Жаңалықтар

Өнеркәсіп және құрылыс министрлігі сирек металл, соның ішінде вольфрам, молибден және литий қоры бар 100-ден астам кен орнын анықтады. Бұл туралы Өнеркәсіп министрлігі Хабар24-ке сілтеме жасап хабарлады. Алдағы жылдары литий мен басқа да сирек металдарға сұраныс екі есе артады деп болжануда. Бұл олардың стратегиялық маңызын айтарлықтай арттырып, бағаның өсуіне әкелуі мүмкін.

«Сирек металдар мұнайдың алдын орайтын күн жақын. Сарапшылардың болжамына сүйенсек, алдағы 2-3 жылда литийге әлемдегі сұраныс екі есе өседі. Ал кобальт металы 70%-ға қымбаттауы мүмкін. Сондықтан қазіргі кезде сирек металдар – «жаңа дәуірдің мұнайы», – делінген телеарна сайтында.

Президент тапсырмасы аясында 2026 жылға дейін...

Әлеуметтік желілерде ХҚКО сайты мен eGov Mobile мобильдік қосымшасы істен шыққаны жөнінде ақпарат тараған. Цифрлық даму, инновациялар және аэроғарыш өнеркәсібі министрлігі мессенджерлерде жіберілген хабарламаның шындыққа сәйкес келмейтінін мәлімдеді.

«Электрондық үкімет порталы және eGov Mobile мобильді қосымшасы қалыпты жағдайда жұмыс істейді. Үшінші тұлғалар портал мен мобильді қосымша пайдаланушыларының деректеріне қол жеткізе алмайды. Жалған хабарламаларға жауап бермеуді және тексерілмеген ақпаратты жібермеуді сұраймыз», – деп ескертті Цифрлық даму министрлігі.

Ведомство  eGov.kz және nitec.kz сайттарында жарияланған ақпараттарға сенуге шақырды. Электронды үкімет порталы мен eGov Mobile жұмысы туралы 1414 телефон нөмірінен сұрауға...

11 қазанда Берік Әбдіғалиұлы Қазақстан Республикасы Ұлттық музейі директорының міндетін уақытша атқарушы қызметіне тағайындалды. Бұл жөнінде Ұлттық музейдің баспасөз қызметі хабарлады.

ҚР Мәдениет және ақпарат министрінің міндетін атқарушы Айзада Құрманова музейге арнайы келіп, Берік Әбдіғалиұлын музей ұжымына таныстырды.

9 қазан күні Президент Қасым-Жомарт Тоқаев Ұлытау әкімі Берік Әбдіғалиұлын қызметінен босатты. Әлеуметтік желілер мен ғаламторда шенеуніктің идеология жұмыстарын жақсы атқаратыны, қоғамдық, танымдық шараларды жиі ұйымдастыратыны туралы жиі жазылады. Бұған дейін Ұлттық музейде «Қасиетті Қазақстан» ғылыми-зерттеу орталығын басқарған.

Өмірбаяны:

Берік Әбдіғалиұлы 1971 жылы туған. 1994 жылы әл-Фараби атындағы Қазақ Ұлттық университетін «Тарих және қоғамтану оқытушысы» мамандығы бойынша тәмамдаған.

Әр жылдары Президент жанындағы Қазақстанның стратегиялық зерттеулер институтында...

Астана қаласындағы жасөспірімдердің жаппай төбелесінен кейін, құқық қорғау және білім саласы органдары өкілдері мектеп және колледжерде түсіндірме жұмысын жүргізді.

Оқушыларға бақылаушы органның қызметкері қылмыстық оқиғаның салдары жөнінде ескертті.

«Сіздер, бәлкім, жасөспірімдер жиналып, жаппай төбелесуге тырысқандары туралы естіген боларсыздар. Оған қатысушылармен полиция бірнеше күн бойы жұмыс істеп жатыр. Жауапкершіліктен ешкім құтыла алмайды, бәрі есепке алынып, мектептен шығарылып, кәмелетке толмағандар жөніндегі комиссияда қаралады, «ерекше көзге түскендер» сотталады, ата-аналары да жауапқа тартылады», — деді ол Т. Бигелдинов атындағы №1 мектеп-лицейінде өткен жедел кеңесте.

Кейінгі жылдары 500-ден астам бала қылмыстық жауапкершілікке тартылған. Кейбірі түзету мекемелерінде жазасын өтеуде. Прокуратура қызметкер...

11 қазанда Солтүстік Қазақстан облысында қар жауып, боран соқты. Соған байланысты жауапты мекемелер сақтық амалын күшейтіп, тұрғындарға жолға шықпауды ескертуде.

«2024 жылғы 11 қазанда сағат 17:00-де Ақмола облысында ауа райының бұзылуына байланысты «Астана – Петропавл» автожолының (18-304 шақырым аралығы) Астана қаласынан Көкшетау қаласына дейінгі учаскесінде автокөліктің барлық түрінің қозғалысына шектеу қойылды», – деп хабарлаған еді «ҚазАвтоЖол» ҰК.

«ҚазАвтоЖол» одан кейін сағат 19:30-дан бастап Солтүстік Қазақстан облысының аумағында бірқатар автожол учаскесінде шектеу қойылғанын мәлімдеді.

Ақмола облысында жолдың жабылуына байланысты СҚО бойынша мына учаскелерде көлікпен жүру тыйым салынады:

Ақтөбе облысында балалар мен жасөспірімдер спорт мектептерінің басшылары 6 млрд теңгеден астам бюджет қаражатын талан-таражға салған. Бұл қаражатты өз қажеттілігіне қарай жаратып, букмекерлік кеңселерде бәс тігуге жұмсаған.

Кейінгі 3 жылда Ақтөбе облысында кәсіби клубтарды дамытуға бөлінетін қаражат екі есе көбейген. Спортшылардың республикалық және халықаралық жарыстарға дайындалуына және қатысуына бюджеттен 13 млрд теңгеден астам қаржы бөлінген.

Спорт алаңдары мен залдарды жалға алған әуесқой спорт командаларынан алынған қаражатты негізсіз жымқырғаны анықталды.

«Ақтөбе» футбол клубы командасын ұшақпен тасымалдауға көп ақша жұмсалған. Билеттерді бірнеше делдал арқылы сатып алу фактілері тіркелді. Әуе қызметі үшін 165 млн теңгеден астам жоғары бағамен төлем жасалынған.

Орын алған...

KEGOC электр желілерінің ұлттық операторы 2024 жылдың 6 айында тапқан таза пайдасының 64,5%-ын дивиденд ретінде төлейді. Бір акцияға төленетін дивиденд – 82,40 теңге. Жалпы 22 млрд теңге бөлінбек.

Компания акцонерлерінің кезектен тыс жиналысында кәсіпорынның қаржы есебі, таза пайданы бөлу тәртібі бекітілген.

«Акционерлер қоғамның есепті кезеңдегі қызметінің қорытындылары бойынша таза пайданың 64,5% немесе 22 млрд теңгені дивидендтерді төлеуге бағыттау туралы шешім шығарды. Осылайша, «KEGOC» АҚ бір қарапайым акциясына төленетін дивидендтің мөлшері 82,40 теңгені құрады», – делінген хабарламада.

Қарапайым акциялар бойынша дивиденд алуға құқылы акционерлер тізімі 28 қазанда тіркеліп, 1 қарашадан дивиденд төлене...

Қостанай облысында 50 мың тонна құс етін өндіретін құс фабрикасы салынады. Бұл туралы Ауыл шаруашылығы министрлігінің баспасөз қызметі хабарлады.

Осы ауқымды жобаны Canadian Chicken Ltd компаниясы қолға алып, іске асыра бастады. Фабрика құрылысы 2029 жылға дейін бірнеше кезең бойынша салынады. Инвестицияның жалпы көлемі – 55,4 млрд теңге. Құс фабрикасының қуаты – 50 мың тонна. Онда 500 жаңа жұмыс орны ашылады.

Қазіргі кезде бұл мақсатқа ауданы 300,5 гектар болатын жер телімі бөлінген. Егжей-тегжейлі бизнес-жоспар да әзір.

Бұл жерге MEYN, Pass Reform және BIG Dutchman секілді әлемдегі жетекші өнім өндірушілердің құрал-жабдықтары орнатылады.

«Жобаны іске асыруға Canagrotek компаниясының құс...

«Самұрық-Қазына» төрағасы құбырлар жарылып, бүтін бір қала халқын әуреге салған Екібастұз жылу электр орталығындағы апаттың себебін түсіндіріп берді. Нұрлан Жақыпов 2022 жылдың қарашасында орын алған ЖЭО-дағы апатқа оның бұрынғы иесі, яғни «Павлодарэнерго» компаниясының басшылары – Александр Клебанов пен Сергей Канды кінәлі деп санайды.

 «Техногендік апатқа ұшырадық. Квазимемлекеттік сектор бұл-жауапты менеджмент. Нәтижесінде Екібастұз ЖЭО «Самұрық-Энергоға»берілді. Компания жекеменшік иелікте болды, ал жекеменшік оны осындай күйге жеткізді. Бәлкім бұл тарифпен байланысты немесе басқа себеп болуы мүмкін. Мемлекет үлкен күш салғанның арқасында, жағдайды қалыпқа келтірді, ал қазір ЖЭО-ны біздің балансқа берді», – деп атап өтті Жақыпов.

Жақыпов қазіргі инфрақұрылымды...

Qarmet компаниясы (бұрынғы «АрселорМиттал Теміртау») Қытай банктерінен 1,3 млрд доллар қарыз алмақ. Бұл қаржыны өз инвестициялық бағдарламаларын жүзеге асыруға жұмсайды. Бұл туралы компания бас директорының қаржы және стратегиялық даму жөніндегі орынбасары Зәуре Зәуірбекова мәлімдеді.

«Жабдықтардың негізгі бөлігі көрші елден жеткізілетіндіктен, қазір Қытай банктерімен келіссөздер жүргізіп жатырмыз. Мәселен, кокс пешінің аккумуляторын жөндеу және қайта құру жобасына 460 млн доллар керек. Ал жабдықты ауыстыруға қажет қаржы 700-800 миллион долларға жетуі мүмкін», – деді Зәуірбекова жұма күнгі баспасөз мәслихатында.

Компания өкілі қазақстандық банктер және халықаралық даму институттарымен де келіссөз жүргізіліп жатқанын айтады. Еуразиялық даму банкі де Qarmet-т...

Қазақстанда әрбір бесінші ересек адам темекі шегеді. 2024 жылдың шілде айында Ұлттық статистика бюросы Қазақстандағы ересектер арасында жыл сайынғы темeкі тұтыну туралы зерттеу жүргізді. Зерттеу еліміздің барлық өңірін, оның ішінде Астана, Алматы және Шымкент сияқты ірі қалаларды қамтыды. Сауалнамаға 15 жастан асқан 11 824 үй шаруашылығының бір өкілі қатысты.

Зерттеу нәтижелері бойынша, елдегі тeмекі шегетін халықтың үлесі 20,7%-ды құрады. (2023 жылы – 19,4%). Ерлердің 39,8%-ы, ал әйелдердің 7,6%-ы темeкі шегеді. Ауылдық жерлерде темeкі шегетіндердің үлесі 22,3%-ды, қалалық жерлерде 20%-ды құрады. Темeкі шегушілердің ең көп үлесі Шығыс Қазақстан облысында тіркелген (27,6%). Тeмекі шегушілердің 83,7%-ы фабрикада өндірілген темекі өнімдерін пайдаланады.

Темeк...

Автосүйер қауым Tesla-ның жаңа көліктерін қызықтап жатқанда, инвесторлардың көңілін мұң шалды. Таныстырылымнан кейін электромобиль өндіретін америкалық компанияның акциялары құлдырады.

Tesla компаниясы жаңа техникаларын – екі орындық Cybercab таксиі мен көп орындық Robovan көліктерін таныстырғанын жазғанбыз. Осы жаңалықтан кейін Нью-Йорктегі таңғы саудада Tesla акциялары арзандады. Бұл таныстырылымға инвесторлардың көңілі толмағанын көрсетеді.

Дәлірек айтсақ, жұма, 11 қазанда алдын ала саудада Tesla акцияларының құны 6%-ға төмендеді. Баға бір сәтте 222,2 долларға дейін кеміді. Негізгі сауда кезінде акциялар 11 қыркүйектен бері мұншалықты арзан болмаған еді.

CNBC Tesla таныстырылымы инвесторларға айтарлықтай оң әсер етпегенін жазды. Piper Sandler сарапшылары «саудаға бағытталған көп компанияның» таныстырылымнан...

Lexus компаниясы жол талғамайтын LX көлігінің жаңа гибридті нұсқасын таныстырды.

LX 700h моделінде Toyota концернінің бірқатар америкалық үлгілерінен танымал i-Force Max гибридті жүйесі бейімделген. Бұл жүйе 3,5 литрлік V6 қозғалтқышы мен 10 жылдамдықты автомат қорабынан тұрады, ал олардың арасында электр қозғалтқышы орнатылған.

Гибридті жүйенің қуаты 464 ат күші және 790 Нм. LX 700h қуаты бензинмен жүретін LX 600 моделіне қарағанда шамамен 50 ат күшіне тең.

Электр қозғалтқышына қосылатын батареяның сыйымдылығы әлі жарияланбаған, бірақ жүксалғыштың астына орнатылып, су өткізбейтін корпуспен қапталған. Lexus көліктің электрификациясы оның жол талғамайтын қасиеттеріне әсер етпегенін айтады. Мысалы, LX 700h әлі де 700 мм...

QazaqGaz тарифтерін көтеруі мүмкін. «Самұрық-Қазына» АҚ басқарма төрағасы Нұрлан Жақыпов қор мемлекеттік органдармен QazaqGaz тарифтерін көтеру мәселесін талқылап жатқанын мәлімдеді. Дегенмен халықтың әлеуметтік осал топтары үшін газ арзандатылған бағамен сатылады.

«QazaqGaz газды халық пен бизнеске сатады. Газдың текше метрін 32 теңгеден алып, 23 теңгеден сатады. Яғни әрбір текше метрі үшін 10 теңгеге жуық шығынға ұшырайды. Әр мың текше метр газ үшін QazaqGaz 20 доллар жоғалтады. Сондай-ақ барлығына субсидия береді. Бірақ QazaqGaz-да қызмет көрсететін газ тасымалдау магистральдары бар.  Егер компания өзі шығынға ұшыраса, оның жабдықтарын жөндеу үшін ақша алатын жері  болмай қалады», – деді Жақыпов.

Жақыповтың сөзінше, бүгінде...

Үлкен табыс табу үшін ақшаны қайда салған дұрыс? Бұл сұраққа Ұлттық банк өкілдері жауап берді.

«Үлкен табыс табу үшін ақшаны қайда салу керек – алтын, акциялар, депозит, валюта, жылжымайтын мүлік пе?», – деп сұрады журналист.

Ұлттық банк төрағасының орынбасары Әлия Молдабекова ақшаны қандай валютада сақтау қажет екенін әркім өзі шешетінін айтты. Десе де ақшаны депозитте сақтауға кеңес берді. Ал акциялар мен облигацияларға ақша салу үшін біліктілік қажет болатынын айтады. Басқа маңызды салаларға инвестиция салу үшін білікті мамандарға жүгінуді ұсынды.

«Бұл адамның мақсатына байланысты. Көптеген қазақстандық жинақтарының бір бөлігін...

Қазақстандық саясаттанушы, саяси ғылымдар докторы Сайын Борбасов облыс және республикалық маңызы бар қала әкімдерінің қалай іріктелінетіні, Ақорда үміткерлердің қандай қасиеттеріне баса мән беретіні жайында айтып берді.

«Тоқаев облыс әкімдерін таңдаған кезде ең бірінші үміткердің іскерлік қабілетіне қарайды. Екіншіден, аймақты білетінін басшылыққа алады. Үшіншіден, президенттің жеке өзіне деген көзқарасын да ескереді. Төртіншіден, жемқорлыққа бұрын қатысы бар-жоғын таразылап, тазалығына баса назар аударады. Міндетті түрде осы төрт фактор есепке алынады», – дейді саясаттанушы.

Сайын Борбасовтың пікірінше, қазір әкімдікке жаңа тұлғалар келіп жатыр. Бұл – құптарлық жайт.

«Элита циркуляциясы болуы қажет. Циркуляция болмаса, қоғамда стагнация...

Мәскеу биржасы Қазақстан қор биржасындағы (KASE) 13,1% үлесінен арылды. Биржа MOEX-тің өз акционерлері құрамынан шыққанын хабарлады. Мәскеу қор биржасына тиесілі болған акцияларды енді ресейлік қос компания иеленеді.

«Бұдан басқа, KASE 2018 жылдың 10 қазанында биржалар қол қойған Стратегиялық ынтымақтастық туралы келісімге және онымен байланысты келісімдерге негізделген MOEX-пен өзара қарым-қатынастардың тоқтатылғаны туралы хабарлайды», – делінген қор хабарламасында.

MOEX өкілі Владимир Крекотень де KASE Директорлар кеңесінің құрамынан шыққан.

Акционерлердің жаңа тізіміне сәйкес, «Тетис Кэпитал» ЖШС-ға 8,5% үлесі тиесілі болса, «Баланс Эссет Менеджмент» компаниясы 4,6008% акциясын алған. «Тетис Кэпитал» ЖШС «Нигелла» инвестициялық қорын, ал екіншісі «Левкой» қорын басқарады...

2024 жылғы 10 қазанда Алматыда Jusan reborn аясында қосымшаның ауқымды таныстырылымы өтті. Іс-шара барысында мамандар бөлшек сауда клиенттеріне арналған бірнеше қызықты жаңа функциямен толыққан жаңартылған қосымшаны ұсынды.

«Біз UI және UX тұрғысынан мүлдем жаңа қосымшаны жинақтадық. Қолданушының іс-әрекетін айтарлықтай жеңілдетіп, мақсатты әрекетке жету үшін қажетті тетіктердің санын төрттен екіге дейін қысқарттық. Бізде үш түбегейлі жаңа өнім пайда болды, оған жарты жыл уақыт жұмсалды. Айта кету керек, Jusan қосымшасын қолданып жүрген адамдар оны әрі қарай жаңартылған нұсқада да пайдалануды жалғастырады. Яғни аудиториямызды жоғалтқан жоқпыз, ал бұл дегеніңіз – 1 миллионнан астам адам», – деп атап өтті Jusan...

Америкалық электромобиль өндіруші Tesla компаниясы бейсенбі күні екі орындық Cybercab таксиі мен көп орындық Robovan көлігін таныстырды.

Tesla басшысы Илон Масктың айтуынша, компанияда қазір 21 Cybercab көлігі бар, ал жалпы 50 автономды көлік Warner Bros. студиясындағы таныстыру рәсімінде көпшілік назарына ұсынылды. Cybercab – рульсіз және педальсіз, шағын әрі жайлы бөлмеге ұқсайтын көлік. Масктың сөзіне қарағанда, бұл көліктердің қауіпсіздігі адам жүргізетін машиналарға қарағанда 10 есе жоғары болмақ.

Сондай-ақ, 20 адамға дейін жолаушы немесе жүк тасымалдай алатын Robovan көлігі де осы рәсімде таныстырылды.

Илон Маск Cybercab көлігінің бағасы 30 мың доллардан төмен болатынын мәлімдеді. Компания бұл көлікті 2027 жылға...

Өмірді сақтандыратын қазақстандық компаниялар жыл басынан бері тек өндірісте жазатайым оқиғаға ұшыраған қызметкерлерге ғана емес, сондай-ақ зейнетке мерзімінен бұрын шыққысы келетін зиянды өндірістегі жұмыскерлердің барлығына төлем жасап келеді. Мұның бәрі зейнеталды аннуитет шеңберінде жүзеге асырылады. Жазатайым оқиғалардан міндетті сақтандыру (ЖОМС) келісімдеріне жаңа сақтандыру өнімі заңды түрде енгізілсе де, сақтандыру тарифтері көтерілген жоқ. Аталған өзгерістер салдарынан бұл топтың шығындылығы күрт өсті – 2023 жылғы 171%-дан 2024 жылдың сегіз айының өзінде 311%-ға жетті.

Қазақстанда қызметкерлерді өндірістегі жазатайым оқиғалардан сақтандыру міндетті саналады. Сақтандыру тарифі экономикалық қызмет түріне, кәсіби тәуекел класына және белгілі бір жұмыс берушінің өндірістегі жазатайым оқиғалар статистикасына байланысты қалыптасады. Мұнымен өмірд...

Қазақстан Үкіметі бюджет тапшылығын жабу үшін Ұлттық қордан 2 трлн теңге көлемінде нысаналы трансферт сұратқан. Бұл жайлы Ұлттық банк төрағасы Тимур Сүлейменов баспасөз мәслихатында мәлімдеді.

«Қосымша трнасферттер жөнінде айтар болсақ, Үкімет 2 трлн теңге көлемінде нысаналы трансферт сұратып отыр», – деп мәлімдеді банк басшысы.

Банк төрағасы сонымен бірге бюджеттік ережеге сәйкес, Үкімет кепілдендірілген трансферт көлемін ұлғайта алмайтынын, сондықтан нысаналы трансферт сұралғанын айтты. Ал нысаналы трансферт көлемі шектелмейді.

«Неге нысаналы трансферт сұралды? Нысаналы трансферт 1,6 трлн теңге көлемінде жоспарланған еді. Енді ол 3,6 трлн болады. Өйткені ол бюджеттік...

Биыл IPO-ға шыққан Air Astana 2025 жылы алғаш рет акционерлеріне дивиденд төлеуі мүмкін. KASE Talks-те «Самұрық-Қазына» қорының басқарма төрағасы Нұрлан Жақыпов осы мәселе қарастырылып жатқанын айтты.

«Оның үстіне ертең, жақсы, ертең емес – келесі жылға дивиден төлеу жоспарда бар. Әуе компаниясы тапқан табыстан ең алдымен қарыз өтеліп, компания дамуына инвестиция салу керек. Алайда ең бастысы – инвесторларға дивиденд төлеуі тиіс», – деп атап өтті Жақыпов.

Ол Air Astana компаниясының акцияларына инвестиция салуға басты себеп – дивиденд алу мүмкіндігі деп атап өтті. Қазір компания акциялары Қазақстан қор биржасы (KASE), AIX және Лондон қор биржасында (LSE...

10 қазанда Өскемен қаласында тұңғыш рет ұйымдастырылған Oskemen Open 2024 халықаралық шахмат турнирі өз мәресіне жетті. Бұл турнирге әлемнің 15 елінен белгілі гроссмейстерлер мен халықаралық дәрежедегі шеберлер қатысты. Шараны Қазақстан шахмат федерациясы мен Шығыс Қазақстан облысы әкімдігі ұйымдастырды.

Федерацияның мәліметінше «Masters» турнирінде 1900-ден жоғары рейтингі бар 121 спортшы қатысса, «Open» санатына 2100-ден төмен рейтингі бар 74 шахматшы қатысты.

Негізгі турнирдің жеңімпазы – 29 жастағы украиналық гроссмейстер Виталий Бернадский (2530) болды. Ол алғашқы турдан бастап көш бастап, соңғы турларда да өз артықшылығын сақтап, жеңіске жетті. Бернадский 5 млн теңге көлемінде ақшалай сыйақы алды. Екінші орынды қытайлық гроссмейстер Бай Цзиньши...

«Самұрық-Қазына» қорының төрағасы Нұрлан Жақыпов Qazaq Air әуе компаниясын вьетнамдық SOVICO Group холдингіне сату бойынша мәміленің аяқталуы неліктен кешіктіріліп жатқанын түсіндірді.

Жақыповтың айтуынша, қазір мәміле аяқталу сатысында. Бұл процесс жыл соңына дейін толық шешіледі деп күтілуде. Десе де рәсімнің кешіктірілуінің бірнеше себебі бар.

«Мәміле жүріп жатыр. Алайда белгілі бір ескеретін жайттар бар. Жыл соңына дейін біз бұл келісімді толықтай жүзеге асырамыз деп ойлаймын. Инвестор біздің нарыққа, макроортаға, іргелес мемлекеттерге және геосаяси жағдайға қатысты барлық ықтимал тәуекелді зерттеп жатыр. Өздеріңіз білесіздер, Таяу Шығыста геосаяси жағдай өзгерді», – деп жауап берді қор төрағасы KASE Talks шарасынан кейін журналистерд...