Жаңалықтар

RG Brands Kazakhstan-Pepsi және басқа да алкогольсіз сусындар шығаратын компанияның бас директоры ауысты. Бұл туралы компанияның Қазақстан қор биржасында (KASE) жарияланған құжатында хабарланады.

Компанияның жаңа бас директор болып Зурдинов Муталлип тағайындалды.

Ол «Тұран» университетін «экономист» мамандығы бойынша бітірген. 2017 жылдан 2021 жылға дейін Зурдинов Asia Med Engineering LLP-де экономика бойынша қаржы директоры болып жұмыс істеді. 2021 жылдан бастап RG Brands компаниясының экономика жөніндегі директоры қызметін атқарды. 2022 жылдың қараша айындағы жағдай бойынша Зурдинов ECOTERRA-ның бірінші басшысы болды.

Айта кетейік, бұған дейін RG Brands компаниясын Асхат Ағыбаев басқарды.

Қаңтар айының басында «Қазақстанның Даму Банкі» («Бәйтерек «ҰБХ» АҚ еншілес...

Жаһандық технологиялық компаниялар 2024 жылдың басынан бері 34 мыңнан астам адамды жұмыстан шығарды.

АҚШ-тағы Microsoft корпорациясы (SPB: MSFT), eBay (SPB: EBAY) және PayPal Holdings (SPB: PYPL) әрқайсысы осы кезеңде мыңдаған маманды қысқартты. Барлығы 141 компанияда еңбек ететін 30 мыңнан аса адам жұмыссыз қалды.

Қаңтар айында технологиялық сала өкілдері 31 мыңға жуық маманды қысқартты. Бір жыл бұрын көрсеткіш 89,7 мың адам болатын.

Былтыр жұмыстан босатылғандардың жалпы саны 263 мыңға жетті.

Financial Times келтірген сарапшылардың пікірінше, қысқарту арқылы компаниялар акционерлерге жаңа салаларға, соның ішінде генеративті (мәселен, ChatGPT – IF-те мазмұн жасау) жасанды интеллект сияқты салаларға инвестициялау үшін ресурстарды үнемдеп жатыр.

Бірінші несие бюросының есебінше, өткен айда жеке үйлерді сату-сатып алу мәмілелері 2023 жылдың қаңтарымен салыстырғанда 4,2%-ға өскен. Дегенмен желтоқсандағы көрсеткіштен 36,1 пайызға кем.

Мамандар жер сілкісінен кейін жеке үйлердің сатылымы қөбейді деп тұжырымдауға әлі ерте деп пайымдайды.

Жалпы, қаңтар айында Алматыда жеке тұрғын үйді сатып алу-сату бойынша 418 мәміле жасалған. Желтоқсан айымен салыстырғанда бұл 36,1%-ға немесе 236 бірлікке аз. Қалаға жақын Алматы мен Жетісу облыстарындағы динамика да ұқсас. Егер Алматы облысында жасалған келісім қатары 16,8%-ға (160) 791-ге дейін азайса, екіншісінде 23,4%-ға дейін төмендеді.

Бұл цифрларға қарасақ, жер сілкінісі сатылымға әсер етпегендей көрінеді. Оған қоса жыл басында тұрғын...

Қазақстан Премьер-Министрі Олжас Бектенов мемлекеттік сатып алулар мен квазимемлекеттік сектордың сатып алуларында отандық тауарлардың үлесін арттыра отырып, оларды түбегейлі жеңілдетуді және жеделдетуді тапсырды. Бұл туралы Үкімет баспасөз қызметі хабарлады.

Премьер-министр отандық тауарлардың үлесін арттыра отырып, оларды түбегейлі жеңілдетіп және жеделдету қажеттігін айтты.

Үкімет басшысы қолданыстағы рәсімдер көбінесе мемлекеттік сатып алулар үдерісінің әдейі кешіктірілуіне әкеліп соқтыратына тоқталды. Оның салдарынан жаңа жобаларды іске асыру және экономиканың дамуы баяулайтынын атап өтті.

«Мұндай жағдайда пәрменді түрде алға жылжу керек. Өйткені қазіргі сатып алу жүйесі бәрін тежеп отыр. Конкурстарға шағымдану рәсімінің төңірегінде тұтас астыртын бизнестер пайда болды. Кейіннен бұл мәселеге...

Мемлекеттік орман күзеті қызметкерлерінің орташа жалақысы 129 мыңнан 250 мың теңгеге дейін өсті. Бұл туралы Экология және табиғи ресурстар министрі Ерлан Нысанбаев айтты.

«Өткен жылы шілде айында біз негізгі құрамның мәселесін шештік. Орман шаруашылығының 12876 қызметкері 100% көлемінде қосымша ақы алатын болды», – деді Ерлан Нысанбаев мәжілісте өткен үкімет отырысынан кейін журналистерге берген сұхбатында.

Журналистер Экология және табиғи ресурстар министріне: «Орман шаруашылығына қатысы бар азаматтардың, яғни барлығының жалақысы 100% өскен жоқ қой», – деді.

Ол мәселенің мәнісін түсіндіріп: «Әлеуметтік мәселені шешу аясында былтыр 1 шілдеден бастап мемлекеттік орман күзеті қызметкерлеріне лауазымдық еңбекақының 100% мөлшерінде...

Алматы әкімі Ерболат Досаевтың жұбайы Гүлнар Досаевамен байланысты компания ресейлік Polymetal-мен бірге «Сырымбет» кен орнын игеру бойынша келісімге келуді көздеген.

Мырыш, қорғасын және қалайы өндіруші Tin One Mining компаниясы ресейлік Polymetal алтын өндіруші компаниясымен ынтымақтасып, барлау жұмыстарын жүргізу мүмкіндігін қарастыруда. Қос тарап Tin One Mining компаниясына тиесілі «Сырымбет» қалайы кен орнында бірлескен жұмысты жоспарлап отыр. Polymetal баспасөз қызметі ақпаратты «Курсивке» растады.

Polymetal мырыш, қорғасын және қалайы өндірушісімен жылдар бойы ынтымақтасып келе жатқанын түсіндірді. Олардың айтуынша, келіссөздердің келесі кезеңі жақын арада өтуге тиіс. Polymetal басшысы Виталий Несис компанияны Қазақстандағы мыс, мырыш, қорғасын және қалайы кен орындары қызықтыруы мүмкін екенін айтқан. 

«Сырымбет» кен орны

«Сырымбет» кен орны Солтүстік Қазақстан облысыны...

Шетелде туған балаларға «Ұлттық қор – балаларға» бағдарламасы бойынша ақша төлене ме? Бұл сұраққа Қаржы министрлігінің Бюджеттік кредиттеу, ҚР Ұлттық қоры және қаржы секторы мәселелері жөніндегі өзара іс-қимыл департаментінің директоры Айбол Арғынғазинов жауап берді.

«Егер бала Қазақстан Республикасынан тыс жерде дүниеге келген болса, бірақ Қазақстан Республикасының азаматтығын алса, оған қаражат туған кезден бастап есептеледі. Ал егер бала басқа мемлекеттің аумағында дүниеге келіп, азаматтықты келген кезде ғана алса, онда қаражат азаматтық алған кезден бастап есептеле бастайды. Бұл жерде негізгі шарт – Қазақстан Республикасының азаматтығы екенін атап өткен жөн», – деді спикер.

1 ақпанда елдегі барлық баланың есепшотына...

Қазақстанның халық әртісі Роза Рымбаева алаяққа алданып қалды. Алаяқ әншінің 70 млн теңгесін бермей кеткен. Алаяқтыққа қатысты істі Алматы қаласының Алмалы ауданының соты қарап жатыр.

Алдын ала мәліметтерге сенсек, Беккайров С. есімді азамат әншімен жылжымайтын мүлікті сатып алу-сату мәмілелерін жасаған. Ер адам алаяқтық жолмен әншіні пәтерін сатуға үгіттеп көндірген. Пәтер сатылған соң, ақшасын кейін беретінін айтып, сол күйі бермей қойған.

Іс материалдарында бұл азаматтың 2013 жылы Тұрлыхановтың танысынан инвестиция үшін 1,2 миллион доллар қарыз алып қайтармағаны туралы айтылған. Ал екінші эпизод әншімен байланысты болып отыр. Оқиға 4 жылдан кейін 2017 жылы болған. Беккайров С. Роза Рымбаеваның пәтерін сатып...

Қазақстанның барлық өңіріне орманды автоматты режимде бақылайтын жүйе енгізу қажет. Бұл туралы Мәжілісте өткен Үкімет сағатында депутат Еділ Жаңбыршин айтты.

«Соңғы 2 жылда Қазақстан аумағында 2 ірі орман өрті болды. 2022 жылы Қостанай облысының аумағындағы өрт 40 мың гектарға жуық орман аумағын құртқан. 2023 жылы Абай облысында тілсіз жау 63 мың гектар орман алқабын жалмап кетті», – деді Еділ Жаңбыршин.

Мәжілісмен соңғы 2 жылдағы екі ірі орман өртінен Қазақстан 182 млрд теңге залал шегіп,
100 мың гектардан астам орманынан айырылғанын айтты.

«Орманды қалпына келтіруге кем дегенде шамамен 20-30 жыл уақыт кетеді. Ал бұл шараға 150,9 млрд...

«Ұлттық қор – балаларға» бағдарламасы жүзеге асырылған алғашқы тоғыз күнде БЖЗҚ-ға мақсатты жинақтарды алуға 100-ге жуық өтініш келіп түскен. Бұл туралы Орталық коммуникациялар алаңында «БЖЗҚ» АҚ басқарушы директоры Мұрат Шәріпов айтты.

«2024 жылы 18 жасқа толған 304 815 баланың БЖЗҚ-дағы мақсатты жинақ шоттарына әрқайсысына 100 доллардан түскен. Олар кәмелеттік жасқа толған бойда мақсатты жинақтарын тұрғын үй жағдайын жақсартуға немесе білім беру ақысын төлеуге жұмсауға құқылы», – деді спикер.

Бұл алғашқы есептеулер болды. Спикердің айтуынша, қаржы көлемі Ұлттық қордың ұлғаюы мен инвестициялық кірістің түсуіне байланысты жыл сайын өсетін болады.

Осылайша, бағдарлама жүзеге асырыла бастаған тоғыз күн ішінде  БЗЖҚ-ға...

Ақтөбе облысындағы Юбилейное кен орны жер қойнауын пайдалану туралы келісімшартты бұзған. Бұл жайлы Өнеркәсіп және құрылыс министрлігінің сайтында жазылған.

«Қазақстан Республикасының Өнеркәсіп және құрылыс министрлігі «Жер қойнауы және жер қойнауын пайдалану туралы» Қазақстан Республикасының 2017 жылғы 27 желтоқсандағы №125 – VI Кодексінің 66-бабының 2-тармағына сәйкес Қазақстан Республикасының Ақтөбе облысындағы Юбилейное кен орнының алаңында Алтын мен полиметалдарды барлауға 2008 жылғы 28 қаңтардағы №2560 келісімшарт (бойынша міндеттемелердің бұзылғаны туралы хабарлайды», – делінген сайтта.

Министрліктің хабарлауынша, кен орны 2021 жылғы міндеттемелерін қажетті деңгейде орындамаған. Атап айтқанда бұл жылы:

Тимур Құлыбаевқа тиесіл «Шұбаркөл премиум» компаниясы жер қойнауын пайдалану келісімшартының талаптарын бұзғаны үшін айыппұл арқалады. Егер компания бір айдың ішінде мндеттемелерін орындамай, салынған айыппұлды төлемесе, көмір өндіруге арналған келісімшарты біржақты тәртіппен бұзылады. Бұл туралы Өнеркәсіп және құрылыс министрлігінің компанияға жіберген хабарламасында жазылған.

«Қазақстан Республикасының Өнеркәсіп және құрылыс министрлігі «Жер қойнауы және жер қойнауын пайдалану туралы» Қазақстан Республикасының 2017 жылғы 27 желтоқсандағы №125-VI Кодексінің, 66-бабының 2-тармағына сәйкес Қарағанды облысындағы Шұбаркөл кен орнында (Центральный-2 учаскесі) тас көмірін өндіруге 2013 жылғы 08 қарашадағы № 4301-ТПИ келісімшарт бойынша міндеттемелерді бұзғаныңыз туралы хабарлайды» – делінген министрлік хабарламасында.

Еуразиялық даму банкі Қазақстандағы әлеуетті жобаларға 3,5 миллиард доллардан аса қаржы қарастырды. Президент аталған банк басқарма төрағасы Николай Подгузовты қабылдады.

Кездесу барысында Николай Подгузов банк жұмысының нәтижелері мен алдағы кезеңге арналған жоспары жөнінде мәлімет берді.

Атап айтқанда Еуразиялық даму банкінің Қазақстан экономикасына салатын жыл сайынғы инвестициясы екі жыл қатарынан 1 миллиард доллардан асқан.

Қаржы ұйымының 2022-2023 жылдардағы инвестициясының жылдық көлемінің жалпы сомасы 4,2 миллиард долларды құраған. Бұл стратегияда бекітілген 2022-2026 жылдарға арналған жоспардан шамамен 1,5 есе көп. Қазақстандағы әлеуетті жобаларға банк 2024 жылға 3,5 миллиард доллардан аса сома қарастырған.

«Бұл тұста инвестицияны, ең алдымен, көлік...

23, 24 және 25 ақпан күндері Kaspi.kz-тің оныншы бүкілхалықтық тиімді сатып алу мерекесі – Kaspi Жұма өтеді.

Kaspi.kz-тің басшысы әрі негізін қалаушылардың бірі Михаил Ломтадзе:

«Біз әрдайым Kaspi Жұма тиімді сатып алу мерекесі туралы көптеген алғыс пікірлер аламыз. Біздің сүйікті клиенттеріміз бен серіктестеріміз мерекені жиі өткізіп тұруды сұрайды. Биыл Kaspi Жұманы үш рет – қыста, жазда және күзде өткіземіз. Қысқы Kaspi Жұма 23, 24 және 25 ақпанда өтеді. Тиімді сатып алу мерекесіне үздік қазақстандық және халықаралық брендтер, сондай-ақ еліміздегі танымал дүкендер қатысады. Сүйікті клиенттеріміздің тиімді сатып алуына, ал серіктестеріміздің керемет сауда жасауына тілектеспіз!», – деді.

Зергерлік бұйымдар, бижутерия, парфюмерия, косметика, киім және...

Киік санын ретттеу науқаны екі апта бұрын аяқталған. Бұл жайлы Мәжіліс кулуарында Экология және табиғи ресурстар министрі Ерлан Нысанбаев айтты.

«Киіктерді ату қазір тоқтатылды. Отандық ғалымдармен және халықаралық ұйымдармен ақылдасып, кеңескеннен кейін осындай шешім қабылдадық. Оның үстіне қысқы уақытта табиғи жағдайларға байланысты аң аулаудың қиындады. Қарлы боран мен аязға байланысты аң аулау мүмкін емес. Сол үшін де 10 ақпаннан бері киіктердің санын азайту науқаны тоқтады», – деді министр.

Сонымен бірге министр мамыр айында санақ жүргізілетінін айтты. Сол кезде киік саны нақты қанша басқа өскенін анықтауға болады.

«Осы жылдың мамыр...

Алматы қаласының мамандандырылған ауданаралық экономикалық соты ҚБТУ-дың Назарбаев қоры иелігіне өтуіне қатысты істі қарастырып жатыр. Бұл туралы «Курсивтің» ресми сауалына жауабында Алматы қаласы прокурорының орынбасары Жандос Әбдібаев жазды.

«Қазақстан-Британ техникалық университеті» АҚ акцияларының 100 пайызын сатудың заңдылығын талдау нәтижелері бойынша, Алматы қаласының прокуратурасы нарықтық құнның төмен бағалануына байланысты мәмілені жарамсыз деп тану туралы талап арыз бергенін хабарлаймыз»,– делінген ресми сауалға келген жауапта.

Яғни Алматы прокуратурасы ҚБТУ-дың 100% акциясын сату-cатып алу мәміле күмәнмен қарап, келісімнің төмен бағамен жасалғанын алға тартқан. ҚБТУ есебіне сүйенсек, 2019 жылы қаңтарда «ҚазМұнайГаз» ҰК» АҚ мен «Нұрсұлтан Назарбаевтың білім қоры» қоғамдық қоры арасында...

2023 жылы жалпы ауданы 116 800 гектарды құрайтын 810 орман өрті тіркелді. Салдарынан 61,1 мың гектар жерді қамтитын орман алқабы өртеніп кетті. Бұл туралы Мәжілістегі Үкімет сағатында Экология және табиғи ресурстар министрі Ерлан Нысанбаев айтты. Оның дерегінше, орманды тазартып, өрт шалған ағаштарды кәдеге жарату мәселесі қарастырылып жатыр.

«Өртенген орман ағашының шамамен 80%-ы отын ретінде пайдалануға ғана жарайды. Сондықтан өңірде ағашты тереңдетіп өңдеу зауытын салу қажет. Министрлік Абай облысының әкімдігімен бірлесіп, орман өртіне шарпылған ағашты тереңдетіп өңдеу зауытын салу үшін инвестор тарту мәселесін пысықтап жатыр. 4 компания осы істі атқаруға мүдделі екенін жеткізді», – деді Нысанбаев.

АҚШ қор нарықтарында сауда артса, Еуропа қор биржаларында төмен динамика байқалды. Бұл туралы KASE таңғы шолуында жазылған.

Жұма күні АҚШ қор нарықтарында аралас динамика байқалды.

Мәселен, S&P 500 және Nasdaq 100 сәйкесінше 0,6% және 1,3%-ға қымбаттады. Осылайша екі индекс те жаңа рекордтық деңгейге жетті. Ал Dow Jones мұнай, газ және өнеркәсіптік қорлар индекске қысым жасағандықтан 0,14% құлдырады.

NVIDIA (+3,5%), Amazon (+2,6%), Alphabet (+2,1%) және Microsoft (+1,5%) сияқты ірі компаниялардың акциялары қымбаттады. PepsiCo (-3,4%), Pinterest (-9,4%) және Expedia (-17,7%) акциялары тоқсандық көңіл көншітпейтін нәтижелерден кейін төмендеді. АҚШ-тың 10 жылдық қазынашылық кірістілігі 4,18%-ға жуық өсті. Бұл желтоқсанның ортасынан бергі ең жоғары...

Freedom Holding Corp. компаниясының 2023 жылдың 31 желтоқсанында аяқталған үш айдағы түсімі екі есе өсіп, $418,6 млн құрады. Таза пайдасы 54%-ға өсіп, $96 млн жеткен. Компания IV тоқсанның қорытындысын жариялады.

Түсім өткен жылдың сәйкес кезеңімен салыстырғанда екі есе, нақтырақ айтсақ, 96 пайызға жоғары. 2022 жылдың IV тоқсанында корпорация 214 млн доллар табыс тапқан.

Соның ішінде Орталық Азия сегментіне түскен табыс $361,3 млн құраған. (Freedom Bank – $140,2 млн, Freedom Broker – $109,3 млн, Freedom Life – $76,97 млн, Freedom Insurance – $17,1 млн).

Корпорацияның еуропалық бөлгінің түсімі $39,5 млн құрады. Австрия, Нидерланды, Италия және Болгарияда жаңа...

«Казкоммерцбанк» АҚ-дағы ақша ұрлау фактісіне байланысты 45 млрд теңгенің мүлкі мемлекет меншігіне қайтарылған. Бұл жайлы Қаржы мониторингі агенттігінің баспасөз қызметі хабарлады.

«Казкоммерцбанк» АҚ-да ақша ұрлау ісі бойынша күдіктілерден 44,5 млрд теңгенің мүлкі тәркіленді», – делінген баспсаөз хабаламасында.

Агенттіктің Алматы қаласы бойынша департаменті қала прокуратурасының үйлестіруімен ақшалай қаражатты ұрлау фактісі бойынша «Қазкоммерцбанк» АҚ-ға қатысты қылмыстық іс шеңберінде парралельді қаржылық тергеу жүргізген. Агенттік тәркілеу рәсімін жүзеге асырып, 300 гектарға жуық жер учаскелері мен автокөлік құралдарын қамауға алған. Бұлардың барлығының құны 45 млрд теңгеге жуықтаған.

«Келтірілген залалды өтеу мақсатында ҚР ҚПК...

Мәжілісте өткен «Орман өрттерінің алдын алу және олармен күрес» тақырыбындағы Үкімет сағатында орман шаруашылықтарын интернетпен қамту мәселесі талқыланды.

Депутат Ерлан Саиров орман шаурашылықтарында интернеттің жоқтығын айтты. Егер шаруашылықтар интернетпен қамтылған болса, Абай облысында болған өртте қаза болған азаматтарды құтқару мүмкіндігі жоғары болатын еді деп атап өтті.

«Абай облысында өрт болған кезде сол жердегі орманшыларда телефон байланысы болмаған. Біз Абай облысында болдық. Орманшылардың айтуынша, егер оларда байланыс болғанда, құтқару мүмкін екенін айтты. Егер интернет болған жағдайда қайғылы оқиға болмас па еді. Цифрлық министрлік бүгінгі таңда орман шаруашылықтарын интернетпен және ұялы байланыспен қамту үшін нақты...

Қазақстан президенті Қасым-Жомарт Тоқаев боранда халыққа көмек көрсетуге барған бірқатар қызмет өкілдеріне алғыс айтып, оларды марапатқа ұсынды.

«Жуырда еліміздің бірқатар өңірінде табиғат тосын мінез танытып, жағдай қиындаған кезде жергілікті атқарушы биліктің, Төтенше жағдайлар министрлігінің және құқық қорғау органдарының қызметкерлері, медицина мамандары, коммуналдық қызмет пен автомобиль жолдарының жұмысын қамтамасыз ету саласының өкілдері, сондай-ақ басқа да азаматтар халықтың қамы үшін жанқиярлықпен еңбек етті»,– деп хабарлады Ақорда баспасөз қызметі.

Тоқаев олардың бәріне шын жүректен алғыс айтып, жылы лебізін білдірді. Еңбегі ерен бір топ азамат мемлекеттік наградаға ұсынылды.

Қазақстанда ауа райы күрт бұзылды

Боранға байланысты 6 облыста жол жабылып, СҚО-да мектептер қашықтан оқытуға көшірілді деп жазған...

Halyk Finance сарапшылары 2023 жылдың IV тоқсанындағы жалақы өсімі экономикалық өсімнен екі есе төмен болды деп тұжырымдайды.

Мамандардың айтуынша, Қазақстандағы жалақы өсіміне қатысты бұндай сәйкессіздік 10 жылдан бері байқалып келеді. Жалақы мен ЖІӨ өсімі арасында ешқандай корреляция жоқ. Тіпті кейде әртүрлі бағытта өсіп, Қазақстан экономикасындағы құрылымдық түйткілдерді байқатады. Кейде нақты жалақы өндіріс көлемінің төмендеуіне жауап ретінде өсуі мүмкін.

Ресми статистикаға сүйенсек, 2023 жылдың IV тоқсанында орташа айлық 393,6 мың теңгеге жетіп, 162%-ға өскен. Ал орташа жылдық жалақы 2022 жылғы 308 мың теңгемен салыстырғанда 2023 жылдың аяғында 360,8 мың теңгені құрады (номиналды өсім 17,1%).

Бірақ нақты мәнде...

Қырғызстан президенті Садыр Жапаров АҚШ Мемлекеттік хатшысы Энтони Блинкеннен Қырғызстанның ішкі істеріне араласпауды сұрады.

Бұған дейін Блинкин Қырғызстан Парламентінде қаралып жатқан «Үкіметтік емес ұйымдар туралы» заң жобасына қатысты алаңдаушылық білдірген.

Заң жобасы Қырғызстанда жұмыс істейтін үкіметтік емес ұйымдарға бақылауды күшейтуді көздейді. Сондай-ақ оларды шетелдік көздерден қаржыландыруды шектейді. Құжатты ел парламенті бірінші оқылымда қабылдады.

Жапаровтың айтуынша, Қырғыз мемлекеті осы коммерциялық емес ұйымдарға қаржының қайдан келетінін, қалай, қандай мақсаттарға жұмсалатынын бақылауға ниетті.

«Заң жобасының тұжырымдамасы 1938 жылы АҚШ-та қабылданған қолданыстағы шетелдік агенттерді тіркеу туралы заңға (FARA) жақын. Fara шетелдік агенттің мәртебесін тек БАҚ үшін ғана емес, басқа заңды және жеке тұлғалар үшін де қарастырады. Сонда...