Жаңалықтар

Президент Қасым-Жомарт Тоқаев Орталық сайлау комиссиясында бірнеше адамды қызметінен босатып, орнына Азамат Айманақұмов пен Михаил Бортник қойды. Сенат депутаттары да бір адамды қызметінен алып, орнына Ләззат Сүйіндікті тағайындады.

Ақорда ақпаратына сүйенсек, Сәбила Мұстафина мен Константин Петров қызметінен босатылған. Мұстафина комиссияда 2021 жылдан, Петров 2016 жылдан бері қызмет етіп келген. Сенат 2019 жылдан комиисия мүшесі болған Анастасия Щегорцованы жұмысын босатты.

Жаңа босаған орындарға Азамат Айманақұмов, Михаил Бортник пен Ләззат Сүйіндік тағайындалды. Айманақұмов туралы аз мәлімет бар. ОСК сайтында оның Атырау облыстық сайлау комиссиясының төрағасы болғаны көрсетілген. Бортник Ақтау әкімінің орынбасары, Маңғыстау облысы әкімінің орынбасары, Есеп комитетінің мүшесі, Жоғары аудиторлық палатаны...

Ресейдің АКРА агенттігі 2024 жылы Қазақстан экономикасы 3,8%-ға өседі деп болжайды. Бұл өткен жылғы көрсеткіштен әлдеқайда төмен. Яғни осы жылы Қазақстан экономикасы баяулаған.

АКРА мәліметіне сәйкес, экономиканың баяулауына өндіруші сектордағы белсенділіктің төмендеуі себеп болған. Экономикасы шикізат экспортына тәуелді Қазақстанда биыл көмірсутек аз өндірілген. Мұнай өндіру көлемінің төмендеуімен қатар АКРА негізгі капиталға инвестициялардың азайып кетуін де экономиканың баяулауына әсер ететін фактор ретінде атаған.

Жалпы, Қазақстан үкіметі ЖІӨ көлемін 6%-ға жеткізуді жоспарлаған. Алайда сарапшылар бұл көрсеткішке жету мүмкін емес деп санайды. АКРА болжамына сәйкес Қазақстан экономикасы 2024 жылы 3,8%-ға, 2025 жылы 4,2%-ға, 2026 жылы 4%-ға, 2027 жылы 3,9%-ға өсед...

Германия федеративті республикасының канцлері Олаф Шольц өзі құрған үкіметке қатысты сенім мәселесін Бундестаг (ел парламенті) талқылауына шығармақ. Депутаттар 15 қаңтарда Үкіметті қайта құруға қатысты дауыс береді.

Елдегі Социал-демократиялық партия, Еркін демократиялық партия және «Жасылдар» партиясынан тұратын құрылған Үкімет басқару коалициясы ыдырады. 

Олаф Шольцтің айтуынша, вице-канцлер Роберт Хабекпен ақылдасып, Үкіметке сенім өнеркәсіпті қолдау, зейнетақы көлемін тұрақтандыру шараларын талап ететін барлық заң жобаларын депутаттар талдауына шығаруға келіскен.

6 қараша Шольц Еркін демократиялық партияның төрағасы Кристиан Линднерді қаржы министрі қызметінен босатқан. Линднер Шольцты басқару коалициясының күйреуіне айыптаған. 

Коалиция мүшелері ұзақ уақыт бойы экономикалық, қаржылық және әлеуметтік саясат мәселелері бойынша қайшылықтарға тап болған...

Қазақстанның дала экожүйелерін қорғауға бағытталған «Алтын Дала» бастамасы 2024 жылы The Earthshot Prize сыйлығының «Табиғатты қорғау және қалпына келтіру» номинациясында жеңіске жетті. Бұл туралы Экология және табиғи ресурстар министрлігі хабарлады.

Министрліктің мәліметінше, бұл марапат Қазақстанда киіктердің санын қалпына келтіру мен табиғи қорық аумақтарын кеңейтудегі ерекше жетістіктері үшін берілді.

«Алтын Дала» бағдарламасы 2005 жылы Қазақстан Республикасы Экология және табиғи ресурстар министрлігі, Қазақстан биоәртүрлілікті сақтау қауымдастығы (АСБК), «Fauna & Flora International», Франкфурт зоологиялық қоғамы (FZS) және Корольдік құстарды қорғау қоғамының (RSPB) ұзақ мерзімді серіктестігі ретінде құрылған. Бұл серіктестіктің басты мақсаты – Қазақстанның далаларын сақтау және киік популяциясын қалпына келтіру.

Жоба аясында...

Дональд Трамптың «Ақ үйге» қайта оралуының салдары қандай болмақ? Үндістан мен Жапония акциялары өсіп, Қытай индекстері керісінше төмендеп жатыр. Инфляцияның өсуіне бәс тіккен инвесторлар облигациялар кірісін арттыра түсті. ФРЖ-нің болашағы белгісіз, себебі Трамп Джером Пауэллды төрағалықтан тайдыру үшін реформалар жүргізуі мүмкін. 

Трамптың жеңісінен кейін облигациялар кірісі арта түсті

Дональд Трамп президент сайлауында жеңіске жеткеннен кейін сәрсенбі күні АҚШ қазынашылық облигацияларының кірістілігі өсті. Себебі инвесторлар инфляцияның өсетініне сенеді, деп хабарлады Bloomberg.

Әсіресе 30 жылдық облигациялар қымбаттады, олардың кірістілігі 24 базистік тармаққа өсіп, 4,68%-ға жетті. 10 жылдық облигациялар кірістілігі де 21 базистік тармаққа көтеріліп, 4,48%-ды құрады. Бұл 2024 жылғы шілдеден бергі ең жоғары көрсеткіш. «

«Облигациялар нарығы...

АҚШ президенті Джо Байден вице-президент Камала Харристің президент сайлауында Дональд Трампқа есе жіберуінің басты себебі уақыттың таяз болуы деп түсіндірді.

Байденнің айтуынша, Харрис «төтенше жағдайларда» үгіт-насихат жарысына кіріп, науқанда «амекарилықтардың күшті моральдық компасына айналып, олардың айқын көзқарасын» қорғай білген. Президент өзінің де, Камала Харристің де Дональд Трампты жеңісімен құттықтағандарын атап өтті.

«Ол төтенше жағдай кезінде америкалықтардың күшті моральдық компасына айналып, елдің айқын көзқарасы қорғап, еркін, әділ және үлкен мүмкіндіктерге толы тарихи науқанды жүргізді», — деп атап өтті ол.

Демократиялық партия кандидаты бастапқыда Байден болған. Бірақ ол өз сәтсіздіктерінен кейін Харриске жол берген. Ол сайлауға...

Әлемдік рейтингте 5-орында тұрған қазақстандық теннисші Елена Рыбакина Сауд Арабиясында өтіп жатқан WTA «қорытынды турнирі» аясында Беларусь теннисшісі Арина Соболенкомен кездесіп, 6:4, 3:6, 6:1 есебімен жеңіске жетті. Бұл туралы Қазақстан федерациясы хабарлады. Алайда, бұл ойында жеңіске жеткенімен, алдыңғы екі кездесуде жеңілген Рыбакина ары қарай топтан шыға алмады.

Еленаның соңғы екі маусымдағы жетістіктері ерекше атап өтуге тұрарлық. Осы кезеңде ол әлемдік рейтингтің көшбасшыларын алты мәрте жеңіп шықты:

Ига Швёнтек – Australian Open 2023;
Ига Швёнтек – Индиан Уэллс 2023;
Ига Швёнтек – Рим 2023;
Арина Соболенко – Пекин 2023;
Ига Швёнтек – Штутгарт 2024;
Арина Соболенко – Эр-Рияд 2024.

2024 жылғы маусым қорытындысы бойынша, Рыбакина...

7 қарашада Астанада ауа райының күрт құбылып, қатты жел тұруына байланысты 0-7 сынып оқушылары қашықтан оқитын болды.

«2024 жылғы 7 қараша күні ауа райының қолайсыздығына байланысты бірінші ауысымның 0-7 сынып оқушылары қашықтан оқыту форматына ауыстырылады», – делінген елорда білім басқармасының хабарламасында.

Басқарма ақпаратына сүйенсек, бұл тек бір күнге ғана арналған кесте. Алдағы күндері оқу форматы қандай болатыны туралы нақты ақпарат берілмеген.

Білім басқармасы сағат 11.00 шамасында 9 сыныпқа дейінгі оқушылардың да сабағы қашықтан оқытуға ауыстырылғанын хабарлады.

Айта кетейік, 6 қарашада желдің қатты соғуына байланысты елордада сабақ болатын уақыт қысқарған. Яғни оқушылар бір сабақта тек...

Алматыдан Ташкентке және Екатеринбургке апаратын республикалық маңызы бар жолдардың кей аймақтары уақытша жабылған. Бұл туралы ҚазАвтожол хабарлады.

Ақпаратқа сүйенсек, Алматы-Ташкент-Термез автожолының Жамбыл облысы Айша бибі ауылынан Түркістан облысы Тұрар Рысқұлов ауылына дейінгі аймақ уақытша жабық болған. Ауа райына байланысты жабылған жолды жұмысшылар таңға жуық қана аша алған.

Ақмола облысы төтенше жағдайлар департаментінің хабарлауынша, ауа райының құбылуына байланысты Алматы-Екатеринбург жолында 108 шақырым жол жабылған. Атбасар қаласынан Жылтыр кентіне дейінгі жолды арнайы техникамен тазалап, түнде екі сағатқа жабылған. Қазір жол ашылды.

Қарағанды облысының шекарасынан Жібек жолына дейінгі жол түні бойы жабық тұрған. Астана қаласынан Павлодар облысына апаратын жол да ауа...

Air Astana әуе компаниясы Астанадан ұшатын рейстер кейінге қалдырылуы мүмкін екенін ескертті. Жел салдарынан ұшақтарға техникалық қызмет көрсету нашарлаған.

«6 қараша күні кешке Астанадан ұшатын рейстер ауа райының нашарлауына байланысты, дәлірек айтсақ, ұшақтардың сыртына қатқан мұзын ерітуге кедергі келтірген қатты желге байланысты кейінге қалдырылды», – деп хабарлады компания Telegram-да.

Әуекомпания рейс кешіккен жағдайда (+7 7272 44 44 78) сенім телефонына хабарласуға болатынын мәлімдеді.

Айта кетейік, компанияның бас директоры Питер Фостер  арзан билет сатып алу үшін маусым мен қыркүйек айлары қолайлы екенін айтты.

Екі айға қамауға алынған және «Хуторские» ұйымдасқан қылмыстық тобына қатысы бар Хасан Қасымбаевтың әйелі күйеуі туралы расталмаған ақпарат таратқан блогерлерді сотқа беретінін айтты.

«Біз көптен бері үнсіз қалдық, бұлай жалғаса бермейді, біз бірінші кезекте оның қылмыскер, ұйымдасқан қылмыстық топтың жетекшісі, кісі өлтіруші екендігі туралы тексерілмеген, сенімсіз ақпаратты тарата бастаған блогерлерді сотқа береміз. Міне, осындай жағымсыз пікір қалдырған да солар», – дейді Зүлфия Қасымбаева Barys Media басылымына берген сұхбатында.

Қасымбаевтар Шерзаттың отбасын сотқа бере ме, жоқ па деген сұраққа ол «күйеуім шешеді» деп жауап берді.

«Олардың қайғырып отырғанын білеміз. Біра...

Әлемд әуе компаниялары экологиялық таза авиациялық отынды пайдалану үлесін 55%-ға жеткізу үшін шамамен 3,2 млрд доллар инвестициялау қажет. Бұл туралы Халықаралық азаматтық авиация ұйымының аймақтық экологиялық маманы Бландин Ферьер айтты.

«Бұл ретте қызметкерлердің рөлі зор. Биоотын өндірісінің 55% үлесіне мамамандарды пайдалану есебінен қол жеткізіледі. Бұл үлкен қолдау мен үлкен қаржылық инвестицияларды қажет етеді. Біз шамамен 3,2 млрд доллар қажет деп бағалап отырмыз, олар өндірісті кеңейту және қызметкерлерді оқыту үшін қажет», – деді Бландин Ферьер.

Осыған байланысты ұйым халықаралық қаржы институттарынан экологиялық таза авиациялық отын өндірісін қолдаудың әртүрлі тетіктері мен құралдарын зерттеуді және арнайы мамандарды...

Бұрқасын жүріп, көктайғақ болуына байланысты Ақмола мен Ақтөбе облыстарында республикалы маңызы бар жолдарда көлік қозғалысы тоқтатылады.

«Қазавтожол» ҰК 6 қараша күні кешкі сағат 21:00-де Астана – Петропавл трассасының жабылатынын ескертті. Астана мен Щучинск қалаларының аралығында көлік қозғалысы тоқтамақ. Осыны алдында Көкшетау – Атбасар жолымен де жүруге тыйым салынды. Зеренді ауылы мен Атбасар аралығында да ешқандай көлік қатынай алмайды. Компания трасса 7 қараша, сағат 8:00-де ғана ашылуы мүмкін екенін хабарлады.

Ақтөбе облысындағы күре жолдарға да шектеу қойылды.

«Сағат 19:30-да Ақтөбе облысында ауа райының бұзылуына байланысты республикалық маңызы бар «Қандыағаш-Ембі-Шалқар-Ырғыз» автожолының 259-389 шақырым аралығында (Шалқар қаласынан М...

АҚШ-тағы президенттік сайлауда жеңіске жеткен Дональд Трамптың инаугурациясы 2025 жылдың 20 қаңтарында өтеді. Салтанатты кешті Вашингтондағы АҚШ Капитолий ғимаратында ұйымдастырылады деп жазды USA Today.

Ұлықтау рәсімі кезінде Президент ант береді және іс-шара барысында сөйлейді. Одан бөлік салнатты шеру мен инаугурациялық бал өтеді.

Дәстүр бойынша, бұл күні жаңадан сайланған Президент пен вице-президент және олардың жұбайлары Ақ үйге келеді. Онда оларды қызмет мерзімі аяқталған Президент пен вице-президент, сонымен қатар жұбайлары қарсы алады. Бұл әдет-ғұрып билікті бейбіт жолмен беруді білдіреді. 2021 жылы Трамп АҚШ президенті Джо Байденнің инаугурациясына бойкот жариялады.

БҚО-дағы «Сырым» бекетінде транзиттік көліктердің қозғалысы тағы баяулады. 6-9 қараша күндері Ресейдің Маштаково пунктінде автокөлік жолы жөнделеді. Соған байланысты ҰҚК Шекара қызметі БҚО департаменті көлік жүргізушілеріне «Ақсай», «Шаған», «Тасқала» өткізу пунктерін таңдауды ұсынды. Себебі осы бекеттерде қозғалыс жиілігі сирек.  

Қазіргі уақытта транзитті жүк көліктерінің «Сырым» бекеті арқылы жүруі қиындаған. Айта кетейік, жаз уақытында да осы автомобиль өткізу пукнтінде көлік қозғалысы тоқтады. Ол кезде де Ресей тарапынан автожол жөнделетіні айтылған.

Қазақстанда кәсіпкерлерге жеке Халыққа қызмет көрсету орталықтарын (ХҚКО) ашуға рұқсат беру туралы жаңалық, қоғамда қызу талқыға түсуде. Ел азаматтарын ең алдымен дербес деректертің қауіпсіздігі алаңдатып отыр. Қазақстандықтардың тарапынынан туындаған бірнеше сұраққа Азаматтарға арналған үкімет» Мемлекеттік корпорациясының өкілдері жауап берді.  

Жеке ХҚКО не үшін керек?

Бұған дейін халыққа қызмет көрсету орталықтарын тек Қазпошта, банктер мен кейбір нотариустар аша алатын еді. Алайда мұндай орталықтары жоқ, шалғайдағы елді мекен тұрғындары қандай да бір анықтама алу үшін ауданға немесе қалаға қатынауға мәжбүр болатын. Мемлекеттік корпорация енді оның шешімін кәсіпкерлерге беру арқылы шешпекші. Яғни кәсіпкерлік субъектілер серіктес ретінде халыққа қызмет көрсету орталықтарын аша алады.

«Хуторлық» ұйымдасқан қылмыстық топтың басшысы делініп жүрген Хасан Қасымбаевтың адамдары ұрып-соғып, алып кеткен Алмас Әлімовтің туыстары оқиғаның мән-жайын айтып берді.

«Қазан айының соңында бізді ескі ісіміз бойынша Алматы облыстық полиция департаментіне шақырды. 2021 жылы менің балам Арман Әлімовты ұрып-соғып, ұрлап кеткен. Оны айдалаға апарып, қинаған. Сот дауы үш жылға созылды. Жаңа ашылған жайттар бойынша, біздің ісімізді көтерген секілді», – дейді жәбірленуші Арман Әлімовтің анасы.

Оның айтуынша, олар полицияға арызданып, бұл істе тапсырыс беруші Хасанды Қасымбаев деп куәлік берген.

«Қасымбаев Хасанды тапсырыс беруші деп атадық.  Қалғаны ұрып-соғып жатқанда, біреуі Хасан Қасымбаевпен телефон...

Ұлттық Банк екінші деңгейлі банктермен бірлесіп, төлем жүйелеріне ISO 20022 халықаралық стандартын енгізеді бастады. Бұл стандарттың енгізілуі банктердің қызметіне еш әсер етпейді. Клиенттер ақша аударып, онлайн төлем жасай береді.

Бұған дейін әлеуметтік желілерде банктерге ISO 20022 стандартының енгізілуіне байланысты уақытша аударым жасалмай, төлем жүргізілмей қалатыны және қолма-қол ақша ұстауға шақырған хабарлама тараған.

Алайда Ұлттық банк бұл жұмыстардың карточкалармен жасалатын төлемдерге еш қатысы жоқ екені атап өтеді. Осылайша, халықтың төлем карталары, QR-кодтар, мобильді аударымдар, банкоматтардан қолма-қол ақша алу, ұялы байланыс төлемдері және басқа да төлемдер өзгеріссіз қалады.

«Халықаралық төлем хабарламалары стандартын қолдану банктерде...

Әділет министрлігі соңғы кездері әлеуметтік желілерде алаяқтардың белсенділік танытып жатыр. Осыған орай министрлік сақ болуға шақырады.

Алаяқтар WhatsApp мессенджері немесе басқа қосымшалар азаматтарға сот орындаушыларының атынан хабарлама жолдап, төлем сомасын жібереді. Кейде салықтық төлемдер жайлы ақпарат та алаяқтардан келуі мүмкін. Әділет министрлігі өз кезегінде ведомство тарапынан мұндай хабарламалардың мессенджерлер арқылы жіберілмейтінін ескертеді.

«Мұндай хабарлама келген жағдайда Әділет министрлігі атқарушылық іс жүргізудің мемлекеттік автоматтандырылған ақпараттық жүйесіне кіріп, жеке сәйкестендіру нөмірін енгізу арқылы ақпараттың рас немесе жалған екенін тексеруді сұраймыз»,- делінген хабарламада.

Министрліктің ақпараттық жүйесіне мына сілтеме арқылы кіруге болады.

Сонымен қатар...

Қазақстан президенті Қасым-Жомарт Тоқаев Америка Құрама Штаттары президентінің сайлауында айқын жеңіске жеткен Дональд Трампқа құттықтау жеделхатын жолдады. Бұл туралы Ақорда баспасөз қызметі хабарлады.

Ақорда мәліметінше, Қазақстан президенті қауіпсіздік, ядролық қаруды таратпау, инвестиция салаларындағы екіжақты ынтымақтастық дәйекті түрде дами беретініне сенім білдірді.

Сонымен қатар, Тоқаев Дональд Трампқа Америка халқының өсіп-өркендеуі жолындағы, сондай-ақ жаһандық тұрақтылық пен қауіпсіздікті қамтамасыз етудегі қызметіне табыс тіледі.

Еске сала кетейік, Дональд Трамп АҚШ-тың 47-президенті болып сайланды. FoxNews телеарнасының ақпаратына сүйенсек, Трамп межелі 270 сайлау алқасының дауысын жинап, тіпті асып түскен. Басылым Трампта 277 сайлау дауыс, Харристе – 226 дауыс бар деп есеп шыққан. Reuters жазуынша, өкілдер палатасыны...

Мәжіліс депутаты Қарақат Әбден бала тәрбиесіне көбірек уақыт бөлу үшін әйелдердің жұмыс уақытын қысқарту туралы ұсыныс жасады. 2022 жылғы сайлау президенттікке үміткер болған депутат ақылы декреттік демалысты екі жылға дейін ұзартуды талап еткен.

Депутат қазақстандық әйелдердің мемлекеттік жоғары лауазымдарды сирек атқаратынына наразылық білдірген.

«Скандинавия елдерінің тәжірибесіне қарасақ, әйелдер үшін қысқартылған жұмыс күнін енгізу мәселесін қарастыру қажет. Бұл отбасы институтын нығайтуға ықпал етеді. Осылайша жұмыс істейтін әйелдер бала тәрбиесіне көбірек көңіл бөле алады», – деп атап өтті ол премьер-министр Олжас Бектеновке жолдаған депутаттық сауалында.

Әйелдердің мансабын жоғарылату үшін оларға қолайлы жағдай жасау туралы айта келіп, бала...

Депутат Азат Перуашев шенеуніктерді өз өкілеттігін біреудің бизнесін рейдерлік басып алу үшін пайдаланады деп айыптап отыр. Айтуынша, «Ақ жол» партиясына бизнесінен айырылған азаматтардан біраз өтініш кеп түскен. Депутат солардың бірнешеуіне тоқталып өтті.

Перуашевтың айтуынша, Түркістан облысы Сарыағаш ауданы әкімдігінің Болат Назарбаевтың мүлкіне тісі батпай отыр. 2017 жылы Қаржы министрлігі ұйымдастырған аукционнан кәсіпкер санаторий сатып алған. Сол лотпен дәл санаторийдің маңынан Болат Назарбаевқа тиесілі компания да нысан сатып алған. Ал кейін әкімдік Назарбаевқа тиесілі заңсыз иемденілген мүлікті қайтару сылтауымен кәсіпкерден санаторийді тәркілеп алған. Алайда Назарбаевқа нысандарын қайтарып берген. Нәтижесінде шипажайға 2 млрд теңге құйған кәсіпкер шығынға ұшыраған.

Депутат...

АҚШ-тағы Президент сайлауының алдын ала нәтижесі бойынша, Дональд Трамп АҚШ-тың 47-президенті атанады. Бұл сайлау нәтижесі валюта және тауар нарықтарына әсер етіп жатыр. Мәселен, Brent маркалы мұнай мен алтын арзандаса, доллардың құны артты.

Мұнай арзандап барады

6 қараша күні ICE халықаралық биржасындағы сауда-саттықта Brent маркалы мұнайдың бағасы 1,7% арзандады.

investing.com сайтының мәліметі бойынша, Brent марқалы мұнай баррелі 6 қараша, сағат 16-02-де 74,40 доллардан саудаланып жатыр. Ал WTI маркалы мұнай бағасы – 70,94 доллар.

Трамп сайлауда жеңсем, АҚШ-тағы мұнай өндірісін арттырам деп уәде берген. Мұнайдың сұраныстан артық өндірілуі – қара алтын құнына кері әсер ететін жайт. Егер...

Қазақстанда кәсіпқой спорт, әсіресе футбол саласына бөлініп жатқан қаржының мөлшері қоғамда әрдайым қызу пікірталас тудырып келеді. Мәжіліс депутаты Қазыбек Иса Қазақстандағы спорттық клубтарды, соның ішінде футбол клубтарын жекешелендіру туралы ұсыныс жасады. Бұл мәселені «Ақ жол» фракциясы Бас прокуратура мен Сыбайлас жемқорлыққа қарсы агенттіктігіне сауал жолдады.

Спортқа бөлінетін қаржы және оның тиімділігі

Депутаттың айтуынша, 2018-2023 жылдары «Самұрық-Қазына» қоры төрт кәсіби спорт клубына 138 млрд теңге бөлген. Мысалы, «Астана» футбол клубы – 50,1 млрд, «Барыс» хоккей клубы – 48,8 млрд, «Astana Qazaqstan Team» вело тобына – 31,5 млрд теңге алған. Осындай қомақты қаржы жұмсалғанымен, Қазақстан спорттық көрсеткіштері бойынша жоғары нәтижеге...