Жаңалықтар

Қарағанды облысының тас жолдарында мал ұрлығына тосқауыл қою мақсатында 18 жылжымалы блок-бекет орнатылды. Полиция қызметкерлері аталған бекеттерде көлігіне мал тиеп алғандарды және ет өнімдерін тасымалдаушыларды тоқтатып, құжаттарының белгіленген талаптарға сай болуын тексереді.

Қарағанды полиция департаментінің мәліметі бойыша жыл басынан бері облыс аумағында 25 мал ұрлығы дерегі тіркеліп, оның 18-і ашылды. Өткен аптада Бұқар жырау аудандық полиция басқармасының қызметкерлері аудан тұрғынының құны 1 миллион теңге болатын голштейн  асыл тұқымды ірі қарасын ұрлаған күдіктілерді ұстады. Аталған дерек бойынша қылмыстық іс қозғалып, тергеу амалы жүргізілуде.

Аталған блок-бекеттер департамент тарапынан нақты нұсқау берілгенше алынбайды.

«Мал ұрлығының басым бөлігі еркін жайылып...

Алматы қаласындағы ҰҚК Шекара академиясының курсанты қаза болды. 19 жастағы курсант көпқабатты үйдің терезесінен секіріп кеткен.

«Аталған факт бойынша Медеу аудандық полиция басқармасы қылмыстық іс қозғады. Оқиғаның себебі мен мән-жайы анықталуда», – деді қысқаша ақпарат берген Алматы қалалық полициясы.

Академия курсанты Алматы қаласының Достық даңғылында орналасқан 12 қабатты үйден секірген. Сол жерде қаза тапқан. Бұл оқиға 22 қыркүйекке қараған түні болған. Әлеуметтік желіде таралған хабарламада оның 3-курста оқитыны, 21 қыркүйек күні уақытша демалыс алып, содан кейін хабарсыз кеткені мәлім болды.

21 қыркүйекке қараған түні Петропавлда келісімшарт бойынша қызмет атқаратын сарбаздың мәйіті табылды. Солтүстік...

45-ші шахмат олимпиадасының (45th FIDE Chess Olympiad) соңғы турының алдында Қазақстанның әйелдер құрамасы үздік әйелдер командасына берілетін Вера Менчик кубогын жеңіп алуға үміттенді.

22 қыркүйекте Астана уақытымен сағат 14.00-де олимпиаданың шешуші 11-туры басталды.

«Жанкүйер болам деген қазақстандықтар партияларды онлайн режимде lichess.org сайтынан тамашалауға болады, сонымен қатар партияларға ФИДЕ ютуб-арнасында сарапшылар тікелей эфирде түсініктеме береді», – деп хабарлады ҚШФ баспасөз қызметі.

11-турда 17 ұпай жинаған қазақстандықтар 16 ұпайы бар АҚШ құрамасымен кездесуде. Ал ерлер құрамасының (2513, № 41) соңғы турдағы қарсыласы Түркия командасы (2591, № 22) болмақ

Әйелдер құрамасы үшін (орташа рейтинг 2373) е...

«Қазфосфат ТӨК» ЖШС-ның еншілес кәсіпорны – «Қазфосфат» ЖШС өзінің минералдық-шикізаттық базасын біртіндеп кеңейтуде. Компания Жамбыл облысы Талас ауданындағы Ақсай кен орнында +560 метр горизонттағы фосфорит өндіру бойынша күрделі тау-кен жұмысын аяқтайды. Бұл жөнінде Dprom басылымы жазды.

2024-2042 жылдарға арналған аумақты дамыту жоспары Қазақстанның бірыңғай экологиялық порталында орналастырылды.

Тау-кен өндіру техникалық шартына сәйкес фосфоритті жер астынан өндіру көзделген. Кеніштің бірінші қабатын ашу мен өндірудің техникалық-экономикалық негіздемесін «Госгорхимпроект» институты әзірледі. Ақсайда қабатты-камералық өңдеу жүйесі қолданылады.

Алғаш рет кен орнының қорлары кеңестік кезеңде барланған. 1957 жылы КСРО Мемлекеттік қор комитеті 82 млн тонна кен көлемін бекітті. Кейінірек ашық әдіспен өндіру және кен...

АҚШ пен Иордания мемлекеттерінің ведмстволары өз азаматтарын Ливаннан шұғыл түрде кетуге шақырды. Екі ел де Израиль мен «Хезболла» арасындағы қақтығыстың ушығуы мүмкін екенін ескерткен.

АҚШ Мемлекеттік департаменті Израиль мен Хезболла арасындағы «қақтығыстың болжауға болмайтын сипатына» назар аударды және осыған байланысты америкалық төлқұжат иелерін «коммерциялық рейстер қолжетімді болғанша Ливаннан кетуге» шақырды.

Иорданияның Сыртқы істер министрлігі өз кезегінде отандастарына Ливанға барудан бас тартуды ұсынды. Қақтығыс аймағында тұратындарға «Ливан аумағынан мүмкіндігінше тезірек кетуді» қатаң түрде ескертті. Амман өз үндеуінде Ливан-Израиль шекарасында шиеленістің өрши түскені жөнінде айтқан.

17-18 қыркүйек күндері Ливанда «Хезболла» мүшелеріне тиесілі пейджерлер мен рация құрылғылары жарылып кеткен. Соңғы мәлімет...

21 қыркүйекке қараған түні Петропавлда келісімшарт бойынша қызмет атқаратын сарбаздың мәйіті табылды. Солтүстік Қазақстан облысы Қорғаныс істері жөніндегі департаменті баспасөз қызметінің мәліметі бойынша оның денесі жұмыстан тыс уақытта үйлердің бірінің жертөлесінен табылды.

«Алдын ала мәлімет бойынша, әскери қызметкер отбасындағы жанжал салдарынан өз-өзіне қол жұмсаған. Оқиға орнынан суицид жасау туралы хат табылды. Себептері мен мән-жайы анықталуда», – делінген хабарламада.

Өлім дерегі бойынша қылмыстық іс қозғалды. Аталған департамент басшылығы отбасы мен жақындарына көңіл айтады.

Қорғаныс саласында әскерилер өлімі туралы ақпараттар жиі жарияланады. Бірақ министрлік қайғылы оқиғаларға әскерлердің өздерін айыптаған.

7 қыркүйекте Маңғыстау облысының «Оймаша» полигонында өтіп...

Қазақстанда мақтаны селекциялау жұмыстары басталды. Ұлттық аграрлық ғылыми-білім беру орталығы сұрыптау жұмысын ұйымдастыруда.

Бұл бағыттағы жұмыс 24-25 сәуірде басталған. Селекциялық питомниктерде будандастыру үшін жаңа үлгілер мен гибридті комбинациялар егілді.

«Жоба бойынша 33 станциялық үлгі, 26 гибридті комбинация және биологиялық питомниктен 420 үлгі қатысады. Сондай-ақ М-4011 және М-5027 сорттарының 40 тонна элиталық тұқымын алу жоспарланған», – деп хабарлады АШМ.

Орташа талшықты мақта сұрыптары гектарына 45-50 центнерден өнім беруге тиіс. Мақта уақытынан ерте піседі. Өнімді 110-117 күннен кейін жинап алуға болады.

Талшық ұзындығы – 33-34 мм. Оның шығымы 38-40% шамасында. Кейінгі селекциялық жұмыстар үшін үлгілерді іріктеу жұмыстары...

«Қайрақ» фитосанитарлық бақылау бекетінде Ресейден заңсыз әкелінген картоп тасымалы тоқтатылды.

Ауыл шаруашылығы министрлігі  агроөнеркәсіптік кешендегі мемлекеттік инспекция комитетінің Қостанай облыстық инспекциясы екі күнде 12 бұзушылықты тіркеді. Тексеріс 18-19 қыркүйек күндері жүргізілген.  

«Жүргізілген іс-шаралар нәтижесінде өсімдіктер карантині бойынша мемлекеттік инспекторлар 170,9 тонна картопты фитосанитарлық сертификатсыз әкелуді тоқтатты. Әкімшілік хаттамалар жасалды. Картоптың барлық партиясы жіберушіге қайтарылды», – деп хабарлады аталған комитеттің баспасөз қызметі.

Фитосанитариялық қызмет Ресейден әкелінген қызанақтардан қауіпті вирус тапты.  Өсімдіктер карантині жөніндегі мемлекеттік инспекторлар 2700 дана пакеттегі қызанақтың тұқымдарынан қауіпті вирусты анықтады.

Жазғы кезде Ресейдің фитосанитарлық қадағалау қызметі Қазақстаннан көкөністер мен жемістер тасымалына бақылауды...

Атом электр станциясын негізінен стратегиялық мақсатта қарастыру керек. Ол 60 жылға дейін «жасыл» энергиямен энергетикалық тұрақтылығымызды қамтамасыз етеді. Бұл жерде сынақ жасалмайды. Ол негізінен энергетикалық нысан. Бұл туралы kursiv.media тілшісіне берген сұхбатында «Қазақстандық атом электр станциялары» ЖШС атом энергетикасы бөлімінің жетекші инженері Асуан Сиябеков айтты.

Маманның айтуынша қазіргі кезде электр энергиясы өзекті мәселе. Өйткені біздің елде генерациялық жабдықтардың 70%-дан астамы тозған. Ал сұраныс артып келеді.

«Өздеріңізге белгілі осы генерациялардың басым бөлігі көмірмен жұмыс істейді. Олар алдағы 10 жылдықта тозады. Бұдан бөлек көмірмен жұмыс істеген станциялардың зиянды қалдықтары бар. Қазір Еуропа, АҚШ бастап, бүкіл әлем «жасыл» энергияға...

Түнде ұйқы қашып, таңертең жұмысқа тұра алмай қиналатын болсаңыз, оның себебін анықтауға асығыңыз. Ұйықтауға көмектесетін дәрілерді ешкімнен сұрамастан іше беруге болмайды. Бәлкім, оның орнына мелатонин жақсырақ көмектесетін шығар. Бірақ оны ішпес бұрын білуіңіз керек қандай дүниелер бар? Ұйқы гормоны туралы толығырақ талқылайық.

Мелатонинді көпшілік арасында ұйқы гормоны деп атайды. Бірақ одан гөрі түнгі гормон деген жөн секілді. Себебі ол түнгі уақытта бөлінеді. Ұйқыны реттеуге көмектесетіні рас. Десе де ұйқысыздық мазалағанның бәрі іше беруге болады деген сөз емес. Алдымен мелатонин гормоны деген не, ол қалай бөлінеді, содан бастайық.

Мелатонин деген не?

Бұл — қараңғы батқан кезде бөлінетін гормон. Қаншалықты жақсы...

Халықаралық ғалымдар тобы коронавирустық пандемия Қытайдың Ухань қаласындағы Хуанань базарында басталғанын анықтады. Зерттеу нәтижелері Cell журналында жарияланды.

Зерттеу нәтижесінде ауруханаға жатқызылған алғашқы 174 науқастың 32%-ы енот тектес иттер мен кірпі сияқты жабайы жануарларды сататын базардан сауда жасағаны анықталды. Бұл вирустың жануарлардан адамға және керісінше жұғуына әсер етуі мүмкін.

Зерттеу барысында SARS-CoV-2 белгілі тасымалдаушылары жарқанаттар мен панголиндерден генетикалық материал табылмады. Бұған дейін жарқанаттар коронавирустың тасымалдаушысы болуы мүмкін деген болжам болған.

Еске сала кетсек, 2019 жылдың соңында Қытайда басталған коронавирустық пандемия 2020 жылы әлемге таралды. Салдарынан жаһан елдері локдаундар мен шектеулер енгізді.

2020 жылдың көктемінде Дүниежүзілік денсаулық сақтау ұйымы (ДДҰ) коронавирусты...

Toyota Camry – бұл Қазақстандағы ең танымал автокөлік. Тек көлік емес, кейбір қазақстандықтар үшін инвестиция құралы. Себебі бұл седанды 10 жыл бойы тізгіндеп, кейін тіпті табысты сатуға болады. Бірақ жапондық темір тұлпар қаншалықты жиі бұзылады? Toyota Camry-дің қайталама нарықтағы құндылығы мен өтімділігінің құпиясы неде? Бұл брендтің күші ме, әлде бағаның арзандығы ма? «Курсив» тілшісі зерттеп көрді.

Toyota бренді Қазақстан нарығына сонау 2000 жылы келді

Әрине, ресми диллерлік орталық одан кейін – 2009 жылы ашылды. Бірінші мұндай шоу-рум елордада пайда болды. Осылайша су жаңа Camry бизнес-седандарының саудасы қыза түсті. Бұл көлік тек Қазақстанда ғана емес 2010 жылдан бері әлемде...

Қорғаныс бюджеті. Державалар

2024 жылдың тамызында GlobalFirePower әлемдегі 145 елдің қорғаныс саласына бөлінетін қаржыны анықтады. Зерттеу ұйымының мәліметінше, АҚШ өз қауіпсіздігіне ең көп қаржы бөлетін ел.  2024 жылы қорғаныс саласына 831,8 млрд доллар бөлді. Одан кейінгі тізімді Қытай (227 млрд доллар),  Ресей (109 млрд доллар), Үндістан (74 млрд доллар) және Сауд Арабия елдері  (71,7 млрд доллар) орналасқан.  Әлемде қорғанысқа ең көп қаржы бөлетін елдердің ондығына кіретін елдердің ең төменгі бюджеті 50 млрд және 12 млрд доллар аралығында қалыптасты.

Елімізде қорғаныс саласының шығыны қанша?

Қазақстан қорғаныс саласына бөлінетін бюджеті Ұжымдық қауіпсіздік туралы шарт ұйымына кіретін елдер арасында Ресейден кейін...

Алматыда тағы бір жасөспірім қыз 13-қабаттан құлап қайтыс болды. Әлеуметтік желіде осындай ақпарат тарады. Бұл деректі Алматы қалалық полиция департаменті растады.

«Аталған факті бойынша Бостандық аудандық полиция бөлімі қылмыстық іс қозғады», – деп хабарлады Алматы қалалық полиция департаментінің баспасөз қызметі.

Тергеу амалдары басталды.

Бұған дейін Алматыда екі оқушы терезеден құлап қайтыс болған. Куәгерлер тұрғын үй маңындағы асфальттан мектеп оқушыларының денелерін тапқан. Алматының полиция департаментінің мәліметінше, аталған факті бойынша Алмалы ауданының полиция басқармасы қылмыстық іс қозғады.

Ішкі істер министрлігінің мәліметінше, балалардың терезеден құлау оқиғалары артты. Мұндай факт соңғы үш жылда 1,6 есеге артқан...

Абылай Мырзахметовтің ісі бойынша мемлекетке қосымша 7 млрд теңге қайтарылды. Бұл туралы Сыбайлас жемқорлыққа қарсы іс-қимыл агенттігі хабарлады.

«Қазіргі уақытта «Атамекен» Ұлттық кәсіпкерлер палатасының бұрынғы төрағасы А.И. Мырзахметовке қатысты сотқа дейінгі тергеп-тексеру бойынша мемлекет кірісіне 7 млрд теңге сомасында заңсыз алынған ақшалай қаражат аударылды», – деп жазылған хабарламада.

Жыл басынан бастап Сыбайлас жемқорлыққа қарсы қызмет аяқталған қылмыстық істер шеңберінде шамамен 195 млрд теңгені өтеген. Соңғы 2,5 жылда, оның ішінде олигополиялар тарапынан Қазақстан халқына 1,09 трлн теңге қайтарылды.

Еске сала кетсек, сот үкімімен Абылай Мырзахметов аса ірі мөлшерде алаяқтық жасағаны үшін кінәлі деп танылған...

Алдағы аптада күнделікті күйбеңді жақсы демалыспен ұштастырғысы келетіндер үшін іс-шаралар кестесін ұсынамыз. Театрға барып, хоккей көріп, жанкүйер болып, кино көріп аптаны қызықты өткізуге болады.

Семей қаласында 23 қыркүйек «Аққу көлі» балеті қойылады

«Аққу көлі» – премьерасы 1877 жылы наурызда Мәскеудегі Үлкен театр сахнасында өткен П. Чайковскийдің алғашқы балеті. Балет сюжеті фольклорлық мотивтерге құрылған, зұлым сиқыршы рыцарь Ротбарттың қарғысымен аққуға айналған сұлу Одетта ханшайымы туралы ескі неміс аңызына негізделген.

Абай атындағы опера және балет театрында П. И. Чайковскийдің «Аққу көлі» балеті ондаған жылдар бойы көрсетіліп, жұртшылықтың ыстық ықыласына бөленіп келеді. Бұл балетті 1938 жылы қазақ балет мектебінің негізін салушылардың бір...

Қазақстанда 10 жылдың ішінде адам көп шоғырланған ауылдар негізінде кемінде 10 жаңа қала құруға мүмкіндік бар. Бұл туралы экономист Қасымхан Қаппаров айтты. 

«Қазір Қазақстанның урбанизация деңгейі Ресейден төмен. Бірақ урбанизация әлеуеті жоғары. Қазақстанда 10 жылдың ішінде адам көп шоғырланған ауылдар негізінде кемінде 10 жаңа қала құруға мүмкіндік бар», – деді сарапшы. 

Қазір Қазақстанда 90 қала бар, жақында тағы 1 қала қосылатыны хабарланды. Алматы облысында Алатау қаласы пайда болады.

«Елде 10 мыңнан аса адам тұратын 112 ауыл бар. Ал 18 ауылда 20 мыңнан астам халық тұрады. Ал халқы 10 мың адамға жетпейтін...

«Курсив» топ-менеджментке төлейтін қаржы бойынша қандай банктердің акционерлерін «жомарт» деп атауға болатынын анықтады. Есептеулер көрсеткендей, 2023 жылы Қазақстанның банк секторындағы басқарма мүшелерінің орташа жалақысы айына 24 млн теңгеден 63 млн теңгеге дейін құбылып отырған.

«Курсив» ашық деректер негізінде қазақстандық 15 банктің және Kaspi.kz финтех-холдингінің (Kaspi.kz банкінің бас компаниясы) топ-менеджерлерінің орташа жалақысын есептеп шықты. Орташа айлық сыйақыны есептеу үшін мынадай ақпарат көздері пайдаланылды: шоғырландырылмаған аудиттелген есептер (мұнда негізгі басшыларға ақшалай және ақшалай емес сыйақы туралы ақпарат бар), Қаржылық есептілік депозитарийі (ДФО) порталы (банктер басқарма мүшелерінің жалпы сыйақысын жариялауға міндетті) және аудиттелмеген жылдық есептер (банктер өз еркімен басшылыққа төленетін төлемдер туралы қосымша...

Еуропадағы автокөлік сатылымы кейінгі үш жылдағы ең төменгі деңгейге жетті. Электромобильдерге сұраныс азайып, гибридтерге керісінше артты. Бұл туралы Reuters басылымы жазды.

«Еуропалық Одақ автокөлік нарығы соңғы үш жылдағы ең төменгі деңгейге төмендеді», – деп жазды басылым.

Жаңа көліктердің сатылымы тамыз айында 18,3% төмендеді. Бұл негізгі нарықтар – Германия, Франция және Италиядағы сұраныстың күрт төмендеуіне байланысты.

Электромобильдерге деген қызығушылық 44%-ға дерлік төмендеді. Өндірушілер дабыл қағып, биліктен одан әрі құлдырауды тоқтату үшін шұғыл шара қолдануды талап етуде.

Электромобильдерге сұраныстың ең күрт төмендеуі тамыз айында Германияда тіркелді – 68,8%. Францияда сатылымдар үштен біріге, ал жалпы ЕО...

Демалысты пайдалы әрі қызықты өткізу үшін, ғылыми-танымдық Qalam порталында жарияланған материалдар топтамасын ұсынамыз. Осы аптада: Алматыдағы Aspan галереясында өткен Қазақстанның танымал заманауи суретшілерінің бірі Гүлнұр Мұқажанованың «Үміт шуағы» атты көрмесі, империяның бой түзеуіне әсер еткен балық, құпияға толы Войнич қолжазбасы және әдебиетті жақсы көретін жандарға арналған қызықты тест жарық көрді.

«ҮМІТ ШУАҒЫ» КӨРМЕСІ

Асқақ үміт пен совет заманының көлеңкесі. Алматыдағы Aspan галереясында Қазақстанның танымал заманауи суретшілерінің бірі Гүлнұр Мұқажанованың «Үміт шуағы» атты көрмесі өтіп жатыр. Оның жұмысы Германия, АҚШ, Ұлыбритания, Франция, Ресей секілді елдерде қойылған, ал 2007 жылы ол 52-ші Венециялық биенналеде көрсетілді. Көрмеге тек бір жұмыс...

Бразилияның Жоғарғы соты Илон Масктың X әлеуметтік желісіне елдегі бір күндік жұмысы үшін  920 000 доллар айыппұл салды. Бразилиялық пайдаланушылар провайдердің өзгеруіне байланысты қызметке қысқамерзімді қол жетімділік алды. Бұл туралы 19 қыркүйекте ресми мәлімдеме таратқан X өкілдері мәлім етті.

Бразилиялық ABRINT интернет-провайдерлер ассоциациясы  телефондардағы әлеуметтік желі қолданбасы автоматты түрде жаңартылғаннан кейін, Х парақшасын пайдалануға мүмкіндік туғанын айтты. Ассоцация X-тің үнемі өзгеріп тұратын IP мекенжайларын пайдаланатын Cloudflare бұлттық қызметіне ауысқанын түсіндірді. Бұл тәсіл бұғататуды әлдеқайда қиындатады, өйткені банктер мен мемлекеттік сайттар сияқты басқа сайттар мен қызметтер бірдей мекенжайларды пайдаланады.

19 қыркүйекте әлеуметтік желі Cloudflare қызметтерін пайдалануды тоқтатты және Бразилияда X-ті қолдану...

Жаһандық вакцина және иммундау альянсы Африка үшін шешек ауруына қарсы жарты миллион вакцина сатып алады. Euronews жазуынша вакцина жыл аяғында жеткізілуге тиіс.

2023 жылы ең алғаш алғашы мутация Конгода тіркелді. Содан кейін маймыл шешегі Африканың басқа елдеріне де таралды. ДДҰ 12 елде әлемдік деңгейдегі төтенше жағдай жариялады.

Африканың ауруды бақылау және алдын алу орталықтарының мәліметі бойынша, 2024 жыл басынан бері құрлықтың 15 елінде 26 500-ден астам шешек ауруы дерегі тіркелді. Бұл дерттен 724 адам қайтыс болды. Вакциналардың жоқтығы сауықтыру шараларын жүзеге асыруға кедергі келтіреді, деп атап көрсетеді орталық.

Жаһандық альянс қор есебінен кедей елдер үшін вакцина сатып алуға...

Астана әкімдігі көпбалалы отбасылар мен әлеуметтік осал топтарға арналған бағдарламаның іске қосылатынын хабарлады. Сатып алу құқығынсыз жалға берілетін тұрғын үй бойынша жергілікті атқарушы орган 23 қыркүйек пен 7 қазан аралығында өтінім қабылдайды.

Бағдарлама бойынша жалдау шарты бес жыл сайын созылады. Ай сайынғы жалдау 5-10 мың теңге аралығында. Жалдамалы үйді тұрғындардың жекешелендіруге құқығы жоқ.

Қандай құжаттар қажет?

1. ЭЦҚ кілті;

2. Өтініш берушіге және отбасы мүшелеріне жылжымайтын мүліктің болмауы / болуы туралы анықтама (өтініш берілген күні EGOV.KZ арқылы алынған);

3. Балалардың туу туралы куәліктерінің және отбасы мүшелерінің жеке куәліктерінің сканер-көшірмелері (бар болса);

4. Неке/ажырасу/әке болу/қайтыс болу туралы...

Қазақстанның алғашқы президенті Нұрсұлтан Назарбаевтың інісі, марқұм Болат Назарбаевтың дүние-мүлкіне қатысты түсініксіз жайттар көп болып тұр. Мәселен, одан тәркіленген құны 2 миллиард теңгеге жуық ғимарат әлі сатылмай жатыр. Statsnet мәліметтінше, меншік иесі ауысқанмен, атышулы «ВN INVEST қаржы өнеркәсіптік холдингі» ЖШС бас кеңсесі әлі осы жерде орналасқан.

Болат Назарбаевтан тәркіленген бұл ғимарат 2021 жылдың 17 қаңтарынан бастап баға өсімімен аукционға қойылған еді. Бастапқы бағасы – 1 822 991 453,00 теңге. Ал кепілдікті жарна көлемі 110 760 000 теңге деп көрсетілген. Ғимаратты пайдалану мақсаты – офис. Алайда бұл ғимараттың саудасы қызбай тұр. Өйткені, аукцион басталғанға дейін тіркелген қатысушылар болмаған.

Бұл жылжымайтын мүліктің мекен-жайы –  Алматы қаласы Бостанды...