазақстанда салынатын екінші АЭС құрылысына да қатысқысы келеді. Қазақстан оның құрылысын Қытай ұлттық аядролық корпорациясы (CNNC) жүргізетінін мақұлдаған.

«Бізге Қазақстанның екінші электр станциясына қатысты шешімі туралы ресми түрде хабарлаған жоқ. Осындай мәлімет ала салысымен, бәлкім, жақын уақытта біз бірден келіссөздерге кірісіп кететін шығармыз», – деген...

Әлемнің екінші ракеткасы, қазақстандық теннисші Елена Рыбакина Roland Garos турнирінің алғашқы кезеңінде–ақ жарыс жолынан шығып қалды.

Камбэк пен шиеленіске толы өткен тартысты кездесуде Рыбакина Украина өкілі Юлия Стародубцеваға (WTA рейтингінде 55-орын) есе жіберді. Үш сетке созылған матч 2:1 (3:6, 6:1, 7:6) есебімен украиналық теннисшінің пайдасына аяқталды.

Матч қалай өтті?

1-ші сетте Елена Рыбакина ойынды сенімді бастап, 6:3 есебімен алға шықты. 2-ші сетте Стародубцева корттағы басымдықты өз қолына алып, 1:6 есебімен жауап қайтарды. 3-ші сетте Стародубцева басында екі брейкпен 0:3 есебімен алға шыққан еді. Алайда отандасымыз таразы басын теңестіре алды. Дегенмен матч тағдыры шешілген тай-брейкте украиналық спортшы...

Астана әуежайында Ресей Федерациясының Президенті Владимир Путинді Қасым-Жомарт Тоқаев салтанатты түрде қарсы алды.

Ресей Президентінің ұшағы еліміздің әуе шекарасына енген сәттен бастап, Астана әуежайына қонғанға дейін ерекше құрмет көрсетілді. Қазақстан Республикасы Әуе қорғанысы күштерінің жойғыш ұшақтары қонақтың бортының қапталында ілесе ұшып, қауіпсіздік пен қошеметті қамтамасыз етті.

Салтанатты қарсы алу рәсімі

Ұшақ трапының алдында мәртебелі мейманды күтіп алу үшін Құрмет қарауылы ротасы сап түзеді. Екі елдің мемлекеттік туларын ұстаған балалар мен Махамбет Өтемісов атындағы Оқушылар сарайының барабаншылар тобы Владимир Путин мен ресми делегация мүшелеріне ерекше ықыласпен қошемет көрсетті.

Салтанатты шараның соңында аспанда Қазақстан мен Ресейдің мемлекеттік туларын желбіреткен тікұшақтар ала...

Олимпиада чемпионы Михаил Шайдоров Миландағы жетістігінен кейінгі бес айда жалақы алмаған. Мәнерлеп сырғанаушы Тимур Балымбетовке берген сұхбатында осылай деп мәлімдеді.

Еңбегімді бағаламау деп қабылдадым

«Жас чемпион кімнің жолын кесті?» деп аталатын подкаста Михаил Шайдоров басшылыққа ұнамай қалғанын ашып айтты.

«Айлығым туралы мәліметті көпшілікке жайып салған уақытта, мен де соған қатысты пікірімді жарияладым. Менің еңбегімді сыйламау деп қабылдадым. Өйткені жалғыз менің ғана айлығымды көрсеткен. Сол арқылы менің отбасымның еңбегін жоққа шығаруға тырысқан. Өздерінің осы медальға қосқан үлесін паш еткісі келген», – дейді Шайдоров.

Естеріңізге сала кетейік, 2026 жылғы 20 ақпанда Туризм және спорт министрлігі Шайдоровты...

Синоптиктер 28 мамырға дауылды ескерту жариялады. Кейбір өңірлерде өрт қаупі болса, кейбір өңірлерде жауын-шашын болады.

Болжам бойынша, Қазақстанның бірқатар өңірінде жаңбыр, найзағай, бұршақ, дауыл және екпінді жел күтіледі.

Кей жерлерде желдің жылдамдығы секундына 23-28 метрге дейін жетуі мүмкін.

Ақтөбе облысы, Атырау облысы, Қызылорда облысы, Алматы облысы, Павлодар облысы, Шығыс Қазақстан облысы, Абай облысы, Жамбыл облысы, Жетісу облысы, Қостанай облысы, Түркістан облысы, Маңғыстау облысы, Солтүстік Қазақстан облысы және Ақмола облысында жоғары және төтенше өрт қаупі сақталады.

Астана, Алматы, Шымкент, Тараз, Павлодар, Өскемен, Қостанай және өзге қалаларда жаңбыр мен найзағай күтіледі. Кей өңірлерде бұршақ пен шаңды дауыл болуы мүмкін.

Мұның алданда Қазақстанны...

Энергетика министрі Ерлан Ақкенженов Астанада КҚК бас директоры Николай Горбаньмен жұмыс кездесуін өткізді.

Ақжайық ақпаратына қарағанда, кездесу барысында консорциумның 2025 жылғы жұмысының қорытындылары мен алдағы даму жоспарлары талқыланды. Компания биыл теңіз терминалы арқылы шамамен 72 млн тонна мұнай тиеуді жоспарлап отыр.

Тараптар Теңіз – Новороссийск жүйесі арқылы мұнай өндіру перспективаларын және мұнай айдау өтінімдерін орындау мәселесін қарастырды. КҚК мәліметінше, бұл акционерлерге төленетін дивидендтер мен салық көлеміне тікелей әсер етеді.

2025 жылы КТК-К Қазақстан аумағында шамамен 100,9 млн доллар көлемінде салық төлеген. Ал қазақстандық акционерлерге КТК-Р және КТК-К арқылы 272,9 млн доллар дивиденд берілген.

Кездесуде КҚК теңіз терминалындағы екі қашықтағы...

NASA Айдағы болашақ база астронавтарды ұзақ уақыт орналастыруға арналған тұрақты тұрғын модульдер жасамақ.

NASA болжамынша, ол 2030-жылдарға қарай толық дайын болуы мүмкін.

АҚШ ғарыш агенттігінің жаңартылған жоспарына сәйкес, 2029 жылдан бастап 2030-жылдардың басына дейін базаға арналған тұрақты инфрақұрылым, оның ішінде энергиямен қамтамасыз ету жүйелері салына бастайды.

Artemis бағдарламасы аясында екі астронавттың Ай бетіне қонуы 2028 жылға жоспарланған. Осы уақытқа дейін қажетті техника мен жабдықтың бір бөлігі қону модульдері арқылы Айға жеткізіледі.

Ал 2027 жылы Artemis III пилоттық миссиясы жүзеге асырылып, Жер орбитасында ғарыш кемесінің қону модульдерімен түйісуі сыналады.

NASA Ай базасына арналған қону модульдерін, луноходтар мен дрондарды әзірлеу...

Атырау облысында 28 мамыр күні сағат 11:00-де дабыл іске қосылады. Бұл туралы өңірлік Төтенше жағдайлар департаменті хабарлады.

Ақ жайық мәліметінше, сиренаны қосу республикалық «ӨРТ-2026» командалық-штабтық оқу-жаттығулары аясында жоспарланған.

«Баршаның назарына!» сигналы берілген кезде облыс тұрғындары мен қонақтарын сабыр сақтап, үрейге бой алдырмауға шақырды.

Департамент сиреналардың қосылуы жоспарлы түрде өтетінін және оқу-жаттығумен байланысты екенін атап өтті.

Айта кететін жайт, 14-мамырда Алматыда сейсмикалық жаттығу өтіп, дабыл қағылды. 

Президент Қасым-Жомарт Тоқаевтың атына Құрбан айт мерекесіне орай шет мемлекеттердің басшылары мен халықаралық ұйымдардың жетекшілерінен құттықтау хаттары келіп түсіп жатыр.

Ақорданың хабарлауынша, Өзбекстан Президенті Шавкат Мирзиёев Құрбан айт тарихы мен тілі, діні мен дәстүрі ортақ халықтар арасындағы бауырластықты одан әрі нығайта түсетінін атап өткен.

«Бірлескен күш-жігердің нәтижесінде екі елдің стратегиялық серіктестігі мен одақтастығы беки түсетініне сенімдімін», – делінген жеделхатта.

Қырғызстан Президенті Садыр Жапаров Құрбан айтты рухани тазарудың, қайырымдылық пен ынтымақтастықтың белгісі ретінде сипаттаған.

«Бұл қастерлі мейрам тарихтан тамыр тартатын достығымызды, бауырластығымызды, халықтарымыз арасындағы өзара құрметті арттыра беретініне сенімім мол», – деп...

Әлеуметтік желілерде Қазақстанның тұңғыш президенті Нұрсұлтан Назарбаевтың аурухана төсегінде жатқан суреті тарады.

Алайда қолданушылар мен фактчекерлер оның шынайылығына күмән келтірді.

Instagram-да жарияланған суретте Назарбаев аурухана кереуетінде, қасында дәрігер тұрғаны көрінеді. Кадрда 2026 жылғы 23 мамыр деген белгі де болған.

Желі қолданушылары пікірде екіге бөлінді. Бірі суретті жалған десе, енді бірі экс-президентке сын айтты. Ал тағы бір бөлігі сауығып кетуін тілеген.

Кейін суреттің жасанды интеллект көмегімен жасалғаны анықталды. Кадрдың төменгі бұрышында Gemini логотипі байқалған. Сонымен қатар суретте мәтіндердің бұрмалануы мен жасанды генерацияға тән қателер көрінген.

Кейін Factcheck.kz журналистері де суреттің жалған екенін растады.

Нұрсұлтан Назарбаев соңғы рет 15 наурыз күні жаңа...