Жаңалықтар

Фото: kursiv.media

2023 жылғы 1 мамырдан «Дипломмен – ауылға» бағдарламасының қатысушылары несиелерін Отбасы банк арқылы өтейтін болады. Бұл туралы банктің баспасөз қызметі хабарлайды.

Сондықтан қазір «Дипломмен – ауылға» жобасының қатысушыларына, банктің клиенті болып үлгеру маңызды. Егер банктер шот ашып үлгермесе, заемды уақытында өтеу мүмкін болмай және несие бойынша төлемді кешіктіру қаупі туындайды.

Банк клиенті болудың бірнеше жолы бар:

Банк клиенті атанған қазақстандықтарға несие шарттары бойынша еш...

Фото: kursiv.media

Өңірлік квота қандастарды Ақмола, Шығыс Қазақстан, Батыс Қазақстан, Қостанай, Павлодар және Солтүстік Қазақстан және Абай облыстарын қоныстандыру үшін бөлінеді.

«Қандастарды қабылдаудың өңірлік квотасына енгізу» мемлекеттік қызметті eGov.kz электрондық үкімет порталы мен eGov mobile мобильді қосымшасынан алуға болады. Қызмет қандастар мен қоныс аударушыларды қабылдауға квота беруді көздейді. Бұл туралы Ұлттық ақпараттық технологиялар қызметі хабарлайды.

Бұл ретте өңірлік квотаға кірген қандастарға субсидиялар яғни, отбасының әрбір мүшесіне 70 айлық есептік көрсеткіш (1 АЕК -3 450 теңге) біржолғы төлем және 12 айға жалдау және коммуналдық қызметтерді төлеу шығындарын жабуға (бір отбасына 15-тен 30 АЕК-ке дейінгі мөлшерде) мемлекеттік қолдау көсетіледі.

  Сонымен...

Интернет сапасын арттыру үшін елімізде 5 жыл ішінде 560 млрд теңге жұмсайды. Бұл туралы премьер-министр Әлихан Смайылов Үкімет отырысында мәлімдеді.

«Өкінішке орай, бұл салада жүйелі жұмыстарды көре алмай отырмыз. Биыл жылдың басынан бері Үкіметке байланыс және ақпараттандыру мәселелері бойынша азаматтардан 5 мыңға жуық өтініш пен шағым келіп түсті. Олардың басым бөлігі Интернеттің жылдамдығы мен сапасына қатысты. Сонымен қатар елді-мекендерде, тіпті ірі қалалардың өзінде мобильді интернет жоқ немесе сапасы нашар», – деді Әлихан Смайылов.

Айтуынша, мұндай шағым әсіресе Алматы мен Астанада көп.

«Мобильді Интернетке қызмет көрсету байланыс операторларының міндеттемелеріне неге кірмейтін...

Фото: shutterstock.com

АҚШ-тың Dow Jones Industrial Average және S&P 500 индекстері дүйсенбі күнгі сауда-саттықта жоғары көтерілсе, Nasdaq Composite технологиялық компаниялардың акциялары арзандауы салдарынан төмендеді.

Dow Jones Industrial саудада 0,2% өсіп, 33 875,4 тармаққа жетті. Ал Standard & Poor’s 500 3,52 пунктке (0,09%) – 4137,04 тармаққа дейін өсті.

Nasdaq Composite 35,25 ұпай (0,29%) жоғалтып, 12 037,2 тармаққа жетті.

Трейдерлер осы аптада Федералды резерв жүйесінің (ФРЖ) болашақ саясатына әсер етуі мүмкін бірқатар маңызды статистикалық мәліметтер жарияланады деп күтіп отыр. Атап айтқанда, бейсенбі күні АҚШ Сауда министрлігі І тоқсандағы жалпы ішкі өнім динамикасы туралы алдын ала мәліметтерін жариялайды.

АҚШ экономикасыны...

Үкімет Қаулысымен «Самұрық-Қазына» ұлттық әл-ауқат қоры» акционерлік қоғамына бюджеттік кредит берудің негізгі шарттары бекітілді.

Несие беру шартына сәйкес, бұл несие бюджеттік кредит. Ол:

«2023 – 2025 жылдарға арналған республикалық бюджет туралы» Қазақстан Республикасының Заңында көзделген 050 «Ұлттық экономиканың бәсекеге қабілеттілігі мен орнықтылығын қамтамасыз ету үшін «Самұрық-Қазына» ұлттық әл-ауқат қоры» АҚ-ға кредит беру» бюджеттік бағдарламасы бойынша 162 600 000 000 (жүз алпыс екі миллиард алты жүз миллион) теңге сомасында беріледі, делінген құжатта.

Бюджеттік кредиттің сыйақы мөлшерлемесі 0,05 %, мерзімі 30 жыл. Несие теңгемен беріледі және қайтарылуы шарт. Кредиттің барлық сомасы «Самұрық-Қазына» қорының шотына біржолғы аударым арқылы жүзеге асырылады

Ұлттық банк өкілдерінің пайымдауынша, Covid-19 пандемиясының теріс салдары, логистикалық тізбектегі үзілістер мен шектеулі ұсыныс аясында кейіннен орын алған фискалдық және монетарлық ынталандыру инфляцияның жеделдеуіне әкелді. Бұл туралы төрағаның орынбасары Ақылжан Баймағамбетов «Ақша-кредит саясатының стратегиялық мәселелері. Жаңа экономикалық сын-қатерлер» атты ІІІ ғылыми-тәжірибелік конференциясында мәлім етті.
Оның дерегінше, 2022 жылы геосаяси тәуекелдің басталуы онсыз да шиеленісті экономикалық жағдайды ушықтырды және даму дәрежесіне қарамастан, барлық елде инфляцияның рекордты көтерілуіне себеп болған
Сонымен қатар проциклдік фискалдық саясат, экономиканың теңгерімсіз құрылымы кезінде эмиссиялық қаржыландыру түріндегі ішкі проинфляциялық факторлар инфляцияның рекордты жеделдеуіне қолайлы негіз болғаны да айтылды.

«Соңғы жылдары біз жоғары құбылмалылық пен...

Биыл Астана, Алматы, Шымкент және кейбір облыс орталықтарында 5G енгізіледі. Бұл туралы цифрлық даму, инновациялар және аэроғарыш өнеркәсібі министрі Бағдат Мусин хабарлады.

«2023 жылы Астана, Алматы, Шымкент және кейбір облыс орталықтарында ұялы байланыстын жаңа буыны – 5G енгізу мен дамытуды жоспарлап отырмыз. 2027 жылға қарай әрбір республикалық маңызы бар қаланы қамту 75%, ал облыс орталықтарын қамту 60%-ды құрайды», – деді Мусин Үкімет отырысында.

Министрдің айтуынша, 5G интернетке жоғары жылдамдықпен қол жеткізуді қамтамасыз етеді. Бұл цифрлық экономиканың дамуын жеделдетуге және заманауи технологиялық компаниялардың жұмысын жақсартуға мүмкіндік береді.
5G арқылы қалалардағы 170 мыңнан аса үйде аса жылдам...

4 ірі банк редакция сауалына жауап берді.

Күйзеліске күйремейтін банк жүйесін қалыптастыру оңайға түспейді. Қаржы жүйесі аса берік делінетін АҚШ-тың өзінде ірі банктер банкрот атанып жатыр. Экономикасы тұрақсыз, кез келген жеңіл әсерге бордай езілуі мүмкін біздің елде банк секторының тұрақтылығы аса маңызды. Өйткені бизнесті былай қойғанда, Қазақстандағы 8 миллионға жуық жеке тұлғаның тіршілігі тікелей банктерге байланысты болып тұр. Осы орайда отандық екінші деңгейлі банктерге хабарласып, олардағы стрестік активті азайту мәселесіне тоқталып, ықтимал дүлей-дауылдарға қаншалықты төзімді екенін сұрап білдік.

Сұрау жіберілген банктердің төртеуі ғана редакциямен байланысқа шықты.

«Банк ЦентрКредит» проблемалық активтерді коллекторлық агенттіктерге немесе проблемалық активтерд...

Фото: shutterstock.com

Маңғыстау облысында құны 1 млрд теңгеден асатын комбинат жергілікті атқарушы органның коммуналдық меншігіне қайтарылды. Бұл туралы облыстық прокуратура хабарлайды.

2019 жылы қатты тұрмыстық қалдықтарды қайта өңдеу және көму комбинаты «Тазалық-С» ЖШС сенімгерлік басқаруына  берілген.

Жаңаөзен қаласының прокуратурасы анықтағандай, ЖШС оған комбинатты беруге негіз болған міндеттемелерін орындамаған.

Атап айтқанда, комбинат арнайы техникамен  қамтамасыз етілмеген, қатты-тұрмыстық қалдықтарды қайта өңдеу өндірісі кеңейтілмеген, полимерлі құбырлар өндірісі іске асырылмаған.

Прокуратураның қадағалау актісі бойынша Жаңаөзен қаласының әкімдігі мамандандырылған ауданаралық экономикалық сотына сенімгерлік шартты тоқтата тұру туралы талап арыз беріп, ол толығымен қанағаттандырылған.

Апелляциялық сатыда да сот шешімі өзгеріссіз қалдырылды.

Мұнай-газ саласында жұмыс істейтін ірі компания осыдан бірнеше жыл бұрын жеке меншікке сатылған. Тексере келе бұл активтің жекенің қолына төмен бағада өтіп кеткені анықталған, деп хабарлайды Үкіметтің баспасөз қызметі.

Экономиканы демонополизациялау жөніндегі комиссия отырысында мұнай-газ саласындағы маңызды инфрақұрылымдық объектілерді жеке меншікке берудің заңдылығы талқыланған.

Отырыста Әлихан Смайылов мемлекеттік органдарға осы мәселені Қазақстан Республикасының қолданыстағы заңнамасы аясында пысықтауды тапсырды.

Демонополизация жөніндегі комиссияның бұған дейінгі отырысында Астана қаласындағы ақылы тұрақтар мәселесі талқыланған еді.

Жалпы, ел үкіметі экономиканың негізгі секторларын жедел демонополизациялауға мүдделі.

БҰҰ өз қызметкерлерін Суданнан уақытша эвакуациялады. Бұл туралы дүйсенбіде Судандағы (БҰҰ) ОНН миссиясының сайтында хабарланды.

«Бүгін БҰҰ қызметкерлері қашықтан жұмыс істейтін көрші елдерге эвакуацияланды», – делінген хабарламада.

БҰҰ-ның Суданда барлығы 877 шетелдік қызметкері және 3,2 мыңнан астам жергілікті қызметкері бар.

БҰҰ Бас хатшысы Антонио Гутерриш дүйсенбіде БҰҰ Қауіпсіздік кеңесінің отырысында сөйлеген сөзінде Судандағы қақтығыс елдің шекарасынан шығуы мүмкін екенін ескертті.

«Судандағы қақтығыс бүкіл аймаққа немесе тіпті одан тыс жерлерге таралуы мүмкін», – деді Гутерриш.

Осы уақытта бүкіл әлемдегі елдер Суданнан адамдарды эвакуациялауды жалғастыруда. Associated Press хабарлауынша, Германия елден Иорданияға 311 адамды алып кеткен. Олардың арасында неміс азаматтарынан басқа Австралия...

Ұлыбританиядағы инфляция Батыс Еуропадағы ең жоғарғы деңгейге жетті. Елде азық-түлік бағасы аспандап тұр. Бұл туралы Хабар 24 хабарлады.

Қымбатшылықты ауыздықтау үшін Англия банкі кезекті рет проценттік мөлшерлемені көтереді- деген болжам бар.

Қымбатшылыққа Ұлыбританияның табиғи газға тәуелділігі себеп. Елде жарық пен көгілдір отынның бағасы ұшып тұр.

Өткен жылдың қазан айында елдегі инфляция деңгейі 41 жылда болмаған максимумға жетіп, 11,1 процентті құрады. Бұл жалақысы баяу өсіп жатқан халықтың сатып алу қабілетін төмендетіп тастады. Ұлыбритания үкіметі қанша тырысқанымен жағдай оңалмай тұр.

Ұлыбритания премьер-министрі Риши Сунак жылдың соңына дейін инфляция деңгейін екі есеге дейін азайтып, 5 процентке жеткізуге уәде беріп отыр...

Қасым-Жомарт Тоқаев Қазақстан халқы Ассамблеясы Төрағасының жаңадан тағайындалған орынбасарлары Акбаржон Исмаилов пен Аурика Дякты құттықтап, олардың мол тәжірибесі жаңа жауапты қызметті атқаруға септігін тигізетініне сенім білдірді. Бұл туралы Ақорда баспасөз қызметі хабарлады.

Президентке ҚХА Төрағасының орынбасары – Хатшылық меңгерушісі Марат Әзілханов Ассамблеяның алдағы XXXII сессиясына дайындық барысы жөнінде есеп берді.

Қасым-Жомарт Тоқаев бірлік пен тұрақтылық қоғам өмірінің барлық саласында жүргізіліп жатқан кешенді реформалардың табысты болуының басты шарты екенін атап өтті. Мемлекет басшысының айтуынша, Ассамблея бұл міндетті жүзеге асыруда айрықша рөл атқарады.

Президент барлық этникалық топ өкілдері арасында өзара түсіністікті нығайту және Қазақстан халқын одан әрі ұйыстыру үшін жаңа тәсілдер мен...

Freedom Holding Corp Choco холдингінен біріккен Aviata/Chocotravel компаниясының 100% үлесін сатып алатынын хабарлайды. Келісім жыл соңына дейін аяқталады деп жоспарланып отыр. Келісімнің жалпы сомасы – $32,3 млн.

«Біз клиенттеріміз үшін толыққанды цифрлық сервистер экожүйесін құрып жатырмыз, сондықтан Aviata мен Chocotravel сервистерін сатып алу – компаниялар тобының дамуына жұмсалған логикалық салым. Аталған интеграция халықтың экономикалық белсенді санаты саналатын Қазақстандағы миллионнан астам әуежолаушымен өзара ықпалдастық құруға жол ашады. Холдинг сервистердің тұрақты клиенттерімен тиімді коммуникация құра отырып, айтарлықтай синергияға қол жеткізуге ниетті. Атап айтқанда, банк платформасына жаңа клиенттерді тарту, Aviata мен Chocotravel жұмысын төлем жүйелерімен және топтың сақтандыру ұйымдарымен...

Сауда-саттық қорытындысы бойынша 21 сәуірде теңгенің нарықтық бағамы бір аптада 1,7%-ға (450,25 теңгеден) әлсіреп, бір АҚШ доллары үшін 457,68 теңге деңгейінде қалыптасты. Бұл туралы Ұлттық Банк баспасөз қызметі хабарлады.

2023 жылғы  14 – 21 сәуір аралығындағы кезеңде сыртқы валюта нарығында бірқатар маңызды оқиға орын алды. Атап айтқанда, Еуроаймақтағы инфляция 6,9%-ға дейін ж/ж бәсеңдеді, бұл – 2022 жылғы ақпаннан бергі ең төменгі қарқын. 2023 жылғы 1-тоқсанның қорытындысы бойынша ҚХР-дағы ЖІӨ талдаушылардың күткенінен асып түсіп, 4,5%-ға ж/ж ұлғайды. АҚШ-тағы іскерлік белсенділік көрсеткіші сәуірде 53,5 тармаққа дейін едәуір өсіп, инфляциялық қысымның қайта орын алатыны жөнінде қауіп туғызды.

Бұл факторлар көбінесе дамушы нарықтар...

Шетелдегі әскери соғысқа қатысқандар Қазақстанға оралғанда сотталады. Бұл туралы Сыртқы істер министрлігінің ресми өкілі Айбек Смадияров мәлімдеді.

«Қазақстан азаматы өз еркімен ЧВК «Вагнер» қатарына қосылған. Олардың қатарына қосылуға ниет танытқандарға 5 жылдан 9 жылға дейін бас бостандығынан айыру жазасы қарастырылғанын ескертеміз. Олар ойлағандай ол жерде романтика жоқ. Бұл біздің соғыс емес. Сақ болыңыздар. Жақындарыңызды ойладыңыздар», – деді Айбек Смадияров.

Осыған байланысты СІМ ресми өкілі қазақстандықтарға ескерту жасады.

«Бәріміз ересек адамбыз. Бұл жігіт те кәмелет жасына толған. Біз оларға көмектесіп жатырмыз, оның ата-анасымен байланыстамыз. Барлық тиісті сұрақ Ресей Федерациясының құзыретті органдарына жіберілд...

Ұлттық қауіпсіздік комитетінің бұрынғы төрағасына үкім шығарылды, ол 18 жылға бас бостандығынан айырылды.
Астана қаласының қылмыстық істер жөніндегі мамандандырылған ауданаралық сотында Кәрім Мәсімовке (ҚР ҰҚК бұрынғы төрағасы), А.Садықұловқа, Д.Ерғожинге, М.Осиповқа (ҚР ҰҚК төрағасының бұрынғы орынбасарлары) қатысты қылмыстық іс бойынша үкім олардың қатысуымен жарияланды. Сот істі «өте құпия» деген белгімен қарады. Бұл туралы Астана қаласы мамандандырылған қылмыстық істер жөніндегі соты хабарлады.

Тергеу айыптауы

Кәрім Мәсімов пен А.Садықұлов мемлекетке опасыздық жасады (ҚК 175-бабының 1-бөлігі), ҚР-да билікті күшпен басып алды (ҚК 179-бабының 3-бөлігі) және билік пен лауазымдық өкілеттіктерді асыра пайдаланды (ҚК 362-бабының 4-бөлігі 3-тармағы) деп айыпталды. Д.Ерғожинге ҚР-да билікті күшпен басып алды, (ҚК...

 Өткен аптада Президенттің қатысуымен еліміздің әлеуметтік-экономикалық даму мәселелері жөніндегі кеңейтілген кеңес өтті. Сол жиында Премьер- министр Әлихан  Смайылов елімізде соңғы уақытта бағаның өсу қарқыны біршама азайғанын айтып өтті. Сонымен қатар Үкімет басшысы экономикалық өсім 4,9% деп мәлімдеді.

Алайда, Үкімет басшысының жоғарыда келтірген деректерін саралаған сарапшылар қауымы қуануға әлі ерте деген пікірде. Мәселен, экономист Асылхан Андашев,  Смайылов атап өткен инфляцияның баяулағаны азық-түлік бағалары арзандады деген сөз емес. Ал, экономикадағы төрт пайыздық өсімді бар болғаны орташа деп бағалаған жөн деген пікірде.

«Әлихан Смайыловтың елде инфляция өсімі баяулағандығы жайлы хабарламасы бойынша айтарым; инфляция, расымен де, өсу...

«QazaqGaz» ҰК» АҚ басқарма төрағасы Санжар Жаркешов CNPC компаниясының Пекинде (ҚХР) орналасқан бас кеңсесіне барды. Кездесуге CNPC, TapLine және PetroChina International компанияларының басшылары да қатысты. Бұл туралы «QazaqGaz» ҰК» АҚ баспасөз қызметі хабарлады.

Тараптар келесі бағыттар бойынша серіктестік орнату мүмкіндігін талқылады:

•          Қазақстандағы газ активтерін геологиялық барлау;

•          «Бейнеу-Бозой-Шымкент» магистральды газ құбырының екінші тармағы;

•          Өңдеу қуаттылығы жылына 4 млрд текше метрді құрайтын Қашағандағы екінші газ өңдеу зауытының құрылысы;

•          Қытайға газ экспорты мәселесі.

Санжар Жаркешов серіктестерге ұзақ жылдар бойы бірлескен ынтамақтастық үшін алғыс білдірді.

«QazaqGaz және CNPC – соңғы жылдары елімізде көптеген мегажобаларды іске...

«Қазпошта» АҚ «Қорғас» ШЫХО аумағында бонд қоймасын ашады. Қойма Еуропалық Одақ пен Орталық Азия елдеріне халықаралық пошта жөнелтілімдерін қабылдап, транзитпен жібере алады.

Қазақстандық бондтың қызметтері елдер арасындағы тауар айналымын ұлғайтады және тауарларды ЕО және ОА елдеріне жеткізу жылдамдығын едәуір қысқартады. Айта кетейік, Еуропа елдеріне авиа жеткізу мерзімі 2-3 күнге дейін, автомобиль көлігімен жеткізу мерзімі 7-12 күнге дейін қысқарады.

«Қазпошта логистикалық инфрақұрылымды дамытуды және жетілдіруді жалғастыра береді. «Қорғас» ШЫХО-да ашылатын бонд қоймасы Сингапур мен Дубайдың үлгісі бойынша жұмыс істейтін болады. Осындай алаңның ашылуының арқасында біз Қазақстанның транзиттік әлеуетін дамытып, инвестиция тарту үшін қолайлы жағдай жасаймыз, нәтижесінде...

Бұл туралы Жаңаөзен әкімдігіндегі кездесу барысында «ӨзенМұнайГаз» АҚ басшысы Нұрдәулет Игілікұлы мәлім етті. Маңғыстау облысы Қоғамдық коммуникация орталығының мәліметінше, мұнай компанияларының басшылары жергілікті әкімдікпен кездесіп, жұмыссыздық мәселесін талқылады.

Ақпаратқа сәйкес, жергілікті тұрғындардың мұнай өнеркәсібіне жұмысқа орналасу мәселесі 2019-жылдан бері көтеріліп келеді. Сондықтан «ӨзенМұнайГаз» АҚ және Жаңаөзен қаласы әкімдігі бірлесе құрған алгоритмге сәйкес «ӨЗЕНИНВЕСТ» ЖШС, «Тазасу» ЖШС, «БН» ЖШС, «ӨзенМұнайГаз» АҚ компаниялары бүгінге дейін 4000-ға жуық азаматты жұмыспен қамтыған. Ал, сирек қолданыстағы мамандық бойынша 146 адам қызмет етіп жүр.

Алайда, Жаңаөзен қалалық жұмыспен қамту орталығының басшысы Ұлбазар Орынбаеваның айтуынша, алгоритмге сәйкес әлі де 9996 адам жұмысқа орналасуға кезекте тұр. Оны...

Мемлекет басшысы Қасым-Жомарт Тоқаев Отан қорғаушы күні мен Жеңіс күніне арналған бірқатар іс-шараға қатысады. Бұл туралы Ақорданың телеграмм арнасы хабарлады.

«Президент – Қарулы Күштердің Жоғарғы Бас қолбасшысы 5 мамырда Бүкілармиялық кеңес өткізеді, ал 9 мамырда Астанада Ұлы Отан соғысында қаза тапқан боздақтардың рухына тағзым етеді деп жоспарланып отыр» делінген хабарламада.

Алматы қаласы Қала құрылысы басқармасы тағы бір тұрғын үй кешенінен пәтер алуға кеңес берілмейтінін ескертеді.

Қала құрылысын бақылау басқармасының мамандары заңсыз салынып жатқан тұрғын үйдің пәтерін сату туралы хабарландырудың жарияланғанын анықтады. Жаңа пәтер Шашкин, 42/1 көшесінде орналасқан Maison ТҮК-де болып шықты, делінген хабарламада.

Ақпаратқа сәйкес, бұл жер телімінің нысаналы мақсаты жерасты автотұрағы бар әкімшілік ғимарат салу және пайдалану екен, ал сәулет-жоспарлау тапсырмасы медициналық пункт салуға алынған.

Қала құрылысын бақылау басқармасы құрылысты тоқтату тұру үшін сотқа талап арыз берді. Экономикалық тергеу департаменті мен Мемлекеттік кірістер департаментіне шара қолдану үшін хат жолданды.

Қаржы мониторингі агенттігінің Қостанай облысы бойынша департаментінің қызметкерлері Ресейден автомобиль көлігімен астықтың «сұр» импортымен айналысатын адамдар тобының қылмыстық әрекетін әшкереледі. Бұл туралы агенттіктің баспасөз қызметінен хабарлады.

Ол азаматтар 2021-2022 жылдар кезеңінде Өзбекстан Республикасына 500 млн теңгеден астам сомаға 4,8 мың тонна көлемінде ресейлік астықты экспорттаған.

«Бұл ретте, аталған астықты экспорттау кезінде халықаралық транзиттік тарифті төлеуден жалтару мақсатында, оны қазақстандық тауар ретінде отандық шаруа қожалықтарының жалған шот-фактураларын пайдаланып, ол 88 млн теңге мөлшерінде транзиттік тарифтен жалтаруға мүмкіндік берген. Сотқа дейінгі тергеу жалғасуда» делінген хабарламада

ҚР Конституциясының 77-бабының 3-тармағының 1-тармақшасына және ҚР...