Жаңалықтар

Фото: kursiv.media

Қазақстанда ұшақта тасымалдауға тыйым салынған заттардың жаңартылған тізімі жарияланды. Жаңа талап бойынша, багажда литий немесе литий-ионды элементтері, сондай-ақ қосалқы батареялары бар портативті электронды құрылғыларды (планшет, сағат, калькулятор, камера, ұялы телефон, ноутбук, бейнекамера және т.б.) тасымалдауға тыйым салынады.

Бұл өзгеріс жолаушылардың қауіпсіздігі мен жайлылығын арттыру мақсатында әуе кемелерінің бортында электрондық құрылғылар мен электрондық темекілерді тасымалдауға қойылатын талаптарға елеулі өзгеріс енгізілген.

Сондай-ақ, багажда электронды темекі мен вейп тасымалдауға рұқсат етілмейді.
Осыған байланысты жолаушылар:

Жастарға жеңілдетілген микрокредит беру үшін қабылданатын кепілді мүлік түрлерінің тізбесі кеңейтілді. Бұл жайлы «Аграрлық несие корпорациясы» АҚ баспасөз қызметі хабарлады.

«Жастарға жылдық 2,5% жеңілдікпен микрокредит беру үшін қабылданатын кепілді мүлік түрлерінің тізбесі кеңейтілді. Микрокредиттің мөлшері 5 млн теңгеге дейін, ал қатысудың ең ұзақ мерзімі – кез келген мақсатқа 5 жылға дейін, мал шаруашылығы саласындағы жобалар үшін 7 жылға дейін. Номиналды сыйақы мөлшерлемесі – жылдық 2,5%-дан аспайды» делінген хабарламада.

Оған сәйкес несие алуға ниетті азаматтарда кепілге қою мүмкіндігі көбейеді. Атап айтқанда, екінші деңгейдегі банктердегі шоттарда орналастырылған ақша қаражаты, республикалық маңызы бар қалаларда, облыстық маңызы бар қалаларда...

Елімізде ерлер мен әйелдер арасындағы жалақы айырмашылығы айтарлықтай. Finprom.kz сайтыныің дерегінше, ол 33,7% құрайды.

Аорталдың дерегінше, 2022 жылы ерлердің жалақысы орташа есеппен 355,3 мың теңге, бір жылда 26,3% көбейген, әйелдердікі — 265,8 мың теңге, 20,7% көбейген.

Жалақы айырмашылығы айтарлықтай 33,7%. Ерлердің жалақысы республикалық орташа деңгейден 14,7% көп болса, әйелдердікі 14,2% аз.

Өңірлер бойынша: ерлердің ең жоғары орташа айлық жалақысы Атырау (631,8 мың теңге), Маңғыстау (590,6 мың теңге) және Ұлытау (489,1 мың теңге) облыстарында, ал ең төменгісі — Жетісу облысында (бар болғаны 226 мың теңге).

Бұл өңірлерде ер мен әйел жалақысындағы айырмашылық та жоғары. Мәселен, Маңғыстау облысында ерлердің жалақысы...

Қазақстан Республикасының 2050 жылға дейінгі мәдени саясатының тұжырымдамасын әзірлеушілердің біріне іздеу жарияланды. Сыбайлас жемқорлыққа қарсы іс-қимыл агенттігі Андрей Хазбулатовқа іздеу жариялаған.

Құқықтық статистика және есепке алу органдарының порталында оның 11 күннен бері іздеуде жүргені жазылған.

Хазбулатов Андрей Равильевич Қазақ ғылыми-зерттеу мәдениет институтының бас директоры қызметін атқарған. Ол туралы мәліметтер Қазақ ғылыми-зерттеу мәдениет институтының сайтында біраз уақыт тұрды. Бірақ біз мақаланы жазып болғанша, сайттан алынып үлгерді. Десе де біз ғалым турал деркетерді көшіріп үлгердік.

Қазақ ғылыми-зерттеу мәдениет институтының сайтынан алынған ақпаратта Хазбулатовтың философия ғылымдарының докторы (PhD), доцент, Қазақстанның еңбек сіңірген қайраткері, Қазақ ғылыми-зерттеу мәдениет институтының бас...

Мемлекет басшысы Сауда және интеграция министрі Арман Шаққалиевті қабылдап, министрге экспорт үшін жаңа өткізу нарықтарын қарастыруды тапсырды. Бұл туралы Ақорда хабарлайды.

Сонымен қатар Мемлекет басшысы халықаралық нарықтарда ұлттық экономикалық мүддені қорғау, импортпен орнықты бәсекелестікті қамтамасыз ету және отандық тауар өндірушілерді қолдау қажетін айтты.

«Кездесу барысында Қасым-Жомарт Тоқаев Қазақстанның сыртқы серіктестерімен арадағы тауар айналымын арттыру және экономикалық сын-қатерлерге орай шұғыл әрекет ету жөнінде бірқатар нақты тапсырма берді«, делінген хабарламада.

Арман Шаққалиевке дейін министрлікті Серік Жұманғарин басқарған. Ол Премьер-Министрдің орынбасары болып тағайындалғандықтан, бұл қызметінен болсатылды.

Президент жарлығымен елімізде бес министрлік құрылып...

Фото: kursiv.media

Қанат Бозымбаев мемлекет басшысының кеңесшісі қызметіне тағайындалды. Бұл туралы Ақорда хабарлайды.

«Мемлекет басшысының өкімімен Қанат Алдабергенұлы Бозымбаев Қазақстан Республикасы Президентінің кеңесшісі лауазымына тағайындалды», делінген хабарламада.

Қанат Алдабергенұлының соңғы ресми лауазымы – Алматы облысының әкімі еді. 2022 жылдың маусым айында әкім қызметінен босатылды.

1969 жылы дүниеге келген Қанат Бозымбаев Алматы қаласының тумасы. Қазақ мемлекеттік басқару академиясының «Экономикалық және әлеуметтік жоспарлау» факультетін 1993 жылы бітірген. Еңбек жолын экономист ретінде бастаған. 1994-1997 жылдары Алматы қаласы әкімінің көмекшісі болды.

1998 – 2000 жылдар аралығында Энергетика, индустрия және сауда министрлігі мұнай және газ департаментін...

Мемлекет басшысының Жарлығымен Нұржан Нұржігітов Қазақстан Республикасының Су ресурстары және ирригация министрі болып тағайындалды, ол бұрынғы атқарған лауазымынан босатылды. Бұл туралы Ақорданың баспасөз қызметі хабарлады.

Нұржан Нұржігітов

Жамбыл облысын басқарған Нұржан Нұржігітов 1967 жылы туған. 1991 жылы Еңбек Қызыл Ту орденді Ленинград ауылшаруашылық институтын «Инженер-механик», 2008 жылы Жамбыл гуманитарлық техникалық университетін «Экономика» мамандықтары бойынша бітірген. Техника ғылымдарының кандидаты, Қазақ ұлттық аграрлық университетінің құрметті профессоры.

Мансап

Еңбек жолын 1991 жылы Жуалы ауданы Максим Горький атындағы колхозында механик болып бастаған.
Әр жылдары Төле би атындағы агробірлестіктің бас инженері, Жуалы ауданы әкімі аппаратының маманы, бас маманы, бөлім меңгерушісі, Жуалы...

Фото: kursiv.media

«Арселор Миттал Теміртау» компаниясына қарасты «Қазақстан» шахтасында 17 тамызда шыққан өрт әлі сөндіріліп жатыр. ҚР Төтенше жағдайлар министрлігінің ресми өкілі Жанна Дәуренбекованың айтуынша, газ мәселесі бақылауда. Жұмыс орындарында температура көрсеткіштері бірқалыпты.

«Қазақстан» шахтасындағы өрт салдарынан болған апатты тергеу үшін құрылған Үкімет комиссиясының жұмысы тағы 10 күнге ұзартылған.

Қазір шахтаның апат болған учаскесінде 27 тау-кен құтқарушы жұмыс істеп, көмекке 14 кенші жұмылдырылған.

Бұған дейін шахтадағы өртті өшіру үшін гипс бөгеттер салынып жатқаны хабарланған еді. Қазіргі кезде 9 бөгет салынып бітсе, үшеуінің құрылысы жүріп жатыр.

2023 жылдың 17 тамызында «Қазақстан» шахтасында апат болды. Өрт...

Президент Жарлығымен Айдарбек Сапаров Ауыл шаруашылығы министрі болып тағайындалды. Ол бұрынғы атқарған лауазымы яғни Солтүстік Қазақстан облысы әкімі лауазымынан босатылды.

Мәжілістің Аграрлық мәселелер комитеті Айдарбек Сейпілұлы Сапаровтың кандидатурасын Ауыл шаруашылығы министрі лауазымына тағайындау ұсынысымен келісті.

Айдарбек Сапаров:

Солтүстік Қазақстан облысы әкімдігінің ресми сайтында жарияланған ақпаратқа сәйкес, 1966 жылы 12 маусымда Солтүстік Қазақстан облысында дүниеге келген. Омбы ауылшаруашылығы институтын (1992), Манаш Қозыбаев атындағы Солтүстік Қазақстан мемлекеттік университетін (2006) зооинженер мамандығы, мемлекеттік басқару бакалавры бойынша тәмамдаған. «Құрмет», «Парасат» ордендерімен, «Астанаға 10 жыл» мерейтойлық медальмен марапатталған.

Мансап

Еңбек жолын 1984 жылы Солтүстік Қазақстан облысында совхоз...

Жаңаөзен қаласында тәулігіне 50 000 м³ суды тұщытатын зауыт салынады.

Құрылысты 2024 жылдың соңына дейін аяқтау жоспарлануда, ал зауыт жобалық қуатына 2025 жылдың көктемінде шығады. Нысан құрылысы «ҚазМұнайГаз» ҰК АҚ қаражаты есебінен қаржыландырылады.

Тоқымақ ауданында салынатын бұл зауыт теңіз суын тұщыту арқылы қала тұрғындарының ауыз суға деген қажеттілігін толық қамтамасыз етеді және өңірде жүздеген жаңа жұмыс орындарын ашуға мүмкіндік бермек. Атап айтқанда, құрылыс кезеңінде 240-тан астам адам жұмыс істесе, ал зауыт іске қосылған соң 100-ден астам адам жұмыспен қамтылады.

«ҚазМұнайГаз» ҰК» АҚ басқарма төрағасы Мағзұм Мырзағалиев пен Маңғыстау облысының әкімі Нұрлан Ноғаев жаңа тұщыту зауыты құрылысының алғашқы...

Фото: AIX

Қазақстандық жеке инвесторлардың AIX Орталық депозитарийіндегі қазақстандық жеке инвесторлардың есеп-шоттар саны 1 миллионға жеткен. Бұл туралы баспасөз қызметі хабарлайды.

Осылайша, жеке инвесторлардың есеп-шоттары соңғы 3 жылда 6 есе көбейген.

«Қазақстанның инвестиция нарығына қатысушылар соңғы жылдары енгізген технологиялық прогресс жеке инвесторларға жол ашып, олардың мүмкіндіктерін институционалды инвесторлармен теңестірді. COVID пандемеясына қатысты енгізілген шектеулер азаматтарды қосымша табыс көзін іздеуге, осылайша қор нарығына назар аударуға итермеледі – 2021 жыл мен 2023 жылдың бірінші жартыжылдығы арасында мыңдаған адам инвестор ретінде есеп-шот ашты. Қор нарығында цифрлық қосымшалардың дамуы да жеке инвесторлар санының артуына үлесін қосты...

Жоғарғы сот Назарбаевтың күйеу баласы, олигарх Тимур Құлыбаевтың «Торговый дом «ТЭК-КАЗАХСТАН» компаниясы иелік ететін, заңсыз жекешелендірілген жанармай қоймаларын «Қазақстан темір жолы» ұлттық компаниясына қайтару туралы шешім шығарды.

«Алматы қаласының мамандандырылған ауданаралық экономикалық сотының 2002 жылғы 20 маусымдағы қаулысы, Алматы қалалық сотының азаматтық істер жөніндегі сот алқасының 2002 жылғы 7 тамыздағы шешімі (жекешелендіру мәмілесін заңды деп тану туралы) бұл жағдайда күшін жою керек. Іс бойынша Оңтүстік-Шығыс облыстық көлік прокурорының талап арызын қанағаттандыру туралы жаңа шешім қабылдансын. 2001 жылғы 5 қарашада «ҚТЖ» РМК мен «ТЭК-Алматы» ЖШС арасында жасалған материалдық-техникалық отын қоймаларын сату-сатып алу мәмілесі жарамсыз деп...

Фото: .kursiv.media

Сенат депутаттарына Ұлттық банк төрағасы қызметіне Тимур Сүлейменовтің кандидатурасы ұсынылды, деп хабарлайды Kursiv.kz.

Палата отырысында мемлекет басшысының ұсынысын Президент әкімшілігінің басшысы Олжас Бектенов оқыды.

«Президент Ұлттық банк төрағасы лауазымына Тимур Сүлейменовтің кандидатурасын ұсынады. Тимур Сүлейменов төрт жылдан астам уақыт Президент әкімшілігінде әлеуметтік-экономикалық бағытын басқарып, ауқымды экономикалық өзгерістерді жүзеге асыруға белсенді атсалысты. Кезінде Ұлттық экономика министрлігін басқарды. Еуразиялық экономикалық комиссия алқасының мүшесі, экономика және қаржы саясаты жөніндегі министр болды. Ұлттық холдингтерде басшылық қызмет атқарды», – деді Бектенов.

Сенат Тимур Сүлейменовті Ұлттық банк төрағасы қызметіне тағайындауға келісім берді.
Айта кетейік, Конституцияға сәйкес ел президентінің Ұлттық банк...

АҚШ-тың іскерлік белсенділік индексі он ай қатарынан төмендеп келеді. Бұл өз кезегінде инвесторлардың ФРЖ ақша-несие саясатын біршама жұмсартады деген үмітін нығайтады. Экономист Нуриэль Рубини әлемдік экономиканың құлдырау қаупі азайғанымен келіседі. Алайда сарапшы 2023 жылдың екінші жартысында АҚШ қор нарығының 10%-ға құлдырау мүмкін деп болжайды. Осы және басқа да тақырыптарды әлемдік БАҚ-қа шолудан оқыңыз.

Нуриэль Рубини жаңа нарықтар құлдырайды деген болжам жасап отыр

Bloomberg басылымының жазуынша, 2008 жылғы қаржы дағдарысын болжаған америкалық танымал экономист Нуриэль Рубини 2023 жылдың екінші жартысында әлемдік қор нарығы 10%-ға құлдырауы мүмкін деп пайымдайды.

2023 жылдың тамыз айының соңында Evercore ISI құрметті төрағасы Ральф...

Каспий теңізінде жер сілкінісі тіркелді, деп хабарлайды ТЖ «Қазақстан сейсмологиялық тәжірибе-әдістемелік экспедициясының» баспасөз қызметі.

Жер асты дүмпулерін Төтенше жағдайлар министрлігі «СОМЭ» ЖШС-нің сейсмикалық стансалар желісі 3 қыркүйекте Астана уақытымен сағат 22:36-да тіркеген.

«Жер сілкінісінің эпицентрі Алматыдан батысқа қарай 2263 шақырым жерде Каспий теңізінің акваториясында орналасқан. Жер сілкінісінің энергетикалық класы – 12,0. MPV магнитудасы – 5,0», делінген хабарламада.

АҚШ сауда министрлігінің сайты Қазақстанда фишингтік сайт ретінде анықталды. Соның салдарынан ресурс бұғатталды. Бұл туралы ҚР Мәдениет және ақпарат министрлігі хабарлады.

Бұл ретте ведомство сайтқа «Ресейге санкцияларды айналып өтуге көмектесу туралы» мақаланың жариялануына байланысты тыйым салынбағанын атап өтті.

Сайтты бұғаттаудың себептері қандай. Министрлікте ақпараттық алаң Қазақстан заңнамасы талаптарының сақталуына үнемі тексеріліп отыратыны айтылды.

Мәселен, 2023 жылғы 26 сәуірде 21 фишингтік ресурс бойынша, оның ішінде «bis.doc.gov» сайты да болды. Сайтқа қол жеткізуді шектеу туралы нұсқама жіберілді.

«Осылайша, бұқаралық ақпарат құралдарында және әлеуметтік медиада қол жетімділікті шектеудің себебі Ресейге санкцияларды айналып өтуге көмектесу туралы мақаланың жариялануы болды...

Қытайдың Түркиядағы Елшісі Лю Шаобин әлемде американдық долларды пайдаланудан бас тарту үрдісі күшейіп келе жатқанын айтты. Бұл туралы Лента ру сайты Aydınlık журналына сілтеме жасап хабарлады.

ҚХР Елшісі БРИКС-ке қатысушы елдер ұлттық валютада сауда жүргізуге ұмтылатынын атап өтті. Оның айтуынша, Америка Құрама Штаттары жаһандық аренада өз көшбасшылығын сақтау үшін біржақты шаралар қабылдауда.

«Доллар-АҚШ-тың әлемдік үстемдігінің құралы. Сондықтан долларды пайдаланудан бас тарту үрдісі күшейе түсуде», – деп атап өтті ол.

Дипломат ҚХР әлемдегі ең ірі экономикалардың рейтингінде екінші орында тұрғанын айтты. Ол қазіргі уақытта елде юаньмен есептеулерге көшу бар екенін мәлімдеді.

Бұрын американдық экономист...

АҚШ президенті Джо Байденнің әкімшілігі табиғи газды теміржолдармен тасымалдауға мүмкіндік беретін қаулыны тоқтатты, бұл апат қаупін азайтуға бағытталған, деп жазады Іnterfax.ru

Қаулы Дональд Трамп президенттік жылдары қабылданды.

Енді Көлік министрлігі оны «халықтың денсаулығы мен қауіпсіздігіне ықтимал қауіптерді немесе қоршаған ортаға зардаптарды болдырмау үшін»тоқтатты.

Пхукетте 18 жастағы Қазақстан азаматының денесі табылды. Бұл туралы Zakon.kz хабарлады.

Таиландтық құтқарушылар Пхукет аралында теңізден 18 жастағы азаматтың денесін тапты. Бастапқыда ресейлік дескен марқұм Қазақстан азаматы болып шықты, деп хабарлайды ТАСС.

Бұл туралы Пхукеттің туристік полициясы Facebook-те жазды.

Полиция жұма күні аралдың солтүстігіндегі Най Янг жағажай аймағында туристің жоғалып кеткені туралы жазған еді. Жергілікті билік оны ресейлік турист болуы мүмкін деп хабарлаған. Турист жоғалған күні бірден іздеу-құтқару шаралары қолға алынды, алайда қатты толқындар мен нөсер жаңбырға байланысты іздеу жұмыстары тоқтатылды.

Солтүстік Қазақстан облысында тамыз айында Питное көлі мен Есіл өзенінде тіркелген балықтардың қырылып қалуының себебі анықталды, деп хабарлайды ҚазАқпарат.

Экология департаментінің мәліметінше, Жамбыл ауданы Миролюбово ауылының маңындағы Питное көлінде балықтың ішінара өлуі өсімдік шіріген кезде пайда болатын күкіртсутектің жиналуына байланысты болған.

Сергеев су қоймасының жанындағы Есіл өзеніндегі балықтар суда еріген оттегінің азаюынан өлген. Бұл ауа мен судың жоғары температурасына байланысты болды.

Ведомствоаралық жұмыс тобының отырысында Жамбыл және Шал ақын ауданының әкімдігіне су айдындарына тұрақты мониторинг жүргізу ұсынылды.

Питное көлінде су қоймасының гидрохимиялық режимін жақсарту үшін артық өсімдіктерді шабу және аэрация бойынша мелиорациялық жұмыстар қажет. Балық шаруашылығы мелиорациясы мүмкін...

Бенгал шығанағындағы ұлттық ғарыш айлағынан Лагранж L1 нүктесіне бағыт алған автоматты станса сәтті ұшырылды. Бұл туралы ҚазАқпарат  хабарлады.

Үндістанның ғарыштық зерттеулер ұйымы автоматты күн стансасын Жер орбитасына сәтті шығарды.

Ұшыру Бенгал шығанағындағы Шрихарикота аралындағы ғарыш айлағынан жүзеге асты.

Станса біраз уақыт Жерді айналы жүреді, содан кейін Лагранж L1 нүктесіне төрт айлық сапарға шығады. Бұл нүктеде Жер мен Күннің тартылыс күші тең саналады.

Бұл – Күнді зерттейтін алғашқы үнді миссиясы. Оның міндеті – электромагниттік өрістер, бөлшектер мен магнит өрісі детекторларын пайдалана отырып, хромосфера мен Күн тәжін зерттеу.

Мұның алдында үндінің «Викрам» аппараты Ай бетіне сәтті қонған болатын.

«ҚазМұнайГаз» ҰК АҚ (ҚМГ) Басқарма Төрағасы Мағзұм Мырзағалиев Маңғыстау облысына жұмыс сапары барысында «Caspi Bitum» БК ЖШС басшылығымен кеңес өткізді. Жиында зауыт қуатын жылына 1,5 млн тоннаға дейін арттыру жобасы талқыланды.

Мемлекет басшысы Қасым-Жомарт Тоқаевтың битум өндірісін ұлғайту жөніндегі тапсырмасын орындау барысы ҚМГ басшысының жіті бақылауында. Өткен айда М.Мырзағалиев зауыт басшылығымен өткізген жиын барысында жобаны іске асыру бойынша нақты тапсырма берген болатын. Бүгін ҚМГ басшысы атқарылған жұмыс жөнінде есеп тыңдады.

Қазіргі уақытта Нанкин мұнай-химия жобалау институты (NJPEC) техникалық аудитті аяқтап, егжей-тегжейлі жұмыс кестесін жасақтады және кәсіпорынды жаңғырту нұсқаларын ұсынды.

Бұдан бөлек, Қытай тарапының келісімі бойынша мердігер ұйым таңдалып, жобаны қаржыландыру...

Ермек Боранбайұлы Маржықпаев Туризм және спорт министрі болып тағайындалды. Бұл туралы Ақорда баспасөз қызметі хабарлады.

Ол Ақмола облысының әкімі лауазымынан босатылды.

«Мемлекет басшысының Жарлығымен Ермек Боранбайұлы Маржықпаев Қазақстан Республикасының Туризм және спорт министрі болып тағайындалды, ол бұрынғы атқарған лауазымынан босатылды»,-деп хабарлады Ақорда ресми сайты.

Ермек Боранбайұлы 1969 жылы туған, Целиноград қаласының тумасы.

С.Сейфуллин атындағы Ақмола мемлекеттiк педагогикалық институтын (тарих мұғалiмi), «Тұран» университетiн (заңгер), Көкшетау университетiн (қаржы бакалавры) бiтiрген.

Еңбек жолын 1991 жылы Астанадағы № 29 ОМ дене шынықтыру мұғалiмi, бокстан жаттықтырушы болып бастады.

1992-1993 жылдары — Ақмола облысы, Щучинск ауданы, Бурабай кентi...

ҚР Премьер-Министрі Әлихан Смайыловтың төрағалығымен өткен Үкімет отырысында Мемлекет басшысының «Әділетті Қазақстанның экономикалық бағдары» Жолдауын іске асыру жөніндегі шаралар қаралды. Бұл туралы Үкімет баспасөз қызметі хабарлады.

Президент Жолдауына сәйкес, Қазақстанның экономикалық дамуының жаңа парадигмасы еліміздің бәсекелік артықшылықтарын тиімді пайдалануға және өндіріс саласындағы еңбек, капитал, ресурстар, технология сияқты негізгі факторлардың әлеуетін барынша ашуға негізделеді.

«Осылайша, Үкімет экономиканың басым секторларын дамытуға ден қоюы қажет. Бұл, бірінші кезекте, терең өңделген тауарлар шығару, көлік-логистика әлеуетін толық ашу, туристік кластерді дамыту және агроөнеркәсіптік кешен резервтерін пайдалану», — деп атап өтті Әлихан Смайылов.

Ұлттық экономика министрі Әлібек Қуантыров экономикалық саясатты...