Жаңалықтар

Энергетика министрлігі Қазақстан Республикасында сутегі энергетикасын дамыту бойынша 2040 жылға дейінгі тұжырымдамасы жобасын әзірледі. Құжатта бірнеше пилоттық жоба ұсынылды.

Жобада сутегі энергетикасын дамытудың негізгі қағидаттары мен тәсілдері қарастырылған.

Тұжырымдама бойынша тұрғын үй-коммуналдық шаруашылық саласында сутегіні өндіру және пайдалану үшін пилоттық жобаларды іске асыру, ғылыми әлеуетті дамыту, тиісті персоналмен қамтамасыз ету шаралары жүзеге асады.

Сондай-ақ сутегі транспорты үшін қажетті инфрақұрылым, жанармай құю станциялары, сутегін электр қуатын өндіруге пайдалана отырып, жергілікті энергетикалық жүйелерде энергия сақтау құрылғысы ретінде өндіру және пайдалану үшін тәжірибелік алаңдар құрылады.

Сутегі энергетикасы саласында бірнеше басым пилоттық жоба жүзеге аспақ:

Сутегі автомобиль және теміржол көлігінің тәжірибелік үлгісін жасау;

Жапондық Toyota Motor Corp. 2023 жылы 10 млн 309,457 мың автокөлік сатты. Бұл өткен жылмен салыстырғанда 7,3%-ға жоғары, деп хабарлады компания The Japan Times басылымына.

Автоөндірушінің жылдық сатылымы алғаш рет 10 млн көліктен асты.

Соңғы қаржы жылында автомобиль өндірісі 9,2%-ға өсіп, 9,97 млн-ды құрады. Деректер Lexus брендін қамтиды. Бірақ бұл көрсеткішке Daihatsu Motor және Hino Motors сатылымдары қосылмаған.

Осы еншілес брендтерді ескере отырып, Toyota бір жылда 11 млн90,108 мың автокөлік сатты. Бұл да рекордтық көрсеткіш және өткен көрсеткішпен салыстырғанда 5% жоғары.

Еске сала кетсек, жапондық Toyota Motor Corp. компаниясының III тоқсандағы таза табысы 1,9 есе, кірісті 23%-ға артты...

«Самұрық-Қазына» ҰӘҚ «Қазатомөнеркәсіп» компанияна 2023 жылға дивиденд төлеу мерзімін 17 шілдеден 28 мамырға, яғни бір жарым айға өзгертуді ұсынды. Бұл туралы Қазақстан қор биржасы жариялаған құжатта жазылған.

«Самұрық-Қазына» АҚ мажоритарлық акционерінің өтінішіне сәйкес компанияның директорлар кеңесі 2023 жылдың қорытындысы бойынша дивидендтерді төлеудің ұсынылатын басталу күнін өзгерту туралы шешім қабылдады. Акционерлердің жалпы жиналысы 2024 жылдың 23 мамырына жоспарланған. Жалпы жиналыс мақұлданған жағдайда, 2023 жылдың қорытындысы бойынша дивидендтерді төлеу 2024 жылғы 28 мамырда 2024 жылғы 27 мамырдағы жергілікті уақыт бойынша 00:00-де (GMT+5) бағалы қағаздарды ұстаушылар тізілімінде тіркелген акционерлерге (бұрынғы GMT+5) төленеді», – деп жазылған хабарламада.

Британдық Сar Рark Transformer компаниясы Қазақстанда республикалық және халықаралық маңызы бар жолдардың бойында 250 қызмет көрсету станциясын салады. Олар санитарлық аймақтарымен, сауда орындарымен, сондай-ақ, электромобильдерді зарядтау пункттерімен жабдықталады.

Kazakh Invest ақпаратына сүйенсек, Ұлыбритания сыртқы істер министрі Дэвид Кэмеронның Қазақстанға сапары аясында британдық компания мен Қазақстан Көлік министрлігі Автомобиль жолдары комитеті арасында тиісті меморандумға қол қойылған. 

Car Park Тransformer веб-сайтында компания автомобильдерге арналған күн жайлары мен электр машиналарын зарядтау нарығында көшбасшы екені жазылған. Ол автотұрақтарды таза энергиямен жұмыс істейтін электр станцияларына айналдырады және олардың аумағында көп функционалды сауда орталықтарын ашады.

Өнеркәсіп және құрылыс министрлігі электр көліктерді қуаттандыруға арналған станциялардың жаңа...

Қазақстанда қолға алынған полипропилен және полиэтилен жобаларына ресейлік «СИБУР» холдингі ат салыспақ. Компания қандай қызмет бағыттарына жауап береді? Таяу жылдары қазақстандық полипропиленнің Еуропаға экспорты арта ма? Акционерлерге қарсы санкцияларға байланысты қазақстандық тарап үшін қауіп-қатер бар ма? Бұл сұрақтарға Энергетика вице-министрі Асхат Хасенов жауап берді.

«Полипропилен – әлемдегі екінші сұранысқа ие пластик. Полипропиленді тұтынудың өсуі жыл сайын орта есеппен 3-4%-ды құрайды. 2023 жылы Еуропаға 30 мың тонна қазақстандық полипропилен экспортталды, бұл көлемді болашақта 100 мың тоннаға дейін ұлғайту жоспарлануда. Ал «Сибур Холдинг» ЖАҚ санкциялар тізіміне енгізілмеген, тиісінше біз полипропиленді Еуропаға сату тәуекелдерін көрмейміз», – деді вице-министр.

Экс-депутат Қанат Нұров Қазақстан кәсіпкерлерінің құқықтарын қорғау жөніндегі уәкіл лауазымына тағайындалды. Бұл туралы Ақорда хабарлады. 

«Мемлекет басшысының өкімімен Қанат Ілияұлы Нұров кәсіпкерлердің құқықтарын қорғау жөніндегі уәкіл лауазымына тағайындалды», – делінген хабарда. 

Бұрын бұл қызметте болған Рустам Манарбекұлы Жүрсінов президент өкімімен лауазымынан босатылған.

Қанат Нұров 1967 жылы Алматыда дүниеге келген. 1992 жылы Әл-Фараби атындағы ҚазМУ-ды (қазіргі ҚазҰУ) «Тарих» мамандығы бойынша бітірген. 

«Юрист» порталының ақпаратына сүйенсек, 2000 жылдан 2006 жылға дейін – «Қазақтелеком» АҚ вице-президенті, бас қаржы директоры. 2006 жылдан 2007 жылға дейін – «Казкоммерцбанк» АҚ басқарушы директоры. 2021 жылға дейін – «Plankion Group» және «Аспандау» ғылыми-білім беру қорыны...

Ақтөбе, Батыс Қазақстан, Солтүстік Қазақстан облыстарындағы қауіпті аурулары бар мал көмілген 12 нысанды су басқан. Бұл туралы денсаулық сақтау вице-министрі Айжан Есмағамбетова мәлім етті.  

Сенаттың жалпы отырысында Айжан Есмағамбетова су тасқынынан кейін жасалған зерттеу нәтижесін жариялады. Министр орынбасарының айтуынша, қазір су басқан қауіпті ошақтарда мамандар тиісті жұмыстар атқарып жатыр. Топырақтан сынамалар алынған.

«Зерттеу нәтижесінде потогенді микроағзалар анықталмады. Бірақ оған қарамастан сібір жарасы және басқа аурулары бар мал көмілген орындарға дезинфекция жасалды. Солтүстік Қазақстан облысында сібір жарасы және мал көмілген орындарды әлі де су басып тұр. Бұл аумақтар да зерттеліп, потогенді микроағзалар анықталмады. Су тартылғаннан кейін...

Мәдениет және ақпарат министрі Аида Балаева ProTenge Telegram-арнасының бас редакторы Жәмила Маричева мен журналист Асхат Ниязовқа қатысты іс туралы түсініктеме берді.

Оның айтуынша, Ақпарат министрлігі Жәмила Маричеваға қатысты шағым түсірмеген.

«Мәдениет және ақпарат министрлігі өз құзыреті шегінде медиа-кеңістікте мониторинг жүргізу барысында «ProTenge» телеграм-арнасында ақпарат таралу фактісін анықтады (оны А.Ниязов репост жасаған). Алайда кейін оны мемлекеттік органдар теріске шығарды. Бұл материал дәйексіз деп танылуы мүмкін басқа материалдармен бірге бағалау және тиісті әрекет ету үшін ішкі істер органдарына жіберілді», – делінген министрдің Facebook-тегі жазбасында.

Ол жалған ақпарат таратуға байланысты фактілер бойынша одан әрі құқықтық баға беру, тиісті шаралар қабылдау ішкі істер органдарыны...

Сенат Қазақстан Республикасы мен Өзбекстан Республикасы арасындағы одақтастық қатынастар туралы шартты мақұлдады.

Шарт саяси, сауда-экономикалық, транзиттік-көліктік, энергетикалық, мәдени-гуманитарлық салалардағы, азаматтық қорғаныс және энергетика саласындағы ынтымақтастықты кеңейтуге бағытталған, сондай-ақ халықаралық аренада өзара іс-қимылды нығайтуды көздейді.

Сонымен бірге шарт ережелеріне сәйкес екі мемлекеттің парламенттері, саяси партиялар мен қоғамдық ұйымдар арасындағы байланыстарды нығайтуға ықпал етеді.

«Тараптар сыртқы саясат, қорғаныс және қауіпсіздік салаларында, халықаралық терроризмді, діни экстремизм мен сепаратизмді, трансұлттық ұйымдасқан қылмысты, киберқылмысты, заңсыз көші-қонды, адам саудасын, қару-жарақтың, есірткі құралдарының, психотроптық заттар мен олардың прекурсорларының заңсыз айналымын қоса алғанда, қауіпсіздікке төнген жаңа қауіп-қатерлерге қарсы іс-қимыл мәселелерінде өзара...

Петропавл тұрғыны TikTok-та жергілікті еріктілер су тасқынынан зардап шеккендерге арналған гуманитарлық көмекті ұрлап жатқаны туралы айтқан. Полиция ақпаратты тексеріп, жалған ақпарат таратқаны үшін ер адамға 74 мың теңгеге жуық айыппұл салған. 

Петропавл қаласының 41 жастағы тұрғыны Солтүстік Қазақстан облысындағы су тасқынынан зардап шеккендерге жіберілген гуманитарлық көмекті видеоға түсірген. Бейне авторы TikTok-та еріктілер «ұрлық жасайды» деп мәлімдеген.

Полиция қызметкерлері тексеру жүргізіп, гуманитарлық көмектің ұрлағаны туралы ақпаратты жоққа шығарған. Сондай-ақ бейнежазбаны фейк ақпарат деп бағалаған.

«Фейк ақпарат таратушы облыс орталығында тұратын 41 жастағы азамат болып шықты. Ол смартфонға көмекті түсіру сәтін түсіріп, бірақ ол еріктілерден жұмыстың мән-жайларын, мерзімдер...

Жер қойнауын пайдаланушылар көмірсутектердің жаңа кен орындарын іздеу мақсатында 2024 жылы 80-нен астам іздестіру және барлау ұңғымаларын бұрғылауды жоспарлап отыр. Бұл туралы Энергетика вице-министрі Асхат Хасенов айтты.

Олардың алғашқыларының бірі – Қызылорда облысындағы Торғай-палеозой учаскесінде тереңдігі 5500 метрлік ұңғыма. Жуырда онда бұрғылау жұмыстары басталады.

Айта кетейік, аталған облыстағы кен орындарында мұнай өндіру көлемі жыл сайын азайып келеді. 

Сондай-ақ, алғашқылардың бірі болып Каспий теңізінің қазақстандық секторындағы Абай теңіз құрылымында іздеу ұңғымасы бұрғыланады.

Бұдан бөлек Қаратон Тұзасты учаскесінде («Кaraton Operating» ЖШС, тереңдігі 5500 м), Адай блогында («Ocean Petroleum» ЖШС, тереңдігі 6900 м), Мақсат құрылымында («Фирма АЛМЭКС ПЛЮС» ЖШС, тереңдігі 6200 м), Сайөтес...

Көмірсутектерді барлауға және өндіруге арналған келісімшарттар бойынша 2023 жылғы инвестициялардың жалпы сомасы 7,4 трлн теңгені құрады. Оның ішінде 152,4 млрд теңге барлауға жұмсалды. Бұл туралы Энергетика вице-министрі Асхат Хасенов айтты.

«2022 жылмен салыстырғанда барлау шығындары 11,9% – ға өсті. 2022 жылы 135,7 млрд теңге жұмсалған», – деп жазылған хабарламада.

Министрліктің ақпаратынша, 2023 жылы 30 көмірсутегі кен орны барлау кезеңінен өндіру кезеңіне ауыстырылды.

«2023 жылы көмірсутектердің 30 кен орны барлау кезеңінен өндіру кезеңіне көшті. Мұнай бойынша осындай кен орындарында алынатын қорлардың өсімі – 115,4 млн тонна, газ – 25,5 млрд текше метрді құрады...

Қазақстан Парламенті Сенатының депутаты Андрей Лукин елордадағы Нұрсұлтан Назарбаев әуежайының атауын өзгерту туралы сұраққа жауап берді.

«Қазір депутаттар корпусы елордалық Нұрсұлтан Назарбаев әуежайының атауын өзгерту мәселесін талқылап жатыр ма?», – деген журналист сұрағына Сенат депутаты күн тәртібінде мұндай мәселе болмағанын және талқыланып жатпағанын айтты.

.

Алайда қазір мемлекеттік наградалардың атауы өзгертіліп жатқанын атап өтті. Мәселен, 1-дәрежелі «Айбын» орденіне «Сағадат Нұрмағамбетовтің», 2-дәрежелі «Айбын» орденіне «Бауыржан Момышұлының», 3-дәрежелі «Айбын» орденіне «Рақымжан Қошқарбаевтың» аты беріледі.

Ең бірінші кезекте «Назарбаевтан» Астана атауы қайтарылды. Өткен жылдың 15 ақпанында Мемлекет басшысы «Қазақстан Республикасының Тұңғыш Президенті – Елбасы туралы» Қазақстан Республикасы Конституциялы...

2022 жылы мұнай өндіру 84,2 млн тоннаны, экспорт – 64,3 млн тоннаны құрады. Бұл туралы Энергетика вице-министрі Асхат Хасенов айтты.

“Оның 17,9 млн тоннасы ішкі нарық (АМӨЗ, ПМХЗ, ПҚОП, CaspiBitum) қажеттіліктеріне жұмсалды», – деді ведомство өкілі.

Қазіргі уақытта мұнай өңдеу қуатын жылына 27 млн тоннаға дейін ұлғайту жұмыстары басталды.
«Шымкент МӨЗ-інде өңделетін мұнай жылына 6 млн тоннадан 12 млн тоннаға жетсе, Ал Павлодар МХЗ 2 кезеңде жылына 5,5 млн тоннадан 8 млн тоннаға мұнай өңдемек. CaspiBitum қуаттылығы жылына 1-ден 1,5 млн тоннаға дейін артады. Ал Атырау МӨЗ-нің мұнайды қайта өңдеу қуаттылығы жылына 0,7 – 1 млн тоннаға дейін жетеді»,- деп түсіндірд...

Қазақстанда әлемдік өндірушілермен бірге мұнай-газ жабдықтарын шығаратын 5 жаңа кәсіпорын ашылған. Бұл жайлы Энергетика министрлігінің баспасөз қызметі хабарлады.

Баспасөз қызметінің хабарлауынша, Германияның WIKA компаниясымен – манометрлер, мембраналық бөлгіштер, термопаралар шығарылады. АҚШ-тың Honeywell компаниясымен бірлесіп газ детекторлары, жарылыстан қорғалған басқару жүйесінің шкафтарын шығару жоспарланған. Ал Италияның PetrolValves компаниясымен клапандар, Американың Sigma Solutions компаниясымен бірлесіп, жарылыстан қорғалған қосқыш қораптар мен Emerson компаниясымен қысым датчиктері шығарылмақ. Солайша елде түпнұсқа тауарлардың әлемдік өндірушілерінің қатысуымен 5 жаңа өндіріс жұмыс істей бастаған.

Еске сала кетсек, 24 сәуір күні Жаңаөзенде құны 17 млрд теңге болатын мұнай-газ жабдықтарын шығаратын зауыт салынатыны жайлы айтылды. Жоспарға сәйкес...

Халықаралық валюта қоры әлемдік экономиканың болашағына болжамды жаңартты.
Оған сәйкес әлем экономикасы биыл және келесі жылы да 3,2% өседі деп болжайды. Алайда бұл көрсеткіш 2000-2019 жылдардағы әлемдік орта деңгей – 3,8%-дан төмен.

Қор сарапшылары:«Өсім АҚШ-тағы ахуалдың жақсаруы мен оның басқа мемлекеттерге әсері есебінен болуы мүмкін»,– дейді. Сонымен қатар жаһандық инфляция 2024 жылы 5,9%, 2025 жылы 4,5% төмендейтінін айтады.

Ал Қазақстанға арналған болжамда экономикалық өсім 3,1%, 2025 жылы 5,6% болады деп отыр.

Айта кететіні, жан басына шаққандағы жалпы ішкі өнім бойынша Қазақстан Ресейді қуып жеткен. Орта есеппен оның көлемі 13 мың долларға жуықтаған. Ал бұл көрсеткіш осы аймақтағы басқа елдермен салыстырғанда айтарлықтай...

Kaspi.kz ҚР Қаржы министрлігінің Мемлекеттік кірістер комитетімен, Цифрландыру министрлігімен және «ҰАТ» АҚ-пен бірлесіп, қазақстандықтар үшін тағы бір онлайн-сервисті іске қосты. Енді 250-нысан бойынша активтер мен міндеттемелер туралы декларацияны тура Kaspi.kz мобильді суперқосымшасының өзінде тапсыруға болады.

Kaspi.kz басшысы әрі негізін қалаушылардың бірі Михаил Ломтадзе:

«Мемлекеттік органдармен бірлесіп, біз декларацияны тапсыру барысының өзі түсінікті, ыңғайлы әрі көп уақыт алмайтындай етуге тырыстық. Қазірдің өзінде жеке тұлғалар, заңды тұлғалар мен жеке кәсіпкерлер Kaspi.kz және Kaspi Pay мобильді қосымшаларының көмегімен көлік салығын, мүлік салығын, табыс салығын, жер салығын, кедендік бажды, ҚҚС мен басқа да көптеген салықты төлеп отыр. 2023 жылы Kaspi.kz-тің онлайн-сервистерінің көмегімен 1,2 триллион...

Қазақстан Ауғанстанға астық пен ұн экспортын арттыруды жоспарлап отыр. Осы мақсатта Бейнеу терминалының қуаты пайдаланылмақ. Бұл жайында Қазақстан вице-премьері Серік Жұманғариннің Ауғанстан Премьер-Министрінің орынбасары Абдул Гани Барадармен кездесуі барысында айтылған.

Үкіметтің баспасөз қызметінің хабарлауынша, қазақстандық тарап Ауғанстанға қазақстандық астық пен ұн жеткізу көлемін арттыру үшін Бейнеу терминалының қуатын қарастыруды ұсынды.

Терминалдың қуаттылығы айына 100 мың тоннаға дейін астық, 12 мың тонна ұн және 3 мың тоннаға дейін құрама жем жөнелтуге мүмкіндік береді.

«Бүгінде Қазақстан Ауғанстанның негізгі сауда серіктестерінің ондығына кіреді. Сіздердің елдеріңіз қазақстандық астық пен ұнды дәстүрлі түрде импорттап келеді. Қазақстан бұл тауарларды Ауған...

Алматыда жаңа алма бақтары пайда болады. Бұл жайлы Алматы қаласы әкімдігінің баспасөз қызметі хабарлады.

Алма ағаштары «Алматы – бақ қала» акциясы аясында 27 сәуір күні отырғызылмақ.

«Алматы – біздің ортақ үйіміз» науқанының аясында жасыл желек егумен қатар, жаппай алма ағаштары отырғызылады. 7705 жасыл желек, оның ішінде 4015 жеміс ағашы отырғызылады. Жеміс ағаштарының ішінде 3855 түп алма ағашы бар. Сонымен бірге 1090 түп жапырақты ағаш, 2600 түп сәнтал, ырғай, қабыржық, қаржеміс және т.б. ағаштар бар»,– делінген әкімдік хабарламасында.

«Алматы – бақ қала» жалпықалалық акциясына қатысуға Алматының барлық тұрғыны мен қонағы қатыса алады.

Су тасқынынан кейін Ақтөбе және Қостанай облыстарының тұрғындарына өлген төрт түліктің өтемақысы ретінде жалпы 211 млн теңге төленді.

Орталық коммуникациялар қызметінде ақпарат таратқан Ауыл шаруашылығы министрлігінің ресми өкілі Олжас Тілебалдиннің сөзінше, Қостанай облысында ауыл шаруашылығы жануарларының 780 бас малына 113,2 млн теңге, Ақтөбе облысында ауыл шаруашылығы жануарларының 753 бас малына 98,3 млн теңге сомасында өтемақы төленді.

«Қарағанды облысында ауыл шаруашылығы жануарлары бойынша залал толығымен өтелді, Батыс Қазақстан облысында өтемақыға 187,4 млн. теңге бөлінді, өтінімдерді қабылдау рәсімі жүргізілуде, төлем апта соңында басталады. Атырау және Ақмола облыстарында өтемақы алуға өтінімдер қабылдануда», – деді брифингте.

Шаруалар өтемақы алу...

Көктем шыға су тасқыны біраз елді әбігерге салды.Мұндайда инфрақұрылымның мықтылығымен қатар, инженерлік-геодизиялық жұмыстардың шебер әрі тиімді жүргізілуі, су тасқыны қаупін алдын ала болжай білу мәселесі біртіндеп алға шыға бастайды.

Жасанды интеллекті су тасқынының алдын алуға қолдану

Bloomberg-тің хабарлауынша, Google компаниясы су тасқыны қатерін алдын ала болжай алатын жасанды интеллект өнімін жасап шығарды. Дәлдігі аса жоғары деп бағаланып отырған жаңа модель Үндістан мен Колумбия елінде қолданылып үлгерген.

«Климаттың өзгеруі бүкіл әлемде су тасқынын жиі және жойқын ете бастады. Жасанды интеллект тіпті өлшеуіші жоқ су тасқыны бассейндерінде де дәл ескерту беруге үйрету арқылы осы залалдың бір бөлігін...

Президент Қасым-Жомарт Тоқаев тасқын судан кейін елдімекендердің инфрақұрылымын қалпына келтіруге 5 ай уақыт берді. Бұл жайлы Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясының отырысында айтты.

Мемлекет басшысы тасқын судан кейін халық еңсесі көтерілетінін, ол үшін мемлекет тарапынан барлық жағдай жасалатынын айтты.

«Табиғат апатын еңсеретін күн алыс емес. Топан су кеткен соң, одан зардап шеккен аймақтар қалпына келтіріледі. Ең алдымен, азаматтарға шығындарын өтеу үшін тиісті өтемақы төленеді. Үй-жай құрылысы басталады, баспана беріледі, бүлінген инфрақұрылым жөнделеді. Осы қыруар жұмыс өте аз уақытта, яғни жаз бен күздің 5-ақ айында аяқталуға тиіс. Бірақ біз бірлесіп, бұл...

2024 жылдың қаңтар-наурызында шетелдік инвесторлардың Қазақстанның мемлекеттік бағалы қағаздарына` (МБҚ) қызығушылығы артқан. Ұлттық Банк Төрағасының орынбасары Әлия Молдабекова МБҚ шетелден қаражат тарта алатын зор әлеуетке ие екенін айтады.

Мәселен, 2024 жылдың 1 тоқсанында  бейрезиденттердің салымы 186 млрд теңгеге немесе 433 млн долларға ұлғайған.

«Жалпы қазіргі нарықтағы ахуал шетел инвесторларының қызығушылығын тудырып отыр. Дегенмен нарықтағы жағдайдың қолайлылығы өз алдына, сонымен қатар Қазақстанның мемлекеттік бағалы қағаздарына деген бейрезиденттердің қызығушылығын арттыру үшін белсенді жұмыс жүргізіп жатырмыз», – деді Молдабекова.

Ұлттық банк Қазақстанның МБҚ шетелден қаражат тарта алатын зор әлеуетке ие дейді. Алайда инвесторлар қайталама...

Қазақстан «Теңізшевройл», «Қарашығанақ Петролиум Оперейтинг», North Caspian Operating Company компанияларына отандық қамтуды дамыту бойынша ұзақ мерзімді бағдарлама әзірлеу туралы міндеттер қойды. Бұл туралы Энергетика вице-министрі Асхат Хасенов айтты.

«Бұған дейін бірнеше рет атап өтілгендей, өнімді бөлу туралы келісім үшін барлық мүдделі тараптың келісімін қажет ететін конфиденциалдық ережелер бар. Бұл инвестицияларды қорғау бөлігіндегі халықаралық тәжірибе. Өңірлерді әлеуметтік дамытуға, экологиялық мониторингке, қазақстандық қамтуға қаражат бөлу туралы ақпарат қолжетімді болып табылады және компаниялардың сайттарында орналастырылған», – деді министрлік өкілі.

Ол тауарлар, жұмыстар және көрсетілетін қызметтердегі қазақстандық қамтуды дамыту жөніндегі тапсырмаларға тоқталды.

«Бүгінгі таңда министрлік ТШО...