Жаңалықтар

фото: kursiv.media

АҚШ. Бейсенбіде Dow Jones индексі 1,08%, S&P 500 1,64% және Nasdaq Composite 1,82%-ға төмендеді. Бұл ретте S&P-дің барлық 11 секторы сауда-саттықты төмен көрсеткішпен аяқтады, тұтыну тауарлары мен жылжымайтын мүлік секторлары «іліп аларлық» нәтижеге де қол жеткізе алмады. Бұл туралы Қазақстан қор биржасының шолуында айтылған.

Ақпаратқа сәйкес, 10 жылдық қазынашылық облигациялардың кірістілігі 16 жылдық деңгейге дейін өсті. Бұған ФРЖ-ның көңіл көншітпес пікірлері ықпал етті.

Google компаниясы 2027 жылы AI чиптерін жеткізуден бас тартуы мүмкін деген жаңалықтан кейін Amazon акциялары 4,4%-ға, ал Broadcom 2,7%-ға төмендеді. Компания Splunk киберқауіпсіздік бағдарламалық жасақтамасын 28 миллиард долларға сатып алатынын айтқаннан кейін...

фото: ura.news

АҚШ Қаржы министрі Джанет Йеллен Еуропалық Одақтың Ресей активтеріне қарсы саясатына қатысты пікір білдірді. Ол бөгет қойылған Ресей активтерінен түскен пайдаға салық салу жоспарын қолдап, бастаманы Украинаны қалпына келтіруді қаржыландыруға көмектесудің «ақылға қонымды» тәсілі деп атады. Бұл туралы Bloomberg хабарлады.

«Бұл ақылға қонымды ұсыныс сияқты. Бұл активтерді тәркілеумен бірдей ұстаным емес», – деді ол Bloomberg агенттігіне берген сұхбатында.

Сонымен қатар, Йеллен АҚШ-тың мұндай салық барысын Еуропалық Одақпен талқылап жатқанын айтты.

Агенттіктің хабарлауынша, АҚШ Қаржы министрлігінің бұрынғы басшысы (1999-2001) Лоуренс Саммерс ресейлік активтерді толық «қыспаққа алудың» заңды негіздемесі бар екенін айтты. Дегенмен...

Қазақстанда мұнай өндіру көлемі артып келеді. Фото: kursiv.media

Тәулік бойынша мұнай өндіру көлемі соңғы 3 айдағы ең жоғары деңгейге жетті. 21 қыркүйектегі есеп бойынша Қазақстанда 256,2 мың тонна мұнай мен газ конденсаты өндірілген. Бір апта ішінде мұнай өндірудің тәуліктік көлемі 13,2%-ға немесе 30 мың тоннаға артып отыр. Айта кету керек, аталмыш деңгей – 3 айдан астам уақыт ішіндегі ең жоғарғы көрсеткіш. 9 маусымнан бастап бүгінгі күнге дейінгі аралықта мұнай өндіру межесінің мұншалықты артқанын ҚР ОЭК Ситуациялық-талдау орталығы дәйектеп отыр.

Қазақстанда қара алтын өндіру ісі қайта жандана бастады. Естеріңізде болса, 11 қыркүйекте 213,8 мың тонна мұнай мен газ конденсаты өндірілген...

Алматы қаласының әкімдігі қалада жұма және сенбі күндері толассыз жаңбыр жауып, жел тұратындықтан қала тұрғындарына сақтық шараларын ұстануды ескертті.

«Қолайсыз болжамды ескере отырып, біз жүргізушілерді жылдамдықты төмендетуге, автомобильдер арасындағы қашықтықты арттыруға және апаттар қаупінің жоғарылауына байланысты кенеттен маневрлерден аулақ болуға шақырамыз. Желдің күтілетін күшеюіне және арық өткелдерін бітеп тастайтын бұтақтар мен кездейсоқ қоқыстардың құлауына және жекелеген учаскелерде ықтимал сутасқынына байланысты жаяу жүргіншілердің сақ болуды сұраймыз», делінген хабарламада.

«Қазгидромет» РМК болжамынша, Алматыда жұма күні орташа жаңбыр жауады, таңертеңнен 14:00 – ге дейін-қарқынды, желдің екпіні 13 м/с дейін, жауын-шашын 23 қыркүйекке қараған түнге дейін үзіліспен болжанады.

Бұған дейін, Алматы қаласы...

«Қазгидромет» Яндекс ауа райы сервисімен ынтымақтастық жөнінде келісті, деп хабарлайды «Казгидромет» баспасөз қызметі.

«2023 жылғы 20 қыркүйекте «Қазгидромет» РМК-де Яндекс халықаралық ақпараттық технологиялық (АТ)компаниясының өкілдерімен жұмыс кездесуі өтті. «Қазгидромет» РМК бас директоры Данара Әлімбаева Қазақстандық ауа райы қызметінің АТ компаниясымен ынтымақтасуға, жер үсті бақылау желісінің деректерін Яндекс қосымшасына біріктіруге дайын екендігін білдірді», делінген хабарламада.

Сондай-ақ Қазгидромет басшылығы өзінің болжамдық өнімдерінің халыққа қолжетімді болатынын айтқан. Кездесу барысында ауаның ластануы туралы ақпаратқа және деректердің халыққа қолжетімділігі мәселемі де талқыланған. Кездесудің қорытындысы бойынша тараптар халыққа ақпарат беру үшін өнімдерді бірлесіп әзірлеу туралы келісімге келген.

Jusan Bank директорлар кеңесінің төрағасы Ғалымжан Есенов First Heartland Securities акционерлеріне жай дауыс беретін акцияларын кері сатып алуды ұсынды. Бұл жайлы Kase хабарлады. Есенов бір акция үшін ұсынған баға 51 498 теңге.

«First Heartland Securities» АҚ акционері компанияның басқа акционерлеріне өздерінің жай акцияларын сату туралы ұсынысын жариялады. Акциялары Қазақстан қор биржасының (KASE) ресми тізімінде тұрған «First Heartland Securities» АҚ KASE-ге 8 262 711 жай акцияға иелік ететін акционер Ғ.Ш.Есеновтың компания акционерлеріне олардың жай акцияларын бір акцияға 51 498,00 теңге бағамен сатып алу туралы ұсыныс жасағаны туралы хабарлады», делінген хабарламада.

«Курсив» Назарбаев қорымен байланыстырылып...

Мысыр Қазақстаннан бидай сатып алу үшін ұаражат сұрап, Абу-Дабидегі банкпен несие желісі туралы келіссөздер жүргізіп жатыр, деп хабарлайды Reuters агенттігі.

Агенттікке Мысырдың бұл жоспары жайлы үш трейдер айтқан.

Бұл орайда Қазақстан бидайы Ресей бидайына балама бола алады. Бұған дейін бұл ел Ресейдің арзан бидайымен қоймаларын толтырып жүрген. Алайда жақында Ресей бидайды бейресми ең төменгі бағадан да төмен сатып алу туралы келісімге тосқауыл қойып тастады. Содан кейін Мысыр нарықтың басқа арналарын іздестіре бастаған.

Мысыр әлемдегі ең ірі бидай сатып алушы ел саналады. Алайда елде шетел валютасының тапшылығына байқалуда. Сол себепті мемлекет импорттық шығындарды азайтуға мәжбүр, Бұл өз кезегінде...

Кәсіпкерлікпен айналысқан Ақтау қаласы әкімінің орынбасарына 483 мың теңге айыппұл салынған. Бұл жайлы Маңғыстау облысы бойынша Сыбайлас жемқорлыққа қарсы қызмет департаменті басшысы Шамурайт  Шаменов айтты.

Ақтау қаласы әкімінің орынбасары ҚР Әкімшілік құқық бұзушылық туралы кодексінің 154-бабына сәйкес, ҚР заңнамасында көрсетілген кәсiпкерлiк қызметтi жүзеге асыруға тыйым салынғанын біле тұра, кәсiпкерлiк қызметтi жүзеге асырған. Әкім орынбасары кәсіпкерлікпен айналысқаны үшін 483 мың теңге көлемінде айыппұл төлеген.

«Есептік кезеңде Департаментпен 30 әкімшілік хаттама толтырылып, бюджетке 10 млн теңге көлемінде әкімшілік айыппұл төленді», деді Департамент басшысы

Әкімшілік құқық бұзушылық туралы кодексіне сәйкес, Қазақстан Республикасының заңнамасында кәсiпкерлiк қызметтi жүзеге...

ОПЕК+ кіретін елдерден тасымалданатын мұнай көлемінің қысқаруына байланысты, мұнай бағасы барреліне 120 долларға дейін көтерілуі мүмкін. Бұл жайлы JPMorgan сарапшылары айтты.

Сарапшылар мұнай бағасы соңғы айда 27 пайызға өсіп, барреліне 95 доллардан асып кеткенін атап өтті. Оған ОПЕК+ елдеріндегі сұраныстың артуы да, мұнай өндірісінің айтарлықтай төмендеуі де себеп болған.

JPMorgan болжамынша, ОПЕК+ көшбасшылары мұнай жеткізуді одан әрі қысқарта түседі. Бұл 2023 жылдың екінші жартысында бағаның 120 долларға дейін көтерілуіне әкелуі мүмкін. Бағаның бұлайша секіруі алдағы тоқсанда әлемдік экономикалық өсімнің толық дерлік тоқтауына әкеледі, деп ескертеді сарапшылар. Мұндай күйзеліс әдетте құлдырау алдында байқалады.

Мұның алдында Morgan Stanley де...

Қазақстанда «Эрис» және «Пирола» деп аталатын «Омикрон» штаммының Жаңа кіші түрлері анықталған жоқ, деп хабарлайды Денсаулық сақтау министрлігі.

«Қазіргі уақытта ДДҰ EG5 «Омикрон» штаммының бірнеше нұсқаларын қадағалап отыр. «Эрис» және ВА2. 86 «Пирола». «Омикронның» бұл штамдары Қазақстан Республикасында анықталған жоқ», – делінген хабарламада.

Елдегі эпидемиологиялық жағдай қандай. Жыл басынан бері коронавирустың 10 648 жағдайы және пневмонияның 564 жағдайы тіркелді. Елдегі эпидемиологиялық жағдай тұрақты. Өткен жылдың сәйкес кезеңімен салыстырғанда сырқаттанушылық 36,5 есеге төмендеді.

Соңғы аптада елде коронавирусты жұқтырудың 116 жағдайы тіркелді, алдыңғы аптамен салыстырғанда 9% – ға төмендеді (127-ден 116 жағдайға дейін). Жаңа жағдайлардың ең көп...

2023 жылы 31 қазанда атап өтілетін Хэллоуин мерекесіне американдықтардың шығындары үшінші жыл қатарынан рекордтық көрсеткішке жетуі мүмкін, деп хабарлады Ұлттық бөлшек сауда Федерациясының (NRF) жыл сайынғы сауалнамасы.

Биылғы жылы жалпы шығындар 2022 жылғы $10,6 млрд-пен салыстырғанда 12,2 млрд долларды құрайды деп күтілуде.

NRF 1-6 қыркүйек аралығында 8000-нан астам адам арасында сауалнама жүргізді.

Тұтынушылар мерекеге орташа есеппен 108,24 доллар жұмсауды жоспарлап отырғанын айтады, бұл өткен жылғы 100 доллардан жоғары.

Мерекені атап өтуді жоспарлаушылардың үлесі және бір адамға шаққандағы шығындар сомасы да бақылау тарихындағы ең жоғары көрсеткіш болып табылады.

NRF басшысы Мэттью Шэй:» американдықтар биылғы Хэллоуин мерекесіне рекордтық соманы жұмсайды»,-деп атап...

2023 жылдың тамыз айында екінші деңгейлі банктер мен банктік емес жекелеген айырбастау пунктерінде жалпы салмағы 137,2 келі 3 072 алтын құйма сатылды. Бұл туралы Ұлттық Банк баспасөз қызметі хабарлады.

Халыққа тазартылған алтын құймаларды сату және сатып алу бағдарламасын (бұдан әрі – Бағдарлама) Ұлттық Банк 2017 жылы іске қосқан болатын. Бағдарлама іске қосылғалы жалпы салмағы 4,8 тонна 138 255 алтын құйма сатылды.

Алтын құймалар бес түрлі салмақта ұсынылады: 5, 10, 20, 50 және 100 г. Сатып алушылар арасында ең көп сұранысқа ие түрі – 10 грамдық алтын құйма. Жалпы сатылған құймалар арасында оның үлесі – 35 842 дана (26%). Одан кейін...

Қасым-Жомарт Тоқаев Қазақстан Республикасы Президентінің кеңесшісі – Президенттің халықаралық экологиялық ынтымақтастық жөніндегі арнаулы өкілі Зүлфия Сүлейменованы қабылдады. Бұл туралы Ақорда баспасөз қызметі хабарлады.

Кездесу барысында Мемлекет басшысы Арнаулы өкілге алдағы шараларға, атап айтқанда биыл қараша айына жоспарланған Климаттың өзгеруi жөнiндегi БҰҰ негiзгi Конвенциясына қатысушы тараптардың 28-конференциясына және 2026 жылы БҰҰ аясында өтетін Аймақтық климаттық саммитке дайындық жөнінде бірқатар нақты міндет жүктеді.

Сондай-ақ Президент шетелдік серіктестермен арадағы ықпалдастықты, соның ішінде экономиканы декарбонизациялау және ауаға таралатын метан мөлшерін азайту бағыттары бойынша ынтымақтастықты нығайту маңызды екенін атап өтті.

Айта кетейік, бүгін бұрынғы Экология министрі Зүлфия Сүлейменова Президенттің кеңесшісі болып тағайындалды.

Қазақстанда және Ресейде алтын мен күмісті өндірумен айналысатын Polymetal International Plc компаниясы алдағы екі жылда халықаралық қаржы орталығының (АХҚО, AIX) биржасындағы өз акциялары бойынша өтімділік деңгейін Лондон қор биржасында болған көрсеткіштерге дейін арттыруға ниетті, деп хабарлады Polymetal басшысы Виталий Несис.

«Қағаздағы өтімділік жақсарып келе жатқанына қарамастан, ол Лондон қор биржасында делистингке дейінгі жағдайдан айтарлықтай төмен. Сондықтан біздің ұзақ мерзімді жоспарымыз өтімділікті қалпына келтіру, егер бірдей деңгейге дейін болмаса, онда салыстырмалы деңгейге дейін. Бұл инвесторлармен қарым-қатынас жасауға, брокерлік және инвестициялық банктердің аналитикалық қамтуын тартуға елеулі инвестицияларды қажет ететіні түсінікті. Сондықтан менің ойымша, алдағы екі жыл осы ауыр...

Фото:

Ғылым және жоғары білім министрлігі «Қазақ тілін меңгеру деңгейін бағалау (ҚАЗТЕСТ)» бойынша тестілеу өткізу жөніндегі қағидаларды бекітпек. Құжатты Тіл саясаты комитеті «Ашық НҚА» порталында жариялаған. Ашық талқылау қазан айының 10-да дейін жалғасады.

«ҚАЗТЕСТ» деп аталатын емтиханды мемлекеттік қызметкерлер, ҰҚК қызметкерлері, «Болашақ» стипендиясына үміткерлер және қарапайым қазақстандықтар тапсырады.

Ол бойынша тестілеу екі түрге бөлінеді: диагностикалық және сертификаттық. Диагностикалық және сертификаттық тестілеу қағаз немесе электронды түрде өткізіледі.

Диагностикалық тестілеу 1 сағат 40 минутқа созылып, 100 сұрақтан тұратын келесі бөліктерді қамтиды:

Бас прокуратура Астанадағы EXPO-2017 нысандарының құрылыс сапасын тексеріп жатыр. Бұл туралы Өнеркәсіп және құрылыс министрлігі Құрылыс және тұрғын үй-коммуналдық шаруашылық комитеті төрағасының орынбасары Бақытжан Жүнісбеков мәлімдеді.

«Менің білуімше, тексеруді Бас прокуратура жүргізді. Ол әлі аяқталған жоқ, сондықтан мен еш түсініктеме бере алмаймын, бірақ заң бұзушылық анықталды. Тексеру нәтижелері әлі жарияланған жоқ, сондықтан тексеру әлі жүріп жатыр деп ойлаймын», – деді ол Орталық коммуникациялар қызметінде өткен баспасөз мәслихатында мәлімдеді.

EXPO-2017 — Бұл 2017 жылдың 10 маусымы мен 10 қыркүйегі аралығында Астанада өткен мамандандырылған халықаралық көрме. Көрменің тақырыбы «Болашақ энергиясы»болды. Іс-шараға 100-ден астам ел қатысты. Қазақстан үшін...

Ел билігі банктерді бизнеске несие беруге сан мәрте шақырғанымен, корпоративтік секторға қарыз беруде жағдай күрделі болып тұр. Бизнес те, банк өкілдері мемлекеттік бағалы қағаздар мен Ұлттық банк нотасына сұраныс жоғарылап жатқан кезеңде несие беру белсенділігі төмендегенін атап өтті. Бұның бәрі – жоғары базалық мөлешерлеменің дестимуляциялық әсерінің нәтижесі.  

Бизнеске арналған арзан несие тапшылығы мәселесін Президент Қасым-Жомарт Тоқаев сан мәрте көтерген. Биылғы Жолдауында:

«Корпоративті салаға берілетін несиенің жеткіліксіздік мәселесін шешу керек. Экономикаға ақша керек», – дей келе: «банктерді корпоративті несие беру ісіне белсене қатысуға, яғни кәсіпкерлерді қолдауға ынталандыру керек. Банк қызметінің басқа түрлеріне қарағанда бизнеске несие...

Үкіметтің баспасөз қызметі 2023 жылғы 12 шілдеде қабылданған «Заңсыз иемделінген активтерді мемлекетке қайтару туралы» Қазақстан Республикасының Заңына қатысты түсіндірме жариялады.

Бұл заң Мемлекет басшысының тапсырмасымен қабылданған болатын.  

Ақпаратқа сәйкес, еліміздегі құқықтық актілер туралы заңнамасының талаптарына сәйкес Заңда қолданысқа енгізудің нақты тәртібі көзделген, оған сәйкес активтерді ерікті және мәжбүрлеп қайтару шаралары мен тәсілдерін көздейтін белгілі бір нормалар 12 қыркүйектен бастап қолданысқа енгізіледі. 

Бұл ретте, 2023 жылғы 24 шілдеден бастап Заңның барлық басқа нормалары, оның ішінде активтерді заңсыз иемденуге, шығаруға және қайтаруға қарсы іс-қимыл жасау үшін ақпаратты мониторингілеу және талдау жөніндегі ережелер қолданысқа енгізілді. 

«За...

Қырғызстанның Сыртқы істер министрі Жээнбек Құлубаев БҰҰ Бас Ассамблеясының 78-ші сессиясында АҚШ Мемлекеттік хатшысының Орталық және Оңтүстік Азия істері жөніндегі көмекшісі Дональд Лумен кездесті. Бұл туралы 24.kg хабарлады.

Жээнбек Құлубаев Қырғызстанның Жасыл экономика, энергетика, көлік инфрақұрылымы және цифрландыру салаларына, сондай-ақ білім беру секторына жаңа технологиялары бар АҚШ компанияларын тартуға мүдделілігін растады.

Қырғызстан мен АҚШ арасындағы, оның ішінде «С5+1″өңірлік алаңы шеңберінде екіжақты қатынастарды дамыту және өзара іс-қимылды нығайту перспективаларын талқылады.

Қырғызстан мен АҚШ үкіметтері арасындағы ынтымақтастық туралы келісімнің күшін жою 2015 жылы Мемлекет басшысы Алмазбек Атамбаевтың бастамасымен жүзеге асты. Құжат Қырғызстанға гуманитарлық көмек, экономикалық және техникалық көмек көрсетуді көздеді. АҚШ-ты...

30-ға жуық республикашылар Ақ үйдің Киевке көмек көрсетуіне қарсы. Олар Украинаның 24 миллиард доллар көлемінде сұраған қаржысын беруден бас тартқанын айтты. Бұл туралы The Wall Street Journal хабарлайды.

«Біз Украинадағы соғысқа қосымша қаржы бөлуге және шығындарға қарсы тұрамыз», – деді парламентшілер.

Үндеуге қол қойған саясаткерлер АҚШ Киевке көмек көрсетудің түпкі мақсатын белгілемегенін атап өтті. Олар Украина Қарулы Күштерінің) қарсы шабуылының барысы туралы егжей-тегжейлі мәліметтерді және Вашингтонның жалпы стратегиясын түсіндіруді талап етті.

Бұған дейін Ақ үйдің ресми өкілі Джон Кирби Владимир Зеленский мен АҚШ президенті Джо Байденнің келіссөздері 21 қыркүйекте өтеді деп мәлімдеді.

Алматыда Арман Жұмагелдиев пен Қайрат Құдайберген және «Қаңтар ісі» бойынша айып тағылған басқа да тұлғаларға қатысты қылмыстық іс жабық түрде қаралатын болды. Бұл жайлы Алматы қалалық сотының баспасөз қызметі хабарлады.

Өйткені іс бойынша 10 жәбірленуші, бір куә және бір сотталушы тарап, сот отырысын жабық түрде өткізуді сұраған. Олар өз өмірлері мен отбасыларының және жақындарының қауіпсіздігі үшін алаңдайтынын білдірген. Бұл өтініштерді сот қанағаттандырып, қылмыстық іс сотқа қатысушылардың қауіпсіздігі мақсатында жабық түрдегі қарауға ауыстырылған.

«2023 жылдың 21 қыркүйегінде А.Джумагельдиев, Қ.Құдайберген және басқа да тұлғаларға қатысты қылмыстық іс бойынша алдын ала тыңдау аяқталды. Сотталушылардың жалпы саны...

Ресей президенті Владимир Путин мен Әзірбайжан Республикасының Президенті Ильхам Әлиев Таулы Қарабақтағы жағдайға байланысты телефон арқылы сөйлесті.

Әзірбайжан тарапының бастамасымен болған бұл әңгіме барысында Қарабахтағы соғыс қимылдарын толық тоқтату туралы Ресей бітімгершілік контингентінің көмегімен қол жеткізілген келісімдерді дәйекті жүзеге асырудың маңыздылығы талқыланған.

Сондай-ақ Ильхам Әлиев 20 қыркүйекте Қарабақтағы ресейлік бітімгершілік контингентінің (РМК) әскери қызметшілерінің қайғылы қазасына байланысты кешірім сұрап, көңіл айтқан. Ол бұл оқиғаға қатысты жан-жақты тексеру жүргізіліп, кінәлілердің барлығы тиісті жазасын алатынын мәлімдеген. Осы орайда екі елдің Бас прокуратуралары тығыз байланыста жұмыс жүргізетінін, Әзірбайжан мемлекетінің қаза тапқандардың отбасыларына қаржылай көмек көрсетуге дайын екенін жеткізген.

Сондай-а...

Жақында ғана Экология министрі қызметінен алынған Зүлфия Сүлейменова жаңа қызметке тағайындалды. Қасым-Жомарт Тоқаевтың өкімін Ақорданың баспасөз қызметі хабарлады.

«Мемлекет басшысының өкімімен Зүлфия Болатқызы Сүлейменова Қазақстан Республикасы Президентінің кеңесшісі – Президенттің халықаралық экологиялық ынтымақтастық жөніндегі арнаулы өкілі лауазымына тағайындалды», делінген хабарламада.

Елімізде президент жолдауынан кейін кадрлық ауыс-түйіс болып, бірқатар министр қызметінен босатылған болатын. Экология және табиғи ресурстар министрі Зулфия Сүлейменова да лауазымынан босатылған болатын. Ол министрлер кабинетіндегі ең жас министр еді.

Зүлфия Сүлейменова 2023 жылдың қаңтарынан бастап Экология және табиғи ресурстар министрі қызметін атқарды. Ол 1990 жылы Ақтөбе қаласында дүниеге келген. Лев...

Павлодар облысыны экс-әкімі Әбілқайыр Сқақов ӘМСҚ басқарма төрағасының міндетін атқарушы болып тағайындалды. Бұл жайлы қордың баспасөз қызметі хабарлады.

«Әбілқайыр Бақтыбайұлының мемлекеттік қызметте 28 жылдан астам тәжірибесі бар, оның 18 жылын бірінші басшы ретінде қызмет атқарған. Қаржы министрлігінің жүйесінде 19 жыл жұмыс істеді. Соның ішінде Салық комитеті төрағасының орынбасары және Қаржы мониторингі комитетінің төрағасы қызметін атқарды», деп таныстырған жаңа басшыны ҚР Денсаулық сақтау бірінші вице-министрі Тимур Сұлтанғазиев.

Әбілқайыр Сқақов 1974 жылы Павлодар облысында дүниеге келген. Шәкәрім атындағы Семей мемлекеттік университетін «Экономист және қаржыгер» мамандығы бойынша тәмамдаған. Содан кейін Қазақ құқық және халықаралық қатынастар институтында «Заңгер» мамандығын оқыған...