Жаңалықтар

Денсаулық сақтау министрлігінің өкілдері мен санитарлық-эпидемиологиялық бақылау комитетінің төрағасы Айжан Есмағамбетова елдегі эпидахуал, вакциналау қарқыны және ұжымдық иммунитет жайлы соңғы жаңалықтармен хабардар етті және дәл қазіргі кезде қордаланып тұрған негізгі проблемаларға тоқталды. 

Денсаулық сақтау вице-министрі Ажар Ғинаяттың айтуынша, ешқандай медициналық қарсы көрсетілімі жоқ адамдар вакцина алуға тиіс.

«Мейірбикелер болсын, басшылар болсын, вакцналауға шақырып, түсіндіру жұмыстарын жүргізуде. Егер адамда ешқандай медициналық қайшылық болмаса, ауруы болмаса, ол ұжымына, отбасына қауіп төндірмес үшін екпе салдыруы тиіс. Өзі үшін де, қоршаған ортаға, адамдардың денсаулығына да зияны тимеуі керек. Қазіргі кезде ауру ушығып тұр. Өлім-жітім артып отыр. Біз ауруханаға барғанда вакцина салдырмағанына өкініп жатқан науқастарды...

Нұр-Сұлтан қаласында құрылыстың бастапқы сатысында үлескерлердің ақшасын қабылдауға тиісті рұқсаты жоқ құрылыс ұйымдарының тізімі жасалды, деп хабарлайды елорда әкімдігінің ресми сайты.

Төменде көрсетілген көппәтерлі тұрғын үй кешендерінде қолданыстағы заңнаманы айналып өтіп жасалған барлық мәмілелер, яғни алдын ала брондау шарты, резервтеу шарты, инвестициялау шарты, талап ету құқығын басқаға беру шарты жарамсыз болып саналады.

«Тұрғын үй құрылысына үлестік қатысу туралы» Қазақстан Республикасының заңнамасында көрсетілгендей үлескерлердің қаражатын тиісті рұқсатсыз қабылдауға тыйым салынады. Бұл ретте Қазақстан Республикасының Әкімшілік құқық бұзушылық туралы Кодексінің 320-бабы, сондай-ақ Қазақстан Республикасы Қылмыстық кодексінің 214-бабы бойынша кәсіпкерлік қызметтің тыйым салынған түрлерімен айналысқаны үшін жауапкершілікке тартылады» делінген хабарламада. 

Үлескерлер ақшасын...

Жуковский қаласында өткен МАКС-2021 халықаралық авиациялық ғарыш салоны алаңында еліміздің авиациялық өнеркәсібі үшін маңызды оқиға болды, деп хабарлайды ҚР Индустрия және инфрақұрылымдық даму министрлігі. 

Қазақстан-Ресей кооперациясы шеңберінде «Байкал» жеңіл көп мақсатты ұшағын  шығару жобасы аясында «Қазақстандық авиациялық индустрия» компаниясы  «Байкал-инжиниринг» ЖШҚ-ның қатысу үлесін сатып алу жөніндегі келісімге келген.  

Келісімшартқа «Қазақстандық авиациялық индустрия» сатып алатын кәсіпорын шығаратын «Байкал» ұшағы қанатының астында қол қойылыпты.

«Байкал» жеңіл көп мақсатты ұшағы 50 жылдан бері  жұмыс істеп келе жатқан Ан-2 ұшағын ауыстыруға арналған.

Жобаға Қазақстан  салған инвестиция жалпы көлемі 1 млрд. рубльді құрайды. Оның орнына Қазақстан жобадағы миноритарлық үлесін және осы ұшақтарды шығаруға лицензия алады.

Qazaqstan тереларнасы  XXXII Жазғы Олимпиада ойындарының трансляциясына қатысты ресми мәлімдеме жасады. Онда тараптардың ортақ келісімге келе алмағаны жазылған. 

«Токио Олимпиадасының тікелей трансляциялар құқығы «Dentsu Inc.» компаниясына тиесілі. «Қазақстан» телерадиокорпорациясы мен «Хабар» агенттігі» АҚ «Qazaqstan», «Qazsport», «Хабар» телеарналары арқылы Жазғы Олимпиаданы ел аумағында көрсету бойынша келіссөздерді 2019 жылы бастаған болатын. Тараптар әзірге ортақ келісімге келе алған жоқ. Екіжақты келісімнің ұзаққа созылу себебі, құқық иесінің лицензия бағасын 2016 және 2018 жылдардағы Олимпиада ойындарымен салыстырғанда 123 пайызға қымбатқа ұсынуы. Қазіргі кезде «Qazaqstan», «Qazsport», «Хабар» телеарналары қазақстандық спортшыларды қолдау және отандық көрермендерге Олимпиададан жедел ақпарат ұсыну бойынша жан-жақты әзірлік жұмыстарын жүргізуде. Телеарналардың Ұлттық Олимпиада...

Әлемдегі ең бай адам,  Amazon компаниясының негізін қалаған Джефф Безос өзінің Blue Origin компаниясы  жасап шығарған New Shepard кемесімен ғарышқа ұшып келді, деп хабарлайды BBC.

Капсула зымыраны жергілікті уақыт бойынша 09:12-де (Нұр-Сұлтан уақыты бойынша 19:12)  Техас штатындағы Ван Хорн қаласында орналасқан  Безостың жеке ғарыш айлағынан аттанған.

Әуелеп ұшқан соң 2 минуттан  кейін кеме зымыран тасығыштан бөлініп, қысқа уақыт ішінде ғарышқа аттанған.  Экипаждың жалпы сапары 10 минут 10 секундқа созылды.

Безос жерге  қонған соң  бұл ол үшін ең жақсы күн болғанын және экипаж мүшелеріне  өте риза екенін айтқан. 

Безостың Blue Origin компаниясы жасап шығарған New Shepard кемесінде ғарышқа ұшатыны маусым айыны...

2021 жылы Алматы қаласының өнеркәсіп орындарында 1471 жұмыс орнын ашу жоспарланып жатыр.

I жартыжылдықта Алматы индустриялық аймағының аумағында 245 жұмыс орнының ашылып, 13,8 млрд. теңгеге 3 жоба іске қосылған. 

Жыл соңына дейін индустриялық аймақта 658 жұмыс орнын ашатын, жалпы сомасы 37,8 млрд.теңгеге тағы 7 жоба іске қосылмақ. Сол жерде 3 өнеркәсіптік парк («D&J Logistiсs» ЖШС, «Ala Estate» ЖШС, «Kazstory Trade» ЖШС) пайдалануға беріледі.

ШОБ субъектілеріне  24,2 мың ш.м. өндірістік нысан пайдалануға беріледі, ол 430 адамды жұмыспен қамтуға мүмкіндік беріп отыр.

Қазақстан Республикасының агроөнеркәсіптік кешенін дамытудың 2017-2021 жылдарға арналған мемлекеттік бағдарламасы аясында биыл  Алматыда 138 жұмыс орнын ашылып,  жалпы құны...

Осыдан 10 жыл бұрын, 2011 жылдың 16 шілдесінде Байқоңыр ғарыш айлағынан қазақстандық Kazsat-2 байланыс және хабар тарату жерсерігі ұшырылған. 

Цифрлық даму, инновация және аэроғарыш өнеркәсібі министрлігінің мәліметі бойынша, Kazsat-2 ғарыш аппаратының қызмет ету аймағы Қазақстан Республикасы мен Орталық Азия елдерін қамтиды. Орбитада 86,5° шығыс бойлықта орналасқан ғарыш аппараттарының белсенді өмір сүруі 12,5 жылға есептелген. Техникалық ресурс 14,5 жылды құрайды.

Kazsat-2 іске қосылғаннан кейін байланыс операторларына байланыс қызметтерін ұсыну, ақпараттық қызмет аясын кеңейту, электронды үкімет, интернет және ұялы байланыс жұмысын жақсарту мүмкіндігі айтарлықтай өскен. 

«KazSat-2 жерсерігі пайдалануды бастағаннан кейін 10 жыл өткен соң да штаттық режимде жұмыс істейді. Қазіргі кезде ғарыш кемесін...

Ішкі туризмді дамыту мақсатында Түркістаннан еліміздің 11 қаласына жаңа әуе рейстері ашылады. ҚР Индустрия және инфрақұрылымдық даму министрлігінің мәліметі бойынша, тұрақты рейстерге билет бағасы 16-25 мың теңге аралығында болмақ. 

«Қазақстанда ішкі туризмді дамыту, сондай-ақ ұшу географиясын кеңейту және Түркістан қаласы әуежайының көліктік қолжетімділігін қамтамасыз ету мақсатында Ақтау, Атырау, Ақтөбе, Орал, Қостанай, Қарағанды, Көкшетау, Петропавл, Павлодар, Семей, Талдықорған қалаларына субсидияланатын әуе бағыттарына конкурс өткізілді. Конкурс қорытындысы бойынша тұрақты рейстерді SCAT және Qazaq Air әуе компаниялары «CRJ2», «B-737», «Q400» ұшақтарымен қатынайды» делінген ресми ақпаратта. 
 

Қарағанды облысында 2020 жыл басынан бері өндірістік жарақаттан 50 адам қайтыс болған.

Аймақ прокуратурасының хабарлауынша, облыстағы кәсіпорындарда 230 өндірістік жарақат алу жайты тіркелген. 

Хабарламада аймақтың өнеркәсіптік екені атап өтілген. Мұнда халықтың көп бөлігі еңбек ететін әртүрлі бағыттағы көптеген кәсіпорындар шоғырланған. Сондықтан олардың қауіпсіздігін қамтамасыз ету –  жұмыс берушілер мен  бақылау органдарының басты міндеті. 

Осы мақсатта жарақаттану деңгейі жоғары аймақтарда арнайы жедел-тергеу топтарын құру жоспарланып отыр. 

Күллі әлем тағатсыздана күтіп отырған олимпиада ойындарының басталуына да санаулы күн қалды. Қазақстан төртжылдықтың басты додасына 95 спортшысын үкілеп қосқалы отыр. Олар 27 спорт түрі бойынша сынға түседі. 

ХХХІІ жазғы Олимпиада ойындарына қатысатын спортшылар тізімі:

Жеңіл атлетика (11 жолдама)

1. Георгий Шейко, Спорттық жүріс
2. Ольга Рыпакова, Үш қарғып секіру
3. Айман Ратова, Спорттық жүріс
4. Жанна Мамажанова, Марафон
5. Мария Овчинникова, Үш қарғып секіру
6. Кристина Овчинникова, Биіктікке секіру
7. Надежда Дубовицкая, Биіктікке секіру
8. Ирина Эктова, Үш қарғып секіру
9/10. Ольга Сафронова ,100 жəне 200 метр
11. Михаил Литвин, 400 метр

Бокс (9 жолдама)

12. Сəкен Бибосынов...

Қазақстандық өндірушілер ресейлік Ozon-ға шығып, сауда-саттық жасай алады. Бұл туралы сауда және интеграция министрі Бақыт Сұлтанов Facebook әлеуметтік желісінде жазды. 

Министр Ресейлік e-commerce алпауытында 16 миллион  клиенттік база мен 80 миллионнан астам  пайдаланушы бар екенін айтып өтті. Маркетплейсте киім мен тағамнан бастап балалар өнімдері мен косметикаға дейінгі 20 түрлі санаттағы тауар орналастырылған.

«Бұл, менің ойымша, қазақстандық кәсіпкерлер үшін үлкен әлеует.Енді кез келген қазақстандық өндіруші осы әмбебап алаңда өз тауарын ұсына алады. Алайда, біздің тауарлар-аяқ киім, зергерлік бұйымдар және ауылшаруашылық өнімдері – бұрын Ozon-да ұсынылған. Бірақ Wildberries сияқты, сайтқа кіру үшін біздің компаниялар Ресей Федерациясының аумағында филиалдар ашуға мәжбүр болды...

Елдегі қуаңшылыққа байланысты Қызылорда облысы, Арал өңіріне 13 шілдеден төтенше жағдай енгізілді, деп жазады облыс әкімдігінің ресми сайты.  Қуаңшылықтан 559 бас мал өлген. Қалған мал басын сақтап қалуға бағытталған іс-шаралар үшін аймақ басшылығы республикалық бюджеттен қаржы бөлуді сұрап отыр. 

«Биыл Арал ауданында құрғақшылық  орын алып, 559 мал басының өліміне себеп болды. Бірінші кезекте мал басын аман алып қалу үшін су ұңғымаларын қазу, жайылымдық және шабындық жерлерді суландыруғаканалдар тазаланып, су тоспалары салынуы керек. Бұл жобалар толық жүзеге асуы үшін Сырдария өзенінің Бұрмаұлақ арнасын бөгеп, Аспай суағытқысын іске қосу арқылы, Ақшатау-Қамбаш көлдер жүйесін суландыру жұмыстары жүргізілуі тиіс. Жоғарыда аталған жұмыстардың ір...

Әлем әлдері әскерін барынша мобилді етуге күш салып жатыр. Шоғы сөнсе де, табы басылмаған Қарабах қақтығысы, Таяу Шығыстағы бітпейтін дүмпу, Украинадағы соғыс біздің әскерді де мейлінше заманға сай жабдықтау қажеттігін жиі еске сала бастады. Оның үстіне АҚШ-тың өз әскерін Ауғанстаннан алып кетуі бүкіл Орталық Азияны, оның ішінде Қазақстанды да ойландырады. 

Қорғаныс министрлігінің өкілдері Ауғанстандағы ахуал жіті бақылауда дейді. Брифингте министрдің орынбасары Тимур Дәндібаев осы мәселеге тоқталып өтті. 

«Ауғанстандағы бүгінгі әскери-саяси ахуал аса күрделі екенін атап өткім келеді. Бұл кезеңде болжам жасау қиын. Қорғаныс министрлігі Ауғанстанға қатысты ахуал жайлы ақпаратты тұрақты түрде бақылауда, оның ішінде әріптес шет мемлекеттердің қорғаныс ведомстволарымен...

Футболдан Еуропа чемпионаты мәресіне жетті, деп хабарлайды ҚазАқпарат.

Екі құрама бұған дейін 27 мәрте кездесті. Оның 10-да Италия жеңіске жетіп, 8-де Англия басым түссе, қалғанында тең нәтиже тіркелді. Соңғы үш ойында Англия аталған қарсыласының осал тұсын таба алмай келеді. Үш кездесудің екеуінде тең түссе, біреуінде қарсыласына есе жіберді.

Айта кетерлігі, өз тарихында Италия 1968 жылы чемпион атанса, Англия алғаш рет финалға шығып отыр. Сондықтан ағылшындық футболшылар алғашқы минуттан алға қарай ұмтылды. Нәтижесінде ойынның 3-минутында есеп ашылды. Оны отандасы Киран Триппьердің пасынан кейін ағылшындық қорғаушы Люк Шоу өзінің еншісіне жазды. Ойынның 67-минутында италиялық Леонардо Бонуччи таразы басын теңестірді.

Негізгі кезе...

Токио Олимпиадасы ойындары пандемияға байланысты көреременсіз өтеді. Жапонияның Олимпиада және Параолимпиада өткізуге жауапты министрі Тамае Марукава осылай деп мәлімдеді.

Токио қаласында 8 шілдеден тамыздың аяғына дейін төтенше жағдай режимі енгізілді. Бұған дейін Олимпиада ойындарына шетелдік жанкүйерлерд кіргізбеу туралы шешім қабылданға еді. 

Токиодағы барлық жарыс, салтанатты шаралар, Олимпиаданың ашылуы мен жабылу  салтанаты көрерменсіз өтеді.

 «Токио, Канагава, Сайтама және Тибада өтетін жарыстарға көрермен жібермеу туралы шешім қабылданды» деді Марукава. 

Айта кетейік, Токио Олимпиадасы 2020 жылы 24 шілде мен 9 тамыз аралығында өтуі тиіс еді. Алайда коронавирус пандемиясына байланысты бір жыл кейінге шегеріліп, биыл 23 шілде мен 8 тамыз аралығында өтеді. Оған Қазақстаннан...

Достық станциясында  кейбір жүк түрлерін тасымалдауға шектеу шаралары енгізіледі, деп хабарлайды ҚТЖ баспасөз қызметі. 

Шектеу 11 шілдеден басталып, 20 шілдеге дейін созылады. Достық станциясында түсті кен, тас көмір, мұнай коксын ҚХР-ға  тасымалдауға уақытша тыйым салынады. 

«Тыйым ҚХР тарапынан жүктердің уақтылы қабылданбауына байланысты енгізіл. Қазіргі уақытта халықаралық түйісулерде қозғалыссыз 145 пойыз қалдырылды.  Тыйым салу қолданылған кезде вагон ағынын азайту және тоқтап тұрған вагондарды, бірінші кезекте, Қытай тарапы қабылдайтын номенклатурасы мен көлемі бойынша азық-түлік жүктері бар вагондарды тапсыру басым міндет болады» делінген хабарламада. 
 

2018 жылдан бастап көпшілікке БАКАД атауымен белгілі Үлкен Алматы айналма автомобиль жолының салына бастағаны белгілі. Қазақстан ғана емес, Орталық Азиядағы аса ірі инфрақұрылымдық жоба болып саналатын бұл құрылыс құны 150 млрд теңгеге бағаланады. Жобаны Еуропа қайта құру және даму банкі, Ислам даму банкі, Еуразия даму банкі қаржыландырады. 

Жолдың ұзындығы – 66 шақырым. Алты жолақты қозғалысты үлкен айналма автомобиль жолы I техникалық санат параметрлеріне сәйкес келеді. Автожол құрылысымен қатар жаңа көпірлер, көлік жол айрықтары мен эстакадалар салу көзделген. Соның арқасында жол қозғалысы қауіпсіздігі қамтамасыз етіліп, автомобиль көлігінің қоршаған ортаға теріс әсерін азаймақ. Жоба толыққанды пайдалануға берілгеннен кейін барлық транзиттік ағын...

Биыл 23 шілде мен 8 тамыз аралығында Токиода олимпиада ойындары жалауын желбіретеді. Төртжылдықтың басты додасы былтыр өтуі тиіс еді. Алайда пандемияға байланысты бір жылға кейін шегерілген. Санитарлық талаптарды сақтай отыра өткізілетін ойындарға Қазақстан құрамасы да қатысады. Біздің еліміз 27 спорт түрі бойынша 96 лицензия иеленіп отыр. 

Президент Қасым-Жомар Тоқаев туды боксшы Қамшыбек Қоңқабаев пен жеңіл атлет Ольга Рыпаковаға табыс етті. Аталған екі спортшы ашылу салтанатында ел байрағын көтеріп шықпақ. Орталық коммуникациялар қызметінде брифинг берген мәдениет және спорт министрі Ақтоты Райымқұлова ұлттық құрамы карантин шараларын сақтай отырып, жолға дайындалуда деді. Министрдің айтуынша, сыйақы үкімет қаулысына сәйкес беріледі.

«2020 жылы жалпы Олимпиадада жеңіске...

Көпшілігі еңбек демалысын жазғы маусымға жоспарлайды. Әсіресе, шетелге шығу не ел ішінде саяхат жасауды ойға алғандарға ұшақ билеттерін аларда ескеру керек дүниелер бар. Бұл материалда билетті арзанға алудың жолдарын бөлісеміз. Кейбірін білсеңіз, енді бірі сіз үшін жаңалық болуы әбден мүмкін. Көбіміз билетті алдын-ала алған кезде ғана арзанға алуға болады деп ойлаймыз. Ал негізі оның басқа да жолдары бар. 

Іздеу сайттарын не мобайл қолданбаларды пайдаланыңыз

Әуебилеттерінің бағасын қарағанда жай ғана Google сынды іздеу жүйесіне жазу жеткіліксіз. Егер басқаларымен салыстырғыңыз келсе, арнайы іздеу сайттарына кіріп көрген дұрыс. Бүгінде ең танымал сервистердің ішінде Авиасейлс бен Skyscanner-ді атап өтуге болады. Бар болғаны санаулы секундтарды...

Грецияда бүгіннен бастап коменданттық сағаттың күші жойылды. Бұл туралы COVID-19 таралуына жол бермеу жөніндегі ВАК хабарлады. 

Мұнымен қоса, жеті ай бойы күшінде болған қатаң шектеулердің қатары жеңілдетілді. Алайда, 30 маусымнан бастап Ресейден келген барлық туристер вакцинацияланғанына немесе вакцинацияланбағанына қарамастан, Грекиямен шекарада ПТР тестінің теріс нәтижесі көрсетілген анықтаманы ұсынуы шарт.

Қытай халқын иммундау аясында елде өткен тәулікте республиканың 20 млн-нан астам тұрғыны вакцинациядан өтті. Бұл туралы бүгін ҚХР гигиена және денсаулық сақтау мәселелері жөніндегі мемлекеттік комитеті хабарлады, деп жазды COVID-19 таралуына жол бермеу жөніндегі ВАК. 

Комитеттің мәліметтеріне қарағанда, COVID-19-ға қарсы екпе алған азаматтардың жалпы саны 1,18 миллиардтан асқан.

Осылайша ҚХР-ның 31 әкімшілік бірлігінде коронавирустық инфекцияға қарсы 1 млрд 185 млн 787 мың екпе жасалды.

Қытай тұрғындары бүкіл әлемде жасалған вакциналар санының үштен бірінен астамын алды.

Оңтүстік Африка коронавирустың жаңа «Дельта» штаммын жұқтырған адамдар санының күрт өсуіне байланысты жаңа қатаң шектеулерді енгізді. Бұл туралы COVID-19 таралуына жол бермеу жөніндегі ВАК хабарлады. 

Республика президенті Сирил Рамафоса, елдің пандемияның үшінші толқынын өткеріп жатқанын айтты. Екі апта бойы кез-келген митингілер мен жиналыстарға тыйым салынған. Коменданттық сағаттың күші бір сағатқа ұзартылып, мейрамханалар тапсырыстарды тек қашықтан қабылдайды. Алкогольді ішімдіктің сатылымына тыйым салынған.

Дүниежүзілік денсаулық сақтау ұйымы (ДДҰ) алғаш рет балаларға коронавирусқа қарсы вакцина егуге болатындығын мәлімдеді. Ақпарат ұйымның сайтындағы жаңартылған нұсқаулықта айтылған. Бұл туралы Анадолу сайты хабарлады.

Нұсқаулықта балалар мен жасөспірімдер коронавирусты ересектермен салыстырғанда жеңіл түрде өткізуге бейім екендігі айтылған.

«Сондықтан, егер олар ауыр COVID-19 қаупі жоғары топта болмаса, оларды егде жастағы адамдарға, созылмалы аурулары бар адамдарға және денсаулық сақтау қызметкерлеріне қарағанда жедел түрде вакцинациялау керек», – делінген ДДҰ сайтында.

Бұған дейін ұйым COVID-19 вакциналарының балаларға әсері туралы жеткіліксіз мәліметтер туралы айтқан, сондықтан балаларға вакцинациялауға кеңес бермеген.
 

Кенияда әскери тікұшақ апатынан 17 сарбаз қаза тауып, алтауы ауруханаға түсті. Бұл туралы Анадолу сайты хабарлады.

Оқиға 24 маусым күні таңертең болды.

Тікұшақ Каджиадо ауданында жаттығу рейсінде болған.

Кения Қарулы Күштерінің Бас штабы тікұшақ құлау фактісін растады, бірақ қаза тапқандар туралы мәліметтер жария етілмеді.