Алматыда рулі оң жақтан солға ауыстырылған армениялық алғашқы көлік тіркелді
Алматыда Қарағанды қаласының тұрғыны Армениядан әкелінген көлікті тіркеді, оның рульі бұған дейін оңнан солға ауыстырылған, – деп хабарлайды Polisia.kz.
«Қарағанды қаласының тұрғыны Арнайы ХҚКО-да «Жолда қабылдау» науқаны кезінде келіп, бұрын оң жақ рульді басқарған өзінің минивэнін тіркеу шарттарымен танысты. Оған ұсыныстар айтылды, нәтижесінде ер адам сынақ зертханасына жүгінді. Сәйкестікке сараптама жүргізілгеннен кейін автокөлік иесіне сынақ хаттамасы жасалды, осы құжат негізінде бүгін Қарағанды азаматының автокөлігі ресми түрде тіркелді және нәтижесінде сары фонда мемлекеттік тіркеу нөмірі мен техникалық паспорт берілді. Айтпақшы, бұл ресми тіркеуден өткен, қайта жабдықталған рульдік жүйесі бар алғашқы көлік құралы», – деді Алматы қалалық Полиция департаменті әкімшілік Полиция басқармасы бастығының орынбасары Нұрлан Аманбек.
