Жаңалықтар

Алматы мектептерінің бірінде 46 млн теңгеден астам сомада бюджет қаражатын ұрлаған мектеп есепшісі 7 жылға сотталды. Бұл жайлы Алматы қалалық прокуратурасының баспасөз қызметі хабарлады.

Мектептің бас бухгалтері бір жыл бойы өзінің жеке шотына штаттық кестеде қарастырылған жалақыдан асатын соманы заңсыз аударып келген.

«Аталған факті бойынша Бостандық ауданының прокуратурасы сотқа дейінгі тергеп-тексеру бастады. Тергеу барысында мектеп бухгалтері өз кінәсін толығымен мойындады», – деп хабарлайды прокуратура.

Сот үкімімен кінәлі адам Қазақстан Республикасы Қылмыстық кодексінің 189-бабы 4-бөлігінің 2-тармағы яғни сеніп тапсырылған мүлікті иемдену және ысырап бойынша 7 жылға бас бостандығынан айырылды. Сотталушы сонымен бірге материалдық-жауапты лауазымдарды...

Фото: kursiv.media

Ұлттық банк Қазақстан Республикасының Қаржы нарығын реттеу және дамыту агенттігінің (ҚНРДА) өкілеттігін кеңейтуге қарсы емес.  Бұл жайлы Ұлттық банкте өткен брифингте банк төрағасы Тимур Сүлейменов айтты.

Журналист банк басшысынан Халықаралық валюта қорының (ХВҚ) ҚНРДА-ның реттеушілік тетігін арттыру туралы ұсынысына қалай қарайтынын сұрап:

«ХВҚ Қазақстанның қаржылық секторын бағалауды аяқтап, бірнеше ұсыныс тастады. Қор ұсынысы бойынша Қазақстан Республикасының Қаржы нарығын реттеу және дамыту агенттігі (ҚНРДА) тәуелсіз болуы керек. ХВҚ агенттіктің реттеу тетігін арттырып, тиісті ресурстармен қамтамасыз ету қажет деп санайды. Ал Ұлттық банктің функциясына макро реттеу қалуға тиіс деген ұсыныс айтылды. Бұл ұсыныстармен келісесіз бе...

Фото: shutterstock.com

«Шұбаркөл Көмір» өз акцияларын AIX биржасынан ерікті делистинг жасайтынын жариялады. Шешім акционерлердің жалпы жиналысында қабылданған. Бұл туралы компания Қазақстан қор биржасында (KASE) хабарлады.

Компания отандық сектордағы Қазақстанның отынға деген қажеттілігінің 25 пайызын өтеп отыр. Ол Қарағанды ​​облысындағы Орталық және Батыс көмір шахтасын басқарады.

Бұған дейін хабарланғандай, «Шұбаркөл көмір» серіктестігі көмірдің жекелеген түрлерін экспорттауға айрықша құқық алған кәсіпорындар тізіміне енгізілген. Шілдедегі қаулы жобасында тек ашық көмір шахталары мен шахталарына иелік ететін немесе байытумен айналысатындар ғана экспортқа шығару эксклюзив құқығын ала алады деп көрсетілген.

Маусым айында «Шұбаркөл көмір» кокс өндіру жөніндегі директоры Сабыржан Иманбаев компания арнайы...

«Asia Credit Bank-тің» бұрынғы басшысы Орифжан Шадиев Ұлттық банкке қарызын жыл соңына дейін өтейді. Бұл жайлы Ұлттық банкте өткен брифингте банк төрағасы Тимур Сүлейменов айтты.

«Сәуір айында Шадиевтің Ұлттық банкке 13,9 млрд теңге берешек екені айтылған. Қазіргі уақытта бұл қарыз мөлшері қандай? Қаншасын қайтарды?», – деп сұрады журналист.

Банк төрағасы нақты сандарды қазір айта алмайтынын, бірақ бұл сұраққа қатысты нақты жауапты жазбаша қайтаратынын, еш құпиялық жоқ екенін айтты.

«Бұл істе позитивті динамика бар екенін айтқым келеді. Жарты ақшасы төленіп қойды. Шадиев тарапы бізге жылдың соңына дейін қарызын төлы...

Фото: kursiv.media

Ұлттық банк басшысы БЖЗҚ-дан алынатын 1,5 трлн теңгенің жұмсалуына қатысты пікір білдірді. Тимур Сүлейменовтің пайымдауынша, қордан алынатын қаржының тек үштен бірі энергетика саласына салынуы керек.

Сүлейменов мұндай жобаларға зейнетақы ақшасын салу қалыпты тәжірибе деп санайды. Бірақ оның үштен бірін ғана энергетика саласына жұмсау керек.

«Бұл 1,5 триллион теңгенің бәрін тек инфрақұрылы жобаларына бөлуге болмайды деп есептейміз. Үштен бірін инфрақұрылымдық жобаларға, қалған ақшаны экономиканы әртараптандыру және ішкі ұсынысты арттыруға бағытталған жобаларға салу керек. Атап айтқанда, ауыл шаруашылығы өнімдерін өңдеу, өңдеу өнеркәсібі және т.б., жоғары өнімді қызметтер. Қаржының қалай бөлінетінін үкімет, «Бәйтерек», «Самұрық» және...

Ұлттық банк тұтынушылық несиелендірудің шағын және орта бизнесті несиелендіруден көп болғанына алаңдаулы. Бұл туралы базалық мөлшерлеменің төмендеуіне байланысты брифингте Ұлттық банк басшысы Тимур Сүлейменов айтты.

Сүлейменовтің айтуынша, жеке тұлғалардың несие алуы, бизнестің несие алуына қарағанда жылдам өсіп келеді. Былтырғы қыркүйек айымен биылғы қыркүйек айындағы өсімді салыстырғанда, тұтынушылық несиелендіру бизнесті несиелендіруден 2,5-2,6% жоғары болған. Тұтынушылық несиелендіру 27,6% өссе, бизнесті несиелендіру 10,5% ғана өскен.

«Бірінші кезекте мәселені шешу үшін ҚНРДА тарапынан нақты шара қолдану қажет. Ал біз өз тарапымыздан капиталдың контрциклді буфері мен оның модификацияларын қолданудағы кейбір мәселелер туралы құжат дайындадық. Оны бұрын қолданып көрмедік. Алғаш рет...

«Нұр жолы» автокөлік өткізу бекеті тәулік бойына жұмыс істейді/kursiv.media

Қытаймен шекарадағы ең ірі «Нұр жолы» автокөлік өткізу бекеті тәулік бойы жұмыс істеу тәртібіне көшті.

Мемлекеттік кірістер комитеті хабарлағандай, халықаралық ынтымақтастық аясында Қазақстан-Қытай кеден қызметі басшылары арасында өзара ынтымақтастық пен тәжірибе алмасу туралы келісімге қол қойылған.

«Қазақстанның бастамасымен Қытаймен шекарадағы автомобиль өткізу пунктерінің өткізу қабілетін және жұмыс уақытын ұлғайту жөнінде уағдаластыққа қол жеткізілді. Атап айтқанда, ең ірі «Нұр жолы» автомобиль өткізу пункті тәулік бойы жұмыс істеу режиміне ауысып жатыр. Қалған автобақылау бекеттері күнделікті 12 сағаттық жұмыс кестесіне көшуде», –деп жазылған Мемлекеттік кірістер комитетінің хабарламасында.

Фото: kursiv.media

Polymetal компаниясы Ресейдің Ұлттық есеп айырысу депозитарийі және ресейлік басқа депозитарийлерге салынған санкция салдарынан бұғатталған акцияларын айырбастауға ниетті екенін мәлімдеді. Бұғатталған акциялар «Астана» халықаралық қаржы орталығының (АХҚО) биржасында шығарылған бағалы қағаздарға айырбасталады.

«Polymetal International plc. ҰЕД-ге қарсы санкциялардан зардап шеккен акционерлерге қатысты «бір де бір» қағидаты бойынша биржалық акцияларды шығару мәселесін қарау шеңберінде белгілі бір қолайлы акцияларға айырбастау бойынша жаңа ұсыныс жасауға ниетті», – делінген хабарламада.

Бұл ұсыныс акцонерлердің АХҚО-дағы жаңа бағалы қағазға айырбастау мен дивиденд алумен қатар, басқа да құқықтарын қалпына келтіруге мүмкіндік береді.

Polymetal қазірдің өзінде акцияларды...

Қазақстан Ұлттық банкі ЖІӨ өсіміне қатысты 2024 жылға арналған болжамын 3,2-4,2% төмендетті, осыған дейін өсім 4-5% жетеді деген болжам болған. 

Бұл шешімге ТШО-да өндірісті ұлғайту мерзімі 2024 жылдың соңына немесе 2025 жылдың басына ауысуы әсер еткен.

«Осының аясында төменірек база әсерінен 2025 жылға арналған болжам, сәйкесінше, 5,5-6,5%-ға дейін көтерілді.  Болжам тәуекелдерін күшейтетін негізгі әрі маңызды фактор – 2024-2025 жылдары мұнай өндіру параметрлеріне қатысты белгісіздік әсер етеді», – деді Ұлттық банк басшысы Тимур Сүлейменов базалық мөлшерлеменің төмендеуіне байланысты брифингте.

Айта кетейік, жұма, 24 қарашада Ұлттық банк базалық мөлшерлемені жылдық 15,75%-ға дейін төмендеткен.

«Жылдық инфляция белсенді түрде баяулап...

Алматыда құрылысы талай жылдан бері аяқталмай тұрған нысандар тексеріледі. Бұл жайлы қалалық әкімдіктің баспасөз қызметі хабарлады.

Жоспардан тыс тексерістің басталуына қала тұрғындары себеп болған. Олардың айтуынша, бүгінде мұндай қараусыз қалған құрылыстар балалардың ойын алаңына айналып, өміріне қауіп төндірген.

«Нәтижесінде мұндай нысандар тексеріліп, анықталған бұзушылықтарды жоюға ұйғарым берілді. Қажет болған жағдайда оны мәжбүрлеп орындау үшін сотқа талап-арыз жіберіледі. Азаматтардың өмірі мен денсаулығына қауіп төндіретін аяқсыз қалған құрылыстар бұзылуы мүмкін», – деп хабарлайды баспасөз қызметі.

Осы орайда баспасөз қызметі құрылыс жұмысы тоқтаған немесе 6 айдан астам мерзімге созылған нысандар халық пен қоршаған ортаны...

АҚШ ритейлерлері «Жомарт жұма» науқанындағы сауда-саттық сұраныстың төмендеуіне байланысты нашар болады деп алаңдаса, Венесуэла мұнайына салынған санкцияның алынуын мұнай бағасы қымбаттады, ал Сауд Арабиясы бюджет тапшылығына тап болды. Осы және өзге де тақырыптарды 23 қарашаға арналған әлемдік БАҚ шолуынан оқыңыздар.

АҚШ- ритейлерін не алаңдатады?

Бизнес-менеджерлер тұтынушылық шығынның азаюына алаңдап отыр. Yahoo Finance басылымының жазуынша, бұл «Жомарт жұма» науқанындағы сатылымның төмендеуіне әкелуі мүмкін.

Басылым атап өткендей, халықтың пандемиядан кейінгі жинаған қоры таусылуға таяу. ФРЖ-ның ақша-несие саясатын қатаңдатқанына, тұтыну секторының кейінгі 6 айдағы жақсы дерегіне қарамастан, қазір жағдай күрт өзгеруі мүмкін. Тұтынушылар жинағының азаюынан ғана емес, сонымен қатар...

24 қарашада Қазақстан Ұлттық банкінің базалық мөлшерлеменің деңгейі туралы кезекті шешімі жарияланды. 

Ұлттық Банкінің Ақша-кредит саясаты комитеті базалық мөлшерлемені +/– 1 п.т. дәлізімен жылдық 15,75%-ға дейін төмендету туралы шешім қабылдады. 

«Жылдық инфляция белсенді түрде баяулап келеді. Алдағы айларда оның көрсеткіші бір таңбалы мәнге жетеді деп күтіледі. Қазанда айлық инфляция орташа тарихи мәндерге дейін баяулады. Сыртқы инфляциялық қысым орталық банктердің қатаң саясаты мен әлемдік азық-түлік бағасының төмендеуі аясында бәсеңдеп келеді. Алайда назар аударуды қажет ететін жекелеген факторлар мен тәуекелдер бар. Ішкі экономикада фискалдық ынталандыру, орнықты ішкі сұраныс, жоғары және тұрақсыз инфляциялық күтулер тарапынан проинфляциялық қысым сақталып отыр», – деп түсіндірд...

Қазақстан Республикасы Бәсекелестікті қорғау және дамыту агенттігі Тимур Құлыбаевқа тиесі компанияның заң бұзғанын анықтады.

Агенттіктің хабарлауынша бұл компания нарықта монополия орнатып, нарыққа басқа субъектілердің кіруіне кедергі келтіріп келген.

Қазақстан Республикасы Бәсекелестікті қорғау және дамыту агенттігінің Атырау облысы бойынша департаменті прокуратура органдарымен бірлескен тексерісте «Сұйытылған мұнай газын сақтау паркі» ЖШС-нің іс-әрекетінде өзінің үстем немесе монополиялық жағдайын теріс пайдалану бөлігінде, оның ішінде мәні бірдей келiсiмдерге объективті түрде ақталмайтын себептермен әртүрлi бағаларды не әртүрлi шарттарды қолдану, нарықтың басқа субъектiлерiне тауар нарығына кiруге немесе тауар нарығынан шығуға кедергiлер жасау және контрагентке шарт нысанасына жатпайтын, экономикалық немесе технологиялық тұрғыдан негiзсіз шарт талаптарын күштеп таңу бәсекелестікті қорғау...

Өскемен әуежайының басшылығы кәсіпкерге 100 шаршы метр аумақты 50 мың теңгеге жалға бергені үшін жауапқа тартылды. 

Бас көлік прокуратурасы Өскемен әуежайын тексеру барысында бірнеше құқық бұзушылықты анықтаған. Мысалы, басшылық бір кәсіпкерге әуежай аумағындағы 100 шаршы метрді 50 мың теңгеге жалға берсе, келесі бір кәсіпкерге 10 шаршы метрді 100 мың теңгеге жалға берген.

«Жалға беруде әр түрлі шарттарды қолдану осы саладағы бизнестің салауатты бәсекелестігін қалыптастыруға теріс әсер еткен, жолаушыларға өз қызметтерін едәуір арзанырақ ұсына алатын басқа кәсіпкерлердің нарық сегментіне қол жеткізу құқығына нұқсан келтірілді», – делінген Бас көлік прокуратурасының хабарламасында.

Тексеруден кейін прокуратура жалға беруге жауапты азаматтарды жазаланып, бизнес өкілдеріне жалға беру ережесі қайта қаралып...

Фото: kursiv.media

Алматыда Қазақстанның медиа нарығын дамыту мәселелері бойынша MediaҚұрылтай өтіп жатыр.

Бұқаралық ақпарат құралдарына қатысты өзекті мәселелер талқыланған биылғы конференция «Медиа нарық: біз қауіптерге және қайтадан жаңаруға дайынбыз ба?» тақырыбында өтті.

Сонымен бірге құрылтайда Қазақстанның ағымдағы ақпараттық ортасын талдау, БАҚ-та діни тақырыпты жариялаудың құқықтық және этикалық қағидалары, қазақ тіліндегі іскерлік журналистика мәселелері, жасанды интеллект және жалған ақпаратқа қарсы күрес, журналист мамандығына қойылатын жаңа талаптар, әскери журналистика және тағы да басқа мәселелер талқыланды.

Конференция барысында алғаш рет медиа саласындағы жоғары кәсіби жетістіктері үшін Михаил Дорофеев атындағы сыйлық табыс етілді. Бұл сыйлықты тәуелсіз медиа-қоғамдастық және Қазақстан Баспасөз клубы белгіледі. Талантты...

Көлік министрлігі Қытайдан және басқа да көрші елдерден JET A-1 маркалы авиаотын импортын әртараптандыру мәселесін пысықтап жатыр. 

Бұл туралы Көлік министрі Марат Қарабаев айтты.

Айта кетейік, осыған дейін отандық мұнай өңдеу зауыттары авиа отын қажеттілігін толық өтей алмағандықтан, Қазақстан жыл сайын Ресей Федерациясынан 300 мың тоннаға дейін отын импорттайтыны туралы айтылған. 

Көлік министрлігінде бейінді мемлекеттік органдар мен ұйымдардың қатысуымен өткен кеңес барысында ел әуежайлары инфрақұрылымның JET A-1 пайдалануға дайын екені белгілі болды. Дәлірек айтқанда, 2024 жылдың маусым айына қарай Алматы әуежайы ASTM D1655 әлемдік стандарты бойынша шығарылатын авиаотынды пайдалануға толық көшуді жоспарлап отыр.

«Өз кезегінде PTC Holding компаниясы отандық темір жолдардың өткізу қабілеті ай сайын 50 мың тоннаға дейін JET A-1 авиаотынын тасымалдауға мүмкіндік береді», – делінген хабарламада.

Осыған дейін Air Astana және...

Қаржы мониторингі агенттігінің Абай облысы бойынша Департаменті облыстағы жылумен жабдықтаудың 14 объектісін жөндеуге тиіс болған мердігер компанияның директоры ондаған миллион қаржыны ысырап етті деген күдікке ілінді, деп хабарлайды.

Агенттіктің хабарлауынша мемлекет мердігер компаниямен 1,2 млрд теңгеге
жөндеу жұмыстарын жүргізуге келісім-шарт жасаған, ал компания Семей қаласындағы
3 қазандық бойынша 67 млн теңгенің жұмысын орындамаған.

Бюджет қаражаты 2022 жылы қала қазандықтарын жөндеуге бөлінген. Алайда 1934 жылы пайдалануға берілген бұл жылу орталығы әбден тозып, қыста жылу энергиясын қалаға дұрыс жеткізе алмай қалған. Соның салдарынан қазандық дұрыс жұмыс істемейді.

Мамандардың айтуынша, жылыту маусымы барысында жылу берудегі ауытқулар орташа есеппен тәулігіне 3 рет...

Банктер мен микроқаржы ұйымдары кредиттік бюроларға нақты уақыт режимінде ақпарат беретін болады. Аталмыш ережені енгізу туралы құжат Ашық НҚА сайтына талқылауға жарияланды.

ҚНРДА ақпаратына сәйкес, қаулы несиелеу кезінде алаяқтық тәуекелдерін азайту мақсатында әзірленген.

«Құжат банктер мен микроқаржы ұйымдарының кредит бюросына нақты уақыт режимінде несие алуға өтінім берген азаматтар берген туралы ақпаратты ұсынады. Сондай-ақ, несие беру кезінде алаяқтық тәуекелдерін барынша азайту, оларды анықтау», – делінген ҚНРДА ақпаратында. 

Яғни нақты уақыт режимінде өтінім туралы есеп бере отырып, банктер мен микроқаржы ұйымдары кредиттік бюродан өтінім беруші азаматтың өзге де қарыздары мен өтінімдері туралы ақпарат алуға мүмкіндік береді. Осылайша алаяқтар бір күн ішінде бірнеше банк пен...

«Ұлттық басқарушы холдингтердің, ұлттық холдингтердің, ұлттық компаниялардың және олардың еншілес, тәуелді және олармен үлестес болып табылатын өзге де заңды тұлғалардың активтерін бәсекелес ортаға беруден Қазақстан Республикасының Ұлттық қорына түсетін түсімдердің қағидаларын бекіту туралы» Қазақстан Республикасы Ұлттық экономика министрінің 2023 жылғы 29 мамырдағы № 90 бұйрығына өзгерістер енгізіледі.

Оған сәйкес Республикалық меншіктегі акциялардың мемлекеттік пакетіне дивидендтер төлеу, борыштық міндеттемелерді өтеу және Заңның тармақшасында көрсетілген міндеттерді іске асыру үшін жіберілетін, активтерді бәсекелес ортаға беруден түскен қаражаттың мөлшері мен нысаналы пайдаланылуы Қазақстан Республикасының экономикасын жаңғырту мәселелері жөніндегі мемлекеттік комиссияның шешіміне сәйкес айқындалады.  

«Осы Ұлттық басқарушы холдингтердің, ұлтты...

Фото: kursiv.mediа

Оlx платформасында алаяқтықтың жаңа тәсілі пайда болған. Олар зейнетақы қорындағы қаражатты шығарып беру қызметін ұсынады. Осы орайда «Halyk Finance» мұндай жарнамаларға сенбеуге шақырады.

Алаяқтар қазақстандықтарға зейнетақы жинақтарын жеке басқарушы компаниялардың сенімгерлік басқаруына көшіріп беруді ұсынып, сол қызметі үшін ақша алады. Алаяқтар бұл қаражаттың компанияға төленетініне сендіреді. Осыған байланысты «Halyk Finance» баспасөз қызметі қазақстандықтарды мұндай алаяқтарға алданып қалмауға шақырады.

«Halyk Finance» АҚ жинақталған зейнетақы қаражатын алу Қазақстан Республикасының Ұлттық Банкі басқаратын БЖЗҚ портфелінен ең төменгі жеткілікті мөлшерден асқан жағдайда ғана берілетінін ескертеді. Сондай-ақ бұл қаражат заңнамада көзделген: жылжымайтын мүлік және медициналық қызметтерге...

«Қазақстан темір жолы» Ұлттық компаниясы биыл қаңтар-қыркүйек айларында 129,5 млрд теңге пайда тапқан. Ұлттық компанияның 9 айдағы аралық шоғырландырылған қаржы есебі KASE сайтында жарияланған.

9 айдағы жалпы түсім 1,4 трлн теңгені құраған, былтыр осы кезеңде 1 трлн теңге көлемінде түсім болған.

Қаржы есебінде 9 айдағы операциялық қызметтен түскен түсім 238,8 млр теңгені құрағаны жазылған. Бұл 2022 жылдың сәйкес кезеңіндегі көрсеткішпен шамалас. Былтыр да операциялық түсім 238,7 млрд теңгенің айналасында болған.

Алайда қазір компания қарызға батып отыр. ҚТЖ-ның ұзақмерзімді міндеттемелері 2 трлн теңгеден асады. Қаржы есебінде компанияның міндеттемелері (қарызы) активтерінен 456,388 млн теңгеге артық екені жазылған. Соны...

КХДР-дағы ядролық реактордан су төгіліп жатыр ма?/ Facebook
Атом энергетикасы жөніндегі халықаралық агенттіктің (МАГАТЭ) бас директоры Рафаэль Гросси Солтүстік Кореяның Йонбендегі негізгі ядролық кешендерінің бірінде орналасқан жеңіл су реакторында (LWR) судың қатты төгілуі байқалғанын хабарлады.

«Жеңіл су реакторында және оған жақын жерде белсенділік деңгейінің жоғарылауы аңғарылды, ал жеңіл су реакторының салқындату жүйесінен ауыр су ағызу 2023 жылдың қазан айының ортасынан бастап байқалды. Бұл бақылаулар LWR пайдалануға берілгенін растайды», – деді Рафаэль Гроссидің МАГАТЭ Басқарушылар кеңесінің алдында бейсенбі күні кешке жасаған мәлімдемесінде.

Сонымен қатар Рафаэль Гросси «Пунгеридегі ядролық сынақ полигоны БҰҰ Қауіпсіздік Кеңесінің қарарларына қайшы келетін және...

Атыраудағы ауыл балаларына IT-дің қыр-сырын үйретіп, бағыт беріп жүрген Shyraq Education қоры туралы бас қалада өткен IT-форумда естігенбіз. Аймақтарда ақпараттық технологияның дамуына септігін тигізетін мұндай жобаның жұмыс барысын, нәтижелері мен жоспарын білгіміз келіп, қордың құрылтайшысы әрі директоры Данабек Әбілдаевқа хабарластық. 29 жастағы Данабек — Атыраудың қазақ-түрік лицейін бітірген, Назарбаев университетінің түлегі. Қазір бар күшін Shyraq Education-ды дамытуға салып жатыр.

– Shyraq Education жұмысын бастағанына бір жылдан асты. Осы уақыт ішінде жоспарлар ойдағыдай іске асты ма? Жұмыс қарқыны қалай жүріп жатыр?

Соңғы 3 жылда ақбөкендерді заңсыз аулаудың 307 фактісі анықталып, 18 008 ақбөкен мүйізі тәркіленген. Бұл жайлы «Курсивке» Экология және табиғи ресурстар министрлігі хабарлады.

Осы жылы киік санын реттеуге байланысты аңшылыққа рұқсат берілгеннен кейін, 2023 жылғы 6 қазаннан 21 қарашаға дейінгі аралықта 21 724 ақбөкен мүйізі тіркелген. Сондай-ақ заңсыз жолмен ауланған 859 ақбөкен мүйізі тәркіленген.

Министрліктің хабарлауынша заңсыз аң аулау фактілері Ақмола, Батыс Қазақстан, Қарағанды ​​және Қостанай облыстарында жиі кездеседі және көбінде ақбөкендердің Бетпақдала және Орал популяциялары заңсыз аңшылықтан көбірек зардап шегеді.

«Мұндай фактілер анықталған жағдайда фото, бейнетіркеу жұмыстары жүргізіліп, барлық материал құқық қорғау органдарының құзырына...