Жаңалықтар

Құрылысы 2018 жылы басталған Қарағанды-Балқаш тас жолының алғашқы төрт жолағы ашылды. Бұл туралы Көлік министрлігінің баспасөз қызметі хабарлады.

Ведомствоның мәліметінше, Астана мен Алматы қалаларын қосатын Орталық-Оңтүстік дәлізінің учаскелерінде қозғалыс ашылып, жолды қолданысқа тапсыру жұмыстары жүріп жатыр.

«Бүгін Қарағанды-Балқаш күре жолының алғашқы төрт жолағы ашылды. Қарағанды қаласынан Ақбастау ауылына дейінгі аралықта жаңа асфальт төселіп, төрт жолақты жол толығымен ашылды. Жол қозғалысы қауіпсіздігін қамтамасыз ету үшін тосқауыл қоршауы орнатылды», – деп жазылған министрлік хабарламасында.

Айта кетейік, Қарағанды-Балқаш күре жолының жалпы ұзындығы – 363 шақырым. Күре жол I санатқа ие және төрт жолақтан тұрады. Қайта құру жұмыстары аясында...

АҚШ-та жеке медициналық клиникалар желісі мен ет өнімдерін өндірушілердің IPO-сы, сондай-ақ миллиардер инвестор Билл Экман қорының листингісін өткізу жоспарланып отыр. Үндістанда келісімшарттық фармкомпания биржаға дайындалып жатыр. Бразилиялық майлау материалдарын өндіруші, Филиппиндегі сумен жабдықтау қызметтерін ұсынушы және Таиландтың ірі музыкалық компаниясы да жария компанияға айналуды жоспарлап отыр. Қысқасы, шілде айының ортасына қарай IPO әлемінде не өзгеріс болып өткенін әңгімелейік.

Кімдер биржаға акцияларын орналастырмақ болып жатыр?

— Ardent Health жекеменшік медициналық клиникалары желісінің көздегені – IPO арқылы шамамен 3,15 млрд доллар тарту. Компания 20 доллардан 22 долларға дейінгі бағамен 14,3 млн акциясын сатып, 314,6 млн доллар жинап алмақ. Қағаздарын Нью-Йорк...

Кейінгі 10 жылда БЖЗҚ активтерінің орташа нақты жылдық инвестициялық кірісі небәрі 0,1%-ды құраған. Болашақта қор жыл сайын 2% табыс алуды көздеп отыр. Алайда бұл көрсеткіш Солтүстік Еуропа, Солтүстік Америка және Азия елдеріндегі зейнетақы қорларының қазіргі кірісінен 2,5 есе төмен. Halyk Finance басқарма төрағасының кеңесшісі Мұрат Темірханов БЖЗҚ активтерінің инвестициялық кірісін арттыру үшін басқару саясатына өзгеріс енгізу қажет деп тұжырымдайды.

2014–2023 жылдары БЖЗҚ активтерінің орташа жылдық нақты кірістілігі дамыған елдердегі 4,5%-бен салыстырғанда, 0,1%-ды ғана құрады. Halyk Finance сарапшылары БЖЗҚ кірістілігін арттыру үшін аса консервативті емес инвестициялық стратегияларға көшу қажет деген пікірде. Ол үшін мемлекеттік және квазимемлекеттік сектордың тиімді кірісті қамтамасыз...

Сыбайлас жемқорлыққа қарсы агенттік кәсіпкерден жүйелі түрде 40 млн теңгеден астам пара алды деген айып тағылған ТЖМ-нің Өртке қарсы қызметінің төрағасына, Шымкент қаласы мен Жетісу облысы ТЖД бастықтарына қатысты тергеуді аяқтады. Сонымен қатар «Ертіс Орманына» қатысты заңсыз әрекетердің нәтижелерін жариялады. Білім саласындағы жемқорлық істері де әшкере болды.

Антикор қылмыстық топтар және жүйелі жемқорлықпен күрес туралы шараларының нәтижелерімен бөлісті. Агенттіктің мәліметінше, биыл жемқорлыққа қатысты 49 дерек анықталып, 212 адамның қылмысы әшкереленген.

«Мәселен, Агенттік ҚР ТЖМ Өртке қарсы қызметінің төрағасына, Шымкент қаласы және Жетісу облысы ТЖД бастықтарына қатысты тергеуді аяқтады. Лауазымды тұлғалар жалпы сомасы 40 млн теңгеден астам...

Кувейт мұнай корпорациясының басшысы шейх Наваф Әл-Сауд әл-Сабах үлкен әлеуеті бар, жаңа Нухата мұнай кен орнының ашылғанын жариялады. Бұл туралы Kuwait Times газеті хабарлады.

Басылым мәліметі бойынша, жаңадан табылған мұнай кен орны ел астанасынан 20 шақырым жерде Файлака аралының жанында орналасқан. Мұнда мұнай мен газ қоры шамамен 3,2 миллиард баррельді құрайды. Салыстырмалы түрде үш жыл ішінде Кувейттің барлық кен орнында осынша мөлшерде мұнай өндіреді.

Айта кетейік, кен орнын Kuwait Oil Company ашты. Компания өз мәлімдемесінде мұнайды әзірлеу Кувейттегі көмірсутектер қорын арттыруға, сондай-ақ нарықтағы ұсыныстың тұрақтылығын қамтамасыз етуге және елге ең ірі мұнай өндірушілердің бірі мәртебесін сақтауға мүмкіндік беретінін атап...

«Freedom Insurance СК» АҚ басқарма төрағасының орынбасары Александр Тулешов Қазақстандағы сақтандырушылар өнімді цифрландыру саласында серпіліс жасады деп отыр. Бұл қазақстандықтардың өмірін қауіпсіз етіп, әрі жолдағы тәуекелдерді жабуға көмектесетінін айтады маман.

Сақтандыру брокерінің лицензиясы

Көктемде ҚНРДА сақтандыру делдалдарының жұмысын реттеуді ұсынған. Оған сәйкес делдалдар сақтандыру брокерінің лицензиясын алуы керек. Өйткені заңды түрде сақтандыру брокері шығындарды өңдеу және өтеу бойынша делдалдық қызметпен айналысуға құқылы екен.

«Қазір олар мұны заңсыз істеп жатыр. Олардың табысының деңгейі еш жерде көрсетілмейді, делдал жәбірленушінің сенімхаты негізінде соманы қолма-қол алады, ал салықтар бұл ақшадан ұсталмайды», – дейді Тулешов.

Сонымен қатар...

Демалыс күндері Алматыда осымен екінші рет Toyla music festival өтті. Іс-шараға келген қала тұрғындары мен қонақтары заманауи музыка тыңдап, ырғақты әуенге билеп, шығыс базарын аралады. Kursiv Media тілшісі де көңілді кешке барып, шараның қалай өткенін көріп қайтты.

Ұйымдастырушылар – Mushrooms және Pixy агенттіктері. Ұйымдастырушылардың айтуынша, Toyla music festival – келген әрбір қонақ инклюзивтілікті, адамдардың, ерлер мен әйелдердің, нәсіл мен ұлттардың, барлық жас пен әлеуметтік статустың теңдігіне құрметпен қарай отырып, өмірді тойлайтын алаң.

Шара биыл да түрлі отандық бренд ұсынған жәрмеңке алаңын ұйымдастырып, шығыс базары стилінде өтті. Первомай тоғанында түрлі музыкалық бағыт, елдер мен қалалар, трендтер мен дәстүрлер үйлесім тапты.

Ұйымдастырушылар...

Шымкенттің экс-әкімі Мұрат Әйтеновтің ағасы Марат Әйтенов бұрынғы әйеліне шабуыл жасағаны үшін 5 күнге қамауға алынды.

Астана қаласының әкімшілік құқық бұзушылық жөніндегі мамандандырылған ауданаралық соты Әкімшілік кодекстің 73-бабының 1-бөлігі бойынша Мұрат Әйтеновке қатысты істі қарады.

«Істің мән-жайы бойынша, құқық бұзушы үйдегі отбасылық жанжал кезінде бұрынғы жұбайының абыройы мен қадір-қасиетін қорлап, оның атына дөрекі сөйлеген. Осылайша оған құрмет көрсетпей, басқа адамдардың тыныштығын бұзған», – делінген сот хабарламасында.

Әйтеновтің бұрынғы әйелі Дана Атешованың айтуынша, Әйтенов үйден көшіру кезінде оған шабуыл жасап, денесіне зақым келтірген. Сот құқық бұзушылықтың мән-жайлары әкімшілік құқық бұзушылық туралы хаттамамен, бейнежазбамен, жәбірленушінің түсіндірмелерімен...

ҚР Жоғары аудиторлық палатасы Денсаулық сақтау министрлігіне тексеріс жүргізіп, нәтижесінде дәрілер бағасының орынсыз көтерілгенін, оларға лайықты деңгейде бақылау жүргізілмейтінін анықтаған. Бұл жайлы Жоғары аудиторлық палатаның баспасөз қызметі хабарлады.

Баспасөз қызметінің хабарлауынша, Жоғары аудиторлық палата төрағасы Әлихан Смайылов халықты дәрі-дәрмекпен және медициналық бұйымдармен қамтамасыз ету бөлігінде Денсаулық сақтау министрлігі мен оның ведомстволық бағынысты ұйымдары қызметінің тиімділігіне жүргізілген аудит қорытындысы бойынша отырыс өткізген.

Жүргізілген аудит барысында фармацевтикалық өнім айналымы саласында 36 жүйелік кемшілік анықталған. Атап айтқанда, министрлік бағдарламалар әзірлеу кезінде отандық фармацевтикалық өндірісті дамытуға басымдық бермейтіні, дәрілік заттарды шығару кезінде қазақстандық шикізат іс жүзінде пайдаланылмайтыны белгілі болған. Солайша отандық дәрілік...

Қазақстан даму банкі (ҚДБ) агроөнеркәсіптік кешен мен тағам өнекәсібін дамытуға 500 млрд теңге бөледі. Бұл қаржы 2024-2029 жылдары АӨК , тағам және сусын өндірісі секторындағы инвестициялық жобаларды қолдау бағдарламасы аясында бөлінбек. Бағдарламада АӨК-тегі өңделген өнім үлесін 70%-ға дейін арттыру міндеті қойылған.

Бағдарлама аясында бөлінетін қаржы 500 млрд теңгені құрайды. Фермерлер 5-20 жылға 3 млрд теңгеден бастап қаржы ала алады.

«Бағдарламаның негізгі мақсаты – импортты алмастыру және экспортты кеңейту мақсатында ауыл шаруашылығы өнімдерін қайта өңдеуге бағытталған инвестициялық жобаларды қолдау. Осы бағдарлама аясында екі инвестициялық жоба мақұлданды – бұл ет өндіретін құс фабрикасы және қапталған...

Ресей Орталық Азиядан келген еңбек мигранттары үшін бейімделу курсын әзірледі. 70 минутқа созылатын курста азаматтар РФ еңбек заңнамасы, мінез-құлық ережелерімен танысады. Оның ішінде әйелдер мен ерлерге ысқырмауға және «ағасы» немесе «әпке» деп шақырмау туралы кеңестер ұсынылады.

Ресейдің «Коммерсантъ» басылымының хабарлауынша, шетелдік мигранттарға тарихқа қысқаша экскурсия да жасалады. Онда «КСРО бюджетінен бөлінген қыруар қаржы Орталық Азия республикаларының серпінді дамуына мүмкіндік берді» деген мәліметтер айтылады.  

Орталық Азия аймағынан келген мигранттарды әлеуметтік-мәдени бейімдеу бойынша курсты Ұлттық істер жөніндегі федералдық агенттік әзірлеген. Бүгінде курс Ресейдің төрт аймағында, соның ішінде Мәскеуде де сәтті сынақтан өткен.

«Бүгінде Ресей...

Үкімет шешімімен Ұлттық қор есебінен 467,4 млрд теңгеге «Қазатомөнеркәсіп» акционерлік қауымдастығының акциялары сатып алынады.

«Қазақстан Республикасының Үкіметі республикалық бюджетті қаржыландыру мақсатында Ұлттық қорға жалпы сомасы 467,4 млрд теңгеге «Қазатомөнеркәсіп» АҚ акцияларын сатып алу туралы шешім қабылдады», – делінген Ұлттық банк хабарламасында.

Үкімет шешімін іске асыру үшін Ұлттық банк Ұлттық қордан шамамен 970 млн АҚШ доллары сомасына шетел валютасын теңгеге айырбастайды.

Ұлттық банктің ақпаратына сүйенсек, операцияның жоспардан тыс болуына байланысты көлемді қысқа уақыт аралығында сату валюта нарығының теңгерімділігіне елеулі әсер етуі мүмкін.

Сондықтан Ұлттық банктің алтын-валюта резервтеріне қор активтерін тікелей сату арқылы Банк біржолғы конверсиялы...

OpenAI компаниясы ChatGPT мүмкіндіктерінен асып түсетін жасанды интеллект үлгісін әзірлеп жатыр. Әзірге бұл жобаға «Strawberry» деген кодтық атау берген. Бұл жайлы жеке дереккөздеріне сілтеме жасап, Reuters басылымы хабарлады.

Басылымның хабарлауынша, жобаның қашан шығатыны әлі белгісіз. Десе де, басылым Strawberry жобасымен OpenAI құрамындағы командалар жұмыс істеп жатқанын жазады.

Бұл жобаның ChatGPT-ден ерекшелігі – ол сұраныстарға жауап беріп қана қоймай, сонымен қатар интернетте автономды зерттеу жүргізе алады. Яғни бұл ЖИ ғаламторға «терең талдау» жүргізеді.

Басылымға мәлімет берген дереккөздің хабарлауынша, жаңа жасанды интеллектіге әлемді дәл адам секілді қабылдау мүмкіндігін беру көзделген.

«Біз AI модельдерімізд...

АҚШ-тың бұрынғы президенті Дональд Трампқа жасалған шабуылдан кейін оның алдағы сайлаудағы жеңісіне деген сенім артуда. Бұған қоса, оқиғадан кейін сарапшылар сауда-саттық нарығының жандана түсетінін жазған.

Reuters сарапшылары сайлауалды митингісіндегі шабуылдан кейін Трамптың Ақ үйге оралу мүмкіндігі арта түскенін жазған. Басылымның жазуынша, оның президенттік перспективасының артуы доллар бағамының өсіп, АҚШ қазына кірісі мен Азиядағы сауда нарығының ауытқуына алып келген. АҚШ-тың он жылдық қазынашылық фьючерстері шамамен 13 пунктке төмендеді, ал доллардың еуро мен иенаға қатысты бағамы өскен.

Сарапшылар қазіргі президент Джо Байден жұмыссыздық төмендеуіне инфляцияның баяулауына жұмыс істейтінін атап өткен. Алайда АҚШ экономикасы үшін ең жақсы кандидат Трамп деп есептейді. Трампты...

«ВКонтакте» әлеуметтік желісінің және Telegram мессенджерінің негізін қалаушы Павел Дуров Қазақстанға сапары туралы ойымен бөлісті.

Дуров Қазақстанды Орталық Азияның экономикалық державасы деп атап, елімізге сапары туралы жазды. Ол Астананың маңыздылығын, Алматының тыныс-тіршілігі, Бурабайдың көркемдігі мен Шарын каньонын ерекше атап өтті.

«Қазақстанның сұлулығымен оның амбициясы ғана бәсекелесе алады. Ел бизнеске қолайлы саясат пен салықтардың арқасында халықаралық компаниялар мен технологиялық стартаптарды тартады. Сондай-ақ инновациялық мектептер мен университеттерді қолдау арқылы білім беру және ғылым саласындағы позицияларын жақсартады», – деп жазды ол өз парақшасында.

Дуровтың жазуынша, 20 миллион қазақстандықтың 12,5 миллионы Telegram желісін ай сайын қолданады, бұл өткен...

14 шілде күні жаңбыр жауғаннан кейін, Ош қаласын сел нөпірі әбігерге салды. Табиғи апат салдарынан Ак-Буура өзені тасып, көпір қирады. Алапат тасқын Оңтүстік-шығыс аудандағы Төменгі базарға жеткен. Орталық базар да тасқын астында қалып, қала аймағында төтенше жағдай жарияланды.

Бейнежазбалардан қала тұрғындарының жапсарлас салынған жер үйлердің үстіне шығып кеткені анық көрінеді.  Шаһарда су беру тоқтатылды. Қазіргі уақытта апаттық-құтқару жұмыстары жүріп жатыр.

Ош шаһарының әкімдігі баспасөз қызметінің жетекшісі Жұмамидин Сулайманқұлов Төлөйкөн ауылындағы «Мөлдір бұлақ» демалыс орнында тыныққан төрт адамды сел ағызып алып кеткенін хабарлады. Озгур ауылында тұрғындар мініп жатқан КамАЗ көлігі теңселіп, бір адам қаза тапты. Араван-Ак Буура каналына жет...

Шымкенттің экс-әкімі Мұрат Әйтеновтің ағасы Марат Әйтенов тергеу абақтысына қамалып, оның ісі сотқа жолданды.

12 шілде күні Әйтенов бұрынғы әйелі Дана Атешова мен бала-шағасын үйінен күшпен шығармақ болған. Дана жанжал туралы Instagram парақшасында баяндап, видео жариялады. Бейнежазбадағы ер адам оны шашынан сүйреп, зорлық-зомбылық көрсеткен.

Келесі күні Дана Атешова Президент Қасым-Жомарт Тоқаевтан бейнеүндеу арқылы бұрынғы күйеуі – М. Әйтеновтің қыспағынан арашалауды сұрады. Одан кейін Әйтеновті құқық қорғау органдары ұстады.

Дана Атешова әлеуемттік желі арқылы өзі мен балаларының қауіпсіздігіне кепілдік беретін қорғаныс нұсқаулығын алғанын хабарлады. Оны үйден күштеп шығармақ болғанда полиция қызметкері қам-қарекетсіз тұрған. М. Әйтенов Қазақстанның даму банкі, «Астана» халықаралық қаржы...

2020 жылы пандемия кезіндегі объективті құлдыраудан кейін көптеген банктің жарнамаға арналған бюджеттері тұрақты өсуде. «Курсив» қаржы институттарының қосымша бөлінген қаражатты қалай пайдаланғанын анықтады.

Біздің есебіміз бойынша, 2023 жылы ЕДБ-лар банкті жарнамалық тұрғыдан ілгерілетуге 30 млрд теңгеден астам қаражат жұмсаған. Бұл бір жыл бұрынғыға қарағанда 10 млрд теңгеге немесе 48%-ға көп. «Курсив» осы шолуда 14 банкті назарға алды. Оның ішінде ең аз бюджет санкция салынған ВТБ-да (249 млн теңге). Қалған  жеті банк – алты шетелдік және Заман банк жарнамаға қызығушылық танытпаған. Былтырғы жылы аталған банктер жарнамаға тек 61 млн теңге жұмсаған.

Банк секторында бәсекелестеріне қарағанда жарнамаға ақша көп салған үш ойыншы...

Заттар интернеті (IoT) деп құрылғылар арасындағы деректерді жеткізетін желі концепциясын айтады. Яғни IoT ішінде адамдармен заттармен, заттар — басқа заттармен тілдесе алады. Мысалы, сіз жоқ кезде үйге ұры түссе, ақылды жүйе сізге хабарлап, тіпті полиция шақыра алады. Сонда бұл неткен ақылды жүйе болғаны? Ол қалай жұмыс істейді? Кемшіліктері бар ма? Kursiv Media тілшісі осы тақырыпта шолу дайындады.  

Заттар интернеті деген не?

Бұл жүйе құрылғыларды компьютер желісіне біріктіріп, сол арқылы деректерді жинап, оларға анализ жасап, өңдеп, басқа объектілерге бағдарлама жасақтамасы, қолданба не техникалық құрылғылар көмегімен жіберіп отырады. IoT-құрылғылар өздігімен қосылып, жұмыс істей алады. Бірақ қолданушылар қалауынша баптаса болады. Мұндай жүйелер реал тайм...

Қазақстанда кәсіптік балық аулау негізінен Атырау, Алматы, Шығыс Қазақстан, Қызылорда және Түркістан облыстарында жүргізіледі. Өзен-көлдерде жыл сайын шамамен 45-50 мың тонна балық ауланады.

Ауыл шаруашылығы министрлігінің ақпараты бойынша, 2021 жылмен салыстырғанда балық өсіретін шаруашылықтардың саны 2023 жылы 2,5 есе артып, 502-ге жетті. Ал балық өсіру көлемі 7-ден 17 мың тоннаға дейін ұлғайды. Каспий және Арал теңіздерінің, Балқаш және Зайсан көлдерінің, Алакөл көлдер жүйесінің, Бұқтырма, Қапшағай, Шардара су қоймалары балық баптауға қолайлы.

«2023 жылы мемлекеттік балық өсіру кәсіпорындары мен жеке балық өсіру шаруашылықтары мемлекеттік тапсырыс шеңберінде бағалы балық түрлерінің 100 млн дана шабақтарын өсірді. Бұл – 2021 жылмен салыстырғанда 25%-ға арты...

Ұлттық тестілеу орталығы грант конкурсына құжаттарды қабылдаудың бірінші күнінің қорытындысын ұсынды. Сенбі, 13 шілдеде, 14 мыңға жуық талапкер құжаттарын тапсырды. Оның ішінде «Алтын белгі» иегерлері – 753, «Үздік аттестат» иегерлері – 1561.

Талапкерлердің ең көбі – 3339 түлек «Педагогикалық ғылымдарға» өтінім берген. «Инженерлік өңдеу және құрылыс салалары» бойынша 2565, «Ақпараттық-коммуникациялық технологиялар» бойынша 1984 құжат тапсырылды.

13 шілдеден бастап 24 шілдеге дейін жоғары оқу орындары құжат қабылдайды. 2023-2024 оқу жылына жоғары білімнің білім беру бағдарламалары бойынша оқу үшін барлығы 78219 грант бөлінді. Оның ішінде Қазақстан Республикасының Үкіметі айқындаған өңірлерге қоныс аударатын ауыл жастарына 3903 грант берілмек.

Мүгедектігі бар, көп балалы...

АҚШ-тың бұрынғы президенті Дональд Трампқа оқ атқан адамның есімі белгілі болды. Күдіктінің аты-жөні  – Томас Мэтью Крукс. New York Post жариялаған ақпарат бойынша ол өзі оқ атқан ғимаратта қаза болды. Трамп  Пенсельвания штатының Батлер қаласында сайлаушылармен кездескен.

Крукс 130 километр жердегі өнеркәсіп ғимаратында болған.

BBC-дың жазуынша Крукс Бетлерден 70 шақырым жердегі Бетел-Прак қаласынан. Ол шамамен оншақты оқ атып үлгерген. Қастандық алдында 20 жастағы жігіт әлеуметтік желіде Дональд Трампты және республикашыларды жек көретінін айтып бейнежазба жариялап, кейін оны өшіріп үлгерген.

Оқ Трамптың оң құлағының үстін жанап өткен. Митинг кезінде екі адам қаза тапты. АҚШ Президенті Джо Байден бұл қастандықты...

Еуропа құрлығының үздігін анықтау үшін 24 құрама биыл Германия төрінде бір айға жуық футбол «тойында»өнер көрсетті. Бұл дода несімен есте қалды, назарларыңызға Еуро-2024-тің ерекше оқиғалармен бөлісеміз.

Еуро додасында ойнаған ең жас футболшы

Биылғы маусымның басты жаңалығы болған 16 жасар Ламин Ямаль Испания құрамасының көшбасшылардың біріне айналды. Футбол тарихында бірден бірнеше рекордты бұзды.

Айта кететін болсақ. Еуро додасында ойнаған ең жас футболшы, (16 жас 338 күн). Жай ойнап қана қоймай Франциямен жартылай финал ойнында Ямаль гол салған ең жас футболшы атанып, (16 жас 362 күн) бұл көрсеткіш бойынша дәл осы Еурода тағы бір гол салған Түркияның жас футболшысы Арда Гюлерд...

АҚШ президенттігіне кандидат Дональд Трамптың Пенсильваниядағы сайлау алдындағы жиында оған қастандық жасалды. Белгілі болғандай, күдікті сахнаға қарай бірнеше рет оқ атқан.

Жиналғандардың арасында үш адамға оқ тиіп, оның бірі көз жұмды. Қалған екеуі жараланды. Трамп құлағынан жарақат алды. Бірақ оның жағдайы жақсы, деп жазды New York Post.

Оқиға орнынан түсірілген кадрларға қарағанда, Трамп АҚШ-тағы заңсыз мигранттардың саны туралы айтқан кезде көпшілік арасынан белгісіз адам оқ атқан. Болжам бойынша ол бұрынғы президенттен алыс қашықтықта орналасқан ғимаратта тұрған. Оқ Трампқа тигенге дейін күдікті терезеден секіріп, қашып кетпек болған.

Трампты қорғауға жауапты құпия қызмет өкілінің айтуынша, экс-президентке қауіп төніп тұрған жоқ және...