Жаңалықтар

2024 жылдан бастап жол апаты жиі болатын өңірлерде автокөлікті міндетті сақтандыру құны қымбаттайтыны белгілі болды.

Қаржы нарығын реттеу және дамыту агенттігінің хабарлауынша, 2024 жылғы 1 қаңтардан бастап міндетті сақтандыруға қатысты автокөлікті сақтандыру бағасы әр өңірдегі жол-көлік апатының көрсеткішіне байланысты өзгереді. Осылайша, сақтандыру жарнасы кейбір өңірлерде қымбаттап, кей өңірде арзандайды. Қарағанды және Ұлытау облыстарында – сақтандыру құны өзгермейді.

Бұл енгізілген жаңа ережелерге қатысты сақтандыру компаниялары да өз пікірлерін білдірді.

«Халық» сақтандыру компаниясы

– Өзгерістер бұрын бекітілген тарифтер уақытына түзетулер енгізуге мүмкіндік береді. Жалпы алғанда, жаңа ережелер сақтанушы мен сақтандырушы арасында әділеттік орнатады. Тұжырымдама тұрғысынан алғанда дұрыс...

Астанада электр автобустарымен бір жолаушы тасымалдаудың өзіндік құны – 480 теңге. Елорда әкімдігінің хабарлауынша, бұл қазіргі 90 теңге жолақысынан 5,33 есе жоғары.

«Дизельмен жүретін автобустарда бір жолаушы тасымалдау құны 300 теңгені, электробустарда 480 теңгені құрайды», – деп хабарлайды Астана қаласы көлік және жол-көлік инфрақұрылымын дамыту басқармасы.

Қазақстанда өндірілетін бүкіл электр энергияның шамамен үштен екісі көмірден алынады. Оның еліміздегі дәлелденген қоры 200 жылға дейін жетеді. Қаңтар-қыркүйек айларында жаңартылатын энергия көздері (ЖЭК) бүкіл электр энергиясының 6%-ын ғана (5,97%) өндірді. Қазіргі жағдайда қоғамдық көлікті электр энергиясына көшіру – парник газ көліктен көшеде шықпаса да, электр станцияларынан...

Бензин мен дизель отынын экспорттауға тыйым салынды /Фото: kursiv.mediа

Қазақстаннан бензин мен дизель отынын экспорттауға тыйым салу мерзімі тағы алты айға ұзартылады. Бұл жайлы Энергетика министрлігі, Ұлттық экономика және Индустрия министрліктері бірлесіп жариялаған бұйрықта айтылған.

«Қазақстан Республикасы аумағынан мұнай өнімдерін әкетудің кейбір мәселелері туралы» бұйрыққа сәйкес, 2024 жылдың 14 ақпанынан бастап бензин, дизель отынын және мұнай өнімдерінің жекелеген түрлерін автомобиль көлік құралдарын дайындаушы зауытпен көзделген бензин бактарында әкетуге тыйым салынады.

«Бұл жобаның мақсаты – осы бұйрықтың 1-тармағында көрсетілген тауарларды автомобиль көлік құралдарын дайындаушы зауытта көзделген стандарттарға сәйкес келмейтін бензин бактарында әкету жағдайларына жол бермеу...

«Алтын Орда» базарындағы бизнес-процес цифрлық форматқа көшіріледі.
Базарда 6 шлагбаум штаттық режимде жұмыс істейді. POS-терминал орнатылады. Қолданысқа QR төлем енгізіліп, базардың сайты іске қосылады.

Бұл туралы Сауда және интеграция министрлігі Сауда комитетінің төрағасы Айдар Әбілдабековтің базар әкімшілігімен кездесуінде айтылды.

«Алтын Орда» базарының директоры, Big City Market ЖШС басқарушы компаниясының басшысы Данияр Дүзбаев аумақта 6 шлагбаум тест режимінде жұмыс істеп тұрғанын, келесі аптаның соңына дейін штаттық режимге көшетінін мәлімдеді.

Оның айтуынша, базар аумағына POS-терминал орнатылады.

«Қазір базардын сайты әзірленуде. Онда әрбір кәсіпкер сауда орындарының бар немесе жоқ екенін көре алады, сауда нүктелерін жалға алу шартын жасай...

Ұлттық қордан сатылатын валютаның азаюы теңге бағамына кері әсер етуі мүмкін. Қаржыгерлер қауымдастығының сарапшылары өткен айда теңгеге Ұлттық қордан сатылған валюта көлемі үлкен қолдау көрсеткенін айтады.

Қараша айында Ұлттық банк қордан 1,32 млрд доллар көлемінде валюта сатқаны белгілі. Бұл – КASE-дегі сауда-саттықтың үштен бір бөлігіне тең еді.

Енді желтоқсан айында Ұлттық қордан 600-700 млн доллар сату жоспарланған. Осы орайда, қаржыгерлер теңге Ұлттық қор көрсетіп отырған қолдаудан айырылатынын айтады. Қаражат айырбастау көлемінің азаюы теңгеге қосымша қысым көрсетуі ықтимал.

«Дүйсенбі күнгі сауда нәтижесінде USD/KZT жұбының орташа сараланған бағамы 1 долларға 461,38 теңгеге...

Қонаев қаласында ашылатын академиялық қалашыққа көшуге бірнеше жоғары оқу орны қызығушылық білдірген. Бұл жайлы Ғылым және жоғары білім министрі Саясат Нұрбек айтты.

«Өздеріңіз білетіндей, Қасым-ЖомартТоқаев жеке академиялық қалашық құруды тапсырды. Бүгінгі таңда ол мақсаттарға 97 гектар жер бөлінген. Бірақ біз мұнда бір нәрсені ескеруіміз керек. Бұл – ұзақмерзімді жоба. Қонаев қаласыныңбас жоспары осы жылдың 2 тамызында ғана бекітілді. Қазіргі таңда дайындық жұмыстары жүріп жатыр. Яғни инфрақұрылымы, инженерлік жолдары, насосты станциясы барлығының құрылысы жүруі керек. Бұл жұмыстарға 2-3 жыл кетеді.Сол себепті бұл жайлы айту әлі ертерек. Ол жерге көшуге бірнеше университет қызығушылық танытқан. Бірақ нақты шешім...

Қазақстандағы бақылау-өткізу пунктері цифрландырылады /kursiv.media

Сейсенбідегі Үкімет отырысында премьер-министр Әлихан Смайылов Қаржы министрлігіне Шекара қызметімен, Ауыл шаруашылығы, Көлік министрліктерімен бірлесіп, жыл соңына дейін өткізу пунктерінің өткізу қабілетін арттыру бойынша нақты шара әзірлеуді тапсырды. Ал Цифрлық даму министрлігіне осыған қатысты барлық ақпараттық жүйені біріктіру міндетін жүктеді.

«Көлік министрлігі Сауда, Қаржы, Ауыл шаруашылығы министрліктерімен және әкімдіктермен бірлесіп, көлік-логистикалық орталықтар мен кеден қоймаларын дамытудың жол картасын әзірлеуі керек», – деді премьер-министр.

Автокөлік құралдарымен жүк тасымалдауды және транзитті дамыту маңызды мәселе екеніне тоқталған Әлихан Смайылов Қазақстан аумағы арқылы жалпы ұзындығы 13 мың шақырымға жуық 8 халықаралық автожол...

Фото: kursiv.media

«Бәйтерек» Ұлттық басқарушы холдингінің басшылық құрамы өзгерді. Бұған дейін холдингтің басқарушы директоры қызметін атқарған Вячеслав Сон басқарма төрағасының орынбасары болып сайланды. Бұл туралы холдингтің қор биржасына жолдаған ақпаратында жазылған.

Қазір «Бәйтеректің» басқарма құрамы 6 адамнан тұрады. Холдинтің басқарма төрағасы – Нұрлан Байбазаров. Вячеслав Сон мырзадан бөлек, басқарма құрамында Ұлттық статистика бюросының бұрынғы басшысы Нұрболат Айдапкелов,  Qazaqstan Investment Corporation директорлар кеңесінің төрағасы Әділ Мұхамеджанов, «Қазақстандық тұрғын үй компаниясы» АҚ директорлар кеңесінің басшысы Ерсайын Хамитов және басқарма төрағасының орынбасары Үсен Ғалым бар.

Қазан айының басында Нұрлан Байбазаров қазіргі Өнеркәсіп және құрылыс министрі Қанат Шарлапаевтың орнына тағайындалған еді. Оны...

Әсем Кенжебекпен сұхбат/ alkaral_bio инстаграм парақшасындағы видеодан скриншот

Қараша айында «Фридом Финанс» АҚ KASE-де «Black Biotechnology» (BBT) ЖШС-нің үш жылдық жасыл облигацияларын орналастырды. «Black Biotechnology» (BBT) – Al Karal брендімен органикалық тыңайтқыштар және жем қоспаларын шығаратын компания. Жалпы шығарылған облигациялар көлемі 2 млрд теңге болды. ВВТ облигациялары бойынша купондық сыйақы жылына екі рет жылдық 21,5%-бен төленеді. Бұл пайыздық мөлшерлеме облигацияның 3 жылдық айналымына бекітілген. Купондық сыйақының мөлшерлемесіне «Даму» кәсіпкерлерді дамыту қоры» АҚ қаржы береді, жылдық 15,5% мөлшері «Даму» қоры арқылы ал қалған жылдық 6%-ды эмитент төлейтін болады. «Курсив» Al Karal брендінің негізін қалаушы Әсем Кенжебекпен сұхбаттасты.

–  Black Biotechnology облигацияларын орналастыру...

Жатақханалардан орын таппаған студенттер хостелдерде тұрады. Өткендегі қайғылы оқиғадан кейін ата-аналар балаларына алаңдаулы. Бірақ Ғылым және жоғары білім министрі Саясат Нұрбек бұл мәселеге қатысты алаңдамауға болатынына сендірді.

Журналистер студенттерді хостелдерге орналастыру жағдайын көтерді. Бұл тәжірибенің осы министрдің тұсында енгізілгенін алға тартқан олар министрден бұл мәселеге қатысты ойын сұрады.

«Жалпы, мұндай тәжірибе біздің министрлік құрылмай тұрып та болған. Қазіргі таңда министрлік Алматының 85 хостелімен келісімшартқа отырған. Оған сәйкес ол жерлерге бөтен адамдар орналастырылмауы керек. Яғни бұл хостелдерде тек келісімшартқа отырған студенттер тұруға құқылы. Сонымен бірге тамыз айында министрлік депутаттармен бірігіп, келісімшартқа отырған хостелдердің жағдайыман толық танысып, аралап...

Қазан айында елорданың 6 негізгі кіреберісіне жүк көліктерінің салмағын өлшейтін станция орнату ісі қолға алынды. Жалпы, болашақта әкімдіктер жергілікті жолдарға – 150, Көлік министрлігі республикалық маңызы бар жолдарға – 70-ке жуық жүк көліктерінің cалмағын өлшеу станцияларын орнатуды жоспарлап отыр. Бұл туралы Көлік вице-министрі Сәтжан Аблалиев мәлімдеді.

«Астанаға кіретін барлық жүк көлігі автоматты түрде өлшенеді», – деді сейсенбі күні өткен Үкімет отырысында Көлік вице-министрі Сәтжан Аблалиев.

Вице-министрдің мәлімдеуінше, автомобиль жолдарының сақталуын қамтамасыз етуде жүк көліктерін бақылаудың маңызы зор.

«Қазіргі уақытта 43 жылжымалы бақылау бекетінің күшімен 157 мың шақырымды құрайтын автомобиль жолы...

Фото: kursiv.media

Қазақстандағы ең бай кәсіпкерлердің қатарындағы Кеңес Рақышев иелік ететін Fincraft Group 2023 жылдың 9 айындағы таза кірісін бөлмейтін болды. Бұл шешімді компанияның жалғыз қатысушысы шығарған.

Қор биржасында жарияланған ақпаратқа сәйкес, ол Fincraft Group компаниясының шоғырландырылған аралық қаржы есебін бекітіп, 9 айдағы таза пайданы бөлмеу және дивиденд төлемеу туралы шешім қабылдаған.

Кеңес Рақышев топ құрамындағы «Fincraft Resources» АҚ арқылы BMT Holding Limited жеке компаниясы (100%), «SAT Nikel» ЖШС (100%), «Ертіс ферроникель комбинаты» ЖШС (93,4%), SAT Petrochemicals (100%), «Центрально-Азиатская инвестиционно-консалтинговая компания» ЖШС (99,9%) компанияларына иелік етеді.  Сонымен қатар қыркүйек айында Кеңес Рақышевқа тиесілі компания мұнай-газ өндіретін «ARK...

Freedom Broker «ҚазАтомӨнеркәсіп» акцияларына қатысты ұсынысын жария етті. Жақында аталған компания 2023 жылдың 3-тоқсанына қатысты қаржы есебін жариялаған болатын.

FreedomBroker сарапшыларының пікірінше, бұл құжат позитивті тұрғыдан жазылғанымен, ондағы нәтижелер ауыз толтырып айтуға келмейді. Өйткені ұлттық атом компаниясы уранның басым бөлігін тек 4-ші тоқсанда сататын болады.

«Жыл қорытындысы бойынша компанияның кірісі 40%, ал дивиденд әр акция үшін 1000 теңгеден жоғары болады деп күтеміз»,– деп жазды FreedomBroker сарапшылары.

Мұндай бағалауға уран бағасының нарықтық құнының өсуі ықпал етіп, сонымен қатар оның саудасына қатысты да оң болжам жасалып отыр.

Осылайша, сарапшылар «ҚазАтомӨнеркәсіп» акциялары KASE-дег...

Еуропа елдері арасында орналасқан өткізу пунктерінің Қазақстанға әсері /@KZgovernment

Беларусь және Еуропа елдері арасында орналасқан 13 өткізу пунктінің 8-і және Ресей мен Финляндия арасындағы барлық 8 өткізу пункті жабық тұр. Осының теріс салдары Қазақстанға тиіп жатыр.

Сейсенбі күні Үкімет отырысында Көлік вице-министрі Сәтжан Аблалиев Беларусь ақпаратына сүйеніп, еропалық пунктер жалпы қуатының 40 %-мен ғана жұмыс істеп жатқанын жариялады.

«Бұл жағдай қазақстандық автокөлік құралдарының Беларусь және Литва, Латвия шекараларында ұзақ уақыт тоқтап тұруына әкеліп соғуда.
Сондықтан жүктерді Еуропаға жеткізудің балама жолы ретінде Түркіменстан мен Иран елдерімен еркін транзитті қамтамасыз ету мақсатында келіссөз жүргіздік. Бұл бағыттағы жүк тасымалының құны...

Қазан айында KASE-де акциялармен сауда-саттық көлемі 55,4 пайызға немесе 33,9 млрд теңгеге азайып, 27,2 млрд теңгені құраған. Оған негізінен «Қазақтелеком» АҚ, «ҚазМұнайГаз» ҰК» АҚ және «Қазақстан Халық Банкі» АҚ акцияларымен сауда-саттық көлемінің төмендеуі себеп.

Жалпы қор нарығын капиталдандыру 2023 жылғы қазан айында  668,3 млрд теңгеге немесе 1,6%-ға азайған. Қараша жағдай бойынша 40,1 трлн теңгені құрады. ҚНРДА валюта нарығының жай-күйі шолуында 2023 жылдың басынан бері қор нарығы капиталы 12,5%-ға өскенін жазады.

Акциялар нарығын капиталдандыру негізінен индекс кұрамындағы компаниялар акциялары бағасының төмендеуі есебінен 2,6%-ға кеміген. Яғни бір айда  706,3 млрд теңгеге азайып,  26,3 трлн теңгені құраған. Дегенмен жыл басынан 24,1% өсім көрсеткен.

KASE индексі жыл басынан бер...

Әлеуметтік желіде сот үкімімен 6 жылға бас бостандығынан айырылған Нұрсұлтан Назарбаевтың немере інісі Қайрат Сатыбалды мерзімінен бұрын бостандыққа шығуы мүмкін екені туралы айтылып жүр. Соған байланысты kursiv.media заң талаптарына шолу жасады.

МӘСЕЛЕ ҚАЙДАН ШЫҚТЫ?

Бұған дейін журналистер Бас прокурордың орынбасары Әсет Шындалиевтен «Нұрсұлтан Назарбаевтың немере інісі – Қайрат Сатыбалдының жазасы жеңілдеуі мүмкін бе?» деп сұрады.

Бас прокуратура өкілі мәселенің заң асында шешілетінін айтты.

«Теориялық тұрғыдан заңда шартты түрде мерзімінен бұрын бостандыққа шығару, жазасын жеңілдету сияқты шараларды қолдану мүмкіндігі қарастырылған. Заңда белгілі бір талаптар бар. Ол үшін жазаның қандай да бір мерзімі өтелуі қажет немесе жасалған әрекеттен...

«ҚазМұнайГаз» Ақтөбе облысы Мұғалжар ауданында орналасқан Шығыс Өріктау кен орнын өнеркәсіптік пайдалануға берді. Бұл жайлы компанияның баспасөз қызметі хабарлады.

Шығыс Өріктау кен орны 2015 жылы ашылған. Өндірілетін мұнай қоры – 4,7 млн тонна, мұнайда еріген газ қоры — 2,5 млрд текше метрді құрайды.

Кен орнында күкіртсутек мөлшері 3,5% және одан да көп. Сол себепті де бұл күрделі жоба саналады. Сондай-ақ қолданыстағы мұнай-газ кен орындары қорларының сарқылуы аясында елдің энергетикалық қауіпсіздігін қамтамасыз етудегі маңызы зор. Ішкі нарықтағы газ тапшылығына байланысты Өріктау жобасының іске асырылуы стратегиялық тұрғыдан алғанда аса маңызды. Кен орнын іске қосу Ақтөбе өңірі үшін тауар және сұйытылған...

Алматыда «Жұмыс істейтін жастарға сатып алу құқығынсыз жалға берілетін тұрғын үй» бағдарламасы аясында өтініш қабылдау басталады.

Өтініш қабылдау 2023 жылдың 11-ші желтоқсанда басталып, 15 желтоқсанға дейін жүргізіледі. Бұл аралықта Алматы қаласының коммуналдық инфрақұрылымды дамыту басқармасы «Жұмыс істейтін жастар үшін сатып алу құқығынсыз жалға берілетін тұрғын үй» бағдарламасы аясында Алматы қаласының жұмыс істейтін, 35 жасқа дейінгі жастарынан өтініштер мен құжаттарды қабылдайды. Өтініш пен құжаттар www.kezekte.kz сайты арқылы онлайн қабылданады.

Сатып алу құқығынсыз жалға берілетін тұрғын үйлер 3 жыл мерзімге беріледі. Осы мақсатта Наурызбай ауданынан 2 100 пәтер жалға берілмек.

«Бұл пәтерлер 35 жасқа толмаған...

Владимир Путин мен Қасым-Жомарт Тоқаев желтоқсан айының соңында Санкт-Петербургте өтетін ЕАЭО және ТМД саммитінде жолығады. Бұл жайлы Ресей президенті хабарлады.

«Біздің Астанаға сапарымыз екіжақты қарым-қатынастардың барлық саласы бойынша дамуына маңызды серпін берді. Президент Қасым-Жомарт Кемелұлы Тоқаевты айдың соңында Санкт-Петербургте ЕурАзЭҚ және ТМД елдері басшыларының дәстүрлі кездесуінде тағы көремін», – деді Ресей басшысы Кремльде өткен жиында.

Путин екі елдің өзара іс-қимылы ЕАЭО, ТМД және басқа да халықаралық платформалар аясында дамитынын атап өтті. Сонымен бірге Ресейдің Қазақстанның келесі жылы ШЫҰ-ға төрағалық етуі кезінде кепілдік берілген қауіпсіздік туралы шартты ұйымдастыруына қатысты міндеттемелерді орындауға тырысатынын жеткізген.

Астанада ауа райы нашарлап, салдарынан қала маңына қатынайтын бірнеше бағдар бойынша көлік қозғалысына шектеулер қойылды.

«Ауа райының нашарлауына (жауын, көктайғақ, қатты жел) және жолдардың жабылуына байланысты қала маңына қатынайтын барлық бағдардың қозғалысы уақытша тоқтатылды», – делінген баспасөз хабарламасында.

Атап айтқанда, республикалық маңызы бар Астана-Петропавл автожолы, «Астана – Щучинск» учаскесі бойынша жол жабылған. Сонымен бірге Астана-Ерейментау-Шидерты автожолы, «Астана – Павлодар облысы шекарасы» учаскесі мен республикалық маңызы бар Астана-Қорғалжын трассасының бір бөлігі барлық автокөлік түріне жабық.

Қала әкімдігі Астанада ауа райы нашарлауына байланысты көлік ағындары мен қоғамдық көліктің қозғалыс жылдамдығы төмендеп, автобус бағдарларының кешігетінін, қала...

Ресейлік «Росатом» мемлекеттік корпорациясы Қазақстанда жалпы қуаты 2400 МВт дейінгі 3+ буынды ядролық реакторлары бар екі атом электр станциясын салуды ұсынды, деп хабарлайды ТАСС.

Астанада «Атом энергетикасы – энергетикалық тәуелсіздік пен технологиялық дамудың негізі» атты дөңгелек үстел барысында «Росатом» еншілес кәсіпорны «Росатом Орталық Азия» ЖШС бас директоры Сергей Громов Қазақстанда әлемдегі «ең қауіпсіз» деп саналатын екі атом электр станциясын салу туралы ұсынысын айтқан.

Үшінші буынға (3+) жататын ұсынылған блоктардың жалпы қуаты 2400 МВт құрайды.

Президент Қасым-Жомарт Тоқаев Қорғаныс министрлігінің басшысы Руслан Жақсылықовқа қазақстандық бітімгерлердің БҰҰ миссияларына қатысу әлеуетін арттыруды тапсырды. Бұл туралы Ақорданың баспасөз қызметі хабарлады.

Қазақстан Қарулы Күштерінің Жоғарғы Бас қолбасшысы Қасым-Жомарт Тоқаевқа қорғаныс ведомствосының биылғы атқарған жұмыстарының қорытындысы және әскердің жауынгерлік дайындығына қатысты жаңа тәсілдер, оқу базасы мен полигондардың жай-күйі туралы баяндалды.

Президент қандай тапсырма берді. Президент БҰҰ миссияларына қатысу үшін қазақстандық бітімгерлердің әлеуетін арттыру қажет екенін атап өтті. Сонымен қатар, отандық қорғаныс кәсіпорындарымен өзара іс-қимыл жасауды, аумақтық қорғанысты дамытуды және әскери-патриоттық жұмысты күшейтуді тапсырды.

БҰҰ басшылығына сәйкес жіберілетін әскери персоналға қойылатын талаптар:

    1. Ұлттық контингент үшін (әскери персонал):

Республиканың өңірлерінде, атап айтқанда Қостанай облысында ақбөкендер санын реттеу 10 желтоқсанға дейін жалғасады, деп хабарлайды kazinform агенттігі.

Ақпаратты орман шаруашылығы және жануарлар дүниесі комитеті растады.

«Ақбөкендердің санын реттеу жөніндегі биологиялық негіздемеге сәйкес олардың санын 20 желтоқсанға дейін реттеу ұсынылды. Алайда мерзімді 10 желтоқсанға дейін қысқарту туралы шешім қабылданды»,-деді баспасөз қызметі.

Сондай-ақ, комитет 2023 жылдың 1 желтоқсанындағы жағдай бойынша 23 922 ақбөкен ұсталғанын айтты.

Айта кетейік, ақбөкен санын реттеуге рұқсат берілген 1,5 ай ішінде 22 мыңдай киік мүйізі тіркеліп, 900-ге жуығы тәркіленді.

Экология министрлігі «ауру қаупін төндіріп» отырған ақбөкендердің санын екі есеге қысқартуды жоспарлап отыр.

Саны 2 млн-ға...

Алматыда бопсалау фактісі бойынша сотталған 2 журналист 7 және 8 жылға бас бостандығынан айырылды. Бұл туралы Алматы қаласының қылмыстық істер жөніндегі мамандандырылған ауданаралық сотының баспасөз қызметі хабарлады.

Наргиз Севернаяның жазасы кәмелетке толмаған баласының болуына байланысты 5 жылға шегерілді.

Белгілі болғандай, сотталғандардың бірі Владимир Северный бопсалау мақсатында «Берекет Ф» ЖШС басшысы Фаталиевті қаралайтын мақалалар сериясын жариялаған. Сәуір айында Алматыдағы мейрамханалардың бірінде Владимир мен Наргиз Северный Фаталиевтен «Берекет Ф» ЖШС-ға қатысты жағымсыз материалдарды жариялауды тоқтату үшін 15 млн теңге талап еткен. Олар Фаталиевтен 5 млн теңге бопсалап тұрған сәтте ұсталған.

2019 жылғы маусымда Наргиз Северная әлеуметтік желіге Алматыдағы кофеханалардың бірі туралы жағымсыз...