Жаңалықтар

«Фридом Финанс» акционерлік қауымдастығының активтері 2023 жылы 111,7 млрд теңгеге яғни 1,5 есе өсіп, 316,9 млрд теңгеге жетті.

«2023 жылғы 31 желтоқсанда активтер 2022 жылғы 31 желтоқсанмен салыстырғанда 111,7 млрд теңгеге (54,5%) ұлғайды және 316,9 млрд теңгені құрады. Бағалы қағаздар портфелінің 83,3 млрд теңгеге немесе 64%-ға; басқа заңды тұлғалардың капиталына инвестициялардың және реттелген борыштың 30 млрд теңгеге немесе 45%-ға ұлғаюы нәтижесінде өсімге қол жеткізілді», – делінген компания хабарламасында.

Компания ақпаратына сүйенсек, тікелей РЕПО бойынша операциялардың 85,98 млрд теңгеге немесе 113,5%-ға ұлғаюына байланысты міндеттемелер 2022 жылғы 31 желтоқсанмен салыстырғанда 79,42 млрд теңгеге немесе 93,1%-ға өскен. Сондай-а...

Банкроттық алған тұлғалар төлем қабілеттілігін қалай қалпына келтіреді, қарыздар мен микрокредиттер бойынша мерзімі өткен берешекті реттеу тәртібі қандай? Бұл сұрақтарға өңірлік коммуникациялар қызметінде өткен брифингте ҚНРДА Қаржы қызметтерін тұтынушылардың құқықтарын қорғау Департаментінің директоры Александр Терентьев жауап берді.

Қаржы нарығын реттеу және дамыту агенттігі өкілінің айтуынша, 2023 жылы заңды тұлғалардан 60 мыңға жуық өтініш кеп түскен.

«2023 жылы Агенттік азаматтар мен заңды тұлғалардан келіп түскен
59,4 мыңнан астам өтінішті қарады. Өтініштерге жасалған талдау көрсеткендей, қаржылық қызметтерді тұтынушылардың құқықтарын бұзудың көпшілігі кредиторлардың азаматтардың мерзімі өткен берешегін реттеу бойынша шаралар қабылдамауы себепті туындаған. Банктік қарыздар бойынша – 53%, микрокредиттер...

«Маңғыстау облысының шекарасын өзгерту туралы» Үкіметтің 2023 жылғы 28 желтоқсандағы тиісті қаулысына қол қойылды. Үкімет қаулысына сәйкес Маңғыстау облысының аумағы 721 940,2365 гектарға дейін үлкейді. Облыс аумағына Маңғыстау облысының шекарасы мен Каспий теңізіндегі  аумақтық сулар (теңізінің) ені бойынша бастапқы сызық арасындағы жерлер кірді.

«Маңғыстау облысының шекарасы мен Каспий теңізі акваториясының бастапқы сызығы арасындағы жалпы алаңы 721 940,2365 гектар жерді облыс аумағына қосу арқылы Маңғыстау облысының шекарасы өзгертілсін», – делінген қаулыда.

Осыған орай Маңғыстау облысының әкімдігіне тиісті шаралар қабылдау тапсырылған.

Маңғыстау облысындағы аумақтық сулар (теңіз) ені бойынша облыс шекарасынан бастап бастапқы сызыққа дейінгі аумақ, оны...

Мұнай мен уран бағасы өсіп, «ҚазАтомөнеркәсіп» акциялары сұранысқа ие болуы әсерінен KASE-де сауда-саттық қалыпты өсім көрсетті.

Қазақстан қаржыгерлер қауымдастығы дайындаған шолуға сүйенсек, АҚШ қор нарығы жұма күні сауда-саттықты әртүрлі бағытта аяқтады. S&P және Nasdaq іс жүзінде өзгермей, 0,08% және 0,02% төмен өсім көрсетсе, Dow медициналық шығындардың өсуі әсерінен UnitedHealth индексінің (-3,4%) төмендеуінен 0,3% жоғалтты. АҚШ-тағы баға индексінің төмендеуі банк секторындағы өсімді тежеп қалды. Желтоқсан айында PPI индексі 0,1% төмендеді. Сонымен қатар BNY Mellon, JPMorgan және Bank of America 2023 жылдың төртінші тоқсанында табыстың азайғанын жариялады.

Қазақстан қор нарығындағы (KASE) сауда-саттық жұма күні қалыпты өсіммен (+0,4%) аяқталды. Өсімнің негізгі драйвері «ҚазАтомөнеркәсіп...

Көмірсутектер мен уран өндіру саласында банктік салым кепіліне қатысты қағидаларға өзгеріс енгізілді. Оған сәйкес жер қойнауын пайдаланушылар екінші деңгейлі бакнтермен қатар Ұлттық пошта операторының да қызметін пайдалана алады. Осыған орай Қазақстан Республикасы Энергетика министрінің бұйрығы «Ашық НҚА» порталына орналастырылды.

«Кодекстің 57–бабына сәйкес кепіл нысанасы екінші деңгейдегі банкте немесе Ұлттық пошта операторында орналастырылған банктік салым ғана бола алады. Салым банктік кепіл шартын жасаған күнге Қазақстан Республикасының Ұлттық Банкі айқындайтын ұлттық валютаның ресми бағамы белгіленетін теңгемен немесе шетел валютасымен енгізілуі мүмкін», – делінген құжатта.

Енгізілген өзгеріске сәйкес, кепілді соманы жер қойнауын пайдаланушылар береді. Оны...

Ресейлік Dodo Brands пиццериялар желісі юрисдикциясын британдық Виргин аралдарынан Қазақстандағы «Астана» халықаралық қаржы орталығына ауыстыруды жоспарлап отыр.

«2023 жылғы 15 желтоқсанда директорлар кеңесі BVI-ден (Британдық Виргин аралдары) холдингтік компанияның «Астана» халықаралық қаржы орталығына (Қазақстан Республикасы) редомициляциясын мақұлдады. Осы шешімді бекіту мақсатында 2024 жылғы 10-26 қаңтар аралығында акционерлердің сырттай дауыс беру процессі өтеді», – деп хабарлады Dodo Brands қаржы директоры Лина Наумова.

2024 жылдың 1 қаңтарынан бастап компанияның қаржы директоры қызметінен келген Наумова 30 қаңтарда Мәскеу уақытымен сағат 16:00 Dodo Brands акционерлерінің онлайн кездесуі өтетінін айтты.

Dodo Brands компаниясын 2011 жылы Ресейдің Сыктывкар қаласында Федор Овчинников құрған. Франшиза 14 елде өз пиццерияларын ашқан.

Dodo...

Экс-президент Нұрсұлтан Назарбаевтың немере інісі, Ұлттық қауіпсіздік комитеті төрағасының бұрынғы бірінші орынбасары Самат Әбішке қатысты қылмыстық іс бойынша тергеу аяқталды.

Бас прокуратураның хабарлауынша, Самат Әбішке қатысты іс сотқа жіберілді.

Қылмыстық істе мемлекеттік құпияға қатысты мәлімет болуына байланысты, сотқа дейінгі тергеп-тексеру дерегі жарияланбайды.

Самат Әбішке қатысты тергеу былтыр басталған болатын.

«Бас прокуратураның Арнайы прокурорлары Ұлттық қауіпсіздік комитеті төрағасының бұрынғы бірінші орынбасары Самат Әбішке қатысты «қаңтар оқиғалары» кезінде билік пен лауазымдық өкілеттіктерді асыра пайдалану фактісі бойынша сотқа дейінгі тергеп-тексеру жүргізуде», – деп хабарлаған Бас прокуратураның баспасөз қызметі.

Сол кезде де прокурорлар тергеу барысында құпия құжаттар зерделеніп...

Ресейдің Санкт Петербор қаласы Пушкин ауданындағы Wildberries компаниясы қоймасында болған өрт шығыны 10 млрд рубль болуы мүмкін.

РБК ақпаратына сүйенсек, Жалпы ресейлік сақтандыру одағы шығынды алдын ала есептеп, 10 млрд рубльден (51 млрд теңге) астам деп белгілеген. 

ТАСС ақпаратына сәйкес, өрт болған кезде қоймада 1000 астам адам болған. Дәл қазіргі уақытта 16 адамнан хабар жоқ. 

Ресей Төтенше жағдайлар министрлігі өрттің үш себебі болуы мүмкін екендігін айтқан. Бірінші, белгісіз адамның өрт қоюы, екінші, электр желісін апаттық жұмысы, үшінші, отты абайсыз пайдалану.

ТАСС ақпаратына сүйенсек, қоймада электр желісі дұрыс жұмыс істемеген. Осыған дейін дабылды ескерту тетігі (сигнализация) бірнеше рет...

Мorgan Stanley бұрынғы басшыларының бірі Паван Пассиге де 250 млн доллар айыппұл салынған / Фото: kursiv.media

Мorgan Stanley құпия ақпаратты жария еткені үшін 249 миллион доллардан астам қаражат төлейді.

Америкалық Morgan Stanley банкі 249 миллион доллардан астам қаражатты алаяқтық және «ақпараттық кедергілердің» болмағаны үшін төлейді. АҚШ-тың Бағалы қағаздар және биржалар жөніндегі комиссиясы осындай шешім шығарған. Комиссия банкті акциялардың ірі пакеттерін сату туралы құпия ақпаратты ашты деп айыптайды.

«Акция сатушылары Morgan Stanley-ге алдағы блоктық сауда операциялары туралы айтарлықтай маңызды әрі жария етуге жатпайтын ақпаратты беріп, банк оны құпия сақтайды деген үмітпен тапсырады», – дед...

Біресе құны өсіп, біресе бағасы кеміп жататын компаниялар динамикасын бақылап отыру – инвестор боламын деген талапты жанның бұлжымас тәртібі. Freedom Broker, әдеттегідей, нарықтағы жетекші компаниялардың көрсеткіштерін ұсына отырып, әрқайсысына жеке тоқталып, саралайды. Соның бірі электр энергиясын өндіру бойынша активтермен жұмыс істейтін коммуналдық қызметтер секторындағы канадалық компания – Brookfield Renewable Corp. (BEPC).

Компанияның негізгі портфелін су электр станциялары (54 пайызы), жел және күн электр станциялары (34 пайызы) және баламалы энергетикамен байланысты өзге де активтер (биомассадан энергия өндіретін кәсіпорындар, энергия мен ядролық энергетиканы сақтаумен байланысты бизнес) құрайды.

«Компания өзін M&A нарығындағы табысты ойыншы ретінде көрсетті. Он жыл бұрын компания...

Өңірлерде негізінен бірінші ауысым оқушылары онлайн оқытуға көшірілген / Фото: kursiv.media

Аяз бен боранға байланысты еліміздің бірнеше облысында мектептер онлайн оқытуға көшірілді.

Онлайн оқытуға Астана қаласының оқушылары көшірілді. Бұл жайлы қалалық білім басқармасының әлеуметтік парақшасында хабарланды.

«2024 жылғы 15 қаңтар күні ауа райының қолайсыздығына байланысты бірінші ауысымның 0-9 сынып оқушылары қашықтан оқыту форматына ауыстырылады», –делінген хабарламада.

Сондай-ақ Көкшетау қаласының білім басқармасы да ауа температурасы -25 С градусқа дейін төмендеуіне және боранның күшеюіне байланысты бірінші ауысымда оқитын 1-9 сынып оқушыларын қашықтан оқыту туралы шешім шығарған.

Қарағандыда да бірінші ауысымда оқитын сыныптар онлайнға ауысқан.

Қазақстан президенті Қасым-Жомарт Тоқаев белгілі саясаткер Заманбек Нұрқаділовке ескерткіш қою туралы шешім шығарған. Ақпаратты Нұрқаділовтің жары Мақпал Жүнісова таратты.

Мақпал Жүнісова өзінің Instagram парақшасында президенттің баспасөз хатшысы Берік Уәлидің Тоқаев хатын оқыған видеосын жариялады.

Ескерткіш Нұрқаділов дүниеге келген Алматы облысының Кеген ауылында қойылады. Оған қоса, саясаткердің Алматыда тұрған үйіне ескерткіш тақта орнатылады.

Тоқаевтың хатында биыл Заманбек Нұрқаділовтің дүниеге келгеніне 80 жыл болғаны жазылған.

«Заманбек Қалабайұлы – осындай тұғырлы тұлғалардың бірі. Ол егемендіктің алғашқы кезеңінде көптеген жауапты қызметтерді абыроймен атқарды. Мемлекетіміздің нығайтуға айрықша атсалысып, өңірлерді өркендетуге зор үлес қосқаны даусыз… Зәкеңнің туған жері – Алматы облысының Кеген ауданында оған ескерткіш орнату...

Президент Қасым-Жомарт Тоқаев Сұлтан Бүркітбайұлы Қамалетдиновты Қорғаныс министрінің бірінші орынбасары – Қарулы Күштері Бас штабының бастығы етіп тағайындады, деп хабарлайды Ақорда баспасөз-қызметі.

«Мемлекет басшысының өкімімен Сұлтан Бүркітбайұлы Қамалетдинов Қазақстан Республикасы Қорғаныс министрінің бірінші орынбасары – Қазақстан Республикасы Қарулы Күштері Бас штабының бастығы болып тағайындалды, ол бұрынғы атқарған лауазымынан босатылды», – деп жазылған хабарламада.

Сұлтан Қамалетдинов 1965 жылы 12 ақпанда Астрахан облысы, Володар ауданы, Зеленга ауылында дүниеге келген. 2021 жылдың қарашасынан бері  Қорғаныс министрінің орынбасары лауазымында болған. Әскери шені: генерал-лейтенант.

Бұған дейін Қазақстан Республикасы Қорғаныс министрінің бірінші орынбасары – Қазақстан Республикасы Қарулы Күштері Бас штабыны...

Ішкі істер министрлігі Ұлттық қауіпіздік комитетімен бірігіп, заңсыз істеген 326 лото клуб қызметіне тосқауыл қойды. Бұл туралы ІІМ баспасөз қызметі хабарлады.

13 қаңтарда Ішкі істер министрлігі Ұлттық қауіпсіздік комитетімен бірлесіп, Бас прокуратураның үйлестіруімен лотерея клубтарының атымен жұмыс істейтін заңсыз онлайн-казинолардың ірі желісін жойған. Ауқымды арнайы операцияны жүргізуге Ішкі істер министрлігі мен Ұлттық қауіпсіздік комитетінің үш мыңнан астам қызметкері жұмылдырылған.

Жүргізілген іс-шаралар барысында заңсыз ойын ұйымдастырудан бөлек өзге қылмыстар ашылған.

«Жұмыс барысында ойын мекемелеріне ықпал етіп, қамқорлық еткен криминалитеттер де анықталды. Олар лото клуб қызметкерлері мен клиенттеріне қатысты қылмыс жасағаны белгілі болды. Заңсыз...

2024 жылдың 1 қаңтарынан бастап табысты жалпыға бірдей декларациялаудың үшінші кезеңі ресми түрде күшіне енді (кімді, қалай тексеретінін және бұл алаңдауға тұрарлық жайт па деген сұрақтарға «Курсив» жауап берген болатын). Негізгі мақсат – бизнесті «көлеңкеден» шығарып, бюджетке түсетін салықтық түсімдерді арттыру. Бұл шағын және орта бизнеске қалай әсер етеді және кәсіпкерлердің өздері бұған қалай қарайды? Мұны білу үшін «Курсив» қаланың әр жеріндегі он бір сауда нүктесін аралады. Бір таңқаларлығы; көбісі жаңа заң туралы тіпті естімеген болып шықты.

Сауалнама жүргізілген жерлер: Silkway СОО, Алматы 2 вокзалы, «Мерей» СО, Көк базар, «Тұлпар». 

Терминалдар бұрыннан бар 

Тікелей саудамен айналысатын адамдарды бірнеше...

Тайваньда өткен сайлау қорытындысына қатысты мәлімдеме /ҚР СІМ

Қазақстан Республикасы Сыртқы Істер Министрлігі Тайваньда өткен сайлау қорытындыларына қатысты түсініктеме берді. Бұл туралы ҚР СІМ хабарлады.

«Тайваньда өткен сайлауға байланысты Қазақстан Республикасы «бір Қытай» қағидатын табанды түрде қолдайтынын қайта мәлімдейді және Қытай Халық Республикасының үкіметі бүкіл Қытайды білдіретін жалғыз заңды үкімет, ал Тайвань Қытай аумағының ажырамас бөлігі екенін растайды. Қытай Халық Республикасы үкіметінің елді бейбіт жолмен біріктіру жолындағы күш-жігерін қолдаймыз», – делінген хабарламада.

Айта кетейік, Тайваньдағы президент сайлауында Қытайға жақпайтын кандидат жеңіске жақын деп хабарлаған болатынбыз.

Тайвань оппозициясы 13 қаңтар күні өткен президенттік...

АҚШ-тың бұрынғы президенті Дональд Трамп үшінші дүниежүзілік соғыс жақындады деп ескертті. Бұл туралы РИА Новости хабарлады.

«Менің ойымша, біз қазір үшінші дүниежүзілік соғыс алдында тұрмыз. Бірақ мен әр сөзімде айтқанымдай, үшінші дүниежүзілік соғыстың алдын аламын. Бұл іске қатысты адамдардың барлығын білемін»,– деді Трамп Айова штатындағы жақтастарына сөйлеген сөзінде.

Республикалық саясаткердің пікірінше, АҚШ Джо Байденнің әкімшілігі кезінде «әлсіз және тиімсіз мемлекетке» айналды.

«Байден қабілетсіз. Оның жақсы білетіні тек сайлау кезінде алдау. Олар (демократтар – ред.) сайлау нәтижелерін бұрмалау мен саяси қарсыластарын қудалауды біледі. Басқа ештеңе істей алмайды»,– деп атап өтті АҚШ-ты...

Армения мен Әзербайжан арасында бейбітшілік орнағанын қаламайтындар бар екені жасырын емес. Бұл туралы Армения премьер-министрі Никол Пашинян мәлім етті, деп хабарлайды Kazinform.

«Өкінішке қарай, осы уақытқа дейін Армения мен Әзербайжан екі түрлі дипломатиялық тілде сөйлеп келді. Арменияда да, Әзербайжанда да, сондай-ақ шет елдерде де бейбітшілікті қаламайтын күштер бар және бола береді»,– деді Пашинян.

2023 жылдың 23 қарашасында Армения Ұжымдық қауіпсіздік туралы шарт ұйымының (ҰҚШҰ) көмегінен бас тартты. 

Арменияның ұйым көмегінен бұлайша бас тартуы бірінші рет емес. 2022 жылдың қарашасында Ереванда өткен ҰҚШҰ саммитінде Армения премьер-министрі Никол Пашинян Арменияға көмек көрсету бойынша бірлескен шаралар туралы Ұжымдық қауіпсіздік кеңесі шешімінің жобасына қол...

Кіші Кеннеди биыл Демократиялық партия атынан президенттік сайлауға түсуге ниетті. Ол Мексикамен шекараның қауіпсіздігін күшейтуді және Украинаға қаржылық көмекті тоқтатуды қолдайды. Бұл туралы РИА Новости хабарлады.

«Кеннеди мырзаның ұстанымы Президент Байденнен де, республикашылдардан да ерекшеленеді. Ол заңсыз иммиграцияның бақыланбайтын ағынын тоқтату үшін шекара қауіпсіздігін күшейтуді қолдайды. Сондай-ақ , Украинадағы соғысты қаржыландыруды тоқтату қажет»,– деді Кеннеди кіші штаб-пәтерінде.

Айта кетейік, Америка Құрама Штаттарының 35-ші президенті Джон Кеннедидің жиені, заңгер және саясаткер кіші Роберт Кеннеди 2024 жылы өтетін президенттік сайлауға қатысуға өтінім берген болатын.

Еске сала кетер болсақ, Песков Bloomberg-тің АҚШ президенті Джо Байденнің әкімшілігі шамамен...

Қарағанды ​​қаласында өрттен 14 адам құтқарылып, қауіпсіз жерге көшірілді. Бұл туралы ҚР Төтенше жағдай министрлігі хабарлады.

«10 қабатты тұрғын үйдің электр бақылау жәшіктерінде 12 желілік метр электр сымының оқшаулағышы, сондай-ақ арба мен велосипедтің жанғыш бөліктері өртенді«, – делінген хабарламада.

Төтенше жағдайлар департаментінің қызметкерлері құтқару қалпақтарын қолданып, баспалдақпен 14 адамды құтқарды, оның 8-і – бала.

Зардап шеккендер мен қаза тапқандар жоқ.

Айта кетейік, бүгін Ақмола облысында автобус бұзылып, 65 шетел азаматы қар құрсауында қалды деп хабарладық.

2023 жылы автонарық саласында елең еткізерлік оқиғалар болған жоқ. Бірақ 4 пайыздық жеңілдетілген несие бағдарламасының елді разы етпегенін, соның ізін ала арзан шарттары бар несие аясында ұсынылатын қытайлық көліктердің ұбап-шұбап Қазақстанға келе бастағанын бөліп-жарып айтуға болады. Осы орайда өткен жылды қорытындылап, келген жылды бағдарлап, көлік саласының сарапшысы Артур Мискарянмен аз-кем сұхбат құрдық.

– Артур, 2023 жыл отандық автонарық үшін қолайлы болды ма? Қандай үрдістерді атап, қандай артықшылықтар мен кемшіліктерді тізбелер едіңіз?

– Желтоқсан сатылымының көрсеткіштері қаңтардың бірінші жартысында әлі де қысқартылуы керек, алайда қазір қазақстандық нарықта жыл ең оптимистік болжамдар деңгейінде аяқталды деп айтуға болады. 11 айда қазақстандықтар 175 мыңнан...

2024 жылдың екі аптасында Tesla электромобиль компаниясы 94 миллиард доллар нарықтық құнын жоғалтты. Бұл компанияның негізін қалаушы Илон Маск үшін «жылдың ең нашар бастамасы», деп жазады Bloomberg агенттігі.

Bloomberg мәліметтері бойынша, бұл компания ашылғанннан бергі ең нашар көрсеткіш. Жыл басынан бері бұл компания 94 миллиард долларлық нарықтық құнын жоғалтты. Бұл жағдай Қытай тарапынан бәсекелестіктің күшеюіне және көліктерге деген сұраныстың төмендеуіне байланысты.

Компания алғаш рет үшінші тоқсандағы кірістер мен шығыстар туралы қазан айындағы есебінде электромобильдерге сұраныстың баяулауы туралы ескертті. Қаңтар айында BYD-і бар қытайлық автомобиль өндірушісі жыл қорытындысы бойынша АҚШ-тың жалпы автокөлік сату компаниясынан озып кеткені белгілі болды. Сонымен...

Ақмола облысында полицейлер автобус бұзылып, тасжолда қалған шетелдіктер құтқарылды. Бұл туралы polisia.kz сайты хабарлады.

«14 қаңтарға қараған түні Астана-Петропавловск республикалық автожолында Ресейдің Сургут қаласынан келе жатқан рейстік автобус істен шықты: ауа құбыры жарылды. Жолда жүргізуші мен 65 жолаушы қалды, оның ішінде 10 жасар бала мен 14 әйел адам болған. Олардың барлығы Тәжікстан азаматтары»,– делінген хабарламада.

Тәртіп сақшылары жүргізушімен бірге сол жерде ақауларды жойып, автобусты Ақкөл қаласындағы ең жақын жылыту пунктіне апарып тастады.

«Мұнда шетелдіктер жолдың ресми ашылуына және қозғалыстың қайта басталуына дейін болады», – делінген хабарламада.

Айта кетейік, кеше...

Елорда әкімі Жеңіс Қасымбек Instagram парақшасында қаланы жылумен, сумен қамтамасыз ету мақсатында қандай шаруалар атқарылып жатқанын мәлімдеді, деп хабарлайды елорда әкімдігінің ресми сайты.

«Қаланы жылумен және сумен қамтамасыз ететін инфрақұрылым нысандарының жұмыс барысымен таныстым. Олар – ЖЭО-3, ЖЭО-2, ауызсу станциясы (ССС-3), «Тұран» және «Оңтүстік-Шығыс» газ жылу станциялары. Өздеріңіз білетіндей, өткен жылдың күзінде біз «Оңтүстік-Шығыс» газ жылу станциясының, «Тұран» газ жылу станциясының бірінші кезеңінің, құрылысы ұзаққа созылған ЖЭО-3 нысанын аяқтадық. Бұл нысандар қалаға 1100 сағ/Гкал-дан астам жылу береді. Осылайша бізге жылыту маусымында профицитке шығуға мүмкіндік береді»,– деді қала әкімі.

Әкімнің айтуынша, өткен жылдың жазында Астана су...