Жаңалықтар

2022 жылғы желтоқсанда тұрғын үйді сатып алу-сату бойынша 33 587 мәміле тіркелген, оның ішінде жеке үйлер бойынша 7 554 және көппәтерлі үйлердегі пәтерлер бойынша 26 033 мәміле жасалды. 2022 жылдың қарашасымен салыстырғанда (33 797) тұрғын үйді сатып алу-сату мәмілелерінің саны 0,6%-ға азайды.  Мәмілелер саны бойынша Алматы (8 063 – 24,0%) және Астана (5 004 – 14,9%) қалалары көш бастап тұр. Мәмілелер саны Ұлытау облысында ең аз – 343 (1%).

Қараша айымен салыстырғанда желтоқсан айында ең көп өсім Ақтөбе (20,8%) облысында және Алматы (14,0%), Шымкент (9,8%) қалаларында тіркелді. Бір айдағы ең үлкен төмендеу Солтүстік Қазақстан (-25,3%), Шығыс Қазақстан (-19,4%) облыстарында және Астана (-15,0%) қаласында болды.

Мектепке дейінгі білім беру ұйымдарының тәрбиешілері мен педагогтері тек үш құжат толтыруы керек. Бұл туралы «Желіге шолу» айдарында ҚР Оқу-ағарту министрлігінің «Балаларды ерте дамыту институты» РММ директоры Манара Адамова айтты. Бұл туралы ҚР Оқу-ағарту министрлігінің баспасөз қызметі хабарлады.

 ​Айзат Байдарбекова есімді оқырман желіде: «Балабақша тәрбиешілері қандай құжаттарды толтыруы керек?», – деп сұрапты.

 ​«Биыл министрлік тәрбиешілердің жұмысын едәуір жеңілдететін бұйрықты бекітті. Онда мектепке дейінгі білім беру деңгейіндегі тәрбиешілер мен мұғалімдер толтыратын үш негізгі құжат анықталған. Бұл перспективалық жоспар, циклограмма және баланың жеке даму жоспары. Аттестаттау кезінде басқа құжаттар қаралмайды»,- деді «Балаларды ерте дамыту институты» РММ директоры Манара Адамова.

​​Еске сала кетейік...

Тұрғын үйге

БЖЗҚ 2021 жылғы қаңтардан 2023 жылғы 1 қаңтарға дейін салымшылардың (алушылардың) зейнетақы жинақтарын тұрғын үй жағдайларын жақсарту үшін пайдалануға берген 1 345 400 өтінішін орындады. Уәкілетті оператор-банктерде ашылған қазақстандықтардың арнайы шоттарына БЖЗҚ шамамен 3,2 трлн теңге аударды. Бұл туралы БЖЗҚ АҚ-ның баспасөз қызметі хабарлады.

www.enpf.kz сайтындағы «Көрсеткіштер» бөлімінде салымшылардың біржолғы зейнетақы төлемдерін қандай мақсаттарға пайдаланғаны/пайдалануды жоспарлайтыны туралы егжей-тегжейлі ақпарат жарияланған. Мұндай ақпарат өңірлер бөлінісінде де берілген («Мақсаттар бойынша тұрғын үй жағдайларын жақсартуға арналған біржолғы зейнетақы төлемдері» және тиісінше «Тұрғын үй жағдайларын жақсартуға арналған біржолғы зейнетақы төлемдері» шағын бөлімшелері). Мұндағы мәліметтер орындалған өтініштердің басым бөлігі әлі де...

2023 жылдың 1 қаңтарынан бастап қолданысқа енген атаулы әлеуметтік көмек алатын отбасылардың балаларына көрсетілетін кепілдік берілген әлеуметтік топтаманы монетизациялау, ата-аналарға балалардың жеке қажеттіліктеріне қарай керекті тауарларды өз бетінше таңдауға мүмкіндік беретін болады. Бұл туралы ҚР Еңбекмин баспасөз қызметі хабарлады.

2020 жылғы қаңтар айынан бастап атаулы әлеуметтік көмек (бұдан әрі – АӘК) алатын отбасылардың 1 жастан 6 жасқа дейінгі балаларына АӘК-ке қосымша әлеуметтік қолдау шарасы ретінде азық-түлік пен тұрмыстық химия жиынтығы түріндегі кепілдік берілген әлеуметтік топтама ұсынылғаны белгілі.

2022 жылы әлеуметтік көмек алатын отбасының әрбір мүшесіне, яғни әр балаға АӘК-тің орташа мөлшері 6 650 теңгені құрады. Табысы аз отбасылардың балаларына қосымша...

Алматы облысында ІІМ мен ҰҚК бірлескен арнайы операциясы барысында ірі есірткі зертханасы жойылды, – деп хабарлайды Polisia.kz.

Ішкі істер министрлігі мен Ұлттық қауіпсіздік комитеті жүргізген бірлескен іс-шаралар барысында Алматы облысында орналасқан жасырын есірткі зертханасының жұмысы тоқтатылды.

7 қаңтарда ІІМ және ҰҚК күштерімен ауқымды синтетикалық есірткі өндірісін жолға қойған күдікті ұсталды.

Анықталған есірткі зертханасын тінту барысында 30 кг «мефедрон» психотроптық заты және есірткі өндіруге арналған бір тоннадан астам химиялық реактивтер табылып, тәркіленді.

Арнайы операция сәтті жүзеге асу үшін прокуратура органдарының келісімі бойынша жедел-іздестіру іс-шаралары жүргізілді.

Қазіргі уақытта синтетикалық есірткі өндірісіне қажетті жабдықтарды жеткізу арналары және басқа...

Шымкентте Ұйымдасқан қылмысқа қарсы күрес басқармасының қызметкерлері Түркістан облысының шенеунігінен қомақты ақша бопсалаған кәсіпкерді ұстады, – деп хабарлайды Polisia.kz.

Шымкент қаласы ПД-ға мемлекеттік мекемелердің бірінің басшысы жүгінді. Ер адам оның іскерлік беделіне нұқсан келтіретін ақпаратты таратамын деп жеке кәсіпкер 50 млн теңге бопсалап отырғанын айтты.

Аталған жайтты жедел уәкілдер ҚР ҚК-нің 194-бабы «Қорқытып алу» бойынша тіркеді.

Ұйымдасқан қылмысқа қарсы күрес басқармасының қызметкерлері жедел іс-шаралар өткізіп, нәтижесінде күдіктінің жеке басын анықтады. Ол бұрын мемлекеттік сатып алу бойынша конкурсқа қатысқан мегаполис тұрғыны болып шықты. Алайда ол конкурстан жеңіліп, жәбірленушіні кінәлаған. Оны полицейлер 45 миллион теңгені қолма-қол алу кезінде...

Финляндия Швециядан бұрын НАТО-ға кіруден бас тартты және ел альянсқа қосылу туралы өтінішін мақұлдағанша күтеді. Бұл туралы елдің сыртқы істер министрі Пекка Хаависто мәлімдеді. Бұл туралы ТАСС агенттігі хабарлады.

«Финляндия мүмкіндігінше тезірек НАТО-ға кіруге ұмтылмайды, сондықтан біз Швеция тиісті сигнал алғанша күте аламыз», – деді Сыртқы істер министрі.

Қытайда анти-COVID шектеулерінің жойылуына байланысты елдің ғылыми элитасы арасында өлім деңгейі күрт өсті. Бұл туралы South China Morning Post мәлімдеді.

Атап айтқанда, тек Қытайдың Инженерлік академиясында 15 желтоқсан мен 4 қаңтар аралығында 20 ғалым қайтыс болды.

Басылым 2017-2021 жылдар аралығында онда жылына орта есеппен академияның 16 мүшесі қайтыс болғанын, ал 2021 жылы 13 өлім тіркелгенін атап өтті.

Олардың өлімінің себебі анықталған жоқ.

Қытай құрлықтағы және теңіздегі шекаралар мен әуежайлардағы бақылау-өткізу пункттеріндегі қалған шектеулерді алып тастады. Көптеген шекара өткелдері пандемия басталғаннан бері үш жылға жуық уақыт бойы жабылған еді.

Соңғы айларда азаматтардың жаппай наразылықтары жағдайында Бейжің індеттің жаңа толқынына қарамастан, шектеу шараларын алып тастау туралы шешім қабылдады.

Бірақ осыған байланысты басқа елдер Қытай азаматтарының кіруіне өз шектеулерін енгізе бастады.

Өзбекстанда үнділік компанияның ЖРВИ-ға қарсы препаратын қабылдағаннан кейін қайтыс болған балалардың саны 20-ға жетті. Бұл туралы interfax.ru сайты елдің Денсаулық сақтау министрлігінің баспасөз қызметіне сілтеме жасап хабарлады.

«Наманган облысының денсаулық сақтау басқармасы Наманган облысының Үшқорған ауданында үш жасар баланың қайтыс болғанын растады», – делінген хабарламада.

Бұған дейін, желтоқсан айының соңында Өзбекстанның Денсаулық сақтау министрлігі үнділік компаниядан SARS «Док-1Макс» препаратын қабылдағаннан кейін 18 баланың қайтыс болғанын хабарлаған. Зертханалық зерттеулер барысында препараттан улы зат этиленгликоль табылды. Кейінірек Қашқадария облысында (елдің оңтүстігінде) тағы бір баланың қайтыс болғаны белгілі болды.

Таиландта енді шекарадан өткен кезде коронавирусқа қарсы вакцинацияның толық курсы туралы құжатты талап етеді. Бұл туралы елдің Азаматтық авиация басқармасы хабарлады.

Мұндай талаптар дүйсенбі, 9 қаңтар, жергілікті уақыт бойынша таңғы сағат 01:00-ден бастап рейспен келетін жолаушыларға қатысты болады. Бұл шаралар кем дегенде қаңтар айының соңына дейін күшінде болады.

Азаматтық авиация басқармасы шетелден келетін 18 жастан асқан адамдарға қатысты ережелердің өзгергені туралы барлық тараптарды хабардар еткенін атап өтті.

Азаматтық авиация басқармасының ресми сайтында Таиландта мақұлданған 16 вакцинаның тізімі жарияланды. Олардың арасында Спутник V және Спутник Лайт та бар.

5 қаңтарда сағат 16: 58-де «112» пультіне 5 жасар баладан қоңырау келіп түсті, ол жеке үйде күйік иісі бар екенін хабарлады. Бұл туралы Абай облысы ТЖД баспасөз қызметі хабарлады.

Оқиға орнына дереу құтқарушылар бригадасы шығып, 102 және 103 қызметтері жіберілді.

Осы уақытта Семей қаласының КҚЖБО диспетчерлері азаматтық қорғау старшинасы А. Аринова мен азаматтық қорғау лейтенанты Н.Тойымбаева бейнебайланыс арқылы баламен байланысқа шықты. Ашық жануы жоқ екеніне көз жеткізіп, балаларға психологиялық көмек көрсетті,  және де бөлмелерді желдету үшін баланы терезе ашуды өтінді.

Құтқарушылар оқиға орнына келгеннен кейін жас балалардың жеке үйде бұғатталғаны және жанудың иісі бар екендігі белгілі болды.

МӨС-1 қызметкерлері шанц...

2023 жылғы 1 қаңтардан бастап Мемлекеттік әлеуметтік сақтандыру қорынан жұмысынан айырылған, еңбекке қабілеттілігінен айырылу және асыраушысынан айырылу жағдайлары бойынша әлеуметтік төлемдер мөлшері ұлғайтылды, сондай-ақ бала күтімі бойынша төлемдер кезеңі ұзартылды. Бұл туралы ҚР Еңбекмин хабарлады.

Мемлекет басшысының Жолдауын іске асыру шеңберінде жұмысынан айырылған жағдайда төленетін әлеуметтік төлемді есептеу үшін қолданылатын табысты алмастыру коэффициенті 40% – дан 45% – ға дейін ұлғайтылды. 2023 жылы 117 мыңға жуық азаматқа жұмысынан айырылған жағдайда төленетін әлеуметтік төлем орта есеппен 13% – ға өсіп, арттырылған мөлшерде тағайындалады деп күтілуде.

Сондай-ақ бала күтімі бойынша әлеуметтік төлемді жүзеге асыру ұзақтығы 1 жастан 1,5 жасқа дейін ұзартылды. Биыл бұл...

Covid-19-дың жаңа түрі XBB.1.5 деп аталатын вирус АҚШ-та тез тарап жатыр. Бұл туралы Хабар 24 сайты хабарлады.

Аурудың алдын алу және бақылау орталығының мәліметі бойынша бұл штаммның жұғуы желтоқсанда 4%-тен 41%-ке дейін артып кеткен. Қазір ғалымдар омикроннан кейін мутациаланған бірнеше вирусты зерттеп жатыр.

Бірақ осы ХВВ.1.5 басқа штаммдарға қарағанда көп өзгергенін айтады. Сондықтан вакцина мен антидененің әсері болмауы мүмкін.

Omicron-ның тағы бір түрі ХВВ.1.5 деп аталатын вирустың АҚШ-та тез тарауы ғалымдардың алаңдаушылығын тудырып отыр. Жаңа вирус әлемдегі 30-ға жуық мемлекетте анықталды. ДДСҰ қызметкері Мария Ван бұған дейінгі вирустарға қарағанда оның жұқпалы әрі жасушада бірден көбейетінін айтты...

2022 жылдың 5 қаңтардағы жағдай бойынша «Қазақстан халқына» қоғамдық қоры қайғылы қаңтар оқиғалары барысында зардап шеккен 540 адамға жалпы сомасы 2 млрд 112 млн теңгеге қайырымдылық көмек көрсетті, атап айтқанда:

– қаза тапқан 19 әскери қызметшінің, ішкі істер және Ұлттық қауіпсіздік органдарының қызметкерлерінің отбасыларына – 133 млн теңге (7 млн теңгеден); 

– Ауыр жарақат алған 111 әскери қызметшіге, ішкі істер және Ұлттық қауіпсіздік органдарының қызметкерлеріне – 333 млн теңге (3 млн теңгеден);

– Қаза тапқан әскери қызметшілердің, ішкі істер органдары мен ұлттық қауіпсіздік органдары қызметкерлерінің отбасыларындағы 23 кәмелетке толмаған балаға – 46 млн теңге (әрбір кәмелетке толмаған балаға 2 млн...

2022 жылы республикалық бюджеттің есебінен 4700 білім беру гранты бөлінді, оның 1500-і резидентура үшін, деп хабарлады Қазақстан Республикасы Денсаулық сақтау министрлігінің Ғылым және адами ресурстар департаменті.

2023 жылы Мемлекет басшысының тапсырмасын іске асыру мақсатында республикалық бюджеттің есебінен резидентура гранттарының санын 2500-ге дейін ұлғайту жоспарлануда. Біздің университеттерді өз клиникалық базаларымен қамтамасыз ету мақсатында 6 университеттік аурухананың құрылысын іске асыру басталды.

Бұл дәрігерлерді практикаға бағдарланған даярлауды қамтамасыз етуге, университеттердің мүмкіндіктерін кеңейтуге және ғылымды, озық технологиялар мен білім беру процесін интеграциялау арқылы университеттік клиникаларға республикада денсаулық сақтауды дамытудың драйвері болуға мүмкіндік береді.

Сондай-ақ, Президент пен «Аманат» партиясының тапсырмасы бойынша шәкіртақы...

Қытай індетті жұқтырғандар мен өлім туралы толық және нақты мәліметтерді бермейді. Бұл туралы Дүниежүзілік денсаулық сақтау ұйымы мәлімдеді.

Дүниежүзілік денсаулық сақтау ұйымының мәліметі бойынша, Қытай өткен жылдың желтоқсан айында бүкіл ел бойынша індеттен 13 адам қайтыс болды деп хабарлады, сарапшылардың пікірінше, бұл нақты жағдайды көрсетпейді.

«Біз Қытайдан індетті жұқтырғандар мен өлімдер туралы тұрақты және сенімді мәліметтерді беруді талап етеміз. Бізді індеттің қазіргі эпидемиялық көрінісі қатты алаңдатады»,-Дүниежүзілік денсаулық сақтау ұйымының басшысы Тедрос Адханом Гебрейесус.

2022 жылғы 22 желтоқсанда Мемлекет басшысы «Қазақстан Республикасы азаматтарының төлем қабілеттілігін қалпына келтіру және банкроттығы туралы» ҚР Заңына (бұдан әрі – Банкроттық туралы заң) қол қойды. Бірақ ол ресми жарияланғаннан кейін 60 күн өткеннен соң әрекет ете бастайды. Бұл дегеніңіз, қарыздары бар, сол қарыздарын өтей алмайтын азаматтардың 2023 жылғы 3 наурыздан бастап банкроттыққа өтініш бере алатынын білдіреді. Бұл туралы fingramota.kz сайты толық айтып берді.

Банкроттық туралы заң рәсімнің үш түрін көздейді, олар – соттан тыс банкроттық, сот арқылы банкроттық және төлем қабілеттілігін қалпына келтіру. Аталған рәсімдерге тек қарыз алушының өзі бастамашы бола алады, яғни кредитор борышкердің банкроттығына өтініш беруге құқылы болмайды.

Америкалық Amazon компаниясы бұрын жарияланған 10 мың жұмысшының орнына 18 мыңнан астам қызметкерін қысқартады. Бұл туралы интернет-ритейлердің бас директоры Энди Джесси мәлімдеді.

Оның айтуынша, бұл шешім экономикалық жағдай мен пандемия кезінде сұраныстың артуына байланысты болған. Өйткені соңғы екі жылда көптеген қызметкерлер жұмысқа алынған. Бірақ 2023 жылға арналған жоспар аясында қызметкерлерді қысқарту шарасы қабылданды.

Жұмыстан босату ең алдымен, сату және жалдау бөлімдеріндегі қызметкерлерге әсер етеді деп хабарланды.

Оқушылардың жалпы саны – 525,9 мың адам, оның ішінде 251,2 мың адам немесе 47,8%-ы – әйелдер. 2021-2022 оқу жылымен салыстырғанда оқушылар саны 6,5% көбейді. Бұл туралы Ұлттық статистика бюросы хабарлады.

Оқушылардың жалпы санынан 71,8% – негізгі орта білім, 24,5% – жалпы орта білім негізінде, 3,7% – ТжКБ базасында оқиды.

Күндізгі оқу бөлімінде оқушылардың 95,8%, кешкі және сырттай бөлімдерде тиісінше 0,2% және 3,9% оқиды.

316,1 мың адам мемлекеттік білім беру тапсырысы бойынша оқиды, бұл – оқушылардың жалпы санының 60,1%, 209,8 мың адам немесе оқушылардың 39,9% ақылы негізде білім алады.

2022-2023 оқу жылындағы сұранысқа ие мамандықтар:

– мейіргер іс...

Осы жылдың 26 мамырында Астана уақытымен сағат: 15.00-де қатты пайдалы қазбаларды өндіру бойынша жер қойнауын игеруге құқық беруді көздейтін аукцион өткізіледі. Бұл туралы ҚР ИИДМ баспасөз қызметі хабарлады.

Аталған аукционға алтын, күміс, кварцит, барит, көмір, фосфорит және тағы да басқа қатты пайдалы қазбаларға байланысты 28 лот қойылады.

Аукцион елордада Қабанбай батыр даңғылы 32/1 мекенжайы бойынша орналасқан ҚР Индустрия және инфрақұрылымдық даму министрлігінің ғимаратында немесе «Қазақстан Республикасы Инвестициялар және даму министрінің 2018 жылдағы 11 мамырдағы «Қатты пайдалы қазбаларды барлау немесе өндіру жөніндегі операцияларды жүргізу үшін жер қойнауы учаскелері бойынша аукцион жүргізу қағидаларын бекіту туралы» №315 бұйрығы күшіне енген жағдайда электронды форматта...

2023 жылғы 1 қаңтардан бастап Қазақстанда мемлекеттік қолдау шараларын проактивті тағайындау үшін жұмыс режимінде Отбасының цифрлық картасы (бұдан әрі – ОЦК) іске қосылды.

ОЦК «Smart Data Ukimet» аналитикалық жүйесімен интеграцияланған, ол жүйеде мемлекеттік органдардың барлық дерекқоры жинақталған. Онда табыс деңгейі, жылжымалы және жылжымайтын мүліктің болуы, отбасы құрамы, кредиттің болуы және т. б. сияқты әртүрлі ақпарат қамтылған.

Бүгінгі таңда мемлекеттік органдардың ақпараттық жүйелерінің деректері негізінде ОЦК-да Қазақстанның 19,5 млн азаматы немесе 6,3 млн отбасы туралы ақпарат жинақталған.

Қолда бар деректер негізінде экономикалық, әлеуметтік, тұрғын үй жағдайлары, денсаулық пен білім бойынша отбасының әл-ауқат деңгейін бағалауға және қадағалауға мүмкіндік беретін талдаулар жүргізіледі, ал...

Өткен жылдың 11 айының қорытындысы бойынша қымыз өндірісі 9,2%-ға төмендеген. Бұл туралы Ұлттық статистика бюросы хабарлады.

Мәселен, 2022 жылдың қаңтар-қараша аралығында 1 520 тонна қымыз өндірілді, ал 2021 жылдың тиісті кезеңінде көрсеткіш 154 тоннаға артық болған.

Бұл ретте шұбат өндірісі 7,8%-ға артты. Мәселен, өткен жылдың 11 айында түйе сүтін өндірушілер 2 644 тонна шұбат алды – бұл 2021 жылдың сәйкес кезеңімен салыстырғанда 191 тоннаға артық.

2023 жылғы 1 қаңтардан бастап Мемлекет басшысының тапсырмасын іске асыру мақсатында Қазақстанда ең төменгі жалақы мөлшері 60 000 теңгеден 70 000 теңгеге дейін артты. Бұл туралы ҚР Еңбекмин хабарлады.

Еңбек кодексіне сәйкес жұмыс берушілер жұмыскерлерге еңбекақыны ЕТЖ-дан төмен болмайтын деңгейде қамтамасыз етуге міндетті. Осының арқасында түрлі меншік нысанындағы кәсіпорындардың барлық салаларында жұмыс істейтін жалақысы 70 мың теңгеге дейінгі 1,8 млн-ға жуық жалдамалы жұмыскердің ақшалай кірістері өседі.

Бірінші кезекте ЕТЖ көтерілуі «жалақысы төмен» қызметкерлерге қатысты болады. Екіншіден, жалақы деңгейін белгілеу кезінде ЕТЖ көрсеткішін пайдаланатын жұмыс берушілер разрядаралық біліктілік жүйесін ескере отырып, қызметкерлердің басқа санаттарының жалақысын қайта қарайтын болады.

Естеріңізге сала кетейік...