Жаңалықтар

«Өнеркәсіпті дамыту қоры» АҚ «Еуразиялық банк» АҚ мен «Қазақстан Халық Банкі» АҚ банктеріне жеңілдетілген автонесиені қаржыландыру бағдарламасы аясында кезекті транш бөлінгенін хабарлады.

 Бөлінген лимит мөлшері:

Осылайша, бағдарлама аясында қатысушы банктерге 90 млрд теңге аударылды, оның ішінде:

Бөлінген транш игерілгеннен кейін 10 млрд теңге көлеміндегі қалған лимит «Еуразиялық банк» АҚ-на бөлінеді.

Қазіргі кезде қатысушы банктер жалпы сомасы 82 млрд теңгеге...

Елімізде шегіртке сынды зиянкестерді жоюға 2,5 млрд теңге бөлінген. Бұл туралы ҚР АШМ Агроөнеркәсіптік кешендегі мемлекеттік инспекция комитетінің төрағасы Алмабек Марс айтып өтті.

Орталық коммуникациялар қызметінде шегіртке және өзге де  зиянкестерге қарсы күрес, егістіктерді аса қауіпті зиянды организмдерден қорғау жайынан хабардар етті.

Маманның айтуынша, республика аумағында ерекше қауіпті организмдердің 12 түрі, зиянды организмдердің 5 түрі мен карантиндік объектілердің 14 түрі таралған.  Соның ішінде шегірткемен күреске ерекше көңіл бөлінеді. 

«Биыл үйірлі шегірткелер 997,2 мың га алаңда таралған, оның ішінде итальяндық прус – 760 мың га, азиялық шегірткелер – 201 мың га және марокко шегірткелері 35 мың га жерді жайлады. Сонымен қатар...

Елімізде мұғалімдер тапшылығы бар және білім сапасы нашар өңірлерге үздік педагогтерді тарту бойынша арнайы бағдарлама басталды, деп хабарлайды Оқу-ағарту министрлігі.

Қазіргі уақытта байқауға қатысуға құжат қабылдау жүріп жатыр. Қажетті құжаттар тізімі жергілікті атқарушы органдардың және НЗМ ақпарат ресурстарында орналастырылған. Құжаттар 2022 жылғы 26 ​​маусымға дейін қабылданады.

Түркістан, Атырау, Маңғыстау және Алматы облыстарына математика, физика, химия, орыс тілі мен әдебиеті, шет тілі мұғалімдері қажет.

«Халықаралық PISA 2018 зерттеуінің және Ұлттық бірыңғай тестілеудің нәтижелері басқа облыстардың оқушыларымен салыстырғанда осы өңірлер оқушыларының білімінде алшақтық барын көрсетіп отыр. Осы өңірлердің білім сапасын арттыру және педагог тапшылығы мәселесін шешу үшін үздік мұғалімдерді тарту мақсатында арнайы...

Суға шомылу маусымы басталғалы бері 36 адам суға кетіп қайтыс болған. Соның ішінде 19 бала суға кеткен. Бұл туралы Орталық коммуникациялар қызметінде ҚР ТЖМ Азаматтық қорғаныс және әскери бөлімдер комитетінің төрағасы Сыздықов Бауыржан  айтты.

 Қазіргі кезде елімізде шомылуға рұқсат етілген 497 орын бар. Оның ішінде 142 коммуналдық және 341 жеке жағажай, олардың саны жыл сайын артып келеді. 

ТЖ министрлігінің құтқару бөлімшелерінің  493 құтқарушысы тәулік бойы  125 су  учаскесін бақылайды.

Еліміздің су айдындарында алдын алу жұмыстары аясында жыл басынан бері 50 адам құтқарылған.

Қазақстанда 1 шілдеден бастап жекелеген микронесие түрі бойынша сыйақы есептелмейтін болды. Бұл туралы Қаржы нарығын реттеу және дамыту агенттігі төрағасының міндетін атқарушы Нұрлан Әбдірахманов хабарлады.

«Микронесие бойынша проблемалық берешек көлемін шектеу үшін 2022 жылдың 1 қаңтарынан бастап тұтынушылық микронесие, соның ішінде онлайн микронесиеге қатысты міндеттемені орындау мерзімі 90 күннен асқаннан кейін комиссия мен өсімпұл есептеуге тыйым салынды. Сонымен қатар, микрокредит бойынша мерзімі өткен берешектің өсуіне жол бермеу мақсатында 2022 жылғы 1 шілдеден бастап тұтынушылық микрокредиттер бойынша міндеттемені орындау мерзімі 90 күн кешіктірілгеннен кейін сыйақыны есептеуге тыйым салуды белгілейтін заңнамалық түзетулер қабылданды» деді Әбдірахманов.

Ол сондай-ақ:

«Берег» полигонында ТМД  елдерінің Қарулы күштері инженерлік әскері бөлімшелерінің бірлескен жиыны басталды. Іс-шараға Беларусь, Қазақстан және Ресейдің әскери қызметшілері қатысып жатыр, деп хабарлайды Қорғаныс министрлігінің баспасөз қызметі.

Жиынға Қазақстан әскері атынан инженерлік-саперлік құраманың әскери қызметшілері қатысып отыр.

«Сапер мамандар теориялық білімдерін іс жүзінде бекітіп, тактикалық-арнайы және арнайы дайындықтар бойынша нормативтерді орындайды. Жиын барысында Іле өзені арқылы паромдық өткел жүргізу, робототехникалық кешендерді қолдана отырып, жол учаскесін және объектілерді минасыздандыру секілді инженерлік қамтамасыз ету тапсырмалары бірлесіп пысықталатын болады» делінген хабарламада.

Инженерлік бөлімшелердің бірлескен жиыны 23 маусымға дейін жалғасады.

Мамыр айында ЕАЭО елдерін арасында  Ресейде жылдық инфляция деңгейі ең жоғары – 17,1%. Ал Беларусь 17% көрсеткішпен екінші орында тұр.  Ал Қазақстан үшінші орынға шықты. Елімізде жылдық инфляция деңгейі 14 пайызды құрады, деп хабарлайды ҚР Ұлттық статистика бюросы.

Төртінші орын Қырғызстанға тиесілі – 14%, ал ең төменгі инфляция Арменияда – 9%.

Азық-түлік пен  алкогольсіз сусындар  Ресейде 22%-ға қымбаттаған Ал  Беларусьте тұрғын үй қызметі, су, электр қуаты, газ және т.б. тарифтер 17%-ға, қымбаттағаны атап өтілді.

Мамыр айында өткен аймен салыстырғанда тұтыну бағасының индексі Қазақстанда – 101,4%, Беларусьте – 100,7%, Қырғызстанда – 100,3%, Армения мен Ресейде – 100,1% құрады.

Мамыр айында екінші деңгейлі банктер мен банктік емес жекелеген айырбастау пунктерінде жалпы салмағы 92,7 келі 3 316 алтын құйма сатылды, деп хабарлайды Ұлттық банктің баспасөз қызметі.

Халыққа тазартылған алтын құймаларды сату және сатып алу бағдарламасын (бұдан әрі – Бағдарлама) Ұлттық Банк 2017 жылы іске қосқан болатын. Бағдарлама қолға алынғалы жалпы салмағы 3,2 тоннаға жуық 94 545 алтын құйма сатылды.

Алтын құймалар бес түрлі салмақта ұсынылады: 5, 10, 20, 50 және 100 г. Сатып алушылар арасында ең көп сұранысқа ие түрі – 10 грамдық алтын құйма. Жалпы сатылған құймалар арасында оның үлесі – 26%, яғни, 24 493 дана. Одан кейін...

Төмен пайызбен ипотека рәсімдеуге мүмкіндік беретін бағдарламаға өтініш қабылдау 20 маусымнан басталды. Бір ай уақыт көлемінде жалғасатын «Бақытты отбасының» шарт-талаптары қандай екенін Kursiv тілшісінің бүгінгі материалынан біле аласыздар.

Жеңілдетілген несие жылдық 2 пайыз мөлшерлемемен беріледі. «Отбасы банктің» баспасөз қызметі таратқан ақпаратқа сүйенсек, өтініш 20 маусым мен 19 шілде аралығында қабылданады. Қатысу үшін otbasybank.kz платформасына өтінім қалдыру керек. Жеңілдетілген ипотекаға үй кезегінде тұрған мына азаматтар категориясы қатыса алады:   

Бұл бағдарлама қазақстандықтарға таңсық емес. Себебі «Бақытты отбасы» бұған дейін де болған. 2021 жылы...

Қазақстан ЕО елдеріне баратын азаматтар үшін визалық режимді жеңілдету де маңызды мәселе деп санайды және  ол бойынша келіссөздердің тез арада басталатынына сенім білдірді, деп хабарлайды ҚР СІМ баспасөз қызметі.

Министр М.Тілеуберді бұл мәселе елдер арасында ынтымақтастықтың басым бағытының бірі екенін атап өтіп, визалық режимді ырықтандыру бойынша еуропалық әріптестермен келіссөздердің тез арада басталатынына сенім білдірді.

Бұған дейін Қазақстан мен Мальдив аралдары визасыз режим туралы келісімге қол қойғаны хабарланған болатын. Ол 30 күнге жарайды.

Сондай-ақ, Қазақстан үкіметі мен Корей Республикасы үкіметі арасындағы Қазақстан азаматтары үшін визалық талаптарды өзара алып тастау туралы келісім 1 сәуірден бастап қалпына келтірілді.

2022 жылдың 1 маусымындағы жағдай бойынша, Бірыңғай жинақтаушы зейнетақы қоры салымшыларының шоттарында 12,8 трлн теңге  зейнетақы жинақтары қалыптасты.

Зейнетақы жинақтарының негізгі бөлігі міндетті зейнетақы жарналары (МЗЖ) есебінен 12,4 трлн теңгені құрады. Міндетті кәсіптік зейнетақы жарналары (МКЗЖ) бойынша зейнетақы жинақтары 374,5 млрд теңге, ерікті зейнетақы жарналары (ЕЗЖ) бойынша зейнетақы жинақтарының жалпы көлемі шамамен 2,6 млрд теңге.

Айта кетерлік жәйт, кіріс ағындары, атап айтқанда, жарналар биыл көбейді. 2022 жылдың бес айында салымшылардың шоттарына шамамен 661,9 млрд теңге көлемінде зейнетақы жарналары түсті, бұл 2021 жылдың сәйкес кезеңіндегі көрсеткіштен 29% немесе 147,2 млрд теңгеге көп. Өсім жарналардың барлық түрі бойынша болғанын атап өту керек...

Ұлттық банк елімізде лезде төлеу жүйесі платформасының іске қосылғанын мәлімдеді. Жүйе қаржылық қызметтерді тұтынушыларға қызмет көрсететін қандай да бір банкке қарамастан, онлайн қолжетімді болуы үшін және төлем құралдарын пайдаланатын ыңғайлы әрі қарапайым төлем сервисін ұсыну мақсатында әзірленген. Жүйенің функционалдығы ұялы телефон нөмірі арқылы аударымдарды және әртүрлі банктің клиенттері арасында QR-код арқылы төлемдерді жүзеге асыруға мүмкіндік береді. 

ҰБ төрағасының орынбасары Берік Шолпанқұловтың айтуынша, осы  жүйе банк аралық онлайн аударымдар мен төлемдерді жеделдетеді. 

«Бұл жүйені енгізудегі басты мақсат – азаматтарға жеңілдетілген деректемелерді, мәселен, телефон нөмірі арқылы тәулік бойы режимінде банкаралық аударымдар мен төлемдер жүргізудің қарапайым әрі ыңғайлы жолын ұсыну. Әртүрлі банктердің клиенттер...

Қазақстан Президенті Қасым-Жомарт Тоқаев Иран Ислам Республикасына ресми сапары аясында Иран Президенті Ибрагим Раисимен кездесуінде маңызды шешім қабылданғанын мәлімдеді.

Мемлекет басшысы сапары барысында маңызды шешім қабылданғанына тоқталды.

– Біз Иран азаматтарының Қазақстанда 14 күн визасыз жүріп-тұруына рұқсат береміз. Бұл түрлі саладағы ынтымақтастықты нығайтуға септігін тигізеді. Сондай-ақ, іскер топ өкілдерінің байланысын жандандырады. Барыс-келіске тың серпін беріп, туристердің көптеп келуіне ықпал етеді. Иран кәсіпкерлері осы жеңілдікті кеңінен қолданады деп сенемін, – деді Қазақстан Президенті.

Иран Ислам Республикасының Президенті Ибрахим Раиси Қасым-Жомарт Тоқаевқа ілтипат көрсетіп, шақыруын қабыл алғаны үшін алғыс айтты.

– Біз алғаш рет Душанбе саммитінде кездескен едік. Сізбен екінші рет Тегеранда...

Құқық қорғау органдарының 15 қызметкері тергеу барысында рұқсат етілмеген әдісті қолданған деген күдікке ілінген. Қазіргі кезде резонанс тудырған 8 істі арнайы прокурорлар тергеп жатыр.Бұл туралы Орталық коммуникациялар қызметінде Бас прокуратураның Қылмыстық қудалау қызметінің бастығы Серік Шалабаев мәлімдеді.

Күдікті ретінде танылған 15 қызметкердің 9-ы қамауға алынған.

«Атап айтқанда, Алматы облысында қызған бу үтікті пайдаланып азаптаудан 25 адам зәбір көрген. Жедел-тергеу нәтижесінде арнайы прокурорлар бұған 5 полиция қызметкері қатысты екенін анықтады. Олардың үшеуі кінәсін мойындады. Алматы облысының Ұлттық қауіпсіздік комитеті Департаментінің екі қызметкеріне қатысты тергеуді аяқтадық. Олар ұсталған адамды ұрып-соғып, өлтіріп қойды деген күдікке ілінген. Жәбірленушілердің көпшілігі азаптауға қатысы бар адамдарды нақты...

Қаңтар оқиғасын ұйымдастырушы ретінде еліміздің әр өңірінен 27 адам анықталған. Олардың қатарында Алматы әуежайына шабуыл жасап, «Көктөбе» телемұнарасын басып алуға әрекет жасағандар бар. Бұл туралы Бас прокуратураның Қылмыстық қудалау қызметінің бастығы Серік Шалабаев мәлімдеді.

«Қаңтар оқиғасына қылмыстық ортадағы адамдардың белсене қатысқаны белгілі. Қылмыстық ортада кеңінен танымал «дикий Арман» лақап атты Джумагелдиев пен оның сыбайластарының рөлі ерекше. 6 қаңтарда оның қылмыстық тобына қатысушылардың бірі Алматы  қаласындағы «Қазақстан» қонақ үйіне келген қылмыскерлерге «Glock» және «Макаров» маркалы тапаншаларын таратты. Осы уақытта қаруланған қылмыскерлер ұйымдастырушы мен оның қарамағындағы адамдардан тиісті нұсқаулар алды» деді Серік Шалабаев.

Олар серіктестерін 10 адамнан тұратын топқа бөліп, соларды басқарып...

Ұлттық Банк лезде төлеу жүйесінің жаңартылған платформасы өнеркәсіптік қолданысқа берілгенін хабарлайды. Ол 24/7 режимінде әр түрлі банктің клиенттері арасында жедел аударым мен төлем жүргізуге мүмкіндік береді.

Жүйе қаржылық қызметтерді тұтынушыларға қызмет көрсететін қандайда бір банкке қарамастан, онлайн қолжетімді болуы үшін және төлем құралдарын пайдаланатын ыңғайлы әрі қарапайым төлем сервисін ұсыну мақсатында әзірленген. Жүйенің функционалдығы ұялы телефон нөмірі арқылы аударымдарды және әртүрлі банктің клиенттері арасында QR-код арқылы төлемдерді жүзеге асыруға мүмкіндік береді. ЛТЖ қаржы институттары ұсынатын цифрлық қызметтердің ауқымын дамытып, кеңейтуге негіз бола алады.

Сервистерді іске қосу 2 кезеңде жүзеге асырылады:

бірінші кезең – жеке тұлғалардың телефон нөмірі бойынша аударымдар (P2P-аударымдар);

екінші кезең – QR-код...

Болашақ ұрпаққа деп жинақталуы тиіс Ұлттық қордан үкімет жыл сайын триллиондап ақша алып жатыр. Былтыр тіпті Ұлттық қордың шығыны кірісінен асып түскен. 2021 жылы қорға 4,3 трлн теңге түсім түссе, сол жылы-ақ 4,5 трлн теңгесін алып, жұмсап тастадық. Бұл туралы Республикалық бюджеттің атқарылуы жөніндегі Есеп комитетінің төрағасы Наталья Годунова мәлімдеді.

«Ұлттық қорды 2015 жылдан бері қарқынды пайдаланып келеміз. Біз 2020 жыл туралы айтып отырған жоқпыз, шын мәнісінде, пандемиямен байланысты дағдарысқа қарсы іс-шараларды қаржыландыру қажет болды. Алайда, 2021 жылы жағдай айтарлықтай жақсарды. Дегемен, мемлекет басшысының республикалық бюджет Ұлттық қор қаражатын пайдалануға арқа сүйемеуі тиіс деген тапсырмасына қарамастан, 2021 жылы 4,5 трлн...

Есеп комитетінің төрағасы Наталья Годунова бүгін Парламент отырысында бюджетті бір жылға жоспарлауды ұсынды.

«Биыл күн тәртібіне бір қарағанда қарапайым, бірақ өте маңызды мәселе – бюджет бекіткенде ағымдағы бюджетті жүз пайыз қалыптастыру мәселесі шықты. Ағымдағы шығын қаржымен амтамасыз етілмей тұрып, даму бюджеті болуы мүмкін емес. Осы қажеттілікті жыл ортасында Ұлттық қордан жабуға тура келеді» деді Годунова.

Годунованың айтуынша, үш жылдық бюджет бүгінде ресми шарт болып қалған. Оны қалыптастыруға көп уақыт кетеді. Ал жүзеге асыру барысында тек бірінші жыл нақтыланып, түзетіледі.

«Ал одан кейінгі жылдарға тіпті көз салмаймыз. Алдағы кезеңді кезекті жоспарлау барасында бұрын қолдау...

2021 жыл мемлекеттік жоспарлау жүйесінің өзгеруімен: мемлекеттік бағдарламалардан ұлттық жобаларға көшумен ерекшеленді. Үкімет былтыр күзден бастап 10 ұлттық жобаны іске асыруға кірісіп, олардың басым бөлігін бюджеттен қаржыландыру жоспарланған болатын. Өкінішке қарай, бұл іске асқан жоқ. 43%-тен жоғары толық қаржыландырылмаған.

Бұл туралы республикалық бюджеттің атқарылуы туралы Үкіметтің есебі бойынша Парламент Палаталарының бірлескен отырысында Есеп комитетінің Төрайымы Наталья Годунова мәлімдеді.

Ал ең маңызды міндеттерді тиімді шешу үшін толық көлемде қаржыландыру қажет. Есеп комитетінің басшысы ұлттық жобаларды нақты қаржылық мүмкіндіктерге қарай түзеткен жөн деп тұжырымдайды.

Негізгі ҰБТ-ның аралық қорытындысы шықты

          Негізгі ҰБТ басталғалы 170 мың талапкер тест тапсырған. Оның ішінде түлектердің 75%-ы қазақ тілінде, 24,8%-ы орыс тілінде, 0,1%-ы ағылшын тілінде тестілеуден өтті, деп хабарлайды Ұлттық тестілеу орталығы.

          ҰБТ басталғалы шекті балды 67%-ға жуық талапкер жинады. Орташа балға келер болсақ, ол 66 балды құраған.

«Тестілеудің бесінші аптасы аяқталды, барлығы штатты режимде өтіп жатыр. Жалпы негізгі ұлттық бірыңғай тестілеуге қатысуға 290 мыңға жуық өтініш келіп түсті, олардың ішінде 160 мың өтініш бірінші мүмкіндікке, 130 мың өтініш екінші мүмкіндікке берілген. Қазіргі таңда 170 мың рет тест тапсырылды, яғни талапкерлер екінші мүмкіндігін пайдалана бастады. Өткен аптамен салыстырғанда...

Жаз келсе, көпшілігі еңбек демалысын алып, түрлі жоспар құрып қояды. Пандемиядан кейін шетел шекарасы ашыла бастаған соң, халықаралық рейстерге болсын, ел ішіндегіге болсын билетке сұраныс өседі. Дегенмен жоспар кейде орындалмай, өзгеретіні бар. Мұндайда алдын-ала алынған билетті қайта өткізу туралы ойланамыз. Немесе басқа күнге ауыстыру қажет болады. Әуе билеттерін қайтару процесінде сіз білмейтін біраз нәрсе бар. Бүгін осы тақырыптағы сұрақтарға жауап береміз. Жалпы алғанда әуе билетін өткізуге немесе датасын ауыстыруға болатыны не болмайтыны, қанша ақшаңызды ұстап қалатыны сіз алған тарифке байланысты. Сондықтан билет алған кезде брондамай тұрып тариф шарттары мен ережелерін шолып шығу керек. Ұсақ-ұсақ қаріппен жазылғаннан бәрін оқып шыққан арты...

Биыл бірінші тоқсанда орташа бір отбасының азық-түлікке жұмсаған шығыны 377 мың теңгеден ( айына 125 мың теңге) асқан. Бұл санды статистика мамандары есептеп шығарған. Бұл  ақша былтырғы қаңтар-наурыз айларымен салыстырғанда 15 пайызға артық. Алайда қазақстандықтар тұтыну көлемін қысқартпаған. Жалпы отбасылық бюджеттегі  кірістің жартысына жуығы азық-түлікке кетеді.

Орташа статистикалық отбасы шығынының басым бөлігі азық-түлік пен сусынға кетеді (49 пайыз). Табыстың 23 пайызы азық-түлік емес тауарларға, 17 пайызы ақылы қызмет көрсетуге, 6 пайызы несиені өтеуге, 5 пайызы басқа да баптарға жұмсалады.

Азық-түлік бюджетінің ең үлкен «бөлігі» – 122,3 мың теңге бірінші тоқсанда ет сатып алуға жұмсалған (32%). Шығын көлемі бойынша екінші орында жарма...

Демалыс күндері Ресей арқылы экспортталатын қазақ мұнайының жолы кесілетіні жайлы жаманат хабар желдей есті. Кейбір ресейлік сайттар, одан беріде бірқатар желі қолданушылары мұны Қазақстан Президенті Қасым-Жомарт Тоқаевтың Питербургтегі экономикалық форумда сөйлеген сөзімен байланыстырды. Новороссийск порты арқылы мұнай экспортының уақытша тоқтап тұрғаны рас. «Коммерсант» басылымының жазуынша, екінші дүниежүзілік соғыс уақытынан қалған жарылғыш оқ-дәрілерді залалсыздандыру жұмыстарына байланысты Каспий құбыр желісі консорциумындағы мұнай тиеу процесі доғарылған.

Ресей БАҚ-ы таратқан ақпаратта КҚК-дағы тиейтін құрылғылар жанындағы акваторияда 50 потенциалды қауіпті нысан анықталған. Ықтимал қауіпті объектілерді зерттеу бойынша жұмыстарды жүргізу үшін 16 маусымда консорциумның айлақтық қондырғыларына іргелес акватория кеме қозғалысына толығымен жабылды. Бұл мұнай тиеудің тоқтауына...

«Саламатты Қазақстан» мамандандырылған медициналық пойызы 20 маусымда Алматы облысының Байсерке станциясында жұмысын бастады. Бұдан әрі құрам жаңадан құрылған Жетісу облысына барып, шалғай станциялар мен разъездерде жұмысын жалғастырады.

«Саламатты Қазақстан» – «Медициналық пойыздар» қайырымдылық жобасының бір бөлігі. Жобаның басты мақсаты – сапалы медициналық қызметке жүгінуге мүмкіндігі жоқ еліміздің шалғай станциялары мен жақын жердегі ауылдардың тұрғындарын тегін медициналық тексеру және диагностикалау. Пойыз 2022 жылдың 20 маусымы мен 2 қарашасы аралығында еліміздің 67 шалғай станциясына барады: Алматы, Шығыс Қазақстан, Павлодар, Солтүстік Қазақстан, Ақмола, Қостанай және Қарағанды облыстары, сондай-ақ үш жаңа облыс – Жетісу, Абай және Ұлытау да тізімде бар.

Бүгінгі таңда «Саламатты Қазақстан...