Жаңалықтар

Биылғы ІІ тоқсанда «Баку-Тбилиси-Джейхан» мұнай құбыры арқылы Қазақстаннан тасымалданатын мұнай көлемі күрт ұлғайды. Бұл туралы «ҚТО» баспасөз қызметінен хабарлады.

«2023 жылдың II тоқсанында «ҚазТрансОйл» АҚ Ақтау портында  Теңіз кен орнынан «Баку-Тбилиси-Джейхан» мұнай құбыры бағыты бойынша экспортқа 347,1 мың тонна мұнай жөнелтті», делінген компания хабарламасында.

Ал, бірінші тоқсанда осы бағыттағы қазақстандық мұнай экспорты 19,2 мың тоннаны құраған.

«ҚазМұнайГаз» ҰК АҚ мен Әзірбайжан Республикасының SOCAR мемлекеттік мұнай компаниясы Теңіз кенішінен Баку-Тбилиси-Джейхан мұнайы бағыты бойынша жылына 1,5 миллион тонна мұнай тасымалдауды көздейтін келісімге қол қойған болатын.

Сонымен қатар, биыл...

Фото: Ақорда

Ширек ғасырда бас қаланың аумағы 3 есе ұлғайып, халқының саны 4 есе өскен. Бұл жайлы Астананың 25 жылдық мерейтойына арналған бауырлас қалалар форумында Президент Қасым-Жомарт Тоқаев айтты.

Мемлекет басшысы форумдағы сөзін Астананың экономикалық мүмкіндіктерінен бастады.

«Астана – болашағы зор қала. Осы орайда, біз «жасыл қала» идеясын жүзеге асыруға айрықша мән береміз. Елордамыз, ең алдымен, тұрғындарға ыңғайлы қала болуы керек. Астана – аймақтағы ірі қаржы орталығы. Әлемнің 75 елінің 2 мыңнан аса компаниясы бизнес жүргізу үшін Астана халықаралық қаржы орталығын таңдады. Бүгінде Қаржы орталығы елімізге 8 миллиард доллар инвестиция тартты. Бұл...

Фото: kursiv.media

Ұлттық банк базалық мөлшерлемені 16,75% деңгейінде сақтап қалды. Бұл жайлы банктің баспасөз қызметі хабарлады.

«Қазақстан Республикасы Ұлттық Банкінің Ақша-кредит саясаты комитеті базалық мөлшерлемені +/– 1п.т. дәлізімен жылдық 16,75% деңгейінде сақтау туралы шешім қабылдады«, делінген баспасөз хабарламасында.

Банктің базалық мөлшерлемені сақтауына әлемдік нарықта болып жатқан жағдайлар себеп болған. Жаһандық инфляциялық қысым бәсеңдегенімен, бірқатар елде инфляция әлі де орнықты күйінде қалған. Осыған байланысты дамыған елдердің орталық банктері монетарлық саясатты қатаңдатқан. сол себепті базалық мөлшерлемені сол күйінде қалдырған.

«Тәуекелдердің жиынтық балансы, негізінен, сыртқы сектор жағынан қысымның әлсіреуінен дезинфляциялық факторларға...

«Ашық бюджеттер» порталында Қазақстанның Тұңғыш Президенті – Елбасы кітапханасының қызметін қамтамасыз ету жөніндегі көрсетілетін қызметтер жобасы талқыланған.

Бұл жобаға жыл сайын республикалық бюджеттен айтарлықтай көлемде қаражат бөлінеді. Бюджеттік бағдарлама жобасын талқылау 19 маусымда басталып, 3 шілдеде аяқталған. Бюджеттік бағдарламаларың жетекшісі А.М.Молдагаринов Қазақстан Республикасының Тұңғыш Президенті –Елбасының Кеңсесі Басшысы орынбасары.

Бағдарламаның мақсаты – Қазақстан Республикасы Тұңғыш Президентінің жеке кітапханасының, мұрағаты мен мұражайыныңғ яғни канцеляриясының жұмысын ұйымдастыру, Қазақстан Республикасы Тұңғыш Президентінің Қазақстан Республикасының қалыптасуы мен даму тарихындағы рөлі, сондай-ақ шығармашылық идеялар мен бастамаларын ақпараттық-имидждік насихаттау.

Міне осы мақсаттарға кітапхана 3 жылға қарыландырылуы тиіс. Құжатта көрсетілген мәліметтерге сенсек, жоба...

Сыбайлас жемқорлыққа қарсы іс-қимыл агенттігі Оператор РОП ісі бойынша іздеуде жүрген жанның Біріккен Араб Әмірлігінде ұсталды.

30 маусым күні агенттік аса ірі мөлшерде қаражат жымқырды деген күдікпен «Оператор РОП» ЖШС-нің бұрынғы құрылтайшысы Муктарова Шнар Уралгазыновнаға халықаралық іздестіру жарияланғанын хабарлаған болатын.

«Ол Дубай қаласында ұсталып, Интерполдың көмегімен Біріккен Араб Әмірліктерінің уәкілетті органдары қамауға алды. Қазіргі уақытта Қазақстан Республикасының Бас прокуратурасы оны экстрадициялау рәсімін жүзеге асыруда», делінген хабарламада.

Бұдан бұрын хабарланғанындай «Оператор РОП» ісі бойынша аса ірі мөлшерде ақша қаражатын жымқыру белгілері бойынша сотқа дейінгі тергеп-тексеру жалғасуда.

«Қылмыстық іс аясында...

«Ашық НҚА» порталында Қазақстан Республикасы Ақпарат және қоғамдық даму министрінің кейбір бұйрықтарына өзгерістер мен толықтырулар енгізу туралы бұйрығы талқыланып жатыр.

«Қазақстан Республикасы Ақпарат және қоғамдық даму министрлігінің Ақпарат комитеті» республикалық мемлекеттік мекемесінің ережесін бекіту туралы» Қазақстан Республикасы Ақпарат және қоғамдық даму министрінің 2019 жылғы 28 наурыздағы № 32 бұйрығына өзгеріс пен толықтырулар енгізіледі.

Бұйрыққа сәйкес, Интернет кеңістікте және әлеуметтік желілерде ақпараттық жұмыс жөніндегі басқарманың құзыретіне жаңа функциялар беріледі. Атап айтқанда интернет-ресурсқа қол жеткізуді қайта бастау қағидалары әзірленеді және шетелдік онлайн-платформалардың және лездік хабар алмасу сервистерінің бұқаралық ақпарат құралдары саласындағы уәкілетті органмен өзара іс-қимылды жүзеге асыратын заңды өкілдерін...

Қазақстан Ұлттық Банкі инфляцияның ортамерзімді мақсаты нақтыланғанын хабарлайды. Осыған байланысты 2030 жылға дейінгі ақша-кредит саясаты стратегиясына тиісті өзгерістер енгізіледі. Бұл туралы қаржы реттеушісінің баспасөз қызметі хабарлады.

«Инфляция мақсатының форматы интервалдық мәннен – нүктелік (нақты) мәнге өзгерді. Бұған дейінгі аралық мәндер 2023-2024 жылдарға 4-5%, 2025 жылдан бастап 3-4% аралығында болған еді. Ортамерзімді перспективаға арналған инфляция бойынша нысаналы бағдар жылдық инфляцияны 5%-ға жуық көрсеткішінде ұстауға қолдау көрсетеді» ,делінген хабарламада.

Инфляция мен күтулерді 5%-ға жақындатуға мақсатты тұжырымдаудағы дәйектілік пен бірмәнділік ықпал етеді делінген ақпаратта.

ҰБ хабарламасында айтылғандай, инфляцияның мақсатын нақтылаудың орындылығы халықаралық тәжірибемен және халықаралық сарапшылармен қоса...

Нормативтік құқықтық актілердің ақпараттық-құқықтық жүйесінде Үкімет басшысының «Запастағы офицерлерді әскери қызметке шақыру туралы» 2023 жылғы 26 қаңтардағы №49 қаулысына өзгеріс енгізу туралы 29 маусымдағы №512 қаулысы жарияланды.

«Запастағы офицерлерді әскери қызметке шақыру туралы» Қазақстан Республикасы Үкіметінің 2023 жылғы 26 қаңтардағы № 49 қаулысына мынадай өзгерістер енгізілсін: көрсетілген қаулыға қосымшада: реттік нөмірі 1-жол мынадай редакцияда жазылсын: «Қазақстан Республикасының Қарулы Күштері 550″, БАРЛЫҒЫ 354 деген жол мынадай редакцияда жазылсын: БАРЛЫҒЫ 635», делінген қаулыда.

Қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Білім беру саласын цифрландыру аясында осы жылдан бастап техникалық және кәсіптік, сондай-ақ орта білімнен кейінгі білім туралы диплом бланкісі QR-кодпен беріле бастады.

Бұл тәсіл жалған диплом алу жолын кесуде тиімді болмақ. Оқу-ағарту вице-министрі Айбат Ілиясов QR-код технологиясын қолдану жалған диплом жасаудан қорғауға және жұмыс берушілердің диплом түпнұсқалығын бірден тексеріп алуына мүмкіндік беретін жаңашылдық екенін айтады.

«QR-код дипломның түпнұсқалығын тексеруге мүмкіндік береді. Ол құжаттың иесі жайлы деректер, оқу орны туралы ақпарат пен Ұлттық білім беру деректер қорынан алынған құжат деректемелері көрсетілетін мемлекеттік интернет-ресурсқа сілтеме береді. QR-кодта түлекті сәйкестендіруге мүмкіндік беретін мәліметтер: түлектің аты-жөні, ұйымның атауы, түскен/бітірген...

Фото: kursiv.media

Үкімет Қаулысымен ҚР-ның нашақорлыққа және есірткі бизнесіне қарсы күрестің 2023-2025 жылдарға арналған кешенді жоспары бекітілді. Бұл шараға бюджет есебінен 53,1 млрд теңге бөлінеді.

Мемлекет басшысы Қ.Тоқаевтың «Әділетті мемлекет. Біртұтас ел. Берекелі қоғам» жолдауы аясында әзірленген құжатқа сәйкес 2025 жылға қарай есірткі тұтынушыларының санын азайту жоспарланған.

Үкіметтің баспасөз қызметі таратқан ақпаратқа сәйкес, қазіргі таңда синтетикалық есірткі ең үлкен қауіптің бірі. Мұндай есірткіні жасырын өндіру жағдайлары жиі анықталады.

«Апиын Ауғанстаннан «Солтүстік бағыт» деп аталатын транзит арқылы тасымалданады. Сонымен бірге каннабис тобының есірткі заттарының айналымы мен «дәріхана» нашақорлығы өзекті проблемалар болып отыр», делінген хабарламада.

Фото: kursiv.media

«ҚазМұнайГаз» ҰК АҚ Басқарма Төрағасы Мағзұм Мырзағалиев Шымкент мұнай өңдеу зауытына келіп, жанар-жағармай материалдарын өндіру және жөнелту жұмыстарының барысымен танысты, деп хабарлайды «ҚазМұнайГаз» баспасөз қызметі.

Зауытта тәулігіне 3500-5000 тонна автобензин, 2 500 тонна дизель отынын, 1 000 тонна авиаотын, 600 тоннаға дейін сұйытылған газ жөнелтіліп жатыр. Мұнайды бастапқы өңдеу қондырғысы мен мұнайды терең өңдеу кешені тәулігіне 10 500 тонна жүктемесімен жұмыс істеп тұр.

Баспасөз қызметінің мәліметінше, бүгінгі таңда зауытта 22 000 тонна бензин, 30 800 тонна дизель отыны, 5 800 тонна авиакеросин, 11 600 тонна мазут бар.

«ПҚОП» ЖШС президенті Ерболат Қожабаев 22 000 тонна автобензин қорымен қоса...

Фото: Үкімет

ҚР Премьер-Министрі Әлихан Смайылов Маңғыстау атом энергетикалық комбинаты мен Атырау мұнай өңдеу зауытында болған апаттардың себептерін егжей-тегжейлі зерттеп, кінәлілерді анықтау үшін Энергетика министріне сарапшылардан тұратын жұмыс тобын құруды тапсырды.

«Ең бастысы орын алған апаттардың себептерін анықтау керек. Адами фактор болды ма? Бұл ретте тек кешегі оқиғаға байланып қалудың қажеті жоқ. Уақтылы шешім қабылдамау, кейінге ысыру және мәселелерді дер кезінде елемеу осыған жеткізіп отыр. Мұның барлығын объективті түрде анықтау керек», деді Премьер-министр. 

Сонымен бірге үкімет басшысы қатысқан арнайы комиссияның отырысында энергетика министрі Алмасадам Сәтқалиев, Маңғыстау облысының әкімі Нұрлан Ноғаев, Атырау облысының әкімі Серік...

Президент «Қазақстан Республикасының кейбір заңнамалық актілеріне кәсіптік біліктілік, мемлекеттік наградалар, әлеуметтік қамсыздандыру және білім беру мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды, деп хабарлайды Президенттің баспасөз қызметі.

Ол заңға сәйкес, экс-президент Нұрсұлтан Назарбаев «Назарбаев зияткерлік мектептері», «Назарбаев университеті» және «Назарбаев қоры» жоғары қамқоршылық кеңесі басшысы мәртебесінен айырылады.

Айта кетейік, 2011 жылғы заң нұсқасында Қазақстанның экс-басшысы аталған ұйымдардың қамқоршылық кеңесінің басшысы ретінде көрсетілген.

Жаңа заңда «Жоғарғы қамқоршылық кеңестің төрағасы Қазақстан Республикасының Президенті немесе Президент тағайындайтын адам болады. Ал жоғарғы қамқоршылық кеңес туралы ережені жоғары қамқоршылық кеңестің төрағасы бекітеді» делінген.

Айта кету керек, бұл за...

АҚШ америкалық бұлтты сервистерді қолданатын қытайлық компанияларға шектеу қоюы ықтимал. Джо Байден әкімшілігі осындай ұсыныс әзірлеп жатыр. Бұл туралы дереккөздерге сілтеме жасап The Wall Street Journal жазды, деп хабарлайды Интерфакс.

Ақ үйдің ұсынысына сәйкес, Amazon.com Inc. және Microsoft Corp. секілді компанияларды қоса алғанда бұлтты сервистердің иелеріне қытайлық клиенттерге жасанды зерде технологиясы бар алдыңғы қатарлы чиптерді қолданумен байланысты қызмет көрсетпес бұрын үкіметтен рұқсат сұрауға тура келмек.

Ұлттық қауіпсіздік саласындағы америкалық сарапшылардың пайымынша, қытайлық IT компаниялар бұлтты сервистерді қолдану есебінен жоғары технологиялық чиптер экспортына Вашингтон енгізген шектеуді айналып өтуі мүмкін.

The Wall Street Journal дерегінше, АҚШ сауда министрлігі Қытай...

Фото: kursiv.media

Бүгін «ҚазМұнайГаз» (ҚМГ) ҰК» АҚ басқарма төрағасы Мағзұм Мирзағалиев Атырау мұнай өңдеу зауытына барып, МАЭК-тегі апат салдарынан электр қуатының өшуіне байланысты мәжбүрлі түрде өшірілгеннен қондырғылардың қайта іске қосылуы барысымен танысты.

«АМӨЗ мұнай өнімдерін қорлардан жөнелтуді жалғастыруда, ол көлем жеті күн тұрақты жөнелтуге жетеді. Мәселен, зауыт цистерналарында 26 мың тонна автобензин, 34 мың тонна дизель отыны, 1500 тонна сұйытылған мұнай газы, 6 мың тонна авиакеросин бар. Аптаның соңына дейін зауыт мұнай өнімдерін өндірудің бұрынғы көлеміне жетуді жоспарлап отыр», – деді журналистерге ҚМГ басшысы Мағзұм Мирзағалиев.

Еске сала кетсек, дүйсенбі күні Атыру мұнай...

Фото: kursiv.media

Алматы гарнизонының әскери сотында қару қолдану арқылы билікті және қызметтік өкілеттілігін асыра пайдалану бойынша (ҚК 451-бабының 2-бөлігімен 1-тармағымен) айыпталған сотталушыға қатысты қылмыстық қаралды.

Сотта анықталғандай, 2022 жылдың 6 қаңтарында сотталушы М. Алматы қаласында төтенше жағдай кезінде, қоғамдық қауіпсіздікті қамтамасыз ету үшін тартылған 18404 әскери бөлімі бөлімшесінің құрамында бола отырып, «Республика» алаңының жанында (билік өкілі бола отырып) билік өкілеттігін айқын асыра отырып, қару қолдануға негіз болмауына қарамастан бағдаршамның алдындағы қиылыста тұрған Lexus 570 көлікке автоматпен бірнеше рет оқ атып, салдарынан жүргізуші қаза тапқан.

Мемлекеттік айыптаушы сотталушыға түпкілікті 7 жыл бас бостандығынан айыруды сұрады. Сотталушы кінәсін мойындамады.

Алматы гарнизонының әскери...

Meta компаниясы Twitter-ге балама Threads микроблогтар қосымшасын іске қосады. Investing.com ақпаратына сәйкес, Threads қосымшасы App Store-да «алдын ала тапсырыс үшін» 5-шілдеден бастап болатыны айтылған.

Threads микроблогы 30 тілде ұсынылады, арасында орыс тілі де бар. Бұл қосымшада қолданушылар Instagram-дағы есептік жазбаларын және есімін пайдалана алады. Twitter-дегі секілді мұнда да мәтін хабарламасын жазып, өзгелердің жазбасына реакция білдіріп, пікір қалдырып, бөлісуге мүмкіндік бар.

Айта кету керек, Meta акциялары Nasdaq биржасында 3 шілде күнгі сауда-саттықта 0,33% арзандап, 4 шілде күнгі премаркетте тағы 0,11% құнын жоғалтты.

Осылайша, Meta иелері Twitter-дің иесі ауысқалы туындаған проблемаларды пайдаланып, нарықта орын алуға ниетті. Еске...

Фото: kursiv.media

Еліміздің оңтүстік аймақтарында су тапшы. Соған байланысты егіндік алқаптарын азайту ұсынылған. Алайда егістік алқаптары жоспарланған мөлшерден де асып түскен. ҚР Экология және табиғи ресурстар министрлігінің Су ресурстары комитеті төрағасының орынбасары Сейілбек Нұрымбетов айтуынша бұл жағдай шілде айында шиеленіске әкелуі мүмкін.

Атап айтқанда, Жамбыл облысы бойынша бүгінгі күні мұздықтардың әлсіз еруі салдарынан Қырғызстан аумағындағы су қоймаларының аз толуына байланысты шиеліністі жағдай байқалған. 2023 жылғы вегетациялық кезеңге арналған Қырғызгидрометтің алдын ала болжамына сәйкес, Шу және Талас өзендерінің сулылығы нормадан 100-ден 120 %-ға дейін болжанған. Бірақ Киров, Ортотокой, Тасөткел су қоймаларына келіп жатқан судың толықтығына жүргізген мониторинг бұл болжамның расталмағанын көрсеткен. Ал...

Фото: kursiv.media

Теңіз және Атырау мұнай өндіру станциялары мұнайды төмендетілген мөлшермен резервтік энергия көздерін пайдалана отырып өндіріп жатыр, деп хабарлайды Интерфакс.

Маңғыстау атом электр станциясындағы апаттың салдары толық жойылған жоқ және бұл жағдай Каспий құбыр консорциумы нысандарын энергиямен жабдықтауға айтарлықтай әсерін тигізді.

КҚК мәліметінше, 3 шілдеде электр жүйесіндегі кернеу тұрақтанғаннан кейін Теңіз, Атырау, Исатай және Құрманғазы мұнай өндіру станциялары іске қосылған. Алайда, 4 шілде күні таңертең компания нысандарын энергиямен жабдықтауға шектеулер қойылған. Нәтижесінде «Теңіз» станциясы авариялық сигналдармен өшіріліп, нысан шұғыл түрде автономды қуат көзіне көшірілген. Одан кейін Атырау, Исатай, Құрманғазы станциялары да толығымен тоқтатылған.

Фото: kursiv.media

Президент Қасым-Жомарт Тоқаев 29 маусымда Қазақстан Республикасы Ұлттық қорындағы қаражаттың бір бөлігін қазақстандық балалардың есебіне төлеу жөніндегі жарлыққа қол қойды.

Қазақстан Республикасы Президентінің 2023 жылғы 29 маусымдағы «Қазақстан Республикасының 2030 жылға дейінгі мемлекеттік қаржысын басқару тұжырымдамасын бекіту туралы» жарлығында:

«Нысаналы талаптарға төлем Қазақстан Республикасының заңнамасына сәйкес нысаналы жинақтарды аударуға және төлеуге байланысты төлемдер түрінде жүзеге асырылады. Нысаналы талаптар деп Үкіметтің 18 жасқа толмаған Қазақстан Республикасының азаматтары алдындағы міндеттемелері түсініледі. Жыл сайын ҚРҰБ-ның есепті жыл алдындағы 18 жыл үшін орташаланған инвестициялық табысының 50%-ы және есепті жылдың алдындағы 18 жыл үшін орташаланған...

Шанхай ынтымақтастығы ұйымы басшыларының саммитінде Ресей Президенті Владимир Путин ұйымды аймақтағы терроризмге қарсы құрылымнан әмбебап орталыққа айнадыруды ұсынды деп хабарлайды Интерфакс.

«Терроризмге қарсылық, экстремизм мен діни радикализмге қарсы іс-қимыл, наркотрафик және өзге де контрабанданың жолын кесу, қылмыстық құрылымдармен күрес – ШЫҰ жұмысының басым бағыттары болып қала беруі тиіс», деді Путин видеоконференция тәртібінде өтіп жатқан ШЫҰ саммитінде.

Ол сонымен қатар, «ШЫҰ аймақтық антитеррорлық құрылымын қауіпсіздікке төнетін қауіп-қатердің барлық түріне қарсы тұрумен айналысатын әмбебап орталыққа айналдыру туралы Ресей тарапының ұсынысын еске салып өткім келеді», деді.

Айта кету керек, бұл жиынға Қасым-Жомарт Тоқаев та қатысып...

Батыс өңірінде электр қуатының үзілуі жиілеп кетуінен мұнай өндіретін компаниялар шығын шегіп жатыр. Бұл туралы «ҚазМұнайГаз» басқарма төрағасы Мағзұм Мырзағалиевтің ҚМГ-нің еншілес ұйымдарының басшыларымен кездесуі барысында мәлім болды, деп хабарлады компанияның баспасөз қызметі.

«Маңғыстаумұнайгаз» АҚ бас директоры Мұрат Мұстафаевтың дерегінше, компаниян биылғы жартыжылдықта электр қуатының үзілуіне байланысты 1 млрд 267 млн теңге шығын шеккен, ол өткен екі жылдағы шығын көлемінен асып жығылады.

«Өзенмұнайгаз» АҚ бас директоры Нұрдәулет Қилыбайдың дерегінше, компанияға қарасты кен орындарында соңғы 6 айда 11 рет электр қуаты ажыратылған.

«Бұл оқиғаның қоғамды дүрліктіруінің себебі – Атырау мұнай өңдеу зауыты қала шетінде...

Елімізде күріш бағасы 25,8%-ға өсті, бұдан әрі де өсуі мүмкін. Бұл туралы Үкімет отырысында Қызылорда облысының әкімі Нұрлыбек Нәлібаев мәлім етті.

Оның айтуынша, өңірдегі су тапшылығының салдарынан ауыспалы күріш алқабы, барлық алқаптың 50%-ын құрайды немесе өңір шаруалары оның көлемін 89 мың гектардан асырмауға мәжбүр болып отыр.

Сырдария бассейініндегі су тапшылығына сәйкес, өңірде суды көп қажет етпейтін мал азығы мен бақша өнімдерді өсіруге баса мән беріліп, күріш өсіру алқабы 11 мың гектарға қысқартылған. Осыған байланысты өңір халқының табысы азайып, шаруашылықтардың қарызы өсіп, тұзданған егіс алқабы ұлғайған.

«Елімізде күріштің бағасы 25,8%-ға өсті. Сарапшылар Оңтүстік-Шығыс Азия ме...

Фото: Ақорда

Қасым-Жомарт Тоқаев Алматы қаласында Орталық Азия мен Ауғанстан үшін тұрақты даму мақсаттары жөніндегі БҰҰ-ның аумақтық орталығын ашуды ұсынды. Бұл жайлы президент ШЫҰ-ға мүше мемлекеттер басшылары кеңесінің отырысында айтты.

«Шанхай ынтымақтастық ұйымының халықаралық беделі жоғары. Бүгінде табысты әрі көпжақты ұйымға айналды.Жер шары халқының шамамен жартысын қамтитын ШЫҰ – күн тәртібінде ауқымды мәселелерді қарастыратын бірегей еуразиялық ұйым. Әлемдік ЖІӨ-нің төрттен бірі, дүниежүзілік сауданың 15 пайызы біздің мемлекеттеріміздің үлесіне тиесілі», деді президент.

Мемлекет басшысы ұйымның саяси ықпалы зор, экономикалық мүмкіндігі мол және орасан зор адам ресурсына ие ШЫҰ орнықты даму мақсаттарына қол жеткізуге және...