Жаңалықтар

Фото: kursiv.media

Қашаған мұнай-газ кен орнының операторы – North Caspian Operating Company (NCOC) консорциумы Қазақстанмен арада халықаралық арбитраж арқылы шешілуі мүмкін дау бар екенін растаған. Бұл туралы «Интерфакс-Қазақстан» агенттігі жазады. Агенттік Қазақстан үкіметі NCOC-қа салуға ниеттеніп отырған экологиялық айыппұлды даулау үшін консорциум халықаралық арбитражға жүгінетіні рас па деп сауал жолдаған.

«Қазақстан Республикасы мен Солтүстік Каспий бойынша өнімді бөлу туралы келісімге қатысатын мердігер компаниялар арасында (KMG Kashagan B.V. компаниясын қоспағанда) келісімнің кейбір ережелерін қолдануға қатысты бірқатар даулы мәселелер бар. Келісімге сәйкес, бұл мәселе арбитражға жүгіну арқылы шешілуі керек», – дейді NCOC агенттік сауалына берген жауабында...

Kaspi.kz финтех-компаниясы америкалық депозитарлық акцияларын болжалды жария орналастыру үшін тіркеуге өтінім беру жобасы туралы, яғни АҚШ нарығында сататыны жөнінде мәлімдеді.

«Kaspi.kz ақ («Компания») F-1 нысаны бойынша тіркеу өтінішінің жобасын АҚШ-тың Бағалы қағаздар және биржалар жөніндегі комиссиясына (SEC), компанияның қолданыстағы депозитарийін ұстаушылары компанияның қарапайым акциялары болып саналатын америкалық депозитарлық акцияларды жария орналастыруға қатысты құпия түрде ұсынғанын хабарлайды», – делінген Лондон қор биржасында (LSE) жарияланған хабарламада.

Болжалды ұсыныстың көлемі мен бағасын әлі де анықтау қажет. Акцияларды жария орналастыру нарықтық және өзге де жағдайларға байланысты болады, сонымен қатар SEC комиссиясының өтінімжі қарау процессіне де тәуелді болмақ, деп...

Коллаж: kursiv.media

Назар аударуды, құр назар салып өте шықпай, жанашыр ықыласпен қолдау көрсетуді талап ететін бір сала болса, ол – мұнай-сервис саласы. Қазір бұл салада қордаланған бірнеше түйткіл бар. Соның бірі – қаржыландыру жайы, екіншісі – маман тапшылығы. Мұнай сервистік компаниялар одағының төрағасы Рашид Жақсылықовтың айтуынша, мұнайға қызмет көрсету саласы – өте күрделі сала. Тіс шұқығышпен қамтамасыз етуден бастап қиғаштап бұрғылауға дейінгі аралықта қым-қиғаш шаруа бар.

«Мұндағы тасымалдау, бұрғылау, жобалау, құрылыс жүргізу, басқа да қаншама саланың бәрі-бәрі айырықша назарды қажет етеді. Тиісінше, әр саланың дамуына кедергісін тигізіп отырған үш-төрт мәселе бар. Соның бірі – ірі операторлардан...

Сот орындаушылардың қызметін робот орындай бастайды. Бұл жайлы Орталық коммуникациялар қызметінде өткен брифинге ҚР Әділет вице-министрі Бекболат Молдабеков айтты.

«Жеке сот орындаушысы борышкерлердің борышын өтеуді мәжбүрлеп орындаған кезде олардың қызметіне негізгі борыш сомасы және өндіріп алу сомасының 3-тен 25% -на дейінгі мөлшерде қосымша комиссия алынады. Азаматтарға борыштық жүктемені азайту үшін атқарушылық құжатты автоматты түрде қозғау және борышкерге хабарлама жіберу бойынша робот әзірленді. Роботты қолдану азаматтарға сот орындаушысының қызметіне ақы төлеуге қосымша қаржылық шығындарды азайтуға мүмкіндік береді», деді министр.

Ол сонымен бірге борышкерлерді олардың табысына тең пропорционалды алимент төлеуге ынталандыру мақсатында Smart Data...

Фото: tilalemi.kz

Қазақстанда тіл саясатын дамытудың 2023 – 2029 жылдарға арналған тұжырымдамасы бекітілді. Үкімет тиісті қаулыға 16 қазанда қол қойды. Тұжырымдама аясында кейбір шенеуніктердің қазақ тілін орта деңгейде білуі талап етілуі мүмкін. Бұл ұсыныс 2024 жылдың наурызында Президент әкімшілігіне ұсынылады.

Аталмыш тұжырымдаманы жүзеге асыруға жергілікті және орталық атқарушы органдар жауапты. Ал Ғылым және жоғары білім министрлігі бір жылдан кейін тұжырымдама қалай орындалып жатқаны жайлы есеп береді.

Құжат бойынша 13 нысаналы индикаторға қол жеткізу қарастырылған. Оның ішінде мемлекеттік тілді меңгергендердің үлесін атттыру, латып әліпбиін қолданатындардың қатарын көбейту,  МемБАҚ-тағы қазақтілді контенттің үлесін арттыру, терминологиялық қорды молайту т.б...

Қазақстанда бомбадан сақтайтын орындар ма? Бұл сұраққа Орталық коммуникациялар қызметінде өткен жиында Төтенше жағдайлар министрі Сырым Шәріпханов жауап берді.

«Қазақстанда бомбадан тығылатын орындар бар ма? Болса қайда олар? Қанша адам сыйғыза алады? Ондай орындардың Астанада Есілдің сол жақ жағалауында бар екеніне күмәніміз жоқ. Құдай бетін аулақ қылсын, бірақ қандай да бір жағдай бола қалса, қарапайым тұрғындар не істейді?» деп сұрады журналист министрден.

Министр мұндай орындардың елімізде бар екені, қарапайым жерге терең орналасқан нысандар бомбадан қорғаныс ретінде қызмет ете алатынын айтты.

«Әлемдегі соңғы жағдайларды ескерсек, сіз бұл сұрақты өте орынды қойып...

Қаржылық мониторинг агенттігі тергеумен ерікті ынтымақтастығы аясында Қайрат Боранбаевтың бірнеше мүлкі мемлекет меншігіне қайтарылғанын хабарлады.

«Қаражанбас Северный» кен орны мемлекет меншігіне өтті, оның өндірістік параметрлері – құны 35,4 млрд теңге болатын 2,6 млн тонна мұнай және 13,2 млн текше метр газ бар 143 ұңғыма. Боранбаев сондай-ақ тауарлық газды тасымалдаумен және сатумен айналысатын «Азия Газ Чунджа» газ таратушы компаниясын мемлекет меншігіне берді. Компанияның нарықтық құны 14 млрд теңгеге жуық», делінген ақпаратта.

Сонымен қатар, Қаржылық мониторинг агенттігі құны 9 млрд теңге болатын «Сервисный Центр КазТурбоРемонт» ЖШС мұнай-газ жабдықтарын өндіру және жөндеу зауыты мемлекет меншігіне өтетінін...

Фото: kursiv.media

Сенаттың жалпы отырысынан кейін журналистер Сауда және интеграция вице-министрі Қайрат Төребаевтан елімізде ұн бағасын тұрақтандыруға қатысты қандай шаралар атқарылып жатқанын және Қазақстаннан астық алып отырғанына қарамастан Өзбекстанда нан бағасы неге еліміздегіден арзан екенін сұрады.

Сауда және интеграция вице-министрі Қайрат Төребаев сұраққа ауызша жауап беруден бас тартып, жазбаша жауап жолдайтындарын жеткізді.

«Бүгінгі негізгі мәселе «Еуразиялық қайта сақтандыру компаниясын құру» жөніндегі заң жобасына қатысты болды. Бұл сұраққа жазбаша түрде жауап берейік, өйткені мен экспортпен айналысамын. Ішкі нарықпен, ішкі саудамен басқа вице-министр айналысады», – деді Қ. Төребаев.

Тілшілер Үкімет мүшесінің жауабына қанағаттанбады. Алайда вице-министр алған бетінен қайтпай...

«Қазақстан» шахтасындағы өрт бір жыл бойы сөндірілуі мүмкін. Бұл жайлы орталық коммуникациялар қызметінде өткен жиында Төтенше жағдайлар министрі Сырым Шәріпханов айтты.

«Шахталардағы өртті сөндіру өте күрделі жұмыс. Өздеріңіз білетіндей, ол жерде конвейер таспасы өртеніп, от жыныс қабаттарына көшіп, жағдай қиындай түсті. Өртті ауа баратын жолдарды бітеу арқылы өшіруді қолға алдық. Сол мақсатта арнайы гипстен 25 бекет тұрғызылды. Мұндай Гипс бекеттерінің қалыңдығы 1 метрден, 3 метрге дейін жетеді. Сонымен қатар газ көлемі мен температураны өлшейтін арнайы құрылғылар орналастырылған. Оның көмегімен шахтадағы өрттің жағдайын бақылап отырамыз. Мұндай жолмен өрт сөндіру ұзақ уақытты талап етеді. Кей жағдайларда мұндай...

коллаж: kursiv.media

Сауда және интеграция вице-министрі Қайрат Төребаев Сенат кулуарында Қазақстан Ресейге 106 тауар экспортын шектегенін мәлімдеді. Олардың арасында дрон мен чиптер де бар.

«Жалпы, біз барлық тауарды экспортқа шығарып жатырмыз. Тек Ресейге соғысқа қатысты экспорттық тауарларды шектедік. Бұл тізімге 106 түрлі тауар енді. Біз осы бойынша экспортқа мүлдем тыйым салдық», -деді Қ. Төребаев.

Вице-министр нақты қандай тауарлардың экспортына шектеу қойылғанын айтып өтті.

«Олар соғысқа қатысты тауарлар. Осы өнімдер Ресейге шығарылмайды. Соның арасында қақтығыс кезінде қолданылатын дрондар, арнайы электроника, чиптер және басқа да құрылғылар бар», деді министрлер кабинетінің мүшесі.

Freedom Finance Global компаниясы Орталық Азияның төрт елі – Қазақстан, Өзбекстан, Қырғызстан және Тәжікстан тұрғындарының тұтынушылық сеніміне, инфляциялық және девальвациялық күтулеріне зерттеу жүргізуді жалғастырады. Сауалнамаға алғашқы екі елден 3600 респондент, кейінгілерінен 1600 және 1200 адам қатысқан.

Телефонмен сауалнама алу әдісімен жүргізілетін зерттеудің үшінші айы аймақтағы макроэкономикалық көріністі айтарлықтай толықтыруға мүмкіндік береді. Тамыздағы екінші толқын нәтижесі көбіне қыркүйектегі үшінші толқын нәтижесімен расталды, соңғы жазғы айдағы көрсеткіштердің өзгеруі кездейсоқ емес.

Сондай-ақ бір ел үшін бірегей немесе бүкіл Орталық Азия үшін ортақ болуы мүмкін белгілі бір үрдістер байқалуда. Мысалы, өңір тұрғындарының басым көпшілігі үшін ортақ проблема – ұн болып шықты. Сонымен қатар...

Пайдалы қазбаларды өндірумен айналысатын және 2023 жылдың желтоқсанында жұмысын тоқтатуы тиіс «Ақтөбе-Темір-ВС» компаниясы Real Estate Kazakhstan LTD басқарушы фирмасынан уақытша қаржылық көмек алғанын мәлім етті. Көмек сомасы – сайақысыз 51,09 млн теңге (құжатта бөлінген қаржы займ деп те аталған). Бұл туралы Қазақстан қор биржасында жарияланған ақпаратта айтылған.

Ол құжатта сондай-ақ, бұл қаржының айналым қаражатын толтыруға жұмсалатыны да хабарланған. Қаржылық көмек беру туралы келісімге 16 қазан күні қол қойылыпты, ал қаржы 17 қазан күні алынған. Компания бұл қарызды 2024 жылдың 31 желтоқсанына дейін өтеуге міндеттелген. Бұл қаржы компания активтерінің баланстық құнының 295%-ын құрайды.

«Ақтөбе-Темір-ВС» бұған дейін де Real...

Павлодар қаласы әкімдігінің құрылыс бөлімі 6 млрд теңгеге заңсыз шарт жасаған. Бұл жайлы Павлодар облысы прокуратурасының баспасөз қызметі хабарлады.

«Павлодар облысында мемлекеттік сатып алудың бәсекеге қабілетті емес тәсілімен жеткізушілерді таңдау фактілері анықталды. «Еңбек-Өскемен» РМК филиалымен және «ҚазҚұрылысСервис» ЖШС-мен бір көзден негізсіз жасалған шарттардың жалпы сомасы 6 млрд теңгені құрады», делінген хабарламада. ​

Қалалық прокуратураның қадағалау актісі бойынша Ішкі мемлекеттік аудит департаменті талап арыз жұмыстарын жүргізіп, 11 негізсіз жасалған шартты анықтаған. Ал Павлодар облысының мамандандырылған ауданаралық экономикалық сотының шешімдерімен ол 11 шарттың барлығы да жарамсыз деп танылған.

Сонымен қатар Павлодар қаласы әкімдігінің құрылыс бөлімінің басшысы...

Сенат Еуразиялық қайта сақтандыру компаниясын құру туралы Келісімді ратификациялауға қатысты Заңды мақұлдады.

Бұл Заң 2022 жылғы 20 қазанда Ереван қаласында жасалған Еуразиялық қайта сақтандыру компаниясын құру туралы Келісім негізінде әзірленген.

«Бұл келісім мүше мемлекеттердің экспортты қолдаудың бірлескен шараларын, оның ішінде сақтандыру жолымен қолдануды көздейтін Еуразиялық экономикалық одақ туралы шарттың 41-тармағын іске асыруға бағытталған. Келісім құрылатын Еуразиялық қайта сақтандыру компаниясының мақсаттарын, мәртебесін және міндеттерін айқындайды», дейді Экономикалық саясат, инновациялық даму және кәсіпкерлік комитетінің хатшысы Серік Шайдаров.

Бұл сақтандыру компаниясы өзара сауда және инвестициялар көлемін ұлғайтуға, компанияға қатысушы мемлекеттер арасындағы экономикалық интеграцияны дамытуға...

Фото: kursiv.media

Әлеуметтік медициналық сақтандыру қоры топ-менержерлерінің миллиондаған сыйақы мен бонус алғанын жоққа шығарды. Бұған дейін бірқатар БАҚ-та қор басшылығы миллиондап сыйақы алғаны жайлы ақпарат тараған.

Қор таратқан хабарламада 2022 жылы басқарма мүшелері қандай төлем және қанша мөлшерде алғаны жазылған.

«Әлеуметтік медициналық сақтандыру Қоры Басқармасының әрбір мүшесінің, оның ішінде төрағаның сыйақы мөлшері Үкімет Қаулысымен 10 ең төменгі жалақы деңгейінде (2022 жылы 600 мың теңге) шектелген. Бұл бір жыл ішінде бір басқарма мүшесіне сыйақы ретінде төлеуге қарастырылған сома. Басқарма мүшелері басқа сыйақы алған жоқ», – делінген хабарламада.

.Ал қордың жылдық есебінде көрсетілген...

Қоғамда резонанс тудырған «Міржақып. Оян, қазақ!» фильмінің соңғы аптадағы кассалық кірісі 107 млн теңгені құраған. Бұл туралы ticketon.kz мәліметтерінен белгілі болды.

Кинотуындыға деген сұраныс, әсіресе, соңғы аптада қатты артқан. Фильм 12-15 қазан арылығында кассадан 107 067 000 теңге жинаған.

Фильм экранға 21 қыркүйекте шығып, 4 қазаннан кейін алынып тасталуы керек болған. Бірақ оның еш себепсіз экрандардан алынуына қазақ қоғамы қарсы шықты. Алғашқы аптада бұл туынды 19 млн теңгемен 8 орында тұрған. Ал қоғамда резонанс туған соң кассалық кіріс көлемі ақырындап арта бастаған. Атап айтқанда, 5-10 қазан аралығында фильм 6 орынға көтеріліп, 30 млн теңге табыс тапқан...

Мемлекет басшысы Қасым-Жомарт Тоқаев өзінің парақшасында азаматтық қорғаныс саласының қызметкерлерін Құтқарушы күнімен құттықтады.

«Азаматтық қорғаныс саласының қызметкерлерін Құтқарушы күнімен құттықтаймын! Сіздердің жұмыстарыңыз қауіп-қатерге толы әрі зор жауапкершілікті талап етеді. Мемлекет пен қоғам сіздердің антқа адалдықтарыңызды, қажырлы еңбектеріңізді жоғары бағалайды. Баршаңызға бақ-береке тілеймін!» – деп жазды Қасым-Жомарт Тоқаев өз парақшасында.

Құтқарушыларды мерекесімен ТЖМ басшысы Сырым Шәріпханов та құттықтады. Ол өзінің құттықтау сөзін алғыстан бастады.

«Ең алдымен, қиын, қауіпті қызметтеріңіз үшін, жүктелген міндеттер мен функцияларыңызды лайықты, адал орындайтындарыңыз үшін барлықтарыңызға алғыс айтамын. Соңғы уақытта біздің елде ғана емес, көрші мемлекеттерде...

Сәрсенбі күні 18 қазанда жүздеген еврей белсенділері Капитолийдегі Cannon House кеңсесінің ғимаратының алдына жиналды. Олар «Еврей халқы бейбітшілікке үндейді!», «Газа өмір сүрсін!» деген ұранмен келген. Бұл жайлы Washingtonpost басылымы жазды.

Олар Газадағы гуманитарлық жағдайдың тым қиындап кеткенін айтып, АҚШ Конгресінен соғысты тоқтату туралы резолюция қабылдауды талап етті. Cannon House ғимаратына басып кірген 300-ге жуық адамды АҚШ полициясын қамауға алды.

Шеруге шыққан еврей заматтары Газа секторындағы палестиналықтардың жағдайына алаңдайтынын жеткізіп, «Қанымыз бір түсті», «Сионизм – расизм» деген жазуы бар баннерлер арқылы үндеу тастаған олар, Палестина жалауын желбіретті.

«Біз мұнда «біздің атымыздан жасалып жатқан...

Қытай осы жылы Қазақстанның шикі мұнайын импорттауды  9,3%-ға азайтқан. Бұл жайлы ERI_Monitor телеграм арнасы жазды.

Телеграм арнасының жазуынша, Қазақстаннан Қытайға мыс және катодты мыс сияқты тауарлардың экспорттық жеткізілім көлемі 24,3%-ға яғни 1,3 млрд долларға дейін және шикі мұнай 9,3%-ға, 2,6 млрд долларға дейін төмендеген.

Ал жалпы, Қазақстан мен Қытай арасындағы тауар айналымы 2023 жылғы қаңтар-тамызда 19,0 млрд долларды құраған. Бұл өткен жылдың сәйкес кезеңімен салыстырғанда 22,6%-ке жоғары екен. Өткен жылы екі ел арасындағы тауар айналымы 15,5 млрд болларды құраған.

Бұл орайда ҚХР-ның жалпы тауар айналымындағы үлесі 21%-ды құрап отыр. Қазақстаннан Қытайға баратын экспорт 2023 жылғы қаңтар-тамызда 2,1%-ға...

АҚШ Израильді қолдайды «бүгін, ертең және әрқашан»,-деді президент Джо Байден Израильдің Премьер-министр Беньямин Нетаньяхумен кездесуден кейін. Бұл туралы РИА Новости хабарлады.

«АҚШ бостандықты қорғау, әділеттілікке қол жеткізу және бейбітшілікті қолдау мәселесінде Израильді қолдауға уәде береміз», – деді Америка президенті.

Ол Вашингтон Израильмен және аймақтағы серіктестермен «жазықсыз, бейбіт адамдар үшін қайғылы жағдайдың алдын алу үшін» жұмысын жалғастыратынын айтты.

Байден елге ХАМАС тобы иен Израиль қақтығысының өршуі аясында келді. Байденнің Нетаньяхумен кездесуі бір сағаттан астам уақытқа созылды, деп хабарлайды Times of Israel.

Израиль премьер-министрі Газа секторындағы «заңды террористік нысандарға» соққылардан бейбіт тұрғындар зардап шегетінін мойындады. Ол...

Израиль СІМ ХАМАС шабуылына байланысты бір қаза тапқан және хабар-ошарсыз кеткен екі қазақстандық туралы хабарлады. ҚР Сыртқы Істер министрлігі бұл ақпаратты жоққа шығарды.

Израиль СІМ-нің Facebook-тегі орыс тіліндегі парақшасында ХАМАС шабуылынан қайтыс болған және хабар-ошарсыз кеткен басқа елдердің азаматтары туралы хабарлама пайда болды. Онда қазақстандықтар туралы айтылды. СІМ мәліметтері бойынша, бір қазақстандық қаза тауып, тағы екеуі хабар-ошарсыз кетті. Деректер 18 қазанда сағат 8:00-де өзекті.

«Израильде қазақстандықтардың қаза болғаны туралы ақпарат шындыққа жанаспайды», – деді Сыртқы істер министрлігінің ресми өкілі Айбек Смадияров.

Айта кетейік, Израиль әскерилері «Хамас» ұйымының шабуылына жауап ретінде арнайы...

Тегеран мұсылман елдерін Израильге қарсы мұнай эмбаргосы мен басқа да санкциялар енгізуге шақырды. Бұл туралы Интерфакс ру Иран СІМ-ге сілтеме жасап хабарлады..

«Сыртқы істер министрі ислам елдерінің Израильге қатысты жедел және толық эмбаргоға, соның ішінде мұнай бойынша санкция енгізуге шақырады. Бұған қосымша сионистік режиммен дипломатиялық қатынастар орнатылған жағдайларда Израиль елшілерін де елден шығару керектігін айтты», – делінген сыртқы саясат ведомствосының хабарламасында.

Қазіргі уақытта Сауд Арабиясының Джидда қаласында Газа секторындағы аурухананың соққысына байланысты Израиль мен ХАМАС арасындағы қақтығысты талқылау үшін Ислам Ынтымақтастығы Ұйымының шұғыл отырысы өтіп жатыр.

Иран СІМ басшысы Хосейн Амир Абдоллахиян Израильдің Газа...

Ұлттық экономика министрі Әлібек Қуантыров Қазақстанда салықтар мен төлемдердің санын 20%-ға қысқарту көзделіп отырғанын мәлімдеді.

«Біздің алдымызда салықтар мен төлемдерді 20%-ға азайту міндеті тұр. Төлемдер бұл бір нәрсе үшін, мысалы сотқа талап-арыз бергені үшін алынатын мемлекеттік комиссия. Экологиялық төлем дегенде бар», деді Ә. Қуантыров журналистермен жүздескенде

Үкімет мүшесі салықтың қанша түрі қысқартылуы мүмкін екеніне де тоқталды.

«Бізде салықтың 11 түрі бар, оның 20%-ы, шамамен екі-үшеуі. Бірақ салықтың санына қатысты мәселе бар. Жаңа салық кодексі аясында кейбір төлемдерді біріктіріп жатырмыз және есеп беру көлемін 30%-ға қысқарту мақсаты тұр. Қазір осы бағытта жұмыс істеп жатырмыз. Бұл өте маңызды...

Фото: ашық дереккөзден

Алматыға күн сайын бүкіл Латвияның көлігі «келеді». Полиция департаментінің мәліметінше, облыстардан 700 мыңнан астам көлік иесі күн сайын мегаполиске ат басын бұрады. Қаланың өзінде 617 мыңға жуын көлік тіркелгенін ескерсек, Алматы көшелерінде күніне 1,1 млн астам көлік жүйткиді.

Полиция департаменті дерегіне сүйенсек, 10 негізгі магистраль бойынша Алматы аумағына жұмыс күндері орта есеппен 400 мыңнан астам автомобиль кіреді екен. Облыстан қалаға кіретін қосымша 17 жолмен 300 мыңнан астам көлік келеді.

«Осылайша, Алматыға 700 мыңнан астам машина кіреді, бұл шамамен қала халқының үштен бірі – 2,147 млн адам. Бұл 2023 жылғы...